|
كتب الكاتب الفاتح جبرا المتوفرة بمعرض الدوحة
|
|
 Re: صــوتى أنـا ؟؟ للـبـشـــــــــير و بلا تـ (Re: حيدر حسن ميرغني)
|
العاجبو في الانتخابات شنو طالما انقلب على حكومة منتخبة
اكيد حارقاهو الشرعية الفاقدها دي
خليهو يواصل في خرمجتو ورقيصه ...
انتخابات دي شغلة ماعندو فيها نصيب
امس استدعوا رئيس بعثة المفوضية الاوربية لوزارة الخارجية عشان انتقد الحكومة في موضوع الانتخابات القادمة
اكيد اقنعوا البشير بانهم طقطقوه وحايصوت ليهو كمان
____
سير سير يابشير مثل ما سار قبلك اشباهك من الدكتاتوريين
| |
  
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: مامون المعتصم أحمد)
|
هاك يا الما شفتو سرق ولا نهب : شهادة أحد قياديي المؤتمر الوطني ,, الدكتور محمد محي الدين الجيمعابي في حديث نشر في صحيفة الانتباهة :
Quote: (الفساد الموجود الآن لا تستطيع قوانين النائب العام وتقارير المراجع العام أن توقفه ولا هو (شوية موظفين أكلوا ليهم شوية قروش) فهذا حديث ليس له قيمة .. الذين تحوم حولهم شبهات الفساد والثراء واستغلال المواقع هم قيادات الحركة الإسلامية في الصف الأول والثاني والثالث ).
|
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: مامون المعتصم أحمد)
|
Quote: أنا ما شــفتو ســرق و لا نهـب ...
|
((( البعرة تدل على البعير .. والأثر يدل على المسير )))
نحن نعبد الله دون ان نراه لان هنالك ما يسمي العقل
عموما ادي صوتك للبشير ودا حقك !! ومن حقي ان اقاطع .
اذا كان النظرية تقول one vote for one man
فبشيرك دا غير مجمع علية من البوست الانت فاتحوا تأيدو بيه دا....
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: العربي إبراهيم العربي)
|
Quote: أنا ما شــفتو ســرق و لا نهـب ...
((( البعرة تدل على البعير .. والأثر يدل على المسير )))
نحن نعبد الله دون ان نراه لان هنالك ما يسمي العقل
عموما ادي صوتك للبشير ودا حقك !! ومن حقي ان اقاطع .
اذا كان النظرية تقول one vote for one man
فبشيرك دا غير مجمع علية من البوست الانت فاتحوا تأيدو بيه دا....
يا العربى إبراهيم
يا أخوى بعر شنو و بعير شنو ؟؟؟
أنا مسئول عن صوتى براى ... و شايف إنو البشير ربنا
يديهو العافية و يثبت أجرو هو الأجدر ... و إنت و غيرك على
كيفكم ... و كان كلامك على المعارضين هنا في الموقع دا
كلهم ما بيفوتوا ليهم تلتاشر واحد و واحدة و كلامهم كلو مكرر
من سنة 2006 و هم لسع لافين في نفس الحلقة ... و نفس الحاجات
وين شنو داك ؟؟ و الشهداء ديلاك ؟؟؟ و المناضلة قبضوها ...
و المناضلة فِكوها ... و الانتخابات خجوها !!!! و تقوم ليك واحدة كدا
قاعدة في أوروبا تدعى علينا و على البشير عشان الله ياخدنا و.. و ...
و الكلام المستهلك المعلوم للجميع .... اهة هسع إنت لو حبيت تكون معاهم ...
تكونوابقيتوا 14 ... و علىَّ الله كلهم ما منهم فايدة ... غير النميمة و الكضب ..
المشاطات ذاتن إتحضرن و خلن النميمة لى ناس المواقع الإسـفيرية ...
الناس الفيهم فايدة من الغُبُش في السودان قناعتهم زيى كدا .. و مع البشير
طوالى ... أما إنتو خليكم للهجصى و التثبيط الما بيقدم سيدو ...
و نسأل الله النصرة لى بشيرنا و العزة لى سوداننا و الرخاء إن شاء الله
عشان المؤيد و المعارض كلهم ينبسطوا ...
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: سيف النصر محي الدين)
|
قال المسعودي: (إن رجلاً من أهل الكوفة دخل على بعير له إلى دمشق في حال منصرفهم عن صفين، فتعلق به رجل من دمشق فقال: هذه ناقتي أخذت مني بصفين،
فارتفع أمرهما إلى معاوية، واقام الدمشقي خمسين رجلاً بينة يشهدون أنها ناقته، فقضى معاوية على الكوفي وأمره بتسليم البعير إليه فقال الكوفي: أصلحك الله انه جمل وليس بناقة
فقال معاوية: هذا حكم قد مضى، ودس إلى الكوفي بعد تفرقهم فأحضره وسأله عن ثمن بعيره فدفع إليه ضعفه وبرّه وأحسن إليه وقال له: أبلغ علياً أنّي أقابله بمائة ألف
ما فيهم من يفرق بين الناقة والجمل. ويضيف: ولقد بلغ من أمرهم في طاعتهم له أنه صلى بهم عند مسيرهم إلى صفين الجمعة في يوم الأربعاء...)
__________________________________________________________________
طبعا يا أخ مامون انا ما قاصدك انت لكن قاصد اتباع المرشح عمر محمد حسن احمد علي البشير -ارجو أن يكون الاسم صحيحا- للانتخابات الديكورية.
| |
|
|
|
|
|
|
|
|
 Re: صــوتى أنـا ؟؟ للـبـشـــــــــير و بلا تـ (Re: سيف النصر محي الدين)
|
قالوا، عبد العزيز داود الله يرحمو ؤُ معاهو ابو العزايم مشو يعملو حفلة خيرية لصالح
مدرسة بنات في اللُبيّض، أها، قبل الحفلة ابو العزايم قال لعبد العزيز، نمشي نقدمك
لتجار اللُبيّض عشان يدعمو الحفلة . مشو لأوّل تاجر، ابو العزايم قال ليهو دا الفنان
عبد العزيز داود الحا يحي الحفلة . الراجل طوالي قال ليهو، يا زول نحن لا بنعرف
عبد العزيز داود لا عبد الظمار، دايرين عاشة الفلآتية .!.
طوالي ابو العزايم ساق عبد العزيز ؤُ مرقو، ابو العزايم قال لعبد العزيز بزعل، عليك
الله بالله شُفت مقابلة الراجل دا !؟. عبد العزيز قال ليهو، يا اخي إنت مالك زعلآن؟،
الناس ديل دايرين الفلآتية، قولوا في مكرفون الدعاية، الحفلة بعبد العزيز داود راجل
الفلآتية . ابو العزايم قال ليهو، يا عبد العزيز ما تهظِر . ابو داود قال ليهو، ما بهظِر،
بس إنتو اعملوا كدا . قاليك المدرسة إتملت ناس جايين يشوفو راجل الفلآتية والحفلة
نجحت تب.
ابو العزايم قال لعبد العزيز، غريبة، الحفلة نجحت !.
عبد العزيز قاليهو، إنت في نجاح الحفلة واللآ الدخّل عبد العزيز مع عبد الظمار شنو ؟.
دحين إنتو في إعجاب أخونا دا بالبشير ؤُ منحه صوتو، واللآ في حكاية الصوت البيفتحو
ليهو بوست دا !!!؟؟؟.
يا زول تنعدل عليك شقيش تقبل امش صوّت لزولك دا بدون إرهاصات .
إنتو دحين الشفيع وراق دا أنا شفتو حايم بجاي،
واللآ يتوارى لي ساكت ؟.
دمتم في حفظ الله ورعايته ...
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: قسم الفضيل مضوي محمد)
|
Quote: يا ود المدير ...
قف دون صوتك مجاهدا *** إن الحياة عقيدة وجهادُ |
ههههههههههههههههههههه،
ينصُر ديّنك يا اخ .
هاك من الإرشيف :
رسالة إلى ادروب...
قول ليّ يا ادروب
عليك وجع السنين...
خجيتو ليه؟؟؟
خليهو يا ادروب
عشان ناساً غلآبة وكادحين...
خليهو يا ادروب
عشان ناساً بتحلم من سنين
بوطن صحيح من غير جراح
من غير ألم، من غير انين
خاجيهو ليه؟؟؟
خليهو يا ادروب
عشان شجر الأراك
يفرح يعانق ديم عرب
وترب هدل
ووطن السمآح ينسى الجرآح
ينسى الحصل...
قول ليّ بس...
خاجيهو ليّه؟؟؟
وادوّك كم؟؟؟
مبلغ بِسد رمق الصغار؟
والآ الفتات،
من بعد ما نهبوا الديار؟؟؟
خلوها خاوية على عُروشا
كما الصريم وضح النهآر
لا راعو لطفلاً
بيصرخ في الظلآم...
لا احترمو شيخنا بعد وقآر...
بمدخل الدين...
جونا داخلين التتآر...
خجوها خج...
خج السوآد...
خج الرمآد...
ما خلو شِي
ناس لابتحس، لاتختشي...
ما بين مُرآبي ومُرتشي...
وسفآك دماء نام مُنتشي
من بعد ما لعق الدماء
من بعد ما انتهك الحِمى...
جوغة ضِبآع،
وقطيع سباع متوحشة...
اسرآب نسور
تغتات على جُثث الصغآر...
خجوها خج وضح النهار...
قول ليَّ بس...
خجيتو ليه؟؟؟
وشِن دار تجيب
لي ها الوطن!!!
غير المِحن
غير التخلف والفتن...
غير الشتات
غير العذآب...
غير الكلآب
تنبح تهوهِو ليل نهار
شيخها العجوز دقولو طآر
ينقُز يهِز...
ما راعى في نفسو الوقار
ينفخ نفخ!!!
زي الورر
عامل جعيص...
عامل خطر!!!
قول ليَّ بس...
شِن دار تجيب لى ها الوطن؟؟؟
غير الضياع
غير الفِتن؟؟؟
غير ناس بتعترف النفآق...
عشرين سنة!!!
من الضياع، من العناء
من الألم والعكننة
من الوجع ومُر الضنى...
وبرضك تخُج!!!
يا زول اقيّف...
خلي الوطن
ينجمَّ من رهق السنين...
خلي الغلآبة الكادحين
يرتاحو من طول الأنين
يتنسمو الحُريّة
في الزمن الضنين...
إنصرفو، لا صفى، لا انتِبآه...
يا عُصبة الحُكم اللعيّن...
يا ظآلمين...
يا غادرين...
إلى الجحيّم...
إلى الجحيّم...
إلى الجحيّم...
إلى الجحيّمــــــــ...
معاوية المدير...
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: فتحي الصديق)
|
يا فتحي مامون ده قال ما شاف بي عينو، و هو زول منشط و مكره و رضا و غضب ساكت
ثم هو ذكر انو صوتو للبشير و دعا له بالتوفيق و السداد و بعدها طوالي طلب من الله سبحانه
أنو يوقف الحرب و يجيب السلام و يبعد الوباء و يحمي البلد من حسد الحاسدين..
يعني هو ما داير من عمر البشير يسوي اي شي و عارفو لا بيجدع و لا بيجيب الدراب.
فدحين ما تعصر عليهو.
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: اخلاص عبدالرحمن المشرف)
|
إتفق جمهور علماء المسلمين
أن لا بيعة لمغتصب
(لأن من شروط البيعة الرضاء ولا رضاء مع اغتصاب)
والبشير مغتصب سلطة
وقد خالف بذلك الشرع
فكيف لمخالف الشرع ان يقيم الشرع؟؟؟؟
وفقا للدستور الذي كتبه وأجازه أتباع الديكتاتور البشير
لا يجوز للرئيس أن يحكم أكثر من دورتين
والبشير حكم أكثر من دورتين
يعني ترشحه غير دستوري
دي بتعالجوها كيف؟؟؟
البشير بإعترافه قتل أنفسا كثيرة بغير حق
وعند المسلمين من قتلا نفسا بغير حق
فكانما قتل الناس أجمعين
كيف ترضي أن يحكمك قاتل
وتنتظر أن يحكمك وفقا للشريعة الإسلامية؟؟؟؟؟
لأنه وفقا للشريعة يجب أن يقتل قصاصا
البشير بإعترافه وفي التلفزيون
يملك من العقارات والثروة ما يفوق راتبه الشهري
زائدا المخصصات
منذ تخرجه من الكلية الحربية وحتي الآن
أليس هذه شبهة فساد
(أن كان لك عين تري وأذن تسمع وعقل يعقل)
البشير فرط في السودان
فأنقسم بذلك تلت البلد ببشرها وثرواتها وخيرها
أليس هذا وحده دليل فشل؟؟؟؟؟؟؟
أستمرت الحروب في زمنه لطيلة فترة حكمه
وأحتلت دولا مجاورة أراضي سودانية إغتصابا
فكيف لمثل هكذا مفرط أن يحكم بلدا؟؟؟؟؟
قام البشير بإعتقال آلاف من السودانيين
بما في ذلك شيخه الترابي
وقادة البلد من الصادق لأبو عيسي
وشرد ملايين من السودانيين
من أعمالهم ومن ثم من بلدهم
وتسبب في فشل كل مؤسسات الدولة ومشاريعها
من مشروع الجزيرة
والمشاريع المروية
والخدمة المدنية
والسكة حديد
والنقل النهري
والبوستة
والنقل الميكانيكي
والخطوط الجوية السودانية
والخطوط البحرية السودانية
ومصانع الغزل والنسيج
هل ترضي بفاشل مثل هذا خفيرا في بيتكم
دع عنك رئيس يتحكم في حيوات ملايين من البشر
وضعفهم من الأنعام؟؟؟؟
تخجل ولا نخجل ليك؟؟؟؟؟؟؟؟؟
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: سيف النصر محي الدين)
|
يا فتحي مامون ده قال ما شاف بي عينو، و هو زول منشط و مكره و رضا و غضب ساكت
ثم هو ذكر انو صوتو للبشير و دعا له بالتوفيق و السداد و بعدها طوالي طلب من الله سبحانه
أنو يوقف الحرب و يجيب السلام و يبعد الوباء و يحمي البلد من حسد الحاسدين..
يعني هو ما داير من عمر البشير يسوي اي شي و عارفو لا بيجدع و لا بيجيب الدراب.
فدحين ما تعصر عليهو.
سيف النصر ... مرحب بيك تاااااااانى
و أنا كما ذكرت أنت من أهل المنشط و المكره ... و لكن ليس بما عنيت أنت
من التهكم و التنبيط و إنما عن قناعة بما تكون عليه البيعة ... رضاءاً بأن الله
هو من يؤتى الملك لمن يشاء و هو من ينزعه ممن يشاء ...
و ذلك فهمٌ خاطب فيه مولانا جلَّ و علا رسوله الكريم صلى الله عليه و سلم
بأمرٍ قطعى لا نقاش فيه فبدأ الآية الكريمة بقوله ( قٌل ) ثم نسب الأمر إلى نفسه
فقط فقال ( اللهم مالك الملك .... إلى آخر الآيات الكريمات في هذا الشأن )...
أما دعائى و سؤالى لله تبارك و تعالى لأنى أعلم أنه هو من يفعل و يعين
من يخوله أن يفعل و هو نفسه تبارك و تعالى من يمنع و يمنع من يريد ان
يمنعه ... هل لديك إعتراض على ذلك ؟؟؟ و البشير نفسه عبدٌ من عباد الله
و يحتاج العون و التوفيق منه ... فما العجيب في ذلك ... أما أنه يجدع
و يجيب الحجار دى فهو و الحمد لله و بتوفيقه الآن رئيس بلادك ..
و رغم أن ذلك يؤلمك و يغيظك أنت و بعض من في هذا المنبر ...
إلا انه واقع حقيقى أراده الله له و آتاه الملك بفضله حتى هذه اللحظة
التي تكتب فيها مداخلتك المستفزة ... و حتى و انت تقرأ ردى هذا
عليها ... و لله الأمر من قبل و من بعد ..
و كان للعصر الكل عارف منو العاصر منو ؟؟
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: معاوية المدير)
|
دى على وزن المثقف الســأل سـيد العربية
الكريسيدا أول ما ظهرت في السودان و كان سـيد
العربية من الغبش غير المتعلمين بس ربنا رزقو
رزق واسع ... المثقف قال ليهو إسمها شنو ؟؟؟
سيد العربية قال ليهو كورسيدا ... المثقف قام إتجنصص
عليهو .. قال ليهو إسمها كريسيدا ياخ مش كورسيدا..
عمك الاغبش قال ليهو نحنا بسعاها و إنتو أعرفو
إسمها ؟؟؟
كلام الطير في الباقير .. مش كدا ؟؟؟
و دمتم في حفظ الله ...
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: قسم الفضيل مضوي محمد)
|
يا قسم الفضيل حبابك هنا
يا أخوى الكلام دا لو حصل صحى صحى في الانتخابات
السابقة ... هسع ما بيحصل ... و أقول ليك إنو لو حصل
الغلط كان من ممثلي الأحزاب لأنهم مفروض ينوموا مع
الصناديق و ما يخلوها تغيب عن نظرهم لغاية لحظة الفرز ..
بس تصدق ؟؟ انا ما مصدق الكلام دا حصل ... و الحريف
في برامج الصور و الأفلام ممكن يعمل أي حاجة ...
و مع ذلك كله صــوتى للبشــير ...
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: abubakr salih)
|
Quote: أبلغ علياً أنّي أقابله بمائة ألف
ما فيهم من يفرق بين الناقة والجمل. ويضيف: ولقد بلغ من أمرهم في طاعتهم له أنه صلى بهم عند مسيرهم إلى صفين الجمعة في يوم الأربعاء...
دمار يا دكتور. دا دمار تاريخي عديل، ديل ناس قريبنا ود الباوقة
الدمار يا أخوى أبوبكر
هـــو أن يردد من يعتقد أنه مثقف مقتطفات ما يؤخذ من القوقل و الويكبيديا
على أنه صحيح دون التثبت ممن كتبه و دون أن يطابقه مع الكتب الورقية
المنقحة ... و هذه مأساتنا في مثقفى الأسـافير و لله المشتكى ...
و كمان معاها ضحكة ... غفر الله لنا و لكم ...
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: سيف النصر محي الدين)
|
قال المسعودي: (إن رجلاً من أهل الكوفة دخل على بعير له إلى دمشق في حال منصرفهم عن صفين، فتعلق به رجل من دمشق فقال: هذه ناقتي أخذت مني بصفين،
فارتفع أمرهما إلى معاوية، واقام الدمشقي خمسين رجلاً بينة يشهدون أنها ناقته، فقضى معاوية على الكوفي وأمره بتسليم البعير إليه فقال الكوفي: أصلحك الله انه جمل وليس بناقة
فقال معاوية: هذا حكم قد مضى، ودس إلى الكوفي بعد تفرقهم فأحضره وسأله عن ثمن بعيره فدفع إليه ضعفه وبرّه وأحسن إليه وقال له: أبلغ علياً أنّي أقابله بمائة ألف
ما فيهم من يفرق بين الناقة والجمل. ويضيف: ولقد بلغ من أمرهم في طاعتهم له أنه صلى بهم عند مسيرهم إلى صفين الجمعة في يوم الأربعاء...)
__________________________________________________________________
طبعا يا أخ مامون انا ما قاصدك انت لكن قاصد اتباع المرشح عمر محمد حسن احمد علي البشير -ارجو أن يكون الاسم صحيحا- للانتخابات الديكورية.
سيف النصر ... حبابك تانى
القصة دى معروفة من حشو الشيعة و من شايعهم ... و ديل
أخطر منهم ... على مثل التركى و لا المِــتُـورِك ... و هي
فارغة المضمون لمن يعرف من هو سيدنا معاوية رضى الله عنه
و تقديره لسيدنا على كرم الله وجهه و رضى عنه ... لأنه كان
يحسب من فقهاء الصحابة .. و شهد له سيدنا رسول الله صلى الله
عليه و سلم بحسن صحبته و جعله من كتبة الوحى و ذاك مقام
لا يقومه إلا من رضى الله عنه ... و شهد بفقهه سيدنا عبدالله بن عباس
رضى الله عنهما ... و ليس هنا مجال نقاشنا ... و لكن بيعتى للبشير
هي من رضائى بقضاء الله أن ولاّه علينا 25 عاماً ... و لا قول لى
إلا الرضاء و السمع و الطاعة ....
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: سيف النصر محي الدين)
|
Quote: و إن شاء الله يفوز و يسوى الدستور الإسلامي
و ده "بسووه" كيفن يا اخوي؟
خمسة و عشرين سنة ما "بتسويهو" ؟
ذكرتني و الله باتباع معاوية بن ابي سفيان.
سيف النصر -- أهلاً بى مرورك
إن شاء الله قريب بتشوفو بسوهو كيف ... لما ريسنا يفوز بإذن الله ...
الخمسة و عشرين سنة كانوا تلت السكان ما مسلمين ... بس هسع
و الحمد لله 97% مسلمين و 3% من الإخوة النصارى و هؤلاء
عاشوا أجمل أيامهم عندما كان العالم كله يحكمه المسلمون ..
و حقوقهم محفوظة على العين و الراس ...
أما قصتك بتاعة اتباع معاوية دى فهى قصة خمييييييييييرة
و ممكن تقشر بيها على ناس عقولهم فاضية ...
و برجع ليها تانى قدام شوية ...
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: مامون المعتصم أحمد)
|
Quote: و الكفاءة هنا أعنى بها تكامل الصفات الصالحة كالإلتزام الدينى ( التقوى)
و الحرص على سلامة الوطن و المواطن و العدل و النزاهة و حب الخير
للمواطنين إضافة للحنكة و الدراية بأمور الحكم و السياسة |
- التقوى
-الحرص على سلامة الوطن
- الحرص على سلامة المواطن
- العدل
- النزاهة
- حب الخير للمواطنين
- الحنكة والدراية بأمور الحكم والسياسة
استاذ مامون لو مسكنا كل صفة من الصفات الصالحة التي ذكرتها وماذا تحقق منها خلال ال 25 سنة الماضية لرأينا العجب العجاب
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: مامون المعتصم أحمد)
|
( ....... و الكفاءة هنا أعنى بها تكامل الصفات الصالحة كالإلتزام الدينى ( التقوى)
و الحرص على سلامة الوطن و المواطن و العدل و النزاهة و حب الخير
للمواطنين إضافة للحنكة و الدراية بأمور الحكم و السياسة .... و مع
إحترامى و تقديرى لكل من تقدم للترشح ليكون رئيساً للسودان الحبيب
إلا أننى سأدلى بصوتى للأخ المشير عمر حسن أحمد البشير و بلا تردد
و بقناعةٍ تامةٍ و أبايعه بشهادة الله تعالى على أن يقيم فينا شـرع الله
تعليق :
الأخ مامون , نعم يا أخى , الحرية مكفولة لكل انسان على ظهر هذه البسيطة , فالله سبحانه وتعالى كرمنا كبشر , على كثير ممن خلق , وحبانا بالعقل لنميز به بين الحق , والباطل , والخير , والشر , وأنت باعتبارك مواطن لك مط لق الحرية فى أختيارك للحاكم , ولكن أن تنسب ذلك الى المبررات أعلاه , فدعنى أختلف معك , لأننا يا أخى لو نظرنا للانقاذ من جانب البعد الدينى , نجد أن ما أنزل على الأرض تحت رأية الاسلام , ورآه الناس كل الناس خلال أكثر من ربع قرن من الزمن , لا يمت للاسلام بصلة من بعيد أو قريب , بل يقدم أكبر , وأسوأ , وأقبح أساءة لهذه الرسالة الخاتمة التى جاءت أصلا لاسعاد البشرية جمعاء , فالانقاذ يا أخى منذ اللحظة التى اتخذت من نهج (الشمولية البغيضة ) كوسيلة لحكم البلاد , والعباد , فقد فارقت طريق الرشد , والسلامة , وكلما بشرت به هذه الرسالة الخاتمة , من خير عميم , ومنفعة دائمة , للبلاد والعباد , وتنكبت عوضا عن ذلك طريق مغائر تماما , هو طريق ( الاستبداد فى الأرض ) المتمثل فى كل حالات : الظلم , والجور , والفساد فى الأرض , فهل تريد يا أخى أن تجنى غير ذلك من هذه الوسيلة الشريرة ( الشمولية البغيضة ) ؟؟؟ فأين هذه العدالة , والنزاهة , وسلامة الوطن , والمواطن التى تتكلم عنها ؟؟؟ ان مثل هذه الفضائل , لايمكن أن تتحقق مع مثل هذا الوضع , بل ان هناك استحالة , فلن تجنى من ورائه يا أخى , الاّ (الشر ) كل الشر , وهو ما تعيش تحت وطئته المحرقة , المميتة حاليا , البلاد والعباد .
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: عوض سيد أحمد)
|
سلام
التاريخ بيحفظ كل شئ اقصد تاريخي وتاريخك فانا وانت نحاسب انفسنا ويحاسبنا
اولادنا ويحاسبنا القانون والمجتمع واهم من ذلك يوم الحساب الكبير. مداخلة الاخ Naser
اعيدها ليك لانها حاتكون السؤال في كل الحسابات
Quote:
إتفق جمهور علماء المسلمين
أن لا بيعة لمغتصب
(لأن من شروط البيعة الرضاء ولا رضاء مع اغتصاب)
والبشير مغتصب سلطة
وقد خالف بذلك الشرع
فكيف لمخالف الشرع ان يقيم الشرع؟؟؟؟
وفقا للدستور الذي كتبه وأجازه أتباع الديكتاتور البشير
لا يجوز للرئيس أن يحكم أكثر من دورتين
والبشير حكم أكثر من دورتين
يعني ترشحه غير دستوري
دي بتعالجوها كيف؟؟؟
البشير بإعترافه قتل أنفسا كثيرة بغير حق
وعند المسلمين من قتلا نفسا بغير حق
فكانما قتل الناس أجمعين
كيف ترضي أن يحكمك قاتل
وتنتظر أن يحكمك وفقا للشريعة الإسلامية؟؟؟؟؟
لأنه وفقا للشريعة يجب أن يقتل قصاصا
البشير بإعترافه وفي التلفزيون
يملك من العقارات والثروة ما يفوق راتبه الشهري
زائدا المخصصات
منذ تخرجه من الكلية الحربية وحتي الآن
أليس هذه شبهة فساد
(أن كان لك عين تري وأذن تسمع وعقل يعقل)
البشير فرط في السودان
فأنقسم بذلك تلت البلد ببشرها وثرواتها وخيرها
أليس هذا وحده دليل فشل؟؟؟؟؟؟؟
أستمرت الحروب في زمنه لطيلة فترة حكمه
وأحتلت دولا مجاورة أراضي سودانية إغتصابا
فكيف لمثل هكذا مفرط أن يحكم بلدا؟؟؟؟؟
قام البشير بإعتقال آلاف من السودانيين
بما في ذلك شيخه الترابي
وقادة البلد من الصادق لأبو عيسي
وشرد ملايين من السودانيين
من أعمالهم ومن ثم من بلدهم
وتسبب في فشل كل مؤسسات الدولة ومشاريعها
من مشروع الجزيرة
والمشاريع المروية
والخدمة المدنية
والسكة حديد
والنقل النهري
والبوستة
والنقل الميكانيكي
والخطوط الجوية السودانية
والخطوط البحرية السودانية
ومصانع الغزل والنسيج
هل ترضي بفاشل مثل هذا خفيرا في بيتكم
دع عنك رئيس يتحكم في حيوات ملايين من البشر
وضعفهم من الأنعام؟؟؟؟
تخجل ولا نخجل ليك؟؟؟؟؟؟؟؟؟ |
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: عمر نملة)
|
Quote:
ال المسعودي: (إن رجلاً من أهل الكوفة دخل على بعير له إلى دمشق في حال منصرفهم عن صفين، فتعلق به رجل من دمشق فقال: هذه ناقتي أخذت مني بصفين،
فارتفع أمرهما إلى معاوية، واقام الدمشقي خمسين رجلاً بينة يشهدون أنها ناقته، فقضى معاوية على الكوفي وأمره بتسليم البعير إليه فقال الكوفي: أصلحك الله انه جمل وليس بناقة
فقال معاوية: هذا حكم قد مضى، ودس إلى الكوفي بعد تفرقهم فأحضره وسأله عن ثمن بعيره فدفع إليه ضعفه وبرّه وأحسن إليه وقال له: أبلغ علياً أنّي أقابله بمائة ألف
ما فيهم من يفرق بين الناقة والجمل. ويضيف: ولقد بلغ من أمرهم في طاعتهم له أنه صلى بهم عند مسيرهم إلى صفين الجمعة في يوم الأربعاء...)
|
ههههه ... قوية يا دكتور .... عبرت عن واقعنا تماما
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: عبدالكريم الاحمر)
|
Re: صــوتى أنـا ؟؟ للـبـشـــــــــير و بلا تـ (Re: سيف النصر محي الدين)
Quote: هسه يا بكور ناسنا ديل باقيلك فارزين الجمعة من الاربحا ؟
و الله يا سيف ضحتك ما شاء الله لي. ياخي لكن دي حكاية مبالغة. شكلو فى اي لحظة من التاريخ الانساني بيكون فى النوع دا من الناس، النوع الذى لا يفرز الناقة من الجمل و دائما ما يكونوا فى خدمة السلطان. بالله شوف المسار الدائري. و معاوية زاتهم عارفهم عشان كده ارسل للامام على (رضي الله عنه) ليخبره بما ينتظره، على سبيل الارهاب النفسي، مئة الف من الملطمين، الذين لا يفرزون الناقة من الجمل و لا الجمعة من الاربحا! هؤلاء هم سدنة السلطان على مر التاريخ.
(عدل بواسطة abubakr salih on 04-11-2015, 07:11 PM)
زى ما قلت ليك و لى سيف النصر فى مداخلة سابقة
طلعتوا إنتو الما عارفين الناقة من الجمل ... و ما زالت
ضحكاتكم متواصلة ...
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: مامون المعتصم أحمد)
|
قالوا، عبد العزيز داود الله يرحمو ؤُ معاهو ابو العزايم مشو يعملو حفلة خيرية لصالح
مدرسة بنات في اللُبيّض، أها، قبل الحفلة ابو العزايم قال لعبد العزيز، نمشي نقدمك
لتجار اللُبيّض عشان يدعمو الحفلة . مشو لأوّل تاجر، ابو العزايم قال ليهو دا الفنان
عبد العزيز داود الحا يحي الحفلة . الراجل طوالي قال ليهو، يا زول نحن لا بنعرف
عبد العزيز داود لا عبد الظمار، دايرين عاشة الفلآتية .!.
طوالي ابو العزايم ساق عبد العزيز ؤُ مرقو، ابو العزايم قال لعبد العزيز بزعل، عليك
الله بالله شُفت مقابلة الراجل دا !؟. عبد العزيز قال ليهو، يا اخي إنت مالك زعلآن؟،
الناس ديل دايرين الفلآتية، قولوا في مكرفون الدعاية، الحفلة بعبد العزيز داود راجل
الفلآتية . ابو العزايم قال ليهو، يا عبد العزيز ما تهظِر . ابو داود قال ليهو، ما بهظِر،
بس إنتو اعملوا كدا . قاليك المدرسة إتملت ناس جايين يشوفو راجل الفلآتية والحفلة
نجحت تب.
ابو العزايم قال لعبد العزيز، غريبة، الحفلة نجحت !.
عبد العزيز قاليهو، إنت في نجاح الحفلة واللآ الدخّل عبد العزيز مع عبد الظمار شنو ؟.
دحين إنتو في إعجاب أخونا دا بالبشير ؤُ منحه صوتو، واللآ في حكاية الصوت البيفتحو
ليهو بوست دا !!!؟؟؟.
يا زول تنعدل عليك شقيش تقبل امش صوّت لزولك دا بدون إرهاصات .
إنتو دحين الشفيع وراق دا أنا شفتو حايم بجاي،
واللآ يتوارى لي ساكت ؟.
دمتم في حفظ الله ورعايته ...
أهلاً معاوية
إنت طبعاً واحد من التلتاشر معارض القلتهم أنا في مداخلة سابقة
بس دى أول مرة أداخلك فيها في موضوع ... و مداخلتى ليك
أظنها ما بتعجبك لأنها ما مجاملة ...
إنت مفتكر نفسك دمك خفيف ... و نقدك ظريف ... بس هو غير
كدا تماماً و دايماً الموضوع في وادى و حضرتكم في أبعد وادى ..
لأنى دايماً قاعد أشوف مواضيع بوستاتك كلها مجرد كلام للظهور
أو قايم سدارى في مشاحنة مع زول أو أزوال تانيين .... و دا حقك
و رايك ... و كمان أنا و البسطاء المتلى ... دا راينا و عاجبنا ...
و البلد شايلانا كلنا و لما الخير إن شاء الله يعمها كل الناس
بيصلها ... و ربنا ما يجيب الزعل البيفرق بين الناس مهما حصل
و كلها إن شاء الله كم سنة و تجى الانتخابات الجايية و ممكن من
هسع تشوفوا ليكم واحد منكم إنتو التلتاشر عشان ترشحوه لرئاسة
الجمهورية .... مش جايز يفوز ؟؟؟ ما تضحك من كلامى دا ...
أي نعم هو كلام بارد و ثقيل بس جايز إتحقق لأنو الأمر دا بيد
المولى تبارك و تعالى يؤتيه من يشاء و ينزعه ممن يشاء ...
كان في زول بيصدق إنو مصر بعد حسنى مبارك و سطوتو
يجو فيها 4 حكام في 3 سنين ( طنطاوى و مرسى و عدلى
منصور و ام سيسى ) ؟؟؟
و لغاية الوكت داك كان صاحب الكون مد في آجالنا ، نحن
مع البشــير و بلا تردد و أسأل الله له النصرة و التوفيق ...
و دمتم في حفظ الله ....
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: مامون المعتصم أحمد)
|
Quote: : أنا ما شــفتو ســرق و لا نهـب ...
((( البعرة تدل على البعير .. والأثر يدل على المسير )))
نحن نعبد الله دون ان نراه لان هنالك ما يسمي العقل
عموما ادي صوتك للبشير ودا حقك !! ومن حقي ان اقاطع .
اذا كان النظرية تقول one vote for one man
فبشيرك دا غير مجمع علية من البوست الانت فاتحوا تأيدو بيه دا....
يا العربى إبراهيم
يا أخوى بعر شنو و بعير شنو ؟؟؟
أنا مسئول عن صوتى براى ... و شايف إنو البشير ربنا
يديهو العافية و يثبت أجرو هو الأجدر ... و إنت و غيرك على
كيفكم ... و كان كلامك على المعارضين هنا في الموقع دا
كلهم ما بيفوتوا ليهم تلتاشر واحد و واحدة و كلامهم كلو مكرر
من سنة 2006 و هم لسع لافين في نفس الحلقة ... و نفس الحاجات
وين شنو داك ؟؟ و الشهداء ديلاك ؟؟؟ و المناضلة قبضوها ...
و المناضلة فِكوها ... و الانتخابات خجوها !!!! و تقوم ليك واحدة كدا
قاعدة في أوروبا تدعى علينا و على البشير عشان الله ياخدنا و.. و ...
و الكلام المستهلك المعلوم للجميع .... اهة هسع إنت لو حبيت تكون معاهم ...
تكونوابقيتوا 14 ... و علىَّ الله كلهم ما منهم فايدة ... غير النميمة و الكضب ..
المشاطات ذاتن إتحضرن و خلن النميمة لى ناس المواقع الإسـفيرية ...
الناس الفيهم فايدة من الغُبُش في السودان قناعتهم زيى كدا .. و مع البشير
طوالى ... أما إنتو خليكم للهجصى و التثبيط الما بيقدم سيدو ...
و نسأل الله النصرة لى بشيرنا و العزة لى سوداننا و الرخاء إن شاء الله
عشان المؤيد و المعارض كلهم ينبسطوا ...
|
يا اخوي اذا كان دا فهمك للموضوع قشة ما تعتر ليك
كل بوستات جوقة البشير بتبدأ برأي وتنتهي بمهاترة
مع انتظار بقية الهتيفة للمناصرة .. والله ما عندكم حاجة تقولوها للشعب السوداني فشل مستمر 25 سنة.
يعني انت هسه اخترعت العجلة من جديد ؟؟؟ ما انا قلت ليك صوتك للبشير دا حقك ...
يبدو انك قريت اول سطر وبديت ترد كعادة اذناب النظام
بغرض المهاتره وتمييع الكلام ..
اعوذ بالله
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: العربي إبراهيم العربي)
|
يا اخوي اذا كان دا فهمك للموضوع قشة ما تعتر ليك
كل بوستات جوقة البشير بتبدأ برأي وتنتهي بمهاترة
مع انتظار بقية الهتيفة للمناصرة .. والله ما عندكم حاجة تقولوها للشعب السوداني فشل مستمر 25 سنة.
يعني انت هسه اخترعت العجلة من جديد ؟؟؟ ما انا قلت ليك صوتك للبشير دا حقك ...
يبدو انك قريت اول سطر وبديت ترد كعادة اذناب النظام
بغرض المهاتره وتمييع الكلام ..
اعوذ بالله
هسع إنت الفاهم و بتوصف الناس بالمهاترة رايك شنو في كلامك دا ؟؟
يا اخ إنت المزعلك شنو ؟ أنا عملت البوست دا لى رقبتى دى عشان أذكرها
و إنت رايك عندك صاح ؟؟ أنا مقتنع و حا أدى صوتى للبشـير إن شاء الله
إنت ما تحرق بنك معاى سـاكت ... رايك أنا برضى محترمو .. بس ما في
داعى لى أذناب و ما أذناب لأنى أنا ممكن أقول ليك كلام أشنى منها
و ترد لى و أرد ليك و كل مرة كلام شين .. أحسن حاجة تحفظ لسانك
و أنا احفظ لسانى و كل زول رايو عندو ؟؟ و لاَّ كيف ؟؟؟
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: عبدالكريم الاحمر)
|
| Quote: قال المسعودي: (إن رجلاً من أهل الكوفة دخل على بعير له إلى دمشق في حال منصرفهم عن صفين، فتعلق به رجل من دمشق فقال: هذه ناقتي أخذت مني بصفين،فارتفع أمرهما إلى معاوية، واقام الدمشقي خمسين رجلاً بينة يشهدون أنها ناقته، فقضى معاوية على الكوفي وأمره بتسليم البعير إليه فقال الكوفي: أصلحك الله انه جمل وليس بناقة فقال معاوية: هذا حكم قد مضى، ودس إلى الكوفي بعد تفرقهم فأحضره وسأله عن ثمن بعيره فدفع إليه ضعفه وبرّه وأحسن إليه وقال له: أبلغ علياً أنّي أقابله بمائة ألف ما فيهم من يفرق بين الناقة والجمل. ويضيف: ولقد بلغ من أمرهم في طاعتهم له أنه صلى بهم عند مسيرهم إلى صفين الجمعة في يوم الأربعاء...) |
ياسيف النصر .. تحية طيبة
الراجل صاحب البوست من الظاهر انو من الناس المغيبين تماما ولو صلى بهم البشير الجمعة في الكنيسة برضو ماعندو مانع فهو مسلوب الارادة والعقل السليم او كما يقال just moving creature
جاء هنا يستفز الناس وينفي دموية البشير الذي قتل خلق الله في الغرب والشرق وفي الجبال والانقسنا وفي داخل العاصمة ويدينو ملطخه بدماء الشرفاء والناس جياع ، ينتفع البشير بمثل صاحب البوست ويسير بهم كالدواب ... الناس في السودان في محنه حقيقية ونحن نكابد معهم ونتجرع المرارة كل يوم ويأتي مثل هذا النكرة ليمارس علينا جهله ويقول ( الما عاجبو ) اي بجاحة هذه ؟ . اما الآخرين الذين اعلى درجة من الدواب يلهثون وراء مصالحهم القذرة فكلما جاء كوز مصدي جاؤوا يهرولون بكل نذالة ... ياخي الناس الغبش ديل ايه علاقتهم بالسياسة عشان تعملوا فيهم كدا ؟؟؟؟؟؟؟؟؟؟ و اي سياسة واي مبدأ واي حزب يخلي الواحد فيكم متمسك بهذا النذل الى هذه الدرجة ؟؟؟؟؟؟
عبدالكريم الاحمر
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: العربي إبراهيم العربي)
|
إتفق جمهور علماء المسلمين
أن لا بيعة لمغتصب
(لأن من شروط البيعة الرضاء ولا رضاء مع اغتصاب)
أى عـلماء و أى جمهور ؟؟؟ عليك الله قول منهم خمسة بس و أى مرجع كتبوا فيهو كلامك دا ؟؟
والبشير مغتصب سلطة
تقصد إغتصبها من ناس الصادق المهدى ؟؟
طيب هم ذاتهم ما جابوها ليهم بعدما اغتصبوها ليهم من
النميرى عليه رحمة الله ...
وقد خالف بذلك الشرع
فكيف لمخالف الشرع ان يقيم الشرع؟؟؟؟
وفقا للدستور الذي كتبه وأجازه أتباع الديكتاتور البشير
لا يجوز للرئيس أن يحكم أكثر من دورتين
والبشير حكم أكثر من دورتين
يعني ترشحه غير دستوري
دي بتعالجوها كيف؟؟؟
البشير بإعترافه قتل أنفسا كثيرة بغير حق
وعند المسلمين من قتلا نفسا بغير حق
فكانما قتل الناس أجمعين
كيف ترضي أن يحكمك قاتل
وتنتظر أن يحكمك وفقا للشريعة الإسلامية؟؟؟؟؟
لأنه وفقا للشريعة يجب أن يقتل قصاصا
البشير بإعترافه وفي التلفزيون
يملك من العقارات والثروة ما يفوق راتبه الشهري
زائدا المخصصات
منذ تخرجه من الكلية الحربية وحتي الآن
أليس هذه شبهة فساد
(أن كان لك عين تري وأذن تسمع وعقل يعقل)
البشير فرط في السودان
فأنقسم بذلك تلت البلد ببشرها وثرواتها وخيرها
أليس هذا وحده دليل فشل؟؟؟؟؟؟؟
أستمرت الحروب في زمنه لطيلة فترة حكمه
وأحتلت دولا مجاورة أراضي سودانية إغتصابا
فكيف لمثل هكذا مفرط أن يحكم بلدا؟؟؟؟؟
قام البشير بإعتقال آلاف من السودانيين
بما في ذلك شيخه الترابي
وقادة البلد من الصادق لأبو عيسي
وشرد ملايين من السودانيين
من أعمالهم ومن ثم من بلدهم
وتسبب في فشل كل مؤسسات الدولة ومشاريعها
من مشروع الجزيرة
والمشاريع المروية
والخدمة المدنية
والسكة حديد
والنقل النهري
والبوستة
والنقل الميكانيكي
والخطوط الجوية السودانية
والخطوط البحرية السودانية
ومصانع الغزل والنسيج
هل ترضي بفاشل مثل هذا خفيرا في بيتكم
دع عنك رئيس يتحكم في حيوات ملايين من البشر
وضعفهم من الأنعام؟؟؟؟
تخجل ولا نخجل ليك؟؟؟؟؟؟؟؟؟
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: مامون المعتصم أحمد)
|
إتفق جمهور علماء المسلمين
أن لا بيعة لمغتصب
(لأن من شروط البيعة الرضاء ولا رضاء مع اغتصاب)
أى عـلماء و أى جمهور ؟؟؟ عليك الله قول منهم خمسة بس و أى مرجع كتبوا فيهو كلامك دا ؟؟
والبشير مغتصب سلطة
تقصد إغتصبها من ناس الصادق المهدى ؟؟
طيب هم ذاتهم ما جابوها ليهم بعدما اغتصبوها ليهم من
النميرى عليه رحمة الله ...
وقد خالف بذلك الشرع
يوم 2/8/ 1988 يوم الخميس لو بتتذكر التاريخ دا ؟؟
إتفقوا نواب الحزبين الكبيرين في الزمن داك الأمة و الإتحادى الديمقراطى
على تجميد قوانين الشريعة العـملها الراحل نميرى رحمة الله تغشاه و جزاه
الله خير عليها ... ربنا شغلهم و شغل البلد كلها بالأمطار التقيلة و كوارث
السيول و جات بعدها الإغاثة و سفسفتها المشهورة لى غاااااااااااية يوم
الخميس 29 يونيو 1989 قاموا تانى على جـنـَّهم و قالوا المرة الفاتت
قلنا نجمد قوانين الشريعة - بالمناسبة هم بيقولوا قوانين سيتمبر 83 - لكين
المرة دى حا نلغيها و زى ما الصادق المهدى في الفيديو الموجود في اليوتيوب
حا نديها بالنوك آوت .. يعنى كلام ملاكمين ... أها الله سلط عليهم البشير
و أخوانو أدوهم هم ذاتهم بالنوك آوت ... المعنى يا ناصر دا شغل إلهى ..
أعرفو الحاصل حتى تنضموا و الواحد ما يردد ليهو كلام ساكت ...
القلبو الحكومة ناس الجيش لأنهم كانوا في أصعب فتراتهم في الزمن
البتبكو عليهو هسع ...
فكيف لمخالف الشرع ان يقيم الشرع؟؟؟؟
صبرك شوية يا ناصر و إن شاء الله تشوف كيف بقيم ؟؟
وفقا للدستور الذي كتبه وأجازه أتباع الديكتاتور البشير
لا يجوز للرئيس أن يحكم أكثر من دورتين
والبشير حكم أكثر من دورتين
يعني ترشحه غير دستوري
دي بتعالجوها كيف؟؟؟
الكلام دا بعد الإنفصال و هو قضى
مدة واحدة و دى التانية إن شاء الله تكون أحسن و أصلح ...
البشير بإعترافه قتل أنفسا كثيرة بغير حق
وعند المسلمين من قتلا نفسا بغير حق
فكانما قتل الناس أجمعين
كيف ترضي أن يحكمك قاتل
وتنتظر أن يحكمك وفقا للشريعة الإسلامية؟؟؟؟؟
لأنه وفقا للشريعة يجب أن يقتل قصاصا
يا راجل ؟؟؟ كيف الكلام دا؟ هو براهو كتل ناس كتار ؟؟؟
في فرق بين أن يقاتل الوالى المسلم الخارجين على الإجماع و بين
أن يقتل هو نفسه الناس بلا سبب ... و القصاص دا وضعو تانى
هنا .. راجع محل بتجيب أحكامك الشرعية دى يا أخوى ...
البشير بإعترافه وفي التلفزيون
يملك من العقارات والثروة ما يفوق راتبه الشهري
زائدا المخصصات
منذ تخرجه من الكلية الحربية وحتي الآن
أليس هذه شبهة فساد
(أن كان لك عين تري وأذن تسمع وعقل يعقل)
البشير فرط في السودان
فأنقسم بذلك تلت البلد ببشرها وثرواتها وخيرها
أليس هذا وحده دليل فشل؟؟؟؟؟؟؟
أستمرت الحروب في زمنه لطيلة فترة حكمه
وأحتلت دولا مجاورة أراضي سودانية إغتصابا
فكيف لمثل هكذا مفرط أن يحكم بلدا؟؟؟؟؟
قام البشير بإعتقال آلاف من السودانيين
بما في ذلك شيخه الترابي
وقادة البلد من الصادق لأبو عيسي
وشرد ملايين من السودانيين
من أعمالهم ومن ثم من بلدهم
وتسبب في فشل كل مؤسسات الدولة ومشاريعها
من مشروع الجزيرة
والمشاريع المروية
والخدمة المدنية
والسكة حديد
والنقل النهري
والبوستة
والنقل الميكانيكي
والخطوط الجوية السودانية
والخطوط البحرية السودانية
ومصانع الغزل والنسيج
هل ترضي بفاشل مثل هذا خفيرا في بيتكم
دع عنك رئيس يتحكم في حيوات ملايين من البشر
وضعفهم من الأنعام؟؟؟؟
تخجل ولا نخجل ليك؟؟؟؟؟؟؟؟؟
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: مامون المعتصم أحمد)
|
البشير بإعترافه وفي التلفزيون
يملك من العقارات والثروة ما يفوق راتبه الشهري
زائدا المخصصات
منذ تخرجه من الكلية الحربية وحتي الآن
أليس هذه شبهة فساد
(أن كان لك عين تري وأذن تسمع وعقل يعقل)
دا ما شى طبيعى يا ناصر ، أي زول بيملك الآن أكتر
من راتبو و مخصصاتو من يوم إتخرج و السبب هو التضخم
الحاصل عالمياً و عندنا في السودان بكل أسف نسبتو أكبر
و لو داير تعرف الكلام دا أنا أوضح ليك ... سنة 1978
كانت قطعة الأرض 600 متر في الرياض = 600 ج
و الجنيه = 4.25 دولار يعنى المتر المربع = 4.25 دولار
الليلة القطعة زى دى فاضية = أكتر من 3 مليون ج
بمعنى إذا كان عندك قطعة تمنها 600 ج زمان فهى الآن
= 3 مليون ج و على ذلك قارن العربات و العقارات ..
و ما تنسى غنو كان مغترب في الإمارات برضو
و في وظيفة معتبرة ..
بالنسبة لى عادى جداً الكلام دا .. و هو الآن رئيس
البلد يعنى لازم يكون عندو راتب و مخصصات ..
البشير فرط في السودان
فأنقسم بذلك تلت البلد ببشرها وثرواتها وخيرها
أليس هذا وحده دليل فشل؟؟؟؟؟؟؟
البشير ما فرط فى السودان و لكن صحح و ضع
كان غير مريح للشمال و الجنوب منذ الإستقلال و قبل
تقرير مصير السودان ذاتو ... أخواننا الجنوبيين كانوا رافضين
فكرة دولة السودان الواحدة من سنة 1947 ... بس بضغوط
بريطانية خبيثة أعلنوا موافقتهم جهراً و أخفوا رفضهم في
صدورهم مع محاولات متعددة لإقناع الإنجليز ليقفوا في
صفهم و يعلنوا مديريات أعلى النيل و بحر الغزال و الاستوائية
بحدودها المعروفة في ذلك الوقت - قبل الإستقلال - دولة قائمة
بذاتها و لكن الإنجليز أصروا على رأيهم حتى يكون الجنوب
شوكة في خاصرة دولة وادى النيل التي كان من المفروض
أن تقوم بعد تقرير المصير و حدودها من البحر الأبيض المتوسط
إلى آخر حدود السودان الشمالى المعروفة في ذلك الوقت .. و معلوم
للكل أن سياسة الإنجليز قد تبنت نظرية فرِّق تَــسُــد في كل مستعمراتها
السابقة و التي ما تزال خلافاتها تولد حروباً بين الدول ...
على كل ٍ و بناءاً على إتفاقية تقرير المصير للجنوب إختار أهل الجنوب
الإنفصال و ان يبنوا دولتهم بأنفسهم و هذا حقهم كما كان إختيار أهل
السودان عام 1954 الإنفصال من مصر .. فهل معنى ذلك أن المصريين
يجب أن يبكوا على إنفصال السودان كما تبكى أنت الآن على الجنوب ؟؟؟
في فهمى أنا و وجهة نظرى ذلك عين الصواب ...
أستمرت الحروب في زمنه لطيلة فترة حكمه
الحروب لم تكن باختياره و أنت تعلم ذلك و تعلم
أسبابها و هي تدخل سافر من قوى فتت دول المعسكر
الشرقى السابق كله بدءاً من الإتحاد السوفيتى و حتى
كوسوفو بل و حتى أندونيسيا و سوريا و العراق و لن
تتوقف حتى لا تكون في العالم دولة تزيد مساحتها عن
300 ألف كلم مربع خارج سطوة الغرب المتجبر
و الحكومة العالمية ... و بعض من المتعلمين من أبناء
الأقاليم المكتوية بنار الحرب يخدمون هذا المنحى إما
طمعاً في مال أو سلطة أو بغباء بعضهم ... و نضِّف
نظارتك كويس و عاين شوف كلامى دا في الواقع اليوم ..
الحرب وين و تلوب الحرب و تماسيحها ممددين وين ؟؟
وأحتلت دولا مجاورة أراضي سودانية إغتصابا
فكيف لمثل هكذا مفرط أن يحكم بلدا؟؟؟؟؟
بما إنو الحدود الخلوها الإنجليز بيننا و بين جيراننا
غير مُرسَـمـة و تمتد لمساحات واسعة فمشاكل الحدود لن تنتهى
و كما نصر نحن أن هذه المنطقة تتبع لنا ، يصر الجار على أنها له
و إذا لجأ أحدهما للتحكيم الدولى الذى من شروطه موافقة الأطراف
المتخاصمة يرفض الطرف الآخر التحكيم . لذلك تتدخل الحكمة
لتجميد الوضع على ما هو عليه راهناً على أمل الاتفاق مستقبلاً
و إلا فالبديل الحرب ... و أنت لا تريدها ..
قام البشير بإعتقال آلاف من السودانيين
بما في ذلك شيخه الترابي
وقادة البلد من الصادق لأبو عيسي
كل من يخرج على القانون و سطوة الدولة مهما
كان نظام حكمها فإن الدولة ستعتقله بلا شك و يطول الاعتقال
و يقصر على حسب تقدير الضرر المتوقع من بقاء هذا الشخص
طليقاً و هذا إجراء سيادى أصيل لأى دولة و لا ملامة فيه أبداً
وشرد ملايين من السودانيين
من أعمالهم ومن ثم من بلدهم
أتفق معك جزئياً هنا على بضع مئات و ليس ملايين
و من ناحية أخرى أقول لك أن معظمهم هاجروا و فتح الله
عليهم بأوضاع أحسن مما كانوا فيها و بعضهم إستقر بالبلاد
و ضربوا السوق و الزراعة و نعنشوا خالص خالص ..
عندى أصحاب من ديل و من ديل ... و بعدما كانوا بيسبوا
للإنقاذ هسع بقوا يقولوا الحمدلله الحصل ليهم لأنوا ربنا
حسن أوضاعهم كتيير ...
وتسبب في فشل كل مؤسسات الدولة ومشاريعها
من مشروع الجزيرة
والمشاريع المروية
والخدمة المدنية
والسكة حديد
والنقل النهري
والبوستة
والنقل الميكانيكي
والخطوط الجوية السودانية
والخطوط البحرية السودانية
ومصانع الغزل والنسيج
هنا برضو للحق و الحقيقة أتفق معاك في بعض المؤسسات
و خاصةً التعاونية أما البقية فكانت أسبابها متباينة و أصر
أنا على أن سبب فشلها قد بدأ منذ أيام الراحل المقيم جعفر نميرى
رحمة الله عليه و طيب الله ثراه ثم تتابعت الأسباب و الإحباطات
و أظهرها هو الترهل الوظيفى في المؤسسات الخدمية كسودانير
و السكة حديد و مصانع الؤسسة العامة للإنتاج الصناعى إذ أن معظمها
قد فاضت فيه أعداد العمالة أضعاف اضعاف الأعداد المناسبة للتشغيل
و بالتالى زادت الرواتب و المخصصات ففاقت المصروفات الإيرادات
و تراكمت الخسائر سنوات إثر سنوات و أصبحت كالدمامل و المعروف
أن الدمل إذا لم يتم علاجه فإما ينفجر أو يسبب أمراضاً اخطر ... و هكذا
و لشىءٍ قدره الله حدث ذلك خلال فترة الإنقاذ التي كما تعرف فاقمت
الأوضاع فيها المقاطعة الاقتصادية الجائرة من دول قصدت إنهاك البلاد
بالحروب و تهديد الدول الأخرى من تقديم المعونات التقنية اللازمة للتسيير
لكثير من المشاريع حتى الدول العربية وقفت موقف الخائف من سطوة
أمريكا و عقوباتها ... و مع ذلك ســارت البلاد و اعتمدت على الله
و طورت كثيراً من الموارد والإمكانيات بل و بعض المواقف السياسية
مما سيكون له الأثر المباشر في التنمية التي يعد بها سيادة الرئيس البشير
قبل مدة ليست بالقصيرة و إن شاء الله سيعم خيرها أنحاء البلاد عاجلاً ..
هل ترضي بفاشل مثل هذا خفيرا في بيتكم
لا أوافقك أن تقول أن سيادة الرئيس فاشـل
لأنى ببساطة اعتبره شجاعاً و صادقاً في الغالب الأعظم
من قراراته .. هذا أولاً .. و ثانياً لأنه من ولاه الله علىَّ
و طبعى ألا أتمرد على أمر الله ... كما أننى أفخـر به
رئيساً لبلادى كما أفتخرت من قبل بالراحل البريجيدير
عبدالله خليل و الراحل الفريق إبراهيم عبود و الراحل المشير
جعفر نميرى رحمة الله عليهم أجمعين و كما أفاخـر دوماً
بالرجل الصالح المشير عبدالرحمن سـوار الدهب أمد الله
في عمره الصالح ... و لا أعتد بغيرهم و لا أفاخر ...
دع عنك رئيس يتحكم في حيوات ملايين من البشر
وضعفهم من الأنعام؟؟؟؟
أسـأل الله أن يوفقه و يحفظه و أن يجعل القادم من أيامه
سخاءاً رخاءاً و أمناً و سلاماً و اماناً على سـائر البلاد و العباد ..
تخجل ولا نخجل ليك؟؟؟؟؟؟؟؟؟
هنا خلينى أقول ليك غفر الله لنا و له و لكم
و إنى أفخر به رئيـســاً و لا أخجل من شيء إقتنعت به ...
| |
|
|
|
|
|
|
|
|
 Re: صــوتى أنـا ؟؟ للـبـشـــــــــير و بلا تـ (Re: العربي إبراهيم العربي)
|
يا ... ود المدير ...
Quote: إنت مفتكر نفسك دمك خفيف ... و نقدك ظريف ... بس هو غير
كدا تماماً و دايماً الموضوع في وادى و حضرتكم في أبعد وادى ..
لأنى دايماً قاعد أشوف مواضيع بوستاتك كلها مجرد كلام للظهور
أو قايم سدارى في مشاحنة مع زول أو أزوال تانيين .... |
ــــــــــــــــــــــــــــــ
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: قسم الفضيل مضوي محمد)
|
Quote:
أهلاً معاوية
إنت طبعاً واحد من التلتاشر معارض القلتهم أنا في مداخلة سابقة
بس دى أول مرة أداخلك فيها في موضوع ... و مداخلتى ليك
أظنها ما بتعجبك لأنها ما مجاملة ...
إنت مفتكر نفسك دمك خفيف ... و نقدك ظريف ... بس هو غير
كدا تماماً و دايماً الموضوع في وادى و حضرتكم في أبعد وادى ..
لأنى دايماً قاعد أشوف مواضيع بوستاتك كلها مجرد كلام للظهور
أو قايم سدارى في مشاحنة مع زول أو أزوال تانيين .... و دا حقك
و رايك ... و كمان أنا و البسطاء المتلى ... دا راينا و عاجبنا ...
و البلد شايلانا كلنا و لما الخير إن شاء الله يعمها كل الناس
بيصلها ... و ربنا ما يجيب الزعل البيفرق بين الناس مهما حصل
و كلها إن شاء الله كم سنة و تجى الانتخابات الجايية و ممكن من
هسع تشوفوا ليكم واحد منكم إنتو التلتاشر عشان ترشحوه لرئاسة
الجمهورية .... مش جايز يفوز ؟؟؟ ما تضحك من كلامى دا ...
أي نعم هو كلام بارد و ثقيل بس جايز إتحقق لأنو الأمر دا بيد
المولى تبارك و تعالى يؤتيه من يشاء و ينزعه ممن يشاء ...
كان في زول بيصدق إنو مصر بعد حسنى مبارك و سطوتو
يجو فيها 4 حكام في 3 سنين ( طنطاوى و مرسى و عدلى
منصور و ام سيسى ) ؟؟؟
و لغاية الوكت داك كان صاحب الكون مد في آجالنا ، نحن
مع البشــير و بلا تردد و أسأل الله له النصرة و التوفيق ...
و دمتم في حفظ الله .... |
سلآمات يا مأمون .
الـ13 الشتمتهم مُش ؟.
Quote: و علىَّ الله كلهم ما منهم فايدة ... غير النميمة و الكضب ..
المشاطات ذاتن إتحضرن و خلن النميمة لى ناس المواقع الإسـفيرية ... |
والله يا مأمون أخوي لو تجيبلك طار ؤُ تقعد هنا تشتم في ود المدير الليل والنهار ما
يشتمك ؤُ لو لقيتني عدييييل ؤُ شتمتني ما اشتمك، واخبر محل الشتيمة بتمشي وين ؟.
مسألة الكضب دي كتيرة والله، يا اخي المسلم دا ممكن يسوي السبعة وزمتا بس
الكضب دا لو حصل يبقى إمورو إنتهت . ما بالك يا مأمون برجل ظلّ يكذب لمدة
25 عام !؟، وأكبر كذبة كذبها كانت في حق الله سبحانه وتعالى وفي شرعه.
يا مأمون يا اخوي انا بايعت علي شرع الله خوفاً من يوم ان أقف أماهه، ونقضت
البيعة بعد أن ظهرت الحقيقة برضو خوفاً من يوم ألقاه، كانوا عندما يشككونا في
البشير وزمرته نستشهد بمقولة إبن عمر . والله إستغرب لإنسان ما زال يبايع !،
بعد مُضي 25 عاما !، هذا والله العظيم إنسان في بيعته دخَن .
يا مأمون انا هنا عشان اتداخل مع الناس ؤُ يداخلو معاي، و مداخلتك والله ما زعلتني،
بل أنا الدخلت معاك في بوستيك ؤُ كدي خلني اوقعلك كلآمي تاني، يا اخي أنا بأختصار
قُتلك، مسألة تهب صوتك للبشير ما محتاجة لفتح بوست ؤُ دأ رأي، تجي تقول لي
الشياطين الـ13؟! .
أنا وحات الله ما طالب مَنّك تجاملني والحاجات الوضحتها لي لو إنت شايف إنها
عيوب، فبارك الله فيك أن أهديت لي عيوبي .
بعدين ما يغيب عليك إنو ربنا بيدي الحكم للبر والفاجر، فإذا ربنا أعطي المُلك لشخص
هذا لا يعني انّ هذا الشخص شخص صالح .
تعرف يا مأمون، اسوأ شي ان يعتقد الإنسان في نفسه أنه أحرص من الأخرين علي
الدين، والأسوأ من ذلك ان يعتقد انه أكثر تديناً منهم .
مسألة تصف اخوانك بأنهم اسوأ من المشاطات بأعتبار أن المشاطات تركن النميمة
والكذب وهم ما زلوا متمسكين بيهن تتعارض تماماً وبيعتك في المنشط والمكره علي شرع
الله وكتابه وسُنّة رسوله، الذي تركنا علي المحجة البيضاء وصفة المولى تبارك وتعالى
بأنه علي خُلُق عظيم، وكان خُلقه القرآن .
يا أخي امش ادي صوتك للبشير واعلم ان المسألة بالنسبة لي انا رأي و رأي مخالف
والقاسم المشترك بين الناس مصلحة الوطن، والكُل ينظر ليها من وُجهة نظر مختلفة،
واللآ رايك شنو ؟...
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: معاوية المدير)
|
ود المدير - ســـلامى و إحترامى لك
متفقين تب في مصلحة الوطن ... و متفقين كمان في كلو زول
ليهو رأى و ممكن نختلف في آراءنا ... يديك العافية ..
عن نفسى و العياذ بالله ما ادعيت و لن و لا أدعى أنى أحرص على
الدين أو أكثر تديناً من الآخـرين ... و كمان أزيدك في الشعر بيت
انا فهمى إنو أي مسلم سجد لى مولانا جلَّ و علا فـِرِد سجدة هو
أحسن منى مليون مرة ... أكيد .. و كونى وصفت ... نعم حصل
و أستغفر الله لى و لكم ... بس .. لما يجيك واحد مستفز بعد مرات
بتدوس بنزين للآخر ...
أها يا أخوى انا و الله قناعاتى في الرئيس ربنا يديهو الصحة و العافية
في محلها .. و بديهو صـوتى تب إن شاء الله كان حضرت يوم الجمعة
الباكر دا و كان صاحب الأمانة شال امانتو ... نيتى ياها دى ... و أسأل
الله الصواب فيها ... و إنت يا أخوى ربنا عليك يسهِّل و علينا يمهِّل ..
و ليك تحيات خاصات على سعة صدرك و أخلاقك الرياضية ...
و دمتم في حفظ الله و رعايته ..
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: Yasir Elsharif)
|
الترابي قال هنا عن البشيرأنهم جاءوا به من الجنوب ولم يشترك في التخطيط للانقلاب..
بس قام من نومو لقى الرئاسة وماسك فيها ليهو ربع قرن..
https://http://http://www.youtube.com/watch?t=52andv=UYFPQbtC9_4www.youtube.com/watch?t=52andv=UYFPQbtC9_4
اللقاء دا في يناير 2012 [يوتيوب]
وأنت قلت إنو لو ما كان ناجح ما كان قدر يحكم 25 سنة.. أهو القذافي حكم 42 سنة، هل كان ناجح؟؟
ياسر
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: عبدالكريم الاحمر)
|
و الله بعدما كتبت ليك رد سفيه من قاموس المنطقة الصناعية يليق
بمقامك السافل ... رجعت مسحتو و قلت ياخ عامل بيهو الله ..
و اتذكرت قول الشاعر :
إذا أتتك مذمتى من ناقصٍ @@@@@ فهى الشهادة لى بأنى كامل
و الكمال لله ... و هنا في المنتدى دا كلنا نكرات .. تكون أحمر و لاَّ
بنفسجى ...
هذه قناعاتى و قناعاتك عندك ...
و صوتى للبشــير ... و بلا تردد إن شاء الله ...
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: عمر نملة)
|
كلامك صاح .... بس أنا تاريخى لى يوم الليلة متكيف منو
و باكر كان الله صبحنى طيب .. طوالى على الصندوق و صوتى للبشــير
و بيعتى لـيهو ياها القريتها و ما عجبتك دى ...
مداخلة ناصـر رديت عليها على مراحل عشان الشغل هنا ... أرجع
شوف ردودى عليهو ..
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: عوض سيد أحمد)
|
الأخ عوض سيد أحمد ... متفقين في حرية إختيار من تريد
شمولية يعنى شـــنو ؟؟
الإنقاذ ياخ ربنا جعلها خير للغبش مش لى ناس السندكالية ..
اليوم لا توجد أسرة ليس من بينها الطبيب و المهندس و الضابط
و القاضي و المحامى و البيطرى و المحاسب و حملة الدرجات
العليا فوق الجامعية ... و قليل جداً ان تجد قرية ما فيها مدرسة
ومركز صحى ... زمان الشمولية البغيضة كل السودان محكوم بعدة أشخاص
من كم أسرة اليوم في أبعد قرية يمكن للإنسان البسيط أن يذهب للمعتمدية
و يقابل المعتمد و ضابط المحلية و أصبح البسطاء من الناس هم آباء
هؤلاء المسئولين من ولاة و وزراء و معتمدين و مدراء و ضباط و قبل
الإنقاذ كان كل ذلك حلم لا يتم إلا بتوصية من أصحاب المقام العالى في
بيوتات بعينها ... غفر الله لنا و لأهلها .. في زمن الإنقاذ إغترب الناس
و أصلحوا أحوالهم و أنعم الله عليهم من فضله الكثير فبنوا المباني التي
كانت حلماً لبعضهم و ركبوا أحدث الموديلات من السيارات و لبسوا
البدل و فاخر الثياب دون إذن من أحد و لا واسطة .... في كل مناحى
الحياة تجد من فضل الله للإنقاذ أثراً ظاهراً ... و لكن كيف يرى من
يغمض عينه عمداً و كيف يحكم عدلاً إن كان حكمه الجائر مسبقاً
و كل ذلك من أنعم الله التي منَّ بها على عباده و لكنهم لا يقلبون الشكر
لله بل هم عن الحق يعدلون ...
أحدثك عن قناعاتى بالإنقاذ و أشهد الله أنى لا أريد منها و لا من حكامنا
شيئاً لنفسى و حتى لا يظن البعض أنى من المنتفعين منها فإننى و الله كنت
قبلها أركب السيارات المرسيدس و بعدها لم تعد عندى سيارة و لم أملك
منزلاً و نعيش في بيت إيجار مثلنا و مثل الكثيرين من فقراء بلادنا و لكنى
داهمت الستين عاماً عمراً و وعيت على الحياة في أواخر حكم عبود و عشت
و الحمد لله حتى الآن إبان عهود كل الحكومات السابقة و حتى اليوم و في قناعتى
التامة لم يمر زمان أنعم الله فيه علي بحكم كهذا العهد ... و قد يكون ذلك لأن
فهمى للحياة و نظرتى يختلفان عن الكثير من الناس ... و لا أفرض عليك أو على
غير نفسى أن يقتنع بقناعتى كما لا أرضى أن يحجر على أحد فكرى و قناعاتى ..
و بس ....
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: مامون المعتصم أحمد)
|
كتب الأخ ياسر الشريف
سلام يا أخي مأمون المعتصم أحمد
من الذي قال للآخر: اذهب إلى القصر رئيسا وأذهب أنا إلى السجن حبيسا؟؟ أليس هو الترابي عراب الانقلاب ومدبره والجاب البشير ذاتو؟
ربما تكون قد شاهدت الترابي يقول "ملمحا" للبشير بحديث الجعلي والغرباوية وهو حديث سارت به الركبان.. "كلكم تعلمون من الذي يؤدي الناس القسم أمامه" في تلميح أكثر صراحة من هذا؟؟
البشير قال هذا الكلام، والدليل أنه لم يستطع أن يقاضي الترابي لأن المسألة عندئذ بتجيب ليها شهود على القسم.. دفع الله الحاج يوسف البنعرفو ما أظن يحلف ويسكت عن ذكر إسم قائل الكلام. وأهو الكلام.. فإن كنت لا تعرف وتنكر فهذه مصيبة.. وإن كنت تعرف وتنكر فالمصيبة أكبر..
https://http://http://www.youtube.com/watch?v=BeHJYmxj4YIwww.youtube.com/watch?v=BeHJYmxj4YIhttp://http://www.youtube.com/watch?v=BeHJYmxj4YIwww.youtube.com/watch?v=BeHJYmxj4YIhttp://http://www.youtube.com/watch?v=BeHJYmxj4YIwww.youtube.com/watch?v=BeHJYmxj4YIhttp://http://www.youtube.com/watch?v=BeHJYmxj4YIwww.you.../watch?v=BeHJYmxj4YI
يـا يـاســــر يا أخـوى .... كـبِّر عـقلك معاى لو ســمحت
أنا قلت صـوتى للـبشـــــير بدون تـردد و أديــتـو صــوتى و لله الـحمد ..
شــفتنى جـبت ســيرة الـترابى هـنا ؟؟؟ مـلايين الـمرات قـلت إنى
أحــترم الـترابى كـفـيلـســــوف زيو و زى أي فـيلسـوف يجى في
راسـك بـس ما بـعـترف بـيهو عـالم ديـن أبـداً أبـداً و لا أنـا من
تلاميذو و لا أتـباعـو ... قال ما قال دا كـلام بيـخصو هــو براهـو
و مـســئول مـنو أمام الـمولى جـلَّ و عـلا و أنا مـســــئول من كلامى
دا برضـو و مـســئول من بيعتى لـلـبـشـــــير و لا يغير رأيى ما
جـلبته انت مـن فـيديوهـات مشــروخة لا إعـتبار لها عـندى ..
مع تقديرى لـتعبك عشـان تنزلها هـنا .... كلامى واضـح ؟؟؟؟
شوف محمد كريشان قال عن ما يحدث شنو؟؟
مشهد سوداني كئيب
"مسرحية بسيناريو مفضوح وإخراج سيىء، على مسرح متهالك، وممثلين لا يجيدون لعب الأدوار. وحدهم المنتفعون يصفقون" ... هكذا لخّـص أحد السودانيين على موقع للتواصل الإجتماعي المشهد في بلاده مع هذه الانتخابات العامة البرلمانية والرئاسية الأخيرة… وقد صدق.
سيناريو مفضوح : انتخابات يعرف الجميع نتيجتها مسبقا قبل أن تبدأ، انتخابات صورية للحفاظ على وضع بائس قائم منذ خمسة وعشرين عاما. الانتخابات أسلوب إهتدى إليه الناس في العصر الحديث لمحاسبة الحكام على تقصيرهم والإتيان بغيرهم بديلا لتجديد العطاء البشري وتنشيط شرايين مؤسسات الدولة..إلا عندنا. السودان هنا حالة نموذجية تـُــدرّس فعلا لأنها لا تعني سوى أن الشعب الذي يختار التجديد الدائم لمسببي مأساته المتواصلة إما أنه غائب عن الوعي أو أنه يتلذذ بتعذيب نفسه، ومن الصعب قبول أي منهما عقلا وواقعا.
إخراج ســـيىء: محاولة إظهار أن هذا الموعد يجري على ما يرام بحيث أن أكثر من 13 مليون ناخب تقدموا بكل همة وحماسة إلى هذه الانتخابات «التاريخية» كما وصفها مساعد الرئيس السوداني إبراهيم غندور بحيث كانت مشاركته «كبيرة» وفق تعبير الحاج آدم أحد قيادات الحزب الحاكم. ليس هذا فقط بل إن هذا الإقتراع جرى بوجود «مراقبين» من الجامعة العربية والاتحاد الإفريقي الذين لم يعرف عنهم سوى تزكية كل انتخابات مهما كانت خروقوتها أو حتى رداءتها.
مسرح متهــــــالك: بلد خسر ثلث أراضيه بانفصال جنوبه عام 2011 ومهدد فيما بقي بسبب حروب تمرد قتل فيها زهاء الـــ 300 ألف شخص وفق تقديرات الأمم المتحدة. بلد فقد سكانه الــــ 38 مليون قرابة ثلاثة أرباع عائداتهم النفطية التي لم يستفيدوا منها أصلا لا في تطوير صناعة ولا زراعة ولا بنية تحتية ولا مدارس ولا مستشفيات ولا خدمات ولا غيرها فكيف إذا حرموا منها الآن؟!
ممثلون لا يجيدون لعب الأدوار: أولهم رئيس يحكم منذ 25 عاما وما زال يقول هل من مزيد، رجل مطلوب للعدالة الدولية وصدرت بحقه عام 2009 مذكرة توقيف دولية بتهمة ارتكاب جرائم حرب وجرائم ضد الانسانية في دارفور وأخرى عام 2010 بتهمة ارتكاب إبادة فقرر التخلص من جنوب البلاد علّ ذلك يكون له شفيعا فلما فشل قرر أن يأخذ شعبه بالكامل درعا بشريا يحميه من قدر قد يتمكن من تأجيله لكنه لن يفلت منه. مع ذلك فالبشير ليس وحده، فها هم 44 حزبا يتنافسون في انتخابات يعلمون جيدا أنهم لن ينالوا منها سوى بعض الفتات إما لأنهم أضعف من أن ينالوا شيئا أو لأن حزب المؤتمر الوطني الحاكم ليس مستعدا لأن يترك لهم شيئا والأرجح لكليهما. اما أولئك الـــ 15 مرشحا للرئاسية فغالبتهم الساحقة مجهولون من الشعب، كما تنقل أغلب التقارير، مما يجعلهم أقرب لمن رضي لنفسه أن يكون مجرد «كومبارس» يزين المشهد لكن لا يغير منه شيئا.
وحدهم المنتفعون يصفقون: هؤلاء على الأرجح من دائرة الرئيس وحزبه في بلد هو من الأوائل عالميا في مؤشرات الفساد مع أن لا شيء فيه المسكين جاهز للنهب مما يجعل هذا النهب من «اللحم الحي».أما البقية فهم من «الهتيفة» المغلوب على أمرهم، يصفق رجالهم وتزغرد نساؤهم كلما اجتمع بهم البشير فيرقص أمامهم ويرفع في وجوههم عصاه.
ويبدو أن ما تمر به المنطقة العربية عموما من اضطرابات دموية سعى البعض في السودان إلى «الاستفادة» منه لجهة الترويج للقبول بــ»القسمة والنصيب» على أساس أن الرمد أفضل من العمى وهو ما انعكس في تصريحات بعض المواطنين السودانيين التي أوردتها بعض وكالات الأنباء من قبيل تلك السيدة التي قالت لــ «رويترز» إن «الانتخابات أحسن من الحاصل في المنطقة..شوف القتل والموت». وتبقى في النهاية ملاحظتان على عجل:
- المعارضة التي قاطعت هذه الانتخابات لأنها «تقام حالياً في ظروف سياسية سيئة جدا خاصة والحرب مشتعلة وهناك أزمة حريات ومؤسسات» ولأنها «ستكرس وضعا سيئا جدا وسوف تكرر سيناريو الاستبداد والدكتاتورية ذاته الموجود في البلاد»، كما قال كمال عمر الأمين السياسي لحزب المؤتمر الشعبي السوداني المعارض، هذه المعارضة هي جزء من معضلة البلد لأنها لم تعثر بعد على أفق واضح للتجاوز قادرة على قيادته وتحمل تبعاته.
- الجهات الدولية على غرار الإتحاد الأوروبي الذي رأى أن هذه الانتخابات «لا يمكن أن تسفر عن نتائج ذات مصداقية ولها صفة الشرعية» لم تعد لها، بعد كل تقلبات مواقفها وانتهازيتها في التعامل مع الثورات العربية المختلفة، أية مكانة أخلاقية أو سياسية تسمح لها بالتقييم المنصف المراعي لتطلعات الناس وطموحاتهم. هذا يعني أن المشهد السوداني سيمر، وسيمر غيره… حتى إشعار آخر.
محمد كريشان..
أما كـريـشــان دا ... فـهو عـندى نـكرة ....
و في نـظرى هـو من المدسـوســين عـلينا و تأكـيداً
لذلك أنه في لـقاء مع الأســـــتاذ / ســامى الـحاج زمـيله في
قناة الـجزيرة التي أنظـر إليها انا بمنتهى الـريبة و أعتـقـد
أنها مـزروعة هي كذلك لـتدمير العالم الإسلامي و تدجينه
تبعاً لمشــروع الفوضى الخلاقة - و الحديث عنها يـطول -
كان ذلك اللـقاء بعد الإفـراج عن ســامى من جوانتانامو
ذلك السجن اللعين الذى ســجن فيها ظلماً و قهراً بقانون
الغابة .... ســال كريـشـــان هذا الأسـتاذ ســامى إن كانت تصله
رسـائل من اهله أو أصــدقائه ... قال له ســامى بـبـســــاطة
الـســودانيين و طيبتهم ... أن الرســائل الوحيدة التي كانت
تصله هي التي كان يرسـلها له كريـشــان !!!!!!
و اللبيب بالإشـــــارة يـفهم .... يا حـنيِّن يا عـطوف ....
أما هــو فـانا و الله أســتكثر عليه إســم محمد ... لأنه
إســم أعظم خلق الله و أحبهم إليه و خاتم رسله و أنبيائه
عليه أفضل الصلاة و الـســـــلام ... و من يحمله يجب
أن يحمله بحقه من مكارم الأخلاق إلى فـضائل الأعمال
و إلا فـليغير إسـمه بـما يــلـيق بـه ...
و لا أعـرف له جـنســاً و لا وطـناً لأعـرف من يحكمه
و كم قـضى في ســدة الحـكم عنده .. كما و إنى كـســــودانى
بـســيط أحـب رئـيسى الـبـشـــــير جـداً و لـن أضـجر إن أمـد الله
في حـكمه 25 عاماً أخــرى و كما قـلت ســابـقـاً هـذا رأيى لـم أفـرضـه
على أحـد و لا أقـبل أن يـحـجــره عـلىَّ أحــد .... و ليس عندى
لـهـذا الكريـشـان إحـــترام لأنى لا أعـرفه إلا كـموظف يعمل في قناة
تـلـفـزيونية أشــاهتدها أحيانا نـادرة و لا أثق في أي شيء تـبثه ...
إلا مـثل ثـقتى في أن أرى إبليس يخطب خطبة الجمعة يومـاً و هذا
هـو الـمســـتحيل بعينه .. و هـو عـندى مـثله مـثـل أي أجير يعمل
في شـــركة او مـؤسـسـة و يقبض أجــره منها ...بصدق و صـراحة
أعتقد أن الكناس المخلص الذى ينظف الزقاق الـمؤدى إلى مدخل البناية
التي فيها المؤسـسة التي أعمل فيها هو عندى أكثر تأثيراً و تقديراً
من كريـشــان ... لأنه لـو غاب يومـاً واحداً إفـتـقده جميع أهل المنطقة
و هـم بالطبع لا يفتقدون كريـشــان إن غاب أو حـضر .... و هو عندى
مثل قصاصات الورق التي توضع في كراتين شحن البضائع القابلة للكسر ...
يهتم الشاحن جـداً أن يوفـرها قبل الشـحن ... لـيس لأهـميتها بل لأهمية السلعة
المغلفة بها و حال وصـولها إلى الـمـســـتلم يخرج منها بـضاعته ثم يضيق بها ذرعاً
و تكون نهايتها في بـرميل الـقمامة ....
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: مامون المعتصم أحمد)
|
كتب أرباب
Quote:
ال المسعودي: (إن رجلاً من أهل الكوفة دخل على بعير له إلى دمشق في حال منصرفهم عن صفين، فتعلق به رجل من دمشق فقال: هذه ناقتي أخذت مني بصفين،
فارتفع أمرهما إلى معاوية، واقام الدمشقي خمسين رجلاً بينة يشهدون أنها ناقته، فقضى معاوية على الكوفي وأمره بتسليم البعير إليه فقال الكوفي: أصلحك الله انه جمل وليس بناقة
فقال معاوية: هذا حكم قد مضى، ودس إلى الكوفي بعد تفرقهم فأحضره وسأله عن ثمن بعيره فدفع إليه ضعفه وبرّه وأحسن إليه وقال له: أبلغ علياً أنّي أقابله بمائة ألف
ما فيهم من يفرق بين الناقة والجمل. ويضيف: ولقد بلغ من أمرهم في طاعتهم له أنه صلى بهم عند مسيرهم إلى صفين الجمعة في يوم الأربعاء...)
ههههه ... قوية يا دكتور .... عبرت عن واقعنا تماما
و الله دا لو واقعكم ؟؟ إذاً فـليـمرح الغراب فى السراي
| |
|
|
|
|
|
|
|
|
|
Re: صــوتى أنـا ؟؟ للـبـشـــــــــير و بلا تـ (Re: Yasir Elsharif)
|
هسع الحريم ديل عارفات مكتوب شنو في اليافطة دى؟؟؟
و فاهمات المكتوب ؟؟؟ ياخ خاف الله ياخ ...
القامة دا منو ؟؟ أزهـرى ؟؟؟ و الله دا الناس ما عرفتو إلا في زمن
الإنقاذ و لا هو ذاتو شاف المجد و ركب العربات الفارهة إلا في
زمن الإنقاذ ... أنا من رفاعة و عمرى 59 سنة و هو من الحصاحيصا
بيننا و بينهم أقل من 10 كيلو ... على الله ما سمعت بيهو إلا في زمن
الإنقاذ و مرة شـفتو في برنامج بتاع شعر في التلفزيون بيصحح في
شعر المشاركين و تصحيحو هو ذااااااتو داير تصحيح .. معاهو تانى
إتنين ... من يومى داك لى يوم الليلة تانى ما شفت البرنامج داك ..
عشان خايف من النتلى بتاعهم يقوم لى قوبة في راسى الغليد دا ..
عليكم الله الواحد يمرق بعض الناس الزيى أنا العوير دا من المحلات
بتاعة القامة و أب هامة المالية البلد الأيام دى ... في هسع ناس كان
حضروا سيبويه كان كتلو في اليوم مية مرة .... خليك إنت مع القامة
بتاعك ... أما أنا ناقشنى بى كلامك إنت و فهمك إنت .. طيب ؟؟؟
| |
|
|
|
|
|
|
| |
مامون المعتصم أحمد
حيدر حسن ميرغني
الطيب رحمه قريمان
فتحي الصديق
عمر الفاروق عبد الله الشيخ
الشفيع وراق عبد الرحمن
سيف النصر محي الدين
abubakr salih
معاوية المدير
قسم الفضيل مضوي محمد
Nasr
Fatima Alhaj
بدرالدين بابكر مصطفى
عمر نملة
محمد الشيخ أرباب
عبدالكريم الاحمر
د.محمد حسن
عزالدين عباس الفحل
Yasir Elsharif
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست