كتب الكاتب الفاتح جبرا المتوفرة بمعرض الدوحة
|
|
 الحالمون الجدد
|
06:18 AM Oct, 08 2015
سودانيز اون لاين
عمر عثمان عبد الوهاب-
مكتبتى فى سودانيزاونلاين
واقصد بهم اولئك الذين يلهثون وراء نيل الجنسيات الاجنية
ان كانت امريكانيه او اوربيه
فان كان لابد من الهجرة والاغتراب فالدول العربية والخليج سبيلكم
فما عادت امريكا هي امريكا وماعادت اوروبا هي اوروبا
و بلدنا بي غباشته و حرحارته وكيزانه دي ابرك ليكم من لوترايه تقع
ليك تزل بيها روحك
|
|
 
|
|
|
|
|
|
|
|
Re: الحالمون الجدد (Re: جلالدونا)
|
Quote:
عشان كده مرقنا خليناها ليكم
ما دام انتو الكبار بتكتبو كده اللسه فى بطن المدارس كتابتم كيف
غايتو العملتوها فى البلد و اهل البلد ما بتمرق بى هين |
انت هسع خليت الموضوع كلو ومسكته في قداما؟؟؟
الواحد بقي ماعارف يكتب في المنبر ده
ما ياتقلبوها فصيح قوح ولا كمان كل زول يكتب ويتونس
بي راحتو
| |
|
|
|
|
|
|
|
|
|
Re: الحالمون الجدد (Re: عمر عثمان عبد الوهاب)
|
نرجع لي موضوعنا
اقول لشبابنا ان الجواز الامريكي ماعاد ذاك الجواز ابو هيبه
كان الامريكي قديما يلوح بجوازه اينما كان ليبهر كل من حوله
وكان الامريكي عندما تساله عن جنسيته يجيبك بانه من كنتاكي
فان كنت لا تعرف اين تقع كنتاكي فانت بلا شك متخلف
هسع الامريكي الامريكي ود امو وابوهو وينما يمشي يتلفت زي المانصيح
وزمن تتحرك الاساطيل لنصره امريكي في ادغال افريقيا ولت وراحت
لا ويتمسحو بالواطه زي المرحومه سندي كوري قشوها اليهود بالمجرفه ولا حس لاخبر
| |
|
|
|
|
|
|
|
|
|
Re: الحالمون الجدد (Re: عمر عثمان عبد الوهاب)
|
الزول بيغترب عشان يأمن مستقبل وليداتو قبلما يفكر في نفسو
وان يختار المجتمع المثالي له ولاسرته في مستقبل الايام القادمات
موش اجيب لي شافع وفي غربه ان رقدتلو بي كف ساي اروح فيها
كف شنو ان نهرتو ساي تخش في حيص بيص
ان حمرتلو يمكن يفوته ليك وبي اعتذاره منك كمان
| |
|
|
|
|
|
|
|
|
|
Re: الحالمون الجدد (Re: عمر عثمان عبد الوهاب)
|
نرسل ونوصل ابناءنا الي المدارس بكل طمانينة ودون قلق
و ان جا داخل البيت وهدومو مشرطه ولا مليانه طين ساكت
تقعد تستجوب فيهو ساعتين عشان تعرفو اتشاكل مع منو
اما حتة يجيبوهو ليك جنازة في اسعاف وهو مضروب من طبنجه ولا رشاش
طلقه في راسو دي ابدا ماخطرت ولا وردت علي بال
لا ويطلع في النهايه السبب زول عندو نفسيات
وماشفع المدارس وبس
انته زاتك في رقبتك دي ولا ليك لاعليك وماشي في دربك
ولا في شغلك ممكن ينطلق عليك نار وتروح فيها من زول
مزاجو معكر ولا زهجان او شكلك ماعجبو يقوليك بكجن الملونين
| |
|
|
|
|
|
|
|
|
|
Re: الحالمون الجدد (Re: عمر عثمان عبد الوهاب)
|
الامريكي
حامل هذا الجواز تحت حماية الولايات المتحدة الامريكيه فوق اي ارض وتحت اي سماء
---
السوداني
ان يسمحو لحامل هذا الجواز بحريةالمرور بدون تاخير او اعافه وان يقدمو له كل مساعده
وحماية قد يحتاج اليها
| |
|
|
|
|
|
|
|
|
|
Re: الحالمون الجدد (Re: عمر عثمان عبد الوهاب)
|
الجنسية هي احساس بالانتماء والامان
والتعايش والاختلاط مع مجتمع جديد
اقلاها ان تتلاقي بعض من العادات والتقاليد المجتمعيه
مع ماتحمله او بعضا منها في دواخلك
يعني لمن تؤدي قسم الولاء لبلد ماهي بلدك شعورك بيكون كيف؟؟
وبتحس بشنو؟؟وبحلفوك علي المصحف وعلي شي تاني؟
الا تحس بانقباض في صدرك؟؟
بالعربي كدي مابتخجل؟؟
| |
|
|
|
|
|
|
|
|
|
Re: الحالمون الجدد (Re: عمر عثمان عبد الوهاب)
|
في ناس عاقله وفاهمه ومازالت قابضة علي زمام الامور
طلعو الوليدات في سن معينه الي ارض الوطن فتشربو وشبو
علي عاداتنا وتقاليدنا ودرسو في مدارسنا وهم علي جنسيتهم الامريكيه
ليعيدوهم الي الولايات المتحده عند سن معينه
وفي ناس تركو الامور علي ماهي وبيد الوليه وكبر الاولاد
وعندما اراد ان يقوم بثورة تصحيحيه داخل الاسره مع الزوجه والاولاد
اول ماجاب سيرة السودان ساي دخلوهو السجن
| |
|
|
|
|
|
|
|
|
|
Re: الحالمون الجدد (Re: مني عمسيب)
|
Quote:
انت اسه خارج السودان وعلي ما اظن في اسؤأ بلد في العالم من عنصرية وتخلف وجهل ؟
|
وعليكم السلام استاذه مني
بل نحن في اشرف وارقي البلاد
ومايرددونه عن المملكه في الاعلام من عنصريه وجهل وتخلف
ده كلام بنسمعو منكم انتو يالقاعدين في امريكا وهولندا
ماخدين حقوقنا كامله كان نحنه كان اولادنا وبالزياده كمان
وبنلملم في الريالات لتامين مستقبل اولادنا
بنصحي مع اذان الفجر الللا انتو لا وليداتكوم بتسمعوهو
وبنقول اصبحنا واصبح الملك لله نودي وليداتنا مدارس الحكومه
وبنشوف اشغالنا
وماحاسين اننا في بلد اجنبي يكرهنا اهلها
وشارع مليان مويه موترعه واكياس مجدعه في الحاج يوسف اخش
فيهو اتضرع اشوفو انضف من شوارع مانهاتن
| |
|
|
|
|
|
|
|
|
|
Re: الحالمون الجدد (Re: مني عمسيب)
|
ليس الحب ان تبقي مع من تحب
لكن الحب ان تثق بانك بقلب من تحب
ياسلام
بالله شوفي جنس الكلام ده؟؟؟
وانتو الناس دي مكجناكم وماطايقنكم
وتبقو طول عمركم هولنديه من اصل سوداني
وامريكي من اصل سوداني
يعني لا لامين هنا لاهناك
فاقدي هويه وا نتماء
لا وتجو تعارضو و تشتمو وتداعو في الحكومات
والله انا ماعارف اتو بي ياتو وش تتكلمو مايحدث في السودان
| |
|
|
|
|
|
|
|
|
|
Re: الحالمون الجدد (Re: عمر عثمان عبد الوهاب)
|
واي شخص سوداني نال جنسية دولة اجنبيه لايحق له ان يتحدث
عن السياسه في السودان او يبدي برايه فيما يجري وان يترك ذلك
لمن هم مازالو متمسكون وقابضون علي جنسيتهم السودانيه
كما نطالب الحكومه ان تثبت وتلتزم في دستور البلاد ان كل وزير او
متنفذ في السلطه السودانيه ايا كان يحمل جنسية دولة اجنبيه ان يقال
فورا من منصبه ولا يحق له ان يترشح لرئاسة الجمهورية
| |
|
|
|
|
|
|
|
|
|
Re: الحالمون الجدد (Re: مامون المعتصم أحمد)
|
Quote:
عمر عثمان
تحياتى و سلامى و إحترامى لك
زى ما قال الشاعر القديم دااااااااك ...
بلادى و إن جارت على عزيزة ٌ ........ و اهلى و إن ضنوا على كرام
ياخ و الله آذان واحد يفوتوا الواحد في اليوم ... حتى لو كان ما بيصلى ..
يومو كلو يكون ناقص ... في بلاد العرب .. اى واحدة منها ... بتسمع
و تقول السلام عليكم في اليوم كم مرة ؟؟؟ راحة في مشيك في الشارع
تشوف خلق الله كل زول مشغول بى روحو ... طيبة على معظم الوجوه
امان ... سلام .... امن ... إطمئنان .. زرت حتى الآن أكتر من 25 دولة
أجنبية ... أوروبية و آسيوية ... متطورة و أقل تطوراً ... ما في إطمئنان
بتاع ساعة واحدة في واحدة منهن ... نوعاً ما في الصين و سنغافورة
و ماليزيا ... تانى ما في .... أما أمريكا فقد رفضت زيارتها أكتر من
عشر مرات ... و إن شاء الله ما أشوفها إلا في الخريطة ...
السعودية و دول الخليج بلاد راقية و فيها كل أسباب الراحة و التطور
ما في مقارنة بينها و بين بلاد العنجهية الغربية ...
و زى ما قلت الأمريكي هسع يسافر اى مكان في الدنيا إيدو في قلبو ...
و بجيك تانى إن شاء الله دا موضوع ذو شجون ...
|
شكرا لك ا خي مامون علي مروركم واسهابكم الوافي
وكتب الله لك السلامه في كل ترحالك
فعلا الدول العربية والاسلاميه ان لم يكن شرع الله دستورهم
فهم يحفظون الله في دواخلهم وبناء عليه تكون جل تصرفاتهم
مع ابن البلد والغريب فيها الموده والرحمه
لكن زي الامريكان ديل فحسنا فعلت بعدم رغبتك في زيارتها
ناس يصرح لهم بشراء السلاح كما يشتري علبة بسكويت
وهنا لابد وان نترحم علي اخونا الدبيبه وكل السودانيين الذين راحو ضحية
الغدر والجشع والعنصريه وسوء الخلق
كما ندعو الله ان يحفظ ابناء الجالية السودانيه ان كانو مقيمين
او متجنسين فقد كتب عليهم ان يعيشو ويتعايشو مع امة لا وازع
ديني لها ولا يعرفون سبيلا للجريمه الا بالقتل وان يتوخو الحذر
في تعاملهم مع هذه الشعوب
| |
|
|
|
|
|
|
|
|
|
Re: الحالمون الجدد (Re: مجاهد أحمد محمد)
|
Quote:
تحياتي يا غالي
الحلم حق ومستحق لكل انسان ....
والناس ظروف |
اخ مجاهد سلام عليكم
دائما ماتكون الاحلام وردية وجميله
احلم باغتراب معناها بتحلم بفيلا او عمارة وسياره
او بيت وزوجة صالحه ووليدات واسرة امنه
مرورا بتربية وتعليم الاولاد وتزويجهم
هي رحلة احلام وحلوه و طويله ماليها حد
لكن زي غربه امريكا دي قبلما تصل نهاية الحلم
تلقي نفسك بتقول : يلا اخرته كوم تراب
لاتأمن شعبا في وطنه وهو يحمل سلاحا
وفي امريكا المعلم بيدخل المحاضره وطبنجتو في جيبو
يعني ان زهجتو بدل يفلعك بي طبشيره ممكن يفك فيك طلقه
| |
|
|
|
|
|
|
|
|
|
Re: الحالمون الجدد (Re: عمر عثمان عبد الوهاب)
|
سلام يا عمر عثمان
ياخوى الناس القاعدين في امريكا ديل ما بنلحقوا
ياخي اكان تعليم ساكت واكان رعاية صحية واكان حقوق انسان
يا زول ما تكابر ساكت
هسع اكان لقيت ليك طرف لوتري بتفرط فيه ؟؟
| |
|
|
|
|
|
|
|
|
Re: الحالمون الجدد (Re: قرشـــو)
|
Quote:
سلام يا عمر عثمان
ياخوى الناس القاعدين في امريكا ديل ما بنلحقوا
ياخي اكان تعليم ساكت واكان رعاية صحية واكان حقوق انسان
يا زول ما تكابر ساكت
هسع اكان لقيت ليك طرف لوتري بتفرط فيه ؟؟ |
سلاح ذو حدين اخ قرشو
ومن ناحية علم اكيد ابناء السودانيين المتجنسين بيتعلمو تعليم كويس
ولو انو لاشفنا لاسمعنا علماء وعباقره سودانيين من خريجي الجامعات الامريكيه او الاوربيه
سوولنا عمار في السودان
ياها الساعه الغنبله الدخل بيها احمد البيت الابيض وتلاحقه فضايح ابوه ام جلاجل
الواحد وليداتو يتخرجو في شتي المجالات يكابس مكابسة يلقالو شغل
في امريكا
اما السودان فكتر خيروم ان غشوها بي كم يوم بعد كل كم سنه
المصيبه من نال جنسيات تلك الدول يرمي وطنه الام السودان وراء ظهره
ويكون كل ولاءه وانتمائه لتلك الدولة
يعني ممكن وبصريح العباره نقول عليهم مرتزغه
| |
|
|
|
|
|
|
|
|
|
Re: الحالمون الجدد (Re: Hatim Alhwary)
|
اهلا حاتم
ارض واسعه ياللخو
وعليك ان تختار مايناسبك ويناسب اسرتك فيما بعد
هذا ان كنت اعزبا ووحداني
والبقع ليهو اللوتري ووليداتو كبار و تعدو مرحلة المراهقه
فهذا هو المستفيد الاكبر من الهجره
اما شفع تربيهم هناك تظهر ليك بلاوي متلتله في تربيتهم
علما بان الهدف من الهجرة او ا لاغتراب هو الاسره ومن يرعاها و يحكمها
| |
|
|
|
|
|
|
| |
ابراهيم عبد الوهاب
جلالدونا
مني عمسيب
مامون المعتصم أحمد
مجاهد أحمد محمد
قرشـــو
Hatim Alhwary
فيس بوك
تويتر
انستقرام
يوتيوب
بنتيريست