كتب الكاتب الفاتح جبرا المتوفرة بمعرض الدوحة
|
حصرياً ، حراك قوي جداً لتغيير شعار السودان (صقر الجديان) ؟؟!!!
|
11:32 AM Jul, 25 2015 سودانيز اون لاين عمر عبد الكريم علي-أمدرمان - بيت المال مكتبتى فى سودانيزاونلاين
الليلة أثناء مابشوف علم السودان ركزت في صقر الجديان شديد صقر الجديان هو شعار السودان الرسمي وهو طائر جارح وليو هيبة وجميل (قرض عديل) مكسر القمريات والبلابل وكل إناث الطيور . وبالرغم من إنو صقر الجديان بعيش في بعض مناطق السودان (كردفان ودارفور) إلا إنو ما(قومي) ، أنا شخصياً ماحصل شفت لي صقر جديان - ياهو بس بنشوف صقور الكوش الزرقا دي - ، وربما 95% من أهل السودان ماشافو صقر جديان في حياتهم . لذا وعليه قررت إنو لازم نجتمع كسودانيين ونقرر نعمل شعار جديد لدولتنا الحبيبة ويكون شعار بمثلنا كلنا وبعبر عننا تعبير جيد وأنا شخصياً حأقترح عليكم عدة شعارات ممكن تختارو منها ولو في أي زول عندو شعارات حابب يضيفها ممكن برضو ونتفاكر لحدي مانصل للشعار المناسب . الشعارات البقترحها هي التاليه : 1- الجمل الجمل حيوان صبور ونحنا صبورين أكتر من الجمل زاتو والدليل على كده إننا صابرين على حكومة السجم دي وصابرين على فرقنا السودانيه العمرها مافرحتنا وصابرين على الحر والبشتنه وصابرين على الصبر زاتو - رجيتك وفي انتظار عينيك كمّلت الصبر كلو ... أنا وأشواقي والساعة- 2- الباعوضة مافي سوداني أصيل ما عضتو باعوضه وجاتو ملاريا ، والبعوضه أختنا برضو ومتربيه معانا في بيوتنا ودمها الفي جسمها ياهو دمنا -ياناس أنا بريدو وبتغذى بدم وريدو ياناس- 3- الماسورة يتخيل لي تسمية ماسورة دي سببها إنو مواسيرنا مابتجيب مويه لذا بقينا نقول على المهاجم المابجيب أقوان ماسورة وعلى العربية البتقيف كتير دي عربية ماسورة وهكذا ، والسودان بلد يشتهر بالمواسير ذات الأحجام الضخمة من 5 بوصة وإنت طالع ، لذا أقترح شعار الماسورة - حبك كان لي اسطورة وانتي طلعتي ماسورة- 4- قدرة الفول الفول طبعاً مامحتاج شرح لأنو مربينا كلو ولحم كتافنا من الفول لذا من العدل إننا ننصفو ونعملو شعار لدولتنا المحبوبة -يامقلي خالص على الصواني يافول ياسوداني- 5- الشمس الشمس ترمز للسخانه وكل السودانيين مسخنين (سخانة جيب وسخانة جو) ، وحمانا الله في ناس كمان عندهم سخانة في المسالك البولية ، والشمس عمرها ماقطعت مننا منوره لينا بالصباح وبنجازفها بالشمع بالليل -شمسك طلعت وأشرق نورها بقت شمسيييييييين-
|
|
|
|
|
|
|
|
Re: حصرياً ، حراك قوي جداً لتغيير شعار السودا� (Re: عمر عبد الكريم علي)
|
تحية طيبة العزيز عمر عبدالكريم العيد مبارك عليك
للأمانة وكده زي ما بقول ناس القراية صقر الجديان اخيرلنا من الخرتيت الزمان داك وبما أننا أمة تعيش على ماضي الأمجاد ورفاهيتها ركوب الأمجاد وغنينا الأمجاد فقصة انو صقر الجديان قوي وذو هيبة بتقسم معانا اقلاها في فرمالة نفتخر بيها هسي .شفت كيف .
وبعدين في نمرة اتنين دي اي البعوض مشاركنا حياتنا عديل بس قصة السوداني الأصيل دي يعرفوها كيف يعني أي زول يعمل فرش جسم على وزن فرش متاع بتاعة الجيش ديك ونشوف نقير البعوض كلما زاد نقيرك ازدادت أصالة سودانيتك ولا عزاء لسكان الأحياء الغير متبوعضة غايتو للضمان كده أنتظر هسي بردموك تعبير عنصري وشنو داك
طالما تغيير تغير وعدم الشغلة يعلم تغيير العلم والسلام الوطني وكبري المسلمية فأنا أدعم واؤيد حبيبتنا الشمس كرمز وطني
ويا شمس يا ام الشمس اديني لون عينيك
تحياتي
| |
|
|
|
|
|
|
Re: حصرياً ، حراك قوي جداً لتغيير شعار السودا� (Re: الجنيد حمد)
|
الجنيد حمد تحياتي ياغالي وحيد القرن الأبيض ده فصيله نادره وكان حصري علينا في السودان بس لكن صقر الجديان ده منتشر في أفريقيا كلها نحنا دايرين حاجه تمثلنا وتعكس واقعنا أما ناس نمره اتنين فمنو القال ماعندهم بعوض مافي شبر في السودان ده يخلو من بعوضايه زنانة لكن يقل العدد ويكثر قول ناس نمرة اتنين محصنين روحهم كويس ومابصلهم البعوض في مخادعهم الوريفة وديل بنديهم الجنسيه لأنهم مازي أغنياء الزمن الوسخ ناس المنشيه والطائف وكافوري
| |
|
|
|
|
|
|
|