|
|
|
 Re: دى شنو كمان حكاية تعديل القرآن دى؟ (Re: انور تاج السر)
|
الأخ / أنور تاج السر
تحياتي ، ، ،
حاولت أكثر من مرة الرد على ترهات المدعو هشام آدم وكل ما أبدأ بكتابة الرد أرجع وامسحوا
لأن غير جديد بالرد عليه ..!!
ما يحيرني أنه رجل ملحد لا يؤمن بأي دين من الديانات ، لكن لا تجد موضوع يتحدث عن الدين
خصوصاً الإسلامي إلا وتجده أول المعلقين والمتداخلين ، يا عمي انت راجل ملحد وفر وقتك
وجهدك وما تشغل ذهنك بالدين طالما إنك ملحد وركز في المجال الأدبي ، أفضل وأريح لك ولنا
| |
 
|
|
|
|
|
|
|
|
Re: دى شنو كمان حكاية تعديل القرآن دى؟ (Re: جلالدونا)
|
الأخوين عثمان و جلالدونا سلام و تحية،
ياخى كان ممكن ببساطة الجوز ديل يدعو المسلمين الى التحلى بالقيم و الضمير و الاخلاق و احترام الاخر و حفظ حقوقه و صيانة الأرواح و الممتلكات (و معظم المسلمين كذلك) كنا نقول معليش مافى مشكلة، لكن ترفع توصية رعناء و غير مسؤولة بتعديل كتاب سماوى اتباعه بالمليارات؟؟ عليكم الله ده نسميه شنو؟؟؟!!!
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: انور تاج السر)
|
Quote: ما يحيرني أنه رجل ملحد لا يؤمن بأي دين من الديانات ، لكن لا تجد موضوع يتحدث عن الدين
خصوصاً الإسلامي إلا وتجده أول المعلقين والمتداخلين |
سلآم للجميع .
يا عثمان هشام آدم دا لا مُلحد ولا حاجة، هشام عامل فيها
مُلحد لكن هو زول مضطرب الأفكار، يعني حايص ؤُ لآيص،
ؤُ هو براهو بينو وبين نفسو عارف إنو بيعاني من إضطراب
في التفكير لذلك لآزم، لآزم تلقاهو لآفي في البوستات الزي
دي عسى يجد مخرج من حيرته . هشام ما مُلحد ...
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: معاوية المدير)
|
الأخ أنور
سلام
أنا أكتب كتير ولكنى قولا واحد لا أقرأ كل البوستات.. ولا أعتقد أنك تقرأ كل بوست او اى مداخلة تكتب، اليس كذلك؟
لذلك أقول ان مسؤوليتك الأدبية ان تكتب بوست مكتمل من النصوص التي علقت عليها بأنها دعوة من دينق وهشام ادم لتعديل للقران.. وأقول لك ما في زول عاقل يدعو لتعديل القران، بل لا يستطيع احد ان يعدله..
وفى هذا القران لا يحتاج ان يدافع عنه اى شخص لأن حقظـه تكفل به ذو العزة والجلال.. ارتاح من دى.
دحين انت مسؤول بإيراد الدليل لأنك إدعيت الدعوة للتعديل، وفى الشريعة البينة على من ادعى.. ولا يمكن ان ترمى إتهام مثل هذا ثم تطلب من الناس ان يقرأوا الاف الصفحات في سودانيزأونلاين.
جيب النصوص وسوف نكون معك إن كانت صحيحة، ولا تعتقد انك المسلم الوحيد وحامى حمى القران.
وحتى تأتى بالنصوص هاك التحدى دا:
حسب معرفتى بالأخ دينق فلا يمكن ان يكون حتى قريبا من الدعوة لتعديل القران.. أما هشام فهو أساسا لا يؤمن بالدين او الله، فليس هناك معنى لدعوته لتعديل القران..
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: Abureesh)
|
| Quote: حسب معرفتى بالأخ دينق فلا يمكن ان يكون حتى قريبا من الدعوة لتعديل القران.. |
الأخ أنور, تحياتى
أوافق الأخ أبو الريش فيما يخص الأخ والصديق دينق .
بالتأكيد إثارة مثل هذه الإتهامات الخطيره والتى تمس العقائد الروحيه ضد الآخرين
وبدون دليل يؤدى إلى نتائج سالبه ومضره .
حسب معرفتى الشخصيه للأخ دينق والتى تمتد إلى عشرات السنين أنه شخصٌ محترم
ويحترم كل الأديان وكل المعتقدات الروحيه .
| |
|
|
|
|
|
|
|
|
 Re: دى شنو كمان حكاية تعديل القرآن دى؟ (Re: Abureesh)
|
كلامك صاح يا ابو الريش
لا أحد يقرأ كل البوستات ولا أظن كمان كل (عناوين) البوستات
لذلك -يا انور أخوي- عليك أن تعطي الناس سطر توضيحي لمّا تفتح بوست مستولد من، أو refers لبوست تاني.
دي حاجة
الحاجة التانية يا ابو الأنوار ما تستعجل في تفسير مداخلات الناس حتى لا تقع في سوء الفهم وتخسر رواد البوست
مثلما فعلت مع الأخ أيمن محمود (ابوبكر عباس دا دمو تقيل وما ح يشتغل بي قهمتك ليهو)
كدي راجع نفسك، يمكن تلقى روحك مطالَب باعتذار لأيمن وأبوبكر
بس اوعى ترد علي بطريقة تجد فيها روحك محتاج لاعتذار تجاهي أنا كمان
رغم الترقيدات بتاعت أخوي وأبو الأنوار دي+ الضحكة
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: جلالدونا)
|
Quote: ما حذر عنه الاستاذ محمود وخرج في سبيله هو وتلاميذه وتلميذاته الان اتضح للعالم
ويكابرون لا وسيلة للعقل المسلم من مخارجه من هذا الشرك الا الفكرة الجمهورية مش عشان يعتنقها من يحب او لا
بل لسلامة العالم
حيث ان الاسلام برسالته الولي هي دي عمايله |
ياسر الشريف
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: جلالدونا)
|
Quote: شكرًا عزيزي مرتضى عبد الجليل
ومن أساليب دفن الرمال القول بمرحلية هذه الآيات وأنها منسوخة بآيات الإسماح المكية "المؤجلة" .. أو بمعنى آخر التبرير لوجودها في المصحف
لا مفر من الإقرار بحقيقة واحدة واضحة وجلية جدًا للعيان (الإسلام دين إرهابي منذ نشأته) ونصوصه القرآنية وأحاديثه "الصحيحة" والتاريخ الإسلامي
والسيرة النبوية كلها تدل على ذلك .. ففيم المُجادلة؟
ما يقول به الجمهوريون من أنَّ الآيات المكية هي الأصل في الإسلام وأن الآيات المدنية تاريخية مرحلية هو "إقرار" ضمني بأن الرسول نفسه مارس
الإرهاب في زمانه وأن هذا الإرهاب كان مبررًا في وقته، وهذا أكبر وأشنع. مثل هذه الحجج الواهية هي التي تحول دون مواجهة أس المشكلة وتجعلن
على الدوام نطعن "ظل الفيل" وبالتالي تعوق حل المشكلة من جذورها .. على المسلمين (إن كانوا جادين في حل المشكلة) أن يُراجعوا القرآن نفسه،
-----------------------------------------------------------------------------
وليس التراث الإسلامي (فالقرآن نفسه تراث أصلًا)، وأن يعترفوا ببشاعة هذه الآيات وأن يلغوها من المصاحف،
---------------------------------------------------------------------------------------------------------------
ثم فمرحبًا بهم في عالم الإنسانية
التي يتحدثون عنها، فلا إنسانية ممن يُبرر للعنف الموجود في القرآن و "يُقدسه" باعتباره كلامًا إلهيًا
هشام ادم ... 1
طالما ظلت هذه الآيات القرآنية فسوف يظل بيض الإرهاب يُفقس |
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: جلالدونا)
|
Quote: شكرًا عزيزي مرتضى عبد الجليل
ومن أساليب دفن الرمال القول بمرحلية هذه الآيات وأنها منسوخة بآيات الإسماح المكية "المؤجلة" .. أو بمعنى آخر التبرير لوجودها في المصحف
لا مفر من الإقرار بحقيقة واحدة واضحة وجلية جدًا للعيان (الإسلام دين إرهابي منذ نشأته) ونصوصه القرآنية وأحاديثه "الصحيحة" والتاريخ الإسلامي
والسيرة النبوية كلها تدل على ذلك .. ففيم المُجادلة؟
ما يقول به الجمهوريون من أنَّ الآيات المكية هي الأصل في الإسلام وأن الآيات المدنية تاريخية مرحلية هو "إقرار" ضمني بأن الرسول نفسه مارس
الإرهاب في زمانه وأن هذا الإرهاب كان مبررًا في وقته، وهذا أكبر وأشنع. مثل هذه الحجج الواهية هي التي تحول دون مواجهة أس المشكلة وتجعلن
على الدوام نطعن "ظل الفيل" وبالتالي تعوق حل المشكلة من جذورها .. على المسلمين (إن كانوا جادين في حل المشكلة) أن يُراجعوا القرآن نفسه،
-----------------------------------------------------------------------------
وليس التراث الإسلامي (فالقرآن نفسه تراث أصلًا)، وأن يعترفوا ببشاعة هذه الآيات وأن يلغوها من المصاحف،
---------------------------------------------------------------------------------------------------------------
ثم فمرحبًا بهم في عالم الإنسانية
التي يتحدثون عنها، فلا إنسانية ممن يُبرر للعنف الموجود في القرآن و "يُقدسه" باعتباره كلامًا إلهيًا
هشام ادم ... 1
طالما ظلت هذه الآيات القرآنية فسوف يظل بيض الإرهاب يُفقس |
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: معاوية المدير)
|
يا جلالدونا باللاى خلى النصوص الما عندها علاقة بالموضوع..
جيب دليل عن الدعوة لتعديل القران.. أي كلام تانى ما حيكون عنده فائدة لك.
أكرر "تعديل القران".. هات دليل بالنص، وليس فهمك انت للنص.. جيب النص ونحن نفهمه بطريقتنا ولنا عقول ولسنا بحاجة لعقول اخرين لتفسر لنا.
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: معاوية المدير)
|
| Quote: لماذا أمر محمد قتل عبد الله بن أبي السرح؟ هل لأنه "قاتل" وحمل سيفًا، أم لأنَّه قدَّم نقدًا في صميم الوحي؟ |
هشام ادم
اها فى الحتة دى عندى راى
الفرق شنو بين النقد و التزوير و خيانة الامانة فيما املى عليه كتابته و كتب غيره بتعمد واضح
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: جلالدونا)
|
Quote: المُشكلة وين يعني ؟، وإذا كانت هنالك مشكلة ستظل قايمة يا جلالدونا
لأنو الناس ديل رافضين لكل التفسيرات بالنسبة للآيات !... |
و ده أٌس المشكلة يا مدير .. غايتو بالنسبة لى صعب اقنع زول ده رأيو
و يا ريت لو رأى انما تثبيت حالة تستوجب ادانة كلام الله
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: جلالدونا)
|
يا ابو الانوار .. دى ما قالا ود الزبير....
اتفق تماما مع ما ساقه اخونا معاوية فيما كتبته فى حق الاخ ايمن و الاخ بكورتى
بصراحة يلزمك اعتذار واضح و جلى للاخوين الكريمين
نعم نختلف معهما اذا كانت هناك اسباب للاختلاف و لكن لا ىحجر عليهما فى ابداء ما يرونه صحيحا
معاك الاسئلة التعسفية بتقوم بى كثافة الزول لكن الحوار داير صبر
لو سمحتا اعتذر و خلينا فى المهم الاهم من الاهم ,,
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: أبوبكر عباس)
|
| Quote: أنتو هشام ادم المسكين ده ما عندو وجيع نهائى:) |
سلآمات يا انور .
والله يا انور هشام آدم دا يكون مُلحد أو يكون مُدعي الإلحاد فهو
من اكثر الناس تهذيباً وانا علي ذلك من الشاهدين .
يا مستنير يا ريت في الأوّل تقبل الإعتذار، بعد دآك
الباقي كلو ملحوّق . إنت مالك زول لِكّة كدي ؟...
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: جلالدونا)
|
Quote: يا جلالدونا باللاى خلى النصوص الما عندها علاقة بالموضوع..
جيب دليل عن الدعوة لتعديل القران.. أي كلام تانى ما حيكون عنده فائدة لك.
أكرر "تعديل القران".. هات دليل بالنص، وليس فهمك انت للنص.. جيب النص ونحن نفهمه بطريقتنا ولنا عقول ولسنا بحاجة لعقول اخرين لتفسر لنا |
امنت برب العالمين
مجرد المطالبة بالجذف بعتبر شكل من اشكال المطالبة بالتعديل
عليك الله ما تجرنى لى حتة ما بتفوت على مستواك العقلى
اّية ...و احدهم طلب حذفها من القرءان
انا لا جبتا نص و لاعندى راى فى نص
لا تحملنى ما لا احتمل
كل الامر نقلت المداخلات ... التى اظن .... ان اخونا انور اعتمد عليها فى هذا المفترع
و ابديت ما اراه فى مداخلة واحدة بس
كيف بعنى تجى تخمنى بى كلام ديب و ما تجيب
اقرا صاح يا ابو الريش ...
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: انور تاج السر)
|
**مجرد المطالبة بالجذف بعتبر شكل من اشكال المطالبة بالتعديل**
يا جلالدونا انا رأيت ان اترك هذا الخيط بعد إعتذارك بدون أن يطلب منك، والمقدر والمشكور عليه .. لكن عبارتك الأخيرة هذه تستحق التعليق.
فأولا ما في نص حتى الان.. والمطالبة بالحذف يعنى شنو؟ والقالها منو؟ والنص وين؟ يا خى ارتاح وريح الناس وجيب النص، بعد داك نحن نقطعه او نفهمه حسب تحليلنا نحن.
الحذف أو التعديل.. الاتنين مافى نص يدعم انو في زول فالهم غيرك في البوست دا.
تحياتى
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: Abureesh)
|
اوكى يا ابو الريش
الاية المقصودة قوله تعالى
| Quote: "فإذا انسلخ الأشهر الحرم فاقتلوا المشركين حيث وجدتموهم وخذوهم واحصروهم واقعدوا لهم كل مرصد فإن تابوا وأقاموا الصلاة وآتوا الزكاة فخلوا سبيلهم إن الله كان عليا كبيرا".. |
الاية اوردها اخونا ياسر و علق اخونا هشام ادم عليها بقوله
Quote: على المسلمين (إن كانوا جادين في حل المشكلة) أن يُراجعوا القرآن نفسه، وليس التراث الإسلامي (فالقرآن نفسه تراث أصلًا)، وأن يعترفوا ببشاعة هذه الآيات وأن يلغوها من المصاحف، ثم فمرحبًا بهم في عالم الإنسانية التي يتحدثون عنها، فلا إنسانية ممن يُبرر للعنف الموجود في القرآن و "يُقدسه" باعتباره كلامًا إلهيًا
طالما ظلت هذه الآيات القرآنية فسوف يظل بيض الإرهاب يُفقس |
ما عايز اخش فى حتة اخونا مرتضى عبد الجليل و اضافاتو
لكن المهم عندى انك شاركت فى ذلك البوست و دى مداخلتك
Quote: ههههههه
هشام ادم،
زولتك أكلت المسكينة حنك ساكت..
في هيروشيما مدن كاملة أحرقت بما فيها من بشر وحيوانات ونباتات.. والغالبية الأمريكية المسالمة لم يكن لها حساب
في العراق 2 مليون قتلوا ومتاحف عريقة دمرت، والغالبية الأمريكية المسالمة لم يكن لها حساب..
أصحاب الأرض الهنود الحمر أبيدوا من وجه البسيطة إلا القليل، والغالبية (الأوروبية) المسالمة لم يكن لها حساب.
قلنا نكمل ليها كلامها. |
و الكلام ده حصل فى البوست ده
إبراهيم عيسى يقول ان ابن تيمية والوهابية وراء سفك الدماء باسم الإسلام. فيديوإبراهيم عيسى يقول ان ابن تيمية والوهابية وراء سفك الدماء باسم الإسلام. فيديو
و يا ريت نكون متفقين فى حتة انو الحذف شكل من اشكال التعديل
و ان شالله يكون عدانى العيب
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: انور تاج السر)
|
**أول مرة أعرف انو الحذف ما من ضمن التعديل!!!! **
واللاى انت زول عجيب.. ياخوى ما في زول ناقش مفهوم الحذف.. قلنا الدليل والنص وين؟ لم اسمع هذا إلا منك وارجوك لا تحيلنى الى قراءة الف بوست حتى اجد العبارة.
غالبك تقول فلان قال كدا وهذا نص كلامه؟
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: Abureesh)
|
خلاص يا أبو النور،
ما دام فشلت تجيب عضم بوستك
ممكن تغيير البوست دا وتهاجم الجمهوريين البنادوا بحذف العمل بالقرآن المدني.
الكوتات القالوا فيها الكلام دا أنا بجيبها ليك
عشان تشوف الطقطقة من ناس المنصوري
فالح لي في هشومي المسكين دا
دينق عندو أصحاب بدافعوا عنو
إلا هشام وحيد
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: Abureesh)
|
يا ابو الريش انت موش قلت داير تترك هذا الخيط؟ وقدرنا انو عبارة جلالدونا الأخيرة هذه تستحق التعليق و علقت عليها و انتهى.
الجابك راجع تانى شنو؟؟!!!
عايز تدافع عن دينق؟ خلاص قبلنا دفاعك و اعتذرنا ليهو و ليك، أما لو كايس ليك شكلة امشى شوفها فى محل تانى.
و مش قلت لى (هذا القرآن لا يحتاج ان يدافع عنه اى شخص لأن حفظـه تكفل به ذو العزة والجلال، ولا تعتقد انك المسلم الوحيد وحامى حمى القران)
ياخى اكتفى بى عبارتك القمعية دى و امشى الله يرضى عليك.
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: انور تاج السر)
|
يا أبكر الناس دى انقضت على انقضاضة رجل واحد لمن هجمونى، لكن عزائى الوحيد انها ما فى صمة خشمى يعنى استاهل الهجمة دى:)
عليك الله أنا ما صدقت اتفكيت من اللوبى الدينقى داير تلم فينى الخلق مالك يا مطوفش:)
الحمد لله ما جانى محمد يسن خليفة(له التقدير) كان ركبنى التونسية:)
و زى ما قال احد أعضاء اللوبى المذكور أعلاه (هذا القرآن لا يحتاج ان يدافع عنه اى شخص لأن حفظـه تكفل به ذو العزة والجلال، ولا تعتقد انك المسلم الوحيد وحامى حمى القران)، أنا الودانى اتشالق شنو ؟
تعرف أنا غلطتى انو اتغولت على تخصص أحمدونا و عماد حسين (لهما التقدير)
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: طلحة عبدالله)
|
طلحة يا حبيب،
شرفت البوست.
تعرف الناس الجات دى كلها عارفة عضم الموضوع الأنا طرحتو زى جوع بطنهم، و لكنه التعامى.
غايتو البورد ده لو داير تستمر فيهو أبعد من المساس بالعصابات و اللوبيهات. و أصلاً انا لو صهينت ولا لا ما فارقة لانو نفخ فى قربة مقدودة زى ما قلت قبل كده.
و الله يا طلحة لو فى يوم من الأيام الأشكال دى حا تجى تحكم السودان، و الله اتمنى انو الكيزان يستمرو للأبد.
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: انور تاج السر)
|
| Quote: و الله يا طلحة لو فى يوم من الأيام الأشكال دى حا تجى تحكم السودان، و الله اتمنى انو الكيزان يستمرو للأبد. |
سلامات يا أنوروعساك بخير
*موضوع البوست شيق ومشهي للحوار الهادئ في اطار الاحترام المتبادل والهدوء و "المنطق"
ولكنك نقضت غزلك
* اعتذارك لم يتم قبوله لأنه لم يكن صادقاً ولم يتم عن قناعة كما ظهر جلياً في عودتك "للهرتلة"
* في الغالب "أنا" والاشكال التانية ما حا ناخد وندي معاك في موضوعك ده لأنو دي بتكون حاجة "ما منطقية".
أرقد بسلام
| |
|
|
|
|
|
|
|
|
Re: دى شنو كمان حكاية تعديل القرآن دى؟ (Re: انور تاج السر)
|
ما دام المعنيين بهذا لبوست لم يحضرو، أعتقد ان فكرة البوست وصلت للجميع، و أقترح على كل من يرغب فى تعديل القرآن حفاظاً على السلم العالمى و الحضارة الأنسانية أن يستأجر واحد طبيع يطبع المصحف كلو و يسلموا سوفت كوبى و يعدل فيهو زى ما عايز ثم يطبع ملايين النسخ المعدلة و يوزعها على المسلمين، عسى و لعل. ما تخافو من التكلفة بتلقو ليكم مليون جهة من دعاة السلم العالمى تمولكم.
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: انور تاج السر)
|
تحياتي اخ انور وضيوفك الكرام
من الطبيعي لغير المسلم ان لا يؤمن بالقرآن وينتقده
لكن غير الطبيعي ان يطالب غير المؤمن المؤمنين به بحذف بعضه وتعديل الآخر
لأن النص مقدس عند من يؤمن به
واقصد النص في ذاته لا تفسيره او تأويله او ما يستنبط منه او يفهم من ثناياه
فالشروحات والتفاسير غير مقدسة ولا ثابتة
لفت نظري عبارة هشام "ثم مرحبا بهم في عالم الانسانية"
وكأني به ممسكا بمفاتيح الأبواب المفضية لعالم الإنسانية يقف حارسا على هذه الأبواب يرحب
بدخول من يراه مؤهلا للدخول لعالم الانسانية ويطرد من لا يعجبه ويحرمه من دخول عالم الانسانية
لاحظ الانسانية في ذاتها وليس التقدم او التحضر او او
هذا التفكير الاقصائي الإرهابي الاحتكاري الديكتاتوري المتسلط
كيف يختلف عن تفكير داعش او القاعدة او بوكو حرام او فرعونية لا أريكم إلا ما أرى
حتى بدأت اقتنع بوصف تبارك له بالسلفي
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: طلحة عبدالله)
|
طلحة يا حبيب،
عدم حضور دينق و هشام آدم للادلاء بدلوهم امر غريب رغم انو البوست موجه ليهم مباشرة و بالأسم.
أما لو تغيانين كده لى الله سيدهم و شايفين حضرتى مش أد المقام و فضلو ارسال وكلاؤهم دى تبقى حاجة تانية.
المهم كما أسلفت الفكرة وصلت من المداخلة الاولى فى البوست و ما أتى بعد ذلك (عدا القليل) مجرد تشتيت و شلاليت زى ما قلت.
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: طلحة عبدالله)
|
Quote:
أعتذر للأخوة الاتية اسماؤهم:
دينق
ابو الريش
عبد الله عبد الله
أيمن محمود
ابوبكر عباس
معاوية الزبير
أنتو هشام ادم المسكين ده ما عندو وجيع نهائى:) |
شكراً الأخ أنور
بالنسبه لى إعتذارك مقبول
وتكمله للإعتذار أرجو سحب إسم الأخ دينق من موضوع هذا الإتهام الخطير أوسحب البوست.
هذا منى رجاء فقط .
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: انور تاج السر)
|
Quote:
و كمان ورينى وين سيرى فى إتجاه خاطئ؟
لك التقدير و الاحترام |
شكراً الأخ أنور ولك أنت كذلك كل تقديرى واحترامى.
سأعود إليك إن شاء الله بعد ساعات الدوام الطويله .
عموماً أكرر لك شكرى على هذا الإعتذار
Quote: أعتذر للأخوة الاتية اسماؤهم:
دينق
ابو الريش
عبد الله عبد الله |
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: ABDALLAH ABDALLAH)
|
الأخ عبد الله عبد الله،
اعتذارى لى دينق و للجميع لم يكن بسبب موضوع البوست، و انما عن اى مخاشنة فى مداخلاتى و مع ذلك البعض اعتبرو اعتذارتى ما عندها طعم و غير صادقة.
حبيت بس أنبهك للنقطة دى.
الأمر الان فى غاية البساطة:
خلى دينق يجى يقر بأنه لا يقصد تعديل القرآن و يعتذر عن موافقته على وصف كل المسلمين بالبرابرة و أنا واحد منهم (ما فى واحد غير موضوعى يجى يقول لى و انت حامى حمى المسلمين)، و كمان يورينا الحل شنو الفى يد المسلمين كما ذكر فى النص أعلاه.
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: انور تاج السر)
|
الأخ حافظ الامام عبر الفيس بوك:
و أنت ما شفت دى كمان؟
| Quote: Muslims need to admit that there is a problem with Islam as it is and reforms are needed, or at the end, all civilized nations will be on a side and barbaric muslims on the other side, and they will loose |
قال ليك بيتفق مع الكلام ده مية المية!!!!
ركز على حتة reforms are needed
ناس طارحة من نفسها طليعة و طبقة مستنيرة تصف و بكل بساطة المسلمين بالبرابرة!!!
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: انور تاج السر)
|
يا ابو الانوار روق شوية
و خليك فى موضوع البوست عشان يصل لى مراميهو
_____
الان يوجد نص و معه نصوص اخرى من القرءان الكريم طالب البعض بألغائها او حذفها
حكاية ملحد و مسيحى دى خياراتم وعلينا احترامها و معتقداتم و نقر بكرامتها و الايمان بها
الاساءات الشخصية و التى تمس كل مسلم موضوع شخضى قد اتجاوز عنه
لكن المساس بمعتقدى هذا ما لا يمكن تجاوزه ابدا و اظن ده من صميم حرية التعبير
و مافى حاجة اسمها تاكلا تحت اللبّاد
___
اخونا ابو الريش
طالبت بالنص و الدليل مع انو انا ما معنى بايراد النص و الدليل لانو ببساطة ما انا الافترع البوست
و بعد ده كلو جبنا ليك النص و الدليل .. لكن شايفك ما رديت .. اها منتظرين ردك و لو بينسف كلامنا
حتى و لو تثبت لينا انو الحذف و الالغاء ليس بشكل من اشكال التعديل بصرف النظر عن كلمة reform
دى لانها مكتوبة بى لغة غير لغة القرءان
اها قصرنا معاك يا حبيب
___-
ما فضل الا اقول ليك يا أنور .. واحد فيهم راجنّو فى بوست بى غادى ضارب مننا طناش عديل كده
لكن قول ليهو لا متين طناشك ده ..
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: انور تاج السر)
|
الشكر لانور وجلادونا
انا ما عندى اى مشكله مع راى هشام ادم لانه لايؤمن بالاديان ولا الاخ جورج (دينق) لانه مسيحى ولكنى مشكلتى مع الجمهورين الذين يصفقون من غير درايه
كل عاقل وعارف باصول واحكام التفسير يقول بوجوب ربط التفسير بسبب النزول ومن ثم القياس لواقعنا الحالى
ايات القتال نزلت بعد التعدى وقتال وتعذيب المسلمين من قبل المشركين
دودى
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: Abureesh)
|
التحايا يا انور وضيوفه
الاح ابوالريش لو ممكن تترجم او تفسر لينا معني
كلمه reform لغوياً واكرر لغوياً
يا طلحه هشام ما براهو
Quote: يا أحمد الشيخ هشام آدم عايز يشتهر ساى ما عليك منو
|
معاهو الدكتور المستنير وتبارك
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: انور تاج السر)
|
| Quote: ما شفنا لينا أديب متنكر لثقافة ومعتقدات موطنه والشعب الذي يريد أن يعبر عنه |
| لهذا يسمى أديب والآخر مفكر، ألا تعلم الفرق؟ | مإذا إذا نظر الأديب أو المفكر من ذات الثقب الذي يرى منه رجل الشارع العادي؟ فهل يكون أديباً؟ أو ينتج فكراً؟
كيف تقيم ثقافتك وتصفها وأنت لم تعرف سواها؟
كيف تفكر في معتقداتك بحرية وأنت تخاف حتى من السؤال عنها؟
كيف تنظر لوطنك وشعبك دون أن تقارن بين ظروفه وأوطان وشعوب أخرى؟
_____
السمكة تستغرب كيف يعيش البشر بلا خياشيم!
فحاول الصعود لسطح الماء مرة. |
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: انور تاج السر)
|
Quote: أنا لم اتحدث عن الفكر الذي يمكن أن يكون انتاح حمقى يظنون أنهم مفكرون معتبرين
أما الأدب هو انتاح الاديب الذي يعبر عن مجتمعه لأنه ينقل صورة واقعية وجمالية
لا يمكن أن يعبر عنها وبها بصدق وامانة إنسان ناغم ورافض لها. |
| ما أكثر الحمقى حسب معيارك هذا | عليه، فإن غونتر غراس وغابرييل غارثيا مركيز أشهر أحمقين.
بل أن غونتر غراس لا يعتبر أديباً بالمرة طالما أبدى "نغماً ورفضاً" لسيرة بلاده.
والذي ينقل صورة واقعية وجمالية في نفس الوقت يكون مندوباً للمبيعات، أو موظف لدلالة العربات ولا يسمى أديباً.
نسيت أنك لا تعرف الشخصين الكافرين أعلاه، لذلك أضيف الجاحظ وابن خلدون وفرج فودة لقائمة الحمقى.
_________
ليست كل الحقائق وردية. |
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: Basamat Alsheikh)
|
Quote: ولكنى مشكلتى مع الجمهورين الذين يصفقون من غير درايه
كل عاقل وعارف باصول واحكام التفسير يقول بوجوب ربط التفسير بسبب النزولومن ثم القياس لواقعنا الحالى
ايات القتال نزلت بعد التعدى وقتال وتعذيب المسلمين من قبل المشركين |
الأخ الكريم/ انور تاج السر
والاخوة الضيوف الكرام
تحية طيبة
وبخاصة الي الأخ/ محمد دودي..
لا اعتراض لأحد علي وجود مشكلة (فعلية) لك مع الجمهوريين، ولك مطلق الحرية للأختلاف معهم، لكن كلامك الفوق ده ما فيه اي اختلاف او مشكلة مع الجمهوريين..
فحسب كلامك وين المشكلة مع الجمهوريين..؟؟
فأذا كان تفسير القرأن مرتبط بسبب النزول، فده ادعي لأنك تتفق مع الجمهوريين.. ليه؟؟
لأنو اكثر القرأن ارتباطا باسباب النزول هو (القرأن المدني) وليس القرأن المكي، فمثلا سورة مثل ( الأخلاص) (قل هو الله احد، الله الصمد، لم يلد ولم يولد) لا تحتاج الي ربط بسبب النزول لأن الله احد في كل زمان ومكان..
| Quote: ايات القتال نزلت بعد التعدى وقتال وتعذيب المسلمين من قبل المشركين |
ايات القتال كلها مدنية ولذلك مرتبطة ارتباط وثيق بأسباب النزول، والاسباب كما يعلم الجميع هي ظروف (خاصة جدا) يعني طواريء، وهي اسباب مقنعة جدا في زمانها، فاذا قسناها بواقعنا الحالي فأنها ستنحي بنا منحي اخر، لأن الواقع يقول ان (المسلمين هم اكثر الناس قتلا وتشريدا للمسلمي الأخرين) وليس المشركين، ففي هذه الحالة هل يمكنك القياس؟
وكيف توكن المقاييس؟
مع وافر تحياتي
| |
|
|
|
|
|
|
|
|
|
Re: دى شنو كمان حكاية تعديل القرآن دى؟ (Re: أبوبكر عباس)
|
**كيف يا ابو الريش يكون التجديد في القرأن ..بعني ما المطلوب عمله لتجديد القرأن
من غير تعديل في الايات ...**
مرحبا يا أبا القاســم،
التعديل هو ان تغير الكلمات.. مثل الزانية والزاني فاجلدوا كل واحد منهما سبعـة جلدات.. فهذا تعديل..
ولكن لو جاء فقيـه معاصر، ملم بعلوم هذا العصر، وقال ان السارق يجب ان يعرض على طبيب نفسى، لأن هناك امراض لم تكن مكتشفة من قبل مثل إنفصام
الشخصيـة او الزهايمر.. والحق هذه الشبهات بما يدرأ الحد، فهذا تجديد. وضربت لك مثل عمر بن الخطاب فى عام الرمادة حين عطل حد الردة لأن المجاعة التي عمت
تعطى السارق شبهـة الجوع المهلك حتى لو لم يكن هو شخصيا جائعا.. صار القرار عاما بتعطيل الحد في ذلك الوقت.. وهذا من باب التجديد المحدود.. وقرار السعودية
الغاء الرق أيضا تجديد.. والإمام محمد عبده من المجددين.. والامام الشافعى كان له مذهب في العراق، وحين قدم مصر وجد ظروفهم مختلفة فنشر فقها جديدا في مصر
وصار الناس يقولون الشافعى في القديم، والشافعى في الجديد (يعنى رأيه حين كان في العراق ورأيه حين جاء الى مصر في نفس القضية الفقهية).. ولو كان إختلاف المكان
يقتضى فقها جديدا فما بالك بإختلاف الأزمان؟ الإمام المهدى أيضا جدد في الإسلام.. والصوفية حين قدموا افريقيا وجدوا الافارقة يضربون الطبول والنوبة والنقارة، فاجتهدوا
وأدخلوا الأذكار في تلك الالات.. وكلها تجديد ولم يكن فيها أي تعديل للقران.
وأكبر مجدد في زماننا هذا هو الأستاذ محمود محمد طه.. الذى لم يدعو الى الغاء ايات قرانية كما يكرر الجهلة من معارضيـه، وإنما دعا الى إستنباط ايات من القران لحل مشاكل
العصر في التشريع الإجتماعى.. وسوف تظل كل ايات القران موجودة ويتعبد بها.. وحين نسخت ايات من القران فى زمن النبى كانت تدعو الى حرية الأديان باية "وقاتلوهم حتى لا تكون
فتنة ويكون الدين لله" فهذا النسخ لم يلغى الايات المنسوخة وما زلنا نقرأها ونصلى بها ونتعبد بها، مثل اية "وقل الحق من ربكم فمن شاء فليؤمن ومن شاء فليكفر" رغم
أنه في حكم الشرع ، وبعد نسخ هذه الاية، صار العمل بـ "قاتلوا الذين يلونكم من الكفار...الاية" وما بقت حاجة اسمها من شاء فليكفر والناس تخليه..
ارجو ان تكون الإجابة مفيدة.
تحياتى
| |
|
|
|
|
|
|
|
|
 Re: دى شنو كمان حكاية تعديل القرآن دى؟ (Re: انور تاج السر)
|
Quote: ودالمدير يا حبيب،
و اعتذر كذلك للأخ هشام ادم اذ غلطت فى حقو فما كتبته فى الاعلى ليس سوى مزحة
أنا استهدف طرح هشام و ليس شخصه.
ثمة حدود لا يبقى الصبر بعدها فضيلة |
عداك العيب يا انور .
بعدين يا اخي الناس ديل اصدروا احكامهم ؤُ قرّطو علي كدا، وتحجروا وتزمتوا
بشأن النصوص وان ليس لها ما يفسرها أو يشرحها، وأصبح لا طائل من مناقشتهم
فلا تبتئس يا صديقي ...
| |
|
|
|
|
|
|
| |
Othman Al-Hasan Babikir
جلالدونا
أيمن محمود
عبدالعزيز الفاضلابى
نيازي مصطفى
أبوبكر عباس
معاوية المدير
Abureesh
ABDALLAH ABDALLAH
معاوية الزبير
Yasir Elsharif
طلحة عبدالله
احمد الشيخ
منتصر عبد الباسط
Mohamed Doudi
Abuelgasim Mohamed
حاتم إبراهيم
د.أحمد الحسين
فيس بوك
تويتر
انستقرام
يوتيوب
بنتيريست