|
كتب الكاتب الفاتح جبرا المتوفرة بمعرض الدوحة
|
|
 Re: نوم البنات (Re: محمد البحر)
|
نوم البنات عمل جدير بالشوف معايشةاا وليس بالرقراق..
عمل مفيد للتأريخ.....
يفتش في حناياه المهملة وجنبات الراجل من شبه الراجل بعد كرري.. وقضايا أكثر عمقا
(محمد احمد الشاعر(مدنى ) ممثل قدير
واحد ابطال ا لعرض
| |
 
|
|
|
|
|
|
|
|
Re: نوم البنات (Re: محمد البحر)
|
الآخ العزيز ... بحر ..
لك لتحية والتقدير ..
مشكور علي اللفته المسرحية الرائعة دي .. حقيقة انا من هواة المسرح
واتمني ان يرجع المسرح السوداني لعهده .. واتمني كذلك مشاهدة هذا العرض .
ودمت.
وشوشة : لو سمحت لو في امكانية نزل لينا العمل كله .
| |
|
|
|
|
|
|
|
|
|
Re: نوم البنات (Re: مني عمسيب)
|
Quote: الآخ العزيز ... بحر ..
لك لتحية والتقدير ..
مشكور علي اللفته المسرحية الرائعة دي .. حقيقة انا من هواة المسرح
واتمني ان يرجع المسرح السوداني لعهده .. واتمني كذلك مشاهدة هذا العرض .
ودمت.
وشوشة : لو سمحت لو في امكانية نزل لينا العمل كله . |
بت عمسيب
تحيات
تشكرى على الكلمات ونتمنا ان ت شبعى رغبتك المسرحية بحضور هذا العرض سوف اعلن عن يومه لتكونى حضور فيه ..........
موجة/ بعد العرض (ممكن )
ابقى طيبة
| |
|
|
|
|
|
|
|
|
|
Re: نوم البنات (Re: محمد البحر)
|
حكاية نوم البنات
حينما خرج الرجال(الحبان) لملاقاة جيش كتشنر في كرري كانت النسوة في أم درمان ينتظرن الأخبار السارة حول أنتصار الرجال ، يتوقعن النصر الأكيد لأنهن يعرفن رجالهن جيدا وكيف أن هذه المعارك التي خاضوها ضد الغرباء الاجانب ان كانوا أتراكا ومصريين أو انجليزا ومصريين هذه المعارك قد أختبرت قدرتهم القتالية و الجهادية خصوصا بعد قطع رأس قائد الغرباء غردون في تحرير الخرطوم . و لكن حينما يأتي (شبه الرجال) حمالاً ملابس الرجال يدركن أن المعركة قد أنتهت لصالح الغريب كتشنر و ليس الحبيب الخليفة عبد الله التعايشي (ودتورشين) حينما يسألن (شبه الرجال) عن رجالهن يخبرهم كيف أستبسلوا و ماتوا شهداء ثابتين كالأشجار ماتوا واقفين. بدلاً من النويح على فراقهم ، و البكاء فرحا على استبثالهم و استشهادهم ، النساء يغضبن على رجالهن و يصفوهم بالخونة لأنهم الآن بلا شك يستمتعون بخيرات الجنة من أطعمة و مشروبات و خمر و نساء يغضبن على هذا المصير الغير منصف لهن كمنتظرات من يعمر البيوت معهن ، يذداد الغضب كلما جاء الى إحداهن رجلها في المنام و حكى لها عن الجنة(أم طوابق).
ظل (الحبان) يطلون من شرفة الأحلام يوم بعد يوم واحد تلو الأخر و يحكون عن الجنة(أم طوابق) الا (من الله) الذي تأخرت طلته و حينما طل لم يطل من الجنة .. لم يطل من النار أيضا كما قالت (عشة حمدت الله) (طل من حتة ما طلاها عبد من خلق الله) وظل يحكي لها عن خيانة هؤلاء الرجال(الحبان) الذين كان معهم في كل المعارك و لكن في معركة كرري (الحفلة أم دخان بي ريح لأم درمان) لقد تخلوا عنه حينما دخلوا الجنة و أوصدوا بابها دونه وهو لم يكن يرغب في الجنة لكنه فقط يريد مرافقتهم . ثم ذهب الى النار ظنا منه أنها قد تحتوي على بعضهم لكنهم أوصدوا باب جهنم دونه . حكى لها كيف أنه ظل يتحرك بين الجنة و النار حبا فيهم رغم الخيانة . حينما يؤكد (شبه الرجال) موت الجميع من لم يمت في (كرري) لحقته الرصاصة وهو فارشا (التبروقة) و يصلي في (أم ديبكرات) الا (شيخ عتمان) الذي ذهب الى (السواها الجن) حينها يتيقن النساء أن المعركة فعلا قد أنتهت لكن (شبه الرجال) يقول أن شيخ عثمان ذهب ليجمع له (حبان) و يثأر لكل من مات واقفا أو قتل جريحا أو أسيرا وهو يؤكد لهن أنه آت أن لم يأت غد سيأتي بعد غد مهما تأخر لأبد أن يأتي لكن النساء ينظرن لمصيرهن القادم الذي يشبه مصير (الطاهرات) ربما أكثر لذا يقررن أن يرمين أنفسهن في النيل لكن إحداهن ترفض ذلك كما قالت : (البحر خسرتو فيهو الغنا قايلنو نيل .. ده دابي ميت جاريهو الضر الطين أندسن في الطين الحرب ما كملت الحرب دابها بدت الطين الطين يا عوين) لذا يقمن بأعادة بناء البيوت بحيث تبدو كأنها بيت كبير و فيه بيوت صغيرة و كثيرة .
شخصيات نوم البنات:
1بت حنين (القوس)
نوم البنات ذي قلي البن ، البن لما ينجض بطقطق لما يطقطق بشاغل القريفة ..رامياك القريفة يا شبه الرجال؟ أبقى داخل قفل وراك كل المداخل الليهن داخرو لى آخرو ..شيل ليك فنجالين هزهن ، شان يرنن جواك و يصحن هواك قدر السنين المقلية في شغال الحنين.
2 أم حقين (الجدي)
حي الهبوب مدسوس نص العٌشر.. البنات دقن نحاس حسهن في البكان الفاضي يوم اتجرتقت عناقريب الحبان و أترسلت للحور هدية ..بختك يا الجنة أم طوابق .. يا الرضية ..مسراع خطفت توبي المكرفس جريت نسيت بكراوي الجبنة مدفوق و البن يطقطق فوق يشاغل القريفة .. أرجني قلني من الجبنة الرامياني الحي عجاجو أتاءمر علي الطير حرش نوار العشر شان ينشف ما ينشر .أرجني نشيل توبي الشالتو الهبوب الطرشة .. سيدة كركار اتجلبطي بالودك اتقرقبي بالغبار النقية أم شطرا واحد مرتاحة؟ راكوبتك صقط و كتاحة ..جات عشة حمدت الله ضعيفة ذي قملة أتقسمت بين الأضافر من كتر حك الراس الماليهو هم الحبان الفاتو..لبنات الحور النفسهن بخور مسوحهن سمن بولهن دهن شطورهن سعن نحن الله لينا من وين جا طين البحر يا سيدة كركار!!
3سيدة كركار (الجوزاء)
قالو الجنة أم طوابق فيها الخمج الما خمج شي لالوب و تبلدي و بطيخ و بامية و أم قارا ودخن و دامرقا و مليل و دردقو و تمر و سمسم الا الفرق بين دواهي الجنة أم طوابق و دواهي حي الهبوب حاجات الجنة أم طوابق غلاد بلدن موسم بلا موسم .. من وين جا طين البحر يا النقية !!
4 النقية الحمل
قالو الجنة أم طوابق كلها خيران خور لبن خور سمن خور روب خور عسل نحل أصلي متل عسل كبونق و خور مريسة وبقنية و لوكوتي و عسلية و عرقي الفرق بينهم و بين حاجات حي الهبوب ديلك مجان لا ود تور شين يجلدك نص السوق لا دفنة تلحقك بله نحن وين لينا فرت خور للحمام و الأستجمام و دقاق الكلام البدخل المسام و خور مدسوس في العشر أمرق مني يا ود الحرام من وين جا طين البحر يا حوا قٌرقٌر !!
5 حوا قٌرقٌر
قالو شبه الرجال لبد لى بت الحلب في الخور .. داسي ليها نوارة عشر هدية عربون ريدو لمع في عيوناتو ذي القضى .. ذي الغيرغان وكت يرقش في العيون و يسكن سيدو التٌرب ، راجي قدلتا بت الحلب جميلة الأدب .. مشيتا ذي برق الخريف و أسرع ..بت الحلب عضت هدما بى سنها الضواية جرت.. لمن جات فيهو هواها قلع هدومو وودرا .. وقف ذي دمو في عروقو .. بت الحلب شربا السراب أو لبستو ..شبه الرجال شد كل جسمو لمن كورك ليها طلع المني بدل صوتو و ملا خور عشر ..العوين الدقن نحاس حسهن في البكان الفاضي شمن ريحة مني الحبان اليوت بطلو من شبابيك الجنة أم طوابق ..جرن على الخور قايلات الحبان رجعو ..لمن وصلن قيف الخور بدن يلحسن في المني السبقتهن عليهو الجروف بدن ياكلن الطين آها مر الزمن و مره العوين بقن كل ما تحمل واحدة تتزكر مني راجلها الأمنو لى شبه الرجال و فات الجنة أم طوابق بقن يجن ياكلن الطين ..و من وين جا طين البحر يا عوين حي الهبوب!
6 عشة حمدة الله (الحوت)
من الله لامن طله .. لا طله من الجنة أم طوابق..لا من نار الله الواقدة ..طله من حتة ما طلاها عبد من خلق الله .. بطرف يدو قشة ديمعتو قشة عنافو ..سدرو رويان رضى قال لي.. كنت معاهم الحبان في توشكي الجزيرة و شيكان ما أتفارقنا .. يوم اللمة أم دخان البي ريح لأم درمان سهيت غرقت في الله ..الله فاكي الدنيا للطاريها و اني فاكي الدنيا للطاريها لامن مرقت ما لقيتهم .. شمقت عراقيي جريت حفيان على الجنة شفت البيبان بتتربس في وشي عرفتهم مندسين جوه في بطن الجنة .. ملوها و ما خلو لي فرقة ..ما كت طمعان في جنة الله الا بدور رفقة الحبان .. بى كرعي مشيت على نار الله الواقدة قلت يمكن ألقى واحد من الحبان لكنهم سدو في وشي البيبان ما كت خايف من نار الله الواقدة الا بدور ارافق الحبان .. بقيت يا عشة حمدة الله بالنهار بقيل في ضل الجنة .. لامن تمغرب و الجو يبرد بمش على نار الله الواقدة شان أتدفى .. مفكر أشحد لي عيدان من نار الله الواقدة شان اسويهم غزازات و ابني لي راكوبه في ضل الجنة ..قلت ليهو حموك منها و بتدور تتكل راكوبتك في حيطة الجنة أم طوابق .. قال لي الجنة ما طوابق..الجنة حوش كبييييييير متل الحوش البناهو ود تور شين و كسر بابو علي دينار ما بدور الجنة الا بدور رفقة الحبان ..
7 بت الحلب
8 شبه الرجال
1. ول (ولد) ول جقام الريح مات مقبل ريح
2. مريفعين السكة البحر بكراعين وسيفو كل ما يبرد بسنو بضي الشمس الفي كتفو اليمين السك البحر بكراعين وقف ينقز بكراع واحدة ودمو يشر تحت سروالو كبر ومات متشهود
3. ول (ولد) ول أم درقات بعد ما سد عشرة فرقات وقع يخصي القلقات البجن مارات فوق راسو .. قام الغريب الأغلف رطن لي ناسو لا هي رطانة نوبة لا فور ولا دينكا لا قومز الا معناها الجافلات خلهن أقرع الواقفات قام الغريب داسو بمداسو كتم انفاسو وتمو الواقعين الماتو منتصرين
4. الرجال ماتو ماتو في كرري
5. ود تور شين قال لي بت المهدي يابت نجار المراكب لا ابوك مهدي لا انا خليفتا ده شغل حكم ساي . قالو الخليفة الا انا ما سمعتئ
6.
| |
|
|
|
|
|
|
| |
محمد البحر
مني عمسيب
فيس بوك
تويتر
انستقرام
يوتيوب
بنتيريست