|
هـجرة عصافير الوصيف من أمام مازيمبي الحلو (للبطيخاب فقط)
|
08:13 AM Sep, 13 2015 سودانيز اون لاين جمال السنوسي- مكتبتى فى سودانيزاونلاين
هـجرة عصافير الوصيف من أمام مازيمبي الحلو هـيج رحـيلا مـع الـغروب إحساس غلبني اتـحملو واتذكرت شماتي الزمان داير الوصيف يتـقبـلو ورجعـت خليت الـدموع يـنسابو ..ضحكاً ويـنزلو ليـه يا عصافير الوصيف فرحة مشاعري أشيلا كيف
خلف الزحام شـايف دعاء السترة بيقروهو الصباح ليه يـا وصيفنا ليه الأسف مين وضعك عكس الرياح وعارف دة ما أول خطر لوصيف سنين بـدون مزاح زي ما بتخاف مـن الضياع بنخاف عليك من السباع ليه يا وصيف ليه العنى مباراة مازيمبي والعكننة
وصيف الـسنين الـليلة مالو خوف السنين غـلّبو طراهو ذو القعدة الحريف وسبعة الوحدات وتعّبو زعزع قليبو خوف عجيب جهجه مسيرتو وهنضبو الـناس سعيدة بالهلال لا ضاق عذاب لا جرّبو وأنا سيد بلد هذا الوطن بهديهو كاس البطولة تمن
..... جمال السنوسي
( مع الاعتذار للشاعر الحلنقي ... و المرحوم وردي)
|
|
|
|
|
|
|
|
Re: هـجرة عصافير الوصيف من أمام مازيمبي الحلو (Re: جمال السنوسي)
|
الجميل جمال السنوسي ما كنت أحسب أن كورتنا بهذا القدر من الجمال الذي يؤدي إلى ميلاد شاعر رياضي قادم يخطو بسرعة نحو منصات التتويج وبرغم أنني طلقت كورتنا بالتلاثة منذ الرياضة الجماهيرية أيام طيب الذكر النميري ، إلا أنني أسأل الله أن يوفق الهلال في مسيرته المحلية والأفريقية ليهل علينا شاعراً رياضياً مكتملاً ينثر على صحراء حياتنا التي اصفرت واحمرت رزازاً من المياه الزرقاء النقية التي تعيد الجمال والتألق لكرتنا السودانية التي غابت طويلاً عن منصات التتويج ..
ويا مثبت العقل والدين ..
| |
|
|
|
|
|
|
Re: هـجرة عصافير الوصيف من أمام مازيمبي الحلو (Re: عبد الوهاب المليك)
|
المبدع جمال .. تناص وتوليفه رائعة .. بصراحة كده .. الخطير مازمبي .. أو إتحاد تطوان .. يبدو مهمة الهلال اسهل .. لأني أمس في قهاوي الهنداوية ( وحسب مصطلح المليك ناس قريعتي راحت ) وحسب تحليلهم إنه مازمبي أخطر .. لكني يا جمال صدقني تحليلهم أجمل من ناس برنامج الرياضة .. ناس على السليقة وكادحين لكن فهمهم عالي في الكورة والسياسة ..
مودتي .. الحمدلله .. سموحة عدت على الخير .. أنا الدنيا ما أكره إلا الهزيمة من المصريين .. الباقي هين ..
تحياتي ..
| |
|
|
|
|
|
|
Re: هـجرة عصافير الوصيف من أمام مازيمبي الحلو (Re: علي عبدالوهاب عثمان)
|
Quote: وبرغم أنني طلقت كورتنا بالتلاثة منذ الرياضة الجماهيرية أيام طيب الذكر النميري |
حبيبنا المليك .. صدقني نفس الحالة .. كده يا مليك كشفنا عمرنا للخلق .. لكن لم نجد أي مجال نسجل فيه إنتصار واحد إلا كرة القدم .. رغم أنها تجلب لنا بعض الافراح المؤقته في التصفيات الاولية .. ولكن لا نسجل واحد مليون في أي من المجالات الاخرى .. لينا شهر أكثر مبسوطين .. كده ما بطال .. وأنا رجعت أشجع الكرة بعد أكثر من اريعين عام .. لأن الرياضة هي الأقل قبحاً في الوطن ..
تذكر هدف قاقارين وكأس الذهب .. من هناك تاني ما رجعت إلا قبل كم شهر تقريباً ..
معليش .. حبيبنا جمال الرائع .. لقينا الزول الدفعة وأخذنا راحتنا معاه ..
مودتي بلا حدود
| |
|
|
|
|
|
|
Re: هـجرة عصافير الوصيف من أمام مازيمبي الحلو (Re: علي عبدالوهاب عثمان)
|
Quote: المبدع جمال .. تناص وتوليفه رائعة .. بصراحة كده .. الخطير مازمبي .. أو إتحاد تطوان .. يبدو مهمة الهلال اسهل .. لأني أمس في قهاوي الهنداوية ( وحسب مصطلح المليك ناس قريعتي راحت ) وحسب تحليلهم إنه مازمبي أخطر .. لكني يا جمال صدقني تحليلهم أجمل من ناس برنامج الرياضة .. ناس على السليقة وكادحين لكن فهمهم عالي في الكورة والسياسة ..
مودتي .. الحمدلله .. سموحة عدت على الخير .. أنا الدنيا ما أكره إلا الهزيمة من المصريين .. الباقي هين ..
تحياتي .. |
علي عبد الوهاب ..
ايها الأزرق الجميل
سيد بلد
وقريبا سيد أفريقيا الاول
ناس قريعتي راحت ديل هم نكهة الحياة
بدونهم يصبح الملح مسيخا والسكر ترابا
وتحياتي لكل روادالقهوة
| |
|
|
|
|
|
|
Re: هـجرة عصافير الوصيف من أمام مازيمبي الحلو (Re: عبد الوهاب المليك)
|
Quote: الجميل جمال السنوسي ما كنت أحسب أن كورتنا بهذا القدر من الجمال الذي يؤدي إلى ميلاد شاعر رياضي قادم يخطو بسرعة نحو منصات التتويج وبرغم أنني طلقت كورتنا بالتلاثة منذ الرياضة الجماهيرية أيام طيب الذكر النميري ، إلا أنني أسأل الله أن يوفق الهلال في مسيرته المحلية والأفريقية ليهل علينا شاعراً رياضياً مكتملاً ينثر على صحراء حياتنا التي اصفرت واحمرت رزازاً من المياه الزرقاء النقية التي تعيد الجمال والتألق لكرتنا السودانية التي غابت طويلاً عن منصات التتويج ..
ويا مثبت العقل والدين .. |
اخوي عبد الوهاب المليك
الشهير بي ناس قريعتي راحت
ياخي انت جميل والجابك ليا هو ذاتو جميل
وانحن البطيخاب ديل قنطرناهم للمدعو مازميبي
قاتل الحمام في مسك الختام
وسيكافا على الابواب
والوصيف الاول
كما هو معروف
| |
|
|
|
|
|
|
Re: هـجرة عصافير الوصيف من أمام مازيمبي الحلو (Re: جمال السنوسي)
|
الجميل جمال السنوسي
حيث أن مؤهلاتنا ومعلوماتنا لا ترقى إلى مستوى الخوض في هذا المضمار ، وحيث أن الشاب الحريف علي عبد الوهاب عثمان مؤهلاته وخبراته تؤهله للسير في هذا الحوار إلا أنه متدثر بالعباءة الزرقاء عليه فإنني ألتمس من الاخ تاج السر محمد حامد هو من كبار المستثمرين المتمخطرين في حقول عباد الشمس بالدخول لهذا البوست حتى يحفظ لنا توازنه
ويا مثبت العقل والدين ..
| |
|
|
|
|
|
|
Re: هـجرة عصافير الوصيف من أمام مازيمبي الحلو (Re: MOHAMMED ELSHEIKH)
|
Quote: الوصيف دي وصف لمن؟؟؟؟
المريخ احرز كاس مانديلا عام89م
وريني الماوصيف احرز شنو عشان يكون عندو وصيف؟؟؟؟؟
الوصيف والصفرابي وجهان لشلن واحد |
ود الشيخ
يا حليل الشلن البكفيك اسبوع ويا حليل الفريني الكان مبلوع ويا حليل القرش الكان مدفوع ويا حليل الفريق الكان مبيوع
مازيمبي جااااااااااااااكم
| |
|
|
|
|
|
|
Re: هـجرة عصافير الوصيف من أمام مازيمبي الحلو (Re: علاء سيداحمد)
|
[Quote: وحيث أن الشاب الحريف علي عبد الوهاب عثمان مؤهلاته وخبراته تؤهله للسير في هذا الحوار إلا أنه متدثر بالعباءة الزرقاء |
أخونا المليك .. المندوب السامي للكادحين ( ناس قريعتي راحت ) صدقني .. أنا مصطلح حمام في مداخلة اخونا علاء الدين ما فهمته .. لكن زميلي في المكتب محمد عبدالله الامين ( هلالي ) شرح لي المصطلح .. يازول نحن خلف التاريخ .. لكن أكثر ما أتمتع به قراءة وسماعاً ومشاركة ( عكننة الاخوان والاحبة ) وخاصة الشباب عندهم لغة إلا بالقوقل .. حبيبنا جمال .. رش المريخاب ديل .. بالقوافي والاشعار ..
بوستمريح .. شكراً جمال ..
| |
|
|
|
|
|
|
Re: هـجرة عصافير الوصيف من أمام مازيمبي الحلو (Re: علي عبدالوهاب عثمان)
|
هههههههههههههههههههههه والله يا القرعاب يا الصفراب امركم يحير فجأة غيرتو 180 درجة من خطورة اتحاد جزائر وجعلتو مازيمبي خطير ولكن ليكم الحق تقولوا مازيمبي خطير مش هو الغلبكم خمسة وفي عقر داركم احيييييييييييي يابطني
انتو مش الرابع في نقاط المتأهلين ولم تفوزوا خارج ارضكم قولوا بااااااااااع
| |
|
|
|
|
|
|
Re: هـجرة عصافير الوصيف من أمام مازيمبي الحلو (Re: حمزاوي)
|
Quote: هههههههههههههههههههههه والله يا القرعاب يا الصفراب امركم يحير فجأة غيرتو 180 درجة من خطورة اتحاد جزائر وجعلتو مازيمبي خطير ولكن ليكم الحق تقولوا مازيمبي خطير مش هو الغلبكم خمسة وفي عقر داركم احيييييييييييي يابطني
انتو مش الرابع في نقاط المتأهلين ولم تفوزوا خارج ارضكم قولوا بااااااااااع |
يا حمزاوي
وجع البطن بعد العيد مباشرة
خليكم جاهزين
كتروا الشية
والمرارة النية
والشربوت خمروهو
عشان ما يفك يوم الكورة
الدفن قررررررررب خلاص
مازيمبي عنيد
كاش عزو ما بلزو
| |
|
|
|
|
|
|
Re: هـجرة عصافير الوصيف من أمام مازيمبي الحلو (Re: طاهر بدر)
|
Quote: بالجد ... نحن محتاجين يا جيمي انو نتمنى لي بعض التتويج في الفرصة التاريخية دي ... ونعلى الصوت بالمثل الصيني (إطفاء شمعة جارك ...لا يزيد من ضوء شمعتك ) |
طاهر
شمعة شنو
وضوء شنو
نحن ضد النجمة حتى لو لعبت كاس الشجرة ( الله يرحمك يا نميري)
واضحين عديل
اضرب النجمة لمن تقول كفاني
وزيدني من ضلك شوية .. وكتر الاوصاف عليا
بكرة ما زيمبي يبقى لي ... والغلب نيرانو حية
| |
|
|
|
|
|
|
Re: هـجرة عصافير الوصيف من أمام مازيمبي الحلو (Re: عبدالعظيم عثمان)
|
هلا جيمي
هل اتحتفتنا بالغراب في الغناء السوداني
ذكرت البين ليه ياغراب... صياحك يافراق يا خراب... ديار أم زين كانت قراب... غبن بانن في السراب
ودائما الغربان مربوطة ( بالرحيل ودق العيش )
طال عذابي وصاح غرابي جوى عكران دمعي هامي وشوقي نامي وفرشي نيران
لا عايزين مازيمبي لا عايزين الهلال نجيب ليكم العلمة
| |
|
|
|
|
|
|
|