|
|
|
 Re: الشاعر القدال والمصدات الارضية (Re: عبدالحفيظ ابوسن)
|
من الاخبار الجيدة ان المصدات الارضية تعرضت لجسم شمال ام درمان
ومن المخيف حقا انها
تعرضت لجسم غريب حسب ما رشح من اخبار . غريب كيف يعني ؟
مركبة فضائية مثلا
ولا امكن طير مهاجر
هل ذلك الجسم يشكل تهديدا . ولا اي جسم ينضرب دون ادراك كنهة
المهم
تحية للمصدات الارضية ولكن
تبينوا ان تصيبوا ما ليس يحتاج لتلك القذائف الغالية في وطن بعاني من ضائقة اقتصادية
| |
 
|
|
|
|
|
|
|
|
Re: الشاعر القدال والمصدات الارضية (Re: عبدالحفيظ ابوسن)
|
عندي طبيب صحبي جدا . ومرات بجيني التهاب . فبقوم كعادة معظم اهلنا ابقا دكتور براي . امشي الاجزخانة واشخص مرضي واشتري الدواء وابلع . فكتير بقول لي
كدة ما صاح . الادواء الاخدتو دة زي الداير تكتل ليك ضبانة بي دبابة
ودي هي الاحترافية . ان تحدد الهدف بدقة . وتدرسه ثم تقضي عليه بفعالية فائقة بالقوة اللازمة ودون اهدار للطاقات
ودة الفرق بين الزول المحترف والزول الساي
والجيش السوداني رماة الحدق مشهود له تاريخيا ! بالاحترافية والانضباط والدقة
| |
|
|
|
|
|
|
|
|
|
Re: الشاعر القدال والمصدات الارضية (Re: عبدالحفيظ ابوسن)
|
بدر يا صاحب
وينك
التعجل في صياغة الاخبار مفزع
فلا يكون همنا ان ننشر الخبر دون تمحيص
ولا ان ننكر دون توثق
صياغة الخبر بهذا الشكل افزعني حقيقة
جسم غريب في زمن الرؤية في الظلام وبدقة . وفي الجي بي اس
وتحديد الاهداف بدقة
احكي قصة كطرفة
| |
|
|
|
|
|
|
|
|
|
Re: الشاعر القدال والمصدات الارضية (Re: عبدالحفيظ ابوسن)
|
خالي حيدر بداية التسعينات بحكي لي انذاك
وهو يسكن الثورات
قال لي جات سيرة مجاهدين ماشة بي شارعنا . المجاهدين يكبروا والنسوان يزغردن . وفي واحد شايب يكبر ويرفع في سلاحو والنسوان يطلقن الزغاريد
شعرة جلدي كلبت . وهشت .. وبدون ما اشعر اندرعت معاهم
المهم دربونا تدريب سريع وحدثونا عن الجهاد وحلاوة الدفاع عن الوطن والدين . واللهم ارزقنا الشهادة ..
يا زول ركبنا مشينا الجنوب
مع اول مواجهة وصوت السلاح سكرتي فكت . الناس الكانوا بقولو اللهم ارزقنا الشهادة بقو يقولو
اللهم ارجعنا لاهلنا سالمين غانمين .
قال لي . تعرف انا راقد ودافن دقن وسلاحي شغال عشوائي فوق
المهم انتهي الامر ومات من مات . وجا دوري في الحراسة بالليل . وانا قلبي مقطوع . بنولع النار بنفك الطلقة ونفرغ البارود
النار قربت تنطفي .. شلت لي كم طلقة وجدعتهم في النار . وقالن كدة قامن . لامن لبدت منهن . والمعسكر كلو قام دور . اي زول مسك سلاحو ويضرب لي برة . انا زاتي دورت معاهم وكملت لي كم خزنة
قريب تض ساعة بنضرب لامن الضابط وقفنا
في ضرب لكن مافي رد
الحاصل شنو زول عارف مافي وانا عملت نايم
| |
|
|
|
|
|
|
|
|
|
Re: الشاعر القدال والمصدات الارضية (Re: علي دفع الله)
|
مرحب ود دفع الله
كتر خيرك
العيال طيبين علا انا المشلهت بين انعدام الغاز والرغيف والموية
انت وعولك وعقابك ومسورك عنكم تامين وزايدين
شوف
جسم غريب ... ممكن يكون اي حاجة
وهل كل جسم غريب يشكل عدوانا
جسم غريب كم في كم مقاساتو يعني .. قدر الركشة ولا اللوري .. طاير ولا جاي واقع منو وليهو
معقول دة يكون تصريح احترافي
طيب وكدو اللول حتي تضربو امكن صديق ما عدو
| |
|
|
|
|
|
|
|
|
|
Re: الشاعر القدال والمصدات الارضية (Re: عبدالحفيظ ابوسن)
|
التصريحات المتعجلة كصحف التابلويد قبل التيقن . ليس سلوكا احترافيا اولا .. ثم انه لا يليق بمسؤول في مقام رفيع
لن يضيرهم ان يتيقنوا اولا . ليخرجوا الحقيقة بدلا من التكهنات التي يتم نفيها كل مرة بشكل متكرر للامر الواحد
| |
|
|
|
|
|
|
| |
عبدالحفيظ ابوسن
بدرالدين بابكر مصطفى
علي دفع الله
فيس بوك
تويتر
انستقرام
يوتيوب
بنتيريست