|
Re: غريبة ليتك حدثتنا عن العودة الطوعية وهل ت� (Re: يوسف أبو صالح)
|
استاذ يوسف
اشكرك على الثقة وعلى السؤال وحاجاوب لك واستصحب معي ما ذكره الاخ ماهر
فعلا انا وصلت القاهرة يوم 17 مارس 2012 قادما من الرياض وغادرتها في شهر 8 من نفس العام الى السودان
ورجعت للقاهرة يوم 17 نوفمبر 2014 وتودعني اعين الاهل والاصدقاء وانا قادم للقاهرة لاستكمل مراحل العلاج
بعد الزي حدث لي في مستشفى الزيتونة ........
يعني يا ماهر انا دقيت مش طوبة ولكن الف طوبة بالسودان
عندما اسست منظمة اصدقاء السياحة السودانية بالخرطوم وهي لازالت تمارس
نشاطها بقيادة مجموعة شبابية تقدر العمل الطوعي وتقدسه
ويشهد من هم بالخرطوم كيف كان نشاطي بها
نعود للاسئلة وبالتالي الاجوبة
Quote: السلام عليكم ورحمة الله قرأت لك كثيرا حينما كنت فى السعودية وانك عزمت العودة والعيش فى السودان فاحببت ان تروى لنا قصتك اذا احببت وهل لمست تشجيعا من الدولة فى عودة المغتربين طواعية ممثلة فى جهاز المغتربين او وزارة الاستثمار او ما شابه وما هى الامور التى تنصح بها من يودون العودة وما هى اهم المشكلات التى تواجه العائد ان كان ثَم ؟ |
قناعتي كانت ولا زالت بان قرار العودة الطوعية هو قرار فردي في خياره الاول ويفترض ان تساعد الدولة في هذا الاختيار
ولكن كان الاتي :
في لقاء تلفزيوني اجرته معي قناة الشروق ذكرت خيارات العودة الطوعية ويفترض ان تساعد الدولة ممثلة في جهاز المغتربين في هذه العودة
وخاصة للاسر التي وضعتها الظروف في معادلة صعبة بين العودة للسودان او الاستقرار في السعودية مثلا ........
وطالبت بتكوين مجلس لذلك يتبع لجهاز تنظيم السودانيين بالخارج ويضم كل الاجهزة المعنية
وفعلا فور كان مؤتمر المغترين الخامس وكنت مشارك فيه بحماس وفي كل جلساته ........
= نواصل =
| |
|
|
|
|
|
|
Re: غريبة ليتك حدثتنا عن العودة الطوعية وهل ت� (Re: يوسف أبو صالح)
|
هلا ماهر
Quote: يا يوسف أبو صالح ،، أنت بجدك ؟؟ |
فى داعى يا حبوب تجبرنا على النصيحة
Quote: الزول ده لم يضرب طورية فى السودان ،، من السعودية وكام يوم فى السودان ريثما ينتهى من أجراءآت سفره إلى القاهرة ،، |
طيب ما كان يسافر من السعودية على القاهرة عدل !
Quote: فأحسن سؤال له هو الآتى : هل عليك أن تحدثنا عن الإقامة والعمل فى القاهرة .. |
ما كنت عايز اكب الاسئلة كلها لانى عايز ارميها حبة حبة
| |
|
|
|
|
|
|
Re: غريبة ليتك حدثتنا عن العودة الطوعية وهل ت� (Re: يوسف أبو صالح)
|
مرحبا سيد صلاح
Quote: استاذ يوسف
اشكرك على الثقة وعلى السؤال وحاجاوب لك واستصحب معي ما ذكره الاخ ماهر
فعلا انا وصلت القاهرة يوم 17 مارس 2012 قادما من الرياض وغادرتها في شهر 8 من نفس العام الى السودان
ورجعت للقاهرة يوم 17 نوفمبر 2014 وتودعني اعين الاهل والاصدقاء وانا قادم للقاهرة لاستكمل مراحل العلاج
بعد الزي حدث لي في مستشفى الزيتونة ........
يعني يا ماهر انا دقيت مش طوبة ولكن الف طوبة بالسودان
عندما اسست منظمة اصدقاء السياحة السودانية بالخرطوم وهي لازالت تمارس
نشاطها بقيادة مجموعة شبابية تقدر العمل الطوعي وتقدسه
ويشهد من هم بالخرطوم كيف كان نشاطي بها
نعود للاسئلة وبالتالي الاجوبة |
يعنى وجودك هذه الفترة فى القاهرة بغرض العلاج وليس العمل او العيش ؟ اسأل الله لك الشفاء
Quote: قناعتي كانت ولا زالت بان قرار العودة الطوعية هو قرار فردي في خياره الاول ويفترض ان تساعد الدولة في هذا الاختيار
ولكن كان الاتي :
في لقاء تلفزيوني اجرته معي قناة الشروق ذكرت خيارات العودة الطوعية ويفترض ان تساعد الدولة ممثلة في جهاز المغتربين في هذه العودة
وخاصة للاسر التي وضعتها الظروف في معادلة صعبة بين العودة للسودان او الاستقرار في السعودية مثلا ........
وطالبت بتكوين مجلس لذلك يتبع لجهاز تنظيم السودانيين بالخارج ويضم كل الاجهزة المعنية
وفعلا فور كان مؤتمر المغترين الخامس وكنت مشارك فيه بحماس وفي كل جلساته ........
= نواصل = |
| |
|
|
|
|
|
|
Re: غريبة ليتك حدثتنا عن العودة الطوعية وهل ت� (Re: يوسف أبو صالح)
|
الاخ يوسف لو انت جادى فى العودة الطوعيه هاك تجربتي اولا العودة كيري ساكت ما بتنفع لازم تخطيط وامكن ياخد معاك سنه وزيادة لو انت ما دكتور ولا صاحب مهنة فنية سألت قالوا لي ما تجي مشيت ما أشتغلت ي شهادتي الشغله حمت سمح فى كم يوم قريت الوضع وكونت فكرة رجعت لملمت شويه قريشات ومشيت اجازة ( سته يوم بس ) عملت سجل تجاري لشركة [ابسط مما تتخيل وتحتها اربعه اسماء اعمال واحد للسوق واحد بمشي مع دراستي وواحد فكرة اخذتها من الاغتراب بالاضافه لوكالة سفر استأجرت شقه فى قلب الخرطوم ووظفت ناس لمتابعه البدايه ودعمت العمل بي شويه قروش وشويه افكار وخبرة لقيت الموضوع ماش اها أسه امكن سنه ما أعديها السنه دى بس للضمان عشان انا لسه بذيد فى راس المال من شغلي فى المهجر الوصيه : ما تخاف - ما تمشي قبل ما تأسس - ما تسمع كلام الناس البكسروا المقاديق والله الخليناهم نايمين هسه راكبنها لاندكروزرات لا حراميه ولا تبع زول - سوق ساااي طبق عصارة خبرتك فى المهجر وابقي نصيح واتحرك براك انا من هنا جبت عملاء والامور ماشه تمام
| |
|
|
|
|
|
|
Re: غريبة ليتك حدثتنا عن العودة الطوعية وهل ت� (Re: عادل ابراهيم احمد)
|
شيخ يوسف صباح الخير عليك اخوي نحنا ربعنا واهلنا في الاغتراب من زمن بركبو جملوم وبخشو من غير اوراق ثبوتية نصيحتي ليك شيل معاك مكينة بتطبع قروش واوعا تشيلا من امهات الجنيه السوداني اطبع عملة صعبة اولادنا بعد ناهلم تاهيل كويس ونقريهم ممكن يعودوا طوعيا علينا صعب جدا جدا والواقع قدامك بالمناسبة قصة العودة ماقصة قروش بس يعني حتى حنك المكينة ماحل جزري في قصص كتيرة عن عائدين ممكن نجيبا ليك اظرف واحد قالي اشتريت المليارية وسكنت جنب الشارع بالليل صوت الركشات ساي حماني النوم طرطرطرطرطرطرطرطرطرطرطر الليل كلو في جوانب تانية برضو مهمة تعليم الاطفال والمدارس ومشاكل اغتصاب الاطفال
| |
|
|
|
|
|
|
Re: غريبة ليتك حدثتنا عن العودة الطوعية وهل ت� (Re: يوسف أبو صالح)
|
Quote: في قصص كتيرة عن عائدين ممكن نجيبا ليك اظرف واحد قالي اشتريت المليارية وسكنت جنب الشارع بالليل صوت الركشات ساي حماني النوم طرطرطرطرطرطرطرطرطرطرطر الليل كلو |
ود البدرى يا اخوى نحن لا ناس مليارية ولا ناس شارع نيل والعاصمة دى الواحد فينا كان بقوه رئيس جمهورية ما بنقعد فيها نحمد سيدنا ناس خلا وبهايم وزراعة وهواء نضيف
| |
|
|
|
|
|
|
|