كتب الكاتب الفاتح جبرا المتوفرة بمعرض الدوحة
|
Re: محن مدارس الأساس الخاصة في السودان : فصل ف� (Re: الصادق عز الدين)
|
السلام وبعد
يا ريت لو المدرسة كان أدت كلو التلاميذ في الفصل الاول اعتقد ان فكرة النتيجة اول واخير وطيش. جريمة منظمة ترتكب في حق الطفل تقوم بها المؤسسة الرسمية وبكل اسف التي تسمي وزارة (للتربية ) والمؤسسة الشعبية تشترك معها في الجريمة بنفس الدرجة لقبولها ورضاها لهذا التخريب الذي نتائجه تظهر بصورة سريعة جدا تحطيم لاطفال صغار مشكلتهم الوحيدة انو الكبار لم يقومو بواجباتهم تجاهم بالشكل السليم،حيث تقوم المدرسة باحتفال رسمي اخر السنة لتعلن عشرة من التلاميذ شطار ومتميزين ودا ما فيهو مشكلة بس الآخرين او الفي اخر سلم الترتيب تبدا هالة حولهم من بعض اخوانهم التلاميذ بوصفهم بالأغبياء غير جديرين او مستحقين لاحترام طبعا ما للدرجة المتطرفة دي بس ياهو دمار نفسي منظم تبداهو المدرسة ويصل للبيت الحظو شقي اول ما يصل البيت يضرب وبعد داك خلاص تاني كان قال داير يشتري لعبة ولا اي مصيبة تبدا (هو انت شطارتك وينا ما كل السنة الطيش لعبة شنو ليك ) كتيرين جدا جدا حياتهم اتلخبطت من اللحظة دي (ودا تخريب للمجتمع الكبير بصورة متواصلة سنويا وبحجة او من خلال التربية كوزارة) فيا ريت تكون في مدارس انشاء حتي بالاحتيال دا ما تعمل علي تدمير الاطفال ذي ماهو معمول بيهو في النظام المتخلف بتاع التميز داك اطفال لسع المستقبل والمشوار قدامهم طويل اي حافذ او تشجيع بيفتح آفاق لهم وأهاليهم. احسن نظام خاصة للأطفال هو نظام متابعة المدرسة مع أولياء الامور وتشجيعهم علي مساعدة اطفالهم في الواجبات المدرسية وكل ما يتعلق بالمدرسة اي ان تضع الاسرة بشكل موازي مع المدرسة في العملية وتكون هناك واجبات تخصص ان تؤدي في المنزل مع الاسرة تضع أولياء الامور في الصورة الود والورد
| |
|
|
|
|
|
|
Re: محن مدارس الأساس الخاصة في السودان : فصل ف� (Re: ناذر محمد الخليفة)
|
سلام محمد يوسف ..
Quote: ثقافة الأول على الفصل دي زاتها نوع من التخلف...
نظام التقيم ( A.B.C.D) في رايي هو الحل.. |
مديرة المدرسة التي قابلتها وأعطتني هذه المعلومة .. ذكرت لي أنهم عندما وجدو أن 18 تلميذ كانت نتيجتهم الأول مشترك وهي تعترف ان ذلك غير منطقي البتة أمرت بعدم اذاعة النتيجة في الطابور والمنادة بنظام الأول والثاني والثالث .. حرصا على نفسية التلميذ والاسرة على السواء واستبدلت بدلا عن ذلك بالنظام جيد مقبول ممتاز ... ولكن المفارقة ظهرت بعد ذلك حين وجدت ان هنالك تلاميذ حصلو على الدرجات الكاملة في جميع المواد ونالو درجة ممتاز وهنالك تلاميذ أخرون ينقصون أكثر من ثمانين درجة وحصلو على درجة ممتاز أيضا !!!
حصلت كيف دي ؟ لا أنا عرفت الأجابة لا هي عرفت تديني اجابة !!!
| |
|
|
|
|
|
|
Re: محن مدارس الأساس الخاصة في السودان : فصل ف� (Re: ناذر محمد الخليفة)
|
سلام الصادق ....
Quote: في إحتمال إن كل الطلاب مبرزين ونجباء |
أذكر في الابتدائية من الصف الأول وحتى السادس كان يتنافس على المركز الأول تلميذين اثنين يتبادلان الأدوار بين الاول والثاني وفي مرات قليلة يشتركان في الاول ثم تاتي بقيتنا .. لا أذكر انه كانت هنالك نتيجة مشتركة في المراكة العشرين الأولى الا مرتين او ثلاث .. ولكن يأتي دائما الاشتراك مثني وثلاث في المراكز المتأخرة .. فنسمع الثلاثين مشترك وأحيان الأربعين مشترك ..
اما المولد الصاح لو كان في الطيش مشترك .. بنزفو لحدي بيتم بالسفنجات .. والعجب نائب الطيش والقبليو بيزفو معانا الطيشة عادي وزول بيسألم ما في !!
| |
|
|
|
|
|
|
Re: محن مدارس الأساس الخاصة في السودان : فصل ف� (Re: ناذر محمد الخليفة)
|
سلام حامد ..
Quote: يا ريت لو المدرسة كان أدت كلو التلاميذ في الفصل الاول اعتقد ان فكرة النتيجة اول واخير وطيش. جريمة منظمة ترتكب في حق الطفل تقوم بها المؤسسة الرسمية وبكل اسف التي تسمي وزارة (للتربية ) والمؤسسة الشعبية تشترك معها في الجريمة بنفس الدرجة لقبولها ورضاها لهذا التخريب الذي نتائجه تظهر بصورة سريعة جدا
|
انا ما عارف لو الممارسة دي بتتم لحدي هسي في المدارس الحكومية .. لكن المدارس الخاصة حسب تقديراتا .. الأكترية منها بتلجأ لي نظام التقدير والبعض منها بيلجأ لي نظام الاول والتاني والتالت والطيش ...
Quote: تحطيم لاطفال صغار مشكلتهم الوحيدة انو الكبار لم يقومو بواجباتهم تجاهم بالشكل السليم،حيث تقوم المدرسة باحتفال رسمي اخر السنة لتعلن عشرة من التلاميذ شطار ومتميزين ودا ما فيهو مشكلة بس الآخرين او الفي اخر سلم الترتيب تبدا هالة حولهم من بعض اخوانهم التلاميذ ب وصفهم بالأغبياء غير جديرين او مستحقين لاحترام طبعا ما للدرجة المتطرفة دي بس ياهو دمار نفسي منظم تبداهو المدرسة ويصل للبيت الحظو شقي اول ما يصل البيت يضرب وبعد داك خلاص تاني كان قال داير يشتري لعبة ولا اي مصيبة تبدا (هو انت شطارتك وينا ما كل السنة الطيش لعبة شنو ليك ) كتيرين جدا جدا حياتهم اتلخبطت من اللحظة دي (ودا تخريب للمجتمع الكبير بصورة متواصلة سنويا وبحجة او من خلال التربية كوزارة)
|
والله ما قلت الا الحق .. والاهل بيقسو كتير جدا على اطفالم بي سبب الحاجة دي .. خاصة لو كان الطفل في مدرسة خاصة ...
Quote: فيا ريت تكون في مدارس انشاء حتي بالاحتيال دا ما تعمل علي تدمير الاطفال ذي ماهو معمول بيهو في النظام المتخلف بتاع التميز داك اطفال لسع المستقبل والمشوار قدامهم طويل اي حافذ او تشجيع بيفتح آفاق لهم وأهاليهم. احسن نظام خاصة للأطفال هو نظام متابعة المدرسة مع أولياء الامور وتشجيعهم علي مساعدة اطفالهم في الواجبات المدرسية وكل ما يتعلق بالمدرسة اي ان تضع الاسرة بشكل موازي مع المدرسة في العملية وتكون هناك واجبات تخصص ان تؤدي في المنزل مع الاسرة تضع أولياء الامور في الصورة
|
تسلم .. ويا ريت لو الموجهين التربوين في المدارس والوزارة درسو ملاحظاتك دي ووضعوها في شكل قرارات أو توجيهات ..
| |
|
|
|
|
|
|
Re: محن مدارس الأساس الخاصة في السودان : فصل ف� (Re: ناذر محمد الخليفة)
|
سلام أبو الريش ...
Quote: واللاى يا ناذر الزعلتك دى ما هينـة تب..
قربت تفرغ الكيس كله. |
تعرف يا ابو الريش عشان تعرف نتيجة الخراب التعليمي الحاصل .. تعال الخرطوم وامشي أقرب سوق أو شارع عام وأقرا اللافتات شوف كمية الاخطاء اللغوية والنحوية الحا تصادفك .. الناس البيطبعو اللافتات دي وبيصمموها هم خريجين جامعات .. يعني ناس ما جهلة من الشارع ساي لكن ما بيفرقو ليك بين الالف والياء وبين القاف والغين ...
مرة في اذاعة عاملة اعلان ضخم جدا معلقاهو فوق للبوابة الجنوبية لحديقة القرشي . فيهو جملة (على أسير راديو ........) تخيل على أسير مش أثير !!
اللافتة الضخمة دي ظلت معلقة كم يوم وانا مراقبا لحدي ما جيت يوم لقيتم صلحوها بعملية جراحية ..
أو تعال لي ناس الطباعة واقعد مليهو في صفحة واحدة وهو يطبع وبعد ينتهي عاين ليها .. حا يغمى عليك من الاخطاء البسيطة الفادحة ...
ودا من شنو ؟!!
من حكاية التمنطاشر الجو الأول مشترك دي !!
| |
|
|
|
|
|
|
Re: محن مدارس الأساس الخاصة في السودان : فصل ف� (Re: ناذر محمد الخليفة)
|
ولياب ...
Quote: في إعتقادي أن التعليم الخاص في مراحله الأولى (الأساس) نظرة اقتصادية إستثمارية بحته لا يعينهم التعليم بقدر ما يعنيهم ماذا سيكسبون ، والدليل على ذلك أن كان هناك طالب نابغة ولم يسدد الرسوم سوف يحرم من مواصلة الدراسة . |
بالضبط دا هو الحاصل ...
عندي بتي الصغيرة يا دوب سنة اولى اساس . بعد شهر ونص من العام الدراسي رسلو لي ورقة انو بتي محتاجة لي دروس تقوية اضافية !! وفي دروس تقوية بمعدل حصة اضافية بعد الجدول الرسمي والرسوم مية وخمسين جنيه !!
مشيت ليهم زفتتهم .. قلت ليهم هو متين السنة بدت والبت يا دابا في سنة اولى عشان تعرفو مستواها ضعيف ولا لا ؟!!
| |
|
|
|
|
|
|
Re: محن مدارس الأساس الخاصة في السودان : فصل ف� (Re: حمد عبد الغفار عمر)
|
التعليم العام في السودان يا ناذر بيمر بمحنة عظيمة , سواءا في المدارس الحكومية أو الخاصة , وهو السبب الأساسي في الضعف البائن في مستويات خريجي الجامعات , ولك أن تعلم أن الكتب الدراسية التي تشرف الدولة على تأليفها وطباعتها ونشرها مليئة بالأخطاء النحوية والاملائية والمعلوماتية , والتعليم العام كما تعلم هو أس التعليم وأساسه ,
---------------------------------------- لا مجال لاصلاح حال التعليم العام الا في اطار اصلاح شامل للدولة كلها .
| |
|
|
|
|
|
|
Re: محن مدارس الأساس الخاصة في السودان : فصل ف� (Re: ناذر محمد الخليفة)
|
صباحكم نور.... والمعلمييييييين....وما أدراك ما المعلمين!!!! ما ذا تقول أو تفعل عندما تجد معلماً "زراته مقطوعة!!!!!؟" لي صديق صاحب مكتبة ، أزوره يومياً خلال إجازتي في مكتبته هنالك مدرس علوم يحضر يومياً لشراء صحيفتي :الدار" و "المريخ" فقط !!!!!! كنا نحرص ألا يعرف طلابنا أننا نقرأ صفحات الرياضة وهذا المعلم صاحب."موتر" يتجول به بين بيوت الطلاب مقدماً الدروس الخصوصية ، ولا يعود للبيت قبل التاسعة مساء ...... لأنه ينوي ...... إكمال نصف دينه....!!!! ترى متى وكيف يجد الوقت لإعداد دروس اليوم التالي !!!!! كفرت بالعلم ، صفر القلب ، تحمله للبيع في السوق أشباه البراذين !!!!!!!" .............................. الجواهري...........
تحياتي
| |
|
|
|
|
|
|
|