|
|
|
 Re: ما المقصود بكلمة ( ولاد ام طرادة ) التي وصف� (Re: طلحة عبدالله)
|
والله يا عبد العزيز قدر حوامتنا كلها لكن الكلام المغتغت او لغة قاع المدينة ( اللغة السرية كما يقول الاستاذ محسن خالد رد الله غربته ) اقول اللغة الطقشت مسامعنا من الفيس والواتس وغيرهم ما حصل دقشتو
يمكن عشان اللغة كائن حي كما يقولون ..
لكن ولاد ام طرادة دي حسب ما قرأت فهي قديمة..
العزيز طلحتنا ..سلامات
يببب ياها فاطنة بتاعت الكاردينال او بتاعت الهلال كله سيان
| |
 
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: HAIDER ALZAIN)
|
الطرادة هي العملة الورقية فئة الخمسة وعشرين قرش آخر عهدها ايام نميري ويمكن اول سنوات الإنتفاضة
أمّا أم طرّادة فهي المرأة الشغالة في بيت دعارة, فا لفترة من الزمن كانت التعريفة 25 قرش او طرّادة,فا ظل الإسم لصيق بممارسات المهنة حتى بعد ارتفاع الأسعار
فا ود أم طرّادة و نحوها شتيمة بذيئة وسافلة تقابل ابن الحرام أو أولاد الزنا او اولاد العاهرة
مستغرب كيف تمر شتيمة زي دي على المصححين و المدققين و مسؤولي التحرير من أصغر مشرف حتى رئيس التحرير
و الأدهى كيف لا يتخذ مجلس الصحافة و المطبوعات أي إجراء نحو الصحيفة و الكاتبة
| |
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: عبد العزيز محمد عمر)
|
ههه سلام
بائعة الهوي سعر طرادة ، عندنا في دارفور سمعتها بهذا المعني او تقريبا، كلمات كتيرة في كل منطقة في السودان عندها معاني مختلفة مثلا الكلول في دارفور زير صغير يحفظ فيه الماء او يمكن ان يطبخ فيه الاكل عصيدة او ملاح، الجضل او الجدل بقية الشجرة المقطوعة منو المثل جدل درب ولا بنط، العوين النسوان، التلاتة معناها في نواحي شمال السودان يختلف تماما تماما تماما.
والله اعلم
قد يكون هنالك معني اخر وفي قول اخر ترجمة اخري
الود للجميع
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: طلحة عبدالله)
|
Quote:
الطرادة هي العملة الورقية فئة الخمسة وعشرين قرش آخر عهدها ايام نميري ويمكن اول سنوات الإنتفاضة
أمّا أم طرّادة فهي المرأة الشغالة في بيت دعارة, فا لفترة من الزمن كانت التعريفة 25 قرش او طرّادة,فا ظل الإسم لصيق بممارسات المهنة حتى بعد ارتفاع الأسعار
فا ود أم طرّادة و نحوها شتيمة بذيئة وسافلة تقابل ابن الحرام أو أولاد الزنا او اولاد العاهرة
مستغرب كيف تمر شتيمة زي دي على المصححين و المدققين و مسؤولي التحرير من أصغر |
مشكور يا ود البشرى .. نفس التفسير القريتو بخصوص الكلمة..
لكن ما تستغرب في في حال الصحافة..هي بالله صحافة فيها الهندي عز الدين رئيس تحرير تاني شنو؟
العزيز طلحتوف :/
هاك لاقتني لافة بالفيسبوك ..
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: ABUHUSSEIN)
|
تحياتي حيدير
وضيوفه
وسبقني ود البشري لابانة المعني
ولكني اضيف اضافة بسيطة لقوله
الدعارة كانت نوعين . دعارة راقية ان شئنا التسمية . والرقي من نوعية المبني والغرف والفرش ونضافة الممارسات وزمن الممارسة وسعرها اعلي
ودعارة اقل . بالصف ودون حرية اختيار للشريكة وبزمن محدد .. والدفع مقدم .. فهذه كانت تسعيرتها طرادة تلك الفئة الورقية
وكنا بالابتدائي نعاقب ان تلفظنا بهذه الكلمة وتعتبر بذيئة
ولكن اولاد ام طرادة لفظ مستحدث وحديث لم اسمعه سابقا ابدا .وللكاتبة الريادة في خلقه
اساءت ثم اقذعت في الشتيمة . اساءت امهاتهم بمارسة الدعارة ولم تكتفي بذلك بل وضعت امهاتهم في ادني سلم هذه المهنة
نبذ ( ......... ) .
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: Salah Habib)
|
Quote: تحياتي حيدير
وضيوفه
وسبقني ود البشري لابانة المعني
ولكني اضيف اضافة بسيطة لقوله
الدعارة كانت نوعين . دعارة راقية ان شئنا التسمية . والرقي من نوعية المبني والغرف والفرش ونضافة الممارسات وزمن الممارسة وسعرها اعلي
ودعارة اقل . بالصف ودون حرية اختيار للشريكة وبزمن محدد .. والدفع مقدم .. فهذه كانت تسعيرتها طرادة تلك الفئة الورقية
وكنا بالابتدائي نعاقب ان تلفظنا بهذه الكلمة وتعتبر بذيئة
ولكن اولاد ام طرادة لفظ مستحدث وحديث لم اسمعه سابقا ابدا .وللكاتبة الريادة في خلقه
اساءت ثم اقذعت في الشتيمة . اساءت امهاتهم بمارسة الدعارة ولم تكتفي بذلك بل وضعت امهاتهم في ادني سلم هذه المهنة
نبذ ( ......... ) . |
ود أبو سن .. وود البشرى تقريباً دفعة ( بس نحن ناس اقاليم .. ضواحي الدنيا )
رحم الله مهدي مصطفى الهادي .. هل كان هو أول مسئول الذي وضع حداً لتلك البيوت .. في الخرطوم
ود ابوسن .. حسب ما أذكر كان هناك كاركتير في الجرائدة .. في واحدة واقفه بالقرب من لافتة ( وداعاً مديرية الخرطوم ) وتلوح بيدها لتذهب
الى المديريات المسموح بها .. كنا في الاقاليم لكن الجرائد كان تصلنا أسبوعياً .. يخرب بيت الزهايمر ..
كان زمن جميل .. ماهية أربعين جنيه ما عارف وين نصرفه ..
تحياتي للحبيب حيدر ..
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: علي عبدالوهاب عثمان)
|
مصطلح (طرادة) متداول بين الرجال ولا تلم به إلا نساء ذات علاقة بالمحيط الذى نبع منه المصطلح
والغريبة حتى تلك النسوة الذين لهن علاقة بالزقاق المعرف بالألف واللام يتضايقن من نبذهن بالعاهرة
باللغة الدارجة (ش....)، أو بنعتهن ببنات الطرادة ... وعموم النساء يتحسسن من الكلمة الشينية
وهى فى الغالب إستخدامها رجولى .. ولذلك إستخدام الأنثى فاطمة لمصطلح طرادة وكأنها عقلية
رجل . فهل هنالك من يكتب لها وهى ببجاحة جاهلة تمهر إسمها ؟!!
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: HAIDER ALZAIN)
|
والله ياجماعة هذا المنبر كبير جدا وارفع من ان يثار فيه مثل هذا الحديث الذى لايليق الا بصاحبته وانا واحدمن القراءواسرتي كلها تشاركني القراءة فيه واخرون كثر مثلي تماما اقترح حذف البوست مع تقديرى واحترامي لصاحب البوست
بعدين فاطمة شاش دى رائحتها فايحة وماليا البلد كلها عشان كدا ما تدوها اكثر من حجمها
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: محمد البشرى الخضر)
|
المقال أيضا هبش صلاح إدريس
فدفاعا عن كلام الإصلاحيات
عللت بأن ذلك كلام من باب الكيد الرياضى
وأن الكاردينال رباه والده اللواء
فلو تربى فى إصلاحية فأين يكون تربى مروج الشائعة (صلاح)
مع إحترامها لأى مهنة !
تقارن بين مهنة والد الكاردينال مهنة لواء
ومهنة والد صلاح إدريس ترزى
فات عليها أن التربية والقيم الفاضلة لا علاقة لها بالمهنة أو الغنى والفقر
* المقال دا كاتبه شخص آخر أو إنتاج مشترك !!!
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: جلالدونا)
|
انا كمعني بشيمة فاطنة شاش كمريخابي ما زعلان منها عارفين لي شنو ...عشان ماشي على خطى الاستنارة بخطوة ثابتة تيمنا برسول الاستنارة ابو بكر عباس...
فهلا قبلتني حوار في مسيد استنارتك...(وجه ملان محبة)
-------
يمين انت يا ابو بكر طلعت اشطر من العم ارنست سوداني عجوز ههههههه....
---؛؛؛---
حيدر الزين يا صديق نحن في عهد الاسلاميين فيا اخي تيك ات ايزي ..فاطنة شاش قدر الله سرها مؤتمر وطني ليها فنيسة فشنو خليها توصفنا ولاد ام طرادة بتاعين مخدرات شاش وات ايفر
..العندو بليلة بعاشي بيها ودا العندها ...
مودتي
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: محمد البشرى الخضر)
|
النبذ اسلوب العاجز . ودي ما المشكلة انها تنبذ زول . ولكن في نشر الكلمات والتعابير النابية في الميديا . ومش نشرها بل ابتداع صفات مقذعة جديدة والتفنن في نحتها
تلك تعابير لا يصح تداولها وسط الاسرة او قاعات الدرس
والخواجات يسمونها taboo words او slang بي اعتبار استعمالها العامي ولا ال four letters words فمعظم الكلمات المستخدمة في الشتيمة تتكون غالبا في الانجليزية من اربعة حروف .
ف شنو
التنبذ زي ما علموها اهلها النبذ وشتيمة الناس لكن عيب علي دار النشر والرقابة البتفتش لدلالات الكلمات السياسية انها تنشر مثل ذلك .
طيب ياخ لو طفلك رياضي وسألك المعني تقول شنو
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: عبدالحفيظ ابوسن)
|
سلام يا حيدر
هل نحن ضد حرية التعبير لمن نقول الكلام دا ما مفروض يتكتب؟؟ لا
ياخي حتى في اعتى الدول الليبرالية والما عندهم دين زاتو عندهم خط فاصل بين حرية التعبير وحرية نشر اي تعبير
في الوسائل المقروؤة والمسموعة، زي ما قال اخونا عبدالحفيظ
خد عندك مثلا، عادي جدا تسمع مذيع في راديو ويجي على سيرة اغنية طلبها مستمع ويعتذر يقول ليهو we cant play it on the air
لا نستطيع بثها، في حين انه قد يكون مسموح له ان يبيع اسطوانته في السوق.
فشنو، زي فاطمة دي ناس الصحافة يقولوا ليها ياخي ما بنقدر ننشر المقال بالصورة دي، وامشي على الناس
ديل في ندوة في اجتماع وهناك حرية التعبير مكفولة ليك انك تقولي ليهم اولاد ام طرادة في وشهم، وليتها فعلت
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: أبوبكر عباس)
|
Quote: فشنو، كلام الهلالية عادي ومن تراثنا وكلنا نستعمله ساعة الغضب، مشكلتها انها تحت الاضواء وكتبتو في الجريدة زايد انو نحن عندنا تمييز (ليس عنصرية) تجاه انو المرأة ما عندها حق في ممارسة حقوقها في الشتيمة
غير كدا نوع الشتيمة دي موروث ثقافي اصيل عندنا |
يا أبا بكر
الموروث والتراث أيضا يحدد نوعية النساء اللائي يستخدمن مثل تلك الألفاظ، نعم تمييز للمرأة و(ليس عنصرية) بمعنى أن "بت الرجال" و"بت القبايل" لا يمكن تتلفظ بمثل ذلك أقله في مكان عام وقدام الرجال، أما مبرر أنها قد تكون في ساعة غضب، ياخي غضب شنو دة البيخلي الصحفي/ة يكتب، ويتصحح كلامو، ويطبع طبعة تجريبية ولا يسكن غضبو ويراجع كلامه.
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: عوض محمد احمد)
|
سلامات يا حيدر وبقية المشاركين,,,
قاعدين نبكى على الراكوبة الوقعت والبيت كلو منهار !!!
صحافة فيها مدارس للبذاءة وعمادات للإساءآت وقلة الأدب
والإنحطاط غير المحدود ويقوم عليها وعلى ريادتها في
عصر ناس فاطمة شاش ديل مثالا وليس حصرا :
1-حسين خوجلى (صاحب مدرسة كبيرة في الإساءآت المبطنة وغير المبطنة والمطاعنة والهمز واللمز ورمي الخصوم بما ليس فيهم أو دون
أى وازع من أخلاق أو ضمير,,
2- أسحق فضل الله صاحب مدرسة لها السبق في نشر الكلمات البذيئة والإشارات الوقحة والإيحاءآت القذرة وتوجيه تفكير القارئ لكل ما
هو منحط وغير أخلاقى,,,
3- الهندى عز الدين صاحب مدرسة للسقوط السريع جدا وخليط مشترك بين المدرستين أعلاه شخص جاهل ولا يملك أى مقومات غير المقومات
المطلوبة لكي تكون صحفيا في زمن السقوط الذى تعيشه الصحافة الآن,,,
الغريب شنو أنو فاطمة الصادق الصحفية الكبيييييييييرة خالس خالس إنها تجى تنعت جماهير (العدو) التقليدى للمؤسسة التى تمثلها
للأسف بأنهم أولاد (ام طرادة) فيم إستغرابكم يا إخوة ؟؟؟؟؟؟؟؟
ما لازم تخت طوبتا كمان ولا كيف!!!!
المسكينة دي كان سألوها وقالو ليها عميد الصحافة السودانية ولا أبو الصحف ما بعيد تقول اسحق فضل الله والله!!!!
لا سمعت لا قرت لي ناس غير ديل!!!!
ولن يستقيم الظل والعود أعوج,,,
وما أكثر العوج والله ,,
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: اباذر عبد العال)
|
تحياتي عبدالعال
ومرحبا
هي اقل فئة ورقية وقتها لكن خت في بالك العيشة كانت بي قرش وبقسموها نص عيشة بي تعريفة .. في اوائل السبعينات . وبنفطر في المدرسة بي قرشين . قرش للفطور وقرش للتحلية سندوتش عسل والطرادة 25 قرش
ف شنو الامر ما مبالغة بل حقيقي ولزمن طويل بطول استقرار الاقتصاد السوداني وقتها . لذا ثبت وارتبط معني طرادة بذلك السلوك
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: Haytham Ghaly)
|
قاموس مفرداتها لا يشبه الهلال فقد نعتت من قبل ثوار وشهداء سبتمبر المجيد بانهم بتاعين مخدرات وشاش وغيرها وبالامس نعتت جماهير المريخ باولاد ام طرادة ماهذه اللغة القبيحة
نعم المريخ ندنا وضلنا واي حاجة وبناكفونا وبناكفكم لكن بادب ففيهم ابائنا واخواننا وجيراننا واصدقائنا فلماذا نلصق هذه الصفة الذميمة بهم والمؤمن ليس بالطعان ولا بالفاحش البذيء
المجتمع الرياضي اصبح طارداً طارداً فلقد دخلت في قواميسه لغة الرداءة والقبح اين انتم من أبو أمنة حامد وحاج حسن عثمان وعمر علي حسن وعلي المك الذين كانوا كأنهم في سوق عكاظ يجملون صباحاتنا كل يوم بالادب الرياضي الرفيع
هذه المتنسقة لا تشبهنا
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: عمر الفاروق عبد الله الشيخ)
|
Quote:
تحياتي عبدالعال
ومرحبا
هي اقل فئة ورقية وقتها لكن خت في بالك العيشة كانت بي قرش وبقسموها نص عيشة بي تعريفة .. في اوائل السبعينات . وبنفطر في المدرسة بي قرشين . قرش للفطور وقرش للتحلية سندوتش عسل والطرادة 25 قرش
ف شنو الامر ما مبالغة بل حقيقي ولزمن طويل بطول استقرار الاقتصاد السوداني وقتها . لذا ثبت وارتبط معني طرادة بذلك السلوك |
مرحب حبابك ابوسن
شكرا زيادة التوضيح انتو عشتوا الفتره ديك ونحن سمعنا سمع
الذي كنت اعنيه بالمبالغه هى المبالغه في النبذ ..بتصغير الشخص والنيل منه باي طريقة
عموما هذا الاسلوب الذي استخدمته هذه الكاتبه غاية في سوء الادب اللفظي ...يعنى ما كلام يتكتب او يسطر
بل شوارعي ..ووقتى و في لحظة غضب
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: جلالدونا)
|
غايتو فى زمن الانقاذ دى اى شى متوقع وفاطمة دى مافى شين مالمتها عليها لكن ياها التربية تجيب ليكم من وين؟؟
شاكاله وشىرفانة وشرانية و شترة وشحمانة و شفقانة و شتامة و شماشية وشين وشين وشين وهلم كلمة
تخطر على بالك تبدا بحرف الشين ما عدا شريفة و شاطرة هى بعض فاطنة شاش، نسال الله السلامة...
حاشية:
لاننا من امدرمان اشهر مكان اولاد الطرادة كان مكان نادى الهلال القديم، مجرد ملاحظة!!!!
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: جلالدونا)
|
سلامات وتحايا مودة للجميع ..
ممتن لكل الاراء الكريمة ما بين ناقدة ومستنكرة لوجود بوست يحمل كلام فاطمة حشيش بالمنبر العام..
الغريبة اظن ان من يستنكر وجود بوست لشرح او استفسار معنى كلام فاطمة حشيش قد يكون فات عليه انه الكلام دا مكتوب في جريدة مطبوعة توزع في السودان ولها رئيس تحرير ومسئول عنها مجلس صحافة ولها مطبوعات
وكمان عندها رقيب امني - يهمه بالطبع نقد وفضح السلطة ويفوت على فطنته ان كتابة وطباعة مثل هذا الإسفاف هو اكبر فضيحة للحكومة - وعموماً الوسط الرياضي اصبح فضيحة
امس واحد رسل لي فيديو قال لي انت بتسأل من كلام فاطمة شاش المغتغت هاك الواضح دا وللأسف كان عبارة عن مظاهرة او تجمع لمجموعة من مشجعين الهلال - كما يبدو من اعلامهم - وشكلها قريب
واغلب الظاهرين البيهتفو كانوا مراهقين وبيسبو ويشتمو زول اسمه الجاكومي .. لو سب وشتم ساي معليش لكن بيسئوا بألفاظ - لوالدة الجاكومي - زي القالها بريمة لصلاح جدادات..
وهي بالتأكيد لا تختلف عن المعنى الفاحش الكتبته فاطمة حشيش لكنه كان اظهر واكثر اسفافاً وسوءاً..
ـــــــــــــــــــــــ
كلمة بريمة الكاوبوي كانت بالانجليزي لانه مثقف وهي MF وكلمة الشباب ديل كانت ك... ام... ومعاها " تجبيصة " كمان
شايفين كيف!!
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: HAIDER ALZAIN)
|
العزيزة نور تاور
تحياتي
تقريبا البوست عنده علاقة بالليبرالية، من وجهين
اولا البوست تتم فيه مناقشة حرية التعبير، ودي اصل اصول الليبرالية
الوجه الثاني هو ارتباط الممارسة سيئة الذكر بـ "طرادة" وهل دا بدخل في
حرية الفرد في ممارسة هذه المهنة، علما بانها ممنوعة بالقانون في مهد الليبرالية زاتو
الظريفه في السودان لو في واحد حظه سيء وبيته كان جيران الجماعة ابو "طرادة"
بكتب بالخط العريض في باب بيتهم "ببيت احرار" لا ادري ان كان يقصد ليبراليين ام
يقصد ان "الاحرار" لا يمارسون تلك المهنة، المهم دا مبحث نخليه لناس السيسيولوجي
احد الاشياء التي ادهشتني بعد انهيار الاتحاد السوفيتي تحيقي نشرته النيوز ويك وجاء فيه
ان احدهم سال احدى "ام طرادة" الروسيات عن انتشار هذه المهنة وبروزها للسطح، ما علينا من باقي القصة
لكن ما يهمني هو رد احدهن عندما قالت ""
I sell my own property
ولا يفوت على فطنة القاريء استخدام كلمة own property
ما تضحك يا حيدر
اما عن قصة الاديان والليبرالية فلا يوجد بلد ليبرالي ليس له ديانة رسمية (الا في ما ندر)
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: أحمد ابن عوف)
|
ازيكم يا عكاليت
هي زي ماقال صبري اولاد الطرادة وليس أم طرادة
ياخ بالفعل المدرسة الصحفية بتاعة الكيزان فريدة وهذا القاموس بالزبط زي ماذكر ايمن الطيب هو رصيدهم و لو راجعتو
صحيفتهم بتاعة حسين خوجلي في فترة الديمقراطية الاخيرة بتعرفو كيف انهم اسسو للشغلة بتاعة الشتيمه والنبذ و
الانحطاط دا ياخ الارشيف بتاعه ساااي ما ممكن يتصدق .
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: طلحة عبدالله)
|
فاطمة الصادق هي الكاتبة المفضلة لعمر البشير!!
إنها أزمة صحافة -زمن الأزمة والتردي- ولن يستقيم الظل والعود أعوج
هنا تجد خبر إشادة السفاح البشير بالسيدة فاطمة الصادق:-
رئيس الجمهورية ونائبه الأول يشيدان بمقالات «فاطمة الصادق»
اQuote: رئيس الجمهورية ونائبه الأول يشيدان بمقالات «فاطمة الصادق»
29/10/2013 16:07:00
أشاد السيد رئيس الجمهورية المشير "عمر البشير" بكتابات الأستاذة "فاطمة الصادق" عبر زاويتها اليومية بصحيفة (المجهر السياسي). وأبلغ الأستاذ "مهدي إبراهيم" الإعلامي المخضرم رئيس كتلة نواب (المؤتمر الوطني) بالبرلمان الزميلة "فاطمة" بأنه يحمل توجيهاً مباشراً من السيد الرئيس بإبلاغها بثناء قيادة الدولة على أدائها المهني المتميز. وكان السيد الرئيس يطالع صحيفة (المجهر) وسط عدد من قيادات الدولة عندما أبلغ "مهدي" بالتوجيه. وفي السياق بعث السيد النائب الأول لرئيس الجمهورية الأستاذ "علي عثمان محمد طه" بتحاياه وتهانيه للزميلة "فاطمة الصادق"، معتبراً أن مقالاتها تعبر عن الهم الوطني بمسؤولية، مؤكداً اهتمام الدولة بالأقلام الشابة الواعية والحريصة على المصلحة العامة.
وعبرت الأستاذة "فاطمة" عن شكرها وتقديرها لاهتمام قيادة الدولة ممثلة في السيدين الرئيس والنائب الأول بكتاباتها التي تنطلق من ضمير مهني محايد.
|
http://almeghar.com/permalink/15304.htmlhttp://almeghar.com/permalink/15304.htmlhttp://almeghar.com/permalink/15304.htmlhttp://almeghar.com/permalink/15304.html
رحم الله الإداري الفذ والقبطان الماهر الطيب عبد الله وأمد الله في عمر -الفارس - عبدالله السماني- فقد عشنا في زمنهم - زمن من يتمتعون بقدرات فكرية وقوة شخصية وإدارية تكفي لإدارة دولة كاملة- ولكن ا لأهم من ذلك فقد إمتازوا بالعفة وطهارة اليد ونقاء اللسان ونظافة الكلمة ونصاعة التعبير والالتزام بشرف الخصومة - والبعد عن مـكامن الشبهات !!
والان نعيش عهد التيه وزمن إدارات التردي أو إدارات زمن الإنحطاط! . وعلي سيرة الصحافة ماذا نتوقع إن كانت فاطمة الصادق هي كاتبة عمر البشير الاولي ومحل تقديره وتكريمه - وزعم أنها وطنية متجردة وقد نائبه السابق علي عثمان محمد طه علي ذات الوتر - حتي ظننتهم يتحدثون عن محجوب محمد صالح !! ولكن ماذا نقول وماذا نتوقع من البشير غير هذا؟
فعلي قدر أهل العزم تأتي
العزائم وتأتي علي قدر الكرام المكارم
| |
|
|
|
|
|
|
|
|
 Re: ما المقصود بكلمة ( ولاد ام طرادة ) التي وصف� (Re: أبوبكر عباس)
|
يا شباب معليش .. كلكم محل تقديبر ولأراءكم الاحترام
ابابكر عباس قال كلام وانا صراحة امس قريت " رشة " تراجي ليهو ...
وبعد الرشة الاتجاوزت خمستاشر سطر اعتذرت ليهو عن الرش في جملة من فاعل ومفعول به وحرف نصب :)
فعاوز أقول كما قال صديق مهدي " شن جاب لي جاب "
هههههههههههههههه
ـــــــــــــــــ
لو ضحكت يا ابوبكر حا أقول ليك تضحك بلاهن يعجبك خلاهن ... لو ما ضحكت يهو الجاب العقاب ؛)
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: أبوبكر عباس)
|
Quote: يا أخي، معاوية الزبير دا ود حرام خلاص!
|
والمانع من إرادة المعنى الحقيقيقي هو ورود كلمة (خلاص) في نهاية الجملة.
والثابت عندنا أنها إن قيلت بدون خلاصن فهي في حكم القذف، وعلى قائلها
إثبات ذلك، أو يقام عليه الحد.
وقد أفاد بعض متأخرة المستنيرين أنه الحرام هنا مرجوع لدين بعينه أو نظام إجتماعي
معين، وهي من العبارات التميزية والتى يجب أن تُمنع
أسوة بكلمة (عبد)، والتى رغم صفتها التوصيفية، إلا إنها تستبطن إستعلاءاً واضحاًز
الخلاصة يا مثقفين يا بتوع منبر بكري:
إنتوا ما بتمشوا استادات يا خي أمهات الحكام بيعانوا معاناة فظيعة ومعاهم بعض اللعيبة
والمدربين. فشنو ارخوا الحبل شوية اللفظ دا في (السياق) الرياضي يعتبر من الألفاظ الراقية
جداً.
| |
|
|
|
|
|
|
|
|
|
Re: ما المقصود بكلمة ( ولاد ام طرادة ) التي وصف� (Re: HAIDER ALZAIN)
|
حقيقي مؤسف جدا أن تنكون هذه لغة صحفية تٌتكتب وتطبع وتوزع ..
ومن المؤسف أن تكون هذه الصحاية صحافية ,,
ومن المؤسف ان تكون قيادية بنادي عريق كالهلال ,,
الشي الوحيد الذي قد تمثله هذه الصحفية خير تمثيل, هو عصر الانحطاط
أتمنى من اهل الهلال أن يقفوا في وجه هذا الانحطاط ..
لا يمكن وباي حال من الاحوال ان يصل الحال بهذا النادي العريق لهذه الدرجة من .. من ماذا ؟! .. من فاطمه شاش !!!
| |
|
|
|
|
|
|
| |
HAIDER ALZAIN
طلحة عبدالله
محمد البشرى الخضر
حامد عبدالله
امجد الجميعابى
الزبير بشير
يوسف الطيب احمد إدريس
ABUHUSSEIN
أيمن محمود
عوض الشيخ حامد العوض
عبدالحفيظ ابوسن
بريمة محمد
علي عبدالوهاب عثمان
أحمد قلوب
نادر الفضلى
قاسم الامين عبود
بدرالدين الطائف
nour tawir
جلالدونا
علي دفع الله
أحمد ابن عوف
معاوية المدير
أيمن الطيب
ياسر منصور عثمان
صديق الموج
Hatim Alhwary
سفيان بشير نابرى
كمال عباس
الصادق اسماعيل
محمد حيدر المشرف
معاوية الزبير
فيس بوك
تويتر
انستقرام
يوتيوب
بنتيريست