|
Re: إهداء لصلاح جاكات : صورة لي بعد التجنيد .. (Re: AMNA MUKHTAR)
|
العميل/ آمنة مخنار ..
تاريخ التجنيد ؟... جهة التجنيد ..؟ غواصة في ياتو جسم من اجسام المعارضة ؟!! وطريقة اكتشافك كغواصة ؟.. نوعية العمل الذي كنت تؤدينه ؟! ..
هل كان على سبيل المثال مكلفة بالتشكيك في ذمم الشرفاء من ابناء الوطن وتخوينهم وضرب المعارضة بالمعارضة والترويج لمقدرات جهاز الامن السوداني في تجنيد اعداد كبيرة من الشرفاء والمعارضين ؟.. وكل ذلك على سبيل المثال ليس الا ..
جاوبي ..
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: محمد نور عودو)
|
كثر الهجوم علي الاخ صلاح جادت بحجة اغراق المنبر، ونقل الاخبار من مواقع اخري! وين المشكلة اذا نقل الاستاذ صلاح الاخبار من هنا وهناك ووفرها لنا في مكان واحد؟ انا واحد من اكثر متابعي اخبار صلاح جادات وهو ان جانبة الحظ يوما ونقل ما به سبه فلا جناح عليه فناقل الكفر ليس بكافر، وعادي بتحصل في اعرق وكالات وصحف العالم. ثانيا حجة اغراق المنبر هذه والله قمة الاسفـاف والتفاهـه والسخـافة . . وي كأن هذا المنبر ملك لام او اب احدا منكم! 99% من المبذول في هذا المنبر لغو يندثر بحساب الثواني ولا يبقي له معني او اثر، او اخوانيات وعنتريات لا تنفع ولا تضر!
------------------------------------------------------------------------ اعتذاري ل صاحبة البوست ف لا علاقة لي بخلافها الشخصي مع الاخ صلاح، فلعمري ذاك امرٌ لا يخوض فيه الا السفهاء.
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: جلالدونا)
|
أمونة يا غواصة مشتاقين والمنبر يئن شوقآ لكم ..
جادات دا بكون شرّك ليكم عشان تجوا راجعين .. حتى ولو أخد ليهو نهزرة إتنين .. لول ... شوفي براك اللستة، لستة شرف والله!
وفي إنتظار راجمة الصواريخ الكندية
- غايتو في زول كدا يرجى الراجيهو أو عليه بقراءة سورة يس دون توقف
..
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: AMNA MUKHTAR)
|
يا سلآلآلآلآم ياخ، مافي احلى من يبدأ الواحد يومو بطلة الجدة الشريرة . غايتو جادات غاص ؤُجاب، غايصة المدة كولها يا امونة ؤُ تزعلي عشان قالوا ليك غواصة ؟، غايتو انا حملتها علي إنها صيغة مبالغة .
ألف مرحب بي طلتك يا آمنة، وفي إنتظار الضفدع البشري البروف امينوف ...
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: معاوية المدير)
|
Quote: ABUHUSSEIN
انت بالذات لا استغرب تداخلك لانك واحد من الجرذان التي تستوطن هذا المكان ، لا عمل لديها، ولا كيان لها ولا قيمة الا من خلال هذا المنبر. |
دخلت بي شتايم رديناها ليك دمك فار ...؟؟؟؟؟ البتعمل فيهو دا الجرذان زاتها بتخجل منو و ما بتسويهو ...
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: معاوية المدير)
|
استقطاب حاد يا جادات انا حزين دكتور المشرف في اي ضفة انت تعني السلامة وبقية صناديد ابو الا ان يواصلوا تعرية هذا النظام العريان . و التحية ليس لصاءيدي المواقف وصانعي من الحبة قبة لي ضرب المعارضة نعرفهم جيدا. التحية لامنة مختار . ويا صلاح جادات هذا الاصطفاف البريء يجب ان تواجهه بجدية اعتذار او اعتراف بسؤ قراءة او تخمين غير صحيح ويمكن ان ان يعدل القزازة ويلملم ما اتدفق فيها غير ذلك ستكون ارض رحبة لقناصي الفرص . جادات ادمنت التخوين لاناس خلص . يكفي .... والتحية ايضا للكنداكة نجلاء بت سيد احمد ام كلارا التي اعرفها وتحدثت معها واعرف ما تعرضت له والتحية للبروف امين حينما كتب عند اعتقالي كلمات لها صدى لا زالت معشعشة في سمعي. والتحية للراكزة ام سند الكنداكة تراجي نختلف في التفاصيل ولكن الجامع هو الايمان بان لا خلاص غير كنس هذا النظام وما افرزه من توابع. صلاح جادات وقفت معك كثيرا ولكنك مصر علي احباطنا صلاح جادات يحب ان تاخذ استراحة وبعدها سترى اي جرم ارتكبته نحن الان في حوجة لي الملمة وليس للتخوين -؛--- امنة مختار تحياتي و احترامي ولا زالت بيني وبينك يا جادات شعرة معاوية ان رجعت الى الحق معك وان اصريت على تماديك في بهتان اناس عرفناهم بنقاؤهم وطهرهم ساعتها سنعرف انك تقود مركبك الى الهلاك حتى اللحظة لك منى كل الاحترام
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: AMNA MUKHTAR)
|
أي إتهام دون ادلة وبراهين معتبرة .. تحظى بقبول قاعدة عريضة وإجماع .. أعتبره نوع من أنواع التعدي المرفوض .. ومحض هرجلة وتلاعب بالثوابت .. من حقكـ أخت آمنة مختار .. المطالبة بالأدلة والاثباتات .. ومن ثم الدفاع عن نفسك بالطريقة التي ترينها ..
كامل تعاطفنا معكم في هذه المحنة ..
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: جمال ود القوز)
|
خلافي الوحيد الذي أذكره مع هذا الشخص السايكو .. هو بخصوص عنوان أحد بوستاته الذي كتب فيه أن ( كلاب الأمن جروا زي الحريم ) أو فيما معناه . ودخلنا أنا وتبارك هزأناهو بخصوص العنوان المسئ لكنداكات السودان الأشجع من أمثال جاكات الجرو الجبان ..وبما لا يقاس ..
مع الإعتذار للجريوات *
......
وبالمناسبة دي .. ( خنيث ) يعني شنو ؟! لأني كسلانة أفتش عنها في المعجم ...لكن شكلها كدا لايقة على صورة بروفايل سبع البرمبة دا .. يمكن عشان كدا بيحب يستعملها كتير رغم وقعها البيضرس .
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: AMNA MUKHTAR)
|
امنه .. حقيقي بوست صلاح في منبر مجاور اثار قلقي وحزني في ان واحد وانا لدي امل ورجاء في الاخ صلاح لتوضيح بعض الاشياء ولازلنا في نقاش معه هناك حتي يشرح موقفه ليس لكي نحكم عليك ولكن لكي نري كيف وصف لهذه النتيجه عنك وعن اخرين ناضلوا ولديهم اسهامهم في العمل العام .. ..هل وصل جادات الي ما وصل اليه عن طريق تحليل لكتابتك ام انها اتهامات جزافيه ... انا في ظني انتي وصلاح وجودكم في نفس الصف اجدي من وضعكم ضد بعض ففي هذا الامر انشقاق للصفوف والجهود النضاليه ضد النظام الحاكم ... انت لا عليك لوم في الدفاع عن نفسك بالطريقه التي تحبين ( في هذا البوست ) ولكن علينا الحكمه ليس ضعفا ولكن فطنه .. الكره في ملعب الاخ صلاح حتي يشركنا بالتحليل والنقد الجادي الذي اوصله لنتيجة انك ( وهذه تهمه خطيره اعتبرها ) غواصه .. علي العموم انا املي ان تتم الوحده خصوصا مع من طارح نفس مناضل ومنادي لسودان جديد ( انتي وجادات ) واخرين ..
.. همسه .. واصلي في مسيره السودان الجديد واشركينا معك في مستجدات حزب الخضر ..
..محب
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: Muhib)
|
الأعزاء الكرام أبو حسين عمار عباس تحايا خضراء
أهدي صلاح جاكات قصيدتي ( الكوز التائب ) ..لأنه لطالما كان يذكرني بها ..خصوصا عندما أقرأ آرائه الدينية المتطرفة ..كمثال لها في بوست ثروث عن البخاري .
حاولت أنقلها بالتلفون وما عرفت .
تجدونها في قوقل بعنوان : ( الكوز التائب ) مدونة آمنة أحمد مختار
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: AMNA MUKHTAR)
|
Quote: الكوز التائب
هل بوسع الكوز أن ينسى كوزنته ؟ وأن يتوب توبة نصوحة.. راكلا فى إباء قيود (عبوديته).. مكفرا عن ذنوب كالجبال.. غاسلا لها.. عاضا أصابع الندم.. على إثمه ..و لوثته..؟! ..أم أن توبته عسيرة.. ومحال أن يشفى من (علته).. فمهما حاول أن ينكرها.. تبدت رغما عنه فى سمته.. خطوته على الأرض .. همسته.. كتاباته..أو كلمته .. فهل بوسع الفيل أن يقلد مشية الغزال.. أو رشاقة خطوته ؟ أم بوسع الزمار أن ينسى عادته.. ولعب أصابعه على المزمار.. وفى عادته راحته ؟! .. وهل زوال السبب الذى يجعل من الكوز كوزا.. كافيا لينقلب على أولياء نعمته.. داعمي وجوده ..وكينونته ؟! أم هى صحوة الضمير بعد طول تعامي .. تجعله يعمل جاهدا للتكفير عن ذنبه واستعدال خطوته ... لا تظلموا (الكوز التائب ) فربما.. فى توبته بعض ( صحوته )..أو ( حاجته).. |
اها قصرنا معاك .. انتى تأمرى بس يا بت القبايل
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: ABUHUSSEIN)
|
Quote: ثانيا حجة اغراق المنبر هذه والله قمة الاسفـاف والتفاهـه والسخـافة |
Quote: وي كأن هذا المنبر ملك لام او اب احدا منكم! |
إنت ما عندك لغة أحسن من دي ؟ شنو التفاهة والسخافة والوساخة دي ؟؟ وشنو دخل الأمهات والأباء بمنبر بكري ... الله يجازي بكري .. بتجيب الكرور ديل من وين إنت ياخ ؟؟؟
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: صلاح أبودية)
|
Quote: وبالمناسبة دي .. ( خنيث ) يعني شنو ؟! |
الكلمة أصلاً جاية من خُنثى وهو الإنسان أو الحيوان الذي يحمل الأعضاء المذكرة والمؤنثة في وقت واحد. تستعمل في الخليج مرادفة للفظة المثلي في الثقافة السودانية أو للفظ الخائب، ويعيّر بها الرجل دون المرأة.
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: الامين موسى البشاري)
|
ود المشرف ومحمد نور عودو . تشكروا كتير ياخ .
حكاية العميل آمنة مختار دي يا ود المشرف ذكرتني بالكيه جي بي والسي آي أيه ألخ .. غايتو لو خيروني بختار جماعتك ناس الكيه جي بي ..خترين خلاس :)
بعدين يعني يا عيييني كأنه معارضتنا دي بقت محتاجة تغويص .. يا كافي البلا ديل بقو مغوصين منهم وفيهم ..بطرطشة وضيق أفق كثير من قياداتنا المبجلة ..
تخيلوا بس أمثال جاكات دا معارض ومصدر كمان للمعارضة ..!! ياخي تخ .
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: AMNA MUKHTAR)
|
آمنة مختار بطلي شغل الكوزات والغواصات دا
جادات كلامه صاح أنا صحيح أول مرة شكيت في كلامه خصوصاً وإني أنا نهائي ما شفتك في اجتماع الغواصات ولا موجودة في الواتساب في (قروب غوص دت كوم) لكن إتذكرت إنه حسن غائص (رئيس منسقية الغوص) قال إنه الإجتماع دا للغواصات الإتكشفوا بس فمعناه إنك حتحضري الإجتماع الجاي.
بعدين شوفي أول ما فتحتي البوست جا الأمنجي أبو الحسين طاير وكتب (تحياتي وإحترامي) ومعروف إنه الكيزان (بيحترموا الكوزات)
هسع عايزة ليك دليل أكتر من دا.
وزي ما قال الشاعر نجاح حاجات (ود عم صلاح جاكات) رب غواصة ينكر أنه غواصة حتي يهيئ الله له عبده جاكات القناصة فيفضحه الله في العامة والخاصة فيجقلب خوفاً من التُهم المُتراصة
مرحب بيك في فريق الغوص
وإن فاتنا شرف أن نكون معك في حزب الخضر
فقد سبقناك في حزب الغواصين (بتاع جاكات ما بتاع محسن خالد)
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: الصادق اسماعيل)
|
Quote: بعدين شوفي أول ما فتحتي البوست جا الأمنجي أبو الحسين طاير وكتب (تحياتي وإحترامي) ومعروف إنه الكيزان (بيحترموا الكوزات)
هسع عايزة ليك دليل أكتر من دا. |
يا زول هوي الزولة دي متهمة بي انها غواصة و انا كوز و امنجي يعني افضل حالا منها.... :) :) :) نحن ناس واضحين و يشار لنا بالبنان ... :) :) :) بعدين انت غوصنتك كشفها جدادات قبل سنين يعني بقيت كومر عديل كدا ... ******************
انتو جدادات هارب من البوست دا ليه ... ؟؟؟؟
| |
|
|
|
|
|
|
Re: إهداء لصلاح جاكات : صورة لي بعد التجنيد . (Re: ادم شحوتاي)
|
الزملاء الأعزاء علي دفع الله وجمال ود القوز ومحب شكرا على التداخل ومحض النصح لجاكات كي يرعوي .
ولكن سايكولوجية أمثال جاكات طابعها الهوس ..وإدعاء السبق ..حتى لو بالأكاذيب .
......
ويا محب شكرا على مداخلتك الحقانية أنت وغيرك من الأخوة في البوست الأصلي .
وحزب الخضر السوداني ..لن أقول أنه بخير ..ولكننا نكافح مثل غيرنا من التنظيمات الجديدة . وقد تعلمنا الكثير من تجربتنا القصيرة .. ونحن الآن بصدد إعادة صياغة برنامجنا ونظامنا الأساسي . ومن ضمن ما تعلمناه أن ضعف الإمكانيات المادية ليس أمرا يمكن تجاهله .. ولكن تظل العضوية النوعية والتناغم الفكري أفضل أساس يمكن أن يقوم عليه تنظيم جديد .. وكذلك التحري من الخلفية الفكرية والسياسية للعضوية ..تجنبا لمشكلة التغويص .. :) لأن الإنسان يظل أفضل ثروة ..وكل الإمكانيات المادية واللوجستية ليس بإمكانها إنجاح مبادرة سياسية من غير عضوية تتفهم وتتشرب الأساس الفكري لأي تنظيم بصورة عامة ..وفكرة الخضر كحركة عالمية بصورة خاصة .
| |
|
|
|
|
|
|
Re: إهداء لصلاح جاكات : صورة لي بعد التجنيد . (Re: AMNA MUKHTAR)
|
الزميل المشاغب أبوبكر عباس . ( طبعا عندي معزة خاصة للمشاغبين والمشاغبات وبستمتع كتير بمداخلاتهم :) ) .
ألف شكر على توضيح معنى هذه الكلمة العجيبة والمريبة ، وكونها مشتقة من خنثى ! بخصوص الصورة رسالتك وصلت هههههههه ياخي هل يخفى القمر ؟ قول لي بصراحة بالله .. :)
صوري الشخصية متوفرة في السايبر ..أمال جاكات لم فيها وين ؟
عموما يمكن عشان ظهوري في وسائل الإعلام التقليدي قليل ونادر .
________
* خارج موضوع البوست : ربنا يطمننا على الزميل شهاب كرار . ويجمعه مع أهله ومحبيه .
وألف مبروك الثروة للعزيزة وضاحة . ويقيني أنها ستوظفها لخدمة بؤساء الوطن ..كما عهدنا منها . خضر الله ضراعها ..و ضراعاتنا أجمعين .
| |
|
|
|
|
|
|
Re: إهداء لصلاح جاكات : صورة لي بعد التجنيد . (Re: AMNA MUKHTAR)
|
نسيت أقول ليك يا أبوبكر عباس .. إنه قبل كدا واحد من خبثاء البورد والكارهني.. علق على صورة لي بأني أشبه الأديب مصطفى مدثر .. قمت فعلاً إنتبهت إنه مصطفى فيهو شبه من أبوي ..( في شبابه طبعا ) خخخخخخخ
-------
والله يا حليل مغارز البورد دا .. وحشتنا جدددا .
| |
|
|
|
|
|
|
Re: إهداء لصلاح جاكات : صورة لي بعد التجنيد . (Re: AMNA MUKHTAR)
|
الأستاذة امنة تحياتي
أنا بوردابي قليل الاطلالة مقيم في الرياض -السعودية وسبب قلة الاطلالة اني مكثت سنوات متقطعة في السودان في محاولة للاستقرار هناك.في اواخر 2011 تم اعتقالي في السوداني لمدة 17 يوم .اعتقال انفرادي .بعد حوالي اسبوعين من من اطلاق سراحي رجعت الرياض .بعد فترة وجدت بوست لصلاح جادات يتكلم عن اني غواصة وقام بوضع عدة صور لي اخذت في انشطة عامة في مدينة الرياض. لم ارد ولابكلمة واحدة في هذا البوست دفاعا عن نفسي لان بورداب الرياض والناشطين في العمل العام اغنوني عن ذلك بل اكثر من ذلك قام بعض عضوية المؤتمر الوطني مثل ود الباوقة بكتابة مايفيد بان مااورده جادات عني يعتبر ضرب من ضروب الخيال بالنسبة لهم لانهم يعرفوني في الرياض ويعرفون موقفي من نظام الانقاذ منذ جاء وحتي يومنا هذا والي ان يزول.
ملخص كلامي هذا الجادات كذاب واجزم حسب بحثي في هذا الامر بانه احد كوادر جهاز الامن .
لقد علمت من اخرين بأنه قد اتهم شخصيات كثيرة بانها غواصات وهي غير ذلك لذلك يأتس السؤال لصالح من يقوم هذا الجادات بهذا الدور غير جهاز الامن.
| |
|
|
|
|
|
|
Re: إهداء لصلاح جاكات : صورة لي بعد التجنيد . (Re: عبدالقادر علي عبدالرحيم)
|
الصادق إسماعيل هسه عليك الله الغواصات منو بالله عليك .. نحن العمرنا ما خلفنا رجل وجلسنا مع ناس النظام في تربيزة واحدة .. وللا كبار قيادات المعارضة الما بيصدقوا ( يهتبلوا ) أي فرصة للجلوس والتفاوض مع هذا النظام ..وهم يعرفون النتيجة سلفا .. التي هي ليست سوى تيئيس الشعب وإطالة عمر النظام ؟!!
لأ وكمان تجد البعض يبارك بدون خجل ..لمن إستوزروا وباعوا القضية من مدعي المعارضة ..!!
هل صرنا نتخلع بالمناصب الحكومية ونقدس الزعامات إلى هذه الدرجة المرضية ؟! هل طال أمد الإنقاذ واستطال ..حتى تماهينا معها ومع سلوكياتها السياسية المنحرفة .. أم ماذا ؟!! ،،،،،،،،،،،،،
أبو الحسين .. صاحبنا لم يزغ من هذا البوست فقط.. بل زاغ من أسئلتي الموضوعية في بوست ود البشرى أيضا ..! غايتو عاقلين شديد الطنشوه وطنشوا فبركاته ..إلا بس أنا بعمل لأي زول قيمة حتى لو لم يكن يستحق ..
| |
|
|
|
|
|
|
Re: إهداء لصلاح جاكات : صورة لي بعد التجنيد . (Re: AMNA MUKHTAR)
|
شايفة معارضين كبار من أصحابنا فتحو لينا نحنا وجروا يدافعوا عن حليف الكيزان أسامة داؤود !!
ليه ياربي ..عشان نحنا غلابة .. :) والله العظيم نحن برضه عيال عز ووارثين مال ( حلااال )..لكن فلست بينا الإنقاذ دي .. ومرضت أهلنا وكتلتهم بالمغصة .. فهل دا بشفعنا لينا ..وللا ما ينغع .. عشان عز بأثر رجعي يعني ؟!
غايتو بعض ناس المعارضة بقو ذي الكيزان ..يقدسوا الثروات بشكل .. :)
| |
|
|
|
|
|
|
Re: إهداء لصلاح جاكات : صورة لي بعد التجنيد . (Re: AMNA MUKHTAR)
|
أيوااا ...مادام السيرة دي جات .. لاحظت إنه في يساريين كتاااار وكباااار بقو من أعمدة ورواد منتدى شركة دال التحت رعاية حاجة كدا إسمها ( مؤمنون بلا حدود ) آآآل ..!!
فإيش لم اليسار مع الرأسمال مع مؤمنون بلا حدود .. ؟!!
على قول حبوبتي الله يرحمها الماتت ممغوصة ( عجب يا زهرة عجب ).. يبدو أن ( الغوص ) وصل الركب .. والناس بقت شغالة بالمنطق الإنتهازي ( دار أبوك كان خربت ..شيل ليك منها شيلة ) ..
| |
|
|
|
|
|
|
Re: إهداء لصلاح جاكات : صورة لي بعد التجنيد . (Re: AMNA MUKHTAR)
|
لأ وكمان محيرني المعارضة... اللقت ليها سبب جديد للإنقسام ..بين تشجيع فريقي جمال الوالي والكاردينال !!
الناس في شنو ..والمعارضة في شنو ؟! ويتساءلوا وعيونهم تقطر براءة ..الإنقاذ ليه قاعدة لغاية هسه ..يا عيييني !
إجي !!
ما خاتية ندى القلعة البقت مصلحة إجتماعية ... :)
| |
|
|
|
|
|
|
Re: إهداء لصلاح جاكات : صورة لي بعد التجنيد . (Re: AMNA MUKHTAR)
|
Quote: أول يوم أشوف سودان نت ولقيت البوست الأصلي وشفت صورتك وإتي سارحة "قبل التجنيد". بعد التجنيد هل لبستي طرحة؟ لكن في الصورة ما شريرة المظاهر خداعة |
تعرف يا بكور قبل زمن رسائل الاس ام اس والواتس اب وقبل ما يظهر الموبايل ... كان الاولاد والبنات بلمهم البارتي لعمل حنة لعريس أو حفل نجاح أو اي مناسبة صغيرة ... اها في البريك بتاع اغاني الاستريو في الزمن داك ... كان في فقرة انه الحضور بكتبوا رسائل ورقية ويختوها في صحن أو صينية :) ويجي مقدم الفقرة بيقرأ الرسائل الموجهة للاولاد من البنات والعكس ...
مرة كنا حاضرين لاحد البارتيات وكان في واحدة اسمها مين كدة مختار ... مقدم البرنامج قرأ واحدة من الرسائل وكانت موجهة لي بت مختار ...
"داير قربك لكن م(خ)تار" ...
المهم ...
| |
|
|
|
|
|
|
Re: إهداء لصلاح جاكات : صورة لي بعد التجنيد . (Re: يوسف الطيب احمد إدريس)
|
الزملاء الأعزاء أحمد يس مزمل خيري مجدي هاشم يا هلا بيكم ويا مرحبا..( إيتنينا ) .
أحوال المعارضة السودانية أو كثير ممن يصفون أنفسهم بمعارضين للإنقاذ ، لا يخفي على أي عاقل وعاقلة أنها أحوال صارت تحتاج إلى مزيد من التأمل ..
وتعريف المعارضة نفسه أعتقد يحتاج إلى إعادة صياغة .. فليس كل من تشدق بمعارضة الإنقاذ هو معارض حقيقي .. فالكوزنة في الأساس هي ( أسلوب حياة ) ..وطريقة تفكير وسلوكيات محددة .. تحمل في طياتها نمطا يمكن تمييزه بسهولة..وإن ظن صاحبه عكس ذلك .
فلا يمكن مثلاً أن تدعي معارضة نظام الإنقاذ وأنت في نفس الوقت تتبنى طريقة تفكيره تجاه النساء مثلاً .. !!
كثيرا ما نبهت أصدقائي في المعارضة ( وكثير منهم صاروا أعدائي بسبب هذا التنبيه ، والبعض الآخر اعتبرني جندرية متطرفة ) ..ولا بأس بذلك بالنسبة لي لو يعلمون . كثيرا ما نبهتهم ..على عدم وصف سلوكيات الكوز بأمور يربطونها بالنساء ..سواء كانت صحيحة أم وهمية ولكنها تعبر عن نظرتهم تجاه النساء .
فكثير منهم يسقطون في وحل التنميط والإساءة النوعية للنساء ..وهم يظنون أنهم يحسنون صنعا ..!! ونجد هنالك كثير من المصفقين ..أيضًا !!
مثلا بعضهم يستخدم مصطلحات مثل ( فلان عاهرة سياسية ، ولا يخفى على المتأمل ما يحويه هذا المصطلح من تنميط وربط للعهر بالنساء خاصة .. مع إن حتى العهر النسائي المتعارف عليه ببيع الجسد ..معظمه له أسبابه الموضوعية تاريخيا وإجتماعيا..وربما سأفرد لهذا الموضوع فذلكة تاريخية مربوطة بالهزات العنيفة التي تصيب المجتمعات وتؤثر في منظومة القيم ونمط الأنشطة على إختلافها ) ..
كذلك هنالك تعبير خبيث شاع مؤخرا بين الكيزان وكثير من المعارضين أيضا .. ألا وهو تفسير غريب وساذج يدعي بأن وصف ( ناشطة يعني ناشطة جنسيا ) ..!! تأملوا معي في هذا الخبث والعبط ..واختزال النشاط النسائي السياسي والإجتماعي بالنشاط في السرير ؟!!
والأمثلة كثيرة نجدها متناثرة هنا وهناك ( مثل فلان لبس الطرحة ..وللا ربط الجبن بالنساء كعبارات مثل : الجماعة ديل نرسل ليهم طرح ..أو الأمنجية جروا ذي الحريم ، أو الجندريات ديل بايركس روحهم محرقاهم ..ألخ )
عشان كدا دائما بقول إنه الدخلتها الإنقاذ في الناس تاني ما بتمرق بسهولة ..
والمرأة السودانية رغم كفاحها الحالي العظيم ضد خفافيش الظلام .. يتنظرها كفاح آخر طويل وصعب ..حتى في عهد ديمقراطي حر .
وهنا ..سأحاول أن استرسل في معاني وتعريفات مثل ( الإستنارة الحقيقية ، والتغيير الحقيقي ) .
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: محمد حيدر المشرف)
|
الأخت أمنة مختار.
أنا لم أتابع ما كتبه الأخ صلاح جادات عنك أنت والأخت تراجي، لأنني لا أملك صفحة على الفيس بوك، ولم أدخل البوست الذي نقل ما حدث في الفيس بوك الى المنبر.
ولكن دعيني أقول لك أن الأخ صلاح جادات مخطئ تماما في حقكم وأتهاماته لكم غير مقبولة، وعلى الأخ صلاح أن يثبت أتهاماته أو أن يعتذر عنها فورا.
تحياتي لك يا غالية والى الأخت العزيزة تراجي مصطفى
Keep up the good work
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: اخلاص عبدالرحمن المشرف)
|
الأعزاء العمدة شحوتاي ومحمد البحر هلا بيكم وشكرا على الترحيب .
الأخ عبد القادر والله حزنت لما أصابك فعلى الأقل نحن إحتكينا بهذا الشخص قبل كدا . ولكن باين عليك شخص في حالك وما بتاع مشاكل . غايتو فعلاً كلنا بقينا نتساءل لصالح من يقوم هذا الجادات بهذا الدور الخبيث ؟!!
أعتقد أنه نوع من البارانويا لا أكثر . ويبدو أنه يعاني من مشاكل عديدة في حياته ..ولكن دا برضه ما مبرر ..فكل الناس عندهم مشاكل ويعانون بشكل أو بآخر .
تحياتي وإحترامي للجميع .
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: AMNA MUKHTAR)
|
Quote:
العميل/ آمنة مخنار ..
تاريخ التجنيد ؟... جهة التجنيد ..؟ غواصة في ياتو جسم من اجسام المعارضة ؟!! وطريقة اكتشافك كغواصة ؟.. نوعية العمل الذي كنت تؤدينه ؟! ..
هل كان على سبيل المثال مكلفة بالتشكيك في ذمم الشرفاء من ابناء الوطن وتخوينهم وضرب المعارضة بالمعارضة والترويج لمقدرات جهاز الامن السوداني في تجنيد اعداد كبيرة من الشرفاء والمعارضين ؟.. وكل ذلك على سبيل المثال ليس الا ..
جاوبي .. |
لم أجد أذكى من هذه المداخلة
فأعدتها ..
لك التحية ..
و هذا البوست إحياء لنشاط و لم ثلة من الجمع الحبيب لم تلتق من مدة إلا هنا
لكم جميعا المحبة
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: معتصم الطاهر)
|
حبابك بت الشيخ ("وهل يُكب الناس في النار على وجوههم إلا حصائد ألسنتهم") الإتهام بدون دليل إثبات جريمة في حد ذاتها.. وقد كتب جورج بوك (دينق)..
Quote: الأخ صلاح أن يثبت أتهاماته أو أن يعتذر عنها فورا. |
هل أثبت أو أعتذرت عن إتهامك لي بالكوزنة بعد أن تبين لك الحق من الباطل.. لا تنهي عن خلق وتأتي مثله عارٌ عليك إذا فعلت عظيم..
من علامات النفاق..
إذا حدث كذب..
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: AMNA MUKHTAR)
|
هلا بالأخ عمر عبد الكريم . أثني على كلامك .
ود المشرف والله بخوض نقاشات حول موضوع هلال مريخ دا طوالي مع أهلي ..وهم متعصبين كورة برضه .. ويقولوا ليك نحن بنشجع الكيان فقط . وطبعا عندي راي في التبرير دا .. لكن من أنا حتى أحكم وأفهم ولاء البعض لهذا النادي أو ذاك في كرة القدم . فالكورة أعترف لم تكن يوما من إهتماماتي ..كرة سلة معليش إضافة لرياضات أخرى . وهسه ديل ذاتهم خليتهم ..لأنهم تدهوروا في السودان . ....
هلا بالعزيز دينق . وشكراً على كلماتك الطيبة . وتحيتك توصل أكيد .
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: AMNA MUKHTAR)
|
Quote: الصادق إسماعيل هسه عليك الله الغواصات منو بالله عليك .. نحن العمرنا ما خلفنا رجل وجلسنا مع ناس النظام في تربيزة واحدة .. وللا كبار قيادات المعارضة الما بيصدقوا ( يهتبلوا ) أي فرصة للجلوس والتفاوض مع هذا النظام ..وهم يعرفون النتيجة سلفا .. التي هي ليست سوى تيئيس الشعب وإطالة عمر النظام ؟!!
|
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: الصادق اسماعيل)
|
هلا أستاذنا الموصلي مشتاقين والله . وعذرا على التأخر في الرد . شغلتني دفسيبة في حتة تانية كالعاااادة .. :)
بس زعلانة منك جيتني يدك فاضية من إبداعاتك . متابعة دعمك للمواهب الجديدة ..ربنا يوفقهم .
وهلا العزيزة إخلاص المشرف . مع إني ما فهمت مداخلتك كلها ..لكن مرحب بيكي وشرفتي .
هلا معتصم الطاهر . هو بالله الغواصة بيحققو معاهو بنفس الأسئلة بتاعة جهاز الأمن ؟! غايتو إلأسئلة دي إلا كان تكشف نوعية الغواسات السغار البيروحوا في الرجلين عشان مستجدين . أما الريسان الكبيرة قاعديييين وكتير من الناس عارفين ..وحياتك . أحسن نسكت بس .
| |
|
|
|
|
|
|
Re: إهداء لصلاح جاكات : صورة لي بعد التجنيد .. (Re: AMNA MUKHTAR)
|
شفت يا أبو الريش أم بناية قش دي ؟! رحمه الله رحمة واسعة وصبر عائلته على الفراق . والدوام لله .
ياريت لو نحاول نجمع الأفلام الأنتجها والكان عاكف عليها حتى تخرج إلى النور . فقد علمت أنه تحصل على وثائق قيمة جداً خاصة بشرق السودان عثر عليها في دار الوثائق البريطانية . .....
وألف شكر العزيزة إخلاص المشرف على التعزية . فالفقد واحد .
___________
أبو رزقة سلامات ومشتاقون . إنت ما كوز ..ولكنك مركب مكنة جنجا ..ودي بس مشكلتك .
فرغم الصدمات والخزلان وكل تلك الأمور الخسيسة التي لا يتوقعها عقل ..التي تعرضنا لها من الرفاق ..وممن كنا نظن أننا وهم في معسكر واحد . ورغم إكتشافنا أنهم فهموا أن تجردنا من القبلية ..ووقوفنا ضد ظلمهم من بعض مكوناتنا القبلية .. فهموه أنه ليس سوى ضعف أو غشامة منا .. إلا أنه لا مفر لنا من مواصلة توعية مكوناتنا القبلية بأنهم هم أيضاً ضحايا في يد هذا النظام ..وربما أكثر من غيرهم فهم من ناحية يتعرضون للإستغلال البشع والفناء في حروب ضروس لا يفهمون كل أبعادها .. ومن ناحية أخرى باتوا هم أكثر من يتلقون اللعنات والتجريم والشتائم .. رغم أنهم ليسوا سوى أداة .. أداة صاغتها يد التجهيل والتهميش في البوادي البعيدة ..
| |
|
|
|
|
|
|
|