09:27 PM Sep, 25 2015 سودانيز اون لاين زهير عثمان حمد-ï؟½ï؟½ï؟½ï؟½ï؟½ -ï؟½ï؟½ï؟½ï؟½ï؟½ï؟½ï؟½ مكتبتى فى سودانيزاونلاين
تعرفوا في العيد بعد ما الناس أضبحوا وينافقوا بعض ويأكلوا الشيه ويشربوا الشربوت القالوا غير مسكر بالله يا مولانا أنت نايم من بعد الفطور لا ضهر ولا عصر وبرضو تقول حلال يحل وسطك أنشالله عالم منتهي الدجل و أنت زول ما ضغيري أبدا أنا واضح زي أولاد جون وكمان بقة من حقي ح تنوم يا مولانا شهر يا وهم المهم طوالي قاعد أأقول للشباب ( عند ما يخضب النيذ شفتيك ولسانك قد يهمس بالحق في أمر ما قصتك وطنك وفكرك فلسك شاكوش عابر للبلدان العربية والخليج وأوربا مساكين نحن لكين بعد كلوا صابرين لله كل يوم بقول لنفسي والله لو فارقت أمدر والوطن السودان الحبيب طيارتك حرقت بس خليك حريف باصر أمورك هنا صحي ديل ما معهم أكل عيش نضيف ولا معيشة أكابر كلوا فتات موائد شيء بوش وأقاشي وبعد مرات كيلو لحمة من مناسبة أجتماعية لذوي الداخل الغير محدود المواصلات في عذاب يا خي تذكروا أنا كنت صايم رمضان زي صيام أهل القرون الوسطي في صحاري الجزيرة العربية قبل أكتشاف البترول كم من المعاناة يحيرك بالجد لا محل بارد ولا كهرباء ولا محسن يسمح ليك بالاستماع الكريم بفضل التكييف في صيف ينشف قلبك وهو أساس ناشف خلقه نرجع لقصة اليوم الاول من العيد السعيد سعيد قال أنتو الاسعد والله من الصباح الحلة كلها ضجه وأزعاج الخروف الشطه والضباح نصلي ونجي صحوا فلان وعلان وشكله هنا دا الجلابية الجديدة ما غسلوها وحكايات تجيب المصران العصبي وعم صالح يسب من الصباح أدي مالك عشرة عشان السعوط ومالك نسي السعوط يا خي دا شعب مفضال جدا وبحب الحياة وكمان متعلق باللحمة زي كأنهم كانوا بنيان أقصد نباتيين تعال شوف كم الفحم والصاجات والسكاكين نحن اليوم في معركة مع الخرفان مع العلم النصر حليف المؤمنيين من أبطال سودان لتعظيم شعيرة الضحية والله حقيقة كدا كلنا ضحايا كان من السلطة الحاكمة من المرة أو المعشوقة أو صاحب العمل أو الرفاق في المشوار الفكري حاجة غربية كل واحد لبس جلابية بيضا وعامل فيها من أهل القران وعباس ليهو عشرة يوم لا حلاق ولا شاف موية قال بعد ما يضبح دي سنة مؤكدة والله أنا قريت في جامعة بتفرخ الفكري المتشدد ما سمعت أسلام عباس دا هناك الحمدلله أنا قلبت في الجامعة ذاتا بقيت أحمر أنجليزي أمكن يا ربي لبيرالي حاجة زي كدا والحال ماشي مشيت عشان أفطر في دهاليز الاحباب وكبار رجالات الاستماع بالشربوت وكل ما هو يشرب من أجل أنعاش الخواطر بالبهجة ومتعة الشراب المفضي للعبث اللفظي وأحيانا يتعدا ذلك لممارسات أنسانية ليست عنفية ولكنها محرمة بس في روحنا دي تصدر المجلس شاعر أغنية من الزمن الجميل وأمامه جك من الشربوت البارد واكوب من النوع ذات القعور الكبيرة وبعد المعايدة بدات رحلة الشراب حتي النوم أو الانصراف لمشروب أقوي من صناعة الجدود في اسوتكلاند وبعض المشبع بالماء من أبتكر سكان فرنسا القديمة ومحامي الطلقات صاحبي مقتنع بالصناعة الوطنية لدرجة أنو أصبح من أمهر الصناع للابيض ضميرك نجاح في الصناعة وسقطت في المعادلة زي خمسة مرات كدا ديل أنا مشارك معه في الاعداد للامتحان والمذاكرة الليلية في النهاية نجح الحمدلله بقي محامي لكين محامي أحوال شخصية قضايا ما عايز مجهود غير معرفة قانون الاحوال الشخصية غايتو طلاق زي عشرة الاف سودانية بسبب الغيبة وعدم الانفاق وأصبح من المشاهير في عالم المحكمة الشرعية ونساء المدنية قول العاصمة المثلثة معليش يا بدفوار صديقي الحقيقة ماكعبة عشان ألله يغفر ليك يا خي وجاء الوجيه صاحب العلامة التجارية الرهيبة (معنا ح تبقي ذات بشرة بيضاء ) دا أخير منو فكي في مايو زول وهم وكمان كضاب لكين عندو فنظاز ابدا لا يمتليء من الشرب أو السوائل يشرب من مغرب الشمس الي مشرقها عشان كدا أسم الوجية شروق المهم جاء محمل بكل أدوات الشواء وعلق الجلابية وقعد بالعراقي وبدا الاعداد للشواء بالجمر المهم من الساعة حداشر كدا نحن قاعدين لفجر الجمعة لحدي من النجوم بقت شمعات بعيدة مننا وعقولنا ملاينة نوم وبدل ما كان اليوم الليله بقي الصبح اليوم بيقنا زي كدايس الكوشه نجري وراء كل كيس فاضي وأي قازازة فاضية أنشالله تلحس الفلوله أو بشوية موية تجيب الباقي يمكن يحقق نقلة نوعية لحالتك لما أتذكرت الحلبية ديك قمت بكيت وأتبهدلت وصراخ مخاطبا أياها وهي عبر الاطلنطي (سهران باكي مشتاق ليك وأنت عاملة حميل أو مجنونة بلغة الفسبكاة المعاصرة ) وكل سنة وأنتو طيبين وعيدكم أنشالله أحسن من عيدنا نحن أهل البوز والبوظه هو الحاصل شنو كان!!!#
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
فيس بوك
تويتر
انستقرام
يوتيوب
بنتيريست