|
عاجل جداً لمن لديه اتصال بعضو البورد : علي النعيم ! الآن الآن !!
|
05:43 PM Aug, 11 2015 سودانيز اون لاين مامون أحمد إبراهيم- مكتبتى فى سودانيزاونلاين
إتصلت بي سكرتارية مكتب المدير العام الآن .. علي النعيم جوالو مقفول !!
الأستاذ علي النعيم/ طلع في إجازة بالسيارة متجه للسودان عن طريق السعودية .. إتصل شخص من جهة رسمية بالسعودية اليوم يبلغ عن ايجاد الجوازات الخاصة به وبأولاده اليوم !
هذه الجوازات هي بحوزتهم الآن ! يبدو أن أن الأستاذ علي قد فقدها بالطريق في مكان ما ،، وبالتأكيد هو والعائلة في حيرة ومحنة وتعطيل الآن ،، والإجازة على وشك الإنتهاء ! ... عل أي حال يبدو أن الشخص المعني كما ذكرت لي الأخت المسؤولة بمكتب المير العام ، من السفارة السودانية بالسعودية ، أو الجالية السودانية ، أو ما شابه ذلك ..
يرجى من الأخ على النعيم أو من يعثر عليه الإتصال فوراً بالاستاذة ( أسماء ) بمكتب المدير العام ،، ولديها تلفونات الشخص المعني ........... يا له من خرف يا استاذ علي !! يا له من خرف ، أفو يا ود جعل طعنت في السن واللا شنو ؟!!
أتمنى أن تكون والأولاد بخير وصحة تامة ،،،، كما أتمنى من كل قلبي أن تلحقوا تصلو السودان في اسرع وقت وتقضوا إجازة جميلة .
تحياتي
مامون
|
|
|
|
|
|
|
|
Re: عاجل جداً لمن لديه اتصال بعضو البورد : علي (Re: ود الباوقة)
|
الأخ ود الباوقة سلامات وتحية طيبة ..
المتصل على ما أظن من طرف السفارة السودانية أو الجالية السودانية ،، ولكن الأخ علي النعيم قد يكون في جدة أو مكة ،، الله أعلم ! ( جوالو) بتاع قطر مقفول !
الإخوة بورداب السعودية همتكم معانا لإيجاد أي وسيلة إتصال بالأخ علي النعيم .
تحياتي
| |
|
|
|
|
|
|
Re: عاجل جداً لمن لديه اتصال بعضو البورد : علي (Re: عبدالله ود البوش)
|
ألف ألف حمد على السلامة ..
في إتصال شيق وجميل بالعزيز/ عبدالله ود البوش ، أفاد بالآتي :
وبحسب إتصال الدكتور/ فتحي ( إبن أخت الأستاذ/ علي النعيم ) ،، أفاد بأن الأخ علي الآن بالسودان وسط الأهل والأحباب ! وآخر انبساط ! ونحن بى جاي مشحططين !!
( وأوضح الكتور فتحي بأن الجوازات المفقودة هي الجوازات القديمة ! وأن الأخ الأستاذ (أبوعلوة) استخرج الجوازات الالكترونية ) !
ألف حمد على السلامة وليطمئن الجميع ..
ولكن يبقى من المهم جداً إتصال الأخ علي النعيم بالسيدة/ أسماء بمكتب المدير العام لمعرفة تفاصيل إيجاد الجوازات القديمة وكيفية تسلمها .
إجازة سعيدة للأخ العزيز علي النعيم وعائلته ونتمنى عودتهم بالسلامة
ألف تحية للأخ الهميم/ عبدالله ود البوش ،، وللدكتور فتحي ،، والجميع
تحياتي
مامون
| |
|
|
|
|
|
|
Re: عاجل جداً لمن لديه اتصال بعضو البورد : علي (Re: عبدالله ود البوش)
|
ود البوش العميكة على الطلاق العمايك كتار ابشرك انا من زمن فى دوحة الخير وجوازاتى العمايك القدام قاعدات فى الدوحة ولا شلتهن معاى. كل ما فى الامر الزول العميكة الهناك فى جدة لقى صور من شهادة الراتب والخروجية وشهادة لمن يهمه الامر مصورات صور ملونة فقام تور قيامتكم وخلاكم تشلهتو زى دا آناس اركزوا ها.
والتحية للاخ مامون والاخت اسماء لاهتمامهم بالامر.
تحياتى احبتى بلا حدود وحرم القشة البشيلا الزرزور لى عشو ما عترلتنا لامن مشينا وجيناوذلك الفضل من الله.
| |
|
|
|
|
|
|
Re: عاجل جداً لمن لديه اتصال بعضو البورد : علي (Re: MOHAMMED ELSHEIKH)
|
Quote: د. مامون طلعت مخرف براك
ما بتسعل كمن الجوازات خدر ولا زرق؟ |
العزيز محمد الشيخ سلامات وكل عام وانت بخير ،،
لا والله أنا ماعندي أي دخل ،، أنا بس وصلّت الرسالة الجات من مكتب المير العام ،، أنو الزول ده جوازاتو طاشة بالسعودية وهو موكح بى هناك ،، إتضح أنو نحن الموكحين ومشحططين وهو ضارب الراحات بهناك !
| |
|
|
|
|
|
|
Re: عاجل جداً لمن لديه اتصال بعضو البورد : علي (Re: عفاف أبو حريرة)
|
Quote: لزول الصديق بي اسمه ماهو صديقك لكن الصديق الشاركك في ضيقك عن ساعة الصعاب تلقاه ديمه رفيقك الناس تتوهم تقـول أخوك شقيقك ----------------------------------
صدقتى والله يا بت الاكارم والبركة فينا وفيكم فى المراحيم اسعدنى جد مرورك حتى الثمالة ود المحرب قطع اخبارو منى عل المانع خير وبعدين دكتور احمد شنو سوا ثم رجاءاً ارسلى لى تلفون الارباب خالد
مع تحياتى الجمة بلا حدود لك وللاسرة الكريمة |
| |
|
|
|
|
|
|
Re: عاجل جداً لمن لديه اتصال بعضو البورد : علي (Re: على احمد النعيم)
|
*** كل الشكر للأخ الهميم الذي افترع هذه الفزعة ولكل الأخوان الذين اهتموا واسهموا وشكر خاص لي الزول الكلس اللجواد ود البوش .
*** حمدا لله على السلامة أخونا على النعيم .
*** شكرا للأخت أسماء بمكتب المدير العام .
*** شكرا مقدر للأخ بكري أبوبكر الذي جعل لمثل هذه القيم أن تترجم .
| |
|
|
|
|
|
|
Re: عاجل جداً لمن لديه اتصال بعضو البورد : علي (Re: مامون أحمد إبراهيم)
|
الاخ العزيز الطيب
كل عام وانت والاسرة الكريمة بألف خير
شكرى بلا حدود على مداخلتلك الكريمة كما واكرر شكرى لراعى الحوش الذى كم ساعد فى ايجاد مساعدات لا تحصى ولا تعد رغم انى لم افقد اى جواز او مستند رسمى اسأل ربى ان يجعلها فى ميزان حسناته انه سميع الدعاء. يابا شمهندس بكرى صدقنى ان هذه النافذة التى فتحتها وقمت على ادارتها ستفتح لك من ابواب الخير الكثير. ربنا يعينك ويقويك على فعل الخيرات وكل عام وانت والاسرة الكريمة بألف خير.
دمتم احبتى
| |
|
|
|
|
|
|
Re: عاجل جداً لمن لديه اتصال بعضو البورد : علي (Re: على احمد النعيم)
|
بركة الجيت شديد يا ود النعيم والباقي كلو هين والعيد اتبارك عليك وعلى الاسرة الجميلة وتحياتي للاخ مامون وكل المتداخلين الجميلين ديل
. . يا ود النعيم كنت عارفك عميكة لكن ما كنت متخيل عماكتك للدرجة دي اسكت بس وكان جيت بوريك عماكتك الخلتنا نلوس الليل كلو زي بخيت العجب امو غايتو عماكتك الا خلف الله العولاق ههههههههههههه انا شقاوتي شقاوة اصحابي كلهم عولق
| |
|
|
|
|
|
|
Re: عاجل جداً لمن لديه اتصال بعضو البورد : علي (Re: عبدالله ود البوش)
|
Quote: بركة الجيت شديد يا ود النعيم والباقي كلو هين والعيد اتبارك عليك وعلى الاسرة الجميلة وتحياتي للاخ مامون وكل المتداخلين الجميلين ديل
. . يا ود النعيم كنت عارفك عميكة لكن ما كنت متخيل عماكتك للدرجة دي اسكت بس وكان جيت بوريك عماكتك الخلتنا نلوس الليل كلو زي بخيت العجب امو غايتو عماكتك الا خلف الله العولاق ههههههههههههه انا شقاوتي شقاوة اصحابي كلهم عولق
آزول عيدك مبارك وعلى بالطلاق اعمك منك من قبال كدى ما شفتو انت آزول انا مالاقيتك بى شدى ولضيضى تانى العماكة فوق شنو
والله ثلاثة داير لى معاك تلاتة يوم بس ناكل وننوم سوا حرم الا تشرد تخلى البيت
انا احب صداقات العولق والعمايك زيك ياخ
تحياتى يا حبيب وشكرى مجدداً على مجهوداتك الحلايقة زيك. ان بقا راجل تعال هنا دا زى ما جيتك ان ما رجعت مجنون طلقانا ام النعيم القلتلك اضبح العميكة.
انا راجيك |
| |
|
|
|
|
|
|
|