|
|
|
 Re: الصورة دي عاملة ضجة كبيرة على مواقع التوا� (Re: awad okasha)
|
أثارت صورة لرجل سوداني يقوم بعملية ” عواسة الكسرة ” الكثير من الجدل في مواقع التواصل الاجتماعي أمس ، هذا وقد تباينت الآراء وتنوعت ما بين مؤيد للصورة وما بين رافض لها ، بينما شهدت التعليقات في العديد من الصفحات الأسفيرية نقاشات ساخنة جداً تدور حول وضعية الرجل السوداني وحول تقبل الناس له بتلك الصورة التي وصفها البعض بأنها ” فضيحة “، بينما يرى آخرون أن الصورة عادية جداً ولا تستحق كل ذلك الغضب والاختلاف .
| |
 
|
|
|
|
|
|
|
|
Re: الصورة دي عاملة ضجة كبيرة على مواقع التوا� (Re: هشام عباس)
|
الراجل يا عالم ممكن يكون ببيع الكسرة
و ممكن يكون فى بيت عزابة فى اى مكان فى الدنيا و عاوزين ياكلو كسرة ( المانع شنو)
الذين يعيشون داخل السودان يرونها ( عيب) و الذين يعيشون فى امريكا يرونها ( عادية)
خلونا نكون واقعيين شوية
ليه الصورة دى الناس اعتبرتها شاذة و الراجل دا خايب ؟؟؟؟؟؟؟؟
لماذا نعتبر اعداد الاكل فى بيت العزابة اذا كنا عايشين فيهو عادى و لما نراه فى الصورة يكون عيب ؟؟؟؟؟
الطوابة و الطيانة و عمال الزراعة و عمال الفحم ( رجال و فايتين الرجالة بى غادى) الواحد فيهم يكون لامى حلة البنى كربو ( العصيدة) بين رجليه و يسوط فيها و عرقو يتصبب و بجواره حلة الملاح
ودى عادية فلماذا لا نعتبر هؤلاء من الخيابة .
و الله ان لم نغير مثل هذه النظرات و الافكار فلن يتغير حالنا ابدا
| |
|
|
|
|
|
|
|
|
|
Re: الصورة دي عاملة ضجة كبيرة على مواقع التوا� (Re: عبد اللطيف بكري أحمد)
|
نظرة قديمة ..
وتنميط بتاع زمان ..
والدي لا يدخل المطبخ إطلاقاً ولو لاحضار غرض يريده ..
فيرسل من يحضره له ..
فمابالك والطبيخ وعواسة الكسرة ..
دي حتكون طامة كبرى ..
عني ..
أعوس الكسرة ..
من زمن كنت بقعد جنب أمي ..
راجي الطرقه تمرق حااارة من الصاج ..
وصحن الملاح جنبي ..
قبل ما التانية تجي أكون قضيت على الأولى ..
لامن أشبع واتخراج من جنب الصاج ..
ولمن ناس البيت يكونوا قعدوا للغداء ..
أنا بكون في الشارع ..
شبعاااان وزنقلتي ملانة .... ....
من يومها وأنا بعرف أعوس ..
إحتراماً للصاج ..
تزوجت ..
وجدت المدام مابتعرف تعوس ..
يشهد الله علمتها كيف تعوس ..
ووريتها تمسكـ القرقريبة كيف ..
وكيف تحركها في الصاج .. بعد تكب العجين ..
بسوي العصيده مع إنها ما أكلتنا ..
معلم كبير في رمي القراريص اربعة بوصة ...
وبعرف بطبخ نص نص ..
تمرض المدام أو تسافر لي أي سبب كان ..
بمسك الشفع ..
وأسوي شغل البيت كله ..
من زمن شافع .. مرسال أبرد البطن .. ونجيض ..
بعرف أعزل البامية ...
طبيخ ولاّ فركـ .. وبعرف أعزل خدار المحشي ..
وأجيب أيتها خدار زي الورد ..
أها نقصان الرجولة في كده شنو ؟؟!! ..
| |
|
|
|
|
|
|
|
|
|
Re: الصورة دي عاملة ضجة كبيرة على مواقع التوا� (Re: Kamal Elmahi)
|
..
في تصوري الخاص أن الصورة ليس فيها ما يدعو للضجة ولا لهذا الإنتشار الواسع للصورة
لكن أعتقد أن الإهتمام بها جاء من باب أن (عواسة) الكسرة مهمة تقوم بها النساء ولذلك خاطبت الصورة
في البعض هذا الجانب في الناظرين ..
لكن الصورة عادية في بلاد المهجر إذ أن الكثيرين يقومون بذلك وتعتبر صورة مثالية عندهم في النخوة
وإعانة الضيوف وحسن الكرم .. لذلك فإن مجرد إخراج الصورة من إطارها يعرضها لهذا التناول المفضي
الى هذا الجدل الواسع ..
مع شكري لك أخي الكريم
.
| |
|
|
|
|
|
|
|
|
|
Re: الصورة دي عاملة ضجة كبيرة على مواقع التوا� (Re: ملهم كردفان)
|
Quote: العيب الوحيد فى الصوره دى
إنو غطى وشو ...!!! |
أتصور أن الإستخباء سببه هو ذات السبب الذي يجعل من اللقطة قرينة بالعمل النسوي
خاصة حينما نجردها من ظروفها التي أخذت فيها ..
,اتصور أن من أخذ اللقطة قصد أن يشهر بالرجل لذلك تم إخفاء وجهه .
المهم أن هناك صورا كثيرة حينما نجردها يكون لها بعد أخر مختلف
..
| |
|
|
|
|
|
|
|
|
|
Re: الصورة دي عاملة ضجة كبيرة على مواقع التوا� (Re: صلاح شكوكو)
|
Quote:
أتصور أن الإستخباء سببه هو ذات السبب الذي يجعل من اللقطة قرينة بالعمل النسوي
خاصة حينما نجردها من ظروفها التي أخذت فيها ..
,اتصور أن من أخذ اللقطة قصد أن يشهر بالرجل لذلك تم إخفاء وجهه .
المهم أن هناك صورا كثيرة حينما نجردها يكون لها بعد أخر مختلف |
مرحب صلاح شكوكو
...
هو عارف انو بيتصور وهو بيعوس كسره ....ورضى بالتصوير وغطى وشو ...
لو كان ماراضى وشخصيتو قويه كان زجر الصورو واخد منو الموبايل مثلاً ومسح اى صورة بتتعلق بيهو
...
يبقى التحليل المنطقى انو هو راضى يتصور وهو بيعوس كسره بس من غير مازول يشوف وشو
وكمان رضى انها تتوزع بدليل انو ماقام مسحها من الموبايل او الكاميرا
ولو شافها بعد مانزلت فى الميديا وهو راضى أكيد فى ناس من الحله حيعروفوا ده منو
من خلال التفاصيل الموجوده فى خلفية الصوره ....!!!
..
اما البعد الإنسانى
فأنا لا أرى عيباً من ان يمارس الإنسان تفاصيل الحياة كلها مادامت لاتنتقص انتقاص فعلى من كينونته
احترامى
| |
|
|
|
|
|
|
|
|
|
Re: الصورة دي عاملة ضجة كبيرة على مواقع التوا� (Re: awad okasha)
|
اعتقد لا غبار عليها انا سافرت باللوراى كثيرا وكنت بمر بمحطات السكك الحديد وشاهدت كثير من عمال الدريسه يعوسون الكسرة ويسوطون العصيده ويعملوا الملاح علي ابدع ما يكون الواحد يكون اهله في شندى ومو شغال محولجي في في السكه حديد في خط بورتسودان لا غبار عليها الصورة يا جماعة المسألة ما متعلقة بانو هو المراة حاكماهو او هو نسواني بالرغم من انو الصورة في بيت مؤسس وبيت امراة لكن من حيث المبدا بتاع العواسة بتاعة الكسرة للظروف الطارئة اعتقد انو ما من عمل الرجال ولكن اذا انكسر بيك لورى وطالت قطعتك وجاك راجل شايل صحن كسرة برشوشه بتعرف قيمته تماما واذا عرفت انو هو من قام بعواسة الكسرة يكبر في نظرك
| |
|
|
|
|
|
|
|
|
|
Re: الصورة دي عاملة ضجة كبيرة على مواقع التوا� (Re: Munir)
|
عادي جدا ولا أرى عيبا أن يعوس الرجل الكسرة
عني ، ولأنني أحب الكسرة جدا فقد طلبت من زوجتي أن تعلمني العواسة
وكانت لما تمشي إجازة للسودان أظبط ملاح تقلية واعوس كسرة رهيفة لذيذة جدا واستمتع بأكلها
تحياتي لصاحب البوست وضيوفه
| |
|
|
|
|
|
|
|
|
|
Re: الصورة دي عاملة ضجة كبيرة على مواقع التوا� (Re: Mirghani Taitawi)
|
للناس البقولو عادي طبعا اكيد ماعادي
وعيب كمان
يعني لو بتقش الحوش و بتغسل الصحانه لي مرتك مافي داعي جيرانك يعرفو
بتعتبر مساعده ومن غير امه لا اله الا ا لله تشيل حالك
وحبكت يعني ناكل كسره لاي ظرف حصل للوليه؟؟
بكره جيبو لينا راجل ملصق في ضهر مرتو بمشط ويكوفت فيها وقولو عادي
وللعلم: اكثر من اربعه مصانع كسره في ولاية الخرطوم
| |
|
|
|
|
|
|
| |
awad okasha
عادل البراري
ياسر منصور عثمان
كمال الدين يوسف
هشام عباس
Kamal Elmahi
جمال ود القوز
صلاح شكوكو
د.محمد حسن
ملهم كردفان
محمد الأمين موسى
امجد الجميعابى
قاسم الامين عبود
Munir
Gaafar Ismail
سلمى على محجوب
أيمن محمود
abubakr salih
Mirghani Taitawi
سفيان بشير نابرى
وضاحة
فيس بوك
تويتر
انستقرام
يوتيوب
بنتيريست