الاخ العزيز محسن خالد ياخي طمنا عليك ...

Quote: أسأل الله أن يمتعه بالعافية.

Quote: كنت بفكر في محسن ..له فتره من هذا المكان ..اتمني ان يكون بخير ..له المحبه ..

Quote: طمنا معاك يا اسامة يا حليل زمن الزمن الجميل نشاغل محسن بالبوستات فيدخل فى ابهى اناقة كلماته متداخلا ..... محسن وكوكبة جميلة ياسلام خسمتكم بالنبى كان ما دخلتو البوست دا وشفتوا جمال المتداخلين والونسة والروعة وين كل الشباب ؟ وين محسن 2008 ؟ وين ؟

Quote: فلتة من فلتات المنبر التي فرطنا فيها! وها نحن نتباكى على اللبن الذي لم ينسكب حتى الآن ! الحقووووه

Quote: هل تعلم يا اسامة محسن فى ياتو بلد ؟؟؟؟

Quote: أكيد ابوبكر عباس عندو خبرو. هو الجابو دبي ولاحقا احتفظ بتواصل معاهو في كل ترحالو حتى وقت قريب ننتظر من ابن عباس آخر معلوماتو عن الزميل العزيز محسن

Quote: ونحن فى انتظار ابكر على الاقل بكون عنده راس خيط او معلومة تطمن الناس انو بخير ..

Quote: يا دينا، يا أخي، إتّي لو طلبتي عيونا؛ نوفرها ليك قبل أن يرتّد إليك طرفك خلي لمان طلبك يكون كمان عشان مُحسن! رسلت لدكتور هاشم اخوهو ميل من أيام وما ردّ أها أمس تكلمت مع ود أختي يمشي ليهو في مستوصفو بمدني ويحاول يجيب الرقم وفي محاولة تانية من ود أختي التاني دكتور عمر سعيد (بالعين) زميل وصديق دكتور هاشم بحاول يجيب التلفون من الأصدقاء المشتركين فشنو أصبروا

Quote: تفاصيل الحب و المودة و المكاجرة و الارقيومنت ما بين محسن و بابكر، و لو جدت و سخيت بمقدار أكثر من صحوبيتك الخفيفة مع الكاتب النبيل بكتر ليك درجة الاسهاب صوت و صورة..

Quote: ما زال هناك متسع من العشم أن يتحقق ذلك البال الجميل ..

Quote: وهو ما زال بالسعودية ويقيم مع أحد الأصدقاء.

Quote: واوصلوه قبل ناس النهى عن المعروف يلمو فيهو

Quote: وقااااعد وسوالو مشهاد ... لو اتاكدنا من دى عليكم الله خلو ..خلو قاااااعد زووول يهبشو مافى

Quote: اهتمام شديد .. اجمل ما في البوست اهتمام الجميع بمحسن . واجمل الاهتمامات اهتمام بكور باهتمام دينا واهتمام معاوية الزبير باهتمام بكور لاهتمام دينا ..

Quote: ايتو ما عارف مكاني وين في الكلام دا، قدح ولّ مدح، لكن عجبتني الرصة. ينصر دينك يا محب (وش غامز للجماعة)

Quote: غايتو ما عارف مكاني وين في الكلام دا، قدح ولّ مدح، لكن عجبتني الرصة. ينصر دينك يا محب (وش غامز للجماعة)

Quote: اين انت يا ااسامة 😢😢😢 يعنى الا نرصد جايزة ؟ يا اخوانا جد جد شوفوا معانا خبر محسن دا ....

Quote: وقااااعد وسوالو مشهاد ... لو اتاكدنا من دى عليكم الله خلو ..خلو قاااااعد زووول يهبشو مافى كلام النسمة عاليه مهم جدا, فلمجرد الإطمئنان علي وجوده بشكل طبيعي في بقعة ما من هذه الأرض, فحقو نخليهو في حالو. إذ لدي إعتقاد أن كرة التغيير في مختارات أخونا محسن لم تتوقف عن التدحرج بعد, فالحياة بالنسبة له لغز معقد ضروس, ولما إختار معظم الناس إزدراد جرعة اليقين للتصالح مع مفهوم الحياة بلا تعقيد وبلا بسط عقلاني ولا تشغيل مستمر للدماغ وبلا هواجس ولا شكوك. فقد كان {التسليم} هو الخيار الغالب. أما محسن فهو لا يتيقن إلا ملء وعيه وإتساق مفاهميه مع فرضيات ناجزة في إستدراك أمر الحياة. ولأن هذا ليس بحادث في الواقع فمحسن آل على نفسه أن يستجلي الخوابي وأن يستغرق في سبيل معاينة الناقص والسائل والغامض في معارفنا حول الكون ... نشأته وصيرورته ومنتهاه. أي أن محسن إختار حمل تلك الرسالة التي عفت عن حملها الجبال, لكنه إختار أن يحملها هذه المره وهو عدل عريف وليس ظلوما جهولا. فهذه مساحة قيد للشقاء ولإضناء العقل ولترفيعه لأكثر من طبيعته وقدرته على الإدراك. فمحسن بهذا يعتبر نفسه {مخلص} البشرية من أجهالها وقصوراتها وتناقضاتها إلى عالم جديد يستتب بالمعرفة, كانت المعرفة عنده يوما ما هي المعرفة الظاهره, لكنها اليوم معرفة باطنه يحاول خلالها محسن إستحضار الغائب في كنف الحاضر وعلى بساط من المنطق الداخلي الذي ترومه نفس محسن وحسب, أي المنطق الذي لا يمكن تطبيق المعارف الإنسانية عليه. فمحسن إستطاع أن يخلق لنفسه أبعاد سحيقة ومستغرقة لدرجة موغلة في التصوف والإدارك الداخلي, وهو لحسب الرواية في سيرورة التاريخ يلج مناخ الأنبياء وهو صادق في مزاعمه وحاضر في لجج الحوار القاصد إستكناه ما لا يعرفه الآخرين. فتصوف محسن ... حتى داخ, بل ربما وصل إلى طريق معسور لا يشي بحضور رسالته لعوالم النشرة والتحقق الذي يروم ولأن {العقل} هو الأرجح عند محسن, فربما يحاول الآن وبطريقته ولمحض كونه يحب أن يصارع نفسه بنفسه ... أن إختار العزلة ... ليجد متسعه في التأمل وفي تقليب إموره ظاهرا وباطنا, وما إستوثق عروة في ذلكم السياق, فسوف يكون أول الحاضرين للتبشير بها ... هنا فا .... خلوهو في حالو ... فالنابغ ... مختلف

Quote: قااااعد فى السودان ... عشان كدا خبرو مهم