هل هذا الذي يحاور هو محاور تلفزيوني أم مغالطاتي متلقي حجج يكره الضيف والمشاهد وبتاعين الإستديو في حاجة اسمها تلفزيون ؟؟؟ هذا هو السؤال . وهل يعتقد هذا الرجل ان إثراء الحوار وتسخينه يتم بأسلوب الغلاط ومقاطعة الضيف وإجابة الأسئلة التي يطرحها عليه أو إجباره على الإجابة كما يريد هو لا الضيف المسؤول ؟؟ هذا هو السؤال .. وهل هذا الأخ جادي وبكامل ارادتو يعتقد أنه محاور ومقدم برنامج تلفزيونية لمجرد أنه يملك عقيرة صاخبة وعوك عاك مزعجة وطله عجيبة تبدو (بشهادة الكثيرين ) كطلة كعضو في فرقة المصارعة الحرة ..؟ هذا هو السؤال . وهل يعتقد هذا المواطن الطيب أن نجاح المحاور التلفزيوني يكمن في التحديق في ضيفه بعين من نار مع رفع الصوت وفرض الرأي ؟؟ هذا هو السؤال . وهل يظن ناس التلفزيون والقائمون عليه أن المشاهد لا يمل تلفزيونهم فلذلك يقدمون له المزيد من الملل والهرجلة ؟؟ هذا هو السؤال .
(عدل بواسطة طلحة عبدالله on 09-02-2015, 05:41 PM) (عدل بواسطة طلحة عبدالله on 09-02-2015, 05:51 PM)
09-02-2015, 05:47 PM
Omer Abdalla Omer Omer Abdalla Omer
تاريخ التسجيل: 03-02-2004
مجموع المشاركات: 4083
Quote: هل هذا الذي يحاور هو محاور تلفزيوني أم مغالطاتي متلقي حجج يكره الضيف والمشاهد وبتاعين الإستديو في حاجة اسمها تلفزيون ؟؟؟ هذا هو السؤال . وهل يعتقد هذا الرجل ان إثراء الحوار وتسخينه يتم بأسلوب الغلاط ومقاطعة الضيف والإجابة الأسئلة التي يطرحها عليه أو إجباره على الإجابة كما يريد هو لا الضيف المسؤول ؟؟ هذا هو السؤال ..
شنو يا طلحة ياخي! دي آخر مرة تعمل كدة.. من نكبشن حتكون للتاريخ. وش مكشر بإتسامة
يا تنظير ياخ بطّل السواقة عكس الشارع هنا الموضوع عن الوزير الباع القضية و رمى المنديل عايز تلخ لخه هو و بطّل الإنصرافية دي + قوم لف + انت شن عرّفك بالسياسة و الإعلام اصلا
09-02-2015, 06:20 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
طيب يا جرجير اعتبر محل الوزير المتناهز دا أو أيا كانت صفتو معارض شرس من الفئة الأولي .. وعليك دينك قس على كدا . ................. لو جيتني تاني من خرم حكومة ومعارضة وسياسة وبتيخ بلخك .
09-02-2015, 06:59 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
بمناسبة "هل" دي يا طلحة, قالوا التعلمجي الشهير الباترا عليه الرحمة في كلية البوليس كان يستجوب أحد الطلاب الحربيين و دار الحوار الآتي: الباترا: هل فعلت كذا و كذا ام لا الطالب الحربي: والله في الحقيقة هو اصلو كان الباترا: لا انا ما عايز تبرير! هل و لا ما هل؟
09-02-2015, 08:19 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
هههههه يا عمر قال ليك هل الهلال وبعد شوية هل واحد تاني .. والله هل دي لو كرهتها بكون الزول الفوق دا هو السبب .. معقولة ياخ ... وين اخوات هل ( الهمزة – من – منذا- ما- ماذا- متى- إيّان –أيّن- أنى- كيف- كم- أيّ.) .. يكون يا ربي ما أدوهوا ليهن في المدرسة ؟
سلام ياناس صراحة عندي مشكلة في الصوت عشان كده ما حضرته اللقاء دا لا هنا لافي التلفزيون واول مرة اشوف خبر عنو بس بغض النظر عن راي الواضح في حسن اسماعيل وانو انتهازي ونفعي وحقير لكن يمين بالله كلام طلحة دا صااااح في المذيع الاسمو خالد ساتي دا و بتذكر قبل تلاته سنة اتفتح بوست عن الزول دا والناس كلها اتفقت انو زول عجيب وفهمو غلط للبرامج الحوارية . بعدين ياطلحة النكلمك الزول دا هلالابي تبع الملاكم .
09-03-2015, 01:48 AM
محمد هاشم ابوزيد محمد هاشم ابوزيد
تاريخ التسجيل: 11-10-2011
مجموع المشاركات: 1711
غايتو الزول دا لقى زيط ماعادي عندي ود اخوي صاحبن لهيو قال كنا بنشرب شاي عند واحدة ست شاي كل يوم. هسي ماعارف الوزير المشهور دا حايجي يشرب الشاي تحت ضل الشدرة والا ود اخوي بيمشي يشرب في المكتب المسبلت(من ((split
09-03-2015, 06:38 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
“Never make excuses. Your friends don't need them and your foes won't believe them” وبـالسوداني: ما تكتر من الأعذار، فأصدقاؤك لا يحتاجونها وأعداؤك لن يصدقوها
09-03-2015, 10:55 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
احتمال يكونوا متفقين الوزير قال لمقدم البرنامج ما تديني فرصة واسعة اتكلم عشان اورط نفسي ! لانه حقيقة مقدم البرنامج بسأل وبرد اكتر من لزوم اللزوم هههههههه .. وفي تلفزيونهم اي شئ جايز موش بقي حق الوزير برضو اي التلفاز؟
ودمتم ..
**************** فظيع جهل ما يجري وافظع منه أن تدري !
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بكرى ابوبكر
حامد بدري
طلحة عبدالله
Omer Abdalla Omer
محمد البشرى الخضر
سفيان بشير نابرى
محمد هاشم ابوزيد
MOHAMMED ELSHEIKH
معاوية الزبير
مني عمسيب
صلاح أبودية
فيس بوك
تويتر
انستقرام
يوتيوب
بنتيريست