|
Re: الطفل النابغة السوداني الامريكي يحل على ق (Re: عزالدين عباس الفحل)
|
سلامات ياعادل
Quote: " الولد ده أحسن ليهو يرجع يشوف قرايتو ومدرستو وين"
اتفق تماما ماقاله الاخ جورج وماذكره فى خيط اخر الاخ عثمان موسى وخاصةنحن فى منتصف العام الدراسى لفصل الشتاء. اضم صوتى للأخرين وهم اباء والذين حثوا الاسرة وخاصة الاب ذو الطموح السياسى فى السودان بابتعادهم عن الاضواء خاصة وان الابن المجتهد انصف من اكبر سلطة سياسية فى البلاد ويتم تقديره من مؤسسات مهنية و اكاديمية عريقية. اتمنى ان يتم التخطيط لمستقبله بهدؤ و بدون ضوضاء. اقول قولى هذا وانا اب لشابين احدهما فى مرحلة جامعية باميركا والثانى على اعتاب الجامعة. مع ودى
| |
|
|
|
|
|
|
Re: الطفل النابغة السوداني الامريكي يحل على ق (Re: عادل ابراهيم احمد)
|
Quote: الولد ده أحسن ليهو يرجع يشوف قرايتو ومدرستو وين!
|
تحياتي يا دينق
اكيد هو هسة في اجازة .. لكن لو اخدوهو في قطر فاونديشن دي ممكن يسفروهو اقوى مدارس العالم بمنحة ..
نحن صراحة نتمنى استقرار اسرته في قطر ..
فقطر بلد آمن مطمئن محفوظ للجميع حقهم فيها ..
وكليات وجامعات قطر فاونديشن بها افرع اعرق جامعات العالم ..
ونلاحظ ان هنالك هجرة عكسية من اوروبا واميركا الى قطر ..
تحياتي
| |
|
|
|
|
|
|
Re: الطفل النابغة السوداني الامريكي يحل على ق (Re: عادل ابراهيم احمد)
|
Quote: اتفق تماما ماقاله الاخ جورج وماذكره فى خيط اخر الاخ عثمان موسى وخاصةنحن فى منتصف العام الدراسى لفصل الشتاء. اضم صوتى للأخرين وهم اباء والذين حثوا الاسرة وخاصة الاب ذو الطموح السياسى فى السودان بابتعادهم عن الاضواء خاصة وان الابن المجتهد انصف من اكبر سلطة سياسية فى البلاد ويتم تقديره من مؤسسات مهنية و اكاديمية عريقية. اتمنى ان يتم التخطيط لمستقبله بهدؤ و بدون ضوضاء. اقول قولى هذا وانا اب لشابين احدهما فى مرحلة جامعية باميركا والثانى على اعتاب الجامعة. مع ودى |
تحياتي أخي المعز ..
مداخلة جميلة اخي الكريم .. فعلا هذا هو المطلوب : التخطيط السليم لمستقبله بعيدا عن تقاطعات طموحات والديه ..
احترامي
| |
|
|
|
|
|
|
Re: الطفل النابغة السوداني الامريكي يحل على ق (Re: عادل ابراهيم احمد)
|
Quote: اكيد هو هسة في اجازة |
الولد ليس في إجازة.. وكذلك أخته وأخوه الصغير. أتمنى عودتهم للدراسة سريعاً
فتجاوز هذه المحنة لن يتم بقطع دراستهم.. ولن تقبل أي مدرسة بأمريكا غيابهم الطويل... فإن قرر والديهم نقلهم لمدرسة أخرى فعليهم فعل ذلك وفوراً حتى لا ينقطعوا عن التحصيل!
الأضواء لها جوانبها السلبية على حياة وسلوك الأطفال.
| |
|
|
|
|
|
|
Re: الطفل النابغة السوداني الامريكي يحل على ق (Re: عادل ابراهيم احمد)
|
يا جماعة .. كون انو الطفل احمد دا صنع ساعة رقمية .. دا ما شي فوق الخيال و لا يصل الي مستوي الذكاء الحاد الموضوع ابسط من كده بي كتير .... مخططات الساعة الرقمية موجودة علي النت و موجودة في كتب لهواة الالكترونيات كل المطلوب بس انك تشتري المكونات الالكترونية للساعة و تعرف كيف تستعمل الكاوية و اللحام دا ما تقليل من شأن احمد طبعا ... لكين برضو الناس ما تشطح ... نابغة و عبقري ..الخ التعاطف و الاهتمام الاعلامي بي قضيتو دا ناتج من الخبر و الصورة النزلتهم الجريدة .. يظهر فيها احمد بنظرته البريئة و هو مكبل اليدين و رجال الشرطة حوالينو و كانو ارتكب جريمة كبيره. طبعا دا ممكن يهز صورة امريكا جوه و بره و دي سبوبة عشان تتفتح بيها ابواب تانية زي قضية الارهاب و الامريكان العرب و معاملتهم و تجانس و تمازج المجتمع الامريكي احمد اتلقي مكالمات و رسائل و دعوات من جهات حكومية و مؤسسات تعليمية و شركات ... تدعوهو للمواصلة و انو الموضوع دا ما يأثر عليهو. و دا شي طبيعي انا بفتكر انو زيارة الدوحة و اللا غيرو دا ما حايضيف لاحمد حاجة تخص مستقبلو و لا حا تضيف حاجة لي قضيتو .. الود دا مفروض يمشي يقري قرايتو كل التوفيق للطفل احمد و اتمني انو الاهتمام الاعلامي المزيف دا ما يأثر عليهو سلبيا.
| |
|
|
|
|
|
|
Re: الطفل النابغة السوداني الامريكي يحل على ق (Re: عادل ابراهيم احمد)
|
Quote: و دا شي طبيعي انا بفتكر انو زيارة الدوحة و اللا غيرو دا ما حايضيف لاحمد حاجة تخص مستقبلو و لا حا تضيف حاجة لي قضيتو .. الود دا مفروض يمشي يقري قرايتو كل التوفيق للطفل احمد و اتمني انو الاهتمام الاعلامي المزيف دا ما يأثر عليهو سلبيا. |
مساءك سعيد استاذ ناصر
مؤسسة قطر يشرف عليها كبار الاكاديميين في العالم .زوقطعا ستضيف اليه الكثير وليس شيئا واحدا ..
ستفتح له آفاق البحوث والمنح ..
فعلا يجب ان يقلل من الاعلام وبريق الكاميرات ..
لك تحياتي
| |
|
|
|
|
|
|
Re: الطفل النابغة السوداني الامريكي يحل على ق (Re: عادل ابراهيم احمد)
|
Quote: فاكر مطاردتك وتتبعك ح تمر مرور الكرام وتنتهي بحذف البوستات ابداً لا |
طيب يا اخوي ما تبقى راجل وتشفي غليلك وتجي تدقني ..
من يخفي شخصيته ويخاف المواجهة توقع منه اي شي ..
وعشان كدة انا حا اريحك :
اي بوست لي انا عادل ابراهيم احمد مسموح لك ان تحضر فيه وتكتب ما تشاء ..سب كما تشاء .. فأنت في مأمن ..
اها قصرت معاك ؟
| |
|
|
|
|
|
|
Re: الطفل النابغة السوداني الامريكي يحل على ق (Re: محمد الكامل عبد الحليم)
|
Quote: ككلام عام ما قاله دينق صحيح ميه في الميه، ولكن هل سيكون ذلك رأي دينق إذا كانت هذه الزياره لدوله أوربيه مثلاً. دينق يا أخي ما عهدتك قاعد تغتغت الكلام وصدقني دي الحسنه الوحيده الفيك، يا أخي قول ليهم أبعدوا الولد ده من الإسلاميين بتاعين أمريكا وقطر والسودان. |
تحياتي ابن عمي و اخي حافظ ..
دينق معنا هذه الايام في قطر وشاف الدوحة تمام ..
قطر دي بلد خير وعلم ومستقبل .ز
جملة الدرجات العليا والمهاجرين من السودانيين يحلون عليها من كل حدب وصوب ..
مكان ممتاز للاستقرار وتربية الابناء والدراسة رفيعة الطراز ..
| |
|
|
|
|
|
|
Re: الطفل النابغة السوداني الامريكي يحل على ق (Re: عادل ابراهيم احمد)
|
Quote: الاخ عادل سلام و تحية اتفق مع ما قاله الاخ دينق تماما و اتمنى ان لا يكون والده يعمل على استثمار تضامن الناس لصالحه و الذي سيكون بالتأكيد خصما على الطفل المسكين. |
تسلم اخي امجد الجميعابي
طموحات الوالد يجب الا تكون خصما على مستقبل الابن ..
اتفق معك..
تحياتي واحترامي
| |
|
|
|
|
|
|
Re: الطفل النابغة السوداني الامريكي يحل على ق (Re: فقيرى جاويش طه)
|
الاخ عادل تحياتي و مساءاتك كلها خير
Quote: مؤسسة قطر يشرف عليها كبار الاكاديميين في العالم .زوقطعا ستضيف اليه الكثير وليس شيئا واحدا .. ستفتح له آفاق البحوث والمنح .. |
السؤال هنا .... ماذا فعل هذا الفتي حتي تفتح له افاق البحوث و المنح ؟؟ الدائرة الالكترونية للساعة الرقمية متوفرة في الكتب المخصصة للهواه و في النت انه ليس بانجاز عالمي و علمي كبير انا خريج هندسة الكترونيات من جامعة السودان و صنعنا كمية من الدوائر الرقمية المشابهه بل و الاكثر تعقيدا المسألة لا ترتقي الي مسألة العبقرية و التميز و لا الي مرحلة الوصف بالعبقرية اهتمام الصحف و المدونات الامريكية كان منصبا فقط علي بشاعة الصورة النزلت و هو مقيد اليدين و مواجه بتساؤلات امنية
تقبل خالص ودي و تقديري و رأيي في الامر
| |
|
|
|
|
|
|
Re: الطفل النابغة السوداني الامريكي يحل على ق (Re: ناصر احمد الامين)
|
قطر دي بلد خير وعلم ومستقبل .ز
جملة الدرجات العليا والمهاجرين من السودانيين يحلون عليها من كل حدب وصوب ..
مكان ممتاز للاستقرار وتربية الابناء والدراسة رفيعة الطراز ..QUOTE >>> >>> >>> عزيزي الفاضل عادل ابراهيم نعرف ان دولة قطر من الدول القليلة التي تهتم بالعلم وتطوير الجامعات وللجامعات الامريكية فروع في الدوحة ولكن الطفل احمد سوف لن يجد فرصة الابداع وتطوير قدراته الذهنية إلأا في امريكا.. فأمريكا بلد الفرص وبلد الاهتمام بالنوابغ والعلماء.. وهذا الطفل سيجد رعاية اكثر واهتمام اكبر من الجامعات الأمريكية وافضل له ان يعود لتكملة دراسته هنا في امريكا .. وبعدين ما يزعل سامت من مدرسته عشان استاذ بلغ البوليس وقبضوا عليه وده طبعا شئ طبيعي في امريكا في ظل القتل المستمر في الجامعات والدارس الثانوية الامريكية... مستقبله في امريكا وليس في اي دولة عربية... لان المواهب تغتال هناك ... ودمت بالف خير وصحة وعافية
| |
|
|
|
|
|
|
Re: الطفل النابغة السوداني الامريكي يحل على ق (Re: ناصر احمد الامين)
|
السلام عليكم يا عادل
محمد ياسين خليفة كتب ليك و بوضوح :-
هذا الطفل ليس في اجازة لا هو لا اختو ... و محمد يس خليفة قاعد في امريكا دي و انا قاعد فيها و باكد ليك انو المدارس شغالة تش و دينق دا ذاتو عارف الكلام دا
ليه اسرة الطفل دي بتعمل كده في الشافع دا !؟ مع العلم انو المدارس ما تجامل في قصة الغياب دي ابداً .
غايتو الشافع دا الله يستر عليهو .
| |
|
|
|
|
|
|
Re: الطفل النابغة السوداني الامريكي يحل على ق (Re: aosman)
|
Quote: السؤال هنا .... ماذا فعل هذا الفتي حتي تفتح له افاق البحوث و المنح ؟؟
|
الأخ ناصر، عبارة حســد مكشوفـة بصـورة واضحة.. هل عندك إعتراض على فضل الله الذى يعطيه من يشاء بسبب وبدون سبب.. ثم انت قلت انك خريج جامعة هندسة الكترونيات جامعة السودان، وصنعت كمية من الدوائر الرقمية المشابهه، ونسيت أنه أولا أحمد تلميذ مدرسة ثانوى عام حتى الشهر الماضى يا دوب دخل الثانوى وليس طالب هندسـة الكترونيات، ثم انه لم يتلق أي دروس حتى في الثانوى العام في الإلكترونيات، وكل هذا من اجتهاده الخاص. وهو عمل أشياء كثيرة جدا غير هذه رأيتها في منزلهم في تكساس العام الماضى، يعنى كان في سنة تانية ثانوى عام. أنا مع الرأي ان أحمد لا يتعرض لتطفل الباباراتسى... وطفل في سن أحمد ذووه يشكلوا سياج متين لحمايته من الميديا ويطردونهم من الباب.. وذلك لصحته النفسيـة أولا وأخيراً.. وأتمنى شيخ محمد يفطن لهذه النقطة.
| |
|
|
|
|
|
|
Re: الطفل النابغة السوداني الامريكي يحل على ق (Re: aosman)
|
Quote: الأخ ناصر، عبارة حســد مكشوفـة بصـورة واضحة.. هل عندك إعتراض على فضل الله الذى يعطيه من يشاء بسبب وبدون سبب.. ثم انت قلت انك خريج جامعة هندسة الكترونيات جامعة السودان، وصنعت كمية من الدوائر الرقمية المشابهه، ونسيت أنه أولا أحمد تلميذ مدرسة ثانوى عام حتى الشهر الماضى يا دوب دخل الثانوى وليس طالب هندسـة الكترونيات، ثم انه لم يتلق أي دروس حتى في الثانوى العام في الإلكترونيات، وكل هذا من اجتهاده الخاص. |
الاخ ابو الريش .. ليس هنالك حسد يعلم الله .. و احسد علي شنو يعني .. انا ما انا و هو ما هو انا قلت ليس تقليلا من شأنه انه استطاع ان يطور قدراتة و معرفتة بالالكترونيات و مثابرته علي ان يصنع شيا لكين الساعة الرقمية دي ما اختراع و لا دايره ليها عبقرية و لا نبوغ الدائرة الالكترونية للساعة الرقمية موجودة علي النت و علي الكتب و المجلات المتخصصة كل ما حاولت ان اشير اليه ان الاهتمام الاعلامي الامريكي كان منصب علي دعم النسيج الاجتماعي و السياسي الامريكي فقط و دعم معنويات احمد ... و تعبير عن اسف بليغ عن ما حدث تجاهه .. فلا يصح ان يعامل طفل علي حسن نواياه بكل سء النية هذه نحن و بكل عبط و توغل في الذاتية شفنا الموضوع من وجهة نظر تانية .. و هي الولد ولدنا و عمل ليكم الساعة يا امريكا !!! لذا هو طفل نابغة و مخترع خطير جدا فلنحتفي به عشان هو سوداني الاصل اخي ابو الريش ...امريكا اخذت الامر من ناحية امن قومي و نحن للاسف اخدناهو من ناحية عاطفة
لك كل الود
| |
|
|
|
|
|
|
Re: الطفل النابغة السوداني الامريكي يحل على ق (Re: حاتم إبراهيم)
|
***أي نوع من البحوث والمنح تناسب هذا الفتي؟؟***
يا حاتم الولد دا لم توكل اليه اى بحوث، ولم يحصل على اى منحة حتى الان ببساطة لأن المنح يبدأ تقديمها او التقديم لها في سنة السينيـر.. وليس الان. بعدين من سيوكل له بحث.. إنتو الأمريكان ديل قايلينهم ما عارفين بيعملوا في شنو؟ ديل بيشجعوا في طفل أبدى إهتمام بالتكنولوجيا في سن مبكرة ويشجعونه لمواصلة السير في طريقه هذا، ويخففوا عليه الصدمـة النفسيـة التي تعرض لها.. هذا كل ما في الأمر.. أنا لما كنت في سنه فرتكت اللمبة الكهربائية وطلعت منها سلك الطنجستن الرفيع الذى يضيئ.. وختيت محله لمبة بطارية صغيرة وصلتها بحجر بطارية ثم قفلتها ومديت السلك ووصلته بمفتاح.. شفت كيف.. علقتها في السقف ما في اى فرق بينها وبين اللمبة الحقيقية ما عدا الكفاءة. أها الطفل في سن زى دى لو قلت ليه انت نابغة بكرة لما يكبر حيخترع شيء عظيم، لكن نحن في السودان نقول ليه إختراع في عينك يا كلب كسرت اللمبة عشان تقول لينا إخترعت حاجة؟ طفل زى دا بكرة حتشوفه يلف ورا التور في الشادوف. ما عندنا ثقافة التشجيع.. عندنا ثقافة النهير والكبت والتقريع.. الأخ ناصر قال هو خريج جامعة هندسة الكترونية.. هل تعلم ان خريجى الهندسة مشاريع تخريجهم كلها منسوخة من المكتبة وليست إختراع او تصميم اصيل من عندهم؟ بل كتيرين منهم لا يعرفون كيف يستعملون الكاوية ولا يعرفون كرعين الترانسستور اساميها شنو.. المشاريع يجيبوها من المجلات والكتب والفنيين يبنوها ليهم.. إلا القليل مثل أحمد الذين كانوا مجتهدون، وديل في كل دفعة تلقى منهم فريق واحد وربما فريقين.
| |
|
|
|
|
|
|
Re: الطفل النابغة السوداني الامريكي يحل على ق (Re: Abureesh)
|
Quote: لأخ ناصر قال هو خريج جامعة هندسة الكترونية.. هل تعلم ان خريجى الهندسة مشاريع تخريجهم كلها منسوخة من المكتبة وليست إختراع او تصميم اصيل من عندهم؟ بل كتيرين منهم لا يعرفون كيف يستعملون الكاوية ولا يعرفون كرعين الترانسستور اساميها شنو.. المشاريع يجيبوها من المجلات والكتب والفنيين يبنوها ليهم |
الاخ ابو الريش .. معليش انت غلطان .. نحن علي مستوي جامعة السودان للعلوم و التكنلوجيا ايام ما كانت جامعة حقيقية و قبل ان ينسف الكيزان بمستوي التعليم في السودان تلقينا تدريب مهني علي اعلي مستوياته. و الان سؤالي لك: تخيل انو لو كان استاذ احمد ما بلغ عنو و قبل اختراعو دا و عرضو علي الفصل و طاقم المعلمين و نال احمد كل التقدير علي مجهوداتو و رجع بيتو و هو مبسوط هل كان شهدنا كل هذه الضجة الاعلامية ؟؟؟؟؟؟
| |
|
|
|
|
|
|
Re: الطفل النابغة السوداني الامريكي يحل على ق (Re: ناصر احمد الامين)
|
***و الان سؤالي لك: تخيل انو لو كان استاذ احمد ما بلغ عنو و قبل اختراعو دا و عرضو علي الفصل و طاقم المعلمين و نال احمد كل التقدير علي مجهوداتو و رجع بيتو و هو مبسوط هل كان شهدنا كل هذه الضجة الاعلامية ؟؟؟؟؟؟ ***
لا أعقتقـد.. ولكن فات عليك ان القبول الكبير الذى وجده كان على إستحقاق، فقد دفع احمد الثمين ولم يجد (تدليع) في الفارغـة.. أحمد كان على شفا جرف من الانهيار والضياع النفسى الذى كان سيتسبب في الضياع الأكاديمى. والتعويض الذى تلقاه بكل اشكاله هو جدير به.
بعدين قصدك ما عرفته.. تقول لو.... طيب لو دا ما حصلت والمدرس بلغ والبوليس جا وكلبشـه ووداه الحراسـة واستجوبه ورفض طلبه ان يتحدث مع بابا (لاحظ عمره 14 سنة).. فهل تستكثر عليه هذا التعويض الى وجده؟
| |
|
|
|
|
|
|
Re: الطفل النابغة السوداني الامريكي يحل على ق (Re: Muhib)
|
Quote: بعدين قصدك ما عرفته.. تقول لو.... طيب لو دا ما حصلت والمدرس بلغ والبوليس جا وكلبشـه ووداه الحراسـة واستجوبه ورفض طلبه ان يتحدث مع بابا (لاحظ عمره 14 سنة).. فهل تستكثر عليه هذا التعويض الى وجده؟ |
انا لا احرمه من التعويض .. فهو قد وجده من اعلي الساسه في البلد و من اهم الشركات و المؤسسات .. و هذا هو واجبهم ليحمو وحدة بلدهم لكين لو كان المدرس ما بلغ عنو كان الامر اتعالج في لحظتها و احمد لقي التقدير الهو عاوزو و اكتفي بذلك هو اصلا اخد الساعة للمدرسة عشان يبهر اساتذتو بي امكانياتو و كان ممكن يكفيهو اي نوع من انواع التقدير و الاشاده لكين الامور سارت مغايرة عشان فجأة يصبح في قمة الاخبار التي استفاد منها الامريكان عشان يدافعو عن نسيجهم الاجتماعي و استفاد منها العرب و المسلمين عشان يبررو جنوح و سطوة و قهر امريكا .. و في خضم ذلك نحن السودانيين قعدنا نهلل بي ولدنا
| |
|
|
|
|
|
|
Re: الطفل النابغة السوداني الامريكي يحل على ق (Re: بريمة محمد)
|
Quote: طفل مثله .. لا يهمه المقرر .. فهو فوق ذلك عقلاً .. وبأمكانه تجاوز الفصل الذي فيه ..
بريمة |
بريمه يا حبيب أنت فى ولاية فرجينيا ولدك أو بنتك إذا غاب أو غابت يوم واحد من المدرسه من المدرسه على طول المدرسه بتضرب تلفون تستفسر عن سبب الغياب . أما إذا إستمر الغياب دون إخطار المدرسه بالتأكيد ستكون هنالك عواقب قانونيه تطال الوالدين .
| |
|
|
|
|
|
|
Re: الطفل النابغة السوداني الامريكي يحل على ق (Re: ABDALLAH ABDALLAH)
|
الموضوع ككل خلق فرص عظيمة لهذه الاسرة، عليها الاستفادة منها ماديا لأبعد الحدود. بعدين ناس مكنة العام الدراسي ديل، أنا الادوني الجواز امبارح دي، عارف انك ممكن تاخد اذن وتتعهد انك تدرس ولدك المقرر اثنا فترة غيابو. أنا دا لو دفعوا لي تلاتة ألف دولار في الشهر بسافر مع الاسرة المحظوظة دي ادرس ليهم الكنز دا، شنو يعني عدة آلاف من الدلارات نظير هبرات وهبات كبيرة في انتظارهم دي يا ها فرصة الحلم الامريكي العظيم
| |
|
|
|
|
|
|
Re: الطفل النابغة السوداني الامريكي يحل على ق (Re: مصطفى البشارى)
|
Quote: خيار الأسرة يجب أن يتوافق مع استمرارية وجود الأبن في جو معرفي يتيح له النمو والتطور....مع الأحترام لقطر في التكريم الا ان الدولة وهي تنمو تحاول استقطاب من يمكن او يحتمل استيعابه في نسيجها كما تفعل في اكاديمية اسباير الرياضية.... محاولة استثمار الواقعة يجب الا يكون علي حساب المستقبل العلمي للطفل وفي امكانه فيما بعد استثمار جهده بعد بلوغه لطموحه المشروع في اي مكان, هذا فيما لو ظل حال البلد مائلا لسنوات عجاف أخري لا يتيح لأحمد وامثاله العودة الي ( سنار..)
اتفق مع دينق تماما.. |
صباحك خير اخي محمد الكامل ..
اتفق معك وشكرا للمداخلة الثرة ..
احترامي لك
| |
|
|
|
|
|
|
Re: الطفل النابغة السوداني الامريكي يحل على ق (Re: عادل ابراهيم احمد)
|
Quote: عزيزي الفاضل عادل ابراهيم نعرف ان دولة قطر من الدول القليلة التي تهتم بالعلم وتطوير الجامعات وللجامعات الامريكية فروع في الدوحة ولكن الطفل احمد سوف لن يجد فرصة الابداع وتطوير قدراته الذهنية إلأا في امريكا.. فأمريكا بلد الفرص وبلد الاهتمام بالنوابغ والعلماء.. وهذا الطفل سيجد رعاية اكثر واهتمام اكبر من الجامعات الأمريكية وافضل له ان يعود لتكملة دراسته هنا في امريكا .. وبعدين ما يزعل سامت من مدرسته عشان استاذ بلغ البوليس وقبضوا عليه وده طبعا شئ طبيعي في امريكا في ظل القتل المستمر في الجامعات والدارس الثانوية الامريكية... مستقبله في امريكا وليس في اي دولة عربية... لان المواهب تغتال هناك ... ودمت بالف خير وصحة وعافية بلادي ناسا تكرم الضيف بلادي ناسا يكفكفوا دمعة المفجوع يموتوا عشان حقوق الجار ويخوضوا النار عشان فد دمعة وكيف الحال لو شافوها سايلة دموع |
اختي بسمات صبحك الله بخيره وعافيته ..
في قطر سيجد ظروفا مهياة ربما افضل من امريكا ..
اساتذة مقتدرون وبيئة بحثية رفيعة الطراز ..
مع خصوصية البيئة الامنة في قطر للاسر ..
هنالك كثير من الاسر تتجه من اوروبا وامريكا واستراليا للاستقرار في قطر ..
امريكا مع كامل احترامي للمقيمين فيها ليست هي جنة الله الوحيدة في الارض..
ولكن لنرى ماذا يقرر ..ربما تكون تلك زيارات فقط ويرجع لامريكا فعلا ..
تحياتي لك
| |
|
|
|
|
|
|
Re: الطفل النابغة السوداني الامريكي يحل على ق (Re: عادل ابراهيم احمد)
|
Quote: ليه اسرة الطفل دي بتعمل كده في الشافع دا !؟ مع العلم انو المدارس ما تجامل في قصة الغياب دي ابداً . |
صباح الخير اخي سفيان بشير نابري
ربما يكونوا قد صرفوا النظر عن الرجوع لاميركا اصلا ..
عموما اسرة الطفل ادرى بمصلحته .. ويا ريت يركزوا على مستقبل الطفل ..
تحياتي لك
| |
|
|
|
|
|
|
Re: الطفل النابغة السوداني الامريكي يحل على ق (Re: عادل ابراهيم احمد)
|
Quote: مبروك مليون مرة .. طفل نابغة .. ما شاء الله ربنا يغطيه من العين هو وأسرته ..
وأتمنى أن يكمل كل زياراته ويلبى كل الدعوات الموجه له ..
طفل مثله .. لا يهمه المقرر .. فهو فوق ذلك عقلاً .. وبأمكانه تجاوز الفصل الذي فيه ..
بريمة |
حباب شيخ العرب بريمة ..
هاهاها
والله اصلك ما بتتفق مع دينق .. الناس دي كلها وافقته الراي الا انتا المشاتر ..
هذا الطفل في قطر لو قدر له ان يستقر فيها سيجد اضعاف الرعاية التي سيجدها في اميركا ..
تحياتي لك
| |
|
|
|
|
|
|
Re: الطفل النابغة السوداني الامريكي يحل على ق (Re: عادل ابراهيم احمد)
|
Quote: الموضوع ككل خلق فرص عظيمة لهذه الاسرة، عليها الاستفادة منها ماديا لأبعد الحدود. بعدين ناس مكنة العام الدراسي ديل، أنا الادوني الجواز امبارح دي، عارف انك ممكن تاخد اذن وتتعهد انك تدرس ولدك المقرر اثنا فترة غيابو. أنا دا لو دفعوا لي تلاتة ألف دولار في الشهر بسافر مع الاسرة المحظوظة دي ادرس ليهم الكنز دا، شنو يعني عدة آلاف من الدلارات نظير هبرات وهبات كبيرة في انتظارهم دي يا ها فرصة الحلم الامريكي العظيم |
هاهاها
حلوة والله يا ابوبكر عباس ..
دي طاقة حظ لا تتكرر..
تحياتي
| |
|
|
|
|
|
|
Re: الطفل النابغة السوداني الامريكي يحل على ق (Re: عادل ابراهيم احمد)
|
استاذ عبد الله عبد الله تحياتي لك ..
اكيد الاسرة اسرة متعلمة تعرف تاثير الغياب هذا من الابجديات للاباء الذين لديهم طلاب بالمدارس ..
واكيد هم لهم تقديراتهم في ذلك : احتمال عاوزين يخلو امريكا كلها .. احتمال يحولوهو لمدرسة اخرى في بلد اخرى ..
التعامل الذي حدث للطفل في مدرسته كان سيئا جدا ..
لك تحياتي
| |
|
|
|
|
|
|
Re: الطفل النابغة السوداني الامريكي يحل على ق (Re: MOHAMMED ELSHEIKH)
|
لفتت نظري جزمتو اتذكرت كاس العالم وكل فردة من بلد هاهاها ,,,,,,,,,,................
أها يا محمد الشيخ كمان اقول ليك انو العباقرة بس البيلبسو كل فردة من بلد( وجه ضاحك) لانهم ما بيلبسو فردة كل جزمة من بلد إلا لسبب علمي نحن ما عارفنه...( وجه ضاحك ضحكة شديدة زي ضحكة ود الصايم( رد الله غربته للمنبر العام) بس ما شرحت لينا كاس العالم دخله شنو بحكاية كل فردة من بلد.. والله يديك الصحة والعافية
| |
|
|
|
|
|
|
Re: الطفل النابغة السوداني الامريكي يحل على ق (Re: اميرة السيد)
|
Quote: الأخ عادل تحيه وإحترام، أعلم أن قطر بلد علم وإلا لما كانت قِبله لصفوة المجتمع السوداني. تعليقي نابع من معرفتي اللصيقه بدينق وأعلم أن هذا ما كان يقصد فقد طالب من قبل بإبعاد الطفل من بعض المنظمات الإسلاميه في أمريكا بحجة ألايستغلوا قضيته في تمرير أجندتهم،وقد كتبنا له حينها أن آلاف المسلمين يتعرضون للمسآءله لمجرد حرصهم لأداء صلواتهم الخمسه في المسجد. دينق ده إنت قايلو جا قطر سياحه ولا متابعة بحث. شايف جوك الجماعه الطيبين وأخونا أسامه خلف الله ماقصر معاك جاب ليك جدول المدرسه زاتو، أها باقي ليك محمد يس خليفه حيجي قول ليك حنرفع على أبوه قضيه. الجماعه ديل ناسين إنه والد أحمد متابع ولده ده تسع سنوات في المدارس وعارف شنو إنك تغيب ولدك من المدرسه إسبوعين. عادل يا أخوي دحين باقيلك مش ديل ياهم الناس الكانوا بتكلموا عن إقتحام خصوصيات الناس حتى الأمس القريب. سودانيز عالم لذيذ. |
تحياتي اخي حافظ ..
اعتقد ان قطر افضل له من امريكا كثيرا ..
واسرته فعلا حرة في ما تراه مناسبا لها وله..
فعلا سودانيز اون لان عالم عجيب هاهاها ..
احتراماتي
| |
|
|
|
|
|
|
Re: الطفل النابغة السوداني الامريكي يحل على ق (Re: عادل ابراهيم احمد)
|
الأخ الفاضل عادل والضيوف الكرام السلام والتحية والإحترام ليكم جميع
تعرف يا عادل أول ما شوفت الخبر في الجريدة فكرت أضرب ليك تلفون بس مع زحمة الشغل نسيت
والولد ده فعلا ممكن يستفيد لو أهله إستقرو في قطر
شوفت أول أمس تخريج مركز الشفلح لذو الإحتياجات الخاصة أول دفعة علي مستوي الدراسات العليا وبحضور الشيخة موزة قائدة ثورة التعليم التي أدخلت الفرح والسرور في قلوب أباء وأولياء الأمور وجعلت الدموع تنهمر من عيون الأمهات بهذا الإنجاز والإحتفاء الرائع بهذه الشريحة المهمة (ما قدرت أنزل الصور من موقع جريدة غولفتايمز)
Rally for education equality in Brooklyn demanding an end to what they describe as separate and unequal education in New York City schools. A Tale of Two School Systems which showed that black and Hispanic students are confined to the worst performing city schools. (الخبر ده في عدد الخميس في الغولفتايمز برضو ما قدرت أنزل الصورة)
الظاهر دولة قطر ستكون أرض الفرص في المستقبل القريب
| |
|
|
|
|
|
|
Re: الطفل النابغة السوداني الامريكي يحل على ق (Re: محمد محمد قاضي)
|
http://www.0zz0.com
السعودية تستضيف "المخترع الصغير" في "بيت الله الحرام زار أحمد وأسرته، مساء الأحد، المسجد النبوي بالمدينة المنورة، حيث أدى الصلاة فيه، وفق ما ذكرته وكالة الأنباء السعودية التي أـشارت إلى أنه وصل المدينة المنورة بعد أداء مناسك العمرة على نفقة العاهل السعودي الملك سلمان بن عبدالعزيز آل سعود، وزيارة بيت الله الحرام في مكة. ونشر أحمد عبر صفحته على "تويتر" بعض الصور خلال أداء مناسك العمرة، وقال: "استمتع بوجودي في السعودية.. الطقس رائع". كما نشر فيديو له خلال لقاء مع طلاب سعوديين، قائلا: "أحظى بمتعة كبيرة مع الطلاب في المدرسة". وأثار اعتقال أحمد حملة تضامن واسعة معه، وقالت عضو مجلس العلاقات الأمريكية الإسلامية علياء سالم: "أعتقد أن هذا لم يكن ليحدث لو لم يكن اسمه أحمد محمد". وأعرب الرئيس الأمريكي باراك أوباما عن دعمه لأحمد، داعياً المخترع الصغير إلى إحضار ساعته للبيت الأبيض. وقال أوباما عبر حسابه على موقع "تويتر": ساعة جيدة يا أحمد.. هل تريد إحضارها إلى البيت الأبيض؟". وأضاف: "يجب أن نشجع المزيد من الأطفال مثلك على حب العلوم، وهذا ما يجعل أمريكا أكثر قوة".
| |
|
|
|
|
|
|
| |