|
ورنيـــــك 15 وخروف الدامر- صورة
|
10:50 AM Aug, 18 2015 سودانيز اون لاين Adam Youssif-Jeddah, Saudi Arabia مكتبتى فى سودانيزاونلاين
فــي الدامــر (دامر المجذوب) بولاية نهر النيل ..لو مشيت سوق المواشي وعايز تشتري ليك (خروف) لازم تدفع لود ضحوية 5 جنيه كاش .. ليييه ؟ رسوم دخول السوق وكدا ! طيب ود ضحوية دا بأي صفة يشيل منك 5 جنيه ؟ بصفتو متعهد تحصيل ..رسى عليه العطاء لتحصيل رسوم السوق من اي واحد يخش السوق ويشتري خروف او غنماية او تيس أو حتى ديك أعور ! أو دجاجة متفلهمة ! أو سخلة حوصاء ! او حمار مرات مرات بيشتغل مطرب جماهيري ! او حصان نزل معاش وخلى عربة الكارو لشبل جديد ! المهم تدفع ! لكن أهم حاجة لازم تقول لــ(ود ضحوية ) إسم قبيلتك شنو واسم شيخ الحلة والعمدة او الناظر والحلة الانت ساكن فيها عشان يطلع ليك (أيصال استلام) ..بالمناسبة الايصال المالي ما اورنيك (15) ولا 14 ولا 13 ولا 11 ولا عندو أي رقم ذاتو ..! وأهم حاجة لازم يكتبو في الايصال المالي دا أوصاف الخروف..آآآي مش في الجواز مكتوب أوصاف حامل الجواز ؟ اها هنا لازم الخروف يكون وصفو مكتوب: ابيض الجلد عيونه عسلية كبيرة وعندو قرنين واحد فيهم مكسور وحالتو الصحية (تحير) .. ذيله سمين وعندو (تمبلة) وبيقول باااااااااااااااااع ! وانت اشتريت ! منقــــــــــــــــووووول
|
|
|
|
|
|
|
|
Re: ورنيـــــك 15 وخروف الدامر- صورة (Re: Adam Youssif)
|
المتعهدون فئة موجودة في العمل التجاري منذ أمد بعيد ... وفي جميع دول العالم تقريبا هذا الشخص يقوم بتنظيم الجهة الموكلة له مثل سوق الماشية أو أماكن النقل العام... وما شابه ذلك يدخل التجار في مزايدة حول المبلغ الذي سيدفعونه للدولة خلال العقد .... ويتم كتابة الأسعار المتفق عليها في العقد ( الأسعار للجمهور والمستفيدين ).... لذا فإن الإيصالات المتعلقة بالتحصيل لا تخص الدولة .. وهو يطبعها بطريقته
في هذه الحالة ليس هنالك ما يعيب.. يبدو أن ود ضحوية فاز بالعقد ..
لكن الشيء غير المفهوم إيراد القبيلة في إيصال مثل هذا ...
المعنين بالأمر عليهم تلافي هذا الشيء لعدم أهميته ومخالفته حتى لأنظمة السوق العادية
تحياتي
الشغيل
| |
|
|
|
|
|
|
Re: ورنيـــــك 15 وخروف الدامر- صورة (Re: عبد العزيز محمد عمر)
|
السلام عليكم ورحمة الله
هذا الاجراء قديم قدم سوق الدامر وود ضحوية من رسى عليه العطاء وبموجبه يدفع كامل قيمة العطاء للمحلية ودا أكيد بأورنيك 15 وبعد ذلك يقوم بتحصيل
رسوم دخول السوق. ذكر معلومات المشتري والبائع في الايصال ضرورية وذلك لتجنب بيع الابهايم المسروقة وكان البيع لا يتم إلا بمعرف ولكن قبيلة ضامن في السوق يقوم
بمضان أفراد قبيلته أو من يعرفهم وذلك لكثرة مرتادي السوق من القبائل المختلفة ، فإن أردت أن ترى التنوع القبلي في المنطقة تعال سوق البهائم يوم السبت.
تخريمة : زمان سنة 1985 بعت لي سخلة في سوق الدامر ومررت بنفس الاجراء
| |
|
|
|
|
|
|
Re: ورنيـــــك 15 وخروف الدامر- صورة (Re: حسين ديقول)
|
دخل واحد من عروبنا صيدلية في سوق تمبول وطلع ورقة من جيبو واداها للصيدلي الصيدلي قاليهو دا ما ورشتة جيب الورشتة ؟ قاليهو اتا يا جنا اظنك ما بتعرف جيب الورقة جاي الصيدلي زعل وقاليهو انا ما بعرف ؟ اها النقراها ليك تيس بعامي ضنبو مقطوع تسود ختوتو طلحة ولدي ساق التيس بورقة الدواء واداني ورقة التيس اها اللعالج امو ببعر التيس البعامي دا المسنوح هههههههههههه تحياتي لراعي البوست وضيوفه انه بوست خفيف ولذيذ
| |
|
|
|
|
|
|
Re: ورنيـــــك 15 وخروف الدامر- صورة (Re: عبدالله ود البوش)
|
Quote: المتعهد ده مستهبل قبيلة شنو الكاتبها في ايصال بيع خروف
|
لا ما مستهبل ولا حاجة ، ما أي أحد يبيبع بهية في السوق تكون حقتو ، يمكن لافحها من محل ،
سوق الدامر كان يرتاده اللصوص والهمبانة ومن أشهر الهباتة الطيب ود ضحوية ( قريب المتعهد دا ) أكيد معظمكم سمع بيه
وأيضاً هناك أشخاص من مناطق وقبائل معينة مشهورين بسرقة البهائم لذا لزم وجود المعرِف والضامن.
| |
|
|
|
|
|
|
Re: ورنيـــــك 15 وخروف الدامر- صورة (Re: حسين ديقول)
|
Quote: لا ما مستهبل ولا حاجة ، ما أي أحد يبيبع بهية في السوق تكون حقتو ، يمكن لافحها من محل ،
سوق الدامر كان يرتاده اللصوص والهمبانة ومن أشهر الهباتة الطيب ود ضحوية ( قريب المتعهد دا ) أكيد معظمكم سمع بيه
وأيضاً هناك أشخاص من مناطق وقبائل معينة مشهورين بسرقة البهائم لذا لزم وجود المعرِف والضامن. |
مستهبل شديد كمان ... .اعرف كل المعلومات الذكرتها من همباته وحراميه وغيرها ولصوص الغنم والابل وانا قريب من هناك شديد
ودخلت السوق ده نفسو اكتر من مراات وبعت فيهو ...قبيلة شنو اي واحد جاي يشتري خروف بلقط ليك اى قبيلة من اي حته ويبقي مارق دي ونسه ساي منهم ...
| |
|
|
|
|
|
|
ماتتحثوا ساكت وتعملوا مشلكة من لا مشكلة هذا اجراء من زمن الانجليز وليس الغرض منه التمييز على اساس عرقى اوقبلى ـ الناس دى زمان كانت بتحتاط للامور فيما اذا آل الامر الى جريمة من قبيل نهب الماشية او نحوه والغرض من ذكر القبيلة هو للاستدلال وتعريف الشخصية حيث هذا سوق بدائي بداوة السودان ,, وكان ممكن نقبل تحفُّظكم هذا لو كان قبيلة بعينها مستثناة من هذا الشرط ولكن هذا عرف استقر منذ زمن فاكتسب صفة الثبات لم نسمع فرد من الناس اعترض على تدوين قبيلته ,, ثم الإنتماء لقبيلة ما لاعيب فيه بل هو مصدر عزة ومنعة ,, فالله يهديكم النار مولِّعة ماتزيدوها حطب.
| |
|
|
|
|
|
|