09:11 AM Sep, 25 2015 سودانيز اون لاين أبوبكر عباس-الإمارات مكتبتى فى سودانيزاونلاين
يا سيدي، اتصلت بي صديقة سودانية أمريكية تعيش بأمريكا، قالت لي: بكور عندي مسألة دايرة فيها مساعدة؟ - حاضرين - أبوي مات وخلى لينا أنا وعادل أخوي -الأمريكي أيضا- عقار بالخرطوم، عادل سافر باعو بمية ألف دولار، أداني تلاتة وتلتين ألف وتلتمية تلاتة وتلاتين دولار، وأربعة وتلاتين سنت، السنت الأخير دا فضل من (عادل)! هل ممكن اشتكيهو هنا في أمريكا ويدوني باقي نصي وما أكون طلعت من الملة؟ قلت ليها: إتّي نصك الفوق ولّ التحت؟ - قالت لي: عليك الله، سيب العوارة، بتكلم جادة اتصلحت في القعدة وقلت ليها عبر سماعة التلفون: موضوع خروجك من الملة بلقى ليك ليهو حل شحروري اسلامي يرجعك الحظيرة بسري قلت ليها أتّي يوم حلفتي للجواز الأمريكي ما طلعتي من الملّة؟! لكن موضوع القانون الأمريكي الممكن يتم ليك نُصك دا، أنا ما عندي بيهو معرفة، لكن عندي صديق اسفيري كلما اجيب سيرة القانون الامريكي قاعد ينط لي في حلقي، بحول ليهو السؤال دا
لغاية ما يجي صاحب الشأن محمد ياسين خليفة .. عاوزة اقول انها ما ممكن تشتكي هنا في امريكا لان القانون الامريكي لا يسري على ممتلكات قسمت في السودان لان السلطات الامريكية اساسا ما ممكن تحجز او تحجر على ممتلكات واقعة تحت سيادة دولة ثانية.. واخير ليها تسكت ساكت لان اخوها ده اذا بقى لئيم وزعل من كلامها يمكن يرجع منها التلت كمان وبالقانون السوداني ويتهمها بانها خرجت من الملة ويجب الحجر عليها ( وش ضاحك) ودمت
مرحب يا بكور وحبابك وحباب أصدقائكم وصديقاتكم... وكل عام وأنتم بخير!
زولتنا دي في الأول كان إقتنعت بحكم الدين الإسلامي فده أفضل ليها وفيهو بركة.
وكان إستلمت التلت.. فعليها في الأول تبلغ عن إستلامها هذا المبلغ لدى وزارة الخزانة الأمريكية وبالتحديد قسم المقاطعة المالية لأنها كمواطنة أو مقيمة بأمريكا ملزمة قانونياً. وده لو وصلها المبلغ لغاية هنا في أمريكا أو بقى في السودان أو مدخر في مكان آخر!
أما لو ما إقتنعت بالرأي الإسلامي في الورثة فمن حقها كمواطنة أو مقيمة بأمريكا رفع دعوى ضد أخوها وعليها أن تثبت حصولها التلت بالأوراق ورغبتها في النص..
وطبعاً في أمريكا من حق Everyone sues everyone أمام القضاء المكلف فيها! فإن عاد أخوها، فده ممكن يسهل المقاضاة لحدٍ ما... بس ممكن يصعبها لو هو قال إنو القسمة كانت حسب القانون الإسلامي أو قانون دولة مسلمة.. أو لو هي وافقت على القسمة دي بخاطرها ووقعت على إتفاق بيناتهم داخل أو خارج المحكمة!
القضاء الأمريكي معقد في المسائل الفقهية وعندو تقدير كبير للسوابق خاصة في المحاكم المدنية والقضايا التي لها إمتداد خارجي. وعشان كده في عندنا محاميين متخصصين في المعضلات دي إسمهم Offshore trust and estates lawyers والإستشارة عندهم (بس) بالشئ الفلاني!
ونحنا كسودانيين كثيراً لا نهتم بكتابة "وصية" لتقسيم الورث لإعتقادنا أن هذة المسألة من الأمور الواضحة في شرعنا الإسلامي وفي قانون التركات السوداني.. لكن كتابة "وصية" تحدد مقدار توزيع الإرث على الورثة بصورة عادلة بعد خصم الديون والمنصرفات والتبرعات إن كانت هناك تبرعات داخل الوصية تسهل الأمر.
في رأيي هي محتاجة تعمل تسوية مع أخوها وتصل معاهو لإتفاق خارج المحكمة وعليها أيضاً مراجعة محاسب قانوني معتمد لإجراء تسوية ضريبية للمبلغ النهائي.
أنا أحمل إجازة ممارسة الوساطة القانونية بولاية نيويورك (فقط) ولا أستطيع عمل تسوية قانونية بين طرفين أو أكثر إسفيرياً أو خارج ولاية نيويورك على سبيل المثال!
وأخيراً، هذا الأمر محتاج فعلاً لمحامي متخصص ونحن دورنا هنا يقتصر على تقديم النصيحة (العامة) لأن القانون يمنع تقديم الإستشارات القانونية في العلن.. وده (أولاً) لحماية الخصوصية الشخصية، و(ثانياً) لمنع الممارسة القانونية لغير ذوي الإختصاص وقصرها على حملة الإجازات ورخص الممارسة الولائية أو الفيدرالية...
والخلاصة هنا القبول بما وصلها أو إستشارة محامي متخصص في هذا الأمر!
والله أعلم!
------------------------------------------------------- بي. إس. نحنا في عطلة العيد وسأستشير صديق متخصص بعد العطلة وسأرجع ليك وليها بالرأي السديد ممن هم أكثر مني فقهاً ودراية قانونية!
09-26-2015, 06:07 AM
محمد علي عثمان محمد علي عثمان
تاريخ التسجيل: 08-21-2012
مجموع المشاركات: 10608
أ حسنت صديقنا الاستاذ محمد يس خليفة. الموضوع و ما فيه رجال الزمن ده بقوا طماعين، ياخي اختك والزمن صعب اديها التلتين وشيل انت التلت يا اخو البنات. او اقسم معاها علي الاقل.
Quote: غايتو محمد يس خليفه لو جا حيقول ليك خليني أستشيروزير العدل الأمريكي وقت ألاقيه بعدين في الدافوري وإذا ما جا الدافوري ح نتلاقى في طربيزة الحريق في بيت ناس صاحبي أوكامبو لأنه الليله فردتي رئيس وزراء مالطا قال ناوي يجرني خمسين ، وإذاما لميت فيه بكلِّم ليك ولدنا بتاع الأمم المتحده داك المتخصص قيام ثورات .
اها خم وصر يا ياول ابا.. استشارة المعارف والصحاب ..جاتك في (قبولك)..!!
كاااااااااااااااااااااااااااااااااااااك..و تاني كاك (صغنونة).. على بالحلال يا ابكر الطويل القال ليك انت مستنير قصر في حقك كلو كلو..!!! ياخي انت مستنير لمن بي غادي ذاتو..!!
اهديك صديقنا الحبوب ، شاعر الجمال ، الشيوعي احمد فؤاد نجم..عسى ولعل..الجماهير ترعوي قليلا..!!
ناس تسالهم تقول ليهم ، الزولة بتستفسر..هل الشكوى في امريكا ممكن تمرقها من الملة ولا لأ..ويشيلوا يشرعوا ليك قوانين امريكا وفاعل وتارك..ونمشي نستشير صديق..تستشير فوق شنو يا عمك؟..دي دايرة ليها شورة؟ ياخي هسع لو امريكا طلعت في ذات نفسها ما فيها قوانين ميراث ، الخلق دي تقول يامنو؟.. تقول يا ابقدم مثلا؟.. ولو طلع انو امريكا قوانينها بتقول ليك الأبناء (بنين وبنات) ما عندهم حق في الميراث؟..الخلق دي تقول يا منو؟.. تقول يا عمر البشير تلحقنا مثلا؟..
ولا زال السؤال ، الفقهي القاموا ناس القانون فحطوا بيهو ومرقوهو في امطرقا عراض ذاتو ، قائم: هل مجرد التقاضي بموجب القوانين الأمريكية ، بيمرق الزولة دي من الملة ولأ؟..
حكاية نصها وشنو كده ما عارف ، مجرد محدقات للسرد..!!!
اقول ليك بامانة ، عمليتك ما ظريفة وحركتك جبانة..لأنك حتى الآن متقدم تلاتة صفر؟..
كااااااااااااااااااااااااااااااااك (دي عشان ود الصايم ، كان مفروض يقولها بي نفسو ، والغايب عذرو معاهو..!!)..
كل سنة وانت طيب يا صديقي..
ياخي عليك الله سويني معاك مستنير يا ابوبكر عباس..!!..ممكن اجيب ليك شهادة بحث اني ساكن مدني برضك..!!!
كبر
09-26-2015, 11:58 AM
مامون المعتصم أحمد مامون المعتصم أحمد
تاريخ التسجيل: 04-29-2010
مجموع المشاركات: 1812
يا شباب كل سنة وانتو طيبين .. أعتقد المسألة كما نوه الأستاذ كبر .. لقد أخذت السائلة حقها بزيادة سنت حسب شرع ملتها .. ولكنها كمواطنة أمريكية أقسمت على احترام الدستور الأمريكي الذي يساوي بين الجنسين في الحقوق والواجبات .. تعيش حالة تنازع بين برها لقسمها لدستور البلد التي تعيش فيه وبين شرائع ملتها الإسلامية .. ويبقى السوال لو أبرت بقسمها الدستوري فعليها المطالبة بالمساواة في الحقوق وبذلك تخرج على شريعة الملة .. ولو أبرت لمعتقد ملتها خالفت قسمها في احترام دستور بلادها .. فما يسرح بيك المستنير دا يا ود الخليفة .. الموضوع باللفة دعوة مبطنة يلفت الانتباه لمنهج الشحرورية أو القرآنيين العقلانيين.. مقابل المناهج السلفية السائدة.
ابو الشربوت ذاتو يا منتصر .. صباح ياخي صباااح كده المستنير يلقى يده فينا .. : فرقة العقلانيين القرآنيين و يعتبر محمود أبو رية هو المؤسس لها منذ عدة عقود.. انبثقت عنها فرقة أخرى عرفت بالشحرورية يتفقون مع القرأنيين في الأصول ويختلفوف في الفروع. كتر خير عمك قوقل.
09-26-2015, 03:55 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3480
Quote: زولتنا دي في الأول كان إقتنعت بحكم الدين الإسلامي فده أفضل ليها وفيهو بركة.
عليك الله، يا كبر، ويا ملك، شفتو المطب الدخل فوقو صديقنا الجميل محّمد ياسين! قلت لي أبرك ليها؟ يعني الزولة دي بعد الإستنارة الكبيناها ليها والحريش الحرشناهو ليها، ومساككتا للوصول لأمريكا عبر محطات القاهرة وأوربا، وتمتعها بقسم يحفظ ليها حقها، دايرها ترجح كفة الملّة على الحرية؟؟! وحالتو دا أنا دايرك تساعدني! يقول القانوني الأمريكي المنتمي للملّة الأستاذ محمد ياسين المقيم بأمريكا:
Quote: ونحنا كسودانيين كثيراً لا نهتم بكتابة "وصية" لتقسيم الورث لإعتقادنا أن هذه المسألة من الأمور الواضحة في شرعنا الإسلامي وفي قانون التركات السوداني..
أبدا يا سيدي، نحن ما قاعدين نعمل الوصية، لأنها غير معمول بها وغير مقبولة في جميع قوانين الأحوال الشخصية ما عدا الملّة الشحرورية!! لا وصية لوارث يا شيخنا والوصية لغير الورثة يجب أن لا تفوت الثلث!!
شوفو المحنة دي: محمد ياسين خليفة يستطيع توريث أولادو بوصية تحقق التقسيم الإسلامي داخل أمريكا، لكنها تكون خالفت فقه الملّة!! وإذا مات (طبعا بعد عمر طويل أوي) من غير وصية يتم توزيع أملاكه على الأبناء الذكور والإناث بالتساوي
أحبك يا جيفرسون ولّ منو داك الكتب الدستور الأمريكي
09-26-2015, 05:20 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20359
غايتو فهمت السؤال وكما أجاب أخونا محمد يس خليفة .. اها طلعونا من الاستنارة دي بقد القفة ..
...
تطلع من الملة ولا تدخل فيها دي .. محمد يس خليفة علاقتو بيها شنو بالتحديد عشان نفهم بس ؟! وهل يعتد برأيه ويشيلوهو معاهم يوم القيامة ويقولوا محمد يس خليفة قال لينا كيت وكيت ؟!!
ابوبكر عباس عارف ان صديقه محمد ياسين خليفة عنده ترخيص للعمل كقانوني ويمارس الوساطة القانونية في مثل هذه المعضلات القاونية .. يعني الوساطة حتى لا يصل الأمر امام القاضي للفصل.. وطبعا مشكلة اختنا هنا عاوزة زي الوساطة دي حختى لا يصل الامر بين الاخت واخيها للوقوف امام القضاء الامريكي وتبدأ المشاحنات والفرقة وعشان كده هو احسن من يوجه له السؤال... ولا مش كده يا ابوبكر؟؟ ودمت بالف خير
09-26-2015, 07:01 PM
Mohamed Yassin Khalifa Mohamed Yassin Khalifa
تاريخ التسجيل: 01-14-2008
مجموع المشاركات: 6316
ويعني بكور ده كان عاوز يشحررنا ساي.. وأنا إستغربتا فعلاً من كلام كبر وطحكاتو! يا سيدي العتب على النظر.. والواحد في حالة سفر وترحال وعيديات ما خلصت لسع. أضيف ليها كميات الشربوت الأمريكي النقي الشربناها والشيات التي تصلب الدماغ.
أنا حسب فهمي جاوبت على إعتبار السؤال هو هل تجوز مقاضاة الأخو داخل أمريكا؟
بكوري ياخي إنتو حسن النية بقى ما عندكم؟ أنا جوابي ليك ده كان حسب رأيي القانوني... رغم إني إبتديت بالنصيحة الدينية للقسمة الفيها حق الرجل بيساوي حق المرأة مضاعف.
ويمين الله ما فهمتا كلامك حول خروجها من الملة غير إنو رفض للقسمة الدينية.... والشحررة دي أنا فهمتها بمعناها المستخدم عندنا ذي لامن تقول فلان ده إتشحرر ع الآخ مع الزولة دي.
ومسألة نكوصها للقسم دي ما أظن ده محلها لأنو القسم ما بيمنعك من ممارسة دينك وعاداتك.
ماهو حسع في قضية كبيرة مرفوعة عن تعدد الزوجات قدام المحاكم وناس كتار منتظرينها تنتهي على خير... عشان عندهم رغبة في المرادفة... رغم إني ما قبلان بمسألة تعدد الزوجات والطلاق الهين!
أما مسألة الوصية فده أمر رباني بأيات واضحة متل الشمش... والقانون السوداني الخاص بالتركات بيعطيها إعتبار حيوي كامل.
وعندنا الوالدين مرات كتيرة، وفي لحظات غضب من أحد الأبناء أو البنات بيحرموهم من الميراث بتسجيل كل أو جزء العقارات أو الأراضي أو توزيع المبالغ والعينات لغيرهم في حياتهم... فهل ده خروج عن الملة؟ وهل تقبل المحاكم عندنا قضايا إعادة التوزيع؟
وموش ممكن يكون الأب في وصيته قسم المبلغ ده لتلاتة أتلات.. وقام الإبن وشال تلت وأدى أختو التلت وإتصرف في التلت حسب الوصية، وهي ما عارفة؟
يبقى هل ممكن عندها يكون إرتكب جرم لو ساوى بين حقه وحقها في الميراث؟
عشان كده أنا قلتا ليك القضايا دي، حسب فهمي، لا تناقش قانونياً في الفضاء لخصوصيتها لأنو الأخو لو ثبت إنو ساوى بين ما ورثه وما ورثته أختو.. فده ممكن يسبب ليهو مشكلة تانية!
أنا يا بكري ما متفقه في الدين ولا متابع لكل الطرق والحركات الظاهرة ولا المخفية عشان أفتيك فيهم. وذي ما قال أستاذنا الملك كتر خير شيخنا قوقل، حفظه الله، وكمية كتب مخزنة عندنا لليوم الأسود... فأنا مع الكبر وذهاب النظر قرايتي بقت بالقطاعي، بحكم الضرورة!
بس يبقى السؤال المشروع هنا... هدفك شنو كان من البوست ده يا بكور لو كنتا أساساً تملك إجابة لسؤالك المحول ده؟ هل هي الشحررة أم قصدك كان التريقة..؟ وخاصة مع ذكرك لأولاد وبنات محمد يسين في غير ذي موضع. فأنا ليست لدي موال أو أملاك لأوصي بهم!
فرجائي التوضيح....
09-26-2015, 07:47 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3480
يا محمد، مداخلتك الأولى مهمة جدا للبوست برجع لبقية مداخلتك التانية، وقصدي بتوزيعك لورثتك اردت منه مثال للمهاجر المسلم بأمريكا فقط وليس شخص محمد ياسين وفي النهاية البوست بيبسي وتمر هندي وخرفان ضحية أيضا لو عنوان البوست مزعج، ممكن أغيرو
09-26-2015, 09:54 PM
جلالدونا جلالدونا
تاريخ التسجيل: 04-26-2014
مجموع المشاركات: 9390
يعود علينا وعليك باليمن والبركات يا أستاذ محمد .. مداخلتك الأولى رد قانوني مية مية .. لكن من ناحية قنص ليك المستنير فقنص ليك .. عاد اكضب .. وهو زي ما قال لا قدرك ولا لحم صدرك في القانون الأمريكي .. وفق ذلك عارفك شخصية مستنيرة .. لكين عايز يخش بحمد ويطلع بخوجلي .. ؤ لما شاف تعقيبك المهذب ليّ تحسس .. رجع عقب عليك بطريقة تعلن التقدير لمداخلتك الأولى و تستبطن لك قدر من الاعتذار.. أنا عارفو طيبان بس بحب الهظار والمغالتات حتى أسأل معاوية الزبير.
09-27-2015, 00:10 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20359
Quote: - قالت لي: عليك الله، سيب العوارة، بتكلم جادة اتصلحت في القعدة وقلت ليها عبر سماعة التلفون: موضوع خروجك من الملة بلقى ليك ليهو حل شحروري اسلامي يرجعك الحظيرة بسري قلت ليها أتّي يوم حلفتي للجواز الأمريكي ما طلعتي من الملّة؟! لكن موضوع القانون الأمريكي الممكن يتم ليك نُصك دا، أنا ما عندي بيهو معرفة، لكن عندي صديق اسفيري كلما اجيب سيرة القانون الامريكي قاعد ينط لي في حلقي، بحول ليهو السؤال دا
تفضل الأخ محمد خليفة
- بسري قلت ليها أتّي يوم حلفتي للجواز الأمريكي ما طلعتي من الملّة؟! لكن موضوع القانون الأمريكي الممكن يتم ليك نُصك دا، أنا ما عندي بيهو معرفة، لكن عندي صديق اسفيري كلما اجيب سيرة القانون الامريكي قاعد ينط لي في حلقي، بحول ليهو السؤال دا تفضل الأخ محمد خليفة
- لكن موضوع القانون الأمريكي الممكن يتم ليك نُصك دا، أنا ما عندي بيهو معرفة، لكن عندي صديق اسفيري كلما اجيب سيرة القانون الامريكي قاعد ينط لي في حلقي، بحول ليهو السؤال دا تفضل الأخ محمد خليفة
مولانا الملك الملك كل عام وانت بخير ..
اعتقد عكس كلامك المستنير تماما .. انو العلامة بكور ما كان فصدو غير القانون الامريكي بقول شنو .. اهاااا لمن لقى مداخلة كبر (كل عام وهو بخير ولك وله نرفع اسمى التحايا الزاكيات) .. اكتشف انو كلامو ممكن يتقري بطريقة مستنيرة جدا لا كانت في الحرى ولا في الطرى .. فقام ركب بص الكلاكلة بطريقة ملتوية وتسمح بنزوله في اقرب محطة او يواصل .. واهى فرصة يزور اهلا ليهو في الكلاكة ..
سلامات يا دكتور أعاده الله علينا وعليكم باليمن والبركات .. ؤ مبروك للمريخ .. قراءتك صحيحة وهي نفسها القراءة التي استجاب بها الأستاذ محمد للنداء .. ولم يكن مخطئا .. المستنير عارف تخصص ود الخليفة ؤ عشان يدفعوا لاستجابة النداء .. أول شيء بدأ به إثبات الجنسية الامريكية لطرفي المشكلة .. ومن ثم تمام خضوعهما للدستور الأمريكي .. بعد داك رمى صاجة تأكد أن الأنصبة وزعها الأخ بالطريقة الشرعية .. تلاه بسؤال الأخت عن رغبتها في المساواة التي بقررها الدستور الأمريكي إذا ما بخرجا من الملة .. المستنير مدرك وهو بطرح المسألة أن ود الخليفة القانوني الأمريكي المستنير .. ليس أمامة خيرات كثيرة للإجابة على سؤالي النصيب الشرعي والخروج من الملة بحكم كونه مسلم يحتكم للفقه السلفي .. فإن جاءت اجابته وفق منهج السلف عرض استنارته للانتقاد.. باعتبار أن هنالك مدارس قرانية عقلانية يمكنها المقاربة بين ضرورات الملة وحقوق المساواة .. جاءت إجابة الأستاذ محمد كما توقعها المستنير .. فسارع بالرد التالي عليه :
Quote: يعني الزولة دي بعد الإستنارة الكبيناها ليها والحريش الحرشناهو ليها، ومساككتا للوصول لأمريكا عبر محطات القاهرة وأوربا، وتمتعها بقسم يحفظ ليها حقها، دايرها ترجح كفة الملّة على الحرية؟؟!
صحيح رده تلى مداخلة كبر .. لكن في تقديري إبراز التعارض بين الملة والدستور هدف أساسي في الطرح من البداية .. لاحظ قوله في المداخلة الأولى :
Quote: بسري قلت ليها أتّي يوم حلفتي للجواز الأمريكي ما طلعتي من الملّة؟! لكن موضوع القانون الأمريكي الممكن يتم ليك نُصك دا، أنا ما عندي بيهو معرفة،
بعبارة أخرى هو بسخر من قسم ولاء المسلمين كان امركان كان اوربيين .. لدساتير تتعارض مع شرائع مللهم .. دون اجتهاد أو مقاربة تزيل التعارض.. وربما كان يأمل أن يأتيه الأستاذ محمد بمقاربة مختلفة عما اتفق عليه جمهور فقهاء السنة.
09-27-2015, 01:54 AM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
زي ما العظيم جراهام لينكولن هو أول حاكم على وجه البسيطة يقوم بتحرير العبيد، ها هي الدساتير الغربية تفعل فعلتها، وتنتزع للمرأة حقوقها وسط عيال المسلمين المهاجرين وتمنع التعدد وعيال المسلمين الذكور منصاعين ونسووا مالك وابن تيمية، وتتحرك ناحية أنصبة الارث بخطوات ثابتة. خاتي أنا يوم قلت ليكم: أمريكا حبيبتي؟
حاشاك يا بكّور الختا, لكن يلاّ عشان حبيبتك دي م تتلوّم معاك انت ما تحرجها يعني أنت كأسود لو البوليس يوم قال ليك هاندز أب أوعى من تتلّفت و تتراجف, هاندس أب يعني أب بدون فلسفة و تأخير يا كمان اتاكّد انو في اتنين تلاتة من الحواليك شايلين كاميرات أو موبايلاتهم بطاريتها مشحونة و الذاكرة ما مليانة :) وإلاّ لا إبراهام لنكولن ولا الفيفث امندمنت ما بشفعوا ليك حينها
09-27-2015, 02:21 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3480
هسي يا بكور انت قايلن راجيات توزيع التركات عشان يطلعن من الملة؟ ياخي واحدة قالت امام جمع من الناس انو لو راجلها ضربها حتجيب ليهو البوليس يوديهو ورا الشمس. سألتها : كدي يا اخت فصلي لينا في الأمر ده شوية..الضرب ده مبرح و للا ما مبرح؟ قالت كلام زي ده ما بتعرفو..لو ضربها حتجيب ليهو البوليس period و اخوات كانن كتار واقفات معاها . يعني مروق بالجملة يا عمك هههههه
السلام عليكم و رحمة الله تعالى و بركاته كل عام و الجميع بخير
Quote: زولتنا دي في الأول كان إقتنعت بحكم الدين الإسلامي فده أفضل ليها وفيهو بركة.
غايتو يا أستاذ محمد كلامك الفوق ده ما لطيف كلو كلو في حق اخوانا شيوخ السلفية . يعني الزمن ده كلو تعبانين و زيتهم طالع و مصنفنك بانك واحد من ألد أعداء الدين تجي تهدم ليهم بنائهم الفكري بكل بساطة بكلام زى ده . غايتو فرمالتهم الوحيدة انو يجونا بكرة و يقولو محمد يس خليفة تاب و اهتدى و الخ بس رجاء ما تجي تبوظ ليهم الشغل . مع تحياتي و احترامي لك و لكل الضيوف
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أبوبكر عباس
امجد الجميعابى
Mohamed Yassin Khalifa
محمد علي عثمان
Kabar
مامون المعتصم أحمد
محمد على طه الملك
محمد حيدر المشرف
جلالدونا
معاوية المدير
محمد البشرى الخضر
سيف النصر محي الدين
ALWALEED ALSHEIKH
فيس بوك
تويتر
انستقرام
يوتيوب
بنتيريست