|
Re: الإخترع التكييف ده ... لو عمل اي شي غلط بعد � (Re: يحي قباني)
|
اها سايق في هجير ( كندا ) ده ... وشغال طول اليوم و حران حر لا يوصف ...
انتهيت من آخر مواعيد الساعة 2:45 ...
قلت امشي لي محل آكل أي شي لأنه عزابي الأيامات دي ...
لكن مع الحر ده الأكل زاته مشكله ...
فجأه لقيت قدامي محل اسمه Peter On Eglinton
مشهور باللحوم المدخنة و الباسترامي و السلطات ...
وقفت العربية ... و انا لابس جاكت سبور صيفي كده فيييي الحر ده ...
خليت الجاكت في العربية ... و مشيت للمحل ...
بعرف اتنين تلاتة من الجرسونات و بعرف عمك بيتر صاحب المحل و وولده ... اغاريق ليهم زي 50 سنة في المحلة دي ...
المهم قالت لي تقعد وين .؟
قلت جنب القزاز على الشارع ...
القزاز سميك معزول .. عينك للعربات و صوت مافي !!!
درجة الحرارة بره 40 و جوة المحل زي 18 ...
بس قعدتي ... جابت لي آيس تي مقطع جواهوا شرائح خوخ و مثلج !!!
قلت ليها ...ده شنو انا لسة ما طلبت شي اشربو .؟؟
قالت لي بيتر قال ليها اديهو ... ده على حسابي .... خليهو يبرد من الحر البرة ده ... بعد داك شوفي طلباته !!!! ______________________________________________________________________ بالله و انا بقرطع في الخوخ ... اتذكرت ليك خرتوش موية زمان كنت ناوي افطر بيهو في رمضان ...
كان في بيت ناس عمك يوسف مهدي في العمارات كانوا كاسرين السور ببنو ليهو اودة برانية كده ... و انا واقف في صف السفارة السعودية في رمضان لي يومين !!!!
| |
|
|
|
|