|
|
|
 Re: الدرب انشحط .. لغة أهل العوض الصحيحة (Re: ودقاسم)
|
تسأل أم بناتك : وين البنات ؟
ترد عليك : طلعوا يتمشّوا في شارع النيل
والصحيح ، طلعن يتمشّن في شارع النيل
أو مرقن يتمشّن في شارع النيل
فالمروق هو الخروج أو الذهاب
والطلوع يفيد الصعود وربما أن المروق أصح من الطلوع إذا أردنا الخروج
والحردلو يقول :
الشـم خوّخـت بـردن ليالـي الحـرّه
والبراق برق مـن منـا جـاب القـرّه
شوف عيني الصقير بجناحو كفت الفرّه
تلقاهـا أم خـدود الليلـة مرقـت بـرّه
فهو يستخدم كلمة ( مرقت ) ولا يقول (طلعت ) وهي واحدة وليست جمعا ولو كانت جمعا لقال (مرقن)
وشاعر الحقيبة يقول : (جلسن ) شوف يا (حلاتن )
ولا يقول جلست ( البنات ) شوف يا حلاتهم فهن جمع ، وربما أن اهل المدينة ينطقونها بدون الهاء فيقولون ( حلاتم )
وكان الشاعر قد اسماهم البندر ( المدينة ).. وهي عربية جاءت من الفارسية وتعني البلدة الكبيرة التي تتبعها قرى
| |
  
|
|
|
|
|
|
|
|
Re: الدرب انشحط .. لغة أهل العوض الصحيحة (Re: صديق مهدى على)
|
ودقاسم اخوي
مسكاقمي
لغتكم مصعبنها ومبهدلنها بالملصقات الكتيرة نون النسوة وواو الجماعة وضمير المستتر والف صيغة منتهى الجموع والمنصوبة بان المضمرة وجوباً بعد حتى والمعطوف على المجرور مجرور والبديع والمحسنات اللفظية ... وهلما جرا
من غير الناطقين بها
| |
|
|
|
|
|
|
|
|
|
Re: الدرب انشحط .. لغة أهل العوض الصحيحة (Re: حمزاوي)
|
ازيك يا ود قاسم
وضيوفك الأكارم
كلامك صحيح تب
مفردة "طلع" فى البادية، خصوصا فى البطانة ودى الأنا متأكد منها
ما بتستخدم بمعنى الخروج
ودائما بتكون مربوطة بمعنى الصعود الى أعلى
وطلع بمعنى خرج كلمة مدينية بامتياز
ود شورانى قال
شَعَرَت بي مجينا ونعّة المو كضيم
لِبْسَتْ وجاتنا مارقة اللونها ماهو مغيم
ديفـة الزاوَلَـن من رِدْ حميد وسليم
عيل الساحة ما بيرجاك معاها مقـيم
لاحظ لكلمة "مارقة" فى البيت التانى
اما بخصوص اضافة ال "نون" فى نهاية الكلمات
فما عندها استخدام حصرى مرتبط بالتأنيث
وممكن تجى حتى مع المذكر لإثبات الصفة أو النعت
شوف الشاعر قال شنو فى المربع ده
يا هضليم نعامات اللخالي الفزَّن
ريشات قلبي ماك عارف جراحن خَزَّن
وخرت ابْسَمُر جَنَّك سهول وقوزَّن
جيب جور جدك الليهو السيوف بنهزّن
لو لاحظت بتلقى النون فى آخر المفردة جات مره مع المؤنث
النعامات الفزن
ومره تانى مع المذكر
جراحن خون
السيوف بنهزن
يا زول تتبارك ان شاء الله
وكان اتذكرت لى امثلة تانى بجيك مارق
| |
|
|
|
|
|
|
|
|
|
Re: الدرب انشحط .. لغة أهل العوض الصحيحة (Re: أبوذر بابكر)
|
الحبيب ود قاسم ...
مليون مرحب ...
وشوقنا كتير والله
جمع غير العاقل دائماً يكون مؤنثاً ...
والأمثلة كثيرة ...
جبل كلمة مذكرة لكنها في الجمع تؤنث : وإذا الجبال سيرت
حد ... مذكر .. وفي الجمع : تلك حدود الله فلا تعتدوها ..
تمثال .. مذكر .. وفي الجمع عن إبراهيم : إذ قال لأبيه ما هذه التماثيل التي أنتم لها عاكفون ..
نهر ... مذكر .. وفي الجمع عن فرعون : وهذه الأنهار تجري من تحتي ..
اسم .. مذكر .. وفي الجمع : إن هي إلا أسماء سميتموها أنتم وأباؤكم ...
محبتي ..
وحتماً سأعود لمحرابنا الجميل هذا ...
| |
|
|
|
|
|
|
|
|
|
Re: الدرب انشحط .. لغة أهل العوض الصحيحة (Re: أبوذر بابكر)
|
ابوذر المطر
مرحبتين حبابك
طبعا أخوك جرت محاولات عديدة للتأثير على عموم ثقاافته .. لكن هيهات
أمد يدي لآخذ شيئا من الحلة .. فتقول المدام : ياخ استعمل الكمشة
فأرد عليها : قلنا اسمها الكامشة لأنها فاعلة وليست فعلة
فترد :عليك الله خلينا من فعايلك دي ، وزي ما قال ليك صديق الموج أمشي معتوق بتاعتك دي واتكلم براحتك
والله يا ابوذر الناس ديل جاتهم أمي هنا ، وعلمت المدام كيف تسوّي ملاح الويكاب ، وقومي يا إنتي اتعلمي كوّيس وسوّي ليك حلة ويكاب
كاربة ووديها لي أهلك .. ومن يومها كل زول منّهم جايب لبنو وموقف عربيتو وراجي يسووا ليهو الويكاب
قرّبت اقول ليهم ما قتّو نوبة
| |
|
|
|
|
|
|
|
|
|
Re: الدرب انشحط .. لغة أهل العوض الصحيحة (Re: حمزاوي)
|
الخال العزيز حمزاوي ..
تحياتي وحبي
تعرف ياخال دائما أتذكر صديقي المحسي محمد مختار
وكيف كان لا يخاطبني إلا بتوصيفه لي ( العربي ده )
وأذكر أننا كنا نشتغل على مشروع كبير في كهرباء المنطقة الوسطى
وكنا نطلق عليه مشروع الترميز وبعضنا يسميه التكويد من code
وفي مرة كان محمد مختار يكلم محسيا آخر بالتلفون .. وأنا أتابع الحديث وأتلصص عليه ..
وتمر في زسط الكلام كلمة أراب وأفعم أنه يعنيني ..
وأراد أن يقول لمحدثه أننا الآن نعمل على موضوع الترميز وبدأ يشرح له معنى الترميز
وحجم العمل وأساليبه ، وكان يشطر كثيرا لترديد كلمة ترميز .. لكنه في مرة يقولها ( ترميزكا)
ومن يومها أطلقنا عليه اسم ترميزكا ..
فيا خال تشيلوا كلامنا وتضيفوا ليهو حرف زيادة وتسموها لغة ؟
| |
|
|
|
|
|
|
|
|
|
Re: الدرب انشحط .. لغة أهل العوض الصحيحة (Re: ودقاسم)
|
ودقاسم نبض البادية مساك عافيه
تعرف مره المرحوم عبدالله الطيب في درس من الدروس الحسنية بتاعت الملك الراحل الحسن التاني عمل محاضره طلع الدارجه المغربيه نصها من صميم اللغة العربية واثباتاتو كلها من القران
واصل من غير فواصل
| |
|
|
|
|
|
|
|
|
|
Re: الدرب انشحط .. لغة أهل العوض الصحيحة (Re: حامد بدري)
|
Quote: لخال العزيز حمزاوي ..
تحياتي وحبي
تعرف ياخال دائما أتذكر صديقي المحسي محمد مختار
وكيف كان لا يخاطبني إلا بتوصيفه لي ( العربي ده )
وأذكر أننا كنا نشتغل على مشروع كبير في كهرباء المنطقة الوسطى
وكنا نطلق عليه مشروع الترميز وبعضنا يسميه التكويد من code
وفي مرة كان محمد مختار يكلم محسيا آخر بالتلفون .. وأنا أتابع الحديث وأتلصص عليه ..
وتمر في زسط الكلام كلمة أراب وأفعم أنه يعنيني ..
وأراد أن يقول لمحدثه أننا الآن نعمل على موضوع الترميز وبدأ يشرح له معنى الترميز
وحجم العمل وأساليبه ، وكان يشطر كثيرا لترديد كلمة ترميز .. لكنه في مرة يقولها ( ترميزكا)
ومن يومها أطلقنا عليه اسم ترميزكا ..
فيا خال تشيلوا كلامنا وتضيفوا ليهو حرف زيادة وتسموها لغة ؟ |
التحية للاستاذ ود قاسم ..
حمزاوي ( مبارك ) .. جار وزميل دراسة زمن الاولية زمان ..
صحيح الموضوع صعب جداً لغير المتحدثين بالعربية ( كلغة ام ) .. لا يستطيع الشخص التعبير بالعامية السودانية
ما لم يتعود عليها أو يتعلمها من الصغر .. اللغة الفصحى والكتابة ما مشكلة .. لكن المشكلة الحقيقية في لغة التفاهم ..
خاصة عندما نخرج من حاضتنا الثقافية إلى المدن .. وحتى هنا في دائرة الاغتراب .. كثيرون يحجمون التعامل او حتى الوجود وسط الجموع
إلا ان يكون الجمع من نفس المكون او المكونات الشبيهة .. حتى إجادة النكتة والمزح ورواية القصص والاحداث تكون صعبة لنا بالعامية السودانية
خاصة وأن الحديث يحتاج إلى إضافات ونواحي جمالية وفكاهية وبعض المصطلحات التجميلية التوشيحية للحديث لحذب آخر .. هذا ما نفتقده بكل صراحة
ومن المؤكد أن التعليم الاكاديمي لا يغير شيء اطلاقاً ..
ودقاسم موضوعك مهم جداً .. وأنا قلتها بصراحة .. الاخ حمزاوي قريبي وجاري لغته العامية متقدمة جداً عننا ..
لقد لاحظت ذلك في عزاء لزميل في هذا الحوش .. ( ......... مقسم فوق الدقشم ) لا أذكر البداية ..
موضوع جميل ورائع .. ونحتاج أن نتكلم فيه بكل صراحة بعيداً عن المنغصات
محبتي ..
| |
|
|
|
|
|
|
| |
ودقاسم
صديق مهدى على
أبوذر بابكر
عبد الباقي الجيلي
ابو جهينة
حامد بدري
علي عبدالوهاب عثمان
فيس بوك
تويتر
انستقرام
يوتيوب
بنتيريست