وزير المعادن المذكور اتضح انو زول "مسطح" ساي وما جايب خبرأو عارف كل حاجة وعايز يسطح بينا!بصفتو وزير للمعادن وقع عقد مع شركة اتضح انها شركة "وهمية". شركة مطبوخة بواسطة مجموعة من الناس - ما معروفين - عشان تستحوذ على حقوق التنقيب عن الذهب في مناطق يبدو انها غنية بالذهب وبالتالي تستولي على ربع العائدات حسب الاتفاق.من أوجب واجباتو كوزير ان يراعي مصلحة المواطن السوداني - يعني يكون زول مفتح وأمين وما بتفوت عليهو حركات سيبيريان وكاريبيان الا "بمزاجو" ..المستشار صابون "الخبير" قال ليهو ياخ دي شركة وهمية ساي - سعادة الوزير ضرب بكلامو الحيطة وفنشو "للصالح العام طبعا" ومرت الايام واتضح انو كلام المستشار صابون صحيح 100%.يتضح من الكلام الفوق ده انو الوزير يا اما:1. ما جياب خبر للدنيا2. جايب خبر ونص وخمسة * الحدث ده والاحداث المشابهة بقت حاجة عادية جدا من كتر ما الناس كل يوم والتاني بيسمعوا بيها.
11-28-2015, 06:31 PM
قلقو
قلقو
تاريخ التسجيل: 05-13-2003
مجموع المشاركات: 4742
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة