08:34 AM Sep, 12 2015 سودانيز اون لاين طلحة عبدالله- مكتبتى فى سودانيزاونلاين
عشان يا شردتو من الغناء المتشعبط فيهو دا يا كمان جاهد فيني وفجرني بى حزام ناسف ... معقولة ياخ ..؟؟؟؟؟؟؟؟ بى هنا شرف الفحل وطه سليمان وندي القلعة وشنو وشنو وبى هناك فاطنة الصديق والهندي عزالدين .. اللهم لا تمحنا لا تبلينا .
سلام وتقدير يا مرتضي حقيقة أنا طه سليمان ما إنتبهت كتير لأدائه لكن غايظني تعولق المظهر بتاعو دا .. ياخ أنت المفروض فنان يعني قدوة للشباب شنو مرة ظاهر بى برمودا ومرة بى سفنجة ومرة بنطلون سترتش ومرة شعر موج وما عارف شنو .. هو طبعا حر في شخصيتو لكن من جانبي مستحيل أنظر ليهو كفنان .. بل مجرد متعولق .
طه سليمان عندو امكانيات صوتية كبيرة جداً .. مبدع حقيقي لما يغني النص الصاح
إشكاليتو الكبيرة في الغناء الهابط والأعمال الخاصة بتاعته اغلبها إن لم يكن كلها تعبانة ومبتذلة ناس عسولي آت هوتميل وكتمتو نفسو وكاتبني وين عند ياتو شيخ حاجات كدة تستغرب بتجيب ليها جمهور من وين طه عندما يمثل نفسه فاشل تماماً ولا يمكن اعتباره فناناً .. عبارة عن امكانيات صوتية مهدرة لكن عندما يتغنى للعمالقة بالأعمال العملاقة تتجلى ملكاته الصوتية كأبهى ما يكون الابداع
أحمد محمد عمر سلامات زي ما قلت فوق حقيقة أنا ما تابعت الأخ دا متابعة نقدية لكن كم مرة شفتو لابس لبس عبيط لا يليق بفنان ودا ذاتو الخلاني ما أضيع زمني معاهو .. أها كلامك الفوق دا بعضد وجهة نظري فيهو من جهة الأداء لاعتقادي أنو الفنان ( الفنان ) يجب أن يكون مبدع في أعمال تخصه.. حكاية إجادة أغاني الكبار دي في السهلة على قفا من يشيل، مثلا عندي ود عمتي في البيت بالعود ممكن يقعد يغني ليك لأي فنان لما تستغرب وتحلف تقول دا الأصل، والعجب لو كانت القعدة ذات عصرية في رمال حلتنا .. أخخخخ بس هو ما محترفا زي ناس طه ديل ماخدا هواية ومزاج وزي ود العمة دا أراهن أنهم بالألآف منتشرين في أركان البلد الواسعة دي لكن بس ما سكوها .
09-12-2015, 08:35 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18023
ياسر يا صديق مالك عايز ترمي بنفسك للتهلكة ؟؟؟؟ خليني أصلو أنا مارق للجهاد في سبيل سلامة الذوق الفني وأهلك القدامي قالوا : الممطورة ما بتابا الرش .. خخخخ
09-13-2015, 11:12 AM
ياسر منصور عثمان
ياسر منصور عثمان
تاريخ التسجيل: 01-16-2013
مجموع المشاركات: 4496
لا تزال ( مفرخة ) ما يسمى بفناني الشباب مستمرة في عملها تحت ما يسمى بمشروع ( فنان لكل مواطن ).. وشخصياً أتمنى ألا يكون ( معتز صباحي ) من نصيبي ... وكذا ( شريف الفحيل )...
09-13-2015, 07:38 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
يا هيثم في الكورة أي مشجع متعصب ينزل من المدرجات يمش الصحافة الرياضية يشتم ويلعن ويسب ويسخر من الفريق التاني دا أصبح صحافي كبير ليهو مكانتو وهيبتو في الوسط الرياضي .. دا بالضبط حال الغناء .. والدليل ناس شرف الفحيل ديل بقي عندهم جمهور .. والله فعلا حالة تهيج مصارين البطن .
09-14-2015, 11:11 AM
اباذر عبد العال
اباذر عبد العال
تاريخ التسجيل: 03-26-2015
مجموع المشاركات: 874
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة