|
|
|
 Re: حول عمل الخادمات السودانيات بالسعودية (Re: عبدالحفيظ ابوسن)
|
حبابك يا أب سن
الشغل ما مشكلة، اعتقد أن الناس مفروض ما يناقشوا مسألة شغل النساء السودانيات في أي مكان في العالم
الجدير بكل هذه الضجة هو معاملة السودانية العاملة في أي مكان في العالم
صحيح إن الوضع في السعودية صعب على امرأة عاملة حتى وإن كانت طبيبة
وهي معرضة لكل أنواع الاستغلال وسوء المعاملة
لكن برضو حتى في السودان يوجد استغلال وسوء معاملة للعاملة المنزلية أو حتى الموظفة
بل أكاد أجزم إن التحرش والاغتصاب الذي تتعرض له الفتاة العاملة في السودان أكبر مما تتعرض له في أي مكان آخر في العالم
فـ حقو ما نمسك حالة واحدة أو حالتين لاستغلال المراة العاملة في الخارج ونتحاشى الحديث عما يحدث في بيتنا الكبير
في ناس ما عندهم خيار، ومحتاجين يفتحوا بيوتهم ويأكلوا أولادهم عيش حلال
وعندهم استعداد على تحمل ملابسات وظروف العمل في مثل هذه البيئات
ولا كيف ؟
تحياتي مثنى وثلاث ورباع
| |
 
|
|
|
|
|
|
|
|
Re: حول عمل الخادمات السودانيات بالسعودية (Re: عبدالحفيظ ابوسن)
|
وبيئة العمل وسلوك المخدم السعودي مع الاجنبي بشكل عام معروفة .. وموثقة بالحكاوي والفيديوهات المنتشرة
وطريقة تعاملهم مع النساء العاملات بالمنازل معروفة وموثقة ايضا ..
تعامل الذكور معروف وتعامل الاناث المخدمات معروف ومحكي ومشاهد ومصور
كل ذلك معروف للجالية السودانية بالسعودية اولا منقولا لكل قطاعات الشعب السوداني
وبالضرورة وزير العمل السوداني واعضاء السلطة التنفيذية حتي اعلي قمة الهرم واعضاء البرلمان الموقر !
كل ذلك معروف بالمشاهدة او القراءة او السمع
| |
|
|
|
|
|
|
|
|
|
Re: حول عمل الخادمات السودانيات بالسعودية (Re: عبدالحفيظ ابوسن)
|
كان يجب على الخرطوم وحكومتها ضبط عمل الكل بالخارج وفق نظام مكتب العمل ومراقبة المهن المحظوره جميعها
ولكن حكومة الكيزان الفاسده ظاهريا تمنع عمل النساء السوداينات خادمات في الخارج ولكن سرا تمنحهن تأشيرات
والكلام ده ما ساي ..موجود الان صور من التأشيرات على الجوازات وكثير من النماذج التى عملت بالمملكة السعوديه
التي تعد من اكثر الدول في العالم تعامل الخادمات معامله زفت وسيئه ومهينه ومذله لهن والكل عارف ذلك
كيف لي حكومتنا الفاشله السماح بالعمل للنساء تحت هذه الظروف المعروفه ..المواطن السوداني بالخارج وبالداخل
لم يقصر في التوعيه بالنشر والكتابة والنصح التوجيه ولكن مع حكومتنا الفاسده ما تصل لي حل معاهم لاي مشكلة حاصلة
تبا لهم وتبا الى كل من تسول له نفسه اللعب بالشعب السوداني ومرمطة سمعته خارجيا ...هذه بند واتفتح واصبح باب سخريه
على الشعب السودانى طالما بقي في الاعلام ومادة للتندر والترقية من الكل ...تبا لك يا عمر البشير ومن معك
| |
|
|
|
|
|
|
|
|
|
Re: حول عمل الخادمات السودانيات بالسعودية (Re: أشرف الرحال)
|
والعمل كخادمة ليس عيبا
ولازال بعض من هم في سننا ينادون من كن خادمات في دارهم ب
خالتي فلانة
وبل لازالت العلاقة متصلة رغم انقطاع عمل اولئك النسوة الشريفات العفيفات بعامل السن او ان اولادهن اشتد ساعدهم فتركن العمل
رحم الله والدي ود ابسن ووالدتي فاطنة بت حليمة وخالتنا حاجة زينب التي كانت تعمل في دارنا
فقد اقترحت خالتنا زينب ان يسمي اصغر اخواني بأسم
معاذ
وسمي كذلك تحقيقا لرغبتها فلم نكن نظنها الا فردا من الاسرة
ولازال الجميع يعرف سبب التسمية لغرابة الاسم في اسرتنا
| |
|
|
|
|
|
|
|
|
|
Re: حول عمل الخادمات السودانيات بالسعودية (Re: عبدالحفيظ ابوسن)
|
من البديهيات الحديثة في دول العالم
لا يخرج احدا من خلال المواني البرية والبحرية دون اذن حكومته !!
ولا يخرج احدا من السودان دون علم السلطة ودون خلو طرف من الخدمة الالزامية اوما يوازيها من رسوم لسفرية واحدة مما يسمي تأجيلا
ومعروف بداهة
ان السفارات هي تمثيل وبديلا عن سلطة الوطن .. وبل مبني السفارة لا يخضع لسلطة البلد المضبف فمن دخل السفارة فكأنه دخل السودان
والسفارة ملجأ الاجنبي وداره .. وعمل السفير حفظ كرامة مواطنه الذي هو عنوان وطنه
| |
|
|
|
|
|
|
|
|
|
Re: حول عمل الخادمات السودانيات بالسعودية (Re: عبدالحفيظ ابوسن)
|
وتأسبسا علي نظرية السلطة !!!!
الموية تكضب الغطاس
اهلنا بقولوا
اليدو في الموية مازي اليدو في النار
البيوت مسدودة علي اوجاع كتيرة وحوجة مؤلمة
الراجل الطفش وما جا وخلا ام العيال والعيال دون عون .. وليس للام من سند سوي نفسها ولا خبرة لها سوي ربة بيت
طفش فلس وضيق
طفش ساكي الدهب
طفش ساكي الاغتراب
طفش ساكي المال
طفش وقطع الخبر
طفش وترك اخواته ووالديه العاجزين
ولا معين ولا سند
والعمل خارج الوطن مغري تحول تلك العقول الطيبة البسيطة الريالات لعملة سودانية وتقارن
لا توجد امرأة في السودان تقبل العمل كخادمة .. ولا يوجد رجل شهم يقبل لها .. بل حتي غير شهم
يقولون ولا يساعدون !!
تلك قيمهم التي لم يساعدوها بتحويلها لفعل
والسلطة ترفض ثم تطارد محلياتها ستات الشاي وتصادروتغرم
وبل تصل مرحلة ان تكون وكيل عملهن بتأجير الكراسي والبنمبر والكانون وتأخذ رسوما
ضاقت الارض بما رحبت وليس للمرأة سوي نفسها لمساعدة نفسها .
امرأة نخلة لاتمد يدها ولا تبيع جسدها ولا ترض الذل ولا المهانة .فتعمل
والعمل شرف
وما عيب
وما عيب الا العيب
فإن اضاعت السلطة حقوقها في وطنها فهي خارج الوطن هي اضيع
| |
|
|
|
|
|
|
|
|
|
Re: حول عمل الخادمات السودانيات بالسعودية (Re: عبدالحفيظ ابوسن)
|
مرحبا بدر وحبابك
وينك يا صاحب
يمكنك معرفة وضع المرأة السودانية بمعرفة قانون النظام العام ..
ووضعها في العمل يبدأ قبل توظيفها حتي .. ولكن يشفع لذلك انها في بلدها وبين اهلها ولها القدرة علي انتزاع حقها والانتصار لنفسها
الخادمات في البيوت لا يعانين تحرشا لا يمكن صده .. انا اعيش في السودان ومعايش معايشة حقيقية لما يحدث .. البنات الشغالات لو واحدة تعرضت للتحرش ببساطة بتترك العمل . وتعرض المتحرش لفضيحة وبل ستحجم الاخريات عن العمل في ذلك المنزل . حدث وشاهدت اكثر من حادثة ..
الشغالات في البيوت الان واتحدث عن كوستي يتمتعن بكامل حقوقهن وهن معروفات باسرهن ومش كدة وبس بل يفرضن شروطهن للاجرة ونوعية العمل
وعندهن موبايلات تمكنهن من الاتصال بذويهن او صاحب العمل .. والبنات الشغالات هنا البقوم بالمعاينة والتوظيف ست البيت وليس الرجل
| |
|
|
|
|
|
|
|
|
|
Re: حول عمل الخادمات السودانيات بالسعودية (Re: عبدالحفيظ ابوسن)
|
ود ابو سن
يا زول يا نيل
قسم و ما طالبني حليفة لما ادخل علي بوستاتك وكأني امام النيل .. مناظر جميلة و راحة نفسية و هداوة بال
انت و آخرون سبب يجعلنا نرتاد هذا الموقع عشية و ضحاها رغم اختلافنا على الكثير
للامانة
لا اعبأ كثيرا بالمواضيع و لكني دوما استرق النظر الى تلك الاخيلية المشبعة بخلاصة حراك الحواري و الازقة و المساكن الشعبية و عوالم باتت تتسرب من بين ايدينا نشتاق اليها
| |
|
|
|
|
|
|
|
|
|
Re: حول عمل الخادمات السودانيات بالسعودية (Re: خالد المبارك)
|
مرحبا اباذر
عذرا قبيل
العمل كخادمة ليس عيبا بدلالة عملهن في السودان .. وقل ان تجد بيتا يخلو من خادمة باليوم او الاسبوع اوالشهر .. عملت المرأة واحتاجت لمن يعاونها في عمل البيت ..
العمل ليس عيبا في السعودية بل يحتاج من الحكومة ان تحمي النساء بشروط عقد واضحة . به ساعات العمل والراحة والاجازة ومكان السكن ووصفه .. وطبيعة العمل الذي يجب ان تقوم به
| |
|
|
|
|
|
|
|
|
|
Re: حول عمل الخادمات السودانيات بالسعودية (Re: Abureesh)
|
Quote:
مرحبا اباذر
عذرا قبيل
العمل كخادمة ليس عيبا بدلالة عملهن في السودان .. وقل ان تجد بيتا يخلو من خادمة باليوم او الاسبوع اوالشهر .. عملت المرأة واحتاجت لمن يعاونها في عمل البيت ..
العمل ليس عيبا في السعودية بل يحتاج من الحكومة ان تحمي النساء بشروط عقد واضحة . به ساعات العمل والراحة والاجازة ومكان السكن ووصفه .. وطبيعة العمل الذي يجب ان تقوم به |
هلا مرررحب حبابك ود ابوسن
العمل ليس عيبا النساء في السودان يعملن مزارعات ورعاويات وكل المهن .......و..............و.........الخ،،،،،...
ولكن العمل كخادمة مع شعب الخليج مختلف وخاصة مع السعودييين مختلف جدا..الشعب السعودي شعب معقد ومعاهو مشاكل مجتمعيه ما ليها حد ولا ليها عد. تترتب عليها معاملة الاخرين خاصة الخدم ..يفكوا ليهم الاطفال ينبذوهم ويتطاولوا عليهم...
نحن بنقول كدا لانو عارفين شعبنا وناسنا ما بتحملوا القهر والذل الصوت العالي حق الكيفل او المخدم ..لذلك يجي الضرب والسجن والمرض والنفسيات احسن يبعدوا من الشر
الحكومه السعوديه لن تتسطيع حميات الخدم ...خليك من الحكومه السودانيه المتهالكه التعبانه الجعانه ..تحمي مين وهي ما عارفه الناس قاعدين يروحوا وين ولا يجوا من وين ...!!
| |
|
|
|
|
|
|
|
|
|
Re: حول عمل الخادمات السودانيات بالسعودية (Re: اباذر عبد العال)
|
مرحبا
عمر
ابوالريش
اباذر
حرم حبابكم
لا اعرف والله الا بمقدار ما اسمع واقرا
ولكن اعرف السودانين والسودانيات
اعرفهم هم الوحيدين القادرين علي حسم الامور هناك
احكي ليكم
في كوستي دي .. واحدة من القبايل اصدرت امرا جماعيا بعدم عمل البنات في البيوت الا بشروط محددة . وتكونت هيئة لها سلطة الحكم والتنفيذ . وعقاب لرب الاسرة .. والشرطة هي كل رجال القبيلة .. واعلموا الشرطة والنيابة
فكان عادي تشوف بت صغيرة جارية وساكيها رجل بي سوط ولا عود ولا قناية .. او ماسكة من يدها وهي تبكي
وفشلوا في ذلك
لان الامر لايتعلق بعملهن
بل حوجتهن وحوجة اسرهن للعمل
ان كنا حريصين كل الحرص علي المرأة السودانية حرم البسمع بيها اهانوها اموت معاهم وخلي يشنقوني ولا يرحلوني
واكيد السعودين بتعلموا من التجربة
| |
|
|
|
|
|
|
|
|
|
Re: حول عمل الخادمات السودانيات بالسعودية (Re: عبدالحفيظ ابوسن)
|
نحن ما بنقبل بتنا تشتغل خدامة
وبرضوا
ما كنا بنرضي البت تقرا
وبعدها لو قرت حدها الثانوي
وخشت الجامعة لكن ما تشتغل
تشتغل مدرسة بس
واشتغلت اي شغلة بعدها
ولا بنرضاها تشتغل ست شاي
ولا ولا
المفارقة اننا نرفض لها دون ان نوفر لها الظروف التي تضطرها للعمل
ونفرض عليها دون ان نأخذ في الحسبان تطور العالم وان المرأة صارت صنو الرجل
نرفض ونرفض والمرأة تعيل اسرتها الكبيرة وشقيقها عاطل
| |
|
|
|
|
|
|
|
|
|
Re: حول عمل الخادمات السودانيات بالسعودية (Re: عبدالحفيظ ابوسن)
|
1 تعليق/تعليقات
تسجيل الدخول إلى فيس بوك لنشر تعليق
خالد طلعت
وده الفرق يا عبد الحفيظ . . في السودان الشغاله ممكن تدقك جوه بيتكم كان قليت ادبك . .
في السعوديه الشرطه ما تقدر تدخل بيت من غير اذن سيدو . . ولن تستطيع العامله الخروج ولا الاتصال بالخارج . .
ده اذا ما لفقو ليها جريمة ودخلوها السجن . .
18 أغسطس في 12:50 صباحاً
| |
|
|
|
|
|
|
| |
عبدالحفيظ ابوسن
بدرالدين بابكر مصطفى
اباذر عبد العال
أشرف الرحال
عمر عبدالرحمن
خالد المبارك
Abureesh
عبدالعزيز الفاضلابى
فيس بوك
تويتر
انستقرام
يوتيوب
بنتيريست