|
عصابة الافيتا
|
10:14 AM Oct, 29 2015 سودانيز اون لاين الطيب عباس-ناوي للبلد الامين مكتبتى فى سودانيزاونلاين
ياخوان الموضوع جاني في الواتس وبالتحري طلع صح لانو في زول صديق وثقة وفوق كده من حفظه كتاب الله اتعرض للموضوع دا كتير قبل مده واقسم لي بالله انو صح ووجب التنبيه واخذ الحذر امس تم انزال الفيديو وحزف للتكرار اعتقد .. فعفواًلو كررنا الموضوع
الاخوة والاخوات الاعزاء ما اريد طرحه امر في غاية الخطورة والغرض من الطرح التبصير والتنوير وايجاد سبيل لمكافحة ذلك الامر.
ظهر في الاونة الاخيرة مجموعة شباب يقودون عربة هيونداي ( لافيتا) تحمل الرقم خ1/ 85666 يتسولون الناس بسرد قصة مؤلفة من خيالهم الخصب لكي يتحصلو علي اموال طائلة باسهل الطرق مستقلين في ذلك شهامة ومرؤة الشعب السوداني رجالا ونساء.. وغالبا ما يذكرون انهم من خارج العاصمة واتو لاجراء عملية وكل المعاهم من مبالغ خلصت وحاليا يحتاجو مبلغ لكي يتمولو بالبنزين ويصلو لذويهم القصة محبوكة جدا وتوجد امرأة تقريبا معهم وناس نظيفين وراكبين عربية جميلة فمن غير شعور تدخل يدك في جيبك واقل مبلغ يخرج منك 20 جنيه هذا اذا لم تقم بتسديد المبلغ الذي يذكروه كاملا فتتكرر هذه العملية في اليوم عشرات المرات وممكن يقابلو 70 شخص علي اقل تقدير فيخرجون بصافي مبلغ لا يقل عن 1000 بالجديد اي مليون جنيه او ازيد وكل ذلك بأحتيال الناس وايهامهم بقصص منسوجة من الخيال.
السبب في لفت انتباه الناس وايراد البوست هو تبصيرهم فقد ورد عنهم فيديوهات وصور كثيرة في احد القروبات المجاورة وكل اعضائه تقريبا نشطين في تبصير الناس وهذا الفيديو نزل اليوم في ذلك القروب من احد الشباب مشكورا الذي قام بتصويرهم ببراعة
ويعتبر ذلك النهج منافي لاخلاقنا نحن السودانين ثم انه يتسبب في قتل المرؤة في نفوس الناس فلا تفرق بين المحتاج والمحتال فخطورة الامر تكمن في ان هؤلاء المحتالون ينهون اخلاق شعب بأكمله وذلك بعد ان تكتشف انك استغفلت فتصير حذرا حتي من المحتاج حقيقة ونفقد بذلك ابو مرؤة البي فرارو يجيك من جوة ويبادر ليك من غير تكليف فالامر في غاية الخطورة فنرجو الانتباه والسعي لمكافحته بشتي السبل .
وعشان م يجيني ناس لكل قاعدة شواذ ويقولو لي يمكن محتاجين ويمكن مساكين بقول ليهم ديل نصابين ومحتالين ودي جريمة مكتملة الاركان ولتأكيد احتيالهم انهم في كل مرة يقولو انهم من المنطقة الفلانية مرة دنقلا ومرة كوستي ومرة القطينة وبيحلفو بالله زورا وتكررت عمليتهم هذه الاف المرات وذي م ذكرت يتم رصدهم وايراد بوست يومي عنهم في احدي القروبات المجاورة المتخصص في ذلك .
اتمني من الكل الانتباه والشوري في الامر وكيفية مكافحته من باب من رأي منكم منكر
|
|
|
|
|
|