|
|
 انا وميمي صاحبتي كنا في النظام العام !#
|
00:26 AM Aug, 10 2015
سودانيز اون لاين
زهير عثمان حمد-ï؟½ï؟½ï؟½ï؟½ï؟½ -ï؟½ï؟½ï؟½ï؟½ï؟½ï؟½ï؟½
مكتبتى فى سودانيزاونلاين
في البداية عشان تعرفوا ميمي دي بت عسل من بنات أمدرمان من عايلة كمان بس موهكشه شوية والله طبيبة بيطرية بالجد عندها كل أوصاف الانثي العصرية والانثي التي ممكن أن تكون زوجة لكين هي ما عايزة زوجة ولا اي علاقة معي وحتي علاقة جادة قالت أبو الزهراء نموذج للصعلوك الهمجي بأمتياز
وعندها ماجستير في تربية الابقار ذات الانتاج الغزير للبن كمان أشتغلت مساعدة تدريس في جامعة الخرتوم بس لانو هي علمانية وبتاعت حركات مجنونة قالوا في الجامعة التخصص بتاع راجل ما مره المهم قعدت في الضل معنا شوية وحسي شغالة في مزرعة في حنوب أمدرمان قالت مزرعة واحد مغترب
المهم كنت في الخرطوم لحدي الساعة اتنين ونص كدا أتصلت بي وأنا راكب مواصلات بحري عشان أرجع البيت عن طريق بحري قالت هي مشتاقة تأكل أقاشي وتشرب كوكولا الجديدة المكتوبة فيها الاسماء ومعها عربية ناس البيت وموعدنا زي بعد ما الناس يصلوا المغرب قلت ليها
موافق أنشالله نمشي سوق سته بس بالله تعالي لابسه كويس لانو الايام أنا ما ناقص مشاكل كل صباح بكون عندي حاجة لا معروفة مشكلة ولا بلا المهم أكدت عليها قصة اللبس دي بالله بعد المغرب أنا نايم في سريري لقتا واقفة في راسي أنت لسه ما لبست بالله لا أح ولا دستور تلقي ميمي في
أوضتك اللهم أجعلوا خير دا ما أسبوع العجايب (خلاص قايم ) دخلت الحمام بالله عندها أخبار العاصمة القوةمية بالتفصيل وحكايات البيوت والاندية المخملية أنا ما قلت ليكم البت عسل المهم كملت لبس ومرقنا هنا بدأ الضياع نمشي وين يا ميمي عليك الله أنا عايز أمشي أوزون في الخرطوم حته كويسه يا خي عليك الله نمشي
الجكس هناك ظريف وكمان الاكل ما غالي المهم ما قالت أي شيء ركبنا وأذا بها علي ابي روف البحر طوالي أن خلاص مت من الخوف دي الاماكن القالوا ماتمشوا ليها وكمان ضلم !!!
نزلنا وقعدت عندها جتيار بوكس تعزف وتغني للخالد عبدالعزيز العميري وبدات تغني (ميال وأعرض كتر أمراضي ) أحتراما للاغنية ما قلت شي ء أنتهت الاغنية وأنا في غاية البهجة والانبساط لكين بالجد خايف قلت ليها يا خي نحن ممكن نبيت ليلة في الحراسة بسبب قعدتنا دي خليك عاقلة نمشي من هنا يا خي مجنونة بجد أستفزت رجولتي قائلة
(أنت خايف من شنو الفضيحة والمشاكل لي أنا عمرك ما بتمرق من الاوض المغلقة شوف البحر دا حسي كيف أنت زول أنهزامي وبس حسي برنامجي الليله حقنا شنو أنا غيرت رايي عايزة أغني للصباح ) بقلبي قلت الليلة وب عليك يا أبو الزهراء قصتك باظت
قمت قلت ياخي غنا بدون شراب واكل دا زي ممارس أحلام اليقظة نهار جهرا ما عبرتني
وبدات تغني ( ياروحي أنصفني ) قلت يا ود ميمي عايزة تمارس معك التعذيب بالغناء الجميل وتشيل وتسأل عن جميلات الشلة من متحررات شارع المين الي ساقيات الحفر وكأنها راجل بتاع هيصه وعريدة وبعد داك تسألني يا خ أنت عندك تجربة فنانة بس زول متعلق بالحلبيه ديك ساكت!؟
وهي ما جايبه خبرك ياخي أتحرك أعمل ليك بيت ولو بقي ليك وقت اساس تأسس فيهو أسرة
ونحن في غمرة الذكريات والتذكر جاتنا الكشه الحمدلله نحن في كامل ملابسنا وكمان هي قاعدة في حجر ممكن تشوفا من بعيد لكين عقلية التجريم عند ناس النظام العام قالوا نحن في حالة أختلاء غير شرعي وتعجبكم ميمي دخلت معهم في جدل غريب ( أنا صح مرة بس عاقلة وراشدة وشنو يعني ما اقعد مع صديق في البحر دي جريمة يعني !؟
جماعتك طوالي قالوا لينا نمشي القسم هناك بتعرفوا أنو للبلد قانون أنت حسي زي أي سافرة ساقطة وزولك دا فرقوا شنو من من المستهتر اللعين ميسي كمان لابس شورت ما شرعي وفي خلوة غير شرعية معك قوموا بلا قلة أدب
مشنيا القسم وتعال هاك يا قلة ادب وأستفزاز أنتو عاملين فيها مثقفين أنت عايزين تنشروا الفواحش وسط الشباب بكرة قولي أنا ناشطة والصعلوك دا مناضل عرفين حركاتم دي!؟
قعدين في الواطه ساي جاي ضباط سال ديل من بيت ولا عربية رد واحد ديل نظام جديد في البحر عديل كدا ! قال خلاص أفتحوا ليهم بلاغ أعمال فاضحة في الشارع العام أنا هنا حاولت الطف الكلام يا جماعة والله انا مواطن صالح والانسانة دي أستاذة جامعية
واحد منهم رد علي ( دا حنكك أنت كمان حسي أشكال ناس محترمين في البحر يا وسخان كمان )
يا ود عمي صرخ أحدهم أسكت فتش الزول دا فتشوني ما عندي غير مايتن اوربعن جنية وبطاقات وهي كمان معها زي اربعمائه جنيه كدا وصور مستحضرات تجميل وحبوب
قالوا خلاص ديي أمانات علي الحراسة مشيت للضباط ياخي أنت زول انسان وعارف وضع البت حرج وزاتو ممكن أهل البت يقتلوني
رد برود يا خي أنشالله تموت حسي يا عسكري سوق الزول الليوق دا من هنا
مسكت يدو يا خي عليك خلاص توبه تاني البحر دا انا زاتي ما بعرف دربوا بوين وبنوم من عشرة بس عليك الله السماح !
لكين البت المعك دي مشكلة ريحتا فاضحة وبتفجر الشهوات وخاصة أنها بيضا
أها يعني شنو أمشي أخليها ليكم
لا يا خي سوق جريمتك دي معك بس لازم تنضربو انت وهي هنا كل واحد عشرين جلدة عشان قلة ادبكم !!!
وقد كان تم جلدنا عشرون جلدة هم الخصم و القاضي
ما أتعسنا حتي التنقل في المدينة بعفوية من أجل الترويح أصبح جريمة
سمعت أحدهم يقول بمحاضرة بعد صلاة العشا في المسجد يقول ( السفهاء في الغرب الكافر وأمريكا المنحلة لعنهم الله يتحدثون عن الحرية الشخصية
هذه افكار بذئية مستهجنة سيئة السمعة تخرب الشباب أنظروا ماذا قبض الزملاء اليوم فاجريين والبت أكثر فجور تغني لابد من تنضيف المجتمع
من زي ديل ؟!!!
حزنت كثيرا علي بلد جلها التسامح يصبح لهؤلاء المتشددين سلطة وسطوة فيها
هل أنت وطني الذي عشقت و انتم أهلي الذين عشت عمري معهم !!!
لعنة الله عليكم يضحكني ما يقولونه عن حرية الراي والعقيدة والابداع وما يشبه ذلك من هراء الحرية المنضبطة في حدود الشريعة قالوا مكفولة بلا قيود
نحن لا نتباكي علي غير وطن فقدنا فيه الامان والحرية لا نريد دعوة سافرة للالحاد ولا أباحية أو التشكيك العقائد أو ثوابت الامة أو حرية الشواذ
ولكن نريد وطن للجميع بلا خضوع لارادة ظالم أو قانون ضد الانسان والانسانية
وهكذا كانت ميمي سببا لي في قضاء ليلة مؤلمة في النظام العام بالرغم من ضحالة وكأبة ما ممارسوا معنا لكن خارجنا أكثر اصرر علي أن يكون الوطن والمستقبل لنا
وأحتضنت ميمي وقعدنا نغني أغنية للعميري ي(يا نيل مرة مرة ) والدموع تسيل منا ما أقسي أن تحاول أن تعيش في وطن القمع والقهر والنظام العام !
ميمي أنت الانثي الوطن ما ارحب أحضانك
امكن اكون نسيت حاجة هي بس نحن لسه متماسكين بنحبك يا عزة ! يا وطن الجدود !!
|
|
  
|
|
|
|
|
|
|
 Re: انا وميمي صاحبتي كنا في النظام العام !# (Re: زهير عثمان حمد)
|
السلام عليكم ورحمة الله وبركاته ،،،
الأستاذ زهير عثمان الموقر
لقد أثلجت صدرنا بهذه التخيلات الفنية البديعة وهي تعبر عن حقائق في مجتمعنا السوداني
أشد عضدي بعضدك وأنادي بملء فمي ... الحرية للوطن ... الحرية لكل أبناء الوطن
لا للتسلط باسم الدين ... لا للظلم باسم الدين ....
| |
|
|
|
|
|
|
|
|
 Re: انا وميمي صاحبتي كنا في النظام العام !# (Re: محمد خضر بشير)
|
سلامات يا زهير .. فصل درامي جميل ومعبِّر ياخي .. أعتقد بعد تغيير النظام، ممكن فرقة الأصدقاء المسرحية تشتري منك القصة دي وتقوم بإنتاجها ممثلة لأحد مناظر النظام البائد ..:)
بس كمان ننظر للجانب الآخر من القضية .. أحمدوا الله ديل كانوا ناس النظام العام وما كانوا صعاليق رباطة دقوك وساقوا البت إختفوا بيها ..
لكين يا سلام علي شارع ابروف بالليل -رهيب-
في إجازتي الفاتت كان أخوي الأصغر يسوقني نمشي نقعد قصاد الحتانة نشرب بارد ونتونس في هواء البحر العليل ومنها نرجع بحري عن طريق كبري الحلفايا .. ياسلام ..
يعني ناس النظام العام محرمين الناس القعدة؟ .. أتاري دائماً كنا نلقي المكان فاضي ، إلاّ من بعض الشلل والأسر وصبية الدرداقات وهم يبيعون البلح ..
| |
|
|
|
|
|
|
|
|
|
Re: انا وميمي صاحبتي كنا في النظام العام !# (Re: Munir)
|
مسئولين من الخير ..... هم ناس النظام العام ديل بتحكمهم نفس القوانين يعني ناس شارع النيل امام برج الاتصالات هم نفسهم الفي شارع ابرووف وهم نفسهم بتاعين اوزون في خرطوم اتنين وهم نفسهم الفي احواش السمك الكتيره دي ... والا الحكايه فيها ثقافات وسلوك محلي الخ ... احترنا معاكم ياخ.... معقوله واحد وانت في وضع عادي يتهم علي خصوصيتك اي كان المسي ... دي اسمها قلة ادب ولازم الزي ده يتجلد لما يعرف حاجه بلاش فوضي كفايه
| |
|
|
|
|
|
|
| |
زهير عثمان حمد
الامين موسى البشاري
خالد حامد الجزولي
بدرالدين بابكر مصطفى
محمد خضر بشير
Munir
willeim andrea
فيس بوك
تويتر
انستقرام
يوتيوب
بنتيريست