هذه كتابة وجدتها في نواحي الواتساب ما معروف المؤلف منو لكن احتفاء بود المدير نضعها هنا:
بكرة بلدنا تبقى تمام تفوت ألمانيا والنمسا تناطح أمبدة أمستردام نصدر غازنا لي باريس نودي الشطة لي لندن كجيكنا نشوفو في كندا ونرسل للمجر شمام وبكرة حندعم اليابان وإقليم أنقرا التعبان نرسل جيشنا لليونان عشان الجيش هناك سجمان نحاصر دولة اسرائيل يشوفوا حجارة من سجيل نخش القدس جوه عديل وبي علو هتافنا بالتهليل نشيل كاس الأمم مرات وكاس العالم العاشر نبرطع في الأولمبياد ننظما ذاتو في الفاشر
كلمة ريح تستعمل للشر، وقد تأتي مستصحبة معها تبارك في بعض الأحيان، (فَأَرْسَلْنَا عَلَيْهِمْ رِيحاً صَرْصَراً فِي أَيَّامٍ نَّحِسَاتٍ لِّنُذِيقَهُمْ عَذَابَ الْخِزْيِ فِي الْحَيَاةِ الدُّنْيَا)
عزيزي الفاضل هيثم غالي فعلا انت غالي وود غالي لانك قلت الحق في ود حلتنا ود المدير.. يعني كيفن ما حيكون كاتب كبير وكاتب انيق وتعليقاته دائما ممزوجة بكل ما هو جنيل ورائع وشوف بوستاته عن مدينتنا الحبيبة اتبرا وتعرف الزول ده رائع قدر شنو!!...زول وهو طفل اكل من طين الاتبراوي ولمن كبر شوية عام في الاتبراوي وشم دخاخين قطارات اتبرا وتفاعل مع مناضلين عطبرة ..كيفن ما يكون زي ما انت وصفته...ود المدير يا هيثم من الناس السمحين .. وشكرا مرة ثانية ودمت بالف خير وصحة وعافية
11-11-2015, 11:45 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
Quote: عزيزي الفاضل هيثم غالي فعلا انت غالي وود غالي لانك قلت الحق في ود حلتنا ود المدير.. يعني كيفن ما حيكون كاتب كبير وكاتب انيق وتعليقاته دائما ممزوجة بكل ما هو جنيل ورائع وشوف بوستاته عن مدينتنا الحبيبة اتبرا وتعرف الزول ده رائع قدر شنو!!...زول وهو طفل اكل من طين الاتبراوي ولمن كبر شوية عام في الاتبراوي وشم دخاخين قطارات اتبرا وتفاعل مع مناضلين عطبرة ..كيفن ما يكون زي ما انت وصفته...ود المدير يا هيثم من الناس السمحين .. وشكرا مرة ثانية ودمت بالف خير وصحة وعافية
حباب العزيزة بسمات بت الشيخ
والله يا بسمات وبدون مجاملة من الله خلقنا وشفنا خلقنا
لقينا عطبرة مميزة وانسان عطبرة مميز وفيهو من الطباع السمحة ما يسر الخاطر
كأنما التميز والسماحة شيئ نبت في عطبرة واكل منه كل من ينتمي الى هناك
ود المدير قدر ما نحاول نوصفو ما بنقدر نوفيهو حقو فبساطة الكلمات التي يستخدمها
وبلاغتها تعبر عن ذكاء صارخ وثقافة عالية وأيضا تعبر عن تمسكه بسودانيته وثقافته التي تشربها في عطبرة واريافها
نعم تبارك شرير دي ما دايرة اتنين تلاتة ياخ دا شدة ما شرير مشى دق وتد وحرس لي منير 3 زي الضيف العايزك تجىء البيت عشان يتغدى معاك واتا كابي منو الزوغة تتاوق من برة لى برة وتسأل كان الزول دا مشى واللا قاعد لسة لأنو ما عندك أبو النوم .. خخخخخخ
تحياتي يا غالي ود الغالي ود المدير هو الطيبة و المحنة تمشي على قدمين.. مك ود مكوك ما فيهو كلام الا مرات عنده طمسة بيعرفا براهو خصوصا لما اللعبة تكون حلوة و ما بتتفوت و دي حاجة واضحة في بوستاتو الأخيرة بعدما صار محترف. المهم أسعدتني الظروف بمعاصرة ود المدير في مرحلة الثانوي العام بعطبرة حيث درسنا في مدرستين تفصل بينهما مساحة مائة متر على الأكثر . ( لأولاد و بنات عطبرة مدرستي الشمالية و القومية ) و أسعدتني الظروف أكثر بأنه بالرغم من هذا الجوار التاريخي إلا أنني لم أتعرف عليه حينها و هذا من حسن حظي - في ذلك الوقت على الأقل - أكثر صفة تعجبني فيه هى نقاء القلب و القدرة على المسامحة و هى صفة تكاد تكون سمة لكل أهل عطبرة فله و لهم التحية و الاحترام. تحياتي أيضاً للكريم عبدالعزيز الفاضلابى و أسأل عن أستاذ فاضل من منطقتكم هو مدرس مادة اللغة العربية أستاذنا الجليل عبدالرحمن رحمة الله. ختاماً للجميع مودتي و صادق احترامي.
11-12-2015, 11:17 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
Quote: مساحة ولا مسافة؟؟؟ ماتقول دي " مساخة" مني يا ود الشيخ المزيف ليك تحيات ود الشيخ الاصلي.
أكيد واحدة من كلمتين يا مشاحة يا مخافة يا ود الشيخ الأصلي اخخخخخخخ أنا الما قريت هندسة مساحة تحياتي و احتراماتي لك و اكيد انت من عندنا من بربر أو ضواحيها بس الخوف تكون انقريابي
التوقيع ود الشيخ الما مزيف
11-15-2015, 09:18 AM
جلالدونا جلالدونا
تاريخ التسجيل: 04-26-2014
مجموع المشاركات: 9667
هذه كتابة وجدتها في نواحي الواتساب ما معروف المؤلف منو لكن احتفاء بود المدير نضعها هنا:
ياسر، يا اخي انا احبك في الله . يا ريت يا ياسر نقدر نرقى بنفوسنا لأنو دا الوُقود الذي يحركنا نحو القمة، لو قدرنا نتعبأ بهذا الوقود فلن يكون هنالك سبيل للملآريا لتلعب بعقولنا وسنرى نهضتنا في الصحيان .
مودتي...
11-15-2015, 11:49 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11848
Quote: عزيزي الفاضل هيثم غالي فعلا انت غالي وود غالي لانك قلت الحق في ود حلتنا ود المدير.. يعني كيفن ما حيكون كاتب كبير وكاتب انيق وتعليقاته دائما ممزوجة بكل ما هو جنيل ورائع وشوف بوستاته عن مدينتنا الحبيبة اتبرا وتعرف الزول ده رائع قدر شنو!!...زول وهو طفل اكل من طين الاتبراوي ولمن كبر شوية عام في الاتبراوي وشم دخاخين قطارات اتبرا وتفاعل مع مناضلين عطبرة ..كيفن ما يكون زي ما انت وصفته...ود المدير يا هيثم من الناس السمحين .. وشكرا مرة ثانية ودمت بالف خير وصحة وعافية
تسمحلك العافية يا سليلة من رضعوا النضال من ثدي المكن، يا ابنة المدينة التي يشتمها الناس زيوت وِرش ودُخان قاطرات، ويسمعونها صوت مكن وازيز وابورات، وصفير يُنبئ ببدء العمل ونهايته . يا إبنة من إذا صافحوا احداً عبقت في كفه رائحة الكفاح والكسب والحلآل، لك مني سلآمي وشكري يا ابنة عطبرة، اتبرا وكفى .
بمناسبة ود حِلتنا يا بت حِلتنا اهديك هذه القصيدة :
Quote: يا رِمآل حِلتنا زولِك ليكِ عآد هيا ابسميلو جاي يتبّع دِريبو الفوق بياضِك كان دليلو صوت قماري الشوق يحآدي لشُدرنا ولضِليلو لبحرنا ولتمُرنا لعِنقريبو ومقيلو فوقو ينجمّا ويزحو كلما الرقراق يجيلو والعِصير يمرق يطايب ناس فريقو الهم يزيلو يمسح اللوم والعِتاب بالأمارة يتم جميلو في سلف صالح يعزي بحُزُن في الجوف نزيلو وبفرح طآمح يبآرك للصبى الإنتم عديلو والمِغيرِب يمشي ينزل للبحر يكرُف عليلو لهموم الغربة يغسل نفسو من فيض سلسبيلو وجاي سآدر فوق دِريبو النِخيلآت تِنتكيلو يشيلو تمرآت من صبيطا بيها يكتُل نآر غليلو فوق رِمآل حِلتنا يقعد والقمر سآطع في ليلو فوق خدود رملتنا عآكس فيض دموع أفرآح يسيلو تروي أرضك يا بلدنا ونحن كوم الهم نشيلو ومهما أرض الغُربة جآدت الوطن مافيش مثيلو وحتى لو نزلو النجوم حآشآ ما دآيرين بديلو وضُمّة ما بندور بديلو...
ود المدير...
11-15-2015, 12:58 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12500
Quote: وكمان معانا العطبرواية بت الشيخ كلنا اخوان في المحل دا شكرا ياجميل ياراقي
و الحكمة يا محمد أخوى انو اختنا دي اسمها بسمات بالله شقت ناسنا ديل جميلين كيف. تتماهى اسماءهم مع دواخلهم مع جمال كل قرى و حضر ولاية نهر النيل. شكراً يا الغالي ود الغالي و كل ضيوف البوست الكرام.
11-17-2015, 06:41 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: المهم أسعدتني الظروف بمعاصرة ود المدير في مرحلة الثانوي العام بعطبرة حيث درسنا في مدرستين تفصل بينهما مساحة مائة متر على الأكثر . ( لأولاد و بنات عطبرة مدرستي الشمالية و القومية ) و أسعدتني الظروف أكثر بأنه بالرغم من هذا الجوار التاريخي إلا أنني لم أتعرف عليه حينها و هذا من حسن حظي - في ذلك الوقت على الأقل -
ود الشيخ يا اعزّ الناس، كيفِنّك ؟، أجمل مراحل العمر كانت مرحلة مدرسة القومية، والذي كان يفصل بين المدرستين ميدان النسر، يعني لو قلت كدا كان خارجت نفسك من قريبي ود الشيخ 1# . الظاهر عليك كنت زول شاطر . تعرف انا كنت زول بليد ؤُ عنيد ؤُ بتاع مزاج في نفس الوكت، كنت المادة البحبها ابدع فيها والمكجنا يا وليد كان كتلوني ما بديها حقها، ومسألة نجاح وسقوط دي ابداً ما كانت في حساباتي، رغم إنو القومية كانت تعج بأساتذة فطاحلة، تبداها من الناظر عبد الرحمن عبد الله، وهاشم الخليفة الرجل البارع في اللغة الإنجليزية، كان لو شاف أُستاذ عايز يدقني يصِر إلا يدقني هو، عشان انا كنت زول بركز للجلد، لحدي ما يوم عزمني فطور ؤُ يسعل فيّ لآمن عرف علآقتي بالباوقة، سعلني من ناس حسن مصطفى المدير، قُتلو خالي، ؤُ من اليوم داك نشأت بيناتنا علآقة كان هو يدقني في المدرسة، وانا أردموا في الدافوري قبل درس العصر . هاشم من مبيريكة . كنت اكره الرياضيات والتي كان يدرسنا لها أُستاذ من اشذّ أساتذة الرياضيات في المديرية الشمالية (صلاح حافظ) . كنت بصحح كراسي براي ؤُ بصحح للناس المزنوقين لأني كنت اجيد تقليد امضي صلاح حافظ، لحدي ما يوم زنقني ورفضت اقر، ؤُ شككتو في نفسو لأنو إمضتي وإمضتو كانن طبق الأصل، آخر النهاية حلف لي طلآق لو أقريت يعفيني ولو أصريت ما يخليني اقرأ في مدرسة من مدارس المديرية كلها . أها، اقريت، قال لي بعد الحصة تمرق معاي علي المكتب، وفي المكتب كان أحرج موقف يمر علي . صلاح حافظ لمّ جميع الأساتذة في المكتب ؤُ قال لي، إتفضل اقعد في الكرسي بتاعي . أنا إترددت، لكن بعد هرشوني، قعدت، أها، قام عمل في كراسي مسائل وهمية، واداني قلم التصحيح، ؤُ قال لي، صحح المسائل ديل، وامضي إسمي . إترددت، لكن مع الهرش صححت ؤُ مضيت . عاين للأساتذة ؤُ قالهم، شُفتُ المصيبة الواقعين فيها دي !؟. الأساتذة طبعاً ادوني الفي النصيب ؤُ طلعو، قام صلاح حافظ قال لي، يا زول إنت مالك، مشكلتك شنو ؟. قُتلو، بصرآحة يا أُستاذ انا ما بحب الرياضيات، ؤُ كمان عشان اكون صريح معاك ما عندي إستعداد إتعلما . قعد يضحك، ؤُ قال لي، يا زول أسمع، تاني لو عايز تجي تقعد في حصتي تعال، ؤُ لو ما عايز علي كيفك، لكن يا معاوية علي بالطلآق وإنت شايف بناتي بيجن معاي المدرسة اشوفك شايل قلم تصحيح في يدك اكسرلك رقبتك . كان موقف حرج جداً، جداً . الطريف، لحدي ما مشيت الجامعة ما انقطعت علآقتي بالقومية وكنت كلما امشي عطبرة بمشي ازور المدرسة، في مرّة من المرات زرت المدرسة وكنت واقف بتونس مع مولآنا حجر مدرس التربية الإسلآمية، ؤُ هو كان بيصحح في كراسات تلآميذ بقلم عادي، يعني ما قلم تصحيح، في اللحظة دي جا أُستاذ جمال الحلفاوي سلّم علي، ؤُ عاين شاف مولآنا بيصحح بالقلم العادي طوالي قالو، دا آيه البتأمل فيهو يا شيّه، إنت ما بتتذكر اللي وآقف معاك دا عمل آيه في المدرسة دا قبل اليوم ؟...
11-17-2015, 06:48 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: 1# . الظاهر عليك كنت زول شاطر . تعرف انا كنت زول بليد ؤُ عنيد ؤُ بتاع مزاج في نفس الوكت، كنت المادة البحبها ابدع فيها والمكجنا يا وليد كان كتلوني ما بديها حقها، ومسألة نجاح وسقوط دي ابداً ما كانت في حساباتي
تحياتي يا مدير ما عنيته بمداخلتي الأولى أنني كنت كثير اللعب و قليل الاهتمام بالدراسة يعني باختصار مطموس نوعاً ما فلو كنت قابلتك حينها و أنت تمتلك مثل صفاتي هذه لما كنا اليوم نكتب في هذا المكان أو غيره و لعلها سانحة أن نشكر أساتذتنا في تلك المرحلة و نترحم على من توفى منهم فهم كان لهم الدور الأساسي في نجاحنا النسبي في الدراسة أو الحياة . تحياتي و احتراماتي لك و لكل أهل عطبرة الميامين.
11-18-2015, 07:15 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: تحياتي يا مدير ما عنيته بمداخلتي الأولى أنني كنت كثير اللعب و قليل الاهتمام بالدراسة يعني باختصار مطموس نوعاً ما فلو كنت قابلتك حينها و أنت تمتلك مثل صفاتي هذه لما كنا اليوم نكتب في هذا المكان أو غيره و
ههههههههههههههههههههههه، والله يا ود الشيخ كنا حا نربها جِنِس ربّة، بس ربّك ستر . يا اخي بعد ها الحال معاك إن شاء جالسين ؤُ نتلآقى انت طيّب ؤُ نحن طيبين ...
11-18-2015, 07:22 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
و الحكمة يا محمد أخوى انو اختنا دي اسمها بسمات بالله شقت ناسنا ديل جميلين كيف. تتماهى اسماءهم مع دواخلهم مع جمال كل قرى و حضر ولاية نهر النيل. شكراً يا الغالي ود الغالي و كل ضيوف البوست الكرام.(Quote) >>> >>> <<< شكرا يا الوليد اخوي.. وزي ما انت قلت ناس الاتبر اوي كلهم جميلين وسمحين.. واولاد الشيخ كثيرين في اتبرا.. وهنا في البوست ده بس في ثلاثة: محمد الشيخ الوليد الشيخ بسمات الشيخ ووالله فرحتني ان اسم بسمات اسم من الأسماء الجميلة... وشكرا ليك لكني لقيت هنا في المنبر اسم أروع واسم انيق جدا وهو اسم بنت يحي ود قباني.. واسمها بلسم... واسم ثاني انتو سمعتو بيه كثير لان والدها بيكتب بكنية بنتو .. وهو اسم ساندرا... وهو بيكتب باسم أبو ساندرا ودائما اميرة بت مصطفى بتحلم وتقول اذا اتزوجت وولدت بنت حتسميها ساندرا
ودمت بالف خير وصحة وعافية
11-19-2015, 05:33 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: الشوق للاماكن يا معاوية عجيب خلاس بس تصاريف الزمان غيرت أشياء كثيرة وما عاد الزمان هو الزمان ولا حتى المكان هو المكان
قال بعض الحكماء: إذا أردت أن تعرف وفاء الرجل فانظر إلى حنينه إلى إخوانه وشوقه إلى أوطانه، وبكائه على ما مضى من زمانه. الغالي يا ود الغالي، لقد بكى من كان قبلنا الأطلآل وها نحن نبكيها اليوم تأسياً بهم، فقد وجدوا فيها العزاء ونحن كذلك . تصدق انا لآمن كنت في الخرطوم كنت احياناً إتذكر شارع في عطبرة او ضُل نخلة، حجرة البحر، او قهوة في السوق، او مطعم، او شلة من الأصحاب، او رقدة في حوشنا، وطوالي علي القطر، ؤُ ما إرتاح إلا بعد ان اقضي وطري من الشي الذي يشغل نفسي ويكون قد هيج أشجاني، لذلك كانت تجربة نيو يورك قاسية لأنها كانت سجن لا فكاك منه . الذكريات نعمة كبيرة رغم انها مُوجعة احياناً، فهلمّ نجترها في مساحتك هذه ...
الحنين إلى ما مضى من الزمان ضرب من الوفاء، فالإنسان الوفي دوماً يحن إلى أيامه الخوالي حنين البكرة إلى حوارها. عندما يتقدم بنا العمر نحِن إلى ميعة الصِباء وذكرياته الجميلة ونقوم بإجترارها من مخزون الذآكرة. تلك الأزمان الجميلة الناضرة، أزمان عنفوان الشباب وتباريح الهوى: أزمان امرح في بُرد الشباب على مسآرح اللهو بين الخُرّد العِيّن والعود أخضر والأيام مُشرقةً وحالة الأُنس تُغري بى وتُغريني في ذِمّة الله محبوبٌ كُلِفت به كالريم جيداً وكالخيروز في اللِيّنِ...
لم تكن المواصلات تصل إلى قريتنا في ذلك الزمان، ونحن كنا قد صعدنا مدارج الثانوي العالي. كان لا بُدّ أن نشق طريقنا بين حيضان نبات البرسيم وباسق النخيل إلى حي الداخلة بعد أن نكون قد إستمعنا إلى برنامج نفحات الصباح الذي كانت تقدمه المرحومة ليلى المغربي، لنركب المواصلات من حي الداخلة إلى المدرسة. كان التعليم المصري يؤدي دوره في السودان بصورة جيّدة، حيث إحتضنتنا مدرسة الأهلية المصرية المختلطة بعطبرة.
كانت هي معنا في نفس المدرسة. جميلة جذآبة بحيث لا تُخطئها العين، وفوق كل هذا وذاك رسمية لأبعد الحدود حتى أنّ الطلبة كانو يسمونها (العسكري)، ولا يتجرأ وآحد منهم ان يتفوه معها بِبنت شفاة. الذي كان يجمعنا بها أنا وصديقي في بعض الأحيان البص الذي يوصلنا للمدرسة، حيث كانت محطتنا وآحدة. ربطتها زمالة المدرسة بواحدة تربطنا بها صلة قرآبة من حي الداخلة ايضاً، فكانت الظروف تجمعنا أحياناً في بص وآحد. بغض النظر عن ظروفنا المادية كطلبة، كنا نرى أنه لِزاماً علينا إذا جمع البص شملنا معاً أن ندفع. برغم حذرنا الشديد منها لكننا كنا نضطر لدفع أُجرة البص حيث أنه لايمكن أن ندفع لقريبتنا بمعزل عنها. كانت تمتعض وتتضايق عندما ندفع مما يسبب ضيق لزميلي الذي يبدي لي سخطه عندما نكون وحدنا. كنتُ أقول له: لايمكن ان ندفع لقريبتنا دون ان نشملها معها!، ولا يمكن أن ندفع أجرتنا فقط!. عندما أظهر الإحتجاج مراراً، قلت له: أترك الأمر لى.
تصادفنا في البص، وعندما بدأ الكمساري في تحصيل القروش أدخلت يدي في جيبي متظاهراً بأنني سأقوم بدفع المبلغ، وفي ذات الوقت نظرت إليها وقد بدأت علآمات الضيق في وجهها. عندها أحجمت، وقلت لها: أدفعي إنت حق أربعة لو الحكاية دى مضايقاك. فما كان منها إلا أن دفعت المبلغ. عاتبني صديقي بعد أن نزلنا. قلت له: يأخي إنت أنا إتصرّف تعاتبني، تزعل هي تشتكي؟ أمرك عجيب!!. المهم كررت معها نفس الحكآية في المرّة الثانية والثالثة، وفي المرّة الرابعة عندما تظاهرت بأنني سأدفع ونظرت إليها تبسمت في إستحياء وخجل وصرفت وجهها عني. دفعت للكمساري، وعندما نزلنا قلت لها: يا شيخة نحن زملاء، كون إنه تدفعي إنت أو ندفع نحن ما فيها حآجة، بعدين زميلتك دى بتربطنا بيها صلة قرآبة. أصبح هنالك إنفراج طفيف في العلاقة بيننا. أي بمعنى إننا أصبحنا نتبادل السلام ولأ بأس من كلمتين تلآته إذا دعت الحالة لذلك، وعادةً ما يكون الحذر الشديد هو ديدن الكلآم المختصر بيننا.
هكذا مرّت الأيام رتيبة هادئة، تجمعنا بها احياناً في المواصلآت، نحادثها إذا دعت الحالة وسنحت الفرصة، حديث دائماً يكون مختصر وجآد وسريع، ومشوّب بالحذر الشديد. لم أكن ارى فيها غير لوحة جميلة ذات قيّمة عآلية في متحف للآثار لا يتسنى لى غير النظر إليها من من على البُعد. لم تحدثني نفسي يوماً بإقتناء هذه اللوحة، لأنّ محدودية إمكانياتي كطالب لا تسمح بذلك، لكن مشاعري بدأت تنازع قناعاتي وتتفلت من قبضتها. مجال الصمت كان هو المجال الأوسع بيننا حيث أنّ النُطق بالكلمات كان محدود. بدأت الأحاسيس والمشاعر تتحرك فجاش الصمت بروائع الحديث. حاولت جاهداً أن أكبح جماح مشاعري تجاهها لكن دون جدوى. أصبحت حركاتها الخجولة وجديتها المفرطة كتاب مفتوح لي، أقرأ فيه شعورها نحوى وهي تعبر عما يختلج في صدرها بصمت ينطق بأعذب العبارات ويمطر بيني وبينها رزاز المحبّة والإلفة. تبادلنا اسمى آيات الغرام بلغة الصمت التى كانت أبلغ من لغة الكلآم، حيث عبّرت عما يجيش في دواخلنا بأبلغ تعابير العيون وقسمات وجهها وضاح المُحيا، خاصةً عندما يخط الخجل على صفحة خدودها بماء وردها الأحمر عبارات كنتُ احب ان أراها دوماً. تحدثنا وتفاكرنا وتوصلنا إلى قناعة تآمة بانّ بحار المشاعر عندما تتدفق حباً في بيادر القلوب تعجز أمامها متاريس الواقع التى تنبئ بانّ التواصل أمراً مُحآل...
إنتهت سِنى الدراسة، وافترقنا فِراق صامت. مرّت السنين وتوالت الأحداث عآصفة لترمى بإخواننا الفلسطينيين خارج حدود وطنهم ليفتح لهم وطننا الحبيب ذراعيه ويحتضنهم. إستقبلهم أهلنا في السودان إستقبال حاشد على إمتداد محطات السكة الحديد، حتى وصلوا إلى محطة عطبرة حيث خرجت المدينة عن بكرة إبيها ليخضب أهلها أيدي الفلسطينيين القابضة على الزناد بخضاب الحناء، ويستقبلوهم بفرحة عمّت كلّ أرجاء المدينة. كُنتُ وصديقي نجوب رصيف المحطة مع الحُشود العطبراوية محيين أهلنا الفلسطينيين، فإذا بى أجدها فجاة أمامى وجهاً لوجه. عندما رايتها إنسلخت من الجو المحيط بى، واصبحت لا أرى إلا هي، ولا أسمع غير صوتها الذي لم أسمعه منذ سنين. لم أتمالك نفسي وناديتها نـ..... فلم تقوى على إحكام قبضتها على الكتب التي كانت تضمها بيديها إلى صدرها، فتبعثرت على الرصيف. جلست على الرصيف. إلتقطت الكتب وارجعتها لها. ضمتها إلى صدرها وردت تحيتى. تبادلنا بعض الكلمات التي أنسانيها جور السنين وصمتنا. كنت حينها لا أسمع ولا أرى إلا هي أمامي وصمتها يضج بحديث طويل عن تلك السنين التى مضت دون لُقيا. شعرت بيد صديقي تجذبني من بين تلك الظلآل لتعيدني إلى عالم الرصيف الذي كان يموج بالبشر، وتنتزعني خارج محيط الذهول الذي أحاطني. إبتعدنا أنا وصديقي لنفترق أنا وهي مرةً أٌخرى.
كنا في كُلية العلوم بجامعة القاهرة فرع الخرطوم مستخدمين المضارب نتقاذف الكرة بيننا على الطاولة. أخطأتها ليحرز صديقي هدف وتسقط مني الكرة على الأرض. إلتقطت الكرة من على الأرض، وعندما إعتدلت واقفاً بُهت عندما وجدتها أمامي وجهاً لِوجه!!!. ناديتها: نـ.... فردت: معاوية!!!... عندها إنتزعتني رؤيتها من عالمى لِتهيم بى في عالمها، فأصبحت لا أرى غير ذلك الوجه الموشح بالجمال ولا أسمع غير ذلك الصوت الذي يحملنى إلى عوالم السحر والأمانى المستحيلة، فغدوت أُضاحك القمر في وجهها الجميل، وأُغازل النيل في خدها الآسيل وأستكين إلى هدئة الليل وقد عسعس في شعرها المخملى الطويل، والتمس طريقى إلى دواخلها بين دواعى الخجل المرسوم على وجهها حين تغض الطرف وتغمض عينيها عن رمشٍ يمطرنى بوابل سهآمٍ تجندل في دواخلي جيش الفتوة وعنفوان الشباب. إفترقنا من غير موعد وكِلآنا يمنى النفس باللقاء، لكن إرادة المولى أبت إلآ أن يكون هذا اللقاء لقاءً ختامى ومفترق طريق بينى وبينها لتبقى الذكري عآلقة في الوجدان...
ها انا ذا اليوم أتنسم عبق الذكريات وأجترها من حوصلة ذلك الزمن الجميل، وأنا قابع في ركن قصى من أرض المهجر آملاً في ان أرجع إلى مراتع الصِباء أبكى الأطلآل وأردد مع شيخي محمد سعيد العباسي: يا عهد جيرون كم لى فيك من شجنٍ بآدٍ سقاك الرضى يا عهد جيرون ولا يزال النسيم الطلقُ يحملُ لي ريّا الجناب ويرويه فيرويني والآن مذ جذبت عني أعنتهاهذا الظباء وولت وجهها دوني وعارض العارضين الشيب قلت له أهلاً بمن رجحت فيه موازيني كففتُ غرب التصابى والتفت إلى حلمي ولم اكُ في هذا بمغبون وصرتُ لا أرتضي إلا العُلى أبدا ما قد لقيت من التبريح يكفيني....
Quote: دي ما من قوقل يا ود المدير..دي طااازة من هناك.
يا دكتور سيف الصورة دي جميلة جداً والله واظن معظم مزارعقرى وحلال شمالنا الحبيب بهذه الروعة والجمال فقد طفنا كثيراً في تلك البقاع الجميلة.بالأمس كنت قاعد اتونس مع واحد من الأصدقاء القديمين جداً وسالته عن حال البلد وعن بعض الأماكنفختم رسائله بهذه العبارة : أي مكان طافتبو خطانا مشتاق ليك وعنك بسألنيوهو لا يدري انني لا اقوى على تحمل مثل هذه الكلمات التي تيغظ الحنين والاشواق ولا يدري ان حلمي في هذه الغربة نسمة من اريج بلدي البحبوتحياتي يا دكتور وسعيد بمرورك من هنا
11-24-2015, 07:19 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: مرحبتين وحباب ود المديربالتأكيد دي أيام فيها قصص طريفة وحزينة مع معاناة الغربةوافتقاد الوطن والاهل معاًراجنك تتحفنا بيها اكيد
يا ود الغالي بعد الإحتراف خليني استرسل في الإعتراف، واحكيلك بمهل ؤُ تكون دي إعترافات محترفمرّ من هنا .انا بحب عطبرة وبريدا وهي اتبرا . بالرغم من صلعتي النضيفة دي إلآ انني كنت زمن الكورة يستحيلاضرب هد، ضرب الكورة بالرأس الله ما قسم لي فيهو نصيب، لكن كنت رشيق جداً وأيّ كورة فيمستوى راسي كنت بجيبا بكراعي بحركات إستعراضية في الهواء السبب الذي جعلني أُصاب في الفقراتالأخيرة من السلسلة الفقرية، ومن هنا بدأت رحلتي مع الغربة والإغتراب . الكلآم دا قبل دخولي الثانويالعالي ومن يومها والألم اصبح سميري المرسوم في ضميري رغم إنني لم أستسلم له ورحت امارس حياتيبصورة طبيعية . قريت الثانوي العالي في الأهلية المصرية عطبرة وكنت رافض الدخول للجامعة لسببين،اولاً حبي لعطبرة وثانياً كنت بشوف الثانوي العالي كفاية، بعد دآك الزول يصبح مضطلع يقرأ الشي البيعجبو براهو، وكنت مُدمن للقراية لآزم كل يوم اقرأ حتي لو رجعت من حفلة الساعة 3 صباحاً لآزمادخّل وشي في كتاب حتي ولو لمدة نصف ساعة . قريت الثانوي العالي واصرّت الوالدة عليها رحمة الله لآزم امشي الجامعة، ومن هنا بدأت المعاناة .جزيل شكري للذين شرفونا هنا وسأرد عليكم إن شاء الله ...
Quote: يا ود الغالي بعد الإحتراف خليني استرسل في الإعتراف، واحكيلك بمهل ؤُ تكون دي إعترافات محترفمرّ من هنا .
يا ود المدير ياخ موش تسترسل بس استرسل واتمدد واخد راحتك بالكامل واحترف ثم اعترف كما شئتودع لنا نحن المتعة بما يخطه يراعك يا راقيبالله لقيتني كيف في (يخطه يراعك دي)
11-25-2015, 07:34 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: يعلم الله خطير بي لبن كمانشخصيا ادخل بوستاتو وانا مستمتع جدا وواثق من اتساقو وقوة طرحوهسة تبارك يجي يسوي لينا طرحو دي اسهال الله يستر تبارك ابرد ابرد ياااخ ودالمدير خت احمر بي اصفر
ههههههههههههههههه،حامد عوج الطُندُب آ وليدآتعوج الطندب نار القصب الهبلت ما بتعدلوحباب صاحبي المتمم كيفي ود البدري يا ثبات عقلي ؤُ درقتي وسيفي .طبارك دا باقي زولاً لي عِلآ مسخوّت بالحيل .اشكرك علي كلماتك الطيبات وأهلنا قالوا، الكلمة الطيبة بخور البطن .بعدين المِتلك إنت كان ما جا خافس يبارك لي إحترافي الداير يجيني منوباقيلك ؟. كتّر خيّرك، وإياها المحرية فيك ...
11-26-2015, 06:56 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: ود المدير كاتب أنيق وجميل ..وردوده ممتعة .. أتابع دائماً مداخلاته ..صورة بروفايله معبرة جداً .. وفيها رمزيةالقطار المر وقطار الشوق ..مودتي للغالي هيثم غالي .. والتحية لود المدير
سلآم وتحايا لأُستاذنا علي عبد الوهاب .عظيم الشكر لك يا زول يا سمح يا زين، وانا لي الحق ان أفخرواتباهى لأنك من المتابعين لكتاباتي .في صورة بروفايل معاوية المدير.. الجديدةفي صورة بروفايل معاوية المدير.. الجديدة
11-26-2015, 07:06 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
ود المدير ود حلتناعشان انت سمعت كلام الوالدة ودخلت الجامعة تاكد ان اللهسوف يفتح لك كل ابواب الخير حتى وان طال الزمن..فحياتكستكون سهلة ميسرة بعد اية معاناة قاسيتها..وحبك لاتبرا وناسهاواهلها سيفتح الطريق لحب الناس ليك..وانت كاتب اساس محترفبس انت اسكت اكتب زي ما قال ليك ود الغالي..وخلي حكاية القراية ليناونحن بنشم في كتاباتك ريحة عطبرةودمت بالف خير وصحة وعافية
11-27-2015, 06:53 AM
ابراهيم ناصر ابراهيم ناصر
تاريخ التسجيل: 05-17-2013
مجموع المشاركات: 209
تحيه للجميعوخاصه للمحتفى به معاويهتعرف يامعاويه قضيت اكثر من ثلاثه سنوات فى عطبرههى اجمل سنين العمر لا زلت ارتجف عند ذكر عطبرهكنت زميل ومرافق لحميد فى ذلك الوقتوكنت ومازلت على يقين ان عطبره هى التى خلقت حميدمنذ اندهاشه الاول بسيل العمال يتدفق فى ساعه الافطاركنت اول قرا من طعم الدروس واول من سمع لحنها من محى الدين اليمنىفى دار الفنون الشعبية الواقع قريب من مدارس الخدمات بنات او قريب من دار المعلمين اذا ماخانتى الذاكرهبى حنين لاحد له لفول اليمانى القريب من سوق الخضاربى حنين الى جلسه امام دكان خالى ابوعجور القريب من دكان القوصىعندما امر بعطبره ولا ادخلها اشعر بقلبى يغوص فى دواخلىكنت اسكن مع خالى فى الفكى مدنى اذكر من الجيران معاويه شلبى اجمل مافى عطبره انها مدينه بلا طبقاتلذى تسكنك اينما ذهبت .وتباريك وين ما قبلت .
Quote: تعرف يامعاويه قضيت اكثر من ثلاثه سنوات فى عطبرههى اجمل سنين العمر لا زلت ارتجف عند ذكر عطبرهكنت زميل ومرافق لحميد فى ذلك الوقتوكنت ومازلت على يقين ان عطبره هى التى خلقت حميدمنذ اندهاشه الاول بسيل العمال يتدفق فى ساعه الافطاركنت اول قرا من طعم الدروس واول من سمع لحنها من محى الدين اليمنىفى دار الفنون الشعبية الواقع قريب من مدارس الخدمات بنات او قريب من دار المعلمين اذا ماخانتى الذاكرهبى حنين لاحد له لفول اليمانى القريب من سوق الخضاربى حنين الى جلسه امام دكان خالى ابوعجور القريب من دكان القوصىعندما امر بعطبره ولا ادخلها اشعر بقلبى يغوص فى دواخلىكنت اسكن مع خالى فى الفكى مدنى اذكر من الجيران معاويه شلبى اجمل مافى عطبره انها مدينه بلا طبقاتلذى تسكنك اينما ذهبت .وتباريك وين ما قبلت .
الأخ عمر دهب سلامات ومرحبابكوالله يا عمر انت محظوظ كونك عاصرت شاعر الوطن والتراب والإنسانية الراحل حميد وبالتاكيد عطبرة لها اثر كبير جداً في حياة حميد وكل من يمر بعطبرة اكيد ما حا ينساهاولا ابالغ لو قلت ليك انا جيت ماري من بورتسودان بعطبرة اكلت فيها احلى فول في حياتي وكان الجو بارد في فصل الشتاءوقطعت بي بنطون ام الطيور في طريقي الى مروي قبل انشاء الكبرى والى الان اذكر كل تفاصيل هذه الرحلة عطبرة بها وعي وثقافة سبقت بها كل مدن السودان حتى العاصمة الخرطوم وانسان عطبرة ابعد الناس عن التطرف لان أساسه في فهم الحياة وفلسفتها قوي ومتين وناشئ من مجتمع تخللته ثقافات مختلفة وأفكار متضادةلذلك لا نستغرب ان تنجب عطبرة أمثال ود المدير واولاد الشيخ كلهم وجمال المنصوري (على ما اظن) وأيضا اخونا حيدر الزين وهم كثر بيننا يثرون هذا المنبر دائماً بالجميل لانهم الاجمل بلا منازعمشكور اخونا عمر دهب على المرور والتعليق الجميل
إبراهيم ناصر سلامات وحبابك عشرات فعلاً يا إبراهيم معاوية شخصية محبوبة جداً وكل صفات هذه الشخصيةتجبرك على احترامها وحبها واظن ان صدق ما يكتبه وعفويته هو سبب هذه المحبة والاحتراموهو بالتأكيد جدير بهما واكثر مشكوووووووور على المروووووور
11-29-2015, 11:15 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: دي ما من قوقل يا ود المدير..دي طااازة من هناك.
يا سلآم يا قريبي،ألف شكر علي الهدية الرائعة .هِناك وما ادرآك ما هِناك ؟،حيث البنطون قام بي وإنحدروالدموع سالت كالمطريا خِلآي متين السفر لام نخيل يا بلد الغزل .
11-29-2015, 12:01 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: ود المدير ود حلتناعشان انت سمعت كلام الوالدة ودخلت الجامعة تاكد ان اللهسوف يفتح لك كل ابواب الخير حتى وان طال الزمن..فحياتكستكون سهلة ميسرة بعد اية معاناة قاسيتها..وحبك لاتبرا وناسهاواهلها سيفتح الطريق لحب الناس ليك..وانت كاتب اساس محترفبس انت اسكت اكتب زي ما قال ليك ود الغالي..وخلي حكاية القراية ليناونحن بنشم في كتاباتك ريحة عطبرةودمت بالف خير وصحة وعافية
بِت حِلتنا بسمات،سلآم .قريت السنة الأولى في كلية القانون جامعة القاهرة فرع الخرطوم، وفي السنة التانية قبل الإمتحاناتبإسبوعين بالضبط الوالدة عليها رحمة الله توفيت . دخلت قاعة الإمتحانات وكلي حسرة وألم لفراقهاإمتحنت ومرقت بلآ عودة . كان لي صاحب دفعتي في الجامعة ؤُ شغالين في مصلحة المخازن والمهماتسوا، متابع إهتمامي بالقراية، قال لي انا راح اسجل ليك في الجامعة قسم اللغة العربية . قتلو، يا وليدانا القراية الأكاديمية دي ما بتنفع معاي . قال لي، غايتو انا بسجلك . كتّر خيرو فعلاً مشى سجل لي فيادآب قسم اللغة العربية وإشترى لي المذكرات ؤُ عمل لي البطاقة، والحاجات دي كولها بي صمتا كانتقاعدة في درج المكتب لحدي ما غادرت المصلحة . من الأشياء الطريفة في تلك الفترة كنت أتجوّل فيمعرض الكتاب في نادي ناصر، وصادفت وآحد دفعتنا في الأهلية المصرية، سألتو، يا زول الجابكبجاي شنو ؟، قال لي شغال هنا . قتلو، طيّب ما تشوفلنا كُتُب . قال لي، إلا نسرقا . قتلو، نسرقا يا زول .قال لي، خلآس جيب شنطة ؤُ تعال لي المساء هنا . المساء شلت الشنطة ؤُ مشيت، وكِت جينا في عِزيّل الكتب ما عرفت اشيل شنو، واخلي شنو !. قتلو، انا داير اشيل كتاب الأغاني !. قال لي، يا معاويةدا دايرلو بعير مُش شنطة، عليك الله خليك معقول شوية . أها، وكِت ستفنا الشنطة صاحبي عاين لقانيسارق لي كتاب تفسير !. قال لي يا زول دا قرآن !؟. قُتلو، عارفو، خليهو انا بقراهو .الألآم كانت افظع مما أحتمل، فبديت افكر في مغادرة البلد بحثاً عن العلآج، رغم إنني يقنت علي الخرتومبعد جُهد جهيّد، كنت في ايامي الأُولى اكون ماشي الجامعة ألقى القطر في المحطة امرقا في اتبرا، لذلكإشتغلت في المخازن عشان اوطن نفسي علي الخرتوم . في سنة 88 مشيت دولة الأمارات قعدت 3 شهوركانت فترة صعبة ما لقيت علآج، رجعت رغم الوعد بشغل وإقامة، وبمجرد ما نزلت البلد جريت اتبرا .تمّ نقلي من المخازن والمهمات لوزارة الخارجية في نفس السنة ...
ود عطبرة الاتبراوي .. ود المديربالله عليك الله شوف اخوي الوليد الشيخ بيقول عنك شنو:~قال اكتر حاجة عاجبني فيه صفاء قلبه وقدرته على المسامحةوان دي صفات بيمتاز بيها اهل عطبرة..واذا انت فعلا بتسامحالبسئ ليك فانت زول نادر في هذا الزمن الملئ بالبغضاء والشحناءوانت زول عطبراوي اصيل عشان ناس عطبرة عندهم السمة السمحةدي...ودي سمة بيمتاز بيها برضه عبد الحفيظ ود ابو سن من اهل كوستيلان كوستي هي توامة عطبرة ...وواصل كلامك ذكرياتك فنحن بنتابع كلما نفتح المنبر العام ودمت بالف خير وصحة وعافية بسمات الشيخ
11-30-2015, 10:28 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11848
محمد الشيخ يا اخوي .. ما تميت الجملة لكن انا من حرف الغين ممكن اتم ليك الجملة:- غني انت يا ود المدير بالصفات السمحة وغني انت بحب الناس ليك لانك بتسامح عند المقدرة وناس عطبرة أساسا معروفين بالطيبة والعشرة وعايشين كلهم زي الاهل واكثر..وما بيعرفو الفرقة ودمت بالف خير وصحة وعافية
12-01-2015, 07:10 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: ساقتنا الظروف يا صاحيلي دار العذاب والغربةفارقنا البلد نتباكىاحكام الزمان صح صعبة
العبور إلي الجحيم في الطرف الآخر من الدنيا .قضيت تقريباً سنة في وزارة الخارجية . لا أخفي حبي لمدينة بحري، كانت لي فيها ذكريات جميلةوصحاب قضيت معاهم زمن جميل . كنت ساكن في الحلفايا ومن المفارقات كان جاري نافع علينافع وكان يسكن في بيت إيجار اظنه مِلِك للشيخ عوض الله صالح . تضاعفت الألآم وكنت احاولأقنع نفسي بعدم وجودها، وكان عندي برنامج شبه يومي جكة من الحلفايا لشمبات وبالعكس، لكندا كلو ما نفع . يوم الصباح وانا داخل للوزارة وآحد ناداني، إلتفت لقيتو عمر باشري ؤُ معاهونجم الدين عمر، اللِتنين من اولآد الدآخلة !، عمر قال لي، يا معاوية المدير دآخل كدا توووووشك الوزارةدي حقت ابوك ؟. قتلهم، تعالو ادخلو يا مقاطيع انا شغال هنا . دخلنا وسألتهم، مالكم إن شاء اللهخير ؟. عمر قال لي، دايرين نوثق لنجم الدين دا شهاداتو لأنو ماشي امريكا . بصرآحة إستغربتنجم الدين دا ما لقى غير امريكا ؟. المهم وثقوا الشهادات ؤُ فاتو، وكان عزاي في دآك اليوم إني قابلتوِلآد اتبرا ...
12-05-2015, 10:21 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
مرحبابك ويا هلاالعزيز ود المدير يسعل منك الخير ويتلقاك التوفيق شقيش ما تقبلوتمتعك الصحة والعافية طول حياتك وعمركوشكراً على السؤال عنيالغياب كان بسبب سفيرة صغيرة بغرض قضاء بعض الاعمالتحياتي وواصل في ابداعك ياخ ومتابعين معاك وراجنكان شاءالله جوكم دفى شوية
12-07-2015, 06:40 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
ابراهيم يا صاحب يا رفيق في النادي السودانيبمدينة كالقري حيث عمر منصور قاعد يبهدلنابهدلة في طربيزة البينق بونق لآمن يخليك تفتشللنضارة، لك ألف شكر .الآم الضهر في إزدياد، ومحاولة الخروج من السودان بحثاً ورا العلآج اصبحت همي الأوّلوالآخير رغم اني ما كنت راضي افارق عطبرة مُش السودان . يوم فجاة تذكرت مقابلتي لعمرؤُ نجم الدين ؤُ موضوع توثيق شهادات نجم الدين لأنو ماشي امريكا، وبالمناسبة نجم الدين دازول فنان وصاحب ريشة تكاد تنطق ولوحاته كانت في فترة تزيّن كثير من المحلآت في عطبرة.إتذكرت اليوم داك ؤُ قلت طيّب انا ما احاول امريكا دي يمكن ربنا كاتب لي فيها علآج . بديتاجمّع معلومات عن امريكا وكيفية الوصول لها ؟. بديت من وزارة الخارجية، وكنت بعرف وآحد إسمو علي من اولآد الشعبية علي ما اعتقد، إستشرته قال لي يا معاوية انا كنت في كلفورنيا،ونصيحتي ليك تنسى حكاية امريكا دي خالص، واصلت تجميع معلوماتي من عدة اطراف، وعزمت علي محاولة الذهاب لأمريكا .
12-07-2015, 07:09 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 27728
Quote: تحيه للجميعوخاصه للمحتفى به معاويهتعرف يامعاويه قضيت اكثر من ثلاثه سنوات فى عطبرههى اجمل سنين العمر لا زلت ارتجف عند ذكر عطبرهكنت زميل ومرافق لحميد فى ذلك الوقتوكنت ومازلت على يقين ان عطبره هى التى خلقت حميدمنذ اندهاشه الاول بسيل العمال يتدفق فى ساعه الافطاركنت اول قرا من طعم الدروس واول من سمع لحنها من محى الدين اليمنىفى دار الفنون الشعبية الواقع قريب من مدارس الخدمات بنات او قريب من دار المعلمين اذا ماخانتى الذاكرهبى حنين لاحد له لفول اليمانى القريب من سوق الخضاربى حنين الى جلسه امام دكان خالى ابوعجور القريب من دكان القوصىعندما امر بعطبره ولا ادخلها اشعر بقلبى يغوص فى دواخلىكنت اسكن مع خالى فى الفكى مدنى اذكر من الجيران معاويه شلبىاجمل مافى عطبره انها مدينه بلا طبقاتلذى تسكنك اينما ذهبت .وتباريك وين ما قبلت .
حياك الغمام أخونا في الرضاع عمر دهب،يا من رضعت من ثدي امنا عطبرة بعضحنين وحِفنة كفاح .عطبرة مدينة تترك بصماتها علي روح كل من تطأ أقدامه ارضها الطاهرة، ونحن ابناءها لا نترفععن تقبيل قدمي من مشى علي اديمها، فلك السلآم وعلي حميد الرحمة من رب الأنام . قطعاً عطبرةتركت بصماتها علي حميد، وكان شئ طبيعي ان تشهد عطبرة مولد طعم الدروس، فطعم الدروس فيها حِنيّة تذيب الجبال وعطبرة هي الأرض التي نبتت فيها أشجار المحنّة .اليماني كان إسمة ابو صلآح يا عمر، كنا نبيع التمر في السوق ؤُ نفطر فول عندو طوالي، ؤُ بالليلناكل باسطة عند عمك القوصي جنب جزارة حسن خليفة العطبراوي . حقاً عطبرة مدينة بلا طبقاتوهي مدينة في منظهرها وقرية في قُرب أهلها من بعضهم البعض، وتوآدهم وتراحمهم فيما بينهم .نضر الله عيناك اللآتي راين عطبرة .
اجمل وصف لعطبرة يا ود عطبرة ود المديرهو انها مدينة في منظرها وقرية في قرب اهلهامن بعضهم البعض في توادهم وتراحمهم فيما بينهم..وهسع انا بتخيل لي زي ما انا بعرف السوداني فيدول الغرب من وسط الف جنسية اخرى بعرفالعطبراوي من وسط الف نفر من مدن اخرى..عطبرة بقتلينا الوطن الام والسودان الوطن الكبير والاتبراوي الشريانالذي يسقينا الشهد...ودائما لمن نتذكر عطبرة تصيبنا النوستالجيا ونغالب الدموعودمتم بالف خير وصحة وعافية بسمات
12-08-2015, 03:29 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: ودي سمة بيمتاز بيها برضه عبد الحفيظ ود ابو سن من اهل كوستيلان كوستي هي توامة عطبرة ...وواصل كلامك ذكرياتك فنحن بنتابع كلما نفتح المنبر العامودمت بالف خير وصحة وعافيةبسمات الشيخ
بِت حِلتنا بسمات،اسأل الله ان ينعم عليك بالصحة والعافيةويجعلهما تاج علي رأسك .عبد الحفيض سيدنا يا بسمات وإبن سيدنا،وكوستي هي المحطة الثانية بعد عطبرة لها ولأهلها منا السلآم .حاولت إستفيد من وجودي في الخارجية كي احصل علي التأشيرة لأمريكا . شِلت جوازي ؤُ مشيت لمكتبسيد احمد الحسين وكان وكتها وزير للخارجية، مالقيتو في المكتب . تركت جوازي عند السكرتيرة ؤُ رجعتبعد إسبوع، علمت منها ان السيد الوزير ما شافتو طوال الإسبوع ! تعجبت ؤُ شلت جوازي ومرقت طواليلرئاسة إتحاد نقابات العُمال، قابلت هناك محمد الحسن عبد الله والذي كان في فترة من الفترات رئيسنقابة عمال السكة حديد، وفي نفس الفترة كان والدي السكرتير، لكن برضو ما خرجت بشئ غير اني قابلتمحمد الحسن عبد الله ووصلته . كان معاي وآحد من العبيدية قال لي يا معاوية ما تمشي لعلي سحنون الزولدا صاحبي وطوالي بيجي يشرب معانا الشاي هنا زي ما شايف . قلت، والله فكرة الزول دا قريب لينا ؤُ كمان هو وزير ممكن يكون اقرب للسفارة الأمريكية . شِلت جوازي و توجهت لمكتب سحنون، دقيت البابؤُ دخلت لقيت معاهو ضيوف طوالي رجعت، ناداني قال لي، معاوية تعال مالك ؟. مشيت جنبو ؤُ همستحتي لا أشعر الضيوف، فإذا بي أُفاجأ بالسيد علي يقول لي بصوت عالي، يا زول امريكة شنو البتمشيها،إنت حصل مشيت الضعين ؟، كدي امش الضعين في اللوّل . !!! طلعت غضبان غضب شديد جداً منمكتبو . السعيد سألني، مالك يا معاوية ؟. قُتلو، عليك الله صاحبك دا خليني مِنّو . وقررت الأتي ...
وانت برضو مشكور على المرور الانيق يا حيدرمعاوية لسة ما عملنا ليو أي حاجة البوست دا حاجة بسيطة جداً قصاد ما يستحقهيا زول اقولك نحنا حالفين نسويلو حفلة كبيرة وفيها كل نقاقير تراثنا السودانيؤ كمان حالفين نركز وننجلد للصباححياك الله
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طلحة عبدالله
تبارك شيخ الدين جبريل
معاوية الزبير
معاوية المدير
Yasir Elsharif
عبدالعزيز الفاضلابى
حامد بدري
MOHAMMED ELSHEIKH
جلالدونا
علي عبدالوهاب عثمان
خال فاطمة
سيف النصر محي الدين
ابراهيم ناصر
عمر دهب
حيدر حسن ميرغني
فيس بوك
تويتر
انستقرام
يوتيوب
بنتيريست