|
|
|
 Re: للأسف.. أتوقع طيران المريخ .. ربنا يكضب الش� (Re: طلحة عبدالله)
|
الاخ / طلحة السلام عليكم ورحمة الله وبركاته
الاخ طلحة بصراحة تمدد الامل بداخلنا وطوقنا العشم كثيرا باننا في هذا العام موعودين بكاس افريقيا، كون متفائل
بان فوز المريخ بالبطولة مسألة وقت، اما بخصوص ربطك لنحس المريخ بوجود علاء و عمر، علاء اصبح
صمام امان الدفاع و عمر دائما يعلب بديل ، دعنا نكون متمسكين بالعشم لا لفتح باب للتشأؤوم، الزعيم بخير.
و انت ايضا كون بخير.
| |
 
|
|
|
|
|
|
|
|
Re: للأسف.. أتوقع طيران المريخ .. ربنا يكضب الش� (Re: aosman)
|
صلاح حبيب واضح انك هلالابي لأنو خشيت بعد
قلبنا هوبة في أبو الهل المبشتن هههههههههههه
صدقني الكورة السودانية دي بطريقتا الإسي دي
ما تأخدوا منها إلا مزيد من الوهم والغم والمرض ..
ما تغشوا على نفسكم ساي .. اللهم إلا كان عايزنها
محلية ساي كدا .
يا عثمان طيران المريخ يعني يطير من البطولة
يعني يخرج من منافساتها .. ان شاء الله كدا وضحت ؟
| |
|
|
|
|
|
|
|
|
|
Re: للأسف.. أتوقع طيران المريخ .. ربنا يكضب الش� (Re: طلحة عبدالله)
|
Quote: بالمناسبة الماها سعيدة دي ..
كان على أبو الهل فأنسوا بس ..
قال الهلال هلا قال .. قرقرقرقرقر على قول الشاعر . |
كده طمنتنا
المريخ حيلعب النهائي اقل شئ اما الاخوة الاعدقاء الهلالاب احتمال ظاتو مايصلو الاربعة
اخونا طلحة لو وصلنا النهائي يبقى تلك مباراة حسابتها تختلف
لو جبناو جبناو ماجبناو فحمدو في بطنو نعرس لي مانديلا لحي مايلدي نحتفل
تحياتي ياصفوة
| |
|
|
|
|
|
|
|
|
|
Re: للأسف.. أتوقع طيران المريخ .. ربنا يكضب الش� (Re: حامد بدري)
|
هلا حامد بدري
والله صدق عشان ناس كدا من محبي المريخ وانت
منهم الواحد يتمني دائما المريخ دا يكون في العلالي
لكن الواقع كريه شديد يا حبيب .. المريخ زيو وباقي
قطاعات الكورة في السودان فوضي للطيش .. عشان
كدا صعب الواحد يحلم أحلام سعيدة .
كتر خيرك يا سمح .
| |
|
|
|
|
|
|
|
|
|
Re: للأسف.. أتوقع طيران المريخ .. ربنا يكضب الش� (Re: Munir)
|
والله يا دكتور منير اتا أكتر زول مريح دماغك ولو كمان
كتا ما بتسف ولا بتسجر تكون كملت الناقصة وقربت من درجة
الصحابي هههههههه ..
ياخ الكورة والكوتشينة الاثنين إدمان ... بالنسبة للأولي أنا مطلق
تشجيعا وكاره سيرتا ما تشوف هترشتي الهنا دي .. أبدا دي مجرد ( قريفة )
أو قل ( زهجة) بتمر علي مرة مرة وبيني وبينك قاعد أستمتع بخربشة آمال الجماعة
الهنا ديل .. طبعا هنا في ناس بكرهوني عشان توقعاتي دي .. وليهم مراد بكري
يشيل العدة ويريحم مني .. لكن الباشمهندس أظنو ذاتو بحب الآكشن والسادية
في الرأي .. خخخخخ ..
الكورة السودانية دي يا دكتور ما في زول مستفيد منها إلا المشجعين البكتبوا
في الجرايد ديل .. جرايدم الخرطمية دي ماشة زي الترتيب بعوك عاك والهراء
القاعدين يطبعوا فيهو دا .. هناك الجريدة لا تعتبر جريدة إلا إذا فيها شتيمة
وقلة أدب وتجاوز خطوط حمراء تصل لحد هتك الأعراض .. والجمهور
(العايز كدا) مستمتع بالآكشن دا من جهة ومن جهة ساريهو ومريح بالو كون
الهلال والمريخ ياهو حدهم الدوري الممتاز وكأس السودان لكن بطولة
خارجية دونها خرط القتاد ... أستغرب في ناس بكامل أهليتم العقلية يحبوا
الزول البكضب عليهو ويخدرم ويكرهوا البوريهم الحقيقة والواقع .
بالنسبة للكوتشينة أخوك ما خلاها ولا بقدر لكن لي فترة من الزمن ما لاقي
البلعب معاهو .. اللاقيتم كلهم كيشة ومواسير ساي .
أوع أكون طولت عليك ياخ ؟
| |
|
|
|
|
|
|
|
|
|
Re: للأسف.. أتوقع طيران المريخ .. ربنا يكضب الش� (Re: طلحة عبدالله)
|
يازول طوّلت شنو .. أنا آخر استمخاخ ..
الحمدلله لا كوشتينة لا سجاير لا صعوط لا كورة :).. بس زمان كنت حريف وبلعب بالleft .. - طبعاً أي كيشة بيقول كان حريف -
ياخي أنا والله بالجد مستغرب في هذا التعصب الكروي .. حاجة كده مبالغة .. في أحد الصفحات الخبرية في الفيسبوك فجأة يوم كده الأدمن إنتقد فوز المريخ - الفوز الكان قريبات دي علي الجزائر واللا شنو كده - عليك أمان الله الناس دي شبت ليهو في حلقه وقالوا ليهو دي آخر مرة يطالعوا الصفحة وماشين طوالي يعملوا unlike للصفحة .. ما ممكن الناس تنفعل قدر ده عشان تعليق لا يودي لا يجيب ..
الظاهر إنو الواحد لمن يغوص في وحل الكورة دي تاني ما بيقدر يقلِّع ..
| |
|
|
|
|
|
|
|
|
Re: للأسف.. أتوقع طيران المريخ .. ربنا يكضب الش� (Re: Munir)
|
Quote: ما ممكن الناس تنفعل قدر ده عشان تعليق لا يودي لا يجيب
|
ههههههههههه
أبدا .. ما يودي ولا يجيب شنو ..
تعليق سالب زي دا معناهو تحطيم آمال واغتيال أحلام ..
الزول دا لو قال المريخ فاز بجدارة ولعب باتقان كانوا ح يبقوا نبي عديل
.. دا إذا ما بنوا ليهو إهرامات تزار .
الناس دي عايزا زول يدغدغ مشاعرم ويزين أحلامهم كان كضب كان صاح
المهم تقول البتمنوهوا هم إلا وأنت شيطان ومع الرأفة جاهل وأطرش ساي ..
ومال إيه ؟ اتا قايل جرايد المدرجات الهناك دي سوقا حار وناسا بانين الفلل
والعمارات وراكبين أفخم العربات لشنو ؟؟ ما عشان الأوهام القاعدة تفرزا
مطابعم صباح كل يوم دي .. أنا عندي الحاجة دي ما بتفرق كتير من تجارة
المخدرات .. كلها تخدير ووهم وأحلام وردية .. ديل أفسدوا ذوق القارىء
وجعلوهوا مجرما أقصد مدمنا .. القارىء هناك وحتى هنا في المنبر دا
ما بهموا فريقو يشيل بطولة خارجية بقدر ما يهموا استحقار واستصغار
الفريق التاني .. عشان كدا بهتف للصحفي البشتم والإداري البكيد أكتر من
اللاعب الممكن يجيب بطولة .. عشرات الآلآف القاعدين يتزاحموا على الإستادات
من ساعة الفطور ديل همهم كلو انو المريخ أحسن من الهلال والعكس .. دا كل
الطموح .. عشان كدا لو عايز تبقي صحافي جهبوذ تتغني باسمك الجماهير
وتطلب ودك القنوات الهاملة هناك دي .. ما عليك إلا انك تشجع بتعصب
واحد من الفريقين وتنزل في التاني شتيمة هو المسؤولين منو والبشبجعوهوا
والجاب أبو أهل أمو ذاتو .. كدا اتا أجهبذ وأفخم صحفي ..
جربا يا دكتور وتعال قول طلحة الزهجان دا قال .
| |
|
|
|
|
|
|
|
|
|
Re: للأسف.. أتوقع طيران المريخ .. ربنا يكضب الش� (Re: طلحة عبدالله)
|
| Quote: علاء اصبح صمام امان الدفاع |
يا بدر المعارف انت كمان ما تبالغ ياخي شوف الهدفين الدخلو في المريخ في مباراة العلمة..الاتنين علاء الدين يوسف مشترك في الخطأ ، علاء الدين يوسف الحاجة الوحيدة المميزة ليهو و مرات بتكون سالبة هي الهدوء و الثقة ن و الثقة دي في مباراة المريخ و وفاق مرتين كادت أن تتسبب في هدف.
طلحة كلامك فيهو الكثير جدا من الصاح..اللاعب السوداني حتى اليوم لعبو يميل للمحلية لدرجة بعيدة و يفتقد الى تطوير نفسو..ياخي موسى الزومة لعب في المريخ كيف دي انا ما فاهمها لي هسع!! خليفة لعب السنوات دي كلها في الهلال كيف؟ دي انا ما فاهمها!! لاعبين ما عندهم علاقة بي كرة القدم!!
صديقي دكتور منير مريح نفسو رغم انو زي ما قال ليك كان عندو موهبة بس عدم الاهتمام بي الكورة خلاهو ينساها و كان لم يكون زهجان و نحن زهجانين نقعد تحت العمود و يجيب الطنبور و يجضمو ليك زي النعام آدم و لو زهجان مننا زاتو بيقعد في البيت و يمسك الريشة و يرسم لوحة بموهبة رسم عالية جدا..ام السعوط و السجاير شارعهم كلو يمكن كان في اتنين بس بتاعين سجاير او سعوط ههههههههههه.
| |
|
|
|
|
|
|
|
|
|
Re: للأسف.. أتوقع طيران المريخ .. ربنا يكضب الش� (Re: محمد البحر)
|
Quote: اللاعب السوداني حتى اليوم لعبو يميل للمحلية لدرجة
بعيدة و يفتقد الى تطوير نفسو..ياخي موسى الزومة
لعب في المريخ كيف دي انا ما فاهمها لي هسع!! خليفة لعب السنوات
دي كلها في الهلال كيف؟ دي انا ما فاهمها!! لاعبين ما عندهم علاقة بي كرة القدم!!
|
دا كلام صحيح يا أحمد وأضف عليه انعدام الطموح وتواضع ثقافة الفوز
ساعد على ذلك ضعف الإدارة وجهل الإعلام واستسلام المشجع لواقعه المحلي وتجييش كل مشاعره
وعواطفه وأمنياته من أجل التفوق المحلي لفريقه ..
أزمة الكورة السودانية عميقة وتحتاج لسنوات من العمل والصبر والتضحيات
حتي يستقيم العود ومن بعد ذلك يمكن التفكير في مقارعة الآخرين في المحافل الخارجية .
| |
|
|
|
|
|
|
|
|
|
Re: للأسف.. أتوقع طيران المريخ .. ربنا يكضب الش� (Re: طلحة عبدالله)
|
سلامات أخي العزيز الحاج .. حليل أيام زمان والزمن زين، وكت كنا صغار بطينين ..
أنا يا طلحة ما عارفك هلالابي واللا مريخابي .. لكين لو مريخابي فالأخ الحاج ده زولك تب .. بيتهم كله مريخاب علي السكين - وهو موسوعة في تاريخ المريخ -.. نحن طبعاً نشأنا سوا في نفس الميدان ونفس الحلة ونفس المدارس ..
وزي ما قلتوا لعب السودانيين شغل جربندي ساي ، زي أوركسترا التلفزيون و الإذاعة الشغالين ضبيح في الكمنجات ، وكل قوس ضابح في جهة ، وكل نغمة شايته في جهة .. جربندي شديد .. ويقولوا ليك ضابط الجربندية أخير من ضابط الكلية ..
طبعاً ياالحاج أنا ما حصل إقتنعت بلاعب ذكي وحريف زي جاركم يوسف المفك .. طريقة المفك في اللعب - أنا لو مدرب بأتخذها خطة تدريب للعب فريد من نوعه وأسجله براءة إختراع .. فالمفك يعتمد علي الخدعة .. تلقاهو جاري يمين وفجأة يجدع الباص شمال بدون ما يتلفت أو يغير إتجاه جسمه .. ده النوع البيجهجه الباكات زاتو .. ثم كمان عنده طريقة جري بديعة فهو يجري في شكل قفزات وذلك أعتقد له أثر في إقتصاد طاقة الجسم ، لذلك تلقاهو يلعب المباراة كلها بنفس واحد بدون تعب .. أناغايتو شايف إنو مفروض طريقة لعبه دي يتم دراستها وتدريسها لناس الجربندية ديل..
| |
|
|
|
|
|
|
| |
طلحة عبدالله
بدر المعارف محمد المساعد
ABUHUSSEIN
aosman
حامد بدري
تاج السر محمد حامد
Munir
الحاج حمد الحاج
محمد البحر
فيس بوك
تويتر
انستقرام
يوتيوب
بنتيريست