|
|
 ما للفيسبوك والواتساب لهما.. وما للمنبر للمنبر (رجاء)
|
10:42 AM Oct, 30 2015
سودانيز اون لاين
معاوية الزبير-الدوحة
مكتبتى فى سودانيزاونلاين
عدد من البوستات المفتوحة أخيرا في المنبر غير مفهومة بالنسبة لي، ليس لأن فهمي داقي الدلجة، لكن لأنها بدت لي مبتورة وأيضا منزوعة (عن سياقها)
وطبعا ليس بالضرورة أن أفهم أو يفهم غيري كل بوستات المنبر، فما هو غامض بالنسبة للبعض، واضح وجلي لآخرين، وبالعكس
سألت صديق عن ماهية هذه البوستات، قال لي المرجع هو الفيسبوك والواتساب (هذا ما قصدته بمنزوعة عن سياقها)
طبعا لا أملك -ولا أحد غيري يملك- الحق في أن يحدد للناس مصدر وينبوع بوستاتهم
لكن عايز أقول :
- منبر سودانيز أونلاين قادر على إنتاج حاجاتو براهو (بما تتمتع به عضويته من إمكانيات متنوعة: فكر-روح مرحة- حنك- موهبة .. الخ)
- إنتاجات سودانيز أونلاين لها خصائصها التي تميزها ومن بينها المرجعية، وأيضا القيود، فهي ليست مطلوقة (خليك من الاستثناءات)
- طرائق النشر والنقاش والحوار في سودانيز تختلف عن سواه من وسائل التواصل الأخرى
- عضوية منبر سودانيز في غالبها الأعم معروفة الهوية (العمر، الجندر ..الخ) ومعروفة الهوى، مما يجعل التفاعل سهلا أو ممكناً
- الخ الخ الخ
من أمثلة هذه البوستات:
بوست ود البشرى (باضت لينا في قفص)
بوست تراجي (كذب شلة الموج حول دقيس ....)
بوست Arif Nashed (السيدة نضال حسن الحاج توجه صفعة مؤلمة لتراجي ....)
لا شيء شخصي طبعا
و.. الله من وراء القصد
القصد هو التفاعل طبعا
|
|
 
|
|
|
|
|
|
|
|
Re: ما للفيسبوك والواتساب لهما.. وما للمنبر لل (Re: حمد عبد الغفار عمر)
|
تصحيح يا معاوية بوستي لا علاقة له بحاجات الفيس ولا الواتساب
انا اتناول ظاهرة جرت ولا زالت في سودانيز اونلاين على بعد بوستين تلاتة من البوست بتاعي, التسجيلات ما هي إلا عرض من اعراض الظاهرة
الأصل فيها هو الإدعاءات الفارغة و التوزيع الساي للألقاب وللوطنية و الشرف و النضال البقت مستهلكة وافرغت من معناها في البورد
و اهم ما في الظاهرة هو غض النظر عن سوءات الىخرين طالما (عاملين) فيها معارضين وبنفس القدر ابراز سوءات الآخرين طالما ما معارضين اسفيريين ودا من صميم البورد ومن داخله ما من بره
فاادعوك لإعادة القراءة على ضوء كلامي دا ح تلقى ان البوست ليس مستمدا من الفيس بووك او غيره.
| |
|
|
|
|
|
|
|
|
Re: ما للفيسبوك والواتساب لهما.. وما للمنبر لل (Re: قسم الفضيل مضوي محمد)
|
| Quote: تصحيح يا معاوية بوستي لا علاقة له بحاجات الفيس ولا الواتساب |
ود البشرى سلام
أنا قريت البوست بتاعك في بداياتو وما فهمتو ورجعت ليهو بعد فترة وما فهمتو برضو
من القرائن قدرت إنو مرجعيتو الفيس والواتس
طالما طلعت قراءتي خاطئة فإني أعتذر
لكن بعد دا ممكن تفهمني انت عايز تقول شنو وقاصد منو؟
ثانيا في بوست تراجي شايفك جيت ضحكت ومرقت، يعني فاهم حاجة
ممكن تفهّمني معاك، لأجل خاطر العشرة
-------------
طلحة يا كاتب الموسم
أشكرك للتضامن
----------
قسم الفضيل | Quote: وسائل التواصل الاجتماعي كالجسد الواحد ... |
الحديث دا يصح فقط في الجسد الحي حيث تتداعى الأعضاء لبعضها بسبب ارتباطها العضوي
أما الكيانات الافتراضية دي فالتداعي ليس تلقائيا إنما بفعل فاعل، يعني زول يشيل جرثومة من مكان ما وينقلها إلى مكان آخر
إذا فهمتك صاح
| |
|
|
|
|
|
|
|
|
|
Re: ما للفيسبوك والواتساب لهما.. وما للمنبر لل (Re: معاوية الزبير)
|
Quote: كيفك يا معاوية
هل تصدق أنا للآن ما فتحت فيديو واحد من الفيديوهات دي
بتخيل الفيها من خبرة التواجد في المنبر بس
ياهو كوم التراب بتاع آخرتا |
أنا شفت فيديوهين لتراجي ووجدت أنها الوجه الأكثر إفصاحا عن الحال الذي وصلت إليه السياسة في بلدنا.
ما بنلقى عندك وصفة لي حالة سياسيينا ديل يا حمد ؟
ما تقول لي الاستئصال بالله. نحن لسه عندنا أمل
| |
|
|
|
|
|
|
|
|
|
Re: ما للفيسبوك والواتساب لهما.. وما للمنبر لل (Re: محمد حيدر المشرف)
|
سلامات
في عامل ما انتبهت ليهو وفي رايي كان حيساعد على ما استعصى عليك
البوستات المحذوفة
وكمثال بوست بعنوان
صبي عرمان ( صديق الموج ) اركز وخليك راجل خلي بكي و الكذب
قوقل في النسخة المخبأة بديك البوست بس مبتور
الموضوع كلو ليهو علاقة بالتسجيلات والتسجيلات المضادة الأخيرة
وعشان تفهم الحاصل اليومين ديل الا تبطل شغلك وتحرس المنبر قبل طوفان الحذف
لأنو حتى قوقل بقى ما بديك نجيضةً بقولوا عليها
نجيضة قوقل لحقت نجيضة ود الباوقة
تحياتي
| |
|
|
|
|
|
|
|
|
|
Re: ما للفيسبوك والواتساب لهما.. وما للمنبر لل (Re: معاوية الزبير)
|
تحياتي وسلامات عزيزنا ود الزبير
| Quote: ما للفيسبوك والواتساب لهما |
لو أضفت عليهم ( الراكوبة ) تكون ما قصرت كلو كلو
في قصة الراكوبة دي الحاجة المحيراني أنو الناس بيمشوا موقع الراكوبة يلقوا موضوع يعجبهم طااااخ ( يغرفوهو ) ويجوا ملصقنوا هنا عشان يكون بوست
أولاً والأهم
وحسب فهمي ( الـ ممكن يكون قاصر ) أنو الزول لمن يطرح موضوع بيكون أوتوماتيكلي قال للناس أنا متبني هذا الطرح وممن أدافع عنو أو يقول ليهم أنا ضد هذا الطرح ومستعد أفندوا وأثبت عدم صحتو
لكن ينقل الكلام وبس
دي أبت تتفهم لى كلو كلو
ثم ومن حيث الشكل
فـ ( الراكوبة ) التي ( غرف ) منها صاحب البوست هذا متاحة للجميع والجميع ممكن يقرأ الخبر أو الموضوع في مكانو
ومرات تلقاهم بوستين تلاتة مغروفات لنفس الموضوع
_____________
أعجبني إعتذارك لود البشرى
وحميمية الرد
وقبلها أو معها أعجبني دفع ود البشرى ( الإتهام ) عن نفسه
| |
|
|
|
|
|
|
|
|
|
Re: ما للفيسبوك والواتساب لهما.. وما للمنبر لل (Re: محمد يوسف طه)
|
يا ود البشرى، الواحد ما داير يبدو زي المتابعك، لكن ردك لماوية غير دقيق!
أنت بعضمة لسانك قلت في مقدمة بوستك من ضمن الأشياء "التعرية الحاصلة في الواتساب" ودي بالرغم من ذكرك ليها في نهاية الاسباب إلا أنها تقرأ من أقوى أسباب البوست لأنو الواتساب بكون متحرر خالص
| |
|
|
|
|
|
|
|
|
|
Re: ما للفيسبوك والواتساب لهما.. وما للمنبر لل (Re: حمد عبد الغفار عمر)
|
حبيبنا .. ود الزبير ..
صباح الشوووق ,,
| Quote: القصد هو التفاعل طبعا |
والله متفاعلين نامن منفعليين . وهنا اؤكد عائلة عبد الواحد كلها واحد
لافرق بين حيطة فيس ولا طاقة اسكاي ولا سوق واتساب هههههههه
يعني ما تجي تقشر لينا بانقدهم عشان مافي زول بسمع كلامك ههههه.
ولك التحية وبرضو مشتاقووون .
| |
|
|
|
|
|
|
|
|
 Re: ما للفيسبوك والواتساب لهما.. وما للمنبر لل (Re: انور تاج السر)
|
Quote: الموضوع كلو ليهو علاقة بالتسجيلات والتسجيلات المضادة الأخيرة
وعشان تفهم الحاصل اليومين ديل الا تبطل شغلك وتحرس المنبر قبل طوفان الحذف |
لو بكري بيصرف لينا ماهية، ما عندنا مانع نبطل شغلنا.
يا تبلدي الواحد اليومين دي باقيات عليهو الاتنين: بؤس في الأخبار السياسية وبؤسين في أخبار المنبر.
----------
| Quote: لو أضفت عليهم ( الراكوبة ) تكون ما قصرت كلو كلو |
أتفق معك يا عاطف، لا مبرر لنقل مادة من موقع آخر دون تبني موقف منها اللهم إلا الطمع في نيل أجر المناولة
المشكلة لو المادة المنقولة خبيثة سيكون له إثمها حتى يوم الدين. خاصة مواد الفيديو..
-------
| Quote: ده كله كوم يا ود الزبير و الفايرس الضارب المنبر الاسمه ((صلاح جادات)) كوم تاني خالص... !!! |
يا محمد يوسف، جادات دا تتعامل معاهو بطريقة الشر الذي لا بد منه
زي الرطوبة في الخليج والحر والغبار في السودان والشتاء القارس في سيبيريا
وتمضي الحياة 
| |
|
|
|
|
|
|
|
|
|
Re: ما للفيسبوك والواتساب لهما.. وما للمنبر لل (Re: معاوية الزبير)
|
| Quote: يا ود البشرى، الواحد ما داير يبدو زي المتابعك، لكن ردك لمعاوية غير دقيق! |
انت يا مستنير خايف ليه من قولة متابع ود البشرى
أهو زاتو بتابعك، بعدين إنه ممن يستحقون المتابعة.. دايما بتلقى عندو حاجة، كان أرضتك أو أغضبتك، فااا ما تتحسس ياخ
وسلملي على هضاب الحبشة بالله، وما تنسى كمان تتصور قدام الخزان.
-------------
| Quote: هم سوس ينخر في جسد الوطن |
وهل بقيَ فيه شيء للسوس يا حمد ؟ قال حميد: (جايي ليك يا نوره آآآفة آفة للسوس البنقّر عود عِشيماً داخرو فيك)
أنا لا يوجعني في بيت القصيد دا إلا تصغير العشَم. والله العظيم جد
الحال يبكّي يا شباب، برجع لباقي المداخلات بعدين
| |
|
|
|
|
|
|
|
|
|
Re: ما للفيسبوك والواتساب لهما.. وما للمنبر لل (Re: معاوية الزبير)
|
| Quote: ممكن تفهّمني معاك، لأجل خاطر العشرة |
غالي و الطلب رخيص يا حبيب
البوست بتاعي زي ما قلت ليك بتناول الحاصل من سقوط اقنعة و هو موجه للمخمومين بيني وبينك :) نظام ما قلنا ليكم ههههههه
ضحكتي في بوست تراجي لأنو لو تابعت بوست محمد سليمان اول ما جات سيرة التسجيلات كثيرين مداخلاتهم كانت تشتم و تنعل في دقيس باعتباره هو من خان القروب و سرب التسجيلات ويا للغرابة ابوروضة زاتو عندو مداخلة يعد اتنين ما استنكروا وسيلة التسريب وعامل فيها رايح ولا كأنه هنا
اها بعد تراجي كشفت النومة اخوك دخل بضحكة نظام قريناه وكدا لكن الضحكة الجد بعد نشوف ردود افعال الشباب الضبحوا دقيس ياعتباره هو من سرب, بعتذروا ولا بسردبو :)
Quote: يا ود البشرى، الواحد ما داير يبدو زي المتابعك، لكن ردك لماوية غير دقيق!
أنت بعضمة لسانك قلت في مقدمة بوستك من ضمن الأشياء "التعرية الحاصلة في الواتساب" ودي بالرغم من ذكرك ليها في نهاية الاسباب إلا أنها تقرأ من أقوى أسباب البوست لأنو الواتساب بكون متحرر خالص |
يا مستنير ما تتحسّس ياخ, موضوع لخبطتك بين التمييز و العنصرية ملكة ولقيتها فيك و انتهت في وقتها , انت بس ارخي جسمك وخلها تمش عادي :)
اها .. نرجع لتعليقك, ارجع اقرا كلامي لمعاوية مرة انية بعد ترخي جسمك شوية ح تلقاه عادي و اشارتي لما جرى في الواتساب و الفيس بووك مفهوم منها لكل من يقرأ بالطريقة المعتادة انه اعني ما جلب منم هنا, فلو ما التسجيلات دي جات في بوستات في البورد ما كنا عرفنا او سمعنا بيها
ودا يختلف عن فهم معاوية الذي يتحدث عن بوستات تنقل مباشرة للبورد من الفيس و الواتساب وشاييفه اضاف الراكوبة كمان
ها.. أي سعال :)
| |
|
|
|
|
|
|
|
|
 Re: ما للفيسبوك والواتساب لهما.. وما للمنبر لل (Re: محمد البشرى الخضر)
|
Quote: والله متفاعلين نامن منفعليين . وهنا اؤكد عائلة عبد الواحد كلها واحد
لا فرق بين حيطة فيس ولا طاقة اسكاي ولا سوق واتساب هههههههه |
برضو عبد الواحد يا منى!
انا غايتو بعد الخذلان بتاع الحركات دي مفكر أعمل حركة براااي أكون رئيسها وأمينها العام والمواطنين
وأدعو الكل لحذو حذوي الحركة بالحركة
ونسمي الوطن:
الحركات السودانية المتفرقة
-----------
| Quote: خلاص ما دام ما داير الأستئصال لا أنصحك بالعلاج الكيماوى، فقط سلط عليهم اشعاع تشيرنوبل و فوكوشيما عسى و لعل... |
أنور تاج كدا ماخسارة في الإشعاع؟
أقترح جعل أجسامهم حقول تجارب لأدوية جديدة للملاريا
مش بكون أفيَد لشعوب العالم التالت ؟!
| |
|
|
|
|
|
|
| |
معاوية الزبير
عبدالحفيظ ابوسن
حمد عبد الغفار عمر
محمد البشرى الخضر
طلحة عبدالله
قسم الفضيل مضوي محمد
محمد حيدر المشرف
محمد قسم الله محمد
عاطف عمر
محمد يوسف طه
أبوبكر عباس
مني عمسيب
محمد جمعه الخير
فيس بوك
تويتر
انستقرام
يوتيوب
بنتيريست