يعني بقت على شيخ الأمين براهو ما تراهو شيخ الترابي بتوسط الحريم ويفطر معاهن رمضان بدون محرم وباسم الدين ويعقد لبنات الناس بدون أولياء أمور وبرضه باسم الدين وبخرب بلد وبرضه معا هو كتاب الدين وهسي في دجالين في المنبر ده برضه سبحم تلخم ولاعبين بالدين وحقيقة ناس الطرق الصوفية عاوزين منهم موقف من مشايخ في زمن المؤتمر الوطني لتطهير الطرق الصوفية وارجاعها لما كانت عليه منارات للدين الطيب السمح المتسامح كسرة ما تنسى شيخ اللمين يقف في كل يوم إمام مرديه رافعا يديه للسماء اللهم انصر عمر البشير لربما يكون حنانة القصر الرئاسي ههههههههه
تعليقي على الصورة الأولى: هل التوب السوداني الاسمو أوكامبو نسجو أوكامبو؟ شخصيا أحب شيخ اللمين ومثل شيخ اللمين يخففون تركيز الدين لينتهي في النهاية إلى شيء رمزي
كتبت قديما عنه هذه الخاطرة: مارسيدسات، كرولات، بي إم دبليوهات لونن أبيض، إتحركن ماشات ود البنا في أم درمان، سايقنهن رجال لابسين أخضر ودارعين اللالوب الما خمج، نزلوا جنب البيت و نزلوا معاهم أولادم و نسوانن اللابسات تياب ندى القلعة و بي الفل ميك أب جلسوا في صالة أسمح من صالون وردي، الفي الغنا، البي الحرير و الورد مفروش...
شوية و نسمع صوت نوبة حيّ حيّ يسبق الصوت ريحة صندل* يدخل نبي أم درمان الجديد: شيخ اللمين للصالة ويهز بخيزرانة صغيرة، ماسكها بالإبهام و السبابة ويهزها هزة خفيفة مع إيقاع الطبل والطار، طار عقل الحضور وبانت لديهم سعادة إختفت عن أم درمان من زمن الفوزات
في إستطلاع للحضور سأل مقدم البرنامج امرأة جميلة كاملة الزينة، أكتر شئ لفت نظري فيها، الماتشينق بتاع ظلال الجفون الأخضر بالأزرق مع ألوان التوب، قال ليها كلمينا: علاقتك بي أبونا الشيخ بدت كيف؟ قالت ليهو ما بعرفها بدت كيف، لكن أنا قبل ما أعرف أبونا الشيخ دا، حياتي ما كان ليها معنى، و أنا هسع سعيدة سعادة ما بقدر أوصفا ليك... من اللقاء دا، أيقنت انو شيخ اللمين دا نبي أصلو النبي دا شنو؟ زول بزرع السعادة في الناس
* أنا حضرت الحلقة في التلفزيون، ريحة الصندل إتخيلتها ساكت
07-23-2015, 08:10 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3464
ما زال الوهابية يكذبون ويتحرون الكذب كعادتهم وشكرا يا ابو بكر عباس لكشف مكرهم وأكاذيبهم... وشايف احمدونا جاب ليهو فركة وبخور يغطي بيها عورة أخوهو عماد البقت في السهلة هو وشيخهم المهرج الاصغر.
07-24-2015, 01:55 AM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4144
ما زال الوهابية يكذبون ويتحرون الكذب كعادتهم وشكرا يا ابو بكر عباس لكشف مكرهم وأكاذيبهم... وشايف احمدونا جاب ليهو فركة وبخور يغطي بيها عورة أخوهو عماد البقت في السهلة هو وشيخهم المهرج الاصغر.
07-24-2015, 02:06 AM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4144
ومن قبل عماد انكشاف عورة المدعو على عبد الله صاحب البوست مع وجوب اعتذاره ان كان يملك شي من الالتزام بالمبادي الاخلاقية.. أما ناس عماد ديل لا ينتظر منهم ذلك
07-24-2015, 03:19 AM
عمر عبد الكريم علي عمر عبد الكريم علي
تاريخ التسجيل: 06-24-2013
مجموع المشاركات: 388
يحنن نسوان دي مامتأكد منها لكن الأكيده إنو أي واحد من حيرانو ذكراً كان أم أنثى لمن يتزوج شيخ الأمين بجرتقو ويقوم الامين بنفسو بكامل مراسم الجرتق وحصل وضرت مراسم الجرتق لإبن عمتي عندو
07-24-2015, 03:45 AM
عماد حسين عماد حسين
تاريخ التسجيل: 06-11-2011
مجموع المشاركات: 7066
يعني من كلامك الفوق دا نفهم إنو دي رخصة شرعية بأنو أي زول يلقى ليهو صورة يقوم طوالي يرفقها بدون تحقق و يبني عليها ما يشاء من إتهامات؟
حبابك يا حافظ
هذا السؤال ممكن يكون مشروع في حال أنك أني أرفقتها وكتبت تحتها تعليق صريح..
لو لاحظت.. أنا عنونت الرد بعنوان محدد.. يعني غيرت عنوان صاحب البوست.. لأن الصورة الملافقة غير مؤكدة عندي.. وأي واحد ممكن يلاحظ المرقوعة التي يلبسها من يجلس بجوار شيخ الأمين.. وهذه جعلتني أتشكك في الصورة.. ولذلك آثرت تغيير العنوان وإثبات مسألة الحنة فقط...
في النهاية.. وضعه للحنة على يد رجل، تعتبر ممارسة خايسة وخايبة، لا يرضاها الشرع والعرف.
المسألة دي في العرف تقوم بها النساء، ومافي راجل مالي هدومو بيعمل كدة
بقية الصور واضحة ووضعت فيها تعليقاتي...
وبالمناسبة دي.. انت رأيك شنو في بقية الصور؟؟؟
07-24-2015, 04:30 AM
عماد حسين عماد حسين
تاريخ التسجيل: 06-11-2011
مجموع المشاركات: 7066
Quote: سلام يا شيخ عماد صورتك أدت إيحاء انو شيخ اللمين بحنن ليهو في بت ودا ما صاح!
حبابك يا أبوبكر
الصورة أرفقتها كما وجدتها... وكونك ترى فيها أيحاء وغير ذلك، فهذا أمر يرجع لفهمك الخاص
أنا بحثت عن الموضوع في قوقل ووجدت هذه الصورة ولم أعثر على التي جلبتها أنت.. ولما رفعتها قمت ببعض التدابير عشان ما يجي واحد يستنكر، ومن ذلك تغيير عنوان صاحب البوست..
وقد أوضحت الأمر أكثر في ردي على الأخ حافظ.. ويمكنك الرجوع إليه
07-24-2015, 04:32 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7208
Quote: البوست عنوانو سؤال من صاحب البوست عن حقيقة ممارسة شيخ الأمين لحنة النساء ز إنت جيت أرفقت الصورة معاها فقط "تسلم يا علي" و بدون أي تعليق تاني
هل الحتة دي شفتها أم لا؟؟؟؟؟؟؟
Quote: لو لاحظت.. أنا عنونت الرد بعنوان محدد.. يعني غيرت عنوان صاحب البوست.. لأن الصورة المرفقة غير مؤكدة عندي.. وأي واحد ممكن يلاحظ المرقوعة التي يلبسها من يجلس بجوار شيخ الأمين.. وهذه جعلتني أتشكك في الصورة.. ولذلك آثرت تغيير العنوان وإثبات مسألة الحنة فقط...
تغيير عنوان البوست.. ده مش برضو بيعتبر رأي في محتوى العنوان
07-24-2015, 04:45 AM
عماد حسين عماد حسين
تاريخ التسجيل: 06-11-2011
مجموع المشاركات: 7066
الهدف ده، ليس لديك صلاحيات لتحدد لي أنه صحيح أو خطأ، أو ما هي طبيعته..
أنا من يحدد، وأنا من يكتب ما أريده... وتبقى قضيتك في نقاش المكتوب فقط
برجع تاني لنفس النقطة... الموجودة في المقتبس... وفيها شرح كافي.. وبيان لموقفي من العنوان نفسه:
Quote: لو لاحظت.. أنا عنونت الرد بعنوان محدد.. يعني غيرت عنوان صاحب البوست.. لأن الصورة المرفقة غير مؤكدة عندي.. وأي واحد ممكن يلاحظ المرقوعة التي يلبسها من يجلس بجوار شيخ الأمين.. وهذه جعلتني أتشكك في الصورة.. ولذلك آثرت تغيير العنوان وإثبات مسألة الحنة فقط...
يبقى طرحك ده
Quote: قصة تغيير عنوان المداخلة دا برضو ما بحلك لأنو موضوع البوست محدد بحنة النساء و إنت ما غيرتو لحنة الرجال
تبلو وتشرب مويتو... لأني أصلاً غير مسير بريموت كنترول من عندك..
وأرجو أنك تحتفظ بنواتج "تفكيرك الرغبوي" في توجيه الحوار
أنا أكتب وفق ما أريد، ووفق ما أراه...
07-24-2015, 06:53 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7208
الهدف ده، ليس لديك صلاحيات لتحدد لي أنه صحيح أو خطأ، أو ما هي طبيعته..
أنا من يحدد، وأنا من يكتب ما أريده... وتبقى قضيتك في نقاش المكتوب فقط
يا شيخنا إنت زعلت ولّا شنو؟
ايوا صحيح يا شيخنا أي زول عندو ربع مخ ممكن يفهم إنك غيرت العنوان للهدف القلتو دا
لكين أي زول عندو مخ كامل بيفهم إنك جبت الصورة كإجابة موثقة للسؤال الوارد في عنوان البوست
و من البديهيات إنو إنت البتحدد ما تكتب و ما تريد.. لكين يبدو إنو البديهية دي ما واقعة ليك في حال إنو أنا برضو بكتب و بقول رأيي في الكلام المكتوب و في الصور برضو
و لو كنت داير أحدد ليك تكتب شنو كان من الأول قلت ليك يا شيخنا أكتب إعتذار بالبنط العريض و شتت لأنو حنكك دا ما بقسم إلا مع الناس العندهم ربع مخ
و ما قلت لي حنانة الدخلتها في عنوانك المغير دي يعني شنو يا شيخنا؟
07-24-2015, 06:57 AM
عماد حسين عماد حسين
تاريخ التسجيل: 06-11-2011
مجموع المشاركات: 7066
Quote: بعدين انت فاكر أني غير منتبه أن ما قبل التعديل.. ممكن يظهر في النسخة المخفية ؟؟؟
يا شيخنا أي نعم أنا ما عندي أدني ثقة في منهج تفكيرك لكين صدقني عندي ثقة كبيرة في أخلاقك بتمنعني أشك في إنك عايز تخفي ما قبل التعديل او تنكرو و الأصلاً مافي سبب يخليك تكون عايز تخفيهو او تنكرو لأنو ما بيختلف عن مداخلتك بعد التعديل إلا بالإسهاب فقط
أنا جبت مداخلتك عشان مداخلتي البعدها ما تظهر مبتورة
و بعدين ياخي أنا مشيت جبت النسخة المخفية و لا عندي طولة روح عشان اساكك المخفي و لا أنا البفتش المخفيات.. كل الحاصل إنو التاب الفيها مداخلتك قبل التعديل كانت مازالت مفتوحة ______________
أها يا شيخنا فتك بعافية أنا كاسح اساكك الرزق
07-24-2015, 07:27 AM
عماد حسين عماد حسين
تاريخ التسجيل: 06-11-2011
مجموع المشاركات: 7066
Quote: لكين صدقني عندي ثقة كبيرة في أخلاقك بتمنعني أشك في إنك عايز تخفي ما قبل التعديل او تنكرو و الأصلاً مافي سبب يخليك تكون عايز تخفيهو او تنكرو لأنو ما بيختلف عن مداخلتك بعد التعديل إلا بالإسهاب فقط
كونك تفهم أن التعديل ليس سوى إسهاب في شرح المجمل.. أعتقد: دي نقطة جيدة.. وهي التي كنت أدندن حولها
Quote: أها يا شيخنا فتك بعافية أنا كاسح اساكك الرزق
ربنا يسهل أمرك
07-24-2015, 07:07 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3464
سلام يا شيخ عماد أنت أرفقت تعليق مع الصورة وهو "تسلم يا علي" في ثقافتنا هذا التعليق يقال للموافقة على الآخر هذا التعليق يقرأ مع المداخلة التي تسبقها الفيها السؤال مدعوم بحنة لقدم امرأة مكتوب فوقها "حنة شيخ الامين" زايد كتابة تقول والأدلة على حنة النساء موجودة ثم تأتي أنت وتقول "تسلم يا علي" وتنزل صورة فيها وجه المحنن غائب؟؟؟ حجة تغيير العنوان "بالشيخ الحنانة" لا تخدم نفي سؤال التهمة لأنو الحنانة ممكن تحنن الرجال والنساء مداخلتك بتغيير العنوان زايد الصورة والتعليق تصب في صالح تأكيد التهمة
07-24-2015, 07:22 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7208
Quote: سلام يا شيخ عماد أنت أرفقت تعليق مع الصورة وهو "تسلم يا علي" في ثقافتنا هذا التعليق يقال للموافقة على الآخر هذا التعليق يقرأ مع المداخلة التي تسبقها الفيها السؤال مدعوم بحنة لقدم امرأة مكتوب فوقها "حنة شيخ الامين" زايد كتابة تقول والأدلة على حنة النساء موجودة ثم تأتي أنت وتقول "تسلم يا علي" وتنزل صورة فيها وجه المحنن غائب؟؟؟ حجة تغيير العنوان "بالشيخ الحنانة" لا تخدم نفي سؤال التهمة لأنو الحنانة ممكن تحنن الرجال والنساء مداخلتك بتغيير العنوان زايد الصورة والتعليق تصب في صالح تأكيد التهمة
كلامك ده أنا غير ملزم بيهو يا أبو بكر
كوني أقوم بتغيير العنوان، فهذا معناه عندي كما أوضحته...
جملة موقفي موضح في ثنايا النقاش... ومكتوب ومثبت..
وأما فهمك.. فغير ملزم بالنسبة لي
لأنه عبارة عن "مفهوم" وما كتبته أنا عبارة عن "منطوق".
عندنا في القواعد الأصولية الضابطة لشريعة رب العالمين (لما يتعارض "منطوق" مع "مفهوم" بتكون الغلبة للمنطوق).
وهذا الكلام ينسحب على أبواب الشهادات.. وما يصدر عن الناس من كلام.
"المنطوق" مقطوع به، باعتباره نص.. لكن المفهوم غير مقطوع به، لكونه محتمل...
فما بالك.. وأنا وضحت رؤيتي من خلال هذا المنطوق (المكتوب)...
تحياتي
07-24-2015, 07:35 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3464
المنطوق مربوط بالسياق زول جا سأل: شيخ الأمين بحنن نسوان؟ توجد صور بالكوم تقوم ترد بكلام "منطوق" "تسلم يا على" وتجيب صورة تقرأ كواحدة من الصور الموعودين بيها بالكوم إذا المنطوق أصبح غير مطلوق ومقيد بالسياق
خلينا من دا كلو المنطوق بتاع "تسلم يا علي" أشرح لي مرادك منو؟
07-24-2015, 07:42 AM
عماد حسين عماد حسين
تاريخ التسجيل: 06-11-2011
مجموع المشاركات: 7066
يا الصادق، إتّا شفت حاجة؟! أنا حالتي في المنتدى دا لاعب فيهو ورباطات الركبة اليمين مرخيات مستوى المنتدى برضو عاملين ليهو حساب شوية إتّا قائل بكري أبوبكر دا بجدع قروشو ساكت! من اخذ الأجر حاسبه الله بالعمل
07-24-2015, 07:46 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3464
صاحب هذا البوست صار يمارس بعض الإرهاب الديني على الناس، وهو بالمناسبة يعيش لاجئ في بريطانيا. حديث رئيس الوزراء البريطاني من قبل 3 أيام، كان يتحدث بالظبط على مثل هذا السلوك الإرهابي الذي يمارسه بعض المسلمين في بريطانيا ضد المسلمين الأخرين.
07-24-2015, 12:20 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
السلطان جورج "دينق" تحياتي إنت جاي البوست دا كايس مدد شيخ الأمين ولا جاي تفتش للمشاكل...... ذكرتني نكتة الصوفية الراكبين البص مع واحد وهابي، الوهابي شغال يتجادل مع الختمي عن ضلالات الصوفية طبعا عامل فيها زول حجة ومنطق وإقناع،، الأنصاري الكلام ما عجبه ، كف يد الجلابية لي فوق وظهر السكين الجمباوية ، وقال (يا المهدي الخلقتني).. الوهابي يعاين لي الأنصاري ويعاين لي السكين ، وقام قاليه يا زول انت عارف الخلقك بس عاوز مشاكل ساي .......
يا دينق انت لا كايس مدد شيخ الأمين ولا شي
وش ضاحك
07-24-2015, 12:36 PM
ABDALLAH ABDALLAH ABDALLAH ABDALLAH
تاريخ التسجيل: 08-26-2007
مجموع المشاركات: 7628
Quote: صاحب هذا البوست صار يمارس بعض الإرهاب الديني على الناس، وهو بالمناسبة يعيش لاجئ في بريطانيا.
هو بالمناسبة يعيش لاجئ في بريطانيا. شكراً أخى العزيز دينق على المعلومه. بالطبع أنت من المتابيعين لحدثين مهمين :- 1-نتائج أحداث 11 سبتمبر 2001 على أصحاب الفكر الإرهابى المتزمت خاصةً فى بريطانيا وأميركا وكذلك فى المملكه العربيه السعوديه عقب زيارة خادم الحرمين الشريفين الراحل الملك عبدالله للرئيس بوش فى تكساس. تلك الزياره تذكرنى باللقاء الشهير للملك عبدالعزيز بالرئيس روزفلت . 2- القائم بالأعمال الأمريكى السابق بالخرطوم وزياراته العديده لأهل الطرق الصوفيه بالسودان نقلت للأمريكان وللغرب عموماً صوره متكامله عن مدى سماحتهم وإحترامهم وقبولهم بالآخر وتفاعلهم بحياتهم مع تقاليد مجتمعاتهم .
07-24-2015, 02:28 PM
عماد حسين عماد حسين
تاريخ التسجيل: 06-11-2011
مجموع المشاركات: 7066
شيخ الأمين ده زول متسامح جدا مع نفسه وبيفرض على الناس ان تحترمه، انا سمعت عنه كلام طيب جدا من بعض الذين التقوا به. ولقد شاهدت له لقاء مع هيثم كابو، كان فيه شيخ الأمين ، يتحدث بكل صراحة ووضوح، واعتقد ان ذلك احدا الأسباب التي جعلت الشباب يتبعونه.
07-24-2015, 07:38 PM
Ali Abdalla Hassan Ali Abdalla Hassan
تاريخ التسجيل: 01-08-2013
مجموع المشاركات: 1983
لكم جزيل الشكر على الردود والتعقيبات والحوار الساخن بينكم عماد حسين فرح الطاهر أبو روضة أبوبكر عباس عمر عبدالله عمر أحمدونا منتصر عبدالباسط عمر عبدالكريم عبدالله حافظ بشير الصادق الخالدي دينق عبدالله عبدالله عبدالعظيم عثمان
أولاً: كما هو واضح من عنوان البوست أنا أستفسرت متسائلاً: ( صحيح شيخ الأمين بحنن نسوان؟) فأنا لم أجزم بأنه يحنن النساء .. وليس لي علم بأنه يحنن النساء .. وإذا ثبت لي إنه يحنن النساء .. والله أولع فيهو النار في هذا المنبر .. لأنه ليس من عاداتنا ولا تقاليدنا ولا أعرافنا الإجتماعية ولا الدينية في السودان أن يقوم رجل بحنة النساء .. هذا شأن من شؤون النساء وأي رجل سوداني يهين نفسه بإمتهان مثل هذا العمل .. فعلى الجيران أو سكان الحي أن يدخلوا عليه ويجلدوه بسوط العنج حتى لا يعود إلى مثل هذا العمل مرة أخرى ..
ثانياً : الذي دعاني لفتح هذا البوست وهذا الإستفسار .. هو ما سمعته من الشيخ مزمل الفقيري في اليوتيوب حيث قال أن شيخ الأمين يحنن النساء .. ثم ما أوردته الزميلة نعمات حماد في بوستها وإيرادها للحوار الذي أجرته جريدة الوطن مع الشيخ مزمل الفقيري .. وهذا ما قاله مزمل الفقيري عن حنة شيخ الأمين:
يعني مزمل فقيري يقول إنه يملك أدلة على حنة شيخ الأمين للنساء وسوف يثبت ذلك في المحكمة .. وهو يتحدى شيخ الأمين ألا يتراجع في رفع القضية ضده ..
ولذلك فالإخوة الذين يطالبون بالأدلة .. ويتساءلون وين (الصور بالكوم) .. أقول ليكم أصبروا شوية .. حتى يوم الزينة .. يوم تبدأ جلسة المحكمة بمدينة الخرطوم .. على اليمين الشاكي شيخ الأمين .. وعلى اليسار المتهم شيخ مزمل الفقيري .. وحتماً مولانا القاضي سوف يسأل مزمل الفقيري السؤال التالي: ما هي أدلتك أن شيخ الأمين يقوم بحنة النساء؟ فيرد شيخ مزمل الفقيري: هذه هي أدلتي .. ثم يتم عرض كل الأدلة أمام المحكمة .. بعد ذلك سوف نأتي ونعرض (صور بالكوم) عن الأدلة التي عرضها شيخ مزمل الفقيري أمام المحكمة لإثبات مهنة جديدة لشيخ الأمين: مهنة الحنانة
07-24-2015, 09:26 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
Quote: الصوفي منتصر.. المدافع عن شيخ الحنة والبخور
صامولة تشوف، وماكينة ما تشوف
الله يخيبكم يا أخي
هي القصة وافقة على الصورة دي براها...
بعد السجود لغير الله، كمان جابت ليها حنة وبخور
يعني زندقة وقلة أدب
الله يخبني أنا أم الأفاكين أمثالك ؟! أنا لم آتي لأدافع عن شيخ الأمين ولا مطالب بأن أمارس النميمة مثلكم حتى لو لم ترضيني بعض تصرفاته التي ابتدعها وهي لم يسبقه عليها أحد من الصوفية ..وهي بأي حال لم تخرجه من دائرة الإسلام يا عماد حسين هل أنا كنت تابع ليكم لما أنكرت على من عمل بوست يتهم فيه شيخك أبو زيد أحمد حمزة بأنه قال وقال أيام كأس العالم ونسب له تغريده أنه نشرها في توتر مزورة قالوا له عدد حروفها يزيد على المسموح به في توتر فأصر على رفع البوست وكأن شي لم يكن فدخلت وقلت له (إنك لم تعلق على أن عدد الحروف يزيد على المسموح به) هلى أنا حينها كنت وهابي ومدافع عن شيخك أبوزيد أحمد حمزة أم كنت مدافع عن مصداقية الموقع ومصداقينا جميعاً؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وهل أنا كنت وهابي لما علقت على البوست الذي فيه اتهام عايض القرني بأنه أيد وبارك قرارات الرئيس الأمريكي أوباما الداعمة للشواذ في أمريكا ...واعتبرت أن الكلام المنسوب له لا قيمة له ولا يزن شي في معيار المصداقية لأنه مجهول المصدر ولم يكتبه عايض القرني باسمه لا موقع من المواقع أو صحيفة أو أي جهة معتمدة ...وقد كتبه شخص مجهول و نسبه له في موقع متعاطف مع داعش وأمثالها ...واتهمت داعش بأنها وراء هذه الإشاعة وعززت كلامي بتسجيل من اليوتيوب ...ولم أوافق صاحب البوست الذي رفع البوست وهو يهاجم به أحد رموز الوهابية ...هل كان يعتبر كلامي هذا دفاعاً عن رموز الوهابية ؟؟؟؟؟؟؟؟ لكن نقول شنو الفهم قسم .....ووأنكم في كل يوم تثبتون عدم التجرد و في كل مرة تثبتون أنكم لا تلتزمون بأدنى درجات الأخلاق والسلوك الملتزم المرجو لتحقيق مصداقية الموقع ومصادقية الكتاب. بل وتتهكمون وتسبون من يدافع عنها بعبارات بذيئة ...مردودة على قائلها.
Quote: دخلت البوست لارى صحة عنوانه وقبضت الرييييييييح
ارجو احترام عقولنا وزمنا ولا تبهت الناس بلا دليل
تحياتي
أخى العزيز سنجاوى طبعاً لازم تقبض الريح زينا طالما أصبح بين الفينة والأُخرى لهذا البوست إسما. بدأ بى * صحيح شيخ الأمين بحنن نسوان ؟ ده شيخ شنو ده؟ (كاريكاتير) ثم تغير إلى الآتى :- * صحيح شيخ الأمين بحنن نسوان ؟ ده شيخ شنو ده؟ (صور بالكوم) * الشيخ الحنانة * الشيخ الأمين عاد مره أُخرى * الشيخ الحنانة ثم * دينق الزنجي المهين في أمريكا
07-25-2015, 04:06 AM
ahmedona ahmedona
تاريخ التسجيل: 01-08-2013
مجموع المشاركات: 6562
كان ده فعلا معيارك انا هسع بمشي اجيب لك صور وتصريحات الوهابية (أنصار السنة) في ومع حكومة الكيزان. الكيزان ركبو فيكم ماسورة وادوكم وزارة الاصنام (السياحة) ، وأنتو عارفين كويس ان من اهم المناطق السياحية في السودان هي المناطق الاثرية القديمة! كلامي عن الشيخ الأمين لا يعني اتفاقي معه بعلاقته بالنظام. على الأقل الرجل يحمل خطاب ديني متسامح، وعندما استمعت الى ذلك اللقاء معه، رفض ان ينتقض مواقف الوهابية ضده وكان خطابه لهم متسامح جدا. علشان كده يا وهابية ناس الطرق الصوفية أحسن منكم بكتير.
مدد يا شيخ الأمين مدد
07-25-2015, 06:55 AM
عماد حسين عماد حسين
تاريخ التسجيل: 06-11-2011
مجموع المشاركات: 7066
Quote: بصراحة شيخ الأمين ده عندو عوارة بائنة لا تخفى إلا على عوير مثله..
عندي احساس انو طيفور دا قاصدني أنا يا ريتني في شكلتك مع طه ما كنت اتعاطفت معاك. المهم، يا أخي، أكتر ناس بكيفوني هم الناس الوصفتهم إتّا "بالعورا" وأن بطلق عليهم "أدباء أول يناير" زي حبيبي شيخ اللمين والوجيه رجل الاعمال الشاعر الموسيقار صلاح إدريس و... قبل فترة جاتني دعوة عرس بت سوداني وجيه في أرقى مكان بدبي والنصيحة كدا كنت ما داير أمشي يقوم ربك وكرمو يتصل بي صديق ويقول شيخ الأمين ح يكون حاضر العرس دا جنبي دبي أوت ليت مول جري، بدلة سودا، بنطلون بيج وقميص أصفر صفرة خفيفة وكريم فاتيكا وريحة غالية وأنا بتعشى جا داخل شيخ الامين ببدلة سودا وكرفتة سودا وجزمة سودا وقميص أسود وكذلك زي عشرين حوار الحيران عاملين فيها FBI الكان بياكل وقف الشفع كفوا النسوان تيابن وقعن وكشكشة دهبن صمتت الناس الكانوا محاوطين العريس والعروس غيرو اتجاهم العريس ساب العروس ومشى قبّل يد الشيخ يا أخي، دا كان من أمتع الأيام بالنسبة لي وأنا راجع إبتسمت لآوت ليت مول وقلت ليهو: الدراهم ما خسارة فيك يا برجوازي
07-25-2015, 08:15 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7208
Quote: يوم الجمعـــــة وبعد الذكر وكعادة بعض الفقرا مشو باكلوا طعمية و يشربوا بارد في دكاكين الطاهر
Quote: عدد المصابين من الفقرا "ست وعشرين" أحدهم تطلب إجراء عمليتين له لتثبيت الشفاه واعلي الفك عدد عربات الفقرا المكسرة "عشره عربات"
قادر الله قلت لي بقيتوا بتوع بارد وبعرباتكم؟!
وتقول لي يا تبارك ما نقيف مع ناس بيت المال؟! ما ظاهر من لهم علاقه بالانقاذ؟ّ
شعب كله سفاي التراب من الغلاء وديل الفقرا بقكتحوا في البارد وبعرباتهم كمان حليل الدارويش الزمان كانوا بيركبوا الحفلات مجانا لانه ماعندهم حق الحافه وبيعفوهم الكماسره؟!
شفته دارويش ناس شيخ الامين؟!
طيب يا ملاسي وعشان ما تتشربك في ود المكي ظاهر انه بينقل لينا ما يكتب في الفيس بوك من عموم ابناء وبنات بيت المال!يبقى شنو الوصف ليه انه عين روحه ناطق رسمي ولا مساخه معاك ان مسختك دي اصلا ما بتخليها؟!
يا وليد العجب انحن عارفين شيخ ده بيتابع الانترنت عشان كده بتكون نافخ نفسك وجاي تدافع عشان تكبر في عيونه او خلافه....قول للشيخ بتاعك ده الكان بيزور كندا وساق اخته وزوجها فتح لهم شركه للتجاره!قول له بالله.....لم حيارنك العاملين بلطجيه من ناس بيت المال وقول له ده كتبته سودانيه كنديه....عارف البئر وغطائها!!
وهم انكم صالحين وعايزين تبيعوا المويه في حارة السقاين دي شوفوا لها مكان آخرى غير عقولنا!
الصوفيه عملتوها اعمال وتجاره وربحتم وبرطعتم و الناس ما لاقيه التاكله اها كله سكتنا نبقى في برطشة الناس في احيائها وهذه بيوتهم وبيوت اجدادهم وابائهم؟!ايعقل هذا يا الامين؟!
شكراً علي التذكير .. بس مافي اي فرق .. الوهابي عماد بيشتم و حبه طبالين بطبلوا.. و مولانا الشيخ الامين يقيم حلقات العلم و الإرشاد وذكر الله و اطعام المساكين ...
وانا بذكر بي الحديث ...
عن أبي موسى رضي الله عنه قال: قلت: يارسول الله! أي المسلمين أفضل؟ قال:«من سلم المسلمون من لسانه ويده»، أخرجه البخاري ومسلم.
لك كل الود و الاحترام ..
07-25-2015, 01:44 PM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
شيخ الامين بحنن والسلفتوت بجننو -------- ناس تحنن وناس تجنن. ------- انا اكتر شيء مزعلني من شيخ اللمين ما الحنة ولا الجرتق ولا البخور ولا منهجو بس مزعلني مقالدتو لي رءيس النظام وما دون ذلك مافي مشكلة. ----------------- المنهج الصوفي هو ما يتواكب مع ثقافتنا كسودانيين في رحابته ووسطيته وعفويته وجماله والفته عكس المذهب السلفي الوهابي الجاف المتشدد المتعالي الاقصاءي التكفيري المقرف .. تتذكرو قبل هذه الهجمة السلفية بشقيها المتشدد الوهاوبية و الاقل تشددا الاخوان المتاسلمين عليكم الله شفتو الوطن دا كان متناغم وعايش في وحدة وانسجام ومجتمع متداخل وجميل بس الله يجازي الكان السبب من سلفتوت واخوان . يا حليل زمان وايام زمان
07-25-2015, 10:42 PM
Yassir Tayfour Yassir Tayfour
تاريخ التسجيل: 08-18-2005
مجموع المشاركات: 10899
أنشد البدوي أبياتا من الدوبيت ملؤها حكم وأمثال فقال: (سواق القطر ما بْجَرِّب البنطون/ وعميان البصر ما ظن يَعَرْفَ اللون/ عريان العروض ما ببقى زول مامون/ ووسخان القلب ما بْنَضِّفُو الصابون/ القلبْ إن جَنَحْ ما بجيب نَصُرْ لي سيدو/ والزول البريدك أخير من التريدو/ الشخص البليغ في السير بِمَاشِي نَدِيدُو/ ما شُفْنَا الصغير في العين بِدَخِّل إيدو/ المال الكتير ما ظن بِيَبْقَا رَجَالَةْ/ والروح غير أجل ما ظِن يتم تِرْحَالةْ/ الزول البِصُونْ عَرْضُو ؤيَسْتُرْ حاَلَهْ/ ساعة َالحارة فوق الدنيا ما بْخُتْ بالَهْ).
جاييك وحده وحده .. مع انك لا تسوي
07-25-2015, 01:54 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3464
كل عام وانت بخير و ربنا يحقق امانيك و يديم عليك تمام الصحه و العافيه
الجهلول الوهابي عماد ده ما تضيع زمنك معاه .. دي شغلته الدخول في أعراض الناس بغير علم ...
عن ابن عمر رضي الله عنه قال: قال رسول الله صلى الله عليه وسلم: (من قال في مؤمن ما ليس فيه أسكنه الله ردغة الخبال حتى يخرج ممّا قال) رواه الإمام أبو داود وصححه العلامة محمد ناصر الدين الألباني رحمه الله تعالى.
ابونا الشيخ الامين عمر الامين مسيده بي ود البنا، قائم علي منهج صوفي و إسلامي بحت...تقام فيه صلاه الجماعه و حلقات العلم وتحفيظ القران و ذكر الله..و هناك ايضا نفقه يوميه لإعداد الطعام للفقراء و المساكين
مع تحياتي
07-25-2015, 03:10 PM
شمس الدين محمد شمس الدين محمد
تاريخ التسجيل: 01-23-2013
مجموع المشاركات: 112
السلام عليكم اخوتنا الافاضل شيوخ الصوفية لا احد ينكر دورهم في نشر الدين والمعرفة وتحفيظ كتاب الله لكن شيخ الامين منهجه غريب علي اهل السودان وعلي الصوفية نفسهم الصراع بين السلفيين والصوفية لن ينتهي بل يطول الاستاذ عماد مع احترامي له ما صدق وجد فرصتة في الصوفية عن طريق شيخ الامين
07-25-2015, 06:30 PM
ABDALLAH ABDALLAH ABDALLAH ABDALLAH
تاريخ التسجيل: 08-26-2007
مجموع المشاركات: 7628
ابونا الشيخ الامين عمر الامين مسيده بي ود البنا، قائم علي منهج صوفي و إسلامي بحت...تقام فيه صلاه الجماعه و حلقات العلم وتحفيظ القران و ذكر الله..و هناك ايضا نفقه يوميه لإعداد الطعام للفقراء و المساكين
مع تحياتي
و هناك ايضا نفقه يوميه لإعداد الطعام للفقراء و المساكين أخى العزيز محمد الجميل , أيها الجميل..... ( ويُطعِمون الطعام على حبه مسكيناً ويتيماً وأسيراً * إنما نطعمكم لوجه الله لا نريد منكم جزاءاً ولا شكورا *إنا نخاف من ربنا يوماً عبوساً قمطريرا * فوقاهم الله شر ذلك اليوم ولقاهم نضرةً وسرورا).
البِسووا الكِسره ديل أصحاب القلوب المنكسره . تحياتى لك يا حبيب .
Quote: شيوخ الصوفية لا احد ينكر دورهم في نشر الدين والمعرفة وتحفيظ كتاب الله لكن شيخ الامين منهجه غريب علي اهل السودان وعلي الصوفية نفسهم
ده مربط الفرس .. أنا شخصياً لست ضد الصوفية هكذا على اطلاقهم .. بعدين هل رجال الطرق الصوفية كلهم يفعلون مثل مايفعل الأمين !! .. لا أعتقد .. ولم أرى ولم أسمع ونحن أتينا من بيئة تصوف .. مايفعله شيخ الامين هذا شيء يخصه هو .. وكل مايفله أشياء دخيله على التصوف ومجتمعه .. وهذه الافعال هي ما جعلت الكثيرين ينظروا للصوفية .. نظرة فيها كثير من الازدراء والاستهجان وعدم الاحترام .. بسبب ممارسات أصلاً لاتليق زي شغل الحنة وجرتيق العرسان .. يأخ فرضاً مابيحنن غير الرجال ده كلام مقبول ده !! .. ده كلام فاضي يعف عنه مشايخ الطرق الصوفية .. ولن يفعله أياً منهم .. ولا حتى الشخص العادي دي شغلة الراجل المالي مركزو مابيسويها .. وقسم انا اتزوجت الناس دي كلها غلبهم يحننوني .. ورفضت تماماً .. قالوا لي انت شكلك بقيت انصار سنة .. قلت ليهم أنا ما انصار سنة والحنة للنسوان ما للرجال .. لانه ده شغل نسوان ساي .. وابداً ماشغلة رجال .. فمابالك بالشيخ الحنانة ده .. فمايأخذوا التصوف وأهله بي افعال شغل الامين ده .. بعدين هو ذاتو ماشيخ .. ولا من بيت صوفية .. وحتى داخل بيوت الصوفية ما أي واحد بيبقى شيخ .. خلي زي ده مشيّخ نفسو براهو وبي مزاجه .. يجب على الصوفية ان يكون لهم رد فعل فيما يفعله شيخ الامين .. ويرفضوا افعاله علناً .. حتى يعرف الناس ولايتم أخذهم كطرق صوفية .. والذم فيهم بجريرة مايفعله الرجل .. فهو يعطي أسوأ مثال للتصوف وطرقه وأهله ..
بعدين فوق لي ده كلو هو عامل ازعاج للناس في بيت المال وود البنا .. والناس متضررين منه جداً .. واقلق منامهم وراحتهم .. الناس دايره ترتاح في بيوتها .. فيهم المريض وفيهم التعبان من شغله جاي يرتاح .. وحتى حيرانه لايمتون للتصوف وأهله بصلة .. ناس التصوف ناس تقشف وحياة خشنة .. دي طبقة غنية تريد ان تبتدع طريقة تمارس بها نفس ممارسات مجتمعها .. دون ان تلتزم بطريق التصوف وسمات وسمت اهله ..
هسه الزول ده كان رحل ومشى شاف ليه مكان مطرف كده .. في ام درمان .. والله مافي زول يجيب خبره ولايشتغل بيهو الشغله .. لكن هو عارف كده عشان كده رفض الخروج من الحي .. وقال هو صاحب ملك .. التقول في زول حماهو يسكن .. فالبيت للسكن ما مكان مسيد ومكرفونات وممارسات يرفضها الناس ..
خلي نشوف محكمتهم دي آخرها شنو ؟؟ .. لكن الاكيدة الزول ده ناس الحكومة واقفين معاهو .. حتى ناس بيت المال تم افشال كل مجهوداتهم في اخراج مسيد الرجل من الحي .. إخراج مسيده وليس هو .. هو كان داير يسكن مافي زول حاميهو البيت بيته ..
07-25-2015, 08:15 PM
عماد حسين عماد حسين
تاريخ التسجيل: 06-11-2011
مجموع المشاركات: 7066
Quote: ابونا الشيخ الامين عمر الامين مسيده بي ود البنا، قائم علي منهج صوفي و إسلامي بحت...تقام فيه صلاه الجماعه و حلقات العلم وتحفيظ القران و ذكر الله..و هناك ايضا نفقه يوميه لإعداد الطعام للفقراء و المساكين
الرويبضة محمد الجميل
أضف عندك، من منهج الشيخ: تبخير النسوان، وخت الحنة للحيران..
غايتو ده مولد ولقيتو يا شيخ عماد .. شغال ترش من طرف .. يمين اللقيتا مزمل فقيري مالقاها .. خف الابنص شوية يأخ .. ليس كل الصوفية ببخروا النسوان وبختوا الحنة .. أفرز يادجانقو ...
07-25-2015, 08:34 PM
ahmedona ahmedona
تاريخ التسجيل: 01-08-2013
مجموع المشاركات: 6562
Quote: ده مربط الفرس .. أنا شخصياً لست ضد الصوفية هكذا على اطلاقهم .. بعدين هل رجال الطرق الصوفية كلهم يفعلون مثل مايفعل الأمين !! .. لا أعتقد .. ولم أرى ولم أسمع ونحن أتينا من بيئة تصوف .. مايفعله شيخ الامين هذا شيء يخصه هو .. وكل مايفله أشياء دخيله على التصوف ومجتمعه .. وهذه الافعال هي ما جعلت الكثيرين ينظروا للصوفية .. نظرة فيها كثير من الازدراء والاستهجان وعدم الاحترام .. بسبب ممارسات أصلاً لاتليق زي شغل الحنة وجرتيق العرسان ..
أخ / جمال ود القوز --- أها رأيك شنو الجهات الرسمية المعنية بالتصوف لا ترى غضاضه في ممارسات شيخ الجكسي
(عدل بواسطة ahmedona on 07-25-2015, 08:35 PM) (عدل بواسطة ahmedona on 07-25-2015, 08:36 PM)
07-25-2015, 08:41 PM
عماد حسين عماد حسين
تاريخ التسجيل: 06-11-2011
مجموع المشاركات: 7066
أحمدونا يا حبيبنا .. كل عام وانت بخير .. وعيد مبارك عليكـ والأسرة ..
ماليهم حق والله .. لكن كمان ماتنسى .. إنه دي هيئات تتبع للنظام ... كما شيخ الجكسي والبيبسي ده .. وده اعتراف من لايملك لمن لايستحق .. ربنا يصلح الحال غايتو ..
لكن إنتو كمان شادين حيلكم .. ودايرين تشوتوا الكوم كلو .. بسبب أفعال دخيلة على التصوف ..
غايتو الخوف من الجاي مايكون فيها حفر دخان كمان ........
أنا سمعت من مصدر موثوق إنو في شيخ صوفي في غرب السودان .. لما واحد من حيرانو يعرس .. ومن شدة إعتقاد العريس في الشيخ .. يسمح للشيخ أن يقضي الليلة الأولى (ليلة الدخلة) مع العروس .. يعني بركة الشيخ وكده !!
معقول الكلام ده حاصل وصحيح؟
ولا دي من إفتراءات السلفيين على الصوفية؟
07-25-2015, 11:11 PM
Agab Agab
تاريخ التسجيل: 10-03-2002
مجموع المشاركات: 1185
Quote: خ / جمال ود القوز --- أها رأيك شنو الجهات الرسمية المعنية بالتصوف لا ترى غضاضه في ممارسات شيخ الجكسي
الصوفية ليس لهم مجلس حقيقي وفعلي ولا يحزنون ......وهذا مجلس أسسه الكيزان وتابع لهم مثله مثل نقابة العمال ونقابة المحامين وأمثالهما اللائي صرن تابعات للنظام وتحقق مصالحه ...بدليل أنه لم يكن في السابق وأسسه أتباع النظام الحاكم منذ عقدين فقط وتاريخ التصوف في السودان خمسة قرون .
07-26-2015, 06:54 AM
عماد حسين عماد حسين
تاريخ التسجيل: 06-11-2011
مجموع المشاركات: 7066
Quote: الصوفية ليس لهم مجلس حقيقي وفعلي ولا يحزنون ......وهذا مجلس أسسه الكيزان وتابع لهم مثله مثل نقابة العمال ونقابة المحامين وأمثالهما اللائي صرن تابعات للنظام وتحقق مصالحه ...بدليل أنه لم يكن في السابق وأسسه أتباع النظام الحاكم منذ عقدين فقط وتاريخ التصوف في السودان خمسة قرون .
إضافة جيدة...
يعني ديل صوفية فاكين الدرب؟؟؟
طيب.. انت وأمثالك.. رأيكم شنو في الانحطاط ده يا منتصر؟؟؟
07-26-2015, 01:35 AM
ABDALLAH ABDALLAH ABDALLAH ABDALLAH
تاريخ التسجيل: 08-26-2007
مجموع المشاركات: 7628
Quote: قالوا واحد من عربنا عمل ليهو مشكلة في حفلة في الخرطوم..
قام قال: النسوان، واللابسين بناطلين، أبقوا بعيد
بعد كدة الراجل، يطلع لي برة
دحين.. أنا شغال كبع في مسلوبي العقول، القاعدين يكلمونا عن فضائل الشيخ الحنانة، ومكبرين اللفة من الممارسات الساقطة دي
عماد حسين معلوم أن شيخ الأمين والصوفيه عموماً لم يسلموا من لسانك ويدك لكن ناس الخرطوم عاوز برضو تشتغل فيهم كبع عن طريق هذا البورد الأمريكى المنشأ؟ يا عماد أفرض أخونا بكرى أبوبكر الأمريكى مع صاحبه دينق الأمريكى ختوا راسهم مع بعض وقاموا سحبوا باسورد إشتراكك من هذا المنبر ورينا شغل كبيعك دا حيكون كيف . وللتوضيح لمن يلجأ لساقط القول والبذاءه أن سودانيزأونلاين هى للحوار وإبداء الرأى والرأى الآخر فى حدود الإحترام المتبادل وفق القوانين الأمريكيه الصادر بموجبها .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Ali Abdalla Hassan
عماد حسين
فرح الطاهر ابو روضة
أبوبكر عباس
Omer Abdalla Omer
ahmedona
منتصر عبد الباسط
عمر عبد الكريم علي
Hafiz Bashir
الصادق الخالدى
Deng
ABDALLAH ABDALLAH
عبدالعظيم عثمان
الصادق اسماعيل
Yassir Tayfour
علي دفع الله
شمس الدين محمد
Agab
جمال ود القوز
فيس بوك
تويتر
انستقرام
يوتيوب
بنتيريست