مثلث حمدي..

Quote: ويحك يا رجل حمدى هذا ما دخل فى شئ إلا شانه !! تحرير العملة حدث ولا حرج ...

Quote: ول أبا سماعين حبابك ، أحفظ لي نسخة من الكتاب ، ان شاء الله الأسابيع القادمة سأكون بطرفكم مثلث الشر منتظرهم ويلات قيامة الشعب السوداني ، لم يتعظوا من القذافي وبن على ومبارك وعلى عبدالله صالح وأخيرا مصيبة الأسد قيد التطور ولكنهم فى ضلالهم يعمهون

Quote: مثلث ماذا ....إلا إذا كان هذا المثلث هو 1ـ تحرير الاقتصاد (احداث فوضى لتمكين الكيزان اقتصادياً) 2ـ رفع الدعم عن السلع الضرورية وعن التعليم والصحة 3ـ الخصخصة ....(تفكيك المؤسسات الحكومية وتدميرها) هذا هو المثلث الذي قدمه واحدثه هذا الرجل ...ودعنا عن كلامه .... سياسة حمدي اضرت بكل السودان الحضر قبل البادية...والمركز قبل الهامش.

Quote: هذه الحكومة لا يعول على أي شيء تفعله أو تنوي أن تفعله هذه الحكومة تفعل ما هو لصالحها فحسب دون اعتبار لأي جزء من الوطن هي تكيل بمكيالين ما يوسع النعرات بين الأهل في كافة أنحاء السودان دون أن تميل إلى جهة بعينها لأن الجهة التي تميل إليها هي جهتها التي تحكم، جهة مصالحها فقط لا يعول على أي شيء من هذه الحكومة منتهية الصلاحية منذ يومها الأول وثق أن التاريخ سيمحوهم بغلظة... تحياتي، محبتي واحترامي

Quote: .قرفنا من حكم الاجانب والاقليات. ورزالة مصر واديولجياتها الناصرية والشيوعية و الاخوان المسلمين .. ودئما ما تمر عبرهم المخططات الاجنبية المدمرة...وقررر ط علي كده,...

Quote: بعض الناس يمتعضون من سماع هذا المصطلح الذي ولج الساحة السياسية وأصبح واحد من المصطلحات التي أسهمت في فك طلاسم الأزمة السياسية في البلاد.

Quote: هو مصطلح سياسي ممكن يتقبل لكنك وكل العنصرييين المعاك بقيادة صديق مصرييين تعملو جغرافيا الله بسعلك حميدتي تصنيفو شنو

Quote: ان أكثر ما أضرنا هي الرؤية السطحية والحكومات الشمولية والان الجهوية والقبيلة التي كرسها الانقاذ وأعتقد للخروج من هذه الازمات لابد من دستور واضح يلتف حوله السودانيين و يحفظ حقوقهم كمواطنيين بعيدا عن أي عرقية أو معتقدات دولة مدنية و تنمية متوازنة لكل السودان و تعديل المناهج التعليمية و الاعلام المحايد . يجب أن تختفي هذه النظرة المسميات والنظرة الجهوية

Quote: هلا بيك سمعة صديقي و صديق والدي رحمه الله رحمة واسعة و انت رجل بقامة شعبي واهلي لك التحية

Quote: ول ابا سماعين الله يخضر ضراعك وينطيك العافيه العالم دي شغالة سياسة ضد السودان كله ولسوء حظنا جات الانقاذ بحثالة ساسة السودان في حكومة واحدة بدل ماكانو موزعيين في احزاب اخرى جمعوا كل الانتهازيين وعديمي الذمة والاخلاق والذين لم يمتهنوا السياسة الا من اجل الوصول لمصالحهم الشخصية وما في بالهم وطن او مواطن والحكومة العفنة دي تعرف مكان العفن وين , لم نسمع من تلفزيونات الحكومة بمشروع استثماري وطني اواجنبي والا ذهبوا به لولاية النيل تحديدا واقاموا مشروعهم هناك وكأن السودان لاتوجد به ولايات يمكن الاستثمار فيها ، شغل فيهو استفزاز للمشاعر كأنو عندهم تار مع اهل الهامش لكن قسما عظما ليهم يوم اسود في انتظارهم وكل واحد بنى عماره او عمل شركة من العدم ناس حلتو عارفينو وعارفين ساسو من راسو والحساب يجمع .

Quote: هل سمعت فى تاريخ السودان زعيم قبيلة بقاري دعى مستعمر للمبيت ببيته واكرامه خمرا ، التى قال رسولنا الكريم لعنة الله على شاربها وحاملها والمحمولة الية "بايجاز" هذه هي أفعال مثلث حمدي ، ومثلث الشر الثلاثي مخدرات - ودعارة _ ولواط ، فقد انتشرت بعد تطبيق خطة مثلث حمدي ، لن تتعظوا حتى تروا ما رأيتم فى سابق الأزمان واقعا ، بالأمس القريب حبة عيال قعطوا طريق الجيلي عطبرة ولا حتى راجل واحد مات من أجل ماله مافي، انه امتحان أولي ، المرة القادمة سيدخلون بيوتكم وينامون فيها وأنتم تحرسون الأبواب ، فقط راقب الموقف وسترى .

Quote: خلي حميدتي ورينا رايك في الكتابة بتاعت صديق دي عشان تعرف اتو حولتو المصطلح للجغرافيا كيف

Quote: يا اخ حامد بدري لك التحية و السلام. خلاس خلينا ولدكم حميدتي و من لف لفه ول ابا صديق جدير بالحديث عن وجهات نظره. ارجو التوضيح اكثر في مقصدك اعلاه . كيف يعني حولنا المصطلح للجغرافيا ؟؟؟؟

Quote: الله حق معقولة مافهمتا حولتو للجغرافيا كيف رغم النموذج بتاع كلام صديق اخرتا تجي تجي تقول دي وجهة نظر معقولة واحد بي حجر واحد يرمي شعوب وقبائل بالدياثة والخمور والرزيلة واللواط تسميها وجهة نظر غايتو لقيتك جبان عديل وخواف الكلام ده لو قالو جدي العمدة حامد اقوليو عيب

Quote: Makawi Fadel · مدير مالي في Fal Motors Co. يا اسماعيل السلام عليكم والله حكاية تقسيم السودان لجلابة وغرابه والغرابه تقسيمهم لعرب وزرقه حسب ما نسمع مايصب الا في مصلحة الحكومة وتطويل عمرها والحكومة دي ما عندها اقليم مميز ولا قبيله مميزه هي كل يوم بوجه وبتفتش على مصالحها والشئ البطول عمرها زي ما واحد في الاخوان قال ليك لمت حثالة السياسين والمترديه والنطيحه وما اكل السبع من السياسين والانتهازيين والله انا من الشمال بالتحديد من منطقة دنقلا والقولد نحن هذه الحكومة ما زادتنا غير معاناه وانا اكد ليك بان في قريتنا بالذات المركز الصحي والمدرسة والجامع نحن بنيناها من حر مالنا نحن المغتربين والمغتربين في السعوديه فقط عشان كده حكاية انو في تنمية في الشمالية دي انا ما شفتها اما حكاية المشاريع الاستثماريه كل وزير ولا معتمد عائز ياكل لنفسه فقط

Quote: بمشروع استثماري وطني اواجنبي والا ذهبوا به لولاية النيل

Quote: طبعا دي الجهوية التي ورط فيها الأنقاذيون اهل السودان وجعلكم تبلعون الطعم. انا من مديرية النيل ومن قرية اسمها فتوار من اغنى قرى السودان سكانها حوالي 5000 نسمة

Quote: طبعا دي الجهوية التي ورط فيها الأنقاذيون اهل السودان وجعلكم تبلعون الطعم. انا من مديرية النيل ومن قرية اسمها فتوار من اغنى قرى السودان سكانها حوالي 5000 نسمة اشهد كل من دخل هذا البوست: • نشرب من موية النيل مباشرة بدون واسطة وقاعدين نلوك الموية في بعض الأشهر. • توجد لدينا نقطة غيار بها ممرض تم بناؤها في عام 1951 • نستخدم الفانوس بتاع الجاز اللبيض لمذاكرة العيال وزي ماقالو ضلمتنا تتكل عليها العجلة.(ما تقول لي كهربتكم كيف) • لم نسمع من قريب او بعيد بشيء اسمه شارع الزلط. عليك الله سيبنا بلا استثمار بلا تنمية

منطقتي تبعد عن دنقلا خمسة ساعات فيها انسان العصر الحجري يموت فيها المواطن بالعقرب لامستشفى لامدرسة لامشاريع لا زراعة واتمنى انك تزورها عشان تعرف انو حتى ابسط مقومات الحياة من نداء الطبيعة للاكل والطاحونة والوابور والجاز معمولات بي جهد ابناء المنطقة في المهجر ولاوجود نهائي لحكومة مكرفون الله اكبر فرشات المسجد والمدرسة حدها الابتدائي الباقي تهاجر ليو والمستشفى برضو
من يومين في صورة لطالبات ثانوي راكبين عربة اشبه بعربة النظافة جاريييها تركتر وجنبها عربات الجماعه الاتا مسميهم مثلث حمدي عبرت تماما عن حال البلد
ارجوك اتا اتعامل مع الحكومة وسميها زي ماداير بس ابعد من الجغرافيا قول تاني جغرافيا شنو عشان اخليك وامش
المنطقة بتاعتنا لامن جاها البنطون قبل سنتين ضبحنا ليو الخرافان والتيوس البرية

Quote: هذه هي تشكيلة حكومة مثلث حمدي ،

Quote: الحكومة دي الان حاميها حميدتي ممكن نعتبرو مثلث حمدي فرع الغرابه Quote: أترك المراوغة ورد على جوهر تشكيلة الحكومة

حبل قيطان..

Quote: حبل قيطان..

Quote: Quote: الحكومة دي الان حاميها حميدتي ممكن نعتبرو مثلث حمدي فرع الغرابه Quote: أترك المراوغة ورد على جوهر تشكيلة الحكومة النظام ده عرابو الكبير منو حبل قيطان..

Quote: قيادة القوات النظامية والأمن ورئاسة الجمهورية والنائب الأول ووزير الدفاع ووزير الخارجية ووزير الداخلية وزير الأمن والمخابرات اللاوطني ووزير الاستثمار ووزير الطاقة والبترول ووزير المالية ورئاسة الهيئة القضائية ورئاسة برلمان السودان ونوابه وكل السلك الدبلوماسي وبنك السودان وكل البنوك

Quote: الارقام اعلى صوت من الكلمات .. لن ينصلح الحال الا اذا تحققت العدالة و المساواة في توزيع الوظائف و الفرص الاستثمارية و التجارية في (امسودان) كما يقول ول ابا كبر.

Quote: جربنا ودتور شين ورانا العدالة ضحى والان مثلث حمدي يالله خلونا نشوف حكومة من الشرق او الصعيد عشان يكتمل التمشيط في مختلف بقاع السودان

Quote: الأطروحات العنصرية التي يقدمها النظام دون استحياء يجب عدم السكوت عنها بل علينا عدم التوقف عن كشف زيفها وبطلانها ومدى خطورتها في ضرب النسيج الاجتماعي.