|
كتب الكاتب الفاتح جبرا المتوفرة بمعرض الدوحة
|
|
 Re: انا لست ضد عمر البشير (Re: أسامة خلف الله مصطفى)
|
يا عبدالحفيظ...
دا كلام شنو دا ؟
والكلام البتكتب فوقه صباح مساء دا معناتو شنو ؟
ولا جوك ناس الآمن زيارة امبارح بالليل ؟
ما يفعله عمر البشير فى شعب السودان..
لا يكفى معه عداء خاص أو عام..
ولا افهم انك لا تعاديه شخصيا...
فمن هو الشخص الذى يرتكب كل هذه الجرائم ؟
هل هو شخص غير عمر البشير ؟
يا عبد الحفيظ..
عداء خاص أو عام أو جزئى أو كامل..
عمر البشير مسئول مسئولية تامة..
عن كل ما حدث ويحدث فى السودان..
منذ مساء 30 يونيو 1989 حتى تاريخه..
ولو قطعوه (حتت)..
أو فرموه (كفته)..
فهو سوف لن يستطيع أن يسدد فاتورة واحدة..
من جرائمه خلال 26 عاما..
فشنو ؟
احنا محبطين جاهزين وما محتاجين زيادة..
| |
  
|
|
|
|
|
|
|
|
Re: انا لست ضد عمر البشير (Re: اميرة السيد)
|
الأخ ود أبو سن و ضيوفه الكرام سلام وعيد سعيد سؤال يطرح نفسه لماذا خان البشير قسم القوات
المسلحة و سرق السلطة من نظام ديمقراطى هو خيار شعب فى انتخابات حرة نزيهة وعمر الحكومة أربعة سنوات
تحياتى
صديق مهدى على
| |
|
|
|
|
|
|
|
|
|
Re: انا لست ضد عمر البشير (Re: صديق مهدى على)
|
مرحبا اسامة
الناس الواقفة معاهو خلت كل مساوئ السلطة ومسكت في عمر البشير . وبدت تشكر فيهو .. الاسد النتر .. الاتحدي الجنائية .. القال طز في امريكا
وتناسوا امر مهم جدا .. انو عمر البشير علاقتو معانا بدت بتوليه السلطة .. ولو لم يكن رئيسا لما سمع به احد . الخلاف حول سياسته التي قسمت الوطن وافقرت الناس وشردتهم وجعلت حياة شعبه جحيما حتي مات الناس عطشا وتوهانا في سبيل الخروج من الوطن
| |
|
|
|
|
|
|
|
|
|
Re: انا لست ضد عمر البشير (Re: عبدالحفيظ ابوسن)
|
مرحب نور
وعيدك سعيدك
لو انتي محبطة اضربيها في ما لانهاية لنعرفي احباطي
سوء السلطة يصب مباشرة في عجزي عن احيا حياة كريمة
هو مسوؤل بحكم منصبه .. مسوؤلية جنائية واخلاقية عن كل ما يحدث في ارض الوطن
ولن يشفع له انه تحدي الجنائية او انه الاسد النتر
فشل في ادارة هذا الوطن وتركه مرتعا للفاسدين والفساد
هل اذا مات ستحل قضايا الوطن ؟ العداء الشخصي ينتهي بموت من تعاديه شخصيا
| |
|
|
|
|
|
|
|
|
|
Re: انا لست ضد عمر البشير (Re: عبدالحفيظ ابوسن)
|
الآخت الفاضلة اميرة السيد..
وما دام هو انسان طيب وعنقالى ساكت..
وبيحب السودان والسودانيين..
وفى ناس تانين هم المجرمين الحقيقيين..
ليه ما يمنع الاجرام ؟
مش هو رئيس الجمهورية برضو ؟
وليه ما يحاسبهم أو يقيلهم ؟
ولو قلبه على السودان..
وهو راجل طيب...
ليه بيسب ويلعن سلسفيل ابو اهل السودانيين فى خطاباته ؟
ولو هو زول طيب وعنقالى ساكت وبيحب السودان...
ليه ما يستقيل..
أو يمشى الجنائية الدولية زى الرئيس بتاع كينيا..
اللى اثبت عمليا..
أنه الشعب الكينى أهم منه ؟
وانه زول نضيف ما عندو حاجة يخاف منها ؟
يا أميرة..
والله ووالله ووالله..
كل مبررات الدنيا..
وبجميع قواميس اللغة..
لا يمكن أن تعفى عمر البشير من المسئولية..
ومافى حاجة اسمها عداء شخصى أو غير شخصى..
وعلينا وعليك مبارك...
| |
|
|
|
|
|
|
|
|
|
Re: انا لست ضد عمر البشير (Re: nour tawir)
|
مرحب اميرة
عيد سعيد
نظرية ان الرئيس لا يعلم . بدت مع جمال عبدالناصر . الريس طيب وما عارف .. وما يعرف ليه !! قال رفعت السعيد كنا في سجون جمال وندافع عنه
ف شنو
مافي ريس طيب ولا يعلم والفساد مستشري .. فتلك مسوؤليته
| |
|
|
|
|
|
|
|
|
|
Re: انا لست ضد عمر البشير (Re: عبدالحفيظ ابوسن)
|
ف الخلاف في نظري
ليس حول
شخصية الحاكم
وإلا لكان ايجاد غيره حلا
بل المشكلة في مؤسسة الحكم وفلسفته
المشكلة في كامل ثقافة وايدولوجية الحكم القائم .
والحاكم الفعلي ليس عمر وحده
لذا فالخلاف ليس معه
| |
|
|
|
|
|
|
| |
عبدالحفيظ ابوسن
أسامة خلف الله مصطفى
nour tawir
صديق مهدى على
فيس بوك
تويتر
انستقرام
يوتيوب
بنتيريست