مزمل فقيري ده شغال شنو؟ ديل شيوخ Professional و الشغلانة دي بياكلوا منها عيش و بتكسبهم دهب و الدليل آلولو يعني قصة تلاتة نسوان في عمر مبكر بتعتبر علامة على العائد الجيد لشغلانة داعية دي.. اللهم لا حسد و انا اعتقد انو عشرة آلاف مبلغ تافه لفقيري و اتفه جدا جدا جدا الى ما لا نهاية للمين عمر. على فكرة هي بتساوي كم بالدولار؟ المهم يا عجب اجيي فيك اخلاصك للرجل.
09-18-2015, 01:24 PM
Frankly
Frankly
تاريخ التسجيل: 02-05-2002
مجموع المشاركات: 35211
بس ‘ايز أعرف الأدي الإنسان الجاهل دا الإسمه الأمين لقب شيخ منو؟
جهلول وحتى في نقله للكذب أجهل
الجهلول الأمين قال كرا برا مندرا وهو كلام منقول من موقع الطريقة الخليلية وهو كلام بائن بطلانه
Quote: وفى هذه المناسبة أحكى لكم أن سيدنا بلال بن أبى رباح ــ رضى الله عنه ــ بهره ماشهده من مكارم مولانا رسول الله ـــ عليه أفضل الصلاة وأتم السلام ــ فقال بلغته الحبشية : أرى بــرا كنــكرا كـرا كرى منــدرا فطلب مولانا رسول الله ــ عليه أفضل الصلاة وأتم السلام ــ من شاعره الخاص سيدنا حسان بن ثابت ــ رضى الله عنه ــ أن ينقلها الى العربية فقال : إذا المكارم فى آفاقنا ذكرت فإنما بك فينا يضرب المثل
09-19-2015, 09:32 AM
Agab
Agab
تاريخ التسجيل: 10-03-2002
مجموع المشاركات: 1185
ما عشان نحن في الأيام المباركات بنتقرب لله بتوعية المُضللين يعني ما نقوم به هنا هو ددعوة لله نبتغي أجرها منه سبحانه وتعالى فما يقوم به هذا الدجال من تضليل وإغواء للشباب يجعل من الواجب علينا تسفيهه وتوضيج جهله
والله من وراء القصد
أنت ركز في توصيل هذه الكلمات لمن تريد به خير
بدل التطبيل للجدال الضلالي
فكل شاب يضل طريقه بواسطة هذا الدجال وبتطبيلك له,لك وزره
ساعد نفسك وانجو بها من النار وغضب الجبار
09-19-2015, 01:12 PM
Agab
Agab
تاريخ التسجيل: 10-03-2002
مجموع المشاركات: 1185
Quote: شيخ الأمين : ساعدت لاعبي الهلال في الفوز علي سموحه
أسر الشيخ المثير للجدل الأمين عمر الأمين للمقربين منه بانه قد ساعد لاعبي الهلال في الفوز علي سموحه المصري في مباراة يوم الأحد الماضي وكشف شيخ الأمين حسب ما علمت (سودانا فوق) انه تحصل علي التشكيلة التي سيخوض بها الهلال المباراة قبل ساعات منها حيث أرسلت له من قبل اداري الفريق وأشار شيخ الأمين ان عمل علي ابعاد اي عمل سحر علي لاعبي الهلال قبل المباراة وكان الفريق الازرق قد حقق الفوز بهدفين دون مقابل سجلهما نزار حامد والشغيل
وبعض السذج يتبعونه ويطبلون له
خلاص نكلم برشلونا تستغني عن المدربين وتيجب الدجال دا يخليهم يفوزا بكأس العالم للأندية
09-19-2015, 07:29 PM
نصار
نصار
تاريخ التسجيل: 09-17-2002
مجموع المشاركات: 11660
عجب و الله ما عاوز ادوس ليك علي طرف كونك واضح انك من مريدي هذا الشخص اسماعيل الازهري لما اختلف مع علي الميرغني كان بمشي دوائر مقفولة للختمية و يتعرض للميرغني باغلظ الاوصاف و يقول للحضور لو الزول دا مقدس و خارق زي ما بيدعي و بتصدقوهوا شوفني بكرة لو مسخني خليكم معاهو اما اذا لقيتوني زي ما انا فاعرفه انه ما عنده حاجة و تدونا نحنا الما كضبنا عليكم اصواتكم.. دحين يا اخوي عرف عن السلطنة الزرقاء انها كانت عندها ورش عمل بتدرب فيها ناس عندهم كارزمة طول و وجاهة على كم حركة سحر و ينصبوهم في القري يخضعوا ليهم الناس.. المشكلة الامين دا ما بعرف يقرأ كلمتين من القرآن صاح يعني ضعف قراءتهم اميز ما فيهو.. زول مفتري.. في بروكسل واقفين قدام قاعة جا داخل قدامنا سلام الله ما رماهو لينا.. اخونا عضو هذا المنبر زعل و هاج فيهو الظاهر انه كان متوقع نسجد ليهو نقبل قدميه... ياخي دا قال شراب الخمرة بعد العشا ما مشكلة و استشهد ب (بعد العشا مافي اختشى) الغريبة كان رده علي نفس الشخص السأله نفس السؤال السنة القبلها.. لا كياسة لا فطنة خليك من العلم و الفقه.... كلامه لزج و مرتبك و يعلم الله من الفصاحة و الزلاقة و التفوه... اموت و اعرف التابعنه ديل شايفين فيهو شنو و هو قاعد في السهلة كدا هو نتاج زمن الانحطاط انا لا اجرم اتباعه بقدر شفقتي عليهم... عنده مريدين في هولندا شفت عمايلهم معاهو و الاظرط مع ود العجوز الكان بيتعالج هنا في فرانكفورت رحمه الله و غفر لنا و له
09-19-2015, 10:12 PM
Yasir Elsharif
Yasir Elsharif
تاريخ التسجيل: 12-09-2002
مجموع المشاركات: 48851
اذا كانت الحكومة زااااته تولي اهتمامها لهذه الخزعبلات .. من امثال الامين وبلة الغايب .. وتقف ضد الثقافة والعلوم .. والاشياء التي تتفتح بها الاذهان والتي يريدها رب العالمين أن تكون عقول ذكية ونظيفة تتفكر في خلقه ..
يريدها هؤلاء ان تغيب .. ان تضل ... ولا حول ولا قوة الا بالله ..
يا ناس يا عالم نحن في القرن الواحد وعشرين ..
السودان ده ضايع من شوية ... والعجيب الغريب تجد من يحملون درجات علمية رفيعة وخريجي الجامعات من اتباعهم
بغض النظر عن رأيي السالب في شيخ الأمين إلا أنه قدم درساً واضحاً حول أخلاق الصوفية بيّن من سبيله المشاتمة والهمز بلا دليل ومن يعفو عند المقدرة أرانا سماحة الصوفية في أبهى صورها
Quote: في بروكسل واقفين قدام قاعة جا داخل قدامنا سلام الله ما رماهو لينا.. اخونا عضو هذا المنبر زعل و هاج فيهو الظاهر انه كان متوقع نسجد ليهو نقبل قدميه...
نصـــــــــــار
إتق الله كنت حضورا لجل الليالي ببروكسل وحضورا للدعوات الجميلة من الكرام سكان بروكسل وما جاورها ولم نشهد يوما بانه لم يسلم علي احد
اما عن انه اباح الخمر فهي مردودة عليك لركاكتها ولو رايحة لك سكره ما تحاول تلقي لها اباحة
وكل شاه معلقة من عرقوبها
09-20-2015, 10:47 AM
مبارك محمد
مبارك محمد
تاريخ التسجيل: 12-11-2006
مجموع المشاركات: 143
Quote: بغض النظر عن رأيي السالب في شيخ الأمين إلا أنه قدم درساً واضحاً حول أخلاق الصوفية بيّن من سبيله المشاتمة والهمز بلا دليل ومن يعفو عند المقدرة أرانا سماحة الصوفية في أبهى صورها
لو لم يفعل ذلك لشككت في تصوّفه
يسلم يراعك الأخ محمد عمر...
الرجُل تقدم الى العدالة عندما هُوجِم زوراً وبهتاناً...
وانتزع حقه بالقانون... وعفى عند المقدرة... بعد جرسة وولولة الخصم واحتمائه بنسائه وأطفاله!!!
اتفقنا ام اختلفنا معه نقول له شكراً جزيلاً...
غايتُو في ناس كدي الله يهدينا ويهديهم متلقين حجج ومنظراتية بس... نسال الله السلامة...
09-20-2015, 08:50 PM
نصار
نصار
تاريخ التسجيل: 09-17-2002
مجموع المشاركات: 11660
عجب الحكاية ما غلاط و انا لا اكذب.. حضورك للحدث لا يعني امكانية تكذيبك لما ذكرت و حكاية اتقي الله كنت اظنك ذاكرها ردا على مسألة بعد العشا مافي اختشا يشهد الله اني لم اقل الا الحقيقة في ما اوردته
09-21-2015, 06:24 AM
Agab
Agab
تاريخ التسجيل: 10-03-2002
مجموع المشاركات: 1185
Quote: تبدوا عليهم علامات القلق والتوتر سبب ما لحق بابنهم العوض مصطفى العوض «الجعلي» من أذى جراء اعتداء حيران شيخ الأمين عليه، فالعوض الذي نشأ داخل زريبة شيخ الأمين منذ أن كان عمره «6» أعوام وكان من المقربين جداً لشيخ الأمين، بل مخزن أسراره ترك الطريقة دون سابق إنذار، ففي العام الماضي خرج العوض من الطريقة، ولكن أذى حيران الشيخ لازال يلاحقه أينما ذهب، ولكن هذه المرة اعتدوا عليه وسببوا له نزيفاً أدى إلى إدخاله العناية بمستشفى الفيصل.
09-21-2015, 07:40 AM
Frankly
Frankly
تاريخ التسجيل: 02-05-2002
مجموع المشاركات: 35211
Quote: استنكار واضح سرد أشقاء العوض قصة الاعتداء على ابنهم ذو «21» عاماً وعيونهم تملؤها الدموع خوفاً على حياة ابنهم، حيث أكدوا أن العوض خرج كعادته إلى العمل في الصباح الباكر حيث يعمل في عربة ترحيل بمدارس أسيس العالمية، ولكن عند خروجه من المنزل كان القدر يرسم طريقاً آخراً للعوض حيث تفاجأ العوض والطلاب والمشرف بمطاردة سيارتهم «الهايس» من قبل عربات تقل حيران شيخ الأمين الذين أوقفوه في الطريق واعتدوا عليه بالضرب مما أدى إلى أصابته بنزيف، وقد فتح بلاغ بالرقم «2698» بقسم شرطة أمدرمان شمال مباشرة الإجراء. وأضافوا شيخ الأمين يشجع حيرانه عن أذى المواطنين ويدفعهم إلى هذه الممارسات غير القانونية، وأن عشرات البلاغات فتحت ضد شيخ الأمين وحيرانه. وأكدوا أن أول أمس أطلق حيران الشيخ أعيرة نارية على خلفية شجار بين أبناء المنطقة والحيران، وطالبوا الجهات العدلية داخل الدولة بالتدخل لحسم الفوضى داخل المنطقة بسبب حيران الشيخ.
09-21-2015, 08:59 AM
Agab
Agab
تاريخ التسجيل: 10-03-2002
مجموع المشاركات: 1185
للمعلومية فقط المحكمة برأت فقراءنا من التهم الجبتها من ٢٠١٣
مزمل فقيري جاب العوض كشاهد إتهام في قضيته وعندما سأله القاضي هل شاهدت الشيخ بيحنن نسوان رد للقاضي "طوال وجودي معاه وحالياً انا جاره لم نشاهد او نسمع انه حنن مره هم بيعملوا مناسبة الحنة الاولي للفقرا بالمسيد فقط يوم الذكر وبنية البركة فقط"
إنتهي كلام العوض
فرجاء لا تزجوا به وتتاجروا به فقد تضرر إيما تضرر
09-21-2015, 10:37 AM
abas
abas
تاريخ التسجيل: 07-27-2002
مجموع المشاركات: 6254
Quote: الرئيسية / اخبار النجوم / بعد ان اتهمه بنقش الحناء للنساء .. شيخ مزمل :خلافي مع شيخ الامين في الدين وليس في طين ولا ارض ولا مال بعد ان اتهمه بنقش الحناء للنساء .. شيخ مزمل :خلافي مع شيخ الامين في الدين وليس في طين ولا ارض ولا مال
كتب : سفيان احمدimage
كشف الشيخ والداعية الإسلامي مزمل عوض فقيري تفاصيل الخلاف الذي وقع بينه وبين الشيخ الأمين بحي (بيت المال ) بامدرمان
ذاكراً بأن الشيخ الامين قد شاهد مقطعاً يخص الشيخ فقيري يتحدث فيه عنه مما دفعه إلى فتح بلاغ في مواجهته مؤكداً في الوقت نفسه بان خلافه مع الشيخ الامين ليس في طين أو قطعة أرض ولا مال ولكنه في الدين والعقيدة .. ويقول الشيخ فقيري إذا تنازل شيخ الأمين عن البلاغ لن نتنازل نحن وسوف نواصله لأعلى درجات المحاكم وهو احد ناشري الفساد.. و منهجه مخالف لسنة النبي صلى الله عليه وسلم بجانب دعوته للناس للسجود له وكل هذا بالوثائق التي بحوزتي والتي تزيد وتفيض
وفي رده على سؤال أن شيخ الأمين قد نشر الدعوى ليس في السودان فقط ولكن امتدت حتى الدول الأروربية .
يعتدل في مجلسه ويجيب قائلاً:
قد يكون نشر دعوة خارج السودان ولكنها غير متوافقة مع نهج القرآن والنبي صلى الله عليه وسلم .. فكيف لشيخ يقول لك (شيخنا يعرف الجايي في الأيام القادمة) ان يكون على حق اليس هذه دعوة للشرك.
ومقولة اخري (نحن والله ماشين بنفس شيخنا ) وقد ذكرها بلسانه وموثقه بالفيديو .. فالناس يمشون بالله وقدرته وهو يقول غير ذلك.وهذا شرك قاتل من اجله النبي صلى الله عليه وسلم اقرباءه وهذا اختلافنا معه ومع الكثير لقوله تعالى : ( ولقد بعث في ك أمة رسولاَ أن اعبدوا الله واجتنبوا الطاغوت).
وليس خلافاً في مسائل فرعية.
{ بعض المقاطع تتداول الان في الوسائل تتحدث عن الشيخ الأمين ما مدى صحتها ؟
نعم امتلك هذه المقاطع واعتز افتخر بها قال تعالي : (كنتم خير أمة اخرجت للناس تأمرون بالمعروف وتنهون عن المنكر).
هل هنالك جهات قدمت اليك دعوة لراب الصدع بينكم؟
لم تتقدم اي جهة بهذه المبادرة وان جاءت فانا رافض لان الخلاف.. واكرر خلافنا ليس في دنيا ولكنه في اساس الدين لقوله تعالى(هذان خصمان اختصموا في ربهم) ونحن اختصمنا معه في ربنا .
متي يمكن لهذا الخلاف ان ينتهي هذا الخلاف لاينتهي الا في حالة واحدة ان يعلن شيخ الامين التوبة عن الشركيات والضلال ويعلن ذلك علي الملأ وفي الوسائل المختلفة والصحف.. وفي هذه الحالة ليس لنا معه خلاف.
{ هل توافق اذا دعيت الي المناظرة؟
انا ابحث عن المناظرة وادعو الله في السجود ان يوفقني وان يوافق الشيخ الامين وشيوخ الصوفية بقبول المناظرة والحوار العلمي الجاد لقوله تعالى(وجادلهم بالتي هي احسن) ولكنهم لن يقبلوا ذلك.. وحل هذه المسائل لا يتم بالبلاغات ولا غيرها لانها مسائل علمية دينية تحل بالمناظرات. التعليق بواسطة فيس بوك
09-21-2015, 11:20 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
يا فرانكلي ده شنو ياخي الشتائم والإسفاف البتسوي فيهو ده؟؟ .. !!! زول تم بهتانه وإشانة سمعته.. وبصورة حضارية لجأ للقانون فحٍكِم له ببراءته من تهم مغرضة، وبعد ده كله عفا وصفح عمن ظلمه .. إنت بدل تشكره وتهاجم شيخكم الضلالي الكذاب الذي بهته وتمت إدانته علي رؤوس الأشهاد، تقوم تهاجم صاحب الحق وتتغاضي عن المجرم الضلالي الذي أدانته المحكمة وأقّرّ واسترحم ؟؟ شئ عجيب !!!..
09-22-2015, 06:09 AM
أبو الحسين
أبو الحسين
تاريخ التسجيل: 11-07-2006
مجموع المشاركات: 7948
Quote: يا فرانكلي ده شنو ياخي الشتائم والإسفاف البتسوي فيهو ده؟؟ .. !!! زول تم بهتانه وإشانة سمعته.. وبصورة حضارية لجأ للقانون فحٍكِم له ببراءته من تهم مغرضة، وبعد ده كله عفا وصفح عمن ظلمه .. إنت بدل تشكره وتهاجم شيخكم الضلالي الكذاب الذي بهته وتمت إدانته علي رؤوس الأشهاد، تقوم تهاجم صاحب الحق وتتغاضي عن المجرم الضلالي الذي أدانته المحكمة وأقّرّ واسترحم ؟؟ شئ عجيب !!!..
حبيبنا مُنير.. سلامات وتحايا نواضر وكل سنة وانت ومن معك في طمائنينة وسلامة ياااااااااااارب...
دا الشي المحيرني انا برضو...
شيخ الامين اتفقنا او اختلفنا معه.. قدم نموذج حضاري جداً بلجوئه للقضاء وعدم مُجاراته لدعاة الزمن دا!!
وعلي قُولك المحكمة حكمت ليهو... والاسد الكان ناتِر في اليوتيوب استرحم واحتمى بزوجاته الثلاثة وأبنائه "على حد قول الأخ عجب في بوست آخر"
وشيخ الأمين عفى وتنازل عن حقه... بدل نقول ليهو شكراً جميلاً شيخ الامين... ونترجَّى الحيكُومة برضها تتنازل من حقها الباقي...
نقوم نهاجمُو ونترصد ليهُو... حقيقي عالم تحير وحات الله...
نسال الله السلامة والصلاح...
09-22-2015, 11:33 AM
Munir
Munir
تاريخ التسجيل: 02-11-2002
مجموع المشاركات: 10496
آلاف مراحب أخي أبوالحسين .. ياخي فرانكلي حيرني .. الواحد غايتو ما عنده فكرة عن شيخ الأمين ده، لكين شايف عديمي الشغلة شانين عليهو حملات عنيفة وسخرية ما عندها حدود ستكون كلها في ميزان حسناته وأطنان من السيئات في موازين الساخرين المستهزئين .. أنا ماشايف شئ غير رجل ململم الشباب وشغالين في ذكرالله والصلاة علي الرسول - ص - طول الليل .. وعلي العموم زوول يكون همه الصلاة علي الرسول وذكري الصالحين ده حقو أي مستهزئ يعمل منه حسابه .. فالصلاة علي الرسول هي العمل الوحيد المقبول ولو كان رياءً .. فكيف يستهزئ ويسخر أحد من ذاكر لله والرسول ويكون المستهزئ زاتو زول كرور ساي ما عنده شغلة بذكر ولا قيام ليل ولا إستغفار - ده لو ما كان سكرجي وبتاع هلس ساكت ..!! .. زول واقف علي حيله الليل كله يشارك في الذكر والمديح، تجي تشتمه وتسخر منه وتبهته وتكضب فيهو وتشيل حاله؟؟!!!.. والإسمو شيخ مزمِّل ده مش ياهو العاوز يعمل فيها شفت وعشان يجذب الصعاليق وناس الرندوق ويضحكهم قام قال 'كتل ملف' ؟؟ عبارة توري إنه ماعنده ورع بتعريفة .. !!
الناس تستنكر لشيخ الأمين ده الذكر عشان غنيان ولبِّيس واللا شنو؟؟ طيب كيف الدبارة مع النبي الملِك سليمان - عليه السلام - ذو الملك والسلطان ؟؟.. الظاهر في فهم الجمهور إنو الشيوخ مفروض يلبسوا عراريق شربانة وسراويل أبوتكة ..
ما عندي علم بشيخ الأمين أو حيرانه، لكين بما أني زوول كرور ساي فأضعف الإيمان أني أحسن الظن وأقدر علي خشمي ده ..
09-22-2015, 11:58 AM
Agab
Agab
تاريخ التسجيل: 10-03-2002
مجموع المشاركات: 1185
في واحد جاهل قال خلي الشيخ يسخطني بنقول له المصطفي عليه أفضل الصلاة والسلام ما سخط من أساء له من واقعة رمي الروث مروراً بحادثة الافك وحتي نصل للرسوم المسيئة ولله المثل الأعلي ما سخط من انكر وجوده ولا من جعل له صاحبة وولد
والما بيعرف مايدو يغرف يكسر الكاس ويعطش الناس
09-22-2015, 12:08 PM
Frankly
Frankly
تاريخ التسجيل: 02-05-2002
مجموع المشاركات: 35211
يا منير وين الشتائم هنا عشان يكون في إسفاف من أساسه في مداخلاتي
دا توصيف حقيقي لشيخكم دا من وجهة نظري
فأنا عندما أصفه بأنه سفيه ودجال وضلالي وجهلول لا أشتمه بل أصفه وانعته
وعشان أكون معاك حلو هات أنت من الأوصاف ما يطابق أوصافي وتكون كلمات حسب وجهة نظرك ليس فيها إسفاف أو شتائم
أنت بدل تجي ناطي فيني ما تقنع شيخكم دا يتعلم سورة الفاتحة ويحدث الناس بخير الكلام القرآن والسنة بدل "كرا برا مندرا" والكلام الفارغ دا وهي نفسها لاقطها بدون أي علم ولا دراية ونقص وزاد فيها بصورة جهولة جداً
وبعد دا جايي توقل لي عفو وكلام فارغ
أنا ما عندي قضية مع نزاعه القانوني مع أي كان أنا عندي قضية معاه هو في عضمه
وعليك الله شوف جنس سذاجة عجب جاء وأكد الزول الجهلول دا قاعد يحننهم الحنة الواحدة دي
تصور لو الرسول صلى الله عليه وسلم كان بلم الصحابة ويقعد يحنن فيهم كان الإسلام دا طلع من دار الأرقم ابن أبي الأرقم ؟
ولو الخلفاء الراشدين كانوا بيلموا الصحابة والتابعين ويعملوا ليهم "جلسات حنة" كان فتحوا فراس والروم وكان نحن في سوداننا دا عرفنا حاجة أسمها إسلام؟
وبعد دا جايي تدافع عن شيخكم دا؟ أنا منك أخجل من أي دفاع عنه
خلاص يا جماعة, العيد دخل و العفو و العافية. بصراحة شيخ الأمين أبدى سماحة لا يمكن نكرانها و عفى عن رجل أساء إليه كثيرا و بصفاقة! الشيخ ود العجوز عليه الرحمة (شيخ الأمين) كان جارنا في السميح قبل أن ينتقل لقرية "هبايل" و التي أسماها المنارة. كان مسامحا أيضا و كان لا يعبأ بشقاوتنا أو جهلنا إن شئت. كنا شبابا مراهقين و نسخر من حيرانه و خاصة أبناء السميح و لكنه كان شديد الإحترام لنا وكثير الصبر على حماقاتنا! كل حيرانه من أبناء السميح صار لهم شأنا عظيما و أحتراما كبيرا وسط الأهل . على العموم أي إنسان قال أنا صوفي, لابد و أن يصيبة أدب من الصوفية - أو قل - نفس من روح الرسول صلى الله عليه و سلم. على العموم الله يهدي الجميع... و العفو و العافية
09-22-2015, 04:17 PM
نصار
نصار
تاريخ التسجيل: 09-17-2002
مجموع المشاركات: 11660
Quote: معقوله الحقد و الحسد يصل بيك لي الدرجه دي ... معزور قعاد البيت و تصرف عليك البلديه بعمل اكتر من كده
امن بالله يا زول بلدية شنو و ويين دي البتصرف علي و دا دخله بالموضوع شنو الشي التاني انا كلامي كله عندي ليهو شهود و مافي اي ضغينة بيني و بين هذا الامين لاحقد عليه و اختلق كلام من راسي و انا قاعد في البيت تصرف علي البلدية الصوفية يا صديقي محمد جميل و العجب يقول مشايخها انها تربية و تهذيب للروح و خضوع و طاعة متناهية لاوامر الله و نهواهيه و التخلق بخلق سيد الخلق محمد عليه افضل الصلاة و اتم التسليم فما هذه القذف و السب و رمي بالسكر دا كله غضبة لشيخكم و تخويف للناس حتى لا ينتقدوهوا بما يرون فيه؟؟؟ خلاصة الامر ان شيخكم مر بنا امام القاعة و لم يلقي علينا تحية الاسلام الذي يدعي شياخة فيه انا لم اتفاجأ بل الذي غضب هو اخونا البدري عبدالله و انتقد تصرف شيخكم بحدة و صوت عالي سؤال الخمر حكى لي الاخ عبدالمنعم انه سأله له قبل عام حيث اجابه بما ذكرت انا عاليه و نفس الاخ كرر السؤال و كرر الامين الاجابة... لا اسئ لاحدكم انتصارا لنفسي الامارة بالسوء و احتراما للمكان و اهله و زواره.. و لكما ان تخوضا في فيما تران انه عزيز لدي و ان مسه يؤلمني فهذا لزاته يشهد لي ان لي خلق و قيم اصونها و اهم من ذلك بحمد الله انا بخيري و شري معروف في الواقع و الاسافير و لا اظن ان بي دنية خفت عن الناس و اتكما الكشف وحدكما...
09-22-2015, 05:14 PM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
سلامات يا نصار طريقة الزول الاسمو محمد جميل ده طريقة ما مقبولة خالص و لا تصدر عمن يريد تربية نفسه و السمو بها كما تقول النظرية الصوفية. تقول اي حاجة طوالي يقوم يصرف ليك من بند العطالة ده. و الغريبة انو ناس مزمل هم اكثر الناس استخداما لكلمة عاطل دي..عموما يا محمد جميل اعتقد انك مفروض تكسب زمنك و تنضم لناس مزمل فقيري و تمرق على السوق الشعبي طوالي تخطب في الشماشة ههههههه. حكاية الخمر دي يا نصار في ظني انو اللمين حاول استخدام سياسة الخطوة خطوة مع السائل و هي طريقة معروفة عند شيوخ الصوفية حيث أنهم يركزون على كسب الشخص اولا ثم تعديل سلوكه ثانيا بانتهاج سياسة التدرج. بس صاحبك اساء الفهم و اعتبر انو الاجابة هي دعوة لشرب الخمر.
سلام نصــــــــار عذرا إن أصابك رشاش سهامنا ولم نقصد من التقليل من مكانة أي كائن كان, لكن ...... الادب في غير مكان الادب قلة أدب
كان لابد من الاتصال بالاشخاص الاوردت ذكر أسماءهم في الحادثتين لمعرفة ما حدث إن حدث
الأخ البدري أجاب متفضلا إنه ما بيذكر إنه كان حضورا لحادثة عدم السلام وهو المداوم لحضور كل الليالي السنوية التي نقيمها كديدن أهل الجالية الكرام....
حاولت أن أتذكر سؤال الخمر والصلاة والاخوان مشكورين ذكروني تاريخه وكان في ليلة المولد2012فعدت لأرشيف الفيديوهات الخاص بنا والفيديو موجود باليوتيوب
فسأل السائل (حقيقة ما عارف إذا كان عبدالمنعم او شخص أخر): السلام عليكم أبونا الشيخ: وعليكم السلام السائل: الواحد بيشرب, بيشرب خمره لكن بيصلي العشا وبعدين بيشرب وبيقولوا أربعين يوم الصلاة ما مقبولة أبونا الشيخ : أنا شايف إنه ده نوع من التشدد ماف كلام زي ده وبيقولوا لك بعد صلاة العشا فاضاف كل الحضور ضاحكين ماف إختشا, ديل القبيلة كده واشار باصبعيه وسأل عرفتوها دي شنو دي ما النصر لنا فحكي أبونا الشيخ نكتة الشباب البيشربوا وواحد فيهم وقف للصلاة وجا نديمه قال له أنا ماشي اجيب قزازة فطقطق له صاحبه من الصلاة وأشر له بأصبعين. أبونا الشيخ: من يعمل مثقال ذره خيرا يره ومن يعمل مثقال ذرة شرا يره, إنت تشرب الخمر تكتب لك خطأ وتصلي يكتب لك حسنة, المهم لما الواحد يجي يصلي ما يكون Hangover
إنتهي السؤال
عيد مبارك
09-22-2015, 08:18 PM
نصار
نصار
تاريخ التسجيل: 09-17-2002
مجموع المشاركات: 11660
البدري هو من احتج على عدم السلام و انا بجواره تماما فعلا الفين و اتناشر و بالمرة ارجع للعام السابق سوف تجد نفس السؤال و نفس الاجابةلم يصيبني رشاش بل سمعت منكما ما لم اسمعه في حياتي و هذا لا يؤلمني لاني اعلم ان لا اساس له و اني بريئ مما رميتماني به
Quote: أبونا الشيخ : أنا شايف إنه ده نوع من التشدد ماف كلام زي ده وبيقولوا لك بعد صلاة العشا فاضاف كل الحضور ضاحكين ماف إختشا, ديل القبيلة كده واشار باصبعيه وسأل عرفتوها دي شنو دي ما النصر لنا فحكي أبونا الشيخ نكتة الشباب البيشربوا وواحد فيهم وقف للصلاة وجا نديمه قال له أنا ماشي اجيب قزازة فطقطق له صاحبه من الصلاة وأشر له بأصبعين. أ
و هل هذه فتوى مقبولة؟.. و هل في امر ام الكبائر يجوز حديث شيخ بهذا التمليح و التخفف؟؟...
09-22-2015, 09:40 PM
Agab
Agab
تاريخ التسجيل: 10-03-2002
مجموع المشاركات: 1185
تحية طيب لصاحب البوست وضويفه يا اخونا عجب شيخك يا خوي زول القرآن ما بعرف اقرأهو كويس ده شيخ شنو غايتو نحن عندنا الزول المابعرف اقرأ القرآن ويعمل فيها شيخ ده عندنا ياخوي زول دجال استمع يا خوي ما تزعل ساي اسمع للقاء شيخك قراتيو للقرآن كلها غلط ياخوي استغفر الله والله شيخ اللمين الترابة دي ما بقدر اعملها ليك https://http://http://www.youtube.com/watch؟v=82oB0OpHgf4www.youtube.com/watch؟v=82oB0OpHgf4http://http://www.youtube.com/watch؟v=82oB0OpHgf4www.youtube.com/watch؟v=82oB0OpHgf4 عليك الله استمع للفديو ده استغفر الله العظيم
حاجة عجيبة جداً ..!! زوول تمت إشانة سمعته، فلجأ للقضاء فأحق حقه ، ثم صفح وعفا عن الجاني .. فإذا بالناس يغضبهم إحقاق الحق ويهاجمون الذي عفي وصفح، ويغضون الطرف عن الشيخ الكضاب !!.. ثم بعد ده كله عاوزين يتدخلوا في الشأن الإلهي ويحددوا ده شيخ وده ما شيخ وده دجال وده ما بيعرف يقرأ قرآن !!.. التقول هم حفظة قرآن ومنقطين التجويد تنقيط ..!! .. هسه خلي أي واحد فيهم يجي يسمِّع لي سورة الفاتحة عشان نشوف أحكام التجويد شغالة معاهو واللاّ ما شغالة؟ .. نشوف الإدغام والإخفاء والمد والغين والقاف والسين والصاد وو.. !!!!!!!!
الأخ الباشمهندس عجب .. ما تضيع وقتك مع ناس زي فرانكلى و نوعيته .. دى ناس إمتهنت و إحترفت الإعتراض على اي شئ و كل شئ .. السياسة و الإقتصاد و الرياضة و الدين و المجتمع .. فرانكلى و الزييو ديل ناس أصلاً بتكره نفسها و مصابة ب عُقد نفسية مستعصية .. بس فالحين فى الفلهمة و التنظير .. و سبحان الله .. بالفلسفة دى كلها لغاية هسه ما قدموا حل ولا خللوا الحال فى حاله .. عشان كدا ما تصرف زمن معاهم .. فرانكلى دا لو شكرتو هو ذاتو حا يعترض لغاية ما يكتشف أنه هو المقصود ... و بمناسبة العيد أتمنى أن يرزقهم الله شئ مفيد يشغلهم و ينفعهم بدل طقطقة الكيبورد الفارغة دى ..
09-24-2015, 10:03 PM
Frankly
Frankly
تاريخ التسجيل: 02-05-2002
مجموع المشاركات: 35211
هناك خلط في الأمر .. وده مكمن الخلاف .. الموضوع من شقين .. شق لشيخ الامين فيه حق لان مزمل فقيري افترى عليه .. ولم يستطيع ان يقدم حجة تدعم اتهامه بأنه شيخكم بيحنن النسوان .. فحكمت المحكمة له وهذا حقه .. وتنازله عن مبلغ الغرامة المفروضه من المحكمة .. وعفوه عن شيخ مزمل حاجة جميلة .. وتجسيد تام لأدب الصوفية ..
الشق التاني .. عدم اجادة الرجل للقرآن وعدم حفظه له .. فده امر غريب وعجيب جداً .. لأنه اي (حوار ) بيتخرج من أي خلوة من خلاوي الطرق الصوفية .. يجيد القرآن حفظاً وكتابة وبالقراءات أحياناً .. اليس من المستغرب الا يحسن شيخ الامين قراءة القرآن !! .. ويكسّر فيهو فينصب مجروره تاره ويجر مرفوعه أخرى .. ويلحن فيه بهذه الطريقة المفجعة الغريبة .. أعتقد ان من حق الناس أن يقدحوا في أمر شياخة الرجل .. وده حق لامراءة فيه فكما تم اثبات حق شيخ الامين .. في رد اعتباره بحكم المحكمة .. لأن في الأمر انصاف مستحق له .. ومزمل فقيري أكيد حيكون إتأدب كويس .. وتاني مااظن حيتكلم ويتهم الناس .. ويخوض في اعراضهم بالباطل ودون أي اثباتات .. كما فعل .. ده كوم والتاني كوم براهو .. لأن شيخ الامين في شياخته الكثير من القولان والارتياب .. فلاهو سليل شيوخ .. ولاخليفة شيخ .. لأنه ديل وحسب معرفتنا كان الزول ما حفظ القرآن ده عن ظهر فلب .. والتزم سمت التصوف في كل حياته .. كان (صنقر ) لن يستطيع أن يكون شيخ طريقة .. ولايحلم بيها حتى وسيتم فرزه وابعاده .. فبعض أصحابنا أولاد مشايخ لطرق صوفيه معتبرة .. ورغم إنهم نسباً سلسال شيوخ معروفين .. فرغماً عن ذلكـ تم ابعادهم ولم يتم اختيارهم لشياخة الطريقة .. وبقوا ناس عاديين زيهم وزي اصغر (حوار ) في المسيد .. ( فمابالك بشيخكم ) .. شيخ قايم بروس ساي لابيعرف يقرأ قرآن ولاحاجتين .. فماهو أساس شياخته أصلاً !! .. وحيعلمكم في المسيد تحسنوا وتتقنوا قراءة القرآن كيفن ! .. وحيوريكم الصاح من الغلط كيفن ! .. زول مارق من مسيد شيخ مابعرف يقرأ قرآن ولاحافظ حتى ! .. طبعاً دي حقيقة دامغة وموثقة وشافوها وسمعوها الناس .. وشهد عليها القاصي والدانِ فحقو ماتزعلوا فيها ياعجب .. لأن من يدندنوا حول هذا الأمر عندهم حق وألف حق .. فحوارات الشيخ تمتليء وتحتشد وتشهد بضعف قراءته للقرآن .. ( أخطاء تخلي الزول يضرس عديل كده ) .. أما عن الشق الاول فلكم فيه حق ومن حقكم ان تحتفوا به .. لأنه ماعنده علاقة بي دين ولا شياخة طريقة .. ده زول اتهموه بي تهمة ملفقة وليس لها أي أساس من الصحة .. ومن زول موتور ومتهور وخواف كمان زي مزمل فقيري .. لمن الشغلة بقى فيها سجن بدل يركز قعد يبطبط .. و يسوي فيها نسواني تلاته وعيالي طرشمية .. كل ذلك لايمنع بانه المحكمة حكمت ليه .. باعتباره شخص عادي وبس تم الافتراء عليه .. يعني شغلة الدين والشياخة بره الموضوع تماماً .. فماتخلطوا ده بي ده .. عشان ترفعوا أسهم شيخكم ..
09-25-2015, 08:33 PM
Munir
Munir
تاريخ التسجيل: 02-11-2002
مجموع المشاركات: 10496
الأخ جمال ودالقوز .. كل سنة وإنت طيب .. وأنتهز الفرصة اسجِّل إعجابي بآرائك ومداخلاتك والتي غالباً تضع النقاط فوق الحروف في شتي المواضيع .. نجي للموضوع .. الذي استفزني هو تحوير الموضوع من قضية إحقاق حق، للغضب من إحقاق الحق والإنحراف بالموضوع لمشيخة شيخ الأمين.. وهو للأمانة لا أعرف عنه إلاّ مشاهداتي لحلقات المديح بتاعتهم في اليوتيوب - فلست متابعاً أقواله وتلاوته .. ومن هذا المنطلق حكمي عليه ينبع عن حكمي علي حلقات الذكر والمديح المليئ بالصلاة علي الرسول وذكر الصالحين .. وذلك بالنسبة لي كافٍ لأحسن الظن بدلاً عن االشتائم والسباب ...ثم بما أني لي رقبتي دي لست شيخاً فلست في مقام الفتوي والحكم علي مشيخة زوول .. .
09-25-2015, 09:00 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
Quote: الأخ جمال ودالقوز .. كل سنة وإنت طيب .. وأنتهز الفرصة اسجِّل إعجابي بآرائك ومداخلاتك والتي غالباً تضع النقاط فوق الحروف في شتي المواضيع .. نجي للموضوع .. الذي استفزني هو تحوير الموضوع من قضية إحقاق حق، للغضب من إحقاق الحق والإنحراف بالموضوع لمشيخة شيخ الأمين.. وهو للأمانة لا أعرف عنه إلاّ مشاهداتي لحلقات المديح بتاعتهم في اليوتيوب - فلست متابعاً أقواله وتلاوته .. ومن هذا المنطلق حكمي عليه ينبع عن حكمي علي حلقات الذكر والمديح المليئ بالصلاة علي الرسول وذكر الصالحين .. وذلك بالنسبة لي كافٍ لأحسن الظن بدلاً عن االشتائم والسباب ...ثم بما أني لي رقبتي دي لست شيخاً فلست في مقام الفتوي والحكم علي مشيخة زوول .. .
أخونا منير .. كل عام وأنت الأسرة بالف خير .. وأضحى مباركـ عليكم ..
الله يجبر بي خاطركـ يأخ .. دي شهادة أعتز بها .. من قامة معتبرة في سودانيز ..
والله كلامكـ صاح .. تم جرف أصل المسألة وهي حق الرجل واحقاقه .. وكمان تفضله وعفوه عمن ظلمه .. فبدلاُ من حصر الأمر في شكره والثناء عليه .. تم جرف البوست لمناحي أخر .. وحتى لو اراد احدنا أن يبيّن مسالب شيخ الأمين .. فلا لابد من باب الانصاف .. أن يثبت له حقه واحقيته بذلك الحكم .. وكمان يشكره على تنازله وعفوه .. لان مزمل فقيري ما ظنيته كان حيركز لي حكم بالسجن .. وكان ممكن شيخ الامين يستانف الحكم ويجرجره للآخر .. وكمان لاتنسى فهناك سابقة تشهد للرجل .. بتنازله عن حقه وعفوه عن أحد الصحفيين .. اتهمه كذلكـ دون اثبات وبلا أي دليل .. غايتو في دي كلنا علينا حق ..
لكن مسألة ( كسيره ) للقرآن دي مابتتفوت .. ربما من الافضل أن يتم تناولها في بوستات أخرى .. وعدم افحام اخونا عجب بهذا الامر هاهنا ..
وعداكـ العيب يأخ ودمت ..
09-26-2015, 00:15 AM
Munir
Munir
تاريخ التسجيل: 02-11-2002
مجموع المشاركات: 10496
جمال ودالقوز يا عزيز .. كتَّر خيرك ياخي . كلامي طبعاً ما كان مجاملة .. فعلاً كتير أجي أكتب كلام في بوست، أخش ألقاك سبقتني وعبَّرت عني تماماً وشطَّبت الموضوع من جميع الوجوه بمداخلة زي بتاعتك الفوق دي لا طويلة شديد ولا قصيرة - تقريباَ كلهن نفس الطول ده، مقاس واحد - وبدون تنابذ وإساءات ..
هنا أنا استفزتني شتائم صاحبي فرانكلي وغلبني أسكت ليهو وأهو ختيتها معاهو قرض .. :) .. مع إنو طوال كتابتنا في المنبر ده خطوطنا متوافقة - عاين تواريخ التسجيل -00- :) .. هسه شايفه فصل قال كل عام وأنتم بخير .. بخير إنت ياخ ..:)
وأظن كمان الموضوع حيطرشق مع بقية من بعض الأصحاب في التقاطع الجاي بسبب سب الصوفية والتهجم عليهم .. ما عشان أنا خلااس صوفي مقددها ، إنما عشان تضاد أفكار أنا أعتقد أن هناك مفتاح صغير في طريقة تفكيرهم إذا انفتح سيغيِّر نظرتهم كلياً .. لكين طبعاَ الهداية من رب العالمين ..
09-26-2015, 00:30 AM
Munir
Munir
تاريخ التسجيل: 02-11-2002
مجموع المشاركات: 10496
سبحان الله .. والله لقد إنصدمت فى إتهامك أنه الشيخ لا يجيد القرآن .. الكل يسمع التهم الباطلة دى .. و كدى دقق فى كلام الشيخ (القاف و الغين) ..كبقية أهل السودان .. دى تهم و إفتراءات من أنصار السنة ..
و لو فى واحد من تشاد أو خواجة و قرأ القرآن بلسانه هل دا معناهُ أنه إنسان غير مجود للقرآن .. حرام نسخر من جهد رجل أدخل كم هائل للإسلام و أرشد العديد و هداهم .. و كون مسيد و مسجد و يصرف و يعول يتامى و أرامل و يدعم طلاب فى مختلف المراحل المدرسية .. و إنتوا وراء الكيبورد نازلين شتائم و نبذ ..
و لو نظرنا لسيدنا خالد بن الوليد:
وقد جاء عن خالد رضي الله عنه أنه قال : لقد شغلني الجهاد عن تعلم كثير من القرآن . وكون الجهاد شَغله عن تعلّم كثير من القرآن لا يعني أنه لا يُحسن قراءة القرآن ، وإنما يعني أنه لم يكن مثل سائر القرّاء ، ولم يكن من المكثرين من قراءة القرآن . ويُؤِّد هذا الفَهْم أنه جاء عنه رضي الله عنه قوله : منعني الجهاد كثيرا من القراءة . ويُمكن أن يُستدَلّ بهذا على أهمية التخصص ، إلاّ أنه لا يجوز أن يُنسب إلى خالد أنه لا يُحسن قراءة سورة قصيرة ، فضلا عن قراءة القرآن كاملا . فَخَالد رضي الله عنه ليس له كثير رواية للأحاديث ، ولا عُرِف عنه اشتغاله بالعِلْم . قال الذهبي : له في الصحيحين حديثان ، وفي مُسند بَقِيّ واحد وسبعون . اهـ .
وهذا لا يَعيبه رضي الله عنه ؛ لأنه سيف سَلّه الله على المشركين ، كما قال عليه الصلاة والسلام ، فَكان اشتغاله بالجهاد في سبيل الله أكثر من اشتغاله بأي أمْر آخر
و إنت يا فرانكلى كدى قوم ناس البيت أول .. عشان ما ندخل فى أعراض .. البيتو من قزاز ما بجدع بالحجار ................
09-26-2015, 06:41 PM
Frankly
Frankly
تاريخ التسجيل: 02-05-2002
مجموع المشاركات: 35211
Quote: هناك خلط في الأمر .. وده مكمن الخلاف .. الموضوع من شقين .. شق لشيخ الامين فيه حق لان مزمل فقيري افترى عليه .. ولم يستطيع ان يقدم حجة تدعم اتهامه بأنه شيخكم بيحنن النسوان .. فحكمت المحكمة له وهذا حقه .. وتنازله عن مبلغ الغرامة المفروضه من المحكمة .. وعفوه عن شيخ مزمل حاجة جميلة .. وتجسيد تام لأدب الصوفية ..
الشق التاني .. عدم اجادة الرجل للقرآن وعدم حفظه له .. فده امر غريب وعجيب جداً .. لأنه اي (حوار ) بيتخرج من أي خلوة من خلاوي الطرق الصوفية .. يجيد القرآن حفظاً وكتابة وبالقراءات أحياناً .. اليس من المستغرب الا يحسن شيخ الامين قراءة القرآن !! .. ويكسّر فيهو فينصب مجروره تاره ويجر مرفوعه أخرى .. ويلحن فيه بهذه الطريقة المفجعة الغريبة .. أعتقد ان من حق الناس أن يقدحوا في أمر شياخة الرجل .. وده حق لامراءة فيه فكما تم اثبات حق شيخ الامين .. في رد اعتباره بحكم المحكمة .. لأن في الأمر انصاف مستحق له .. ومزمل فقيري أكيد حيكون إتأدب كويس .. وتاني مااظن حيتكلم ويتهم الناس .. ويخوض في اعراضهم بالباطل ودون أي اثباتات .. كما فعل .. ده كوم والتاني كوم براهو .. لأن شيخ الامين في شياخته الكثير من القولان والارتياب .. فلاهو سليل شيوخ .. ولاخليفة شيخ .. لأنه ديل وحسب معرفتنا كان الزول ما حفظ القرآن ده عن ظهر فلب .. والتزم سمت التصوف في كل حياته .. كان (صنقر ) لن يستطيع أن يكون شيخ طريقة .. ولايحلم بيها حتى وسيتم فرزه وابعاده .. فبعض أصحابنا أولاد مشايخ لطرق صوفيه معتبرة .. ورغم إنهم نسباً سلسال شيوخ معروفين .. فرغماً عن ذلكـ تم ابعادهم ولم يتم اختيارهم لشياخة الطريقة .. وبقوا ناس عاديين زيهم وزي اصغر (حوار ) في المسيد .. ( فمابالك بشيخكم ) .. شيخ قايم بروس ساي لابيعرف يقرأ قرآن ولاحاجتين .. فماهو أساس شياخته أصلاً !! .. وحيعلمكم في المسيد تحسنوا وتتقنوا قراءة القرآن كيفن ! .. وحيوريكم الصاح من الغلط كيفن ! .. زول مارق من مسيد شيخ مابعرف يقرأ قرآن ولاحافظ حتى ! .. طبعاً دي حقيقة دامغة وموثقة وشافوها وسمعوها الناس .. وشهد عليها القاصي والدانِ فحقو ماتزعلوا فيها ياعجب .. لأن من يدندنوا حول هذا الأمر عندهم حق وألف حق .. فحوارات الشيخ تمتليء وتحتشد وتشهد بضعف قراءته للقرآن .. ( أخطاء تخلي الزول يضرس عديل كده ) .. أما عن الشق الاول فلكم فيه حق ومن حقكم ان تحتفوا به .. لأنه ماعنده علاقة بي دين ولا شياخة طريقة .. ده زول اتهموه بي تهمة ملفقة وليس لها أي أساس من الصحة .. ومن زول موتور ومتهور وخواف كمان زي مزمل فقيري .. لمن الشغلة بقى فيها سجن بدل يركز قعد يبطبط .. و يسوي فيها نسواني تلاته وعيالي طرشمية .. كل ذلك لايمنع بانه المحكمة حكمت ليه .. باعتباره شخص عادي وبس تم الافتراء عليه .. يعني شغلة الدين والشياخة بره الموضوع تماماً .. فماتخلطوا ده بي ده .. عشان ترفعوا أسهم شيخكم ..
Quote: اليس من المستغرب الا يحسن شيخ الامين قراءة القرآن !! .. ويكسّر فيهو فينصب مجروره تاره ويجر مرفوعه أخرى .. ويلحن فيه بهذه الطريقة المفجعة الغريبة .. أعتقد ان من حق الناس أن يقدحوا في أمر شياخة الرجل ..
التحيه لك أخى جمال ودالقوز كل عام وأنت بخير وعيد مبارك . التأتأه فى قراءة القرءآن بالتأكيد لم ولن تكن حاجزاً بين العبد وربه . الله جل جلاله ينظر إلى قلب العبد وإلى نيته لأن نية العبد أفضل من عمله ( إنما يتقبل الله من المتقين ) ولا ندرى عن شخصٍ هو يتأتئ ويلحن فى قراءة القرءآن ربما يكون أقرب وأحب إلى الله جل شأنه ممن يقرأ القرءآن بمخارج لفظيه سليمه . أعتقد أن ود ضيف الله فى الطبقات أشار إلى وضع مشابه عندما هاجم أحد مدعى العلم والمعرفه الشيخ حسن ودحسونه بأنه يلحن فى قراءة القرءآن فى الصلاه فكان رد الشيخ حسن ودحسونه أن قراءته للقرءآن وصلاته بهذه الكيفيه هى لله وهو يقبلها منى وقد لا يقبل عبادتك أنت وإن قمت بإحسانها . ربنا هو المَخَير فى إصطفاء من يريده من عباده .
الأخ عبدالله عبدالله .. والله و والله .. إنت أديتنا الخُلاصة.. لكن الحاقدين و الحاسدين أعداء النجاح و الفاقد التربوى بيجدوا ضالتهم فى البورد و ينصبوا أنفسهم علماء و زعماء و.. و فى بعض الأحيان آلهة.. و هم لا شغلة ولا مشغلة ..
و سبحان الله ..
إذا أراد الله نشر فضيلة طويت سلط عليها لسان حسود و لولا اشتعال النار فى ما جاورت ما شم طيب ريح العود
ليك مليار سنة و قديم فى المنبر و لغاية هسه ما إتعلمت الحوار و النقاش الإسفيرى .. بدليل تعليقك على كلام ود القوز .. فعلاً الطيور على أشكالها تقع ... إنت و هو ....
راجع مداخلاتك يا حريف عشان تعرف انت بديت كيف .. ما تجى تغير خطك فى النهاية ...
المدعو ود القوز .. بتكلم فى شئ .. و انت بديت هجومك من الاول فى شئ مختلف .....
شيخ الأمين ما محتاج لزول عشان يرفع من أسهمه .... لكن خللينى أمشى مع إفتراضك و رفضك لمبدأ "محاولة رفع أسهم شيخ الأمين"... نفس الحق الأخدتو إنت و فرانكلى فى المداخلة و التعليق و الشتيمة و النبذ من جانب فرانكلى و من شابههُ .. هو برضو نفس الحق الخللانى أتداخل و أتصدى بقدر ما أقدر لتفاهات و إساءات و بذاءات المدعو فرانكلى ... موش دا منبر مفتوح؟؟؟ و أبشرك ...أنا نفَسى طوييييل ...
Quote: حرام نسخر من جهد رجل أدخل كم هائل للإسلام و أرشد العديد و هداهم .. و كون مسيد و مسجد و يصرف و يعول يتامى و أرامل و يدعم طلاب فى مختلف المراحل المدرسية .. و إنتوا وراء الكيبورد نازلين شتائم و نبذ ..
الأخ كمال عبدو ... كتر خيرك أخي العزيز... كل سنة وإنت طيب ..
09-27-2015, 08:09 AM
Frankly
Frankly
تاريخ التسجيل: 02-05-2002
مجموع المشاركات: 35211
نحن انتهينا من حكاية شيخ دي الزول الدجال الضلالي دا ما عنده علاقة بالدين
حكاية فاتح مسيد وبعيل يتامى وبساعد الناس في منظمات كنسية ولا دينية بتقوم بأكتر منه يعني نقوم نسمي مؤسس المنطمات دي شيخ؟ فعشان كداكونه يساعد يتامى وغيره ما عنده علاقة بكونه لا يفقه في الإسلام شيء غير كرا برا مندرا وبعد العشا ما في احتشى والكلام الفارغ دا
تاني الجوطة فوق كم
أهو دا الفيديو شاهد على جهالات هذا الدعي
لو كتبتم مليون صفحة لن تستطعوا من عمل فسيح اللمين دا شربات
يا كمال عبده .. أولاً كتر خيرك يأخ إنكـ جعلتني ( المدعو ) .. لكن انا بقول ليك يا استاذ كمال .. كل عام وانت بخير .. وعيدك مباركـ ..
Quote: أنا نفَسى طوييييل ...
نفسك طويل في شنو مثلاً يعني !! .. نبذ وسباب وشتائم وحاجات زي دي .. يازول بتبالغ أنت تتكلم بلسان شيخ الأمين .. وأنا زول ساي .. انت عايز تنابذ وتهاتر يعني ؟!! .. يا هو ده أدب الصوقية مثلاً !! .. عشان ما أكتر ليك الكلام .. انا تناولت الشقين معاً .. واوضحت باحقية شيخكم في الحكم الذي صدر لصالحه .. وأوضحت انه مزمل فقيري اعتدى عليه وقال فيه ما ليس فيه .. أها انا كان غلطان وكلامي الانت معترض عليه فوق ده .. غلط .. تعال قول لي انت غلطان .. وكلامك ما صاح .. وشيخ الامين يجيد قراءة القرآن ولا يلحن فيه .. وقتها ساعتذر لك ونفضها سيرة .. ولو كلامي صاح ..( ولو بينك وبين نفسك وبلاحميه ) .. ما ليك أي حق في إنك تقلب الموضوع لي سباب وشتائم .. بعدين أسأل نفسك الحيكون خسران في الآخر منو ؟.. لو نحن مشينا في حتة النبذ دي .. وطبعا دي اطلاقا مابتغلبني .. ولاحتغلب أي زول .. لانها حاجة ساهلة جدا ومتيسرة .. لكن الواحد بيترفع عن الدخول في الدركات دي .. كلام واضح هل شيخك بيحسن قراءة القرآن ؟؟؟ .. لو الكلام ده انا غلطان فيهو .. معناتها عندك حق وأنا غلطان .. وكمان كان مابيعرف .. تنسحب طوالي وتترك الموضوع ده .. لأنك ياسيدي تتحدث باسم شيخ صوفي .. من المفترض أن تكون فيك انت كمان جميع خصال الصوفية السمحة .. من نقاش بالحكمة والموعظة الحسنة .. زي ماقال شيخك .. حينما استشهد بقوله تعالى (ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِالْمُهْتَدِينَ ) صدق الله العظيم .. وركز على سبيل ( ربِكـ ) وليس سبيل (ربُكـ ) .. كما جاء بها شيخكم في معرض حديثه .. لأن كلام الله مش لعبه .. عشان تلحن فيه كما تشاء ..
Quote: أسامة ود القوز ...
بعدين أسامة ده منو ؟!! ..
نقطة أخيرة .. وماتفتكر إني بقولها كنوع من التفريق بينكما أو دق اسفين .. والله لو ماكان كاتب الموضوع ده اخونا عجب .. لما فكرت في الرد أصلاً .. إنت قايل نحن بنرد من طرف ولاشنو !! .. وده ما اعتباطاً لاني لمست في أخونا عجب .. طولة بال وبعد عما ينقص من مكانته .. كالسباب والشتايم والهتر .. فطول بالك معانا شوية يأخ .. وخلي نفسك طويل بس في اتجاه تاني تماماً .. وحاول اقنع الناس دي بالكلام المعقول والمقبول .. لكن شغل شتائم ونبذ وسباب .. دي مابتغلب زول يا أخوي .. وبرضو عشان اريحك انا مابحب انابذ واشاتم .. وارشيف المنبر ده يشهد بي كده .. فتش كان لقيتني شتمت لي زول .. وكمان ماعندي قصد شخصي مع شيخكم ده .. ولا اعتراض لي على الصوفية كطريق .. لأننا صوفية وأولاد صوفية .. لكن عوجة شيخكم ما عجبتني .. فتك بي عافية ...
أولاً .. أنا لا أتحدث بلسان الشيخ الأمين .. الشيخ الأمين كفيل بالرد بنفسه ...
المهاترة بديتها إنت بمقالاتك الطويلة فى محاولة بائسة و مكشوفة ان تظهر نفسك بأنك زول محايد و بتدى كل واحد حقو ....
أنا ردى عليك كان قصير و بسيط .. و دا أسلوبى مع البيبدأ بهجوم و إتهام .. عاوز تسأل بهدوء و إحترام .. بشيلك فوق راسى دا ..
بعدين لو انت فعلاً (من الصوفية و أولاد صوفية) .. ما بتقول ولا بتكتب كلام زى كلامك دا .....
قبل كم شهر نزل بوست لاحد الأخوان عن شيخ صوفى .. و الأخ ينتمى لبيت صوفى و يتبع طريقة صوفية .. و لسبب ما بدأ بنقده و الهجوم على أفكاره .. أدب الصوفية منعنا من التداخل معه لأنه مشايختنا علمونا ..حب الكل و أفرز شيخك .. يعنى مهما قيل عن أي شيخ تانى و سيق ما سيق من دلائل .. لا تعلق و لا تبدى رأي .. فنحن لم نخلق لنحكم على البشر .. مشايخة او غيره ..
شىء تانى يا ود القوز .. أخونا (عبدالله عبدالله) .. له مداخلة تحسم و ترد بشكل كافى على تساؤلك .. ولا إنت ما بتشوف الشئ الصاح ؟؟
أنا (و العياذ بالله من قول أنا) .. ذكرت لكم ما ورد عن سيدنا خالد بن الوليد ..... حا أفترض أنك برضو ما شفتو !!!!!!!
يعنى لو كنت قريت التعليقين الفوق ديل كان ريحت نفسك ... و كمان لو قرأتهم و طنشت......!!!!!!!!
أها ... هسه البفتش على المهاترة منو ؟؟؟؟
و برضو نفسى طويل ..... فى كل و جميع الحالات ... دا بس للتأكيد .......
سبحان الله ...كل مرة يا المدعو فرانكلى بتستفرغ من قلبك الحقد و الحسد .. وين الفيديوهات البتحكم على جهد الشيخ الأمين فى تربية الشباب وين المنظمات او الهيئات البتدخل الإسلام .. انت عارف كم شخص دخل الاسلام على يدهُ؟؟ .. هل عندك فكرة عن حلقات العلم التى تقام فى مسجدهُ؟؟ ..
إنت عملت شنو للإسلام ؟؟؟؟
ياها بطولات الكيبورد دى .....
عالم حاااااااااقدة
و بكررها ليك يا كمال فرانكلى .. أظنك ما قريتها المرة الفاتت .... أمشى قَوم نفسك أول و القريبين منك
ما عاوز أدخل فى الأعراض و الغريق ...... كلامى واضح أظنهُ
غايتو قصة شيخ الامين دي حتنتهي من المنبر ده متين ما عارف. زول ناس طريقتو شيخوه بدون ما يجبرهم او يخت ليهم بندقية فوق رؤوسهم فيما نعلم اجتمع حوله مريدين و رضوا به شيخا عليهم بكامل ارادتهم و مطلق حريتهم الناس التانيين قايمين و قاعدين فوق كم. هل مثلا المطلوب هو نزع الشياخة من الرجل؟ و هل في قانون في البلد فيهو نص زي ده؟ هل الحكومة مفروض تجبر اتباعه و مريديه على ابتاع شيخ تاني مثلا ؟ علاقة قائمة طواعية بين ناس راشدين و في اطار القانون و الاعراف و ما اعتقد ان انسان عنده حق في الاعتراض عليها. الاخ كامل عبدو: هل انت تعتقد أن شيخ الامين فوق النقد؟ ثم ياخي رجاء رد على من كتب في البوست و سيبك من الحاجات الحاصلة برة حتى و لو كانت حقيقية..لو سمحت يعني.
الأستاذ سيف النصر محى الدين .. كل سنة و إنت طيب .. شكراً على المداخلة و كتر خيرك على "كلام حقيقى"
ما أي موضوع ولا أي شخص لازم ننتقدهُ .. و ما لازم يكون عندنا رأي .. و إن صح ذلك .. ما شرط نعلنه و نجاهر به .. لكن ما دام ظهر على العلن .. فبنفس الحق سيتم التعامل معه
لكن يا أستاذ سيف .. هنالك فرق كبير بين النقد و الإساءة ....
أغلب ما يحدث هنا هو إساءة .......
المدعو كمال فرانكلى .. جابو لنفسهُ ... دخل فى الخصوصيات .. و أنا لغاية هسه ما عاوز أقول البعرفو .. لكن إذا كان و لابد .. بس يبقى جاهز ..
الواحد فينا يعاين لنفسه اول .. بعدين يسل لسانه فى الناس ....
و اي كلام يقولو فرانكلى لن و لم ينقص من قدر او مقام شيخ الأمين .. لكن أمثال المدعو فرانكلى يجب التعامل معاهم بالاسلوب دا ...
الأستاذ سيف النصر محى الدين .. كل سنة و إنت طيب .. شكراً على المداخلة و كتر خيرك على "كلام حقيقى"
ما أي موضوع ولا أي شخص لازم ننتقدهُ .. و ما لازم يكون عندنا رأي .. و إن صح ذلك .. ما شرط نعلنه و نجاهر به .. لكن ما دام ظهر على العلن .. فبنفس الحق سيتم التعامل معه
لكن يا أستاذ سيف .. هنالك فرق كبير بين النقد و الإساءة ....
أغلب ما يحدث هنا هو إساءة .......
المدعو كمال فرانكلى .. جابو لنفسهُ ... دخل فى الخصوصيات .. و أنا لغاية هسه ما عاوز أقول البعرفو .. لكن إذا كان و لابد .. بس يبقى جاهز ..
الواحد فينا يعاين لنفسه اول .. بعدين يسل لسانه فى الناس ....
و اي كلام يقولو فرانكلى لن و لم ينقص من قدر او مقام شيخ الأمين .. لكن أمثال المدعو فرانكلى يجب التعامل معاهم بالاسلوب دا ...
مرة تانية شكراً على المداخلة .....
09-27-2015, 12:16 PM
Munir
Munir
تاريخ التسجيل: 02-11-2002
مجموع المشاركات: 10496
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة