|
استهداف الواتساب في شخص "ابو القنفت" المسكين
|
06:39 PM Nov, 01 2015 سودانيز اون لاين على ميرغني-الخرطوم بحري مكتبتى فى سودانيزاونلاين
والمابعرف ابو القنفت يسأل جارو.. بعدين لفائدة الماعارفين اليومين ديل في اشاعة قوية عن رجل اعمال صيني بيشتري ابو القنفت الواحد بمليار جنيه قال ليك اهل القرى في بوادي السودان وبخاصة في النيل الابيض خرجوا زرافات ووحدانا يبحثون عن الشخص المهم ابو القنفت وعادي تلقى القرية كلها رجال ونسوان شفع وكبار اي زول شايل بطاريتو والليل كلو من خرابة لي خرابة بحثا عن هذا الحيوان الذي اصبح فجأة يساوي مليار جنيه.. طيب خليكم من القصة الفاضية دي.. وخلونا في المهم قبل كم شهر طلعت اشاعة برضو عن مكوة الفحم ماركة ابو ديك وتاني طلعت اشاعة صحن الصيني المرسوم فيهو الامير والاميرة وهم برقصو او امكن بقطعو في الرحط.. واسع جات قصة المسكين ابو القنفت.. طيب لماذا هذه القصص الفطيرة... ولماذا كلها اختارت موضوع الغنى وكانت وسيلة نشرها هي الواتساب؟ خليكم من السؤال دا.. وخلونا نركز ان النتيجة المؤكدة هي ان الواتساب سيتحول الى وسيلة لنقل الاخبار المشكوك فيها ويصبح بالتالي "كلام واتساب ساي".. يعني بلغة اهل السياسة العملية اغتيال شخصية الواتساب وتحويله الى ماسورة ساكت..
|
|
|
|
|
|