|
|
|
 Re: اراضي الوادي الاخضر .. ما لها وما عليها .. ت� (Re: الطيب عباس)
|
مساء الخير الطيب ...
انا غايتو 2007 اشتريت ونسيتها نهاااائي
واعتبرت القروش راحت في اي حاجة تانية ..
مشاكل بالجملة
اكثر الاراضي تم الاستيلاء عليها (عشوائي)
والولاية او المحلية تتفرج
لم تستطيع فعل شيئ ..
ماسورة كبيييييرة
وقد قررت الا اشتري من الحكومة اي اراضي مهما كانت الاغراءات
| |
 
|
|
|
|
|
|
|
|
Re: اراضي الوادي الاخضر .. ما لها وما عليها .. ت� (Re: لطفى العمده)
|
التحية للجميع ..
لمن اشترينا بي 9 الف ريال قبل تلاته سنة سمعنا انا بتجيب من 50 وانت نابل وفرحنا واستبشرنا ومتابعين مع قروب في الفيس كل يوم واقعه واقعه .. استبشرنا بي مخطط يقع شمال الوادي يسمي بمخطط المدائن السكني تابع للبترول وناس الكهرباء وقالو الخدمات حتخش وبرضو ماف اي ارتفاع .. والحال زي ما ياهو .. ربنا يصلح الحال غايتو ..
| |
|
|
|
|
|
|
|
|
|
Re: اراضي الوادي الاخضر .. ما لها وما عليها .. ت� (Re: الطيب عباس)
|
تحياتي اخي الطيب والمتداخلين الكرام ..
مساكم الله بالنور
اراضي الوادي الاخضر اشترينا فيها ايضا في مربع 72 درجة اولى بميلغ 9000 ريال ..ومعي اكثر من ثلاث الاف سوداني وسودانية في قطر ..
معي شهادة البحث ولم ار قطعتي نهائيا وسمعت انها ماشة في النازل ..
الحل الوحيد في رايي قيام كيان من كل ملاك الاراضي بالمهاجر بتحريك ملف الوادي الاخضر وايصال الخدمات اليه ..
والضغط القوي على حكومة ولاية الخرطوم في هذا الاتجاه .. لو وصلت الخدمات سيبنى الناس ..وتزداد الاسعار ..
لا حل بالضغط لتوصيل الخدمات ..والمغتربين قادرين على ذلك ..
لك تحياتي وساعود لبوستك المفيد
| |
|
|
|
|
|
|
|
|
|
Re: اراضي الوادي الاخضر .. ما لها وما عليها .. ت� (Re: الطيب عباس)
|
سلامات أخي الطيب عباس والأخوة المتداخلين ..
المشكلة الأساسية في رأيي أن الأراضي يشتريها مغتربون وهم قاعدين بره البلد وما ناوين الرجوع، وكل واحد منتظر الآخرين يبنوا ويعمروا المنطقة .. يبقي منو الزول الماش يبني طالما الكل منتظر الآخرين يبنوا في الأول؟؟ أكيد الأرض ستظل بور ..
وبعدين في نقطة تانية: وهي هل الأول التعمير أم الخدمات؟ بقينا في قصة البيضة والدجاجة .. الناس دايرة تعمِّر عندما تتوفر الخدمات، والخدمات منتظرة الناس تعمِّر !!! .. أها دي يحلوها كيف؟؟!!
تلاحظوا أن المناطق العشوائية ساكت تلقي الخدمات ممكن تصلها ، لأنو فيها ناس بشحمهم ولحمهم قاعدين يبنوا ويعمِّروا ، ولذلك تدب فيها الحياة وتدخلها المواصلات والموية والكهرباء ، وبها ترتفع أسعار الأراضي فيها ..
ناس الوادي الأخضر ولأنهم خارج السودان فالأراضي مهجورة في الصقيعة ومحجوزة بشهادات البحث وتفقد قيمتها يوماً بعد يوم ..
في إعتقادي مفروض ينهض المغتربون نهضة رجل واحد ويبدأوا البناء مع بعض في وكت واحد - دي تحتاج لهمة لجنة مكونة من رجال أصحاب وجعة -.. وبب بب الناس فجأة تشوف إنو في أساسات بتتحفر وطوب وأسمنت نازل هبطرش والبنائين والطُلب شغالين فينشط السماسرة وترتفع قيمة الأرض وو.. وهكذا ..
لو تلاحظوا كيف أن الحكومة بتغش الناس بمشاريع زي االمطار مثلاً،، وتقوم تكب تراب وتزرع شوية شجر فيتدافع الناس لشراء الأراضي قرب المطار المزعوم .. إلخ .. فالأراضي ترتفع أسعارها عندما يري الناس نشاط بنائي ، وتنخفض عندما تكون مهجورة وأصحابها ما شغالين بيها ..
أها رأيكم شنو؟
وبالمرة كده يا جماعة خبرونا عن مربع ٤٣ .. أسعاره كيف ؟؟ ..
| |
|
|
|
|
|
|
|
|
Re: اراضي الوادي الاخضر .. ما لها وما عليها .. ت� (Re: عبدالعزيز الفاضلابى)
|
آلاف السلام الخاص المعطر يا فاضلابي ..
حقو الناس في الوادي الأخضر ده ما تقلق .. المستقبل راجيهو .. لأنو بعد شوية الناس ستفضِّل العيش بعيداً عن مراكز المدن ..
زمان الكدرو والجيلي وحتي الحلفايا - الحلفاية شنو، شمباات القريبة دي - كلها كانت تعتبر أقاليم ساي بالنسبة لبحري .. الكدرو كانت أول محطة للقطر .. تنوم وتصحي يقولوا ليك يادوب وصلنا الكدرو .. هسه الكدرو ممكن تمشيهو كداري من شدة ما بقي قريب ..
طبعاً دي دايرة ليها عُمُر طويل .. يعني البقاء علي قيد الحياة .. هههه
| |
|
|
|
|
|
|
|
|
|
Re: اراضي الوادي الاخضر .. ما لها وما عليها .. ت� (Re: Munir)
|
سلام عمر دهب .. قلت لي حي التلال عديل؟ يعني البلد عمرت .. وبقت فيها أحياء بأسماء كمان ..
تسلم منير
حى مدينة التلال هو الحى قبل الوادى الاخضر وهو حى كبير كهرباء مويه ومشجر ايضا
يعنى 300 مليون ممكن تشترى بيت مساحته 300 متر وفيه غرفه ومطبخ وحمام وتتم الباقى براك
بعد حى التلال يجى حى الصحفيين وهو فى الوادى الاخضر
| |
|
|
|
|
|
|
|
|
|
Re: اراضي الوادي الاخضر .. ما لها وما عليها .. ت� (Re: الطيب عباس)
|
أخي آدم الهلباوي سلامات .. كلامي ليس لوماً للمغتربين - وأنا منهم وعندي قطعة في الوادي الأخضر - ، وإنما هو الواقع ، واقع علي أنا زاتو :).. الحكومة ما ممكن تعمل زلط وتدخل موية في الخلا بدون ما تشوف مباني وحركة بشرية .. هو الأحياء في عمق المدينة ماقادرة توفر ليها خدمات ..
مثلاَ عندما نشأت الحاج يوسف دي كانت بعيدة والناس تعتبرها سفر عديل - تذكر شارع الردمية - ردمية بس -.. ولكن الناس بنت وعمرتها سريع والسبعينات شهدت هجرة شديدة للحاج يوسف، ثم بدأت الخدمات تدخل والشوارع تتسفلت .. نفس السيناريو ينطبق علي الدروشاب والثورات .. أي المناطق التي تبعد من مراكز بحريي وأمدرمان .. أما في الخرطوم فالإعمار أسهل وأسرع لأنك كلما إتجهت جنوباً تدخل في عمق البلد ، ليس مثل أرياف بحري - بعيداً من البحر - حيث إنك تلقي نفسك داقش الخلا
..
| |
|
|
|
|
|
|
|
|
|
Re: اراضي الوادي الاخضر .. ما لها وما عليها .. ت� (Re: Munir)
|
Quote: سلام تاني أخ الطيب عباس ..
سبحان الله أنا برضو عندي مداخلة هناك وتقريباً بنفس مضمون مداخلتي هنا ..
الظاهر عليّ أني أصلو ما ممكن أتطوَّر ..
|
بالغت يا منير يا أخوي ما للدرجة دي كمان ..
عارف وجهة نظرك وجيهة وصحيحة ..
لكن كمان لازم يكون الموقع جاذب ..
حكومتنا أي خطة سكنية وزعتها وركزت فيها على المغتربين ..
ادتهم ماسورة وضحكت عليهم ووزعت ليهم أماكن لاتصلح للسكن ..
ليه ؟
لأن الحكومة بتفترض انه المغتربين ديل ..
ناس عندهم قروش والمفروض يعمروا ليها الحتات الماجاذبة .. والغير مرغوبة أصلاً ..
وكمان هم ناس يسهل اغوائهم والتحايل عليهم ..
لانهم بعيدين وماشايفين حاجة وكمان ماعارفين حاجة ..
أما عن المناطق السمحة والجاذبة يوزعوها للناس الدايره تشوف شوف عين ..
لانه ديل كان ما اقتنعوا ما حيدفعوا وماحيشتروا فلازم تديهم الحتة السمحة ..
تماماً زي الجزار كان رسلت ليهو شافع بيديك جلافيط ولحم بطن وستاره ..
وكان جيتو ووقفت قدامو بس وبدون ما تتكلم حيقطع ليك من الفخده ..
وياها نفس قروشو في الحالتين لازادت ولانقصت ..
فاااشنو حكومتنا دي اكبر جزار ..
جزرت المغتربين جزر غرائب الابل ..
كدي فتش كان لقيت خطة سكنية تم توزيعها للمغتربين فيها فايدة ..
لو في الاقاليم أو في البندر ده ..
وبرضو كلامك صاح .. متين لكن ..
ان احسنت حكومتنا النية واختارت اراضي الخطط السكنية بانصاف ..
وبدون ما تشغل دقنوسها الماكن داك ..
وتبقى الشغلانية ملوص ساي ...
والبيع يكون بالخسارة .. ولو داير تستفيد منها تخليها لي أولادك ..
ده لو ما استفادو منها اولادهم كمان ..
| |
|
|
|
|
|
|
|
|
 Re: اراضي الوادي الاخضر .. ما لها وما عليها .. ت� (Re: Munir)
|
Quote: سلام تاني أخ الطيب عباس .. سبحان الله أنا برضو عندي مداخلة هناك وتقريباً بنفس مضمون مداخلتي هنا ..
الظاهر عليّ أني أصلو ما ممكن أتطوَّر .. |
لكلام مكرر لقيتو ولا شنو ههههه ماهو الحنك زاتو وساقية جحا مدورة لازم الكلام يتكرر عيب الوادي الاخدر دا كان بقي احمر مالو .. ولا في عزاء للهلالاب
اللذيذه في البوست القبل كم سنة دا الناس هايجه وهارجه ومؤيده ومعارضة هههه واس التراب كال حماد شكلو
| |
|
|
|
|
|
|
|
|
|
Re: اراضي الوادي الاخضر .. ما لها وما عليها .. ت� (Re: الطيب عباس)
|
هههه يا أخواني الأعزاء جمال االقوز والطيب عباس .. ياخي مامكن .. أنا شفت الرابط مشيت قلت أشوف ناس الوادي ديل قالوا شنو يمكن أطلع بمعلومة جديدة .. مشيت لقيت نفسي أنا زاتي بقول في نفس النظرية وخاتم بيها البوست كمان..
إكتشفت أنني متحجِّر رسمي .. مافي أي تطور حاصل .. ده شنو ده .. ليهم حق الناس الإشتغلت معاههم يقولوا علي stubborn ..
بس الوادي الأخضر يا جمال لييس كله مغتربين .. أنا قطعتي من الخطة الإسكانية الفئوية في مربع ٤٣ .. لكني برضو بره البلد وتنطبق علي نظريتي بتاعة المغتربين المنتظرين الآخرين يعمروا - يعني زوول سلبي برضو - ..
لكني متفائل إنو االمستقبل مننتظر الوادي الأخضر .. نمط الحياة في تغيير مستمر .. بعد شوية السيارة ستكون مكون أساسي في الأسرة والكهرباء ستتوفر وحيننئذٍ سيمكن للأسرة شراء تموين الأسبوع واالشهر وتخزينه في الثلاجات، وتنتفي الحوجة للسكن في أواسط المدن ..
بس زي ما قلت ليكم الشغلانة محتاجة طولة العمر :) ..
| |
|
|
|
|
|
|
|
|
|
Re: اراضي الوادي الاخضر .. ما لها وما عليها .. ت� (Re: Munir)
|
Quote: نمط البيوت ام حيشان لو ما اتغير الخرطوم حتواجه مشكلة كبيرة في السكن والخدمات
ثقافة العمارات هي الحل
القطعة البتسكن اسرة ممكن تسكن عشرة والخدمات من كهربا وموية بتكون اسهل واوفر والمواصلات بتكون اقرب |
داير أعلِّق علي كلام الأخ أحمدالشيخ في جزئية حياة الشقق .. ياخي داير تضيِّق الوسيعة مالك؟؟؟ الحيشان دي ممكن بالراحة وبتغيير نمط العيش والتفكير ممكن تتحول لفلل .. يعني بس تغير إسم حوش فلان لفللة فلان .. حديقة وبناء حديث - إن شاء الله أوضة وبرندة - تعمل من الفسيخ شربات ....
ثم ياخوي العمارات محتاجة مصاعد وخدمات موية قوية -عشان الموية تصل الطوابق العلوية - ومحتاجة أسر صغيرة ليست مثل الأسر السودانية المزدحمة بالأطفال يحولوا ليك العمارة لعشش دبابير .. وما يترتب عن ذلك من مشاكل أطفال ودوشة ..
بعدين أنا أعتقد أن سبب فساد المصريين مثلاً هو عيشة الشقق وزحامها ...
.. ناس جنهم شمارات وفضول وعيون طايرة أوع تحشرهم في عمارة واحدة .. العمارات والشقق تنفع مع الخواجات المتحضرين بس .. حيث الواحد جاره ما يشوفه إلاّ من سنة لسنة .. وحيث الواحد فيهم لو بابك فاتح ضلفتين مستحيل يرفع عينه يتاوق يشوف جوة في شنو؟ ..
| |
|
|
|
|
|
|
|
|
|
Re: اراضي الوادي الاخضر .. ما لها وما عليها .. ت� (Re: Munir)
|
سلام اخوتي الودياب صراحة كانت قطعتي في مربع 51 قالو درجة أولي مشيت حلة كوكو سجلت وشهادة بحث مشيت علي السماسرة قبل أربعة أعوام 60 مليون السنة الماضيةبعت بي 28 مليون قبل أيام اتصل علي قريبي يهمني نفس القطعة تبعا السمسار داير فيها 23 مليون مالاقي حد لكن الكلأكلات والشيلات مناطق سمحة ومضمونة
| |
|
|
|
|
|
|
|
|
|
Re: اراضي الوادي الاخضر .. ما لها وما عليها .. ت� (Re: Elhadi)
|
Quote:
الحكومة ما ممكن تعمل زلط وتدخل موية في الخلا بدون ما تشوف مباني وحركة بشرية .
.. |
سلامات يا منير
البنيان ده ما بيحتاج لموية والا الناس حتبنى كيف بدون موية ؟
وبعدين المانع شنو انو الحكومة تعمل الظلط وتمد خطوط الكهرباء والموية وتكون جاهزة لمن ينتهى من البنيان وبالإضافة لذلك يكون تحفيز وتشجيع للاعمار وإيجاد الحياة فيها
| |
|
|
|
|
|
|
|
|
|
Re: اراضي الوادي الاخضر .. ما لها وما عليها .. ت� (Re: خالد حاكم)
|
| Quote: البنيان ده ما بيحتاج لموية والا الناس حتبنى كيف بدون موية ؟ |
أهلاً خالد ..
ففي دي صدقت .. قوية والله عندك حق ..
الحاصل أن بيع وتوزيع هذه الأراضي لم يكن بنية التعمير .. وإنما لإشباع رغبات المواطنين بإمتلاك قطعة أرض .. يعني مثلاً الخطة الإسكانية الفئوية شملت أراضي الوادي الأخضر من باب إنو الواحد يكون عنده قطعة أرض .. ولم يتضح أن الحكومة كانت تنوي توصيل الخدمات قبل السكن .. اللهم إلاّ إسكان الصحفيين الذين كانوا جاهزين للإنتقال للوادي الأخضر والحكومة هي التي قامت بالبناء .. مش كده؟
| |
|
|
|
|
|
|
|
|
|
Re: اراضي الوادي الاخضر .. ما لها وما عليها .. ت� (Re: Munir)
|
| Quote: ناس جنهم شمارات وفضول وعيون طايرة أوع تحشرهم في عمارة واحدة .. العمارات والشقق تنفع مع الخواجات المتحضرين بس .. حيث الواحد جاره ما يشوفه إلاّ من سنة لسنة .. وحيث الواحد فيهم لو بابك فاتح ضلفتين مستحيل يرفع عينه يتاوق يشوف جوة في شنو؟ .. |
والله صدقت يا منير ..خاصه فى ( وحيث الواحد فيهم لو بابك فاتح ضلفتين مستحيل يرفع عينه يتاوق يشوف جوة في شنو؟ )
| |
|
|
|
|
|
|
|
|
|
Re: اراضي الوادي الاخضر .. ما لها وما عليها .. ت� (Re: Munir)
|
Quote: شنو اّ ناس خليتو الفار يلعب فى عبنا
اها الحى الدبلوماسى كيف |
الدبلماسي ممتاز لانو اتخيلي فيو خدمات .. الماشة في الارتفاع اليومين دي مخططات الجريف شرق وما تسمي بالمنشية الجديدة مربعات مكتملة الخدمات بس ما عندك اكتر من 200 مليون ما تقربا
صديقي قالي قطعه ارض تفوت ال10 دي بتعوقني .. قت لي ماف بي السعر دا لكن ..
| |
|
|
|
|
|
|
|
|
|
Re: اراضي الوادي الاخضر .. ما لها وما عليها .. ت� (Re: الطيب عباس)
|
سلام الطيب
بسال المتابعين
بالنسبة لمربع 53 وهو موزع بين الاسكان والمغتربيين وتقريبا اكثر من نصف او ثلاثة ارباع المربع منازله مشيدة وكذلك المدارس والخدمات به مكتملة
الزبدة انو المغتربيين اصحاب الاراضي ممنوع تسليمهم قطعهم لانو وقع فى ايدى اصحاب الحيازات
لسه الموضوع دا ولا اتوجد حل
| |
|
|
|
|
|
|
|
|
|
Re: اراضي الوادي الاخضر .. ما لها وما عليها .. ت� (Re: الطيب عباس)
|
السلام عليكم صاحب البوست وضيوفه الوادياب ( حلوة الوادياب دي مش)
صراحة اشتريت قطعة عن طريق اخوي السنة الماضية وما عارف عنها اي معلومة والله غايتو كان عندي شوية قروش وقلت استفيد منها في قطعة ارض واخليها للمستقبل المجهول واهو اشتريت وما معروف مصير القطعه شنو او مصيري انا شنو وغايتو ربنا يمد في ايامنا ونعرف البحصل شنو لكن الواحد غايتو للحاصل ده شايف انو بعد عشرين سنة كده الامور بتضح .... وشكرا لكل الاخوان الادونا فكرة عن الوضع والله يكضب الشينه ...
تحياتي : ياسر العيلفون .....
| |
|
|
|
|
|
|
|
|
|
Re: اراضي الوادي الاخضر .. ما لها وما عليها .. ت� (Re: الطيب عباس)
|
السلام عليكم و رحمه الله
في 2010 تقريبا جاءت لجان بيع الاراضي للخليج و الوقت داك الحكومة على ما يبدو كانت مفلسة
عشان كدا فكت موضوع الوادي الاخضر دا يعني اكيد ما زي ما قال استاذنا واخونا منير "لإشباع رغبات المواطنين بإمتلاك قطعة أرض"
الحكومة لا عندها رغبة ولا دراسة ولا إحصائية عشان تقرر تعمل كدا إنما : ما عندها سيولة فقامت باعت لينا الهواء
زي ما حصل في اراضي دريم لاند والحاصل حاليا في اراضي المطار الجديد
المهم انا شلت قروشي في جيبي ومشيت لقيت فعلا ممكن تستخرج شهادة بحث بي رقم قطعتك بعد تدفع القروش
لكن لما سألتهم المربعات دي وين على الخريطة اتضح انو حتى المربعات نفسها ما معروفها وين بالضبط يعني ممكن تلقى ارضك في البطانة
عشان كدا طوالي انسحبت وتراجع عن الشراء
| |
|
|
|
|
|
|
|
|
|
Re: اراضي الوادي الاخضر .. ما لها وما عليها .. ت� (Re: الطيب عباس)
|
كامل تضامني مع المغترب
Quote: لأن الحكومة بتفترض انه المغتربين ديل ..
ناس عندهم قروش والمفروض يعمروا ليها الحتات الماجاذبة .. والغير مرغوبة أصلاً ..
وكمان هم ناس يسهل اغوائهم والتحايل عليهم ..
لانهم بعيدين وماشايفين حاجة وكمان ماعارفين حاجة ..
أما عن المناطق السمحة والجاذبة يوزعوها للناس الدايره تشوف شوف عين ..
لانه ديل كان ما اقتنعوا ما حيدفعوا وماحيشتروا فلازم تديهم الحتة السمحة ..
تماماً زي الجزار كان رسلت ليهو شافع بيديك جلافيط ولحم بطن وستاره ..
وكان جيتو ووقفت قدامو بس وبدون ما تتكلم حيقطع ليك من الفخده ..
|
| |
|
|
|
|
|
|
| |
الطيب عباس
لطفى العمده
عادل ابراهيم احمد
Munir
عبدالعزيز الفاضلابى
الامين موسى البشاري
عمر دهب
ادم الهلباوى
احمد الشيخ
جمال ود القوز
Elkalakla_sanga3at
جلالدونا
Elhadi
خالد حاكم
زينب محمد عبدالله
هاشم عبدالله بشير
ياسر السر
فيس بوك
تويتر
انستقرام
يوتيوب
بنتيريست