|
|
 بكرى ابوبكر ... شوف ليك حل او اقفلها ياخى
|
02:10 PM Aug, 18 2015
سودانيز اون لاين
هشام عباس-
مكتبتى فى سودانيزاونلاين
متفهمين جدا سعى صاحب المنبر فى تطوير الموقع ومحاولة اشراك اكبر قدر من الاراء بربط الموقع بوسائل التواصل مثل الفيس بوك وتويتر
وللامانة مشاركات واراء كثيرة عبر نافذة الفيس بوك تستحق الاحترام وتستحق انها تعلق على صدر المنبر لكن فى نفس الوقت تمر اشياء تشوه
كل جميل وتوجه ضربة قاضية للفكرة من اساسها ..
كنت اتصفح بوست لاحدى الزميلات ووجدت نفسى امام تعليقات الزوار عبر نافذة الفيس بوك للامانة حاجة لا يمكن ان يتصورها العقل وما كنت
اتصور ان يوم من الايام تقابلنى هذا المستوى من الشتم والسفه والاساءة فى منبر عام ومقروء لكل فئات المجتمع ما ممكن باى حال من الاحوال ان
تصل كلمات و اوصاف بتلك القذارة الى منبر او حتى تقال بين اتنين ايا كان مستواهم ..
لا نريد ان نظلم اصحاب الاراء الجيدة والمهمة لكن فى نفس الوقت ايضا غير مسموح ان نفاذة كهذه تتحول الى ماخور مفتوح من اسفل لكل بوست
ووسيلة وباب من ابواب تصفية الحسابات وممارسة عنف لفظى مبالغ فيه ..
اما البحث عن آلية تحد من استخدام كلمات واوصاف معينة اوفى حالة العدم قفلها نهائيا
|
|
  
|
|
|
|
|
|
|
 Re: فضيحة : معقولة يا اطباء السودان (Re: هشام عباس)
|
Quote:
أبو أحمد أبو أحمد · جامعة السودان للعلوم والتكنولوجيا
مرحباً هشام عباس
وما تزال الديمقراطية التي ينادي بها كل منسوبي سودانيز أون لاين، محلك سر.. لماذا هذا الإقصاء.
والله ما الأعلون بأفضل من الأسفلين..
أعجبني · رد · 14 ساعة
Mugahid Abbaker · San Diego Mesa Community College
الاخ الكريم انا ليس عضو لاكن من قراء سودانيز ١٣ سنة كون تقول اخلاق نوافس التواصل الاجتماعي زي الفيس بوك و تويتير و قريبا الوتساب دا كلام بعيد و اي إنسان يشتم إنسان و يقدس إنسان دي مسؤلية الشخص و هنا بعد الأعضاء في سودانير لا اكعب من الفيس بك
للمناسبة سودانير أصبحت قبلة لي اكثر من عشرة مليون سوداني و أصبحت السودان المرعي و المسموع لي سودانيو الخارج و الداخل و أصبحت راديو و تلفزيون و الصحافة السودانية و مرتبطة بقوانين دولية و التزامات
شكرًا لي إدارة سودانير و التحية لي كلو أعضاء سودانير مستقلين و كيزان و معارضة و حركات و جانجويد و كل الاخوة و الاخوات من ابناء الوطن بدون فرز
أعجبني · رد · 15 ساعة
خالد طلعت · جامعة السودان
شفته كيف يا ابو احمد في اول اختبار لم ينجح احد . .
وتلام الحكومه على اغلاق الصحف . . الفرق بس واحدين في السلطه والتانين في المعارضه بكره تتبدل المواقع ونشاهد نفس المشاهد .. |
يا شباب والله مع احترامى الكبير ليكم الحكاية ما انزعاج من مشاركات ولا انزعاج من رايى اخر ولا اى شئ من دا
الحكاية وما فيها ان بعض المشاركات بالاخص فى البوست الذى اشار اليه فاتت كل حدود المعقول
ياخى ابدا الحرية ما كانت سفاهة وتفاهة وطعن فى شرف اسر وبنات ناس لمجرد انك تختلف معاهم فى الراى او موضعهم ما عجبك
مين قال دى الحرية ؟؟
كنت اتمنى لو اقدر انقل ربع الكلام اللى انا قاصدو واسالكم عن رايكم فيه لكن للاسف اقل كلمة فيها ما بتتقال
| |
|
|
|
|
|
|
|
|
|
Re: فضيحة : معقولة يا اطباء السودان (Re: هشام عباس)
|
سلام للجميع
ربط سودانيز بنافذة الفيسبوك يزيد من نشاط المنبر وبالتالي يزيد الدخل. ولكن يسيء الى سمعة المنبر فالديمقراطية لا تعني الفوضى والاعتداء اللفظي والبذاءة.
بعض مداخلات الفيس تنتهك لوائح وقوانين المنبر ولكن بكري لا يستطيع ان يمسحها. إذن لماذا يسمح بظهورها من الأساس؟
أقترح أن تغلق نافذة الفيسبوك وبإمكان المعلقين الكتابة في الفيسبوك مباشرة اذا لم يكونوا اعضاء مشاركين في سودانيز.
ياسر
| |
|
|
|
|
|
|
|
|
|
Re: فضيحة : معقولة يا اطباء السودان (Re: Yasir Elsharif)
|
اصحاب الالفاظ البذيئة معظمهم اعضاء في المنبر يتداخلون تحت اسماء وهمية للنيل من البعض لانهم لايقدرون على ذلك باسمائهم الحقيقية
هذه النافذة ضرورية رغم كل الاذى الذي يسببه الخفافيش ...
شكرا يامان على التنوير بهذه الحقيقة المرة
| |
|
|
|
|
|
|
|
|
|
بكري أبوبكر.. شوف ليك حل أو أقفلها ياخي (Re: حيدر حسن ميرغني)
|
سلام للجميع
تعليق على الأمين إبراهيم من نافذة الفيس بوك الذي كتب
Quote: Alamin Ibrahim
والله ماشاء الله عليك يا ياسر الشريف يامستنير انت ايوة دي الديمقراطية كده ولا بلاش العايز يتكلم بحرية تامه يتكلم داخل غرفة نومه ( تقرأ صفحته في الفيس ) عجبي !!! شكرا ليك يا حيدر حسن يا اصيل هذا مع كامل ادانتي للتعدي اللفظي من اي انسان وتجاه اي انسان . |
طبعا أنت متفق معي ولست مختلفا، فأنت محترم وأنت ضد التعدي اللفظي. الحرية هي أن تفكر كما تريد وتقول كما تفكر وتعمل كما تقول بشرط أن تتحمل مسئولية قولك وعملك أمام القانون الدستوري، والقانون الدستوري هو الذي يوفق بين حقوق الفرد وحقوق الجماعة. المنبر له قوانين تمنع السب والإساءة وانتهاك الأعراض كما جاء في الأمثلة التي لم يستطع هشام عباس أن ينقلها. كيف يمكن محاسبة مثل هؤلاء؟ بكري لا يستطيع أن يحذف الإساءة كما يفعل في المنبر تطبيقا للوائح. لذلك جاء العنوان "شوف ليك حل أو أقفل النافذة".. أم أنك ترى أنهم أحرار في السب والإساءة وأن هذه هي الديمقراطية؟
تعليق على الأخ حيدر حسن ميرغني الذي كتب
Quote: اصحاب الالفاظ البذيئة معظمهم اعضاء في المنبر يتداخلون تحت اسماء وهمية للنيل من البعض لانهم لايقدرون على ذلك باسمائهم الحقيقية
هذه النافذة ضرورية رغم كل الاذى الذي يسببه الخفافيش ... |
لا أعتقد أن معظم أصحاب الألفاظ البذيئة يفتحون حسابات بأسماء وهمية في الفيس بوك يكتبون بها في نافذة سودانيز أونلاين. نظام الفيس بوك يسمح بملاحقة المشاركين لو أراد أحد ملاحقتهم وتقديمهم للمساءلة. بكري لن يتمكن من ذلك.
نعم النافذة ضرورية لو أحسن استخدامها.
ياسر
| |
|
|
|
|
|
|
|
|
|
Re: بكري أبوبكر.. شوف ليك حل أو أقفلها ياخي (Re: هشام عباس)
|
التحية لك .. يا المحترم دومآ هشام عباس . ولضيوفك الافاضل .
يرفع البوست عاليآ ..
حتي نجد الحل لنافذة المرحاض التي لاتعود علينا الا برائحة الخبث والخبايث
من قذف محصنات وبذاءة اللسان من المشبوهين الذين لايشبهون هذا الوطن المصون
والحوش الطاهر .
ولي عودة ..
| |
|
|
|
|
|
|
|
|
|
Re: بكري أبوبكر.. شوف ليك حل أو أقفلها ياخي (Re: مني عمسيب)
|
سلام هشام ومشكور على اثارة البوست
الأخوان من الفيس بووك سلام عليكم ورحمة الله
يا شباب كلكم على حق, التعميم لا يصح وكذلك اخد البريئ بجريمة الآثم
لكن ادونا رايكم طيب , الحل شنو؟
ما فيكم واحد برضى يتشتم و يُساء ليه بالطريقة الحصلت من قبل وبتحصل دي, نورّونا باقتراحاكم لوقف هذه السفالة جزاكم الله خير
| |
|
|
|
|
|
|
|
|
|
Re: بكري أبوبكر.. شوف ليك حل أو أقفلها ياخي (Re: مرتضى احمد عبد القادر)
|
وعليكم السلام اخونا حافظ الإمام | Quote: الأخ ود البشرى تحياتي، الحل هو فتح نافذه أخرى بدلاً من الفيسبوك تتيح للقراء إبداء آراءهم وتُمكِن صاحب الموقع من سحب المداخله الغير لائقه إذا تعذر فعل ذلك من خلال الفيسبوك. يمكن إعطاء الخاصيه دي لصاحب الموضوع، ولكن لأن كثير من الأعضاء تنقصهم ثقافة الإختلاف في الرأي فسوف يقوموا بمسح أي مداخله لا تروق لهم، لذلك من الأفضل أن يكون صاحب الموقع هو المسؤول ،ومن حق أي صاحب موضوع أن يقوم بإبلاغ صاحب الموقع إذا شعر أن هناك أي مخالفه. |
فكرة كويسة برضك, لكن لها عيوب, زي ما قلت اذا صلاحية الحذف عند العضو معناها اي تعليق ما يعجب صاحب البوست حتى لو لم يخالف الأدب و العرف ممكن يتحذف, ولو ظلت عند بكري فا نفس السبب الذي جعله يعطي خاصية حذف المداخلات للأعضاء متواجد وهو ضيق زمنه ومهما فعل فلن يكون متواجد طيلة الاربع وعشرين ساعة, ثم الحذف من اساسه ليس علاجا فعّالا وشاملا فالإساءة طالتك وانتهت حتى لو حذفتها بعد حين, ولازال باستطاعة البعض التخفي تحت اسم مستعار و انت عارف بعض السودانيين ومدى جبنهم الذي يتحول لفحش عند الإحساس بأمان الـ anonymity وكيف الواحد بطلّع الواطي الجوّه لمّا يلبس قناع.
لكن خلّيني أسألك سؤال يا حافظ - ونفس السؤال لبقية الأخوان - طالما بتستخدم النافذة للتعليق على المواضيع و التواصل مع الأعضاء وبإسمك الحقيقي و صورتك بالتالي ما عندك مشكلة تدعوك للتخفي ومستعد لتحمّل مسؤولية ما تكتبه
رايك شنو لو تحصّلت على عضوية الموقع وتواصلت و علّقت بي فوق بدلا عن النافذة, ما ح تفرق معاك اعتقد
يبقى قد يكون حل وسط في رأيي وهو أن كل من يرغب في التواصل و التعليق يتقدّم بمعلوماته لعضوية البورد كما باقي الأعضاء, وعلى صاحب الموقع اتاحة الفرصة و منح العضوية
حينها اغلاق النافذة لن يضر سوى اولاد الحرام العايزين يستغلّوا إمكانية التخفي البتيحه عشان يقولوا ما عجزوا عنه بوجوههم الحقيقية
| |
|
|
|
|
|
|
|
|
|
Re: بكري أبوبكر.. شوف ليك حل أو أقفلها ياخي (Re: محمد البشرى الخضر)
|
كتب No GdQuote: - ود البشرى كونك تسأل وتبحث عن حلول للنرجسية الزايدة بتاعتكم دى !! دا انحدار منك ما اكتر
لا انت ولا هشام عباس ولا غيرك من حقو يتكلم فى مصير النافذة دى لاننا بنمثل "عزيزى المشاهد" !!
الزول الحساس شديد وما بحب المراحيض رغم انو ما بقدر يستغنى عنها عندو خياراتو والباب بفوت جمل
والزول البميز بين اللفظ البذيئ واللفظ الغير؛ دا زول واااااااعى وخابر الكلام البقرأ فيهو ،، بالتالى
هو قادر يفرق بين الطيب والخبيث .. إختشوا يا قول دينق .. |
نرجسية شنو يا شيخنا الله يهديك!
كونوا الواحد ما عايز يتشتم من شخص متخفي تحت اسم مستعار دا في نظرك نرجسية وزايدة كمان؟ اعتقد والله اعلم انك محتاج تراجع تعريفك ليها , او كمان تعيد قراية البوست يمكن فهمته بشكل خاطئ
بعدين منو القال ما من حق أحد يتكلم في موضوع النافذة! ياخي هو لو ما اتكلمنا احنا الح يتكلم منو؟
انا شخصيا اتشمت لامن قلت بس بل ووصلت الشتيمة والداي وزوجتي من النافذة دي, من حقي ان اتكلّم وأحمّل بكري المسؤولية الأخلاقية عن اتاحته مجال لبعض الحقيرين استغلالها في النيل من الناس باقنعة, نعم القرار بيد بكري لكن من حقي وغيري ان نتكلم و نثير الموضوع
بعدين ما المقصود بان من يميز اللفظ البذيئ و اللفظ الغير زول واعي؟ تقصد من يتلفظ ام القارئ
يا خالد طلعت عجبني تشبيه الوقوف في الحر, سؤال هل قدّمت انت للعضوية
لأن شايف في الفترة الأخيرة العضوية صارت أمر يسير و كثيرين نالوا العضوية ومنهم من كان يكتب عبر الفيس بوك, كل المطلوب ما يثبت لبكري انك شخصية حقيقة بصورة هوية او شيئ من هذا القبيل
كدي لو ما قدّمت من قبل قدّم الآن ومرحب بيك مقدما
| |
|
|
|
|
|
|
|
|
|
Re: بكري أبوبكر.. شوف ليك حل أو أقفلها ياخي (Re: أبوبكر عباس)
|
طيب موش احسن تجي انت عضو ؟ بدل تكون مغموس في وسط المرحاض ؟
وبتحارب وبتكارب ؟ خياراتنا اراءنا دي وزي ما ادونا الاستيكة نمسح المداخلات
المخلة بالادب ومشوهة لينا منظر الحوش نافذة المرحاض الانت غرقان فيها ما اقل من
التشوية الكان حاصل ! وما زلنا بنطالب بالحل لهذه النافذة المرحاض وانت لو ما عاجبك امشي شوف
ليك مرحاض تاني اغرق فيه .. قال ( عزيزي المشاهد ) قال !!! ونحن النافذة مابنسيبها لاننا نحن عزيزي
الكاتب وليست الغرقان وسط القاذورات !
Quote:
كتب No Gd
Quote: - ود البشرى كونك تسأل وتبحث عن حلول للنرجسية الزايدة بتاعتكم دى !! دا انحدار منك ما اكتر
لا انت ولا هشام عباس ولا غيرك من حقو يتكلم فى مصير النافذة دى لاننا بنمثل "عزيزى المشاهد" !!
الزول الحساس شديد وما بحب المراحيض رغم انو ما بقدر يستغنى عنها عندو خياراتو والباب بفوت جمل
والزول البميز بين اللفظ البذيئ واللفظ الغير؛ دا زول واااااااعى وخابر الكلام البقرأ فيهو ،، بالتالى
هو قادر يفرق بين الطيب والخبيث .. إختشوا يا قول دينق .. |
| |
|
|
|
|
|
|
|
|
|
Re: بكري أبوبكر.. شوف ليك حل أو أقفلها ياخي (Re: Sulaiman Adam)
|
الآخ الفاضل .. سليمان آدم ,,
لك التحية والتقدير ..
Quote: لا لقفل نافذة الفيس
بعض الاراء ووجهات النظر من الاخوة فى نافذة الفيس افضل بمراحل من المنبر
ممكن ايجاد طريقة لحذف الردود الغير مهذبه .... |
اخي سليمان نريد فقط حل جذري للموضوع باي طريقة زي ما حلت مشكلة الردود
الغير مهذبة داخل الحوش . واثني علي فكرتك لانه صاح مامفروض نحكم علي الجميع
بانه سئيين . وسلمت اخي ..
من اجل منبر سليم ومعافي .
| |
|
|
|
|
|
|
|
|
|
Re: بكري أبوبكر.. شوف ليك حل أو أقفلها ياخي (Re: مني عمسيب)
|
Quote: اخي سليمان نريد فقط حل جذري للموضوع باي طريقة زي ما حلت مشكلة الردود
الغير مهذبة داخل الحوش . واثني علي فكرتك لانه صاح مامفروض نحكم علي الجميع
بانه سئيين . وسلمت اخي ..
من اجل منبر سليم ومعافي . |
ليك التحيه والتقدير اخت مني وكامل التضامن معاك فى اى اساءة موجهه لشخصك
نتمنى ايجاد طريقة لوقف الردود غير المهذبه بدون قفل نافذة الفيس لانو فعلا فيها ناس ممتازين جدا وعلى درجة عاليه من الادب
لاتزر وازرة وزر اخرى
| |
|
|
|
|
|
|
|
|
|
Re: بكري أبوبكر.. شوف ليك حل أو أقفلها ياخي (Re: Sulaiman Adam)
|
يقول أبوبكر شكّاك Quote: علينا ترك النافذة على ما عليه، وحجة صديقنا من الفيس بوك بتاعت هم بمثلوا "عزيزي المشاهد" حجة قوية
وعلينا مواجهة الردود التي فيها تعدي بردود منضبطة وعدم تجاهلها. |
فكرة عزيزي المشاهد فكرة خاطئة تماما, فالمنبر للحوار و الحوار يعني شراكة اكثر من طرف, وليس عبارة عن مسرح أو شو به "مؤدين" و " مشاهدين" و "نقاد"
المشكلة ان البعض أخذ هذا الفهم الخاطئ و صار يتعامل به من خلال الفيس بووك, مقعد المشاهد الآمن المختفي وسط الجمهور وبمقدوره ان يصفّر استهجانا و يشتم بلويلقي بالطماطم و البيض على المسرح
بل اكثر من كدا البعض نزل من الأعلى بحثا عن الشجاعة التي يمنحها ستر الفيس بوك وارتدى قناع وصار يشتّر من هناك
المنبر بما فيه الفيس بووك للحوار يعني من يشارك فيه عليه الايفاء باستحقاقات هذا الحوار واولها تحمل مسؤولية ما تكتب, أمّا التخفي وراء الحجاب هو البدّي الشجاعة الزائفة دي
Quote: Hafiz Elemam Mohieldin · كالغاري
سلام تاني يا ود البشرى، أنا والله كان عندي عضويه عند بداية سودانيز في سنة ٩٩ وفقدتها نسبه لعدم المشاركه، وكتبت لبكري إيميل قبل عدة سنوات ولكنني لم أحظ بأي رد فأصبحت زاهداً في المطالبه بعضويه وأكتفيت بمشاركة الفيسبوك . غرضي من المشاركه ليس لفتح مواضيع للنقاش فهناك أعضاء أعلم مني في كل المجالات ولكن للمساعده لرفع الظلم والدفاع عن بعض الأشخاص الذين أعرفهم والذين تعرفت عليهم من خلال متابعتي للمنبر فوجدت في نافذة الفيسبوك ضالتي. بالمناسبه نفس الكلام القاعد أكتبه في الفيسبوك ممكن أكتبه فوق لو عندي عضويه لأنه أي كلمه كتبتها أعنيها تماماً وتمت قراءتها من جميع أفراد أسرتي وأصدقائي لأنه ده إسمي الحقيقي وعندي حساب واحد في الفيسبوك ومافيش شئ خايف منه طالما غرضي رفع الظلم . الفيسبوك يا ود البشرى ما كله شر، أحياناً فيه خير، لو ملاحظ في أعضاء كتار كانوا عاملين فيها صعاليك وبمجرد ما شافو الصقع بتاع الفيسبوك ده بقوا إعملوا حسابهم.
أعجبني · رد · 20 أغسطس، 2015 04:58 صباحاً |
تمام يا حافظ متفقين على ان المشكلة ليست في الكتابة من الفيس بل المشكلة في استغلاله باسماء مستعارة للإساءة, أنت لم ولن تفعل ذلك ممتاز لكن كيف الحل مع من يفعل
حتى الوصول لوسيلة تقنية تتيح حظر هؤلاء الجبناء وإجبارهم على تحمل مسؤولية ما يكتبون لا ارى حلّا سوى اغلاق النافذة و حتى لا يتضرر امثالك فا العضوية مفتوحة و يمكنك كتابة نفس الآراء بالأعلى يبقى هنا لم يتم منعك من حرية التعبير فقط تغيّر المكان الذي تمارسها فيه, من سيتضرر هو الجـــبان الذي لايريد ان يتحمل مسؤولية ما يكتب و يريد ان يسيئ لللآخرين من وراء حجاب وديل حرية تعبير شنو ليهم كمان ديل لا يستحقون سوى الجزمة القديمة :)
No God.. مرة تانية بقول ليك اعد قراءتك عن مصطلح نرجسية إن شاء الله يقع ليك المرة ديQuote: السؤال هنا ،، انتو منو ؟ انتو ناسين انكم مجرد اعضاء ؟ دا واقع موجود انتو مثاليين ما بتشبهونا
اذا كانت الحاجات دى هى جزء من المجتمع السودانى وبتتقال واصيلة فيهو يعنى واقع موجود ،،
- يبقى انتو عايشين فى ابراج عاجيه مفترض تنزلو منها علشان نحن كلنا نقدر نعالج الخلل
ونعرف لى الالفاظ البذيئة بقت (تتكب) فى مواقع التواصل بعد ما كانت بتتقال فى الجلسات والقعدات
والونسات بشكل عاااااادى ،، وكان مافى زول فيكم بقولها "دقشت اضانو كتير" الجقلبة فوق كم ..
- يعنى متفقين المشكلة فى كتابتها لكن هى ما غريبة علينا وهى واقع موجود " نعالجها بى موضوعية"
افتحوا بوست علقوا فووووووق عنوانو "السودانى ما بشتم ولا بقول الكلام الشين" .. |
يبدو انك ما ادركت المغزى من البوست, الحديث هنا ليس عن الالفاظ بصفة عامة لكن عن توجيه هذه الالفاظ و اقذع منها بشكل محدد لشخص معّين و اساءته
وكون هذه الإساءة تاتي من واحد متخفي ضامن ان الإسم المستعار يحميه من المسؤولية وقد يكون - وغالبا ما يكون - هذا المنحط زميلا في المنبر لمن وجه إليه الإساءة يبادله السلام و الإحترام بالأعلى و ينعل سنسفيل جدوده بالأسفل, اسألك انت باعتبارك انسان سوي- مفروض كدا, هل تقبل نفسك هذا التصرفات الحقيرة؟
Quote: - انت ما عايز تقرأ الفاظ جارحة وشتائم دا من حقك ،، وانا برضو مزعجة جداً بالنسبة لى "متفقين"
(وَلَا تَزِرُ وَازِرَةٌ وِزْرَ أُخْرَى) يبقى انت ما من حقك تحدد مصير النافذة دى ،، وعندك خياراتك !!
ونحن ما عايزين نسجل فى المنبر دا ياخ نحن عايزين النافذة دى بتكفى ..!!
انت حدك تعليقات الاعضاء الرسميين وما تنزل لى تحت شديد تصل آخر الصفحة أعتبرنا ما موجودين ..
- انت وصلاح جادات قاعدين تتبادلوا فى الشتايم ليكم فترة ،، بريمة قال (ملايطة أو ملاوطة)
دينق قال (كلب ناس السرة) وغيرها امثلة كتيرة !! دى كلها ما "قلت ادب" هل الناس ديل حقيرين ..؟
يعنى اذا شتم فيكم القوى تركتوه واذا شتم الضعيف اقمتم عليه حد الحرمان من المشاركة ..؟
ياخ الناس كلهم ما إتربو فى بيت "البشرى الخضر" وكل إناء بما فيه ينضح ،،
وقال (( بعدين ما المقصود بان من يميز اللفظ البذيئ و اللفظ الغير زول واعي؟ تقصد من يتلفظ ام القارئ ))
أكيد القارئ ،، من يتلفظ اتمنى ليهو ربنا يهديهو زى ما اتمنيتها لى انت ،، وهو أصلاً انسان غير مؤاخذ يعنى
المجنون فى ذمة الواعى .. |
مرة تانية اعيد ليك المسألة ليست في الالفاظ, لكن تحديدا في الإساءة خلف حجاب للتهرب من المسؤولية
بعدبن انت تحديدا كان خايف من الأمن وعايز تناضل ببساطة كلّم بكري انو يديك يوزر نيم باسم رمزي وما تخت بياناتك في البروفايل و تعال ناضل بي فوق, زاتو فوق النضال أكثر فاعلية :)
| |
|
|
|
|
|
|
| |
هشام عباس
ABDALLAH ABDALLAH
عمار عبدالله عبدالرحمن
Yasir Elsharif
حيدر حسن ميرغني
مني عمسيب
محمد البشرى الخضر
Deng
مرتضى احمد عبد القادر
أبوبكر عباس
Sulaiman Adam
فيس بوك
تويتر
انستقرام
يوتيوب
بنتيريست