|
كتب الكاتب الفاتح جبرا المتوفرة بمعرض الدوحة
|
|
 Re: يا ناس الخبرة البشرب فيها الوالي كبر مريس� (Re: صلاح جادات)
|
الاخ دينق
وين صاحبك العبار بريمة شايفو اختفي
Quote: جادات.
غايتو ام جنقر دي يتم إعداداها بعدة طرق مختلفة. يبقى الجماعة ديل أم جنقر بتاعتهم بياتو طريقة؟
وأحمد هارون وكبر ديل بي عيونهم الحمر ديل بكونو ناس عبابير عديل كده.
والعبار اللي أنا شايفو هنا ده، ده أكبر من عبار بريمة بلل.
ولا شنو يا العبار بريمة بلل ؟؟ |
| |
 
|
|
|
|
|
|
|
|
Re: يا ناس الخبرة البشرب فيها الوالي كبر مريس� (Re: صلاح جادات)
|
تحياتي جادات، على العموم المريسة ليست هي المشروب الكحولي السائد في دارفور بل هو البغو لذلك كان يجب أن يكون السؤال عن البغو وفي تلك الحالة لايمكنني الإجابة عليه لأنني لم أره!
ولكن حتى لوكانت الإجابة بنعم فما هي المشكلة؟ فمن المعلوم أن أهل شمال دارفور ينتمون للمذهب الشافعي وليس المالكي والذي سمعت أنه ينظر نظرة متسامحة لمسألة شرب النبيذ تماثل نظرة بعض فروع الحنفية لممارسة الجنس المدفوعة الأجر!
وقد سمعنا الشائعات عن "فكيا" دارفور الذين يكتبون في ألواحهم وأمامهم وعاء المشروب، ومن ضمن ماسمعته من حكايات في ذلك قول أحدهم أن القرآن حار ولابد من تبريده بذلك المشروب!
آمل أن نسمع من خبراء الفقه رأيهم في تلك الشائعات!
| |
|
|
|
|
|
|
|
|
|
Re: يا ناس الخبرة البشرب فيها الوالي كبر مريس� (Re: محمد عثمان الحاج)
|
العبار دينق،
Quote: جادات.
غايتو ام جنقر دي يتم إعداداها بعدة طرق مختلفة. يبقى الجماعة ديل أم جنقر بتاعتهم بياتو طريقة؟
وأحمد هارون وكبر ديل بي عيونهم الحمر ديل بكونو ناس عبابير عديل كده.
والعبار اللي أنا شايفو هنا ده، ده أكبر من عبار بريمة بلل.
ولا شنو يا العبار بريمة بلل ؟؟ |
العبار الأول مريسة كنجيمورو .. والعبار التانى المدبلج مريسة أم جبوك .. النوعين ديل حسب العارفين كل واحد أحلى من التانى.
بريمة
| |
|
|
|
|
|
|
|
|
Re: يا ناس الخبرة البشرب فيها الوالي كبر مريس� (Re: بريمة محمد)
|
سلام يا أخ جادات
تسلم يا رجل رجعتنا لايام العز والهناء
زي ما قال الأخ محمد فضل ابراهيم Quote: حتى لو مريسة
مالو
لو العيش والملح أقصد المريسة تسلك الحوار وحلحلة الأمور
وترجع الأمن والأمان لدارفور الحبيبة |
الدجالين ديل شكلهم بيشربو في عجينة "جنوب دارفور" أم جنقر "شمال دارفور" أسمين لنفس الشي, بس ملخبطين السيرموني... الكاس الكبير دا وضعو صح و بخدم غالبا أم جنقر .....بس المعروف الناس بتكون قاعدة في برش أو في بنابر و الناس بتشرب بكاسات صغيرة بحجم الكورة الصفراء ألفي التربيزة ما بالمغرافة ... عيب كبير الزول يشرب بالمغرافة ....الراجل البشرب بالمغرافة خيبان عند ناس دارفور
المريسة أو البغو أو مديدة الفكي عندنا ناس دارفور نفس الشي غالبا بجهزوها "بصفوها" في زير كبير زي زير الموية ,أساسا بتكون من الدخن المدقوق غير المسحون "طبعا في الدخن في نسبة الاشتراك 'Starch " عالية جدا عشان كدا الناس البشربوها عضمهم بكون قوي و بتديهم طاقة عالية جدا وحاجات تانية وريحتهم تشما من نهاية الحلة "تخريمة: إذا لما فيهم الأخ عزام بالحالة ديك بسيب ليهم السودان" ..... أها المريسة وقت تكون فريش ما بكون فيها زيرو الكحول وبمرور الزمن بيحصل التخمر وبيها بتذدات نسبة الكحول .... ووكت تجهز صاح بختوها في الدولنك "زير سخنتوتي" ومنها كلو واحد بكون عندو كاس و تبداء الشية تولع.
شفت ليي يا أخ "محمد فضل ابراهيم" زمان اهلنا ناس البحار وقت يجو دارفور ما برجعو أبدا .....الوقت داك الناس بتحب بعض شديد وما سمعنا أبدا أبدا بالشي الحاصل اليوم من تفرقة وعنصرية وكراهية وحرب وموت ودمار.
المحيرني بريمة دا لابد الزمن كلو بس الناس تقول مريسة تلقاهو ماسك كاسو ووقف في بداية الصف "وينك يا عبار مشتاقين يا راجل"
تشكر جادات
| |
|
|
|
|
|
|
|
|
|
Re: يا ناس الخبرة البشرب فيها الوالي كبر مريس� (Re: خالد كيبا)
|
Quote: Øياجادات معقول انت لي هسع ما ضقت المشروب الدارفوري الرائع "أم جنقر" الخالي من الكحول؟
|
أما ما في القرعة الأولى ( الصورة الأولى ) فأجزم إنه ( بِرْكيب ) يا ود الحاج وهو من اللبن الرايب ،
وإذا لقيت القرعة دي بتشربه براك أخوي جادات ، وقد جربته في منواشي التي تقع بين الفاشر ونيالا،
وحقيقة غاية في الحلا .
أما القرعة الثانية ( الصورة الثانية ) ، فكأني بسعادة الوالي يقول ( أرقُد يا عيش أنا جُرابك ) .
والتحية للجميع
| |
|
|
|
|
|
|
|
|
|
Re: يا ناس الخبرة البشرب فيها الوالي كبر مريس� (Re: محمد فضل الله المكى)
|
ول أبا خالد كيبا،
سلامات ..
Quote: عيب كبير الزول يشرب بالمغرافة ....الراجل البشرب بالمغرافة خيبان عند ناس دارفور
المريسة أو البغو أو مديدة الفكي عندنا ناس دارفور نفس الشي غالبا بجهزوها "بصفوها" في زير كبير زي زير الموية ,أساسا بتكون من الدخن المدقوق غير المسحون "طبعا في الدخن في نسبة الاشتراك 'Starch " عالية جدا عشان كدا الناس البشربوها عضمهم بكون قوي و بتديهم طاقة عالية جدا وحاجات تانية وريحتهم تشما من نهاية الحلة "تخريمة: إذا لما فيهم الأخ عزام بالحالة ديك بسيب ليهم السودان" ..... أها المريسة وقت تكون فريش ما بكون فيها زيرو الكحول وبمرور الزمن بيحصل التخمر وبيها بتذدات نسبة الكحول .... ووكت تجهز صاح بختوها في الدولنك "زير سخنتوتي" ومنها كلو واحد بكون عندو كاس و تبداء الشية تولع.
شفت ليي يا أخ "محمد فضل ابراهيم" زمان اهلنا ناس البحار وقت يجو دارفور ما برجعو أبدا .....الوقت داك الناس بتحب بعض شديد وما سمعنا أبدا أبدا بالشي الحاصل اليوم من تفرقة وعنصرية وكراهية وحرب وموت ودمار.
المحيرني بريمة دا لابد الزمن كلو بس الناس تقول مريسة تلقاهو ماسك كاسو ووقف في بداية الصف "وينك يا عبار مشتاقين يا راجل" |
وأسألوا أهل الذِكر إن كنتم لا تعلمون ..
يا ول أبا خالد، ناس دينق فى الأمارات، مربينهم بالمشك .. بعد المريسة ما يصفوها، فضلات المريسة من الخميرة تجمع فى شكل مداميك وبدوها لناس دينق .. العملية بتشبه إلى حد كبير لما يُعصر الزيت .. باقى الأمباز يقابل المشك فى حالة المريسة .. الزول المربينه بالمشك لا يستطع المصارعة ولا يقدر يجرى مسافات طويلة ... زول نَفَسو قايم وما عنده أى لياقة ..
بعدين يا ول أبا خالد، يبدو لى، من جانب، أن العبار الأول عبار يشبه "قدو قدو" .. وحسب العارفين "القدو قدو" ول عم مريسة الدخن .. ويقول العارفين: "قدو قدو لو زدتها موية زدتها كترة .. ولو زدتها سكر زدتها حلاة" ..
يا ول أبا خالد، عبار مريسة شنو أنا زول بقارى وبغطس فىه شنبى ..! أنا زول بشرب عبار "البركيب" .. زمان لما كنت صغير فى السن حبوبتى كل صباح بتسقينى كأس بركيب (اللبن الرايب) .. وذات مرة ضربتنى ملاريا .. حبوبتى قالت "أفوو أنا قاعده وول بتى (بنتى) تمسكوا الملاريا"! .. على مدار أسبوعين أو يزيدن، تدق حبوبتى اللبن وتستخرج الزبدة وتخلطها تانى مع البركيب وتخلطهم بالسكر .. يعنى مثل الزبادى .. والحمد الله الكمدة بالرمدة .. حتى وفاة حبوبتى لم أصب بملاريا .. أولادى هنا فى أمريكا لما قلت ليهم كنت بأكل زبده .. قاعدين يضحكوا: "بابا كان بأكل ال butter" .. قالوا لى تمشى الدكتور تفحص الكلسترول .. والحمد الله رأسى ما بوجعنى ..
بريمة
| |
|
|
|
|
|
|
|
|
|
Re: يا ناس الخبرة البشرب فيها الوالي كبر مريس� (Re: اباذر عبد العال)
|
تحياتي يا جادات ولضيوفك الكرام
| Quote: ولكن حتى لوكانت الإجابة بنعم فما هي المشكلة؟ فمن المعلوم أن أهل شمال دارفور ينتمون للمذهب الشافعي وليس المالكي والذي سمعت أنه ينظر نظرة متسامحة لمسألة شرب النبيذ تماثل نظرة بعض فروع الحنفية لممارسة الجنس المدفوعة الأجر! |
اخي محمد عثمان الحاج .. هل يبيح الشافعية شرب النبيذ والاحناف ممارسة الجنس مدفوع الاجر؟ هذا كلام غريب .. ماهي ادلتك على ذلك؟
تحياتي
| |
|
|
|
|
|
|
|
|
|
Re: يا ناس الخبرة البشرب فيها الوالي كبر مريس� (Re: عادل ابراهيم احمد)
|
أخي عادل هناك اختلافات بين المذاهب في تعريف الخمر والزنا، وإذا بحثت في قوقل ستجد الكثير من المعلومات، ولكننني لم أجد مايشير لأن الشافعية لديهم نظرة متسامحة تجاه الخمر أو النبيذ ولكن وجدت أن الحنفية لديهم موقف مختلف فيما يخص النبيذ إضافة لموقفهم من الزنا بأجر! ولكن لم أسمع بأن هذا المذهب موجود في دارفور!
| |
|
|
|
|
|
|
|
|
|
Re: يا ناس الخبرة البشرب فيها الوالي كبر مريس� (Re: aosman)
|
.
عند ما مدَّت لي فاطنه مِيَّه وحداشر كورة ( مريسة أبيض ) في إنداية بور ، وفاطنه استمدَّت ( ميَّه وحداشر)
هذه من الثلاثة شلوخ العامودية التي حُفِرت على كل جانب من وجهها ، فهي من دينكا عالياب .. (111). ،
قلت لها معتذراً : إنني لا أتعاطى الكحول ! فانتفضت زعلاً من جهلي !!
أما صديقي الفنان الذي دعاني لحضور فاصل من أغانيه التي يقدمها في إنداية فاطنه مِيَّه وحداشر، التي
يرتادها كبار الموظفين ، فقد قال واصفاً مريسه أبيض بأنها ( شبع وروى ).
وما زال البحث جارياً لمعرفة ما في قرعة الوالي الثانية !.
| |
|
|
|
|
|
|
| |
صلاح جادات
Deng
محمد فضل ابراهيم
قسم الفضيل مضوي محمد
محمد إبراهيم علي
بريمة محمد
خالد كيبا
محمد فضل الله المكى
اباذر عبد العال
عادل ابراهيم احمد
Mahjob Abdalla
ست البنات
aosman
ahmedona
فيس بوك
تويتر
انستقرام
يوتيوب
بنتيريست