|
Re: نفسي قبل ما اموت.. اجي راجع البورد دا، القي (Re: معاوية الزبير)
|
Quote: ما تزعل يا راني ياخ عايزين نضرب مثل بس يعني تاني الواحد لو داير يمزح يكتب مداخلتو ويجيب معاهو الفاضل سعيد ! ربنا يطول عمرك وتقطّع المنبر دا عضو عضو وانت في كامل عافيتك |
سلامات معاوية الزبير يا حبيب مافي زعل والله، واسف جدا لو اديتك اية احساس باني زعلان.. صافية لبن يا صديق
| |
|
|
|
|
|
|
Re: نفسي قبل ما اموت.. اجي راجع البورد دا، القي (Re: بله محمد الفاضل)
|
Quote: راني المشوطن أنت جيت
جيب موتاتك وتعال |
صديقي الجميل.. بله الفاضل، ازيك ياخ.
جيت يا صاحبي، ولقيت الشكالين منتظرني.. من عتبة الباب قالو يستلموني.. ما لا يعرفونه هؤلاء: اخير لي من الشكله السفنجة، ومن السفنجة حقها، وحقها ممكن يجيب رغيفة وشوية لون.. وفي اخر اليوم القي نفسي حصدتا لوحة جميلة ( في عيوني) بشكل.. ياخ انا الناس ديل ما مشتاق لمشاكلهم دي.. انا مشتاق ليهم يبقو ناس..
| |
|
|
|
|
|
|
Re: نفسي قبل ما اموت.. اجي راجع البورد دا، القي (Re: rani)
|
Quote: انت داير تموت متين ... عشان نضرّب اخماسنا في اسداسنا
... المهم .... |
تبارك شيخ الدين ياخ ما تضرب خماسي في سداسي ولا اية حاجة.. تعال نتصالح بس عارف بيناتنا مشاكل زمان، وعارفك بتكون خاتهيها لي لحدي الان.. وإحتمال كبير تكون متمني خروج هذه الروح من جسدي الهزيل.
لكن عارف؟ ليك من المحبه حنين وفنجان سلام . . قلت شنو؟
| |
|
|
|
|
|
|
Re: نفسي قبل ما اموت.. اجي راجع البورد دا، القي (Re: rani)
|
رانى صباحك جميل....وسلام عليك من حولك...
عادة مثل هذه المواعيد بعد التوقيع ومراجعة ألأيميل الخاص بالشركة أحاول ألمرور مروراً عاماً على سودانيز أو لاين أتفقد أخبار الصحاب وأتمنى أن لا ألقاه مسوداً..ونسأل الله الرحمة لكل موتانا من ألأعضاء وموتى المسلمين.....وأتداخل حسب ما يلفت نظرى من البوستات الجديدة..اما القديمة فأطلع على المداخلات الجديدة فيها....ما يجذبنى بوستات الغائبين أمثالك وبعض الناس السمحة التى تكتب من أجل الكتابة...ومحرم على نفسى الدخول فى بعض البوستات التى تحمل نتانة متعمدة لبعض الشخصيات إما صراحة أو مغلفة.....وبعض الذين يكتبون بوستات الغمز واللمز ياليت يعم السلام بلادى ومنبرنا هذا..
ربنا يديك طولة العمر وتشوف كل جميل...تقديرى وتحياتى.
| |
|
|
|
|
|
|
|