|
كتب الكاتب الفاتح جبرا المتوفرة بمعرض الدوحة
|
|
 Re: مسدار الوصيف .. في زمن الخمسة والتنتيف (Re: عبد العزيز محمد عمر)
|
Quote: لاخبر الاكيد قالوا الهلال اترشــــه
جوه استادو الاتحاد عدّمو القشــه
بقينا ما فارزين اندرزينهو من بشـه
وجمهورو نام بالحسرة بدون يتعشه |
ود البشاري .. مع التحية ..
لقد وصفت حالتي يوم أمس والحالة مطابقة علي 100%
كنت مدعو يوم أمس للمشاركة بمداخلة في ليلة عن ( نوبة الشمال والجبال )
وذهبت إلى فندق نباريس في جدة بعد المباراة ..
رغم أن العشاء بوفيه مفتوح إلا أنني تناولت ( شوية سلطة ) فقط
حتى المداخلة الخاصة بي عن نوبة الشمال جاءت دون طموحي ..
ود البشاري .. هل هناك ما يسمى بالخروج النهائي في السودان ؟ عشان البرازيلي الاهبل ده وصاحبه الثاني ؟
التحية لجمال السنوسي .. ومودتي .. الله يهون يوم الخميس الجاي مع ناس قريعتي راحت في مقاهي الهنداوية ..
مع حفظ حقوق أخونا الرائع المليك في مصطلح ( قريعتي راحت ) ..
تحياتي للاخ جمال .. اللهم أنصر الهلال في المباراة الثانية ..
أتمنى ان يكون النهائي ( هلال مريخ ) يا أخي الشيء الوحيد الذي سوف يجمل وجه الوطن .. وسط هذا القبح ..
مودتي بلا حدود ..
| |
 
|
|
|
|
|
|
|
|
Re: مسدار الوصيف .. في زمن الخمسة والتنتيف (Re: علي عبدالوهاب عثمان)
|
آآ ناس ابو الهل دي ديمه عوايدو
من دور الاربعة تاني ما بتشاهدو
والوجع والصفر الكبير ديمه مقالدو
اظن السبب الكوكي ولا مساعدو؟
ههههههههههههه@علي عبد الوهاب عثمان
بالجد حالة (سعبه) شديد
Quote: ود البشاري .. مع التحية ..
لقد وصفت حالتي يوم أمس والحالة مطابقة علي 100% |
عارف لو ركزتوا في (ورقكم) فريقكم كان احسن
بعد مباراتنا مع مازيمبي صاحبي هلالابي قعد يتريق علينا
ولما سألته عن مباراة الهلال واتحاد العاصمة قال لي:
دي مضمونة في الجيب وحنفوز 4-1
تصدق لغاية هسي ما لامي فيهو 
مسعولين من الخير : سيد (البوكس) البوست وين؟
| |
|
|
|
|
|
|
|
|
Re: مسدار الوصيف .. في زمن الخمسة والتنتيف (Re: عبدالعزيز الفاضلابى)
|
Quote: مع تمنياتي لهلال السودان
بالانتصار في الجزائر والمريخ يكمل جميله في الكنغو
وليكن بعده الكأس سوداني |
قريبي الفنان المبدع .. هو ده الكلام ..
في شركتنا المصريين في صمت عميق بعد خسارة الزمالك 5/1
لكن لو النهائي بقى سوداني .. يومها سأمشي الخيلاء مثل الكفيل في الشركة ..
في إنتظار الهلال ..
مودتي أخي جمال ..
| |
|
|
|
|
|
|
|
|
|
Re: مسدار الوصيف .. في زمن الخمسة والتنتيف (Re: عبد العزيز محمد عمر)
|
الأخ الفاضل .. عبد العزيز ..
لك التحية وكل عام وانت بخير ..
Quote:
لا دخل للوطنية بالكورة... |
خلاس دا رأيك وانا بحترمو وبتمني منك احترام رأيي .
( والعديل رأي والعوج رأي )
Quote: ولكن عندما تلتقين ب ( جمال السنوسي أو خليل ) في ملف ضيق
فلا بد من إكرامهم وحسن وفادتهم ... |
مشكور علي الوصاية بما انه ما في حوجة ليها وكل الكلام انا كتبته مجرد مزاح
مع الشباب والمسدار المكتوب مني مجرد مزاح ولكن لايخلو عن موقفي تجاه
الالتزام بتشجيع فرقنا لما نكون مع فرق خارجية لو انت شايف دا ما عندو علاقة
بالوطنية يازول بجازك .. دا رائي انا . ومشكور .
| |
|
|
|
|
|
|
|
|
|
Re: مسدار الوصيف .. في زمن الخمسة والتنتيف (Re: عبدالعزيز الفاضلابى)
|
Quote: ود السنوسي دا شوفو ليهو دباره
شرد خلا البوست، كمان الحاااره
عفيناك دام بقيت للجلفوط شكّاره
تعال الله لا كسبم ناس سوسطااره |
ـــــــــــــــــــــــــــــــــــ
قولينا انت يا ود البشاري ما هي الدبارة
لينا يومين لافين من الشمال للجنوب بالسيارة
الزول ده فتشناهو في جدة كلها حارة حارة
ما خلينا مكان و باقي لينا بس نبلغ عنو ناس الطارة
والحل الاخير نمشي المطار نراجع منفستو الطيارة
| |
|
|
|
|
|
|
|
|
|
Re: مسدار الوصيف .. في زمن الخمسة والتنتيف (Re: طارق حرسي)
|
الفاضلابي اخوي
زولك جانا مدردق
ووقع في شر اعماله
Quote: هسع يا السنوسى كان ما شلاقة منك ساى
ده وكت تكتب فيهو بوست زى ده ,, |
جمال السنوسي الشلاقة ما بتغبــــاهو
قالوا الفيك بدر بيهو العليك اتناساهو
السنوسي فتح البوست وشرد خلاهو
درب الزعيم آ زول اخير تختــــاهو
كاساتو جويه مين في البلد دي سواهو
مريخنا العظيم الفرق جت تخشاهو
الجانا كلو انضرب وكوعو لحسناهو
كديابا رجع والفضيحة ماشه وراهو
وكلابا رجع محزون خشمو ما فكاهو
اخد المعلوم ولسه هنـاك راجـــياهو
والمارد الاحمر مازيمبي ما بخشاهو
هيييييييع كع كرع 
| |
|
|
|
|
|
|
|
|
|
Re: مسدار الوصيف .. في زمن الخمسة والتنتيف (Re: طارق حرسي)
|
Quote:
قولينا انت يا ود البشاري ما هي الدبارة
لينا يومين لافين من الشمال للجنوب بالسيارة
الزول ده فتشناهو في جدة كلها حارة حارة
ما خلينا مكان و باقي لينا بس نبلغ عنو ناس الطارة
والحل الاخير نمشي المطار نراجع منفستو الطيارة
|
يا حرسي الحالة دي ما ليها دباره
وصاحبك ما اظن تلقاهو بالسياره
يمكن يكون لابد او سافر السوسطاره
ماف حل الا يشوف ليهو سفــــارة
حالة (سعبه)
| |
|
|
|
|
|
|
|
|
|
Re: مسدار الوصيف .. في زمن الخمسة والتنتيف (Re: ABUHUSSEIN)
|
Quote: جمال السنوسي الشلاقة ما بتغبــــاهو
قالوا الفيك بدر بيهو العليك اتناساهو
السنوسي فتح البوست وشرد خلاهو
درب الزعيم آ زول اخير تختــــاهو
كاساتو جويه مين في البلد دي سواهو
مريخنا العظيم الفرق جت تخشاهو
الجانا كلو انضرب وكوعو لحسناهو
كديابا رجع والفضيحة ماشه وراهو
وكلابا رجع محزون خشمو ما فكاهو
اخد المعلوم ولسه هنـاك راجـــياهو
والمارد الاحمر مازيمبي ما بخشاهو |
ـــــــــــــــــــــ
كيفن ما بتغباهو نان البيعمل فيهو ده شنو موش من افكارو
زولك داير يخوفنا ويرهبنا بفريقا اتغلب منو بالخمسة داخل استادو
بالله كلمو قول ليهو نحن مازمبي ما بنخاف منو و ما بنهابو
الزعيم جاهز في المفخرة لاي فريق و مكشر انيابو
و اسأل الابطال القبلو الترجي ووفاق سطيف وباقي اصحابو
اصحابو دي يعني ليهم بطولات موش زيكم فريق باصفارو
قلنا ليكم وردينا ليكم فريق مازمبي في الخرطوم اهلا حبابو
والزعيم في انتظاروا يطقطقوا زي ما طقطق باقي اخوانو
يا زول ها ارجع ساااي دي كوررة وناسك اخدو المعلوم وفاتو
| |
|
|
|
|
|
|
|
|
|
Re: مسدار الوصيف .. في زمن الخمسة والتنتيف (Re: حسن فؤاد)
|
Quote: ود البشاري الزول شرد خلاس أنسا
الهلال برضو سوداني والحصل نكسة
ويا السنوسي حُكما تدي كوعك لحسة
ويا (مهيرة*) جهزي الرهط لبسة |
يا حسن زولك عمايلو ما بتدسه
قدّم الشينة وبقت ليهو دقســــــه
والرهط لابسو زي جلابيتو هسه
كيفن بعد دا كلو تقول لي انســـا؟
| |
|
|
|
|
|
|
|
|
|
Re: مسدار الوصيف .. في زمن الخمسة والتنتيف (Re: الامين موسى البشاري)
|
Quote: يا حسن زولك عمايلو ما بتدسه
قدّم الشينة وبقت ليهو دقســــــه
والرهط لابسو زي جلابيتو هسه
كيفن بعد دا كلو تقول لي انســـا؟ |
ـــــــــــــــــــــــ
انت يا ود البشاري مالك لايوق كده و كلو كلو ما بتنسا
جمال السنوسي زاغ من بدري وما معروف وين إدسه
من ديك وعييييييييييك زولك ادانا عجاج كرعينو و لي هسه
مريخنا عظيم بيضرب الكبار وفي الخرطوم ما بيعرف الفنسه
زولك شرد و البوست ده ما يبقي ليهو درس يبقي ليهو حصهـــــــــــــــــــــــ
| |
|
|
|
|
|
|
| |
جمال السنوسي
abas
طارق حرسي
الامين موسى البشاري
علي عبدالوهاب عثمان
محمد المرتضى حامد
Elmosley
محمد حيدر المشرف
يحي قباني
عبدالعزيز الفاضلابى
مني عمسيب
ABUHUSSEIN
صلاح أبودية
حسن فؤاد
فيس بوك
تويتر
انستقرام
يوتيوب
بنتيريست