|
الكنداكة ندى القلعة
|
02:09 PM Jul, 19 2015 سودانيز اون لاين حمد عبد الغفار عمر- مكتبتى فى سودانيزاونلاين
كنداكة ونص وخمسة في زول عندو كلام؟
برغم أنني لا استمتع بغناء ندى القلعة ولكن تجذبني إطلالتها وحضورها الطاغي وهي تؤدي الغناء
تمتاز بالذكاء الإجتماعي وكيفية التأثير على من حولها
شاهدتها أمس وهي ترتدي لبس وزخارف أقرب إلى لبس الكنداكات أضاف عليها هيبة وجمال على جمال
السهرة ما نزلت في اليوتيوب عشان كدا ما قادر أنزل ليها حاجة
|
|
|
|
|
|
|
|
Re: الكنداكة ندى القلعة (Re: حمد عبد الغفار عمر)
|
الآخ الفاضل حمد عبدالغفار عمر.. العيد مبارك عليك وعلى أمة محمد أجمعين..
كنداكة ونص وخمسة في زول عندو كلام؟ .. نعم.. عندنا كلام.. أنت وجهة نظرك أنها كنداكة.. ودا شئ من حقك.. ونحنا وجهة نظرنا انها ما كنداكة.. ودا شئ من حقنا... ليييييه؟ عشان هى مغنية السلطة.. وبتغنى ليهم أغانى الحماسة.. وبتدعوهم الى مزيد من التخريب والقمع.. وأختلاف الرأى لا يفسد للود قضية..
| |
|
|
|
|
|
|
Re: الكنداكة ندى القلعة (Re: nour tawir)
|
الأستاذة نور تاور كل سنة وأنتي طيبة وربنا يحقق أمانيك جميعها
ونتمنى أن يأتينا العيد القادم ونحن في استقرار وأمن ورخاء وحرية وسلام
بخصوص الكنداكة ندى أنا ما سمعتها بتغني أغنية خاصة للإنقاذ صاح انها بتغني غناء الحماسة وبكون محضور من قبل سياسيين انقاذيين
الشيئ التاني هي ما سياسية ولا ليها علاقة بالسياسة مجرد فنانة لذلك قد يكون في وجهة نظرها السودانيين ديل كلهم واحد وعلى هذا الأساس ما مخصصة غناها
انت ما شايفة براك كم كنداكة جد جد تووشك دخلوا الإنقاذ
انا من هنا ورائح كنداكاتي ياهم البزرعوا الفرح فينا ديل بس
| |
|
|
|
|
|
|
Re: الكنداكة ندى القلعة (Re: سفيان بشير نابرى)
|
بتبالغ ياحمد يأخ ... مالك علينا .. دي دايرة ليها شوال من المر الحجازي ... عشان تتكندك .. وبالعدم تتكندك بالتراب ..
كنت داير اجيب ليك وصف ليها .. من مشتقات كنداكة دي .. لكين أخير ياخشم جاكـ عضم .. عشان يختانا اللوم .. الدنيا عيد ... كل عام وانت بخير ..
| |
|
|
|
|
|
|
Re: الكنداكة ندى القلعة (Re: سفيان بشير نابرى)
|
سوفي يا حبيب كل سنة وانت طيب ياخ وربنا يحقق امانيك
Quote: يازول ما كنداكه ولا ايتها حاجة لحدي ما تنزل الفديو حتي نقرر |
ما لامي في الفيديو لكن هاك دي طعم بيها خشمك في العيد الحلو دا وكان عايز زيادة بنجيب ليك
ودي
شوف رفعة اليد دي كنداكة ولا ما كنداكة
| |
|
|
|
|
|
|
Re: الكنداكة ندى القلعة (Re: حمد عبد الغفار عمر)
|
جمال ود القوز
عيدك مبارك يا حبيب وينعاد عليك باليمن والخير والبركة
Quote: دي دايرة ليها شوال من المر الحجازي ... عشان تتكندك .. وبالعدم تتكندك بالتراب .. |
ياخ دي ذاتها المر الحجازي بتريحك في بطنك دي
قالو ليك اشترت مرسيدس 2017 من حر مالها
من قالوا لا في وجه من قالوا نعم اليوم شايفها بتغني لفرسان كرري أها قصرت معاكم
اعتبرها الكنداكة لحين إشعار آخر
| |
|
|
|
|
|
|
Re: الكنداكة ندى القلعة (Re: حمد عبد الغفار عمر)
|
ندى القلعة دي يا حمد بتذكرني بالفنانة الأمريكية برتني سبيرز .. ما عارف في حاجة كده بيناتهم .. طبعا ما على المستوي الفني لكن على مستوي نمط الحياة و التصرفات غير المتوقعة ...
و أنا زيكـ تماماً .. ما فنانتي المفضلة لكن لو لقيتها بسمعها .. و ما بحبها لكن ما عندي معاها مشكلة لأنو في فنانات تانيات أنا بكرهم عديل كده
| |
|
|
|
|
|
|
Re: الكنداكة ندى القلعة (Re: walid taha)
|
حرام عليك و الله ظلمت الكنداكة ظلم الذئب ان الاوان ان يطلق اللقب في مكانه كل بعطائه للامة المجتمع لا أري في الساحة الفنية رجال غنوا كما روعة أكتوبر الاخضر ....... أصبح الصبح ...... الملحمة .. أو غناء الحماس الفارس الحجاج ... أو تغني بعزل جميل أين مغنون اليوم من ذلك و تقولي خبر الشوم و الشريف ...........و ..... راسطة وود ال .............. ياااااااخ ما تفقع مراراتي ........ كفاية الحاصل
| |
|
|
|
|
|
|
Re: الكنداكة ندى القلعة (Re: tabaldy)
|
كيفك يا خلودي
Quote: ندى القلعة دي يا حمد بتذكرني بالفنانة الأمريكية برتني سبيرز |
فعلا يا خالد الأتنين ما شغالات بمن حولهن عايشات حياتن بجرأة وبمزاجن هن وليس مزاج الناس بالإضافة إلى إنهن الأتنين ملظلظات بدون شحم واضح
أنا زيك ما بتكيف لغناها ولا بكرها لو ظهرت في الشاشة مرات ممكن اتابعها لو كان في تجاوب جماهيري معها
| |
|
|
|
|
|
|
Re: الكنداكة ندى القلعة (Re: حمد عبد الغفار عمر)
|
مرحب نزار النظيف
Quote: ان الاوان ان يطلق اللقب في مكانه كل بعطائه للامة المجتمع
|
لأنو دا ما حاصل قلنا نكرم بتنا دي بلقب كنداكة ما دام أصلو الأسم دا مطلوق ساي الفرق شنو ما هي سيدة سودانية اختارت طريق لحياتها تخطئ وتصيب فيه كغيرها
والبفقع المرارة خليهو ساي أن ما قادر أبوح ما قادر أصرح زي ما قال تبارك
| |
|
|
|
|
|
|
Re: الكنداكة ندى القلعة (Re: حمد عبد الغفار عمر)
|
سعادتو محمد فضل الله المكي مرحب بيك
Quote: أقترح أن تتم الإستعانة بسوسن الحنانة ( لرسم ) خارطة الطريق في التقرير الختامي ... |
يا زول دعوها لكن اعتذرت قالت دا مؤتمر ما فيهو عضة مع ناس ود الباوقة ديل محروس
| |
|
|
|
|
|
|
Re: الكنداكة ندى القلعة (Re: حمد عبد الغفار عمر)
|
اخبارك يا نزار حسين
Quote: جارتنا....يا حمد...وكنداكة ...كندكة شديدة |
طيب ما حظكم عديل
بالله أوصيك فوت عليها وبوس إيديها وأنقل إليها وفايا ليها وحبي الأكيد
وقول ليها في واحد كتب عنك بوست حلو بس لما يجي إجازة تديهو المرسيديس دي شدة عشان ألف بيها للفواتح
| |
|
|
|
|
|
|
Re: الكنداكة ندى القلعة (Re: حمد عبد الغفار عمر)
|
أرسل لي أحد الأصدقاء قائلا أن أحد أصدقائه قال له أصبح لقب كنداكة يُطلق على كل من هبت ودبت
أنا خائف بكرة واحد يقول ندى القلعة كنداكة قال بعدها فتحت المنبر لقيت عنوان بوستك
وأقول لهذا الصديق أنا لما كتبت البوست ما عارف ندى القلعة بقت كنداكة جد جد
زي دي
عشان تآمن بس
| |
|
|
|
|
|
|
Re: الكنداكة ندى القلعة (Re: حمد عبد الغفار عمر)
|
أرسل لي أحد الأصدقاء قائلا أن أحد أصدقائه قال له أصبح لقب كنداكة يُطلق على كل من هبت ودبت
أنا خائف بكرة واحد يقول ندى القلعة كنداكة قال بعدها فتحت المنبر لقيت عنوان بوستك
وأقول لهذا الصديق أنا لما كتبت البوست ما عارف ندى القلعة بقت كنداكة جد جد
زي دي
عشان تآمن بس
| |
|
|
|
|
|
|
|