|
|
|
 Re: أين تينكم الضالعات؟ تراجي, تماضر, ميسون, ع� (Re: عبدالحفيظ ابوسن)
|
حيدرنا ياجمييييل
يتبارك. عليك العيد
وانت ذاتك اختفيت ياخ بالجد الناس دى لازم تجى سريع
والقلوب شواهد هسسسه ان شايلة لى لينك كنت ماشة اختو
فى الفيسبوك وانادى عليهن ،،،
اها ح اختو هنا قبل ما الصقو ليهن هناك
ونناديهن تعالى تعالى تعالى تعالى تعاااااااااالى ....
Re: اهل الخبرة .. كيف يصنع الشبروت ؟ Re: اهل الخبرة .. كيف يصنع الشبروت ؟
خلاص حيدرنا انت نادى الصبايا ديل واحدة واحدة وما تخليهن الا يجن ويشاركن
فى هذا البوست ونشوف كل واحده مشكلتها شنو .. المفلهمات الشينات
وانا بهناك بعمل بوست للكريهين من الرجال المفللهمين وبرضو نشوفهم مالهم .....
لانو لو قلنا كلام حلو بلبدوا ،،،،
البورد دا الناس بقت ما تجبيبهن الا شكلة اها خلينى اشيل ليك وش القباحة
مع قبايل العيد ،،،،،
| |
  
|
|
|
|
|
|
|
|
Re: : أين تينكم الضالعات؟ تراجي, تماضر, ميسون, � (Re: محجوب البيلي)
|
Quote: وتيسير عووضة كمان
وإريَك يامان |
هو باللهي أنا فطيت تيسير عووضة؟
أمانه ماني غبيان ... فلتلتحق تلك
الكنداكة بركب العظيمات هنا, ومعذرة
للفط غير المقصود. هو نحن عندنا كم
تيسير عووضة
شكرا حبيبنا وسميي حيدر حسن ميرغني,
يلا جابد معانا عشان نرجع النوار الطفش
لهذا الحقل الجميل
| |
|
|
|
|
|
|
|
|
|
Re: أين تينكم الضوالع؟ تراجي, تماضر, ميسون, عز� (Re: حسن حماد محمد)
|
| Quote: وكل ما لا يؤنث لا يؤبه له |
عزيزنا ... عبدالحفيظ أبوسن ... تسلم,
كدي بالتبادي ... الكلام الفوق ده قول سيار ول
نجرتو ساكت... لأنو كلام حمال أوجه, لكن ما
تنزعج, لكوني سوف أختار أفضل الوجوه. وهو
أن الأنثي هي الأصل ... وتستحق بجداره الإهتمام
والإحترام, دون أن يقابل ذلك إنتقاصا في حق غير
الأوانث ... رأيك شنو؟
... وخليك قريب
| |
|
|
|
|
|
|
|
|
|
Re: أين تينكم الضوالع؟ تراجي, تماضر, ميسون, عز� (Re: HAYDER GASIM)
|
Quote: حيدرنا انت نادى الصبايا ديل واحدة واحدة وما تخليهن الا يجن ويشاركن
فى هذا البوست ونشوف كل واحده مشكلتها شنو .. المفلهمات الشينات
وانا بهناك بعمل بوست للكريهين من الرجال المفللهمين وبرضو نشوفهم مالهم .....
لانو لو قلنا كلام حلو بلبدوا ،،،،
البورد دا الناس بقت ما تجبيبهن الا شكلة اها خلينى اشيل ليك وش القباحة
مع قبايل العيد ،،،،، |
بلحيل يا النسمة {أو هكذا أحب أن أكني دنيا خالد} ويا ريت يشيل الإسم.
أها يا زولة النكلمك ... فالواضح أن الفيسبوك ببراحه وعدم قيوده وتقنيته
وتعدد أوجه إستخدامه, أضحى خيارا جذابا لوزن راجح من أعضاء هذا
البورد, رجالا ونساءا. بل تعودوا عليه ليكون هو صوتهم وآلية تعبيرهم
وتواصلهم إجتماعيا وسياسيا وما يتصل. فصار الفيسبوك هو واحتهم
المفضلة على خلفية متاعب هذا البورد والتعديات والفظاظات التي إكتنفت
الحوار فيه لردح من الزمن. فشنو ... الفيسبوك بخلي الزول أضانو باردة
وكده, لكنهم غفلوا أن هذا البورد هو الأجمع لأهل السودان وهو منبر غير
مسبوق في إحتشاد ألوان الطيف السوداني فيه. فللحوار فيه أهمية بالغة
لأجل الإشباع على المستوى الفردي ولأجل كر النظر في قضايا الوطن
والثقافة والفكر والفنون والمجتمع. بل أن سودانيزأولاين هي أخطر وسيط
إسفيري لقاطبة أهل السودان وللحكومة وللمعارضة, لكونها أسبق وأجرا
في عرض الكثير من القضايا المتعلقة بالسودان, وما يحدث الآن لمؤسس
الراكوبة الأستاذ وليد الحسين ليس إلا دليلا على أثر منبره إعلاميا داخل
السودان وخارجه, علما بأن سودانيزأولاين هي الأوسع إنتشار والأكثر
تركيزا على مناولة أوضاع السودان, وأظن أن الحائل بين مرمططة
وليد وسلامة بكري أبوبكر هو فقط أن للأخير جنسية أمريكية وإلا كان
غطسو حجرو. أخلص {لأهمية} التواجد في هذا المنبر وهذا الزمن,
لنحافظ عليه كنفاج للقول الصريح ولطعن الفيل لا ظله ولتوصيل أصرح
الآراء لشعب السودان وهو يعيش في سجنه الكبير. فهنا رسالة بالغة
الأهمية الوطنية, وأرجو على الإثر أن يكف زملاء هذا المنبر عن الحرد
وعن إيثار السلامة الشخصية خصما على موقف جمعي يهم سائر أهلنا
في سودان الإستثناء الراهن
... ويتصل الحوار
| |
|
|
|
|
|
|
|
|
|
Re: أين تينكم الضوالع؟ تراجي, تماضر, ميسون, عز� (Re: HAYDER GASIM)
|
Quote: مرات كده يحيل لي المنبر ده للرجال ونحن داخلين غلط
ونقول للطفشن الله في
تحياتي للجميع |
ده كلام شنو يا إخلاص, ياخ
إنتو من يستأذنكم {الآخر} للدخول.
فأنتن موجودات هنا وبشكل طبيعي
يتسق مع دوركن في بناء المجتمع.
وليس {للرجال فقط} غير ما يخصهم
من غرف الحمامات العامة, شوفت كيف
| |
|
|
|
|
|
|
|
|
|
Re: أين تينكم الضوالع؟ تراجي, تماضر, ميسون, عز� (Re: HAYDER GASIM)
|
Quote: سلامات أخ حيدر
معاك ننتظر عودة أقلام الكنداكات .
وأرجو أن تكون الاستاذة الجندرية عافية وأرجو أن تعود و أن نسمع عنها كل خير . |
شكرا ... عزيزي ... عثمان موسى,
أولا .... مشتاغون بشدة
ثانيا ... أحي حضورك هنا وأنت رجل هميم ومحب للناس, فما غريبة تسأل وتبحث عنهم
ثالثا ... ننتظر جميعا حضور الكنداكات الغائبات, حتى يعود للمنبر ألقه وطعمه الخاص
رابعا ... أفتقد معك الجندرية وهي صاحبة قلم رفيع وتناول عميق وعلم غزير, أتمناه عودا أحمدا
| |
|
|
|
|
|
|
|
|
|
Re: أين تينكم الضوالع؟ تراجي, تماضر, ميسون, عز� (Re: HAYDER GASIM)
|
Quote: حيدر سلامات
وزيد عليهن بت قضيم وحواء
وودالصايم - وحبيب نورة و وكمال الزين وحمور زيادة
وناس كتاااار كنا ننتظر مداخااتهم بشوق كبير |
حسن حماد ... تسلم يا كريم,
كنت أعلم أن القائمة سوف تطول وتطول وتطول,
بس وحاتك الرجال ديل تخليهم لي دينا خالد, ما المسألة
فيها توزيع أدوار ... وكده, مع حبي وشغفي بكتابات كل
من ذكرت ... يا رب ... إجو عايدين
| |
|
|
|
|
|
|
|
|
|
Re: أين تينكم الضوالع؟ تراجي, تماضر, ميسون, عز� (Re: أبوبكر عباس)
|
في العمل النسوي المكاسب بتتخد ( براحة ) وقد كان بعض رجال السودان رأس الرمح والمساند
بعضهم كان معمم
ومثال من برا سواقة العربية للسعوديات تحدثت احدي من قادت عربتها في حرب الخليج عن المحصلة
قالت ما مجملة تلك الخطوة اخرت هذا الامر الي يوم الناس هذا
براحة يا الليبرالي
| |
|
|
|
|
|
|
|
|
|
Re: أين تينكم الضوالع؟ تراجي, تماضر, ميسون, عز� (Re: اخلاص عبدالرحمن المشرف)
|
Quote: لام يا حيدر،
يا أخي، البنات زي السكر لو زودتو بعشرقك!
فشنو
دينا خالد وآمنة مختار مكفيات!
أصلا قصة تظهر امرأة سودانية تحمل لواء المساواة بشكل حقيقي وكامل؛ قنعنا منو، وحدّهن عرفناهو.
فشنو
"ما تشكر لينا الراكوبة في الليبرالية" |
أبوبكر عباس ... تسلم يا وريف ... وكل سنة وإنت طيب
طبعا المقصودات هنا تعدن مسألة السكر والعسل وشغالات
تنوير وثقافة وسياسة على هدي مقامات مهنية, وهذه حقيقة
أمحض هذا البورد شرف تبنيها وإستظهارها. فما وجدت في
عوالم السودان الحديث مدا نسويا جاهرا وصاخبا في غير هذا
المنبر, تجدهن هنا بالمئات وربما الآلاف إن إستصحبت كل المدونة
منذ نشأتها وإلى الآن. تجدهن بشكك طبيعي, لا طلاب سلطة ولا
ماسحي جوخ ولا ناحري نوق الإستجداء {وأنا أحكي عنهن بهذا
التعميم أقصد أغلبهن ... ولما لكل ظرف إستثناء} ... فندائي لهن
لكي نعيد مجد هذا البورد ولما شارف المعالي. ولكي يتواصل صوت
المرأة السودانية مع صارح المسألة السودانية وأدغالها وتلافيفها.
فلأول مره أشعر من خلال مسيرة هذا البورد أننا رفقة رجالا ونساء.
ولأول مره أحس بالتواجد العظيم للعقل النسوي السوداني في سوح
الحوار العام ...غض النظر عن أي تدعايات سالبة حدثت في إطار هذا
الصعود العظيم للمرأة السودانية, وهي تخترق حجب التاريخ وتتجاوز
منقصات المسيرة {ذات الطابع الرجالي الأعم} لتصدع بقول وتتحدث
بلسان وتتحقق وفق إرادة وتتمور بعزم... فهذا ما إفتقدناه بغيابهن وهذا
ما نأمل الإحاطة به والعمل على تعديله, حتى تعود {تلك الرفقة} ذات
الوصل التام والحضور المتزن والضام, فما من مجتمع يود الإقلاع
إلا بجناحين, ليس{ من الشعر على أجنح غيمى} إنما بحضور فاعل
لنساء ورجال المجتمع السوداني ولما لا يلي الإقلاع ... غير الطيران
| |
|
|
|
|
|
|
|
|
|
Re: أين تينكم الضوالع؟ تراجي, تماضر, ميسون, عز� (Re: HAYDER GASIM)
|
Quote: في العمل النسوي المكاسب بتتخد ( براحة ) وقد كان بعض رجال السودان رأس الرمح والمساند
بعضهم كان معمم
ومثال من برا سواقة العربية للسعوديات تحدثت احدي من قادت عربتها في حرب الخليج عن المحصلة
قالت ما مجملة تلك الخطوة اخرت هذا الامر الي يوم الناس هذا
براحة يا الليبرالي |
إخلاصنا ... كيفنك, وكل سنة ...
حرقت روحي ياخ, لأني ما فهمت حاجة فآثرت أن أعيب نفسي وسعة إفتهامي,
فهل عاليه هو الرد على مداخلتي الخاصة بك أعلاه؟ أم شيتنا تاني, إخلاصنا ...
عليك الله خلي عمك حيدر قاسم وأبوك عبدالرحمن المشرف {يخرفو} بهدوء
....ههههه
| |
|
|
|
|
|
|
|
|
|
Re: أين تينكم الضوالع؟ تراجي, تماضر, ميسون, عز� (Re: muntasir)
|
Quote: حيدر كل سنه وانت طيب زيد عليهم
اسماء الجنيد
سميه الحسن طلحه
تماضر الخنساء |
عفاف أبوحريرة ... تسلمي,
وإنعاد عليك العيد بسعد وهناء.
مرحب بكل من كن هنا وخلقن جسرا
للتواصل بينهن وأعضاء المنبر وقرائه
الكرام, ومرحب بكل كلمة ومداخلة وبوست
بذلنه هنا. ليس في إشاراتي لبعض الأسماء
غير قيمتها الرمزية والمعنوية الدالة على
{العينة} التي إفتقدناها هنا. فباب الحضور
مفتوح على مصراعيه وليتهن يأتين خببا.
وكل مؤداي هو وجود أصوات نسوية تعبر
عن حجم القطاع النسوي في السودان كما
وكيفا, لأن هذا يشكل مدخلا موضوعيا لإعادة
الإتزان ولتمثيل قوى السودان الإجتماعية حسب
وجوده الموضوعي في المجتمع السوداني
فيا أسماء ... وسمية ... وتماضر, أنتن معنيات
بالحوار هنا, فتعالن ببركة قبايل العيد السعيد
والخير على قدوم الوافدين
| |
|
|
|
|
|
|
|
|
|
Re: أين تينكم الضوالع؟ تراجي, تماضر, ميسون, عز� (Re: HAYDER GASIM)
|
| Quote: غايتو ياحيدر تينك ضلعة منهم دخلت القفص الدهبي وفي انتظار بقية الضوالع والخالة دومة |
مدتصر ... كيفنك يابا,
عيدك سعيد ومبارك ومأذون بأيام أفضل لشعب السودان
شايف الخبر شايلو النسيم ويعطر سماء هذا المنبر, وربما هي
سانحة لنحيي أختنا الكريمة تراجي ونقول ليها مبرووووك شديد
دخولك عش الزوجية ونتمناك حياة سعيدة وفلاحا باذخا وطمأنينة
بلا حدود, فتراجي من الكريمات اللائي ما بخلن بجهدهن وعرقهن
وعونهن ومالهن ليرن السودان غير, سودان العزة والكرامة والسعة
الكلية لجميع أبناء الوطن ورقاعه وثقافاته وعراه التاريخية والجغرافية
كما أحيي نداءك للأخت دوما, صاحبة القلم الرصين والإحساس الناقع
بالناس والوطن .... وذات العلم الغزير والتجارب الما خمج, فيتها تعود
إلينا هنا لنستمتع بطرحها ونتجمل بعلمها ونتقافى بأدبها وخلقها
| |
|
|
|
|
|
|
|
|
|
Re: أين تينكم الضوالع؟ تراجي, تماضر, ميسون, عز� (Re: امجد الجميعابى)
|
Quote: سلمى الشيخ
اميرة الشيخ |
مرحب ببنات الشيوخ, فيهن
علم وبركة وفأل حسن, فتعالن
وتعالن وتعالن, الدار داركن
ثم إنت يا الحبيب والصديق الجميل
خالد العبيد, طبعا إلتزامك بهذا البورد
زي إلتزامك بالحزب ههههههه, يعني
إلتزام عضوض وما حا تدينا فرصة
نفتح بوست كهذا من أجل عودتك,
ياخ هو إنت في المستشفي وعاملين ليك
عملية {راس مفتوح} .... عملت مداخلة
هههههه
تحياتي ... معفرة بأريج ذلكم الزمن الذي تعلم,
وكل سنة وإنت والأسرة الكريمة بخير وعافية
| |
|
|
|
|
|
|
|
|
|
Re: أين تينكم الضوالع؟ تراجي, تماضر, ميسون, عز� (Re: HAYDER GASIM)
|
Quote: قانفن البكان و طشن
غايتو يا حيدر اخوي اكان جن مسكن في كلمة ضوالع دي بنشفن ريقك
خليك عامل ساتر من هسه |
عزيزي ... أمجد الجميعابي .... تسلم,
طبعا مرت عليك عبارات من شاكلة, هذا الشخص ضالع في العلم,
أو ضليع فيه, ومفردة العلم هنا فقط كمثال, يمكن أن تسبدلها بأي
كلمة تناسب للتعبير عن حال ما وعلى نحو لغوي سليم.
ف الضالع إسم فاعل يمكن إسناده إلى صيغة مبالغة. ليكون
ضليع وضلع {بكسر اللام} وهكذا. والضالع بأوجه صرفها
اللغوي المتعددة تلتقي على معني واحد في نهاية المطاف, فقط
ربما هي فروق في درجات الصرامة وليس المحتوى حينما تتعدد
أوجه الصرف. أما معنى الضالع فهو المتمكن وهذا ما عنيته
في إسم هذا البوست ... وليس غير. بل أعتقد أن ليس لكلمة
ضالع معنى يوردني نشاف الريق كما زعمت, فمن أخاطبهن
هنا على مستوى ويدركن, أو بالأصح {ينقشن} الأمر مقرونا
بالمستخدم في لغته من قولة تيت ... وسنرى ... إن عُدن
أما إن عدنا لجدل اللغة في إستخدام كلمة {ضالعات} أولا ثم
الإستعاضة عنها بكلمة {ضوالع} ففي الأمر براح لأكثر من
خيار جائز من الناحية اللغوية, أي أن كليهما صحيح ومتسق
لغويا مع المعنى المقصود. فحين تريد مخاطبة {جمع مؤنث
غائب} كما في عنوان بوستي هذا, فالدرجة الأولى من الإختيار
الصحيح تعبر عنه كلمة {ضالعات} بإعتبارها جمع مؤنث
سالم. لكن حدث وأن إستخدمت كلمة {تينكم} في سياق العبارة,
وتينكم إسم إشارة يستخدم قصرا لجمع مؤنث غائب, وهذا يكفي
للدلالة على أن المقصود {نثوي} سواء إستخدمت من بعد جمع
مؤنث سالم كما فعلت في المرة الأولى {ضالعات} أو جمع تكسير
كما فعلت في المره الثانية {ضوالع} ... وهذا ... كل ... الأمر
أها يا أمجد ... أنا شرحت ليك مسألة الضوالع دي, فكدي أشرح
لينا معنى {قانفن} في مداخلتك عاليه ... وكل سنة وإنت طيب
| |
|
|
|
|
|
|
|
|
|
Re: أين تينكم الضوالع؟ تراجي, تماضر, ميسون, عز� (Re: HAYDER GASIM)
|
حيدر سلام تاني
Quote: معنى ضوالع في معجم المعاني الجامع - معجم عربي عربي
ضوالِعُ: ( اسم )
ضوالِعُ : جمع ضالِع
ضالِع: ( اسم )
الجمع : ضالِعون و ضوالِعُ
الضَّالِعُ : الأُعْوَجُ
: اسم فاعل من ضلَعَ / ضلَعَ على / ضلَعَ عن
كلمات ذات صلة
اِستَضلَع اِضطِلاع اِضطلَعَ إضلاع أَضَالِعُ أَضْلَعُ أَضْلاَع تَضَلَّعَ تضاليع تضليع ضَلَعَ ضَلْعاءُ ضَلاعَة ضَلائعُ ضَلوع ضَليع ضالِع ضوالِعُ مَضلوع مُتَضَلِّع مُضَلَّع مُضطلَع
ترجمة و معنى ضوالع في قاموس المعاني. قاموس عربي عربي
ضالِع:
ضالع - ج ، ضوالع
1 - ضالع : أعوج . 2 - ضالع : مائل عن الحق ، جائر ، ظالم .
المعجم: الرائد |
اما سؤالك عن قانفن فهي كلمة من الضهرة التي اتيت منها انا
و تعني عافن و قانف المكان عاف المكان و كرهته نفسه.
هذا مع التحية
| |
|
|
|
|
|
|
|
|
|
Re: أين تينكم الضوالع؟ تراجي, تماضر, ميسون, عز� (Re: امجد الجميعابى)
|
أمجد ... سلامي,
والله يا أمجد عندي كلام كتير وشديد البأس فيما أوردت من تفسير
منسوب لبعض المعاجم, بل بي صراحة مغيوظ من هذا التحنط
العجيب في شأن لغة متفاعلة ومنتجة ومستصحبة للمتغير وقادرة
على المعاصرة. على أية حال ... وحتى نسخر هذا البوست للغرض
المعني به, فلن أكتب أكثر مما كتبت حول اللغة هنا. لأن الأهم من
تفسير مفردة نختلف حوله, هو عودة رهط من مثقفات ومتعلمات
السودان, لنعظم الإحتشاد حول الوطن ولنحرسه بالكلمة والموقف
والحوار النافع والتبادل السهل والسالك للمختلف فيه من آراء. أي
إغناء الحوار السوداني سوداني عبر وجود فاعل لممثلات ومبادرات
النصف النسوي من المجتمع السوداني
| |
|
|
|
|
|
|
| |
HAYDER GASIM
حيدر حسن ميرغني
عبدالحفيظ ابوسن
دينا خالد
Osman Musa
محجوب البيلي
حسن حماد محمد
أبوبكر عباس
عفاف أبو حريرة
خالد العبيد
امجد الجميعابى
فيس بوك
تويتر
انستقرام
يوتيوب
بنتيريست