|
|
 الملوحة احلا فى السودان
|
01:57 PM Sep, 14 2015
سودانيز اون لاين
محمد النيل-
مكتبتى فى سودانيزاونلاين
بصراحة الملوحة فى حياة الشقق دى ما عندها اي منظر فى الظلط
دخاخين القراصة وريحة الشقة الواحد ما بقدر اتمغى فى الملوحة كويس
الملوحة عشان تستمتع بيها لدرجة ان تنسطل وتكون ما عايز زول يتكلم معاك بعدها عايزة ليها عوامل كتيرة اوﻻ مكان ضربها يكون فى راكوبة ول ضل حيطة الصباح فى الشارع
نمرة واحد ﻻزم تكون فى السودان
نمرة 2 ﻻزم يكون اليوم جمعة
نمرة تلاتة ﻻزم الجو يكون موائم ومناسب ﻻطلاق الماكوك الفضائى
المكوك الفضائى ما بيطلقوه فى اى لحظة واى وكت
عايز جو خاص ومكان خاص
المكان الخاص يجب ان يكون البيت الكبير
البيت اللى بيتلموا فيه كل الاسرة يوم الجمعة
عشان كدا قلنا يوم الجمعة
الجو يفضل يكون ممطر ودعاش مثير لقرصات المعدة من شدة الجوع
جو ممطر حلو زى يوم الليلة دا فى وﻻية الخرطوم
ورابعا وخامسا وعاشرا
قبلما تبدوا صناعة الملوحة ﻻزم تتأكدوا أنو بلح القنديلة جاهز
حتى بعداك القراصة على شرط 4 بوصة بمعايير مقاس السجانة مغلق الف صنف وصنف مقلوبة فى دوكة صاج حقيقية
يا جماعة فى الطوة ﻻ يجوز والف ﻻ
ﻻنو دى ح تأثر فى مقاسات القراصة وتبوتقها فى مقاسات محدودة
دقيق قمح اصلى وارد دنقلا، ما يكون مخلوط معا. اى دقيق فينو ﻻنو كدا بيكون فى خطورة على المكوك الفضائى وهو نازل الارض بعد انتهائه من المهمة المكلف بها
ملوحة ماركة مسجلة وارد جبل اولياء مختومة من ادارة المواصفات والمقاييس
والى اللقاء فى الحلقة الثانية
|
|
 
|
|
|
|
محمد النيل
احمد حمودى
فيس بوك
تويتر
انستقرام
يوتيوب
بنتيريست