|
|
 Re: جواب غرامي (Re: عبدالحفيظ ابوسن)
|
ﺧﻄﺎﺏ ﻏﺮﺍﻣﻲ ﻣﺒﺎﻟﻐﺔ ﻣﻦ ﺍﻟﺰﻣﻦ ﺍﻟﺠﻤﻴﻞ :
( ﺍﻟﺸﻤﺎﻟﻴﺔ- ﻣﺮﻛﺰ ﻣﺮﻭﻱ - ﻗﺮﻳﺔ ﻭﺩ ﺍﻟﻠﺪﺭ - ﺧﺎﻟﻲ ﺍﻟﺤﺎﺝ
ﺍﻟﺨﺪﺭ ﻭﺩ ﺍﻟﻔﻀﻞ ﻭﻣﻨﻪ ﺍﻟﻰ ﺍﺑﻨﺘﻪ ﻣﻴﻤﻮﻧﺔ - ﻳﺠﺪﻫﻢ ﺑﺨﻴﺮ-
( ﺷﻜﺮﺍً ﻟﺴﺎﻋﻲ ﺍﻟﺒﺮﻳﺪ )- 1962-6-11 )
ﺇﻟﻰ ﻣﻴﻤﻮﻧﻪ ﺑﺖ ﺍﻟﺨﺪﺭ .. ﻭﺭﻕ ﺍﻟﺴﺪﺭ .. ﻋﺎﺷﻘﻚ ﻃﺸﺎ
ﻭﻭﺩﺭ .. ﺿﺮﺏ ﺍﻟﺒﻨﺎﺩﺭ ﻋﺸﺎﻥ ﻳﺠﻴﺐ ﺍﻟﻤﺎﻝ ﻭﻋﺎﺭﻓﻚ
ﺭﺍﺟﻴﺎﻫﻮ ﻋﻠﻰ ﺍﺣﺮ ﻣﻦ ﺍﻟﺠﻤﺮ .. ﺳﻼﻡ ﻟﻴﻜﻲ ﻭﻟﻠﻨﺎﺱ
ﺍﻟﺒﺮﻳﺪﻭﻛﻲ .. ﻭﺍﻟﺒﻲ ﻳﻜﺠﻨﻮﻛﻲ ﻳﻄﻴﺮﻭ ﻓﻲ ﺑﻠﺪ ﺍﻟﻠﻪ ..
ﻳﺼﻠﻚ ﺟﻮﺍﺑﻲ ﺩﺍ ﻭﻳﻠﻘﺎﻛﻲ ﻓﻲ ﺧﻴﺮ .. ﺍﻣﺎ ﺍﻧﺎ ﺍﻥ ﺳﻌﻠﺘﻲ
ﻣﻨﻲ .. ﻻ ﺗﻨﻘﺼﻨﻲ ﺷﻲ ﺳﻮﻯ ﺭﻭﻳﺎﻛﻲ .. ﻣﻦ ﻳﻮﻣﻲ
ﺍﻟﺮﻛﺒﺖ ﺍﻟﻘﻄﺮ ﻭﻗﺒﻠﺘﺎ ﻏﺎﺩﻱ .. ﺳﺎﻓﺮﺕ ﺍﻧﺎ ﺍﻟﺠﺘﺔ ﻭﻗﻠﻴﺒﻲ
ﺧﻠﻴﺘﻮ ﻣﺸﻌﻠﻖ ﻓﻲ ﺍﻟﻤﺸﻠﻌﻴﺐ ﺍﻟﻤﻌﻠﻖ ﻓﻲ ﻣﺮﻕ ﺩﺍﻧﻘﺘﻜﻢ ..
ﻋﺸﺎﻥ ﻛﻞ ﻣﺎ ﺗﺠﻲ ﺗﺨﺘﻲ ﻟﻚ ﺑُﻘﺮﺓ ﻟﺒﻴﻨﺔ ﺗﺰﺣﻴﻬﻮ ﺑﺸﻴﺸﻲ
ﻟﻲ ﻏﺎﺩﻱ ﻭﺗﻄﺮﻳﻨﻲ .. ﺗﻠﻮﻟﺢ ﻓﻴﻬﻮ ﻫﺒﺎﻳﺐ ﺍﻟﻐﻲ .. ﺳﻴﺪﻭ
ﻳﻄﻤﺶ ﺑﺎﻟﺒﻨﺎﺩﺭ ﻭﺷﺎﻭﻳﺎﻫﻮ ﻧﺎﺭ ﺍﻟﻐﻲ .. ﺍﻣﺎ ﺑﻌﺪ -:
ﺍﻓﻴﺪﻛﻢ ﺍﻧﻲ ﻭﺻﻠﺖ ﺍﻟﺨﺮﺗﻮﻡ .. ﻭ ﺭﻛﺒﺖ ﺍﻟﺘﻜﺴﻲ ﻗﻠﺖ ﻟﻮ
ﻭﺩﻳﻨﻲ ﺍﻟﺴﺠﺎﻧﺔ ﻋﻠﻲ ﻧﺎﺱ ﺧﺎﻟﻲ ﺍﻟﺒﺸﻴﺮ .. ﻭﺻﻠﺖ ﺍﻟﺒﻴﺖ
ﻟﻘﻴﺖ ﺍﻟﺴﺘﺮﺓ ﻣﺮﺓ ﺧﺎﻟﻲ .. ﺍﺳﻜﺘﻲ ﻣﺎ ﺑﺘﻘﻮﻟﻲ ﺍﻟﺴﺘﺮﺓ
ﺍﻟﻤﻴﺤﻼﻧﺔ ﺩﻳﻚ .. ﺳﻤﻨﺖ ﻭﺑﻘﺖ ﻗﺪﺭ ﺍﻟﻠﻴﻠﺔ ﻭﺑﺎﻛﺮ .. ﻧﺎﻥ
ﺍﻟﻘﺮﺍﺭﻳﺺ .. ﺍﻟﻘﺮﺍﺭﻳﺺ .. ﺍﻭﻝ ﻣﺎ ﺩﺧﻠﺖ ﺟﺎﺑﻮ ﻟﻲ ﺻﺤﻦ
ﻗﺮﺍﺻﺔ ﺑﻲ ﺩﻣﻌﺔ ﻓﻮﻗﻬﺎ ﻟﺤﻴﻤﺎﺕ .. ﻭﻧﺎﺱ ﺍﻟﺒﻨﺪﺭ ﻳﺎ ﻣﻴﻤﻮﻧﺔ
ﻛﻞ ﻳﻮﻡ ﺑﻴﻀﺒﺤﻮ .. ﻣﻮ ﻣﺘﻞ ﻧﺎﺱ ﺑﻠﺪﻧﺎ ﻳﻀﺒﺤﻮ ﻣﻦ ﺍﻟﺴﻮﻕ
ﻟﻠﺴﻮﻕ .. ﻭﺍﻟﻀﺒﻴﺤﺔ ﻳﺎ ( ﻋﻨﺰ ) ﻛﺒﻴﺮﺓ ﻳﺎ ﻋﻨﺎﻕ ﻟﺪﻏﺎﻧﺔ ..
ﻭﺷﻔﻴﺘﻲ ﻳﺎ ﻣﻴﻤﻮﻧﺔ ﺍﻟﻠﻤﺒﺔ ﺍﻟﻠﺖ ﺍﻟﻜﻬﺮﺑﺎﺀ ﻣﺎ ﻋﻨﺪﻫﺎ ﺷﺒﻪ
ﻋﻼ ﺍﻧﺘﻲ . ﺍﺻﺒﺮﻱ ﻟﻲ ﺑﺲ ﺍﻥ ﻣﺎ ﻋﺮﺳﺘﻚ ﻭﺟﺒﺘﻚ ﺍﻟﺨﺮﺗﻮﻡ
ﻭﺳﻮﻳﺖ ﻟﻚ ﺍﻟﺒﻴﺖ ﻛﻠﻮ ﻟﻴﻤﺐ ﻣﺎ ﺗﺪﻳﻨﻲ ﺍﻳﺪﻙ .. ﺗﻮﻟﻌﻲ
ﻭﺗﻄﻔﻲ ﺳﺎﺍﺍﺍﺍﺍﻛﺖ ..! ﺍﻋﺮﻓﻚ ﺍﻧﻮ ﺍﻟﻤﻨﺪﻳﻞ ﺍﻟﻠﺨﺪﺭ
ﺍﻻﺩﻳﺘﻴﻨﻲ ﻟﻴﻬﻮ ﺧﺎﺗﻴﻬﻮ ﻓﻲ ﻗﻌﺮ ﺍﻟﺸﻨﻄﺔ .. ﻛﻞ ﻣﺮﺓ ﺍﻣﺮﻗﻮ
ﻭﺍﻋﺎﻳﻦ ﻟﻮ ﻭﺍﻃﺮﺍﻛﻲ ﻣﺸﻴﺖ ﻣﻊ ﺧﺎﻟﻲ ﺍﻟﺒﺸﻴﺮ ﻟﻠﻈﺎﺑﻄﻴﺔ
ﻭﻗﺎﻟﻮ ﺧﻼﺱ ﺑﻴﺸﻐﻠﻮﻧﻲ ﻓﻲ ﺍﻟﺒﻮﻟﻴﺺ .. ﻭﺑﻌﺪﻳﻦ ﻳﺎ ﻣﻴﻤﻮﻧﺔ
ﺑﻌﺪ ﺷﻬﺮﻳﻦ ﻛﺪﻱ .. ﺭﺳﻠﻲ ﻟﻲ ﻣﻘﺎﺳﻚ ... ﺭﺳﻠﻴﻬﻦ ﻣﻊ
ﺍﻗﺮﺏ ﺯﻭﻝ ﺟﺎﻳﻲ ﻣﻦ ﻃﺮﻓﻜﻢ . ﺭﺳﻠﻲ ﺟﻼﺑﻴﺔ ﻣﻦ ﺟﻼﻟﻴﺒﻚ
ﻋﺸﺎﻥ ﺍﻗﻄﻊ ﻟﻚ ﺗﻼﺗﺔ ﺯﻳﻬﺎ ﻟﻠﻌﺮﺱ .. ﻭﺭﺳﻠﻲ ﻟﻲ ﻓﺮﺩﺓ
ﻧﻌﺎﻝ ﻣﻦ ﻧﻌﻼﺗﻚ ..ﻋﺸﺎﻥ ﺍﺷﺘﺮﻱ ﻟﻚ ﺟﻮﺯﻳﻦ ﻧﻌﻼﺕ .. ﻭﻓﻲ
ﺍﻟﺨﺘﺎﻡ ﺳﻠﻤﻲ ﻟﻲ ﻋﻠﻰ ﺍﻟﻨﺎﺱ ﻣﻦ ﺟﻢ .
.......... ...
ﻭﺩ ﻋﻤﺘﻚ ﻭﺧﺘﻴﺒﻚ ﺳﺮ ﺍﻟﺨﺘﻢ ﻭﺩ ﺍﺑﺸﻮﺭﺓ
| |
 
|
|
|
|
عبدالحفيظ ابوسن
فيس بوك
تويتر
انستقرام
يوتيوب
بنتيريست