|
Re: ساعة الصفر تقترب .. الملايين تتأهب للاقترا (Re: ود الباوقة)
|
التلخبط غزلك
ترد علي 4 مرات شكلك رديت علي وبالك في العرس
المهم
يا ود الباوقة الإنقاذ لو حصيفة ما كانت محتاجة للزخم دا ياخي قادة المعارضة زاهدين في الحكم صدقني (على الأقل في الوقت الحالي) وإنحصرت إمنياتهم في إنو الإنقاذ تعود إلى رشدها وتعمل من أجل الوطن والمواطنين وتوسع دائرة مشاركة حقيقية يساهم فيها الجميع بالتساوي في بناء هذا الوطن الذي أنهكه الطغيان والإستكبار و(الزلعة) على المواقع والمال .
مشكلة الإنقاذ هي النظر تحت الأرجل والمضي بنفس روح الإنقلاب العدائية الأول في نظرتها للآخرين هل تفتكر لو مجلس شورى المؤتمر أعاد ترشيح البشير الوضع كان بختلف من فوزو بالإنتخابات الشكلية دي ؟ الإنقاذ ما عايزة ترتقي لمستوى التحدي البواجه الوطن
| |
|
|
|
|
|
|
Re: ساعة الصفر تقترب .. الملايين تتأهب للاقترا (Re: ود الباوقة)
|
بالله يا بقبق اسمي دا ما في زول يستخدموا .. عارف ما ح تستفيدوا منه لكن بيزيد النسبة شوية...
انا مسجل من 2010 ..
المرة الفاتت سقت الأولاد الصغار معاي , نظام عايز اوريهم حقهم الإنتخابي.. وأنو دا عملية وطنية واجبة عليك أمان الله لحدي الأسبوع الفات البت تسألني : صوت لي منو يا بابا المرة الفاتت
قلت ليها صوت لي ( ميسي )..
ههه
المرة دي ما في مشية
| |
|
|
|
|
|
|
Re: ساعة الصفر تقترب .. الملايين تتأهب للاقترا (Re: ود الباوقة)
|
Quote: يا اخوي نحن اولاد اليوم
|
والفرق بين الامس واليوم شنو غير زيادة الكذب والنفاق والسرقة
والظلم والفساد والدجل الزي دجلك البتعمل فيو هنا
سيدك دا مفروض يخجل من نفسو لمن يتكلم مع ناخبين ويوعدم انا حا اعمل ليكم كذا وكذا..
صدق حميد لمن قال : ديل لا بيخافو من الاله لا بختشو ولا بشبعو
اخجل يا ود الباوقة اخجل علي نفسك أولا وانت تناصر هذا المعتوه المجرم
الذي يكذب باسم الدين دون ان يطرف له جفن
وغرغرة الروح دي هي الحاصلة عليكم بالظبط
قال ملايين قال
قوم لف
| |
|
|
|
|
|
|
Re: ساعة الصفر تقترب .. الملايين تتأهب للاقترا (Re: ود الباوقة)
|
Quote: البشير_رئيسا_2015م
نعم والف نعم للقائد البطل عمر البشير رئيسا للجمهورية نعم لقائد اﻻمه والتنمية والعزة للسودان وﻻنامت أعين الجبناء الجالية السودانية بمصر عن بكرة أبيها تبايع القائد البطل عمر البشير رئيسا للجمهورية نعم لقائد اﻻمه وقائد عاصفة الحزم وعاش السودان وقيادته الرشيدة وﻻنامت أعين الجبناء |
| |
|
|
|
|
|
|
Re: ساعة الغرغرة تقترب .. الملايين تتأهب للاقت (Re: ود الباوقة)
|
Quote: غدا باذن الله تبدا الملحمة الانتخابية حيث ستزحف الملايين
من عضوية المؤتمر الوطني لانتخاب المواطن عمر البشير
وذلك تقديرا وعرفانا لما قدمة للوطن العزيز ومواطنيه
ولاستكمال مشاريع النهضة العملاقة من طرق وجسور
وصناعة وزراعة وغيرها
الله اكبر
والعزة للوطن
الله اكبر على كل شرير غميس
|
إتقي الله يا رجل. ملايين شنو وملحمة شنو؟ أخبار الصناديق المعبأة مسبقاً ما طقشت أضانك؟ أم بك صمم؟ وبعدين شنو حكاية المواطن الحايم في الحملة بالطائرات الرئاسية هو ووفوده وإعلاميوه المنافقين؟ في مواطن بيستغل موارد الدولة الهي من دم وعرق المواطن المغلوب على أمره عشان أنتخابات محسومة سلفاً؟؟؟ يا عمر مافي إنتخابات ولا دياولو ومؤتمركم اللاوطني قال بإنتخابات وبدونها قاعدين قاعدين....!!! طيب لزوم الصرف الملياري شنو؟ مش أحسن قروش الإنتخابات دي تدعموا بيها المستشفيات المتهالكة ولا حتى تتصدقوا (خلينا واجبات الحكومة) بهيا على الفقراء الأفقرتوهم ...؟؟؟؟ ولا ده باب لهط كالبمعتاد؟؟ أنت ناسك ديل ما بيشبعو أبداً؟؟؟
ياخ خافوا الله وأتذكروا أنه في موت وقبر وحساب....
الشايقي http://www.youtube.com/watch?v=WjNosdjuv7shttp://www.youtube.com/watch?v=WjNosdjuv7s
.
| |
|
|
|
|
|
|
Re: ساعة الغرغرة تقترب .. الملايين تتأهب للاقت (Re: خالد حاكم)
|
باوقة سلام عليكم هسي الزول دا سالك ولا عدم مشغلة منك ساهي؟ غايتو الما بدورك في الضلام بحدر لك عموماً بربار واقف في الصف الانتخابي قدام باب القنصلية من الدغش وشايل ليهو قارورة لكن ما عارفها موية صحة ولا شيتاً كتر يا باوقة ياخي انا ما عندي رقم وطني فممكن امشي اصوت كيري ساهي؟
| |
|
|
|
|
|
|
Re: ساعة الغرغرة تقترب .. الملايين تتأهب للاقت (Re: محمد عمر الفكي)
|
Quote: هسي الزول دا سالك ولا عدم مشغلة منك ساهي؟ غايتو الما بدورك في الضلام بحدر لك عموماً بربار واقف في الصف الانتخابي قدام باب القنصلية من الدغش وشايل ليهو قارورة لكن ما عارفها موية صحة ولا شيتاً كتر |
اخوي ود الفكي
بربار من اكبر مروجي الاشاعات في المنبر
يطلقها ولا يخاف عاقبتها
لذا سالت ان كان مدركا ام في غيبوبة بلموني مؤقته
| |
|
|
|
|
|
|
Re: ساعة الغرغرة تقترب .. الملايين تتأهب للاقت (Re: ود الباوقة)
|
(غدا باذن الله تبدا الملحمة الانتخابية حيث ستزحف الملايين
من عضوية المؤتمر الوطني لانتخاب المواطن عمر البشير
وذلك تقديرا وعرفانا لما قدمة للوطن العزيز ومواطنيه
ولاستكمال مشاريع النهضة العملاقة من طرق وجسور
وصناعة وزراعة وغيرها )
تعليق : نعم يا أخى ود الباوقة " ستزحف الملايين
من عضوية المؤتمر الوطني لانتخاب المواطن عمر البشير " هذا يعد أعتراف صريخ منك , وتعبير عن واقع حقيقى معاش , وهو , أن كافة الرعية من خارج عضوية الحزب الحاكم , لا علاقة لهما من بعيد , أو قريب بما يجرى , فقد شاهدت هذا بنفسى , فقد كنت قبل قليل جالس امام البقالة الملحقة , بالمنزل , وهو قريب من مركز الاقتراع , فكان صاحب البقالة يسأل الزبائن : " هل أديت صوتكم , والله لسسع " فسمعت الاجابات كلها , تكاد تكون موحدة لأنها تحمل معنا واحدا لا غير , اذكر هنا عينة منها : (1) هذه لامراة من عامة الناس قالت فيما معناه : " يعنى شنو , أدى صوتى أو ما أديه , هو فائز فائز " (2) شاب فى مقتبل العمر قال : " أعطيه ليه عمل لينا شنو نحن الشباب غير اليأس والاحباط , وبعدين , ما هو ناجح ناجح , كان أديناه أو ما أديناه " (3) رجل كبير قال فيما معناه : " المسألة لا تحتاج فالأمر محسوم مسبقا " نعم القضية محسومة يا أخانا ود الباوقة , فأنت تعلم أنه لا يمكن , بل يستحيل قيام انتخابات نزيهة فى ظل (حكم شمولى بغيض ) وكما تعلم فان شيمتهم دائما هى ( تزوير ارادة الأمة ) ويكفى دليل على ذلك انتخاباتكم السابقة . وقبل أن أختم اسمح لى أن اختطف هذه العبارة التى ختم بها الكاتب المعروف : " " عبد البارى عطوان " مقالته عن الرئيس البشير تحت عنوان : " البشير يستحق ان يدخل كتاب غينيس عن جدارة " بموقع الراكوبة اليوم 13/4/2015 فيما يلى نصها : " انه نموذج «تاريخي» آخر لانظمة الحكم الديكتاتورية، التي تستغل الدين لاضطهاد شعوبها، واغتصاب السلطة والتشبث بها بأي ثمن، حتى إذا كان ذلك يعني دمار البلاد وتفتيتها وانتشار الحروب الأهلية والمجازر فيها. "
| |
|
|
|
|
|
|
Re: ساعة الغرغرة تقترب .. الملايين تتأهب للاقت (Re: عوض سيد أحمد)
|
صراحة البوست دا ضحكني نهاية من بتاع ال17 ولا سبعة عشر رجلا ماتوا من اجل صندوق ولا التاني بتاع تزحف الملايين ياخ انت قايل روحك القذافي ، قال تزحف المالين اكان ما اخاف الكضب حتى من ناسك ديل زاته بكونوا في ناس كسل ساي ما مشوا يصوتوا قال الملايين قال
| |
|
|
|
|
|
|
Re: ساعة الغرغرة تقترب .. الملايين تتأهب للاقت (Re: Haytham Ghaly)
|
Quote: ههههههههههههههههههههههههههههههههههههههههه
هاك البلموني دا
دمكم بقري |
يا ود الغالي إنت اتغرغرت واللآ ما اتغرغرت ؟، فِشان نعرف كوعنا من بوعنا.
كان ما تغرغرت امش إتغرغر ؤُ غرغر معاك عادل البراري ؤُ جيبو معاكم غارورتين واحدة لحمد صاحبي والتانية لإدريس صاحب ود الباوقة،
فشكراً...
| |
|
|
|
|
|
|
Re: ساعة الغرغرة تقترب .. الملايين تتأهب للاقت (Re: محمد الشيخ أرباب)
|
كل محطات التلفزيون في نهاية اليوم أمس، كانت التعليقات فيها من نوع: (طبعاً ده اليوم الأول، والناس أخدت راحتها في يوم الإجازة، لكن من بكرة الصورة حتختلف).
غايتو الفهمتو من التعليقات الفي التلفزيون، إنو الليلة وبكرة حيبدأ الخج 2015. يعني أدوكم فرصة ومافي فايدة، لذلك حيبدأ الحشد للتصوير، (قلنا التصوير ما التصويت) لأنو الصناديق أصلاً شبعانة تحمد سيدا.
| |
|
|
|
|
|
|
|