|
Re: الجلب وسحّارة الدنيا (Re: رأفت ميلاد)
|
Quote: ماسمعنا ليو عيب غير النعمنو ورل رأفت يازول يا رايع وينك ياخ تحايا وأشواق بطعم القهوة وريحة الجلب |
ود أبارو أهلنا ريحة الجلب تصل من الشهدا للملازمين
وتقول لى الورل قدّ أضانو وركب حلق لووووول
ياخ مشتاقين يعلم الله
| |
|
|
|
|
|
|
Re: الجلب وسحّارة الدنيا (Re: رأفت ميلاد)
|
Quote: أوووووووو حبيبنا رأفت.
شوق بحر ........... أيام الفيضان |
اأبو الريش ذاتو .. تعجبنى يا ابن حبيبى وأنت فى أعلى موجة شادى شراعك لا بتجرك ولا بتبارها جنابو قال ماشى يصلحا (من الداخل)
بالله الكلام ده ما عيب
| |
|
|
|
|
|
|
Re: الجلب وسحّارة الدنيا (Re: معاوية المدير)
|
Quote: رأفت ميلاد شخصياً..
أكاد لا أصدق..
..... حبابك و الجابك يجيب عقابك |
سلاملات يا أبو الزهور
عقابى قاعد يعضى فى أصابعم ولكن بجى الفيضان على قول ود أو العزايم
مشتاقين ياخ
| |
|
|
|
|
|
|
Re: الجلب وسحّارة الدنيا (Re: رأفت ميلاد)
|
Quote: قاعد يرضع الغنم .
رأفت ميلآد !، يا اخي الشوق بحور ما ليها حد ما ليها قيف ... |
أووو معاوية ود المدير
شايفك تعبان مع الورل الصغير .. ياخ ده بكف العين من الباوقة وريحة الصندل
المصيبة يا معاوية الورل بعد ما يرضع البهيمة ضرعا بتهتك .. ده بكان الوجع
| |
|
|
|
|
|
|
Re: الجلب وسحّارة الدنيا (Re: رأفت ميلاد)
|
Quote: جلب بي فتح الجيم والا بكسر الجيم؟
وكلو عارفنه |
عارفك عارفم كلهم أنت ما من زمن أمجاد المظاهر
لكن بتاعتى دى خليها بالفتحة .. الجلب البطلع الدبيب من جحرو
| |
|
|
|
|
|
|
Re: الجلب وسحّارة الدنيا (Re: رأفت ميلاد)
|
Quote: رأفت .... ياخي شوفتك تسر . . . الورل ... اكتر شيء بسويه ...برضع الغنم علا التمساح .... ببلع جب |
تاهر بدر يا حليلك وحليل أيامك
هى نان موش كتلوك أخير من ناس جوك جوك .. فى مثل بقول (كل بحر ليهو تمساح) ياخ بحرنا قط .. الترابى الباطل قرضم فى غفلة واحد واحد وندم ندامة الكسعى لامن لقى الورل بتختر وهو متعود يلقى ليهو راجل يكتل ليهو الورل
| |
|
|
|
|
|
|
Re: الجلب وسحّارة الدنيا (Re: رأفت ميلاد)
|
يا رافت يا ميلاد راس السنة
يا حريف كورتك عالية...خت الكورة فى الواطة.
بالفتحة...لو ضربة جزاء فى خط ستة....دا هدف مضمون. لو بالكسرة ..ومعاها ثلج...دى معناها قوية...حمانا الله.
| |
|
|
|
|
|
|
Re: الجلب وسحّارة الدنيا (Re: أيمن نواى على)
|
Quote: يا رافت يا ميلاد راس السنة
يا حريف كورتك عالية...خت الكورة فى الواطة.
بالفتحة...لو ضربة جزاء فى خط ستة....دا هدف مضمون. لو بالكسرة ..ومعاها ثلج...دى معناها قوية...حمانا الله. |
االله يحميك ياخ
رغم أنى ما فهمت حاجة سوى إنت هلالابى صاكت
| |
|
|
|
|
|
|
Re: الجلب وسحّارة الدنيا (Re: عثمان محمد كرار)
|
Quote: رافت البركة في الجلب الجلبك هنا مشتاقين ياخ |
سلامات يا جمال
ياخ والله أنا ما مشيت من هنا .. بقيت قارى ومعون الكتابة نضب .. بس القراية هى ذاتا الوجع الجابنى هنا .. كمية الشيوخ والكيزان وسجم الرماد
| |
|
|
|
|
|
|
Re: الجلب وسحّارة الدنيا (Re: رأفت ميلاد)
|
امن سحارة الدنيا
فى واحد هنا بكتب بإسم عماد بشير أعتقد
نزل فى منازلاتو الواثقة ورقة قال من رسالة الماجستير بتاعتو .. حاجة لا بتنفع فى علاج السكرى ولا صحة البيئة ولا فى الأمومة ولا الطفولة
بمناسبة المستشرقين الأنتصر عليهم وعملم عدو جبار وهم يتعدوا على الأصابع
أهدى ليهو حوار مع صديقى كريستوف الغير مستشرف
قال كريستوف (إذا سألتنى من رأيى فى الأديان أقول لك أفضلها البوزية) قلت له (وما يفضل البوزية عن باقى الأديان) قال (هو الأعتقاد الوحيد الذى لا يحرض على العنف ويروج الى رفض الآخر) أنا (هل أنت بوزى) رد بتأكيد (لا لا) أنا (هل زوجتك الفلبينية بوزية) هو (لا إنها كاثلوكية) أنا (مسيحية إذا) رد كأنه يريد أن يزيد فرع فى النقاش (لا كاثلوكية) تجاهلت رده لكى لا أتوه فى متاهة المذاهب فقلت له (بماذا تدين أنت) قال بهدوء (أنا غير مؤمن بالأديان) قلت (إذن أنت ملحد) رد بإستنكار ( لا لا الملحدين خارجين من الأديان بعداوة ورفض وذلك ليس أنا .. سمينى فقط إنسان غير مؤمن)
ده حال ناس عماد الكرّهوا الناس فى الدين ذاتو)
| |
|
|
|
|
|
|
Re: الجلب وسحّارة الدنيا (Re: رأفت ميلاد)
|
رأفت ميلاد ذاتو! يا زول يا سمح؛ شوقنا قطر ومطر وماسورة مكسورة؛ .................. شايفك مقاتل بهناك مع ال البوربون؛ اؤلئك الذين، لم يفقهوا شيئا ولم يتعلموا شيئا؛ وهنا الحال اظرط واضل؛ قال رسالتي بتاعة الماجستير؛ دي نوع الرسائل البميل ويتدعش؛ ويكتر اسقام الوطن.... ماجستير في في عينو؛؛ ................. سعيد برؤية حرفك هنا، او كما قال صديقنا عكود؛
| |
|
|
|
|
|
|
Re: الجلب وسحّارة الدنيا (Re: رأفت ميلاد)
|
من الإرشيف مع التعديل وسحارة الدنيا مليانة
وكلو تمام
بت الفور كفاكى الليلة هرجتى كتير.. طلقتى بخور رصيتى كلام ولهبتى صدور هدمتى جسور .. ونفسك قام
ما تتهلكى ده الراجيك لسة كتير حلقت راس .. وجرس نخّاس وقلعت توب .. والحى ووب والشـكية لغيرو حرام
أولاد الفور شويت مُر وقطرات دم لا هجام لا فريق أم زين ولا من جم اللالوبة خلاس مقلوبة وبلد إتكفى وحظو إنطفى بلا الراكوبه عز المطره فى الهدام
شـيلت الحال و وعرق تربال نسـوان بتولول عرس الزين بقى بطلان ورجال بتموت وعيال بتفوت والشـيخ ياقوت إدمدم نام
دقن التيس فارد طولو نط التور دق النوبة مديدة حلبة وبخور تيمان فى ديم رملة بيت برجوبة دق الطار حفرة دخان وريحة الصندل والغلمان بنات الحور وبت إبليس بقن أخوات فى دار أيتام
بلد إتكفى وشو إنطفى حمد النيل لا حولية و لا حيران لا حىّ الله و لامن الله السـرقة حلال والشكوى حرام
بعد المولد بقى فتران وسـواطة التاية فى الإنداية فى سـبعة بيوت .. رفع الراية وطلع الخور ومعاو مخلاية و دربك مرق .. وكلو تمام
| |
|
|
|
|
|
|
Re: الجلب وسحّارة الدنيا (Re: رأفت ميلاد)
|
ألف مرحب بعودتك أخي رأفت..
Quote: جَلَب ... جَلَباً، وجَلْباً: أحدث جَلَبَة. وـ الجرحُ: عَلَته الجُلْبة. وـ الدمُ: يبس. وـ عليه: جنى. وـ لأهله: كسب. وـ الشيءَ: ساقه من موضع إلى آخر. وـ فلاناً: توعَّدَه بشرٍّ وجمع الجمع عليه. وـ على الفرس: استخفَّه للعَدو. فهو جالِب، وجَلاَّب. وفي المثل: ( رُبَّ أمنيَّة جلَبَت منيَّة ).جَلِبَ الشيءُ ـَ جَلَباً: اجتمع.أجْلَب القومُ: اجتمعوا وتألَّبوا. وـ الجرحُ: جلب. وـ الدمُ: يبس |
Quote: الوَرَلُ حيوان من الزَّحَّافات، طويل الأنف والذنب، دقيق الخَصر، لا عُقَد في ذنبه كذنب الضَبّ، وهو أطول من الضبّ وأقصر من التمساح، يكون في البَرّ والماء: يأكل العقارب والحيّات والحَرابيّ والخنافس. والعرب تستخبثه وتستقذره، فلا تأكله. ( ج ) أورال. ووِرْلان، وأرْؤل. |
المعجم الوسيط
ثم إن (جلب).. نوع من السحر والشعوذة (العمل)... والله أعلم
| |
|
|
|
|
|
|
Re: الجلب وسحّارة الدنيا (Re: نصر الدين عثمان)
|
سلامات يا نصر معلومات قيمة لكن الجلب بتاعنا محتاج معجم الرندوق بتاعنا .. والرندوق بتغير من جيل لى جيل .. بما أنو فى بعدى جيليلين على الأقل ما أظن تلقى الجلب فى المعجم الحديث
| |
|
|
|
|
|
|
|