|
|
|
 Re: محتال يحتال علي شيخ طريقة صوفية !؟ (Re: الطيب بشير)
|
الله يسلط عليهم كل محتال طالما يبيعون الوهم للموهومين امثالهم
لو كان شيخ بالفعل ويعرف كل شيئ كما يدعون ، لما سطا عليه انسان عادي
انا لو من حواريه كنت جلدته عدييل
والله مافي مخدَر في الدنيا اكبر من دجلهم اللي بيخدروا بيهو الناس .. مافضل ليهم الا يشتغلوا اخصائيي تخدير
شيخ طريقة عندو مال قدر ده اكيد طالب دنيا والا كان وزعه على الفقراء المنبطحين في قبته
مافي اسهل في الدنيا من تعاليم ديننا الحنيف .. لا صوفية لا رهبنة وبوس ايادي في الدين
قاتلهم الله .. وتحية لهذا المحتال
| |
  
|
|
|
|
|
|
|
|
Re: محتال يحتال علي شيخ طريقة صوفية !؟ (Re: حسن ابراهيم كاروري)
|
الشيخ المكاشفى جلابيته ما فيها جيوب/ والترزى يعرف ذلك من وصية الشيخ له.. والحاجة البيختها الزائر تحت المخدة أى واحد له الحق يشيلها..
المفتش الإنجليزى جاء يخصص له اراضى، قال ليه انا عندى شبر واحد فى الارض دى لو عرفت مكانو وين..
وين ديلك من ديل.
أكثر مظاهر الدجل تلقى حوار (كمان مو شيخ).. حوار لابس أخضر مرقع (بواسطة الترزى وليس لأنه تمزق).. والسبحة الألفية وهو سايق لاندروفر او مرسيدس. زمان الرقيع طبيعى لأن الجبة تمزقت وليس للحوار المال ليشترى واحدة جديدة.. لكن
هذا الزمن جبة الحوار المرقعـة أغلى من الجبة العادية الغير مرقعـة.. ثم انها صارت يونيفورم.. يعنى كل الحيران لابسين نفس الجبة.. حين الحيران زمان أماكن الترقيع وحجم الرقع مختلفة لأنها طبيعية..
لو الصينيين عرفوا التوجه دا كان غرقوا البلد بالجبب الخضراء المرقعـة حسب الطلب.. دجل ونفاق وللوهابية الحق انهم يتغشـوا فى ديل لأنهم ما شافوا التصوف الأصلى.
| |
|
|
|
|
|
|
|
|
|
Re: محتال يحتال علي شيخ طريقة صوفية !؟ (Re: Abureesh)
|
سنوات عملي في جدة .. دخلت مجموعة من المهاويس لمقر عملنا وعملوا حركات مثيرة قبل ان يخبروني بأن شيخهم واقف في مدخل الشركة وانه لابد من استقبال يليق به كشيخ
خرجت لقيتو متلفح بمليون قطعة ملونة وطاقية خضراء ، يهم بالدخول للمكان
كانوا يسعون لجمع المال لبناء مساجد ومدارس حسب زعمهم ... قلت له لو اتبرعنا لازم استلم ايصال منكم .. واعرف تفاصيل عن طريقتكم وشيخكم زاتو ، قال ده كلام غلط .. الشيخ لايحمل ايصالات لانه من اهل الله
وسط الهيلمانة دي طردتهم بي شيخهم زاتو ... اخذوا يتوعدوني كعادتهم بما سيحيق بي من كذا وكذا ،، قلت لهم خليهو يقلبني قرد .. لكن هللة واحدة مابتطلعوا بيها من هنا
بعد لحظات اتصل علي صديق من شركة مجاورة (عبد اللطيف جميل) وقال انه خجلان من منظر الناس ديل وطريقة شحدتهم خاصة وان الشركة بها كذا جنسية ..
لم يجد حل سوى تهديدهم بالاتصال بالبوليس حتى خرجوا من المكان..
يتاجرون بالدين مثل الكيزان .. لذلك تجدهم يتكيفون مع اي نظام يحكم البلد حتى لو كان نظام قتلة مثل نظام الكيزان
عالم مقرف ومتعطَل ومتسلق ..
| |
|
|
|
|
|
|
| |
زهير عثمان حمد
Abureesh
الطيب بشير
حيدر حسن ميرغني
ياسر منصور عثمان
مجاهد أحمد محمد
حسن ابراهيم كاروري
طاهر بدر
Othman Al-Hasan Babikir
محمد الامين محمد
مني عمسيب
سفيان بشير نابرى
فيس بوك
تويتر
انستقرام
يوتيوب
بنتيريست