Quote: اخبار السعودية اليوم - بالصور.. داعية سعوي يحوّل سهرة غنائية إلى دعويّة بالسودان
تواصل – خالد الغفيري:
حوّل الداعية السعودي محمد ثامر المطيري سهرة غنائية راقصة بالسودان إلى موعظة دعوية حضرها ما يزيد على 3 آلاف شاب في الساحة الخضراء بالعاصمة الخرطوم.
وقالت مصادر لـ”تواصل” إن منشطاً دعوياً معداً للداعية المطيري كان مساء أمس الجمعة، وبجواره أُقيم حفل غنائي، فذهب “المطيري” بأسلوب لطيف أقنع به المنظمين لتحويله من سهرة غنائية إلى دعوية تفاعل معها الحاضرون الذين قدر عددهم بنحو 3 آلاف شاب ولم يغادر منهم أحد.
يذكر أن “المطيري” يقوم بجولة دعوية في السودان لتقديم برامج لنشر العقيدة الصحيحة، والمنهج الوسطي، وتستضيفه منظمة المعالي الخيرية التي يترأس مجلس إدارتها الشيخ محمد عبدالكريم.
09-06-2015, 04:55 PM
عماد حسين عماد حسين
تاريخ التسجيل: 06-11-2011
مجموع المشاركات: 7066
Quote: سلامات يا عمدة و لعلك طيب يا عماد تصدق لو واحد منكم او من اي جماعة سلفية أخرى من الجماعات الكثر التي تتصارع على الساحة الدعوية في السودان -في شوية خبث هنا خلي بالك ههههه- اقول لو اي واحد من الأخوة السودانيين هو من خاض هذا الحوار و كسبه او خسره في لكان الأمر معقولا و مبلوعا ففي نهاية الأمر هذا حوار صحي و حراك مجتمعي طبيعي نحتاجه لتضح الأمور و تتباين المواقف شريطة أن يتم في جو من الحرية و احترام الآخر. اما أن يستبيح هذا المطيري الذي لا يمكن لك كسوداني في بلده أن تفعل عشر هذا الفعل فهذه و الله من الطوام كما تقولون. السعوديون مؤخرا نما لديهم اعتقاد أنهم وكلاء الله في الأرض لا يسألون عما يفعلون يسافرون للقاهرة و للخرطوم و لمراكش و غيرها يقيمون الندوات و يزرعون الفتن ما ظهر منها و ما بطن بين مكونات تلك الشعوب ضاربين عرض الحائط بالقوانين و الانظمة و الاعراف المحلية التي لا يعلمون عنها شيئا. انظر إلى اي منحدر سحيق قادوا سوريا و اليمن و مصر و غيرها بفقههم و دينهم القاطعينو من رؤوسهم البدوية الجلفة. لا و مطيري منتف بعد..هزلت.. و الله انه في جدة يخسا و يعقب اذا يقدر يسوي ربع اللي سواه في الخرطوم "الترجمة عليك هههه"
تسلم يا سيف
مجيء الدعاة السعوديين للسودان.. لأنهم يأتون لتفيذ أعمال خيرية، ويتكفلون بتكاليف رحلاتهم، إضافة إلى أن كثيراً منهم متمرسين في الدعوة.. ولذلك مجيئهم يعتبر مكسب.
تصدق.. في أطراف الرياض، عادي جداً ممكن تعمل درس للناس في المسجد
بل.. عندي واحد صاحبي عتيبي، مرة سافر وطلب مني أنوب عنو في صلاة الجمعة في حي النظيم، شرق الرياض..
أهــا.. العتبان كيف
09-06-2015, 06:46 PM
talha alsayed talha alsayed
تاريخ التسجيل: 05-26-2004
مجموع المشاركات: 5667
لو عماد حسين نفسه قدم خطبه مدتها خمسة دقائق كتبها له مفتي السعودية نفسه في مسجد في أي مدينة في السعودية بموافقة إمام المسجد سيعتقل فور خروجه من المسجد...
كلام لا يدخل العقل وأشك مليون مرة في صحته انه 3000 الف شاب وشابة جايين يحضروا حفلة قبلوا انها تنقلب لندوة سلفية وقعدوا بكل احترام استمعوا للشيخ بدل الفنان
09-07-2015, 02:32 AM
Abureesh Abureesh
تاريخ التسجيل: 09-22-2003
مجموع المشاركات: 30182
يا عمدة نحن ما عندنا مانع اى زول يدعو الناس للشئ المؤمن بيه ويعتقد فيه خير الناس.. بشرط عدم التطاول على الصوفيـة فى السودان لأن هؤلاء هم الذين (مسكوكم الشهادة) بعد ان فشل المسلون الدخول عبر مصـر.
09-07-2015, 05:45 AM
أسامة عبد الجليل أسامة عبد الجليل
تاريخ التسجيل: 04-29-2009
مجموع المشاركات: 1975
Quote: يا عمدة نحن ما عندنا مانع اى زول يدعو الناس للشئ المؤمن بيه ويعتقد فيه خير الناس.. بشرط عدم التطاول على الصوفيـة فى السودان لأن هؤلاء هم الذين (مسكوكم الشهادة) بعد ان فشل المسلون الدخول عبر مصـر.
ياتو شهادة يا أبو ريش؟؟
الشهادة عندها حق.. والصوفية نفسهم غير قائمين بحقها
شوف الجهال ديل.. كيف يطوفون بالقبور
هسع ديل ناس مؤهلين لنشر دين صحيح
09-07-2015, 07:33 AM
عماد حسين عماد حسين
تاريخ التسجيل: 06-11-2011
مجموع المشاركات: 7066
Quote: Ahmed Mohammed يا شيخ عماد والله وعلى ما اعتقد مرات تخونك البلاغة في النعت .. يا اخي والله والله ظلمت الورل ؛ ياخي الكدروك الخنزير شنو البتشبهو بالورل ؛؛ الورل اذا لزمت الضائقة ممكن تاكل لحمه وتستفيد من جلدو ؛ تضبب سكينك تب وتبقى مارق .. لكن الحلوف دا لو لمسته بايدك ساكت حرام . أعجبني · رد · 8 ساعة
خلاص.. عشان خاطرك يا أحمد..
حلوف، وكدروك برضو
09-07-2015, 06:16 AM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
Quote: لو عماد حسين نفسه قدم خطبه مدتها خمسة دقائق كتبها له مفتي السعودية نفسه في مسجد في أي مدينة في السعودية بموافقة إمام المسجد سيعتقل فور خروجه من المسجد...
علي ماذا استندت وانت مقيم في السعودية وتكيل لها الاتهامات
-------- جزا الله اخونا الشيخ الداعية وكل مشايخ السعودية لتحملهم الدعوة في السودان وكل مجاهل افريقيا
بالمناسبة الان اغلب مساجد السودان تم بناها علي يد سعوديون المشكلة وين وماخدين راحتهم ونحن فرحانين بيهم الزعلان يمشي الضل !!!!!
09-07-2015, 06:43 AM
Abureesh Abureesh
تاريخ التسجيل: 09-22-2003
مجموع المشاركات: 30182
ثم انو وين الضل؟؟؟؟؟ (عدل بواسطة Haytham Ghaly on 09-07-2015, 06:27 AM)
اول شي السلام عليكم اخ هيثم غالي حكومة المشروع الاسلامي دي بي طريقتها نحن هنا نتحدث عما يفعله السلفيون السعوديون وقصور كافوري عند اَهلها حسيبهم الله في كل مظلمة او خداع للناس
وبعدين من لايشكر الناس لايشكر الله السعودية فضلها علي السودان لاينكره الا مكابر ده الضل زاته(:
09-07-2015, 08:33 AM
ود الخليفه ود الخليفه
تاريخ التسجيل: 07-21-2002
مجموع المشاركات: 3178
Quote: نحنا في سودان العز والكرامة ده.. غير مقتنعين باختياراتك الفقهية دي... شن قولك
اعرف مسبقا رايكم فيها ودي تحديدا ذكرتها ليك لانها سبب فرقة داخل السودان من بعض المتنطعين الذين جعلوا منها اختبار لمدى القرب والبعد من اهل السنة والجماعة وكانت سببا لخصومات ومعارك داخل بعض المساجد عدم اقتناعك بها شي طبيعي ان تعمل باختيارات غيرها الما طبيعي ان تكون هي مقياس والخلاف فيها مشهور
حاتم العوني من حنابلة كنت اظنهم انتهوا مع ابن الجوزي وابن عقيل وغيرهم من الفضلاء وهو استاذ علم الحديث في الجامعات السعودية وهو منصف حين عز الانصاف وغير متعصب وكالعادة يحذر منه الغلاة له صفحة نشطة بالفيس والتويتر
09-07-2015, 12:37 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4160
Quote: علي ماذا استندت وانت مقيم في السعودية وتكيل لها الاتهامات
أنا لم أكيل الاتهامات وهذه هي الحقيقة وهم احرار فيما يروا أنه هو الصالح لهم وأنت تعلم صحة ما قلته بدليل أنك لم تنفي صراحة ما قلته وتقول بأنهم يسمحون لغير السعودي بالتحدث وتوجيه الكلام للناس في المسجد أو خارج المسجد ذكرت أنا المسجد لأن الكلام فيه الأمر أهون وأيسر من الكلام خارج المسجد وفي الساحات العامة بالنسبة للسعودية طبعاً . وذكرت أن يكون الكلام من المفتي ليكون موافق لهم ولمنهجهم ...وذكرت موافقة الإمام لكي لا تقول لي أن الداعية الذي ذكرته استأذن من الشباب وتحدث بعد اذنهم ورضاهم وذكرت قصر المدة (خمسة دقائق ) باعتبارها مدة قصيرة لا تسبب أي حرج لا للإمام ولا إدارة المسجد ولا للمصلين. أما على ماذا استندت ...سأؤخر الإجابة حتى تنفي بصورة صريحة لي هذا الكلام الذي قلته وتقول أنهم يسمحون بذلك ...
Quote: بالمناسبة الان اغلب مساجد السودان تم بناها علي يد سعوديونالمشكلة وين وماخدين راحتهم ونحن فرحانين بيهم الزعلان يمشي الضل !!!!!
يا رجل خاف الله ...كمان أغلب مساجد السودان؟؟؟؟؟؟؟!!!!!!!!!!!! وبعدين عشان بنو مساجد للوهابية لنشر التكفير بين الناس ياخدوا راحتهم يعني؟؟!!
بعدين البيان بالعمل ...إنسان يصف محاورة فقط لأنه يختلف معه بــ ( الورل) هذا ينبئك عن حاله وعن حقيقة دعوته ومذهبه التي على الأقل لا تأمر بآداب الإسلام وبإحترام الآدمية وبحسن الخلق .
مش برضو بتوضح أن الحضور بهذا الكم، يعني أن هناك حركة دعوية لها أحبابها
بعدين انت ماشي بعيد مالك؟؟
انت مش من القضارف؟؟
أنا زرت مناطق البقباقةن الكريدة، عجب سيدو، وحلة أولاد الزين (الدرابي).
الكلام ده في منتصف التعسينات.. أيام التوتر مع إثيوبيا
بفضل الله، لقيت ناس قاعدين يعرفوا الدعوة السلفية من 40 سنة
ومعاك في القضارف ناس شيخ بشير التهامي، وغيرهم.. ولهم نشاط معروف وناس محترمين، ولهم أثر كبير في الساحة المحلية.. ومساجد السلفيين في القضارف وما حولها تشهد لهم بدورهم الفاعل.
09-07-2015, 02:27 PM
عماد حسين عماد حسين
تاريخ التسجيل: 06-11-2011
مجموع المشاركات: 7066
Quote: بعدين البيان بالعمل ...إنسان يصف محاورة فقط لأنه يختلف معه بــ ( الورل) هذا ينبئك عن حاله وعن حقيقة دعوته ومذهبه التي على الأقل لا تأمر بآداب الإسلام وبإحترام الآدمية وبحسن الخلق .
منتصر..
على قول الخلايجة.. ما عندك سالفة..
وعلى قول السودانيين.. ما عندك موضوع..
09-07-2015, 04:41 PM
عماد حسين عماد حسين
تاريخ التسجيل: 06-11-2011
مجموع المشاركات: 7066
Quote: عماد حسين وأنت تعتبر نفسك داعيه إلى سبيل الله فى هذا البورد وتنابذ محاورك دينق بالورل حتى إذا تجاوزنا عن ذلك ماهو مشروعية رد السلام حسب فكرك الوهابى ؟
يا عماد حسين انحنا بقينا نخاف من اى واحد يجينا من السعودية ...يخطب فينا....ذى عمك الميرغنى....بكرة يجينا مع اب عيون خضر....يقول عايز يحكمنا.....وكمان يقول نبوس يدينو وكرعينوا.....زولك دا خلى فى مكانوا.....لو دايرين تسمعوهو....اسمعوهو فى الياتوب....يرحمكم الله....الضاق ضرب الدبيب يخاف من جر الحبل.
09-07-2015, 05:17 PM
عماد حسين عماد حسين
تاريخ التسجيل: 06-11-2011
مجموع المشاركات: 7066
Quote: يا عماد حسين انحنا بقينا نخاف من اى واحد يجينا من السعودية ...يخطب فينا....ذى عمك الميرغنى....بكرة يجينا مع اب عيون خضر....يقول عايز يحكمنا.....وكمان يقول نبوس يدينو وكرعينوا.....زولك دا خلى فى مكانوا.....لو دايرين تسمعوهو....اسمعوهو فى الياتوب....يرحمكم الله....الضاق ضرب الدبيب يخاف من جر الحبل.
Quote: يا عماد حسين انت زول بتخاف الله....وما بتعرف الكذب....شيخك دا يقدر يتكلم عن فساد الحكام والامراء فى السعودية....او يقدر يتكلم عن موت حفظة القران فى دارفور....ويترحم عليهم ويصلى صلاة الغائب.... اذا كان زولك دا بيخاف ....على حسب كلامك بيكون قليل العقل والفهم....ولا كيف الكلام دا.
قادر الله
قبل شوية بتتكلم في اتجاه الخوف من العقائد والجماعات المتسللة.. وجبت سيرة المراغنة
ثم قفزت لقياس الحالة دي، بحالة أخرى (الحكام)
ده زاتو بيدل على قلة فهمك وأنك داير تماري وتجادل ساي
خليك في حتة الأفكار والخوف منها، وكيفية مصارعتها باعتبارك عامل فيها مثقف
أما حتة الانكار على الحكام.. دي خليناها ليك... تجي مكة وثبت شجاعتك وكمال عقلك
09-07-2015, 07:01 PM
عماد حسين عماد حسين
تاريخ التسجيل: 06-11-2011
مجموع المشاركات: 7066
Quote: يا رجل خاف الله ...كمان أغلب مساجد السودان؟؟؟؟؟؟؟!!!!!!!!!!!! وبعدين عشان بنو مساجد للوهابية لنشر التكفير بين الناس ياخدوا راحتهم يعني؟؟!!
منهج السلف الصالح منهج إصلاح وليس تكفير وانتشار الدعوة يفوق تصورك
والقال ليك منو بنو مساجد للوهابية بنو مساجد لكل أهل السودان وماتكابر ساهي مساجدهم منتشرة من أقصي الشمال الي أقصي الجنوب ومن الشرق الي الغرب مافي منطقة تخلو من مسجد أوأكثر تم بنائه من أهل الخير السعوديون
09-07-2015, 07:40 PM
عماد حسين عماد حسين
تاريخ التسجيل: 06-11-2011
مجموع المشاركات: 7066
Quote: منهج السلف الصالح منهج إصلاح وليس تكفير وانتشار الدعوة يفوق تصورك
والقال ليك منو بنو مساجد للوهابية بنو مساجد لكل أهل السودان وماتكابر ساهي مساجدهم منتشرة من أقصي الشمال الي أقصي الجنوب ومن الشرق الي الغرب مافي منطقة تخلو من مسجد أوأكثر تم بنائه من أهل الخير السعوديون
ديل واهمين يا محمد المسلمي
في بحري.. ما لا يقل عن 20 مسجد
في الأبيض.. ما لا يقل عن 20
في كسلا وما حولها... ما لا يقل عن 70 مسجد
دي كلها مساجد سلفيين
وأكبر المساجد التي يرتادها الناس في مدن السودان.. هي مساجد السلفيين
وحتى المساجد العامة.. لدينا فيها دروس
09-07-2015, 10:05 PM
سيف النصر محي الدين سيف النصر محي الدين
تاريخ التسجيل: 04-12-2011
مجموع المشاركات: 8995
التمويل و حرص الجماعات السلفية على التمويل السعودي رسميا كان ام شعبيا هو ما يدعوهم للاستعانة بالوعاظ السعوديين رغم بلاهتهم و عدم فهمهم للثقافة و المزاج المحليين. الله يستر يا عماد المرة الجاية تجيبوا لينا ابو زقم .
09-07-2015, 10:47 PM
Abureesh Abureesh
تاريخ التسجيل: 09-22-2003
مجموع المشاركات: 30182
وأكبر المساجد التي يرتادها الناس في مدن السودان.. هي مساجد السلفيين
وحتى المساجد العامة.. لدينا فيها دروس
أكبر أم أكثر ؟؟ التي ذكرتها مجموعها 110 مسجد خلينا في الخرطوم التي فيها أكثر تلك المساجد لو فرضنا أن ما في بحري هو ذاته في ام درمان والخرطوم 20x 3 = 60 مسجد ... 60 مسجد للسلفيين في الخرطوم العاصمة المثلثة عدد المساجد في الخرطوم العاصمة المثلثة وحدها يزيد على الأربعة ألف مسجد 4000 مسجد فلا هي أكثر المساجد ولا أكبرها.
يا شيخ عماد .. ياخي مالك على الناس دي ياخ بالله تاني لمن تجي تفتح موضوع زي ده أكتب في العنوان يمنع لذوي القلوب الضعيفة وينصح باستعمال أدوية الضغط والسكر حفلة وتبقى ندوة هههههههههههههه ده البجنن دينق ذاتو :)
09-08-2015, 09:10 AM
عماد حسين عماد حسين
تاريخ التسجيل: 06-11-2011
مجموع المشاركات: 7066
Quote: يا شيخ عماد .. ياخي مالك على الناس دي ياخ بالله تاني لمن تجي تفتح موضوع زي ده أكتب في العنوان يمنع لذوي القلوب الضعيفة وينصح باستعمال أدوية الضغط والسكر حفلة وتبقى ندوة هههههههههههههه ده البجنن دينق ذاتو :)
شايف البوست جاب الورل وتابعه .. والجهالي
حالة صعبة شديد
09-08-2015, 09:19 AM
عماد حسين عماد حسين
تاريخ التسجيل: 06-11-2011
مجموع المشاركات: 7066
من وجهة نظري أن الإخوة المعترضون على إقامة هذه الليلة منتصر ، ود الخليفة ومن لف لفهم يجب أن يتوجهوا باعتراضهم هذا إلى الحكومة السودانية فهي التي سمحت بإقامة هذه الليلة بدلاً من أن يخوضوا معركتهم هذه في غير معترك ...!! وكذلك بدلآ من الهجوم والتهجم على هؤلاء المشايخ وعلى بلدهم السعودية ...!! ثم من ناحية ثانية هل تأجيل أو إلغاء حفل غنائي يتطلب كل هذا العنت والجدال وهذه الحرب الضروس ؟؟؟؟ ياخي الأمر بسيط جداً لو كان الموضوع موضوع غناء ما عليكم إلا أن تفتحوا أي قناة سودانية في هذه اللحظة ومن طرف أتحداكم لو ما لقيتوا فيها واحد ( إهنق ) ولو كنت عايزنها حفلة مباشرة عليكم بالدخول لأي قاعة حفلات بالمساء وما أكثرها ... لكن على ما يبدو أن وراء الموضوع تصفية حسابات ......
09-08-2015, 12:54 PM
عماد حسين عماد حسين
تاريخ التسجيل: 06-11-2011
مجموع المشاركات: 7066
يا عماد الا تخافون أن ينقلب عليكم هؤلاء الالاف الذين تلقنونهم افكار ابن تيمية ويذبحوكم واهلكم بحجة الشركيات - حيث أن معظم اهل السودان من المشركين في نظركم - ثم يقرأون عليكم الآيات القرآنية حيث لا ينفع حينها توصيفهم بال" فئة الضالة؟" كيف تقنعوهم حينها بأن هذه الآيات مرحلية؟
"قاتلوا الذين لا يؤمنون باللّه ولا باليوم الآخر ولا يحرمون ما حرم اللّه ورسوله ولا يدينون دين الحق من الذين أوتوا الكتاب حتى يعطوا الجزية عن يد وهم صاغرون"
"إنما المشركون نجس فلا يقربوا المسجد الحرام"
09-09-2015, 09:36 AM
ود الخليفه ود الخليفه
تاريخ التسجيل: 07-21-2002
مجموع المشاركات: 3178
Quote: من وجهة نظري أن الإخوة المعترضون على إقامة هذه الليلة منتصر ، ود الخليفة ومن لف لفهم يجب أن يتوجهوا باعتراضهم هذا إلى الحكومة السودانية فهي التي سمحت بإقامة هذه الليلة بدلاً من أن يخوضوا معركتهم هذه في غير معترك ...!!
اوريك اعتراضي بالضبط على شنو ان كنت لم تفهمه من مداخلاتي اولها من يدير المنظمة التي رعت المنشط الدعوي ويعرفه شيخ عماد جيدا واكتفيت بتظليل اسمه بالاحمر ثانيا التيار الذي ينتمي له صاحب المحاضرة وعماد ( ومن لف لفهم ) لا يهضم ولا يستوعب حتي حق الاختلاف في مسائل فقهية مشهورة وكانت سببا للاسف في امتحان الناس والتفريق بينهم
وانا اتسائل في هذا الخبر لم لم يرد الا في موقع تواصل الالكتروني السعودي ؟ وكل من نقل الخبر اشار لهذا المصدر اليتيم حسب الخبر المحاضرة كانت تقام بالساحة جوار حفل غنائي راقص اقنع المحاضر منظمي الحفل مشاركتهم للمنشط الدعوي فشاركوا بطيب خاطر وهذا سلوك حقيقة جيد ان يكون بالتوافق والرضى يختلف تماما عن سلوك المطوعين السعوديين مثل تكسير ادوات المسرح والاستيلاء بالقوة كما حدث في ندوة وليس حفل بمعرض كتاب بالرياض لم توافق هواهم فاعتلوا المسرح واقاموا الصلاة ! المهم خبر مثل هذا في الساحة الخضراء وبمشاركة هذا العدد الكبير لماذا لم ينقل اي منهم اي تعليق او صورة في وسائل التواصل السودانية التي تنقل كل ما يخطر ولا يخطر على بالك وجدير بالاهتمام معرفة تغير سلوك المستعمين الذين دفعوا ثمن تذكرة الحفلة واستعاضوا عنها بمحاضرة المستمعين ديل ممكن يتذمروا فقط لتاخير الفنان او تعطل الساوند بقي تساؤل اخير من هو الفنان الذي ضحى به جمهوره (في وجة ضاحك هنا ) اكيد شريف الفحيل او محي الدين اركويت اما الاعتراض على الحكومة مضحك الحكومة ما فارق معاها تغني فلانة او فلان او يرقص البشير شخصيا او يحاضر احد احفاد ال الشيخ !
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عماد حسين
talha alsayed
معاوية المدير
وائل حمزه الزبير
Mohammed Ibrahim Othman
منتصر عبد الباسط
Abureesh
أسامة عبد الجليل
ود الخليفه
محمد المسلمي
ahmedona
عبد الحي علي موسى
جمال خضر
أيمن نواى على
سيف النصر محي الدين
محمد جلال عبدالله
Othman Al-Hasan Babikir
Deng
MOHAMMED ELSHEIKH
فيس بوك
تويتر
انستقرام
يوتيوب
بنتيريست