10:18 PM Jul, 21 2015 سودانيز اون لاين زهير عثمان حمد-ï؟½ï؟½ï؟½ï؟½ï؟½ -ï؟½ï؟½ï؟½ï؟½ï؟½ï؟½ï؟½ مكتبتى فى سودانيزاونلاين
كنت الليله في أحتفال لفيف مع المثقفاتية والجندريات ذوات الاوزان السياسية والاجتماعية والمالية بالعيد السعيد في عاصمتنا العجيبة في البداية كدي أوصف مكان الاحتفال كان في فيلا فخمة مملوكة لسيدة أعمال قيمة وسيمه ومن أعتي بيوت المال في عاصمة الغبار والضبان و طبعا حصل دا كلو بعيد عن عيون النظام العام وطافسة و طفيلية الامن وجرسة وزحمة أرازل الكيزان اللي لما يسمع بعرس في الرياض يجوا زرافات ووحدان ويبكوا في جمال بناتنا وحناكيش البيوتات والعوائل يا خي لو أنت عندك ولالعة سمحة تخاف من عيون الابالسة ديل تعرفوا التخطيط كان مجموعة تمشي حديقة أوزون وتركب عربية واحدة لمقر الاحتفال دا لناس الخرطوم 2 والعمارات وكمان ناس الرياض مقر اللمة كان محل بيتزا مشهور من أمدرمان الناس تمشي تحت كبري توتي ومنو يتحركوا حيث البهجة والحرية المطلقة تحت فضاء الخرطوم مدنية حرة تمارس كان أنواع المتع المباحة والغير المباح وأيضا تغني للجمال ولحاجات تانية يا سلام أنا ذاتي كنت في حالة ضياع من الجمال للبت الغناية لكميات الطعام والمشروبات ومستوي النقاش واللغة الجديدة وهي خليط من من لغة أهلنا بالعاصمة القومية معها كم هائل من التعبير الانجليزية أظرف تعبير كنت منبهر بيهو بلغة الفرنجة هو حاجة عجيبة أنا ما فهمت حاجة (Stuck in Love وسمعت هنا قصة البت السرقت قروش الحنانه يوم الوقفة عشان تشتري فتيل ريحه لجكس حقها وكمان قصة فلان كان مثبت فلانه سنة كدا والقصة طوالت جدا وكان الاتقاف كل واحد يجرب أو يدخل في تجربة جديدة أمكن دا يرجع الماضي بقوة وتكون في قناعات للارتباط (أجي ) لكين ما فهم أنا عامل زول ظريف وحايم وشغال سلام وتعارف لحدي ما زولتي العازمني قلت (بالله ما تتعاور ديل جايين مربطين من برا روق بس حرقت دمي ) زجرة من أمها مش كدا برضو أن حايم مبسوط أشرب وأكل في الفطاير الليلة ما عيد ونحن أساسا لينا في علاقتنا برضو سنة جلي الوهم دي وشوف القعدة عامرة قمت قلت في قلبي يا ود ربط ساي هنا والليالي الجميلة ما بتخلص في خرتوم البهجة قمت قعدت جنب عصفورة تبارك الخلاق والله لو ما الفقر كنت طوالي طلبت يدها أتعرفت عليها أخوك فلان أبن علان من سكان أمدرمان بمارس في الحرية أيام العيد ومحتاج أنيس ! مدت اليد ما قطعة باسطة بس والسمرة عسل والعيون عيون خليجية بس أخوكم بقي مكهرب في حالة دهشة ممكن الواحد بعدا يكون مجنون الجكوسية دي والاسم ياربي صافنياز الليله دي أسماء الناس اللي ما أتولد في الرهبات ولا الديات أسماء عصافير الجنة اللي عايشه في مهاجر الدنيا برا قلبي هفا وخلاص حصلت علي حالة من التكسر الشهواني وبكيت كدي علي روحي الله يلعن الحرمان في البلد تاني فضيت لاكل ولا شراب بقيت بس زوم كاميرا قاعد أتفرج الليله حسي دي قاعد معنا في الخرتوم والله لا حفلة ولا بنك وتجمع مثقفاتية ما حصل شفت جميلة بالمستوي تقول لي عندك جكسوية يا خ أخجل زولتك من كاسر ناس المدنية ما تسمعني السترة والفضحية متباريت أخوكم حنكو لطيف وزول عبارة رشيقة وأجتماعية ومتمرس في أحتضان الجكس في المناسبات الاجتماعية وبدايت الكلام بمنتهي الرقة الجميلة عايشه معنا في الخرتوم ؟ ردت بكل أدب لا والله أن جايه من الامارات الاسرة هناك وأنا عندي بزنس صغيرة مشروع ديكور أستديو لقناة فضائية في الخرطوم وخلاص سلمت المشروع قلت أقعد العيد بقلبي قلت ليها كان قعدتي أنت للعيد أقعد منو كوم الشنه الحايم في البلد دي أهلابيك انت درست الديكور في السودان ردت بسرعة لا في لندن (الليلة وب ) المهم وأنا شاغل حنك توفيق لا وضاع العاطيفة وبعمل في قصة أحتواء كامل للجميلة دي جاءت واحدة تانية والسلام قبلة حارة لحدي ما دفقت الشراب في بنطلوني وأنهار أخر حصن من حصون الوقار فيني سالتها الاخت دي منو ( بكل بعظمة قالت دي صديقتي ) نحن (We are lesbians ) قمت شلت حاجاتي قلت يا ود أبعد أظن القصة أستفزات الاخت صافي جدا طوالي قلت أنتو كدا ليه ما عايز تعترف بحاجة موجودة في المجتمع وأنت الان في وسط أجتماعي قبلان الوضع !# طوالي قلت ليها أنت والله في ئظري عيانه وزولتك كمان برضو زيك قالت نحن جينا هنا عشان نستمع بحرية أنو وسط راقي ما رفضنا بالله عليك الله والله يا ناس الحفر ليكم رب أسم الكريم ما عندكم أمراض الحضارة المعاصرة ولابتعرفوا المثالية خلاص أنت يا صافي الضكرية عشي الحرية وأنا امشي للغبش هناك وأقول ليهم والله خلاص بقينا كدا وكدا ح نجيب القيامة بقيت نجس مع أني ما عملت أي شيء غير ما قعدت مع الضكرية صافي كل ما أتذكر البت دي وعيونو اللي بحرق الزول حرق بسحرهم الفتاك أقول سبحان الله حسي زي صافي الضكرية دي جاية تفتش عن الحرية في الخرتوم امكن يا ناس كل شيء أنهار قعدت أنادي زولتي ياخ أنا ماشي حصلت لي حالة من القرف الخرافي قالوا محتفلين بالعيد عيد شنو دي خيبة أمل في جيل كامل عيان بأمراض مخيفة والغريب لم يجروء أحد علي مناقشتها أو تعنيف العمايل دي نسوي شنو غير ما نقعد في الحفر نمارس حرية البسطاء بلا أمراض أجتماعية تنخر في المجتمع نحن صابرين ديل اللي بصبرون منو ! *والله عيب تعالوا مرة نكون شجعان نتكلم في المسكوت عنو !
يا بت نفيسه تحياتي وعيدك سعيد أنشالله معليش كان أنا المسكين دا مساهم في الحاصل لكين دا ما ظلم الحسن والحسين يا بت عمي الحمدلله بس لك كل التقدير علي المرور والمشاركة
07-21-2015, 11:44 AM
Deng Deng
تاريخ التسجيل: 11-28-2002
مجموع المشاركات: 52548
ياخ أنت من أول محاولة في الحفلة الكاربة دي تقوم تصاب باليأس وتكره الحفلة كلها؟ بعدين شايفك ما حكيت لينا عن بقية الحضور، هل تجازبت معهم أطراف الحديث ولا أكتفيت بي صافي دي فقط؟
07-21-2015, 11:53 AM
زهير عثمان حمد زهير عثمان حمد
تاريخ التسجيل: 08-07-2006
مجموع المشاركات: 8273
والله أتجاذبت جنس تجاذب أخوك بس زي مرواحة التربيزة من عصفورة لصعفورة ومن لوحة لتمثال يأخي أنا شعرت بأني بالجد ما عايش ذاتو لكين برجع بالمهله لليلة دي ما الكلام كتير والبورداب في عصر الفيس عايزين كتابة كتيرة قالوا ! لك كل الود
07-21-2015, 02:59 PM
nour tawir nour tawir
تاريخ التسجيل: 08-16-2004
مجموع المشاركات: 17638
أخي الحبيب ودأبوسن تحياتي وعيدك سعيد وأنت والاسرة تامين أنشالله تعرف ديل عندهن حراسة ممكن تغادر الدنيا بضربة من بودي قارد لازم تسكت وبعدين ست الحفلة تعملا تاريخ فلان خرب حفلتي لك كل الود شكرا علي المرور
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
سيف النصر محي الدين
محمد محمود محمد
Deng
nour tawir
عبدالحفيظ ابوسن
فيس بوك
تويتر
انستقرام
يوتيوب
بنتيريست