|
|
 المختصَر الغريب في أمور التهريب
|
12:24 PM Sep, 06 2015
سودانيز اون لاين
ابو جهينة-السعودية _ الرياض
مكتبتى فى سودانيزاونلاين
عندما تطغى البراءة على التكلف السائد و الزيف الذي يضرب بأطنابه كل أركان المجتمع ، فإن مسحة من الطمأنينة تسود النفس ، و يحس الإنسان بأنه يعود إلى جذوره البشرية و إلى فطرته التي فطره الله عليها.
و عندما تعلو موجة الجرأة على سطح بحيرة التأدب و المجاملة ، فإن الإنبهار يصفع اللحظة ، و الإندهاش يسد منافذ ردود الفعل.
مدخل أول إلى البراءة :
( قبل أن تعم الهواتف ، و قبل أن يتربع التلفزيون على أكثر من ركن في المنازل ، كانت إذاعة أمدرمان العتيقة العريقة تقوم بجانب عملها الإذاعي بعمل التلفزة و الصحف و الهاتف و النت ..
و من ضمن خدماتها ، كانت خدمة الحجيج إلى بيت الله الحرام خدمة مميزة و تؤدي دورا فاعلاً في ربط الحجيج بذويهم و نقل أخبارهم ..
فكم سمعنا بعد كل تكبيرة و تهليل : أنا أمحمد ود حاج الأمين .. بسلم على أبزيد و سالم و الحاجة مريم و جميع أهل الفريق .. وصلنا البيت لله الحمد و متوجهين لي منى .
ففي ذات حج .. ظل الراديو يلعلع بأصوات الحجيج الهادرة .. و التهليل .. و التلبية ..
و الخراف مربوطة في الحيشان تطلق أصواتها ...
و الشربوت يتشابى في أوانيه مفرهداً نحو قمم أوانيه تسبقه رائحة مكوناته.
و السكاكين تُشْحَذ ..
و الراديو يقبع على (تربيزة) قديمة تآكل لونها يهدر منذ الصباح الباكر ...
و الحاجة تصيخ السمع علها تسمع أخبار شقيقتها التي غادرت لأداء الفريضة في المشاعر المقدسة ..
و كلما غاب صوت المذياع قليلا بفعل تذبذب موجاته ، صرختْ الحاجة : تعال ألحق الشي دة يا جنا .. جاتو العشراقة تاني.
و توالت تحيات الحجيج للأهل و الأحباب ..
ثم جاء صوت قوي .. صوت إمرأة طاعنة في السن ، و لكنه صوت تملؤه الثقة و الحرص :
أنا رقية بت حاج الضو .. بسلم على أختي الحرم .. و ووليداتا و أبو وليداتا .. أها .. المطوف قابلنا هني و كلنا بي خير ..
و بقول لي سر تجارنا مساعد ود حاج الزين الوصية عملنا بيها طب زى ما قال لينا .. مرقنا مصارين الروادي و ختينا بكانن الدهيبات أنا و حاجة ستنا و حاجة راكز الله .. و رسلنا الروادي مع ود سعدالله ال من حلة قدام ، قال بيجي يحضر العيد معاكم لأنو جا قبالنا و ما ناوي الحج .. الشقيقة من جيت هني خلتني ليك الحمد و الشكر يا رب .. بنشيل ليكم الفاتحة ..ودعناكم الله و الرسول ...
|
|
  
|
|
|
|
|
|
|
 Re: المختصَر الغريب في أمور التهريب (Re: ابو جهينة)
|
سلامات ابا جهينة,,| Quote: و بقول لي سر تجارنا مساعد ود حاج الزين الوصية عملنا بيها طب زى ما قال لينا .. مرقنا مصارين الروادي و ختينا بكانن الدهيبات أنا و حاجة ستنا و حاجة راكز الله .. و رسلنا الروادي مع ود سعدالله ال من حلة قدام ، قال بيجي يحضر العيد معاكم لأنو جا قبالنا و ما ناوي الحج .. الشقيقة من جيت هني خلتني ليك الحمد و الشكر يا رب .. بنشيل ليكم الفاتحة ..ودعناكم الله و الرسول ... |
ونحن هسسسسى دى متوجهين من جدة علي السعودية,,,
ناس بت حاج الضو دهيباتا حصل عليهن شنو؟؟؟
تحياتى..
| |
|
|
|
|
|
|
|
|
 Re: المختصَر الغريب في أمور التهريب (Re: أيمن الطيب)
|
تحياتي أيمن
***
ونحن هسسسسى دى متوجهين من جدة علي السعودية,,,
***
على السعودية من جدة ؟؟؟
***
ناس بت حاج الضو دهيباتا حصل عليهن شنو؟؟؟
***
يقولون أن ود سعد الله ( نكرن حطب ) وقال الحكومة صادرت الدهيبات. ولكن تحت تحت يقولون أنه بعد سنة إشترى ليهو لوري سفنجة.
دمتم
| |
|
|
|
|
|
|
|
|
 Re: المختصَر الغريب في أمور التهريب (Re: ابو جهينة)
|
أيام الجامعة كان في بنية سغيرونة شحادة,,
بتجي الجامعة كل يوم وتدس شباشبا والأسطوانة
تدور من الصباح (دايرة اشتري لي سفنجة)
أخونااشرف ود الباشا يوم لقتو زهجااان والزول زهجو كعب!!
قال ليها يا بت إتي سفنجتك دى هينو ولا بدفورد؟؟؟؟؟
أنا مما جيت الجامعة (خمسة سنين عاشم الحب) أنت تشحدى دايرة تشترى
ليك سفنجة....
تحياتى..
| |
|
|
|
|
|
|
|
|
|
Re: المختصَر الغريب في أمور التهريب (Re: أيمن الطيب)
|
خونااشرف ود الباشا يوم لقتو زهجااان والزول زهجو كعب!!
قال ليها يا بت إتي سفنجتك دى هينو ولا بدفورد؟؟؟؟؟
أنا مما جيت الجامعة (خمسة سنين عاشم الحب) أنت تشحدى دايرة تشترى
ليك سفنجة....
***
ههههههههههههه
أشرف دة فيهو عرق رباطاب ؟؟؟
| |
|
|
|
|
|
|
|
|
|
Re: المختصَر الغريب في أمور التهريب (Re: ابو جهينة)
|
حبيبنا .. ابو جهينة ..
صباحكم زين ..
متابعين الحكاوي المعتقة .. لكن يا ود امي ماك شايف كترت ( المكرر ) هههههه
صباح الشوق للوطن .
***************
ابدآ ما هنت يا سوداننا
يومــــــــــــــــــــآ علينـــا
| |
|
|
|
|
|
|
|
|
|
Re: المختصَر الغريب في أمور التهريب (Re: مني عمسيب)
|
يا سلام استاذنا أبوجهينة ..
ذكرتنا هناك في ضواحي الدنيا النائية في دنقلا ..
كانت البرقيات ..
وتنطلق الزغاريد (( هجي سليمو )) الحج سليم ..
البرقيات على يبدو كانت من الخرطوم .. لتطمين االأهل ..
جدي محمدنتود قالوا جاء الحج زمان وكان دعواته إنو يدفن هناك ..
وعندما تعب من وعثاء الحركة في الحج قيل أنه اصبح يدعو (( ياربي وصلني إلى أهلي بالسلامة )) أيقي هيركي إيجو
| |
|
|
|
|
|
|
|
|
|
Re: المختصَر الغريب في أمور التهريب (Re: مني عمسيب)
|
بت أمي منى بت نفيسة النفيسة
التكرار بسبب لما أدي أمر بالإرسال تجيني رسالة إن الصفحة غير متاحة ، فأقوم أعيد وتتكرر نفس الرسالة ثم أخيرا أفاجأ بأن كل الأوامر تم قبولها.
بكري أب صلعة الحاصل شنو ؟
| |
|
|
|
|
|
|
|
|
|
Re: المختصَر الغريب في أمور التهريب (Re: ابو جهينة)
|
علي أمبس
أيام تدهور العلاقات مع مصر زمن السادات ، عندنا واحدة كبيرة في السن طول عمرها في مصر
جات السودان قبل تدهور العلاقات ، جات لزيارة حفيدها الذي يعمل بالسعودية وجاء للسودان إجازة
أها العجوز عاوزة ترجع مصر عاكسوهم في التأشيرة مدة طويلة
قام حفيدها عمل ليها تأشيرة عمرة وجابها مكة.
في الطواف واحد باكستاني ماكن أداها كتف قانوني فوقعت أرضا
حفيدها بيقوّم فيها قالت وهي تزمجر : أصلو نحن ما كنا جايين هنا خالص ، كنا رايهين مصُر
| |
|
|
|
|
|
|
|
|
|
Re: المختصَر الغريب في أمور التهريب (Re: ابو جهينة)
|
أبوجيهنة امبس ..
قدمت والدتي – حفظها الله – إلى الحج قبل سنوات .. وهي كما لدى نساء ذلك الزمن البعيد قوة الشخصية والحضور ( تربالة ) ..
لم تسافر في حياتها حتى إلى العاصمة ولم تخرج من نطاق قريتنا (أرتقاشا) .. عندما جاءت إلى الحج .. إكتشفت معلومة مهمة جداً
أن الحج لدى أهلنا من أمثال الوالدة هي ( جغرافيا ) وتمثل لهم فقط الحضور الجسدي في الأماكن المقدسة ..
بدأنا طواف القدوم وكانت الزحمة في القمة .. ثم بعد ذلك جلسنا في ساحة الحرم لفترة ..
كنت أدعوها التسبيح والتكبير ولكنها لم تهتم بكلامي لأنها لم ترى في طوال حياتها اشكال الاسيويين ( شرق آسيا ) وبدأت تسألني بطريقة غريبة جداً ..
لأنها إندهشت لدرجة لا تصدق عندما رأت الاندونيسيات وهن في الزي الابيض .. تسألني بالنوبية طبعاً من هؤلاء
قلت لها إنهن نساء من بلاد من بعيدة .. لم تصدق أن تكون المرأة بطول متر ونصف أو أقل .. وردت علي بالدنقلاوية ( ووو علي أنتود .. إنقو .. هقي برو ) ومعناها ديل ( زي بنت اللعبة .. أو الدمية .. أنا زاتي ما عارف بالعامية )
هذا الحوار يتم بالقرب من الكعبة .. وأنا أترجاها ان تتوقف عن الإستغراب والاندهاش والتعليق العفوي ..
وأخيراً ردت علي ( خلاص نحن جينا الكعبة ) بعدها إستوعبت مفهوم الحج عند هؤلاء الانقياء الطيبيين .. هو المكان ..
ولم تتوقف عن تعليقاتها العفوية وبالنوبية البليغة جداً .. إلى طواف الوداع .. وحتى بعد وصولها البلد كانت تردد المشاهد .. الحريم القصيرات القامة .. لها دوام الصحة والعافية ..
معليش طولنا عليك شوية .. يا أخي انت دائماً ما تثير ذكرياتنا الجميلة ..
| |
|
|
|
|
|
|
| |
ابو جهينة
أيمن الطيب
صلاح الدين عبدالله محمد
مني عمسيب
علي عبدالوهاب عثمان
فيس بوك
تويتر
انستقرام
يوتيوب
بنتيريست