|
|
 شكرا لكم جميعا .. فقد حظيت بعضوية الحديقة الغناء ( هايد بارك السوداني).. بسمات
|
05:21 PM Aug, 18 2015
سودانيز اون لاين
Basamat Alsheikh- نيويورك
مكتبتى فى سودانيزاونلاين
الأعزاء الأفاضل والعزيزات الفضليات:
الباشمهندس يكري ابوبكر .. صاحب الحوش الكبير
الأميرة اميرة . صاحبة الحوش الصغير
- الحليلة اول من ثنى ترشيحي لعضوية المنبر
- خالد محجوب المنسي
- عبد العزيز ود الفاضلاب، جارنا بالحيطة
- يوسف ابوسنينة
- بلة محمد الفاضل
- جعفر محي الدين ، والذي وجدنا منه كل مؤازرة خلال مسيرتنا في قصة اسرة حضرموت
- محمد عبد الله جرسم
- الفنان القامة الموصلي
- معاوية الزبير
- عبد الحفيظ ابوسن
- اسامة العريفي
- معاوية المدير
- عبد العزيز محمد عمر
- عز الدين عباس الفحل
- محمد نور عودو
- ملهم كردفان
- الشهم عبد الله ود البوش( صاحب الايادي البيضاء)
- جمال ود القوز
- الصادق عبد الله الحسن( تحية خاصة للمؤازرة الخاصة )( وما تقول نثني رجلنا فوق رقبتنا.. وسلامتك من كل شر)
- المناضل الجسور محمد احمد الريح
- جلالدونا.
اللسان يعجز عن الشكر لكم جميعا ... وكما تقول الأميرة اميرة نحن نعتبر منبر سودانيز اون لاين حديقة غناء نتجول تحت اوراقها
الظليلة الوارفة وحتى اشواكها نشم فيها الرائحة العطرة... فشكرا لكم جميعا ولولاكم لما اتيحت لي الفرصة كي احظى بعضوية هذا
المنبر الحر.. فأنتم اهلي واحبابي.. وارجو أن لا اخيب ظنكم... ولحين ميسرة ومسرة حتى نعود اليكم
ودمتم جميعا بالف خير وصحة وعافية
بسمات الشيخ عبد الرحيم
|
|
 
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: Deng)
|
Quote:
لأعزاء الأفاضل والعزيزات الفضليات:
الباشمهندس يكري ابوبكر .. صاحب الحوش الكبير
الأميرة اميرة . صاحبة الحوش الصغير
- الحليلة اول من ثنى ترشيحي لعضوية المنبر
- خالد محجوب المنسي
- عبد العزيز ود الفاضلاب، جارنا بالحيطة
- يوسف ابوسنينة
-د |
بت الشيخ انا اسمى مكتوب الحمد لله
نورتى وشرفتى واشرقت الانوار بقدومك الميمون
وشد حليك الله يعينك على ناس الحوش
مرات حلوين ومرات ييوا الجلطات
ههههههههه زيادة طيبة ومباركة للحوش الكبير
قولى بسم الله وادخلى باليمين
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: Osman Dongos)
|
تههههي يا عثمان يا أخوي انت كدا بتخليها تعمل كابتن ماجد من المنبر
لكن قوليها المنبر دا زي ما ملان بالقامات فهو أيضا مليات بالعاهات
وهي أكيد عارفة كل قائمة
بسمات يا أختي أزيك ومرحب بيك كتير في المنبر واقامة طيبة انشاء الله
وكلنا " أمل" يا بت عطبرة انك تفرحينا "مرتين" مرة بطلتك والتانية بمساهماتك
تقديري
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: Osman Dongos)
|
كان كده يا بن عفان الا تقول ليها عديل أفراد القائمة المهببة
المتردية والنطيحة وما أكل السبع
من العاهات الأنا عارفا فقاع الكوتات أخونا دينق
يا بسمات يا أختي
العكيلتة دينق دا عامل زي التطعيم
شر لابد منو...يعني لازم عشان تكتسبي مناعة من طاستو الفاضية دي تنوبك كم هطرقة من هطرقاتة وبعدا تكتشفي انو
زول لذيذ جدا وواحد بق ساكت وقلبو أصفى من اللبن
نصيحة أخوية صهيني
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: Deng)
|
| Quote: من العاهات الأنا عارفا فقاع الكوتات أخونا دينق |
ياخ وكت هو اخوك فى داعى للكلام الزى ده؟
بعدين ياخ ده بوست ترحيب وصاحبته لا ناقة لها
ولا عتود فى المناوشات دى ,, ارجو ان لاتكون
بمداخلتك هذه قد اضفت اسمك للقائمة الفوق دى
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: ملهم كردفان)
|
الحبيبة بسمات ..
أهلاً بيك فى الحديقة مع النسمات ..
ويارب تنبسطى مع الونسات ..
واللمات .. والقعدات تحت النيمات ..
وشراب الجبنة والشاى مع اللقيمات ..
وكان ما عجبتك اللقيمات .. نجيب بقسمات ..
وما كدا بس .. كمان .. نجيب كوانينا .. ونعمل الشيّات ..
يا حليل القعدات مع اللمات والونسات حقات زمانات ..
يا حليل الزمن الروح .. أيام .. الثعلب فات ..
وفى ديلو سبع لفات ..
لكن .. مافى مشكلة .. ممكن .. نقعد نجتر الذكريات ..
وأخيراً وليس آخراً .. أتمنى لكِ أقامة سعيدة .. يا ابنتنا بسمات ..
واقبلى منى هذه الزهرات .. اليانعات .. مع أسمى التحيات ..
عمك العجوز ..
ارنست ارجانوس جبران
+++
| |
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: Sudany Agouz)
|
Quote: ومن شيمنا برضو اضفاء جو من المرح للترويح عن الضيف
ومن شيمنا برضو ما بنقبل الكلمة الما في حتتا |
الظاهر الـ بينك وبين دينق عامرة ـ شكلى كده حشرت نفسى بين البرتكانة
وقشرتها ,, ياخ بس مرحك ده نحن نعرفو كيفن مرح ؟ على العموم ربنا يديم الخوة بيناتكن ,,
ولك العتبى حتى ترضى
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: ملهم كردفان)
|
سلام يا مُلهم،
Quote: انحنا لو ما أتصدينا لي جديع الحجار مارجال ياعثمان..
والبهبش مره هنا بالغلط ...... فى نظرى ماراجل |
كلامك ميه في الميه
لكن يا ملهم أخوي، إتا عارف في جلاليب و بناطلين ماشه ساي. و الكلام دا للأسف قاعد يحصل.
قصدنا من التحذير، إنو أختنا ما تتفاجأ بجنس الجماعة ديل.
أرجو أن لا تتوجس بتَّنا خيفةً من كلامنا دا. فهي في الحفظ و الصون.
و مرحباً بها ألف
لك ودّي و احترامي
عثمان دُنقس
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: معاوية المدير)
|
Quote: ـ شكلى كده حشرت نفسى بين البرتكانة
وقشرتها , |
افو يا قريبي،
متين العصا ؤُ قِرفتا بقت برتكانة وشرتا ؟.
بسمات حبابك ألف .
آخر زيارة لي للسودان حضرت حفلة غنى فيها بابكر الزكار
قطار الشوق وندمت علي اني ما سجلتها، تستاهليها بصوت
الزكار الذي كان يعطر ليالينا في زمن مضى ...
| |
|
|
|
|
|
|
|
|
 Re: شكرا لكم جميعا .. فقد حظيت بعضوية الحديقة � (Re: معاوية المدير)
|
يا سلام
يا سلام
يا سلام
...........
زمااااااااااان خالص خالص جانا واحد من اولاد البندر في حلتنا جايب وصية لاهل صاحبو من الرياض
عروبنا جوا اسلموا عليهو واسعلوهو من اولادهم الجا منهم
وبين الناس ديل انبرأ واحد كان شغال في الرياض في البرحا سواق دينا
قاليهو اتا شغال وين ؟
قاليهو في الرياض
انعدل عمك وبرم شنبو وقاليهو شغال في البرحا ؟
قاليهو لا
خيب ظنو من ونسة ممتعة
طيب شغال وين ؟
قاليهو شغال في سفارة الكويت بالرياض
عمك انتكل على الحيطة وقاليهو
يا سلام .... قشطة على عسل
.
.
مرحبا الاميرة بسمات بت الشيخ حبابك ملايين
وما تعلمي كيبوردك الهوبان
وناس الحوش الصغير كلهم قدامك جاهزين للصرف
وين باقي ناس حوشنا ؟
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: طارق ابراهيم ابوالفضل)
|
بسمات نورتى الحديقة , و عشان تعرفى المنبر دا ماشى كيف , أسمعى القصة دى:-
أنا و إنتى دخلنا المنبر دا فى يوم واحد مع العلم إنك أقدم منى بى ساعتين , من امس لغاية الآن رحبو بى تلاته
و إنتى ماشاءالله عليك العميان شايل المكسر , جاكى أب تفه و أب صلعه و المشلخ و أب شنب و الشيوعى و اللخو
و الشعراء و إييييييييييييك
و على أية حال إنشاءالله يطيب ليك و لينا الجلوس فى هذا الحوش وما تقولى أنا حاسدك و إن كان الأمر لا يخلو
لكن فعلا" مضحك.
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: نصر الدين عثمان)
|
Quote: الظاهر الـ بينك وبين دينق عامرة ـ شكلى كده حشرت نفسى بين البرتكانة
وقشرتها ,, ياخ بس مرحك ده نحن نعرفو كيفن مرح ؟ على العموم ربنا يديم الخوة بيناتكن ,,
ولك العتبى حتى ترضى |
الأخ عبد العزيز الفاضلابي.
لا أبدا، فأنت لم تخطئ.
هذا الكوز سمج وسخيف.
وياهو ده سلوك الكيزان البنعرفو.
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: حيدر حسن ميرغني)
|
الأخ عبد العزيز الفاضلابي.
لا أبدا، فأنت لم تخطئ.
هذا الكوز سمج وسخيف.
وياهو ده سلوك الكيزان البنعرفو.
*******************************************
سمج لا والله عيني باردة ..انت ماشي كويس يا مهفهف
وعاوز ليك عشرة سنين تانية عشان تعرف معنى فدم ومتحذلق وصلد الذهن
أطلع يا مهفهف من بوست الترحيب بتاع بسمات وواجه مصير المحكمة المعمولة على شرفك
وتعرف سماجتي الما جمج
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: Mohd Ibrahim)
|
منورة المنبر يا بسمات
حبابك ومرحب بيك إضافة كما ونوعا للبورد
شكلك ضيعتي الباسوورد من أول يوم
أها بعد دا أفرزي عيشتك من أميرة
الجزء الثاني من بوست بن لادن أنا احتفظ بجزء كبير منه لحدي قبل الهكر بكم يوم
وعلى استعداد بتزويدكم بيه في حال لم يكن من الممكن استرجاع البوست الأصلي
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: جعفر محي الدين)
|
كنا فرشنا السكة ورود لو كلمتينا كان بالجية ,, دي خطوة عزيزة ويوم موعود الخلاك تطرينا شوية ,,,
الف مرحب بالاخت بسمات في هذا الحوش الوسيع بعد المتاوقة من قريب ,, واتمنى ان نرى ابداعاتك هنا وهناك وبالتوفيق ان شا الله ..
والشكر للاميرة التي منحتنا فرصة الالتقاء بك هنا ,
تحياتي : ياسر العيلفون 00
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: عبدالعزيز الفاضلابى)
|
Quote: بسمات نورتى الحديقة , و عشان تعرفى المنبر دا ماشى كيف , أسمعى القصة دى:ء
أنا و إنتى دخلنا المنبر دا فى يوم واحد مع العلم إنك أقدم منى بى ساعتين , من امس لغاية الآن رحبو بى تلاته
و إنتى ماشاألله عليك العميان شايل المكسر , جاكى أب تفه و أب صلعه و المشلخ و أب شنب و الشيوعى و اللخو
و الشعراء و إييييييييييييك |
ياسلام ياصلاح ,, العتب على النضر ياخ
وامسحا لينا فى تِفَفْنا دى ,, مافى وَشَّنا لإنو ماعندنا وَشْ نقابلك بيهو
بعدين ياخ حكاية الشعراء دى ,,, كان حتماً ولابُدَّن نقول شعر ترحيباً
بأميرة عطبرة ,, لأن البنية بِنَيَّتنا وشاربة من الاتبراوى ونحن ناس اتبرا
ديل زى الزهرة والفراشة ماعندنا فككان من بعض.
بعدين ياخوى هاك:
مــــــــرحـبتين حـــباب صــــــــلاح الــــــديــــــــــن
شــــــــــــــــــــرفت منـــــــبرنا زيــــادة للسمــــــحين
لومَك لينا مابْنَاباهو ونسوى الشــــــــــــين
سماح ياخوى ياسمح الخصال يازين
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: اميرة السيد)
|
| Quote: قصة اسرة بن لادن لأنها كتبت اكثر من نصف هذا البوست |
يا بكري يا حبيب .. هل يمكن إعادة هذا البوست ( بن لادن ) لتواصل الاستاذة أميرة والاستاذة بسمات إكمال هذا الفلم التوثيقي الرائع
حتى النهاية .. والله حرام .. ده بوست تاريخي حتى عرف الكثير من زملائنا في العمل من أبناء حضرموت واليمن واصدقائهم وأقاربهم هذا الحوش بفضل بوست بن لادن
ومازالوا ولكن عبر القوقل ..
تحية ناضرة للاميرات ( بسمات واميرة )
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: علي عبدالوهاب عثمان)
|
الأستاذ علي عبد الوهاب
لقد وعدت العضوة الجديدة بسمات ان تفتش هذا البوست وتعود لتكمل القصة .. بل انها كمان وعدت
ان تكتب عن شخصية سودانية وانا رشحت ليها السلمابي او الشيخ مصطفى الأمين او ابو العلا..
وبعدين انت عندك بوستات عن الشمالية تشد النفس ,, ونريدك ان تواصل ما انقطع من حديث
والله يديك الصحة والعافية .. ولنا عودة لحين مسرة وميسرة
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: عبدالعزيز الفاضلابى)
|
آسفة للتأخير في الرد على تعليقاتكم الترحيبية الحارة .. لكن مشكلة النت مشكلة..
ونبدأ بمن جاء اولا : عزيزي الفاضل معاوية الزبير:
معقولة يا معاوية قطر عطبرة يتأخر.. وانت ما سمعت ان عطبرة كانت عاصمة الحديد والنار...
وهسع سمعنا انه في قطر صيني جديد سريع من عطبرة للخرطوم وبطير زي الصاروخ..
واذا مشيت السكة حديد حأصور ليك القطر ده هنا.
ودمت دائما بخير
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: Basamat Alsheikh)
|
عزيزي الفاضل
المسنوح عبد الحفيظ ابو سن( ود كوستي)
انا السعيدة انك ما نسيتنا بعد الغيبة الطويلة دي.. لكن كان جينا للحق اميرة دائما بتجيب سيرتك لمن تتكلم مع بت خالتها
الكوستاوية.
وبعدين يعني سريع سريع عاوز تحنبق وانتو العلمتونا كيف نكون سمحين زي ما بتقول اميرة في البوست الرائع اياه والذي ألهم
خيال الأميرة ان تكتب روائع جذبت الكثيرين الذين اصبحوا اعضاء في الحوش الصغير..
وطبعا معظم اعضاء المنبر العام أكدوا، ونحن معهم، انك بقيت رقم صعب جدا في هذا الموقع الاسفيري الانيق ولا يمكن تجاوزه
ولا يمكن نمشي بنمرة 5 لمن نجي جنب بوساتاته..
ودمت بالف خير وصحة وعافية
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: مامون أحمد إبراهيم)
|
الأخ الحبيب صلاج زبير ..
أنا آسف أخى .. أعتقد أننى لم أقم بالترحاب بكم أخى ..
الظاهر السن له تأثير كبير .. وعمك بقى ينسى ..
وأقول ليك حاجة .. بعض المرات أدخل الحمام ..
انسى أنا داير أسوى شنو .. وطبعاً للضرورة أحكام ..
المهم .. مرحباً بكم يا أخى الحبيب فى هذا الحوش
العامر بصاحبه .. وبأناسه الطيبين ..
الرب يبارك حياتكم ..
أخوكم وعمكم العجوز ..
ارنست
+++
-------- -------- ---------
وأنت .. أيضاً ..
يا أخى الحبيب عثمان دنقس ..
لا أتذكر أننى قمت بالترحيب بكم ..
ولو أننى ..
أتذكر الإسم جيداً ..
لأننا .. أيام الزمن الجميل .. وفى المدارس ..
درسونا .. " عمارة دنقس وعبد الله جماع " ..
أوع يكون .. انت من نفس عائلة .. عمارة دنقس ..
مهما يكون .. حتى ولو سبق و قمنا باللازم من الترحيب اللائق
لشخصكم الحبيب ..
نعتبر هذه الكلمات بمثابة التحية لشخصكم الحبيب ..
الرب يبارك حياتكم جميعاً ..
أخوكم وعمكم العجوز ..
ارنست
+++
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: عبدالعزيز الفاضلابى)
|
الأخ الحبيب والعزيز والفاضل .. عبد العزيز الفاضلابى ..
Quote:
سلام ياسودانى يا ماعجوز
يعنى فى زول بدخل الحمام عشان يذاكر ياايرنست؟
ما يا عاوز تقضى حاجتك يا عاوز تحلق ياعاوز تستحم وتتسوك |
صدقنى .. يا عبد العزيز .. قريت تعليقك ..
وضحكتنى جنس ضحك .. بقيت أضحك براى فى الأوضة ..
وكتر خيرك .. حتى الضحكة دى كايسينها كواسة .. وما لاقينها .. ا
فى الزمن الأغبر دا .. لاكين نقول الحمد الله ..
مرة أخرى الشكر لكم أخى العزيز عبد العزيز ..
على الأقل .. اتلاقينا فى هذا البوست .. وضحكنا شوية ...
عليك الله ما تنقطع .. من قفشاتك الجميلة دى ..
الرب يبارك حياتكم أخى ..
أخوكم وعمكم العجوز ..
ارنست
+++
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: خالد حاكم)
|
عزيزي الفاضل عثمان دنقس
اجمل التحيات والامنيات
وشكرا لامنياتك الطيبة..وانا عندي حسن ظن كبير باعضاء المنبر العام
في هذا الفضاء الاسفيري الراقي..ويمكن ،كما قالت العزيزة نور تاور،القى
لغم وسط الحديقة الغناء..لكني عندي وقاية من حماقات الرد واكتسبتها
من بوست انيق وراقي كتبه الكوستاوي ود ابوسن وتعلمنا منه الكثير في
طريقة تحويل الاشواك الى ورود..
ودمت دائما بالف خير وعافية
بسمات
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: مني عمسيب)
|
لنقف لحظة صمت حزنا على وفاة عضو البورد سامي عبد المطلب ونسأل له الرحمة والمغفرة قبل ان نواصل...
....
..
..
عزيزي الفاضل علي عبد الوهاب
شكرا للترحيب الحار
واطمئن فسوف يعود ذلك البوست قريبا بعد ان وعدنا الاستاذ جعفر بمدنا بالحلقات الاخيرة التي اتمسحت بفعل الهاكر
وقد كانت القصة في فصولها الاخيرة او في الحقيقة في الفصل الاحير.. ولدي الان كتاب تحت يدي اسمه:" The Kingdom
وبه معلومات كثيرة جدا عن السعودية ومعلومات خافية على الكثيرين واهم الاحداث في ذلك البلد، وربما يسمح لي الوقت
باستعراضه هنا، إلى جانب استعراض شخصيات سودانية اثرت في المجتمع السوداني.
والشكر مرة اخرى لشخصك الكريم لما ابديته من مؤازرة ودعم خلال ترجمتنا لقصة الاسرة الحضرموتية التي تحدت الصعاب
ونجحت نجاحا باهرا في المملكة العربية السعودية..
ودمت بالف خير وصحة وعافية
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: Basamat Alsheikh)
|
عزيزي الفاضل
الطيب عبد الرازق النقر
شكرا على الاطراء .. واحب اؤكد ليك ان المنبر العام فعلا مليان بالقامات وفي جميع المجالات وان العاهات
قلة قليلة جدا لا تذكر ، وربما اندثرت تماما ، ولا تؤثر ابدا في مسيرة هذا الموقع الاسفيري الانيق والذي يعتبر
نافذة الحرية للشعب السوداني..
ودمت بالف خير وصحة وعافية
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: Basamat Alsheikh)
|
عزيزي ود الفاضلاب،، جارنا بالحيطة
شعرك الانيق ده بيدل على انك كنت بتعوم في الاتبراوي وكنت بتشرق وتشرب منه الكثير
من الموية العكرانة، زي ما بيقول اباذر، لأن البيشرب من الاتبراوي احساسه دائما بيكون رهيف
والشكر ليك مرة ومرتين وثلاثة لدعمك المستمر وتشجيعنا.. ولمن نشوفك تاني في الاجازات القادمة، فإنت
معزوم مع اسرتك في الضفة الاخرى لقريتكم الوادعة البهية وتجونا في حي السودنة والذي لا يزال يحتفظ
برونقه وبهائه وطيبة سكانه..
ودمت دائما بالف خير وصحة وعافية
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: Basamat Alsheikh)
|
اهلين بسمات
اضغطى على ريبلاى
زى الدار تكنك تردى على زول
تشوفى بالاحمر...تحميل صورة
تضغطى عليه
وتختارى الصورة..
وتعملى تحميل للصورة
لو نجحت المحاولة
بتلقى الصورة الاخترتيها
وتحتها..كودين
الاول ..لو عايزة الصورة فى البوست
والثانى..اصغر ده تعملى ليهو كوبى
وتمشى تحت او اعلى
بتلقى كلمة بروفايل
بتلقى خانات كتيرة
من ضمنهم خانة لاضافة الصورة
اها
تعملى بيست
طوالى تلقى صورتك ظهرت تحت اسمك
ويامسهل
هههههههههه
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: Basamat Alsheikh)
|
الحبيب العم ارنست
ونحن بنسميك دائما حكيم المنبر لأن كلامك كله جميل وسمح ويتسم بالمنطقية والمعقولية..
وبعدين يا ارنست انت ولا عجوز ولا حاجة.. وما شاء الله وكأنك في مقتبل الشباب..
وبمناسبة اللقيمات، فانا عاشقة للقيمات مع شاي الصباح.. واليوم بالذات حنمشي نجيب اللقيمات
وانت معزوم معانا..
وشكرا للترحيب الحار
ودمت بالف خير وصحة وعافية
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: mohmed khalail)
|
الاستاذ محمد خليل
الحقيقة انا نقلت الاسماء من بوست اميرة المعنون" بسمات تقف ببابك تستأذن في كلمة مرور...."ولمن اسمك ما كان مكتوب
ولكننا لم ولن ننسى ابدا الوقفات المشرفة التي وقفتها معنا اثناء لرجمة كتاب اسرة حضرموت.. فلك العتبى حتى ترضى
وشكرا مرة ثانية على التثنية والترحيب... وحنرجع للفصل الأخير من الكتاب قريب فخليك جاهز للمساعدة..
ودمت بالف خير وصحة وعافية
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: Basamat Alsheikh)
|
الاستاذ الفاضل عبد الله عبد الله
ومرحب بيك انت كمان
وانا بت عطبرة .. ولكن نيويورك ما بننسى فضلها والتي علمتنا الكثير في فنون الحياة
وانا شفت مدن كثيرة ولكن نيويورك مدينة لها طعم خاص باختلاف الثقافات فيها.. والمهاجر
الجديد لا يشعر بوحشة الغربة او بانه غريب لأنك تجد العالم كله متجمع في هذه المدينة الفريدة
وشكرا للترحيب
ودمت بالف خير
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: Basamat Alsheikh)
|
عزيزي الفاضل
الشهم عبد الله ود البوش
( وبالمناسبة اميرة دامئا بتقول ان ود البوش عنده شبه كبير بالصادق المهدي
وكأن الصادق اخوهو الكبير)
وحبابك انت بلايين
وكان نسينا ما بننسى تشجيعكم ودعكم لينا في الحوش الصغير ، والآن في الحوش الكبير
بنحتاج كثير للدعم والتشجيع لاني احتمال اخوض في غمار السياسة وانت عارف دروبها
صعبة .. وده من شدة الألم الشفته في عطبرة الحنينة..
لكن كلمة " ما اعلم كيبوردي الهوبان" دي .. إلا تجي اميرة البدوية او ود حلتنا ود الفاضلاب
يشرحوها لي..
ودمت بالف خير وصحة وعافية يا ملك.
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: جمال خضر)
|
عزيزي الفاضل صلاح زبير
وزي ما قالوا ليك اعضاء المنبر العام هنا ما تتحسس بالطريقة دي.. ومع اني متأكدة انك كتبت
الكلام ده على سبيل المزاح والونسة( You are only lidding)
ولا شك ان الكل يتمنى لك اقامة طيبة في حوش الباشمهندس بكري الكبير، واذا قريت نعليق اميرة يمكن تقتنع ،
وكمان نوجه ليك دعوة خاصة لحوش اميرة الصغير بعدما نأجر لينا قصاص أثر ونقدر نتلم فيه..
ومرحب مرة ثانية في هذا الفضاء الاسفيري الانيق
ودمت بالف خير
| |
|
|
|
|
|
|
|
|
|
Re: شكرا لكم جميعا .. فقد حظيت بعضوية الحديقة � (Re: Basamat Alsheikh)
|
بت عبدالرحيم ازيك ,, أها إن شاء الله طاب ليك المقام؟
فى حوشك الجديد ,, فسراع أنزلى سوق استامفورد واشترى ليك
جبنة وشرغرغ ونحن بنجى بى بنابرنا ,, عشان تجى تسوى لينا
الجبنة ,, وماتنسى اللِّيفة,, واللميرة دى اشترى ليها تُرمُسة عشان
مى متعودة على جبنة الطين ,, ماتشيل حالنا قدام بان كى مون.
| Quote: وكمان نوجه ليك دعوة خاصة لحوش اميرة الصغير بعدما نأجر لينا قصاص أثر ونقدر نتلم فيه.. |
كان مالقيتى قصاص اتر أختفى كراعك لى عند حى الأُرطة
تحت الكبرى استلفى منهن كـ لب بوليسى عشان يجيب لينا
خبر البوستين ديل ,, بتاع بن لادن وحوش اللميرة
| |
|
|
|
|
|
|
| |
معاوية الزبير
علي محمد الفكي
Deng
Yousif A Abusinina
عبدالحفيظ ابوسن
Osman Dongos
علي عبدالوهاب عثمان
الطيب عبدالرازق النقر
عبدالعزيز الفاضلابى
ملهم كردفان
Sudany Agouz
Abureesh
ABDALLAH ABDALLAH
معاوية المدير
جلالدونا
عبدالله ود البوش
طارق ابراهيم ابوالفضل
ismeil abbas
Salah Zubeir
elhilayla
محمد البحر
نصر الدين عثمان
نعمات عماد
بكرى اللبيب
حيدر حسن ميرغني
Mohd Ibrahim
جعفر محي الدين
ياسر السر
محمد مجيدو
اباذر عبد العال
عبد المنعم سيد احمد
nour tawir
Elmosley
مامون أحمد إبراهيم
الباقر ابوبكر ابراهيم
يحي قباني
عزالدين عباس الفحل
مني عمسيب
مصطفى الجيلي
mohmed khalail
جمال خضر
فيس بوك
تويتر
انستقرام
يوتيوب
بنتيريست